syle-hoxha

​ Nuk arriti të bëhej kryeprokuror në Prizren, Sylë Hoxha bëhet prokuror special

Pasi nuk arriti të rizgjedhej kryeprokuror në Prizren, Sylë Hoxha është zhvendosur në Prishtinë duke marrë pozitën e prokurorit në Prokurorinë Speciale.

Periskopi.com Lajme

 

Ish kryeprokurori i Prizrenit Sylë Hoxha, i cili në garën e fundit për kryeprokuror të Prokurorisë Themelore në Prizren u mund nga prokurori special Admir Shala, sot konfirmoi për KALLXO.com se është transferuar në Prokurorinë Speciale në Prishtinë.

“Nesër do të fillojë punën në Prokurorinë Speciale” tha Hoxha.

Sylë Hoxha ka qenë kryeprokuror i Prokurorisë Themelore në Prizren për një mandat të plotë katërvjeçar. Brenda kësaj kohe ai ka qenë edhe ushtrues detyre i Kryeprokurorit të Shtetit deri në zgjedhjen e Aleksandër Lumezit në këtë pozitë.

Gjatë muajve të fundit, Hoxha ka qenë i përfshirë në polemika me zyrtarë të Lëvizjes Vetëvendosje pas vdekjes së Astrit Deharit në qendrën e paraburgimit në Prizren, në nëntor të vitit të kaluar.

Syle Hoxha

Hoxha thotë se hetimet për Deharin s’kanë përfunduar, në kërkim të shkaktarëve

Kryeprokurori i Prokurorisë Themelore në Prizren, Sylë Hoxha, që në një konferencë për shtyp ka dhënë detajet e hetimeve të deritanishme për vdekjen tragjike të Astrit Deharit, ka thënë për Koha.net se hetimet nuk kanë përfunduar.

Periskopi.com Lajme

“Hetimet vazhdojnë, ato nuk kanë përfunduar. Në çdo moment nëse na ndryshon diçka gjendja ne kemi me ndjek. Deri tani nuk kemi të dyshuar. Nëse gjatë hetimeve na del diçka ne sigurisht se do të vazhdojmë”, ka thënë Hoxha, për Koha.net.

Bazuar në konferencën për media që Hoxha ka mbajtur sonte, si dhe në bazë të raportit të autopsisë për ish-aktivistin e Vetëvendosjes, Astrit Dehari ka vdekur nga asfiksia e shkaktuar nga vetë ai.

Hoxha ka konfirmuar për portalin se hetimet janë duke vazhduar edhe në pistën e shkaktarëve që kanë mundur të çojnë në këtë veprim të tij, e që për familjen Dehari, avokatin Tomë Gashi dhe për Lëvizjen Vetëvendosje është e pabesueshme.

“Hetimet janë duke vazhduar edhe në këtë drejtim, dhe ne do ta çojmë deri në fund. Të gjitha provat materiale, përfshirë edhe ditarin e tij janë në ekzaminim”, ka thënë Hoxha.

lvv_2689

Haxhiu: Prokurorët që po hetojnë rastin e Deharit, nuk kanë kredibilitet profesional e moral

Periskopi.com Lajme

Lëvizja Vetëvendosje ka mbajtur sot një konferencë për media në lidhje me rastin e vdekjes së aktivisitit Astrit Dehari.

Deputetja e këtij subjekti politik, Albulena Haxhiu, ka thënë se VV dhe familja Dehari kanë kërkuar që vdekja e Astritit të hetohet nga njerëz të pavarur dhe me kredibilitet.

“Ju kujtohet se si menjëherë pas vdekjes së Astritit, prokurori Sylë Hoxha tha se është angazhuar edhe një prokuror tjetër për hetimin e këtij rasti. Ai prokuror ishte Metush Biraj. Ky i fundit është njeri i afërt me Sylë Hoxhën që u bë prokuror nga klani Pronto”, ka thënë Haxhiu.

Deputetja Haxhiu ka thënë se për të argumentuar që Biraj nuk ka kredibilitet as professional e as moral, dëshmon fakti se ai është duke u hetuar për veprën penale të konfliktit të interesit, nga Agjencia Kundër Korrupsionit.

“Pra, zbardhja e vdekjes së Astritit po udhëhiqet nga një prokuror pa kredibilitet dhe i cili është nën hetime. Këta prokurorë nuk do ta sjellin të vërtetën për vdekjen e dhunshme të Astrit Deharit”, është shprehur Haxhiu.