Sulm terrorist në Kolumbia, tri viktima

Periskopi.com Lajme

Tri gra janë vrarë në kryeqytetin kolumbian, Bogota, në atë që autoritetet thonë se ishte një sulm terrorist.

Shpërthimi ndodhi në një qendër tregtare të tejmbushur “Zona Rosa”, ku mbetën të plagosur edhe 11 persona të tjerë.

Kryebashkiaku i Bogotas Enrique Penalosa tha se një nga ata që vdiq ishte nga Franca.Autoritetet thonë se besojnë se shpërthimi u shkaktua nga një bombë e vogël në një tualet për gratë.

Sulmi ndodhi pasditen e së shtunës, kur qendra tregtare “Andino” ishte plot me njerëz që blinin dhurata për Ditën e Atit, që festohet të dielën.

Një grua 23-vjeçare franceze, Julie Huynh, e cila kishte punuar si vullnetare në një shkollë në jug të qytetit ishte viktima e parë që u identifikua.

Ana María Gutiérrez, 27 vjeç dhe Lady Paola Jaimes Ovalle, 31 vjeç, u dërguan në spital, por më vonë u shpallën të vdekura.

Një shtetas francez, Nathalie Levrand, 48 vjeç, u pranua me traumë të indeve të buta, tha stafi mjekësor në Bogotá Country Clinic.

Sulm me bombë në restorantin parisien, 12 të plagosur

Periskopi.com Lajme

Dy persona pësuan djegie të rënda dhe 10 të tjerë u plagosën pas një sulmi me bombë në një restorant në  periferi të Parisit.

Ekipet e ambulancës nxituan për në Aubervilliers, një komunë në rrethin Seine-Saint-Denis, pasi një bombë me shishe,  e njohur si “Kokteil Moltov”  u hodh brenda një restoranti të njohur.

Ekipet e shpëtimit dhe policia mbërritën në vendin e ngjarjes rreth orës 20:30, pasi shpërthimit të një zjarr në lokal.

Rreth 50 zjarrfikës u thirrën për t’u vënë nën kontroll flakët, raportoi Le Parisien.

Dy viktima pësuan djegie të rënda dhe u transportuan në spitalin më të afërt.

Dhjetë persona të tjerë pësuan lëndime të lehta, duke përfshirë 6 policë që ndihmuan me përpjekjet e shpëtimit.

 

 

 

Sulmohet kryetari i Klinës, Sokol Bashota

Periskopi.com Lajme

Kryetari i Klinës, Sokol Bashota, është sulmuar me vezë.

Shqipe Pantina, kandidatja për deputete nga radhët e Lëvizjes Vetëvendosje, ka thënë se kjo Lëvizje nuk qëndron prapa këtij sulmi, pavarësisht që sipas saj, Bashota nuk meriton respekt nga qytetarët.

Pantina, përmes një postimi në profilin e saj zyrtar në rrjetin social “Facebook”, ka shkruar se aktualisht kjo Lëvizje është e zënë duke shpalosur programin e tyre qeverisës për katër vitet e ardhshme dhe se sipas saj,  nuk knë kohë për të humbur me Bashotën me të cilin siç shprehet ajo, duhet të ketë punë prokuroria për keq menaxhimin dhe keqpërdorimet që i ka bërë në Komunën e Klinës.

Reagimi i plotë i Pantinës:

Reagim

Sapo u njoftuam se në ceremoninë e hapjes së festivalit ” I këndojmë lirisë” në Klinë qenka gjuajtur me vezë kryetari I komunës së Klinës Sokol Bashota.

Ndonëse ne besojmë se kryetari Bashota nuk meriton respekt nga qytetarët, Lëvizja Vetëvendosje nuk qëndron prapa këtij akti simbolik.

Aktualisht ne jemi të zëne duke shpalosur programin tonë qeverisës për katër vitet e ardhshme dhe nuk kemi kohë për të humbur me Bashoten me të cilin duhet të ketë punë prokuroria për keq menaxhimin dhe keqpërdorimet që i ka bërë ne komunën e Klinës.

Veçanërisht na vie keq që prezent me këtë rast ka qenë Halil Krasniqi babi i heroit Mujë Krasniqi i cili gëzon respektin e gjithë qytetarëve përfshi këtu edhe të aktivistëve dhe anëtarëve të Lëvizjes Vetëvendosje.

E konfirmon policia: Autobusi me policë u sulmua nga disa të mitur

Periskopi.com Lajme

Zëdhënësi i Policisë së Kosovës, Baki Kelani thotë se autobusi i linjës së rregullt i zyrtarëve policor është sulmuar të martën në orët e mbrëmjes.

Ai për Periskopi.com thotë se nuk ka të lënduar dhe sipas informatave të para që kanë autobusi dyshohet se u sulmua nga persona të mitur dhe kryesisht me vezë.

“Mund të konfirmojmë se, në orët e mbrëmjes person/a të dyshuar, që dyshohet se janë të mitur, kanë gjuajtur kryesisht me vezë autobusin e Policisë së Kosovë i cili barte në linjë të rregullt zyrtarët policor. Autobusi ka qenë duke qarkulluar në magjistralen Podujevë-drejtimi i Prishtinës, afërsisht në hyrje të Prishtinës (Vranjevc), ku ka ndodh rasti. Nuk raportohet për të lënduar, përderisa rasti është duke u hetuar”, thotë ai. / Periskopi

Sulmohet autobusi me policë të Kosovës që vinte nga Mitrovica

 

Sulmohet autobusi me policë të Kosovës që vinte nga Mitrovica

Periskopi.com Lajme

Një autobus që transporton policët e Kosovës nga Mitrovica dhe komunat përgjatë rrugës deri në Prishtinë, është sulmuar me gurë dhe vezë para pak minutash.

Kjo ka ndodhur në hyrje të Prishtinës, afër stacionit të policisë në lagjen “Korda e Trimave”

Periskopi mëson nga burimet se janë thyer xhamat e autobusit por nuk dihet nëse ka policë të lënduar.

Sulmi është bërë nga disa persona por që ende nuk ka të dyshuar apo të arrestuar.

Të kontaktuar nga Periskopi, zyrtarët për informim në rajonin e Prishtinës por edhe zëdhënësi i policisë Baki Kelani kanë qenë të pa qasshëm./ Periskopi

Identifikohen 2 nga autorët e sulmit terrorist në Londër

Periskopi.com Lajme

Dy nga emrat e personave që kryen sulmin terrorist të së shtunës në Londër janë bërë të ditur nga policia lokale.

Ata janë Khuram Butt dhe Rachid Redouane, 30 vjeç.

Butt, 27 vjeç, ishte i martuar me fëmijë dhe jetonte në Barking, në lindje të Londrës prej disa vitesh. Ai ishte i njohur për policinë dhe “MI5”, por nuk kishte asnjë indikacion nga inteligjenca britanike për një sulm të mundshëm nga ana e tij.

Ata dhe një burrë tjetër u vranë nga policia pasi vranë shtatë persona dhe plagosën 48 të tjerë.

Publikohen pamjet, ky është momenti kur policia qëllon 3 xhihadistët e Londrës (Video)

Periskopi.com Lajme

Një person arriti të filmojë me celular momentin kur ata qëllojnë ndaj terroristëve të veshur me kostume kamuflazhi. I lanë të vdekur në vend. Në momentin e ndërhyrjes së antiterrorit zona ku po fshiheshin terroristët ishte e boshatisur.

 Tre personat që thuhet se janë me origjinë nga vendet arabe ishin të armatosur vetëm me thika.

Terrori në Londër, xhihadisti me bluzën e Arsenalit

Periskopi.com Lajme

Policia e Londrës po punon për identifikimin e tre xhihadistëve, të cilët shkaktuan terror në Londër.

Të tre xhihadistët mbetën të vrarë nga policia, ndërsa njëri prej tyre mbante të veshur një bluzë të Arsenalit.

Ngjarja e rëndë ndodhi mbrëmë në Londër, ku mbetën të vrarë shtatë persona dhe dhjetra të tjerë u plagosën.

Xhihadistët u futën në një rrugë këmbësorësh, në “London Bridge”, me një furgon të bardhë dhe sulmuan këmbësorët, duke ecur me një shpejtësi rreth 80 km/orë dhe lëvizje në formë “S”.

Më pas, tre xhihadistët dolën në rrugë dhe filluan të godisnin njerëzit me thikë, pranë tregut “Borough”.

Vodhën molla, policia i dënon duke i gjuajtur me to (Video)

Periskopi.com Lajme

Katër hajdutë mollësh që u kapën në akt nga policia, u rreshtuan para një fytyre shkëmbore dhe u gjuajtën me frutet që kishin vjedhur, shkruan Daily Mail, përcjell Klan Kosova.

Hajnat u zmbrapsen nga goditjet me mollë, por u urdhëruan të mos lëvizin nga pesë oficerët e uniformuar që ekzekutuan dënimin.

Ngjarja zuri vend në komunën Theewaterskloof, në Afrikën e Jugut.

Tani skuadra e policisë po hetohet nga oficerë të lartë pas një stuhie kritikash në rrjetet sociale se policët abuzuan me të burgosurit e tyre.

Në pamje policët shihen tek qeshen dhe tallen me njëri-tjetrin derisa hedhin mollët me aq fuqi sa kanë në kokat, këmbët dhe shpinat e personave të pafuqishëm.

Një koleg i filmoi oficerët derisa ata bënin shaka me hajdutët, përpara se filmimi të dalë në facebook.

Dyshohet se përveç se i gjuajtën me frute, policët zhveshën një nga burrat lakuriq dhe e rrahën atë.

Ramiz Lladrovci flet për sulmin fizik ndaj vëllait të tij, tregon kush e sulmoi

Periskopi.com Lajme

Vëllai i kryetarit të Drenasit, Ramiz Lladrovci, Emriu të enjten gjatë një tubimi partiak në fshatin Gradicë të kësaj komune, është goditur në terr nga një prej banorëve të këtij fshati. Ramiz Lladrovci këtë situatë e ka komentuar si akt të turpshëm dhe të përgatitur keq.

Ai ka thënë se agresiviteti në liri është primitivizëm dhe se dhuna nuk ka vend as në fushata, as në jetën tonë e as në jetën institucionale.

“Aty, për keqardhjen tonë, njerëz të yshtur me metodat më primitive, tentuan ta dëmtojnë tubimin me akuza të paqena, me fyerje të padenja dhe me kërcënime. Ne njihemi të gjithë me njëri tjetrin, ia njohim edhe të kaluarën dhe të tashmen, e dimë secili se çka punon dhe për kë punon, sepse Drenasi është i vogël”- ka treguar Lladrovci.

Tutje Lladrovci ka thënë se si familje, në momentin kur kanë pranuar detyra publike janë përgatitur edhe për situata të tilla fyese…

Çfarë ndodhi para disa netëve z. Lladrovci me vëllain Tuaj?

Për fat të keq, politika është bërë agresive dhe plot histeri. I tillë ishte edhe debati në fshatin Gradicë, ku së bashku me kandidatët për deputetë të PDK-së nga komuna jonë, me qëllimin më të mirë për të informuar qytetarët me proceset aktuale, për punën dhe angazhimin e partisë tonë, në nivel qendror dhe lokal.

Aty, për keqardhjen tonë, njerëz të yshtur me metodat më primitive, tentuan ta dëmtojnë tubimin me akuza të paqena, me fyerje të padenja dhe me kërcënime. Ne njihemi të gjithë me njëri tjetrin, ia njohim edhe të kaluarën dhe të tashmen, e dimë secili se çka punon dhe për kë punon, sepse Drenasi është i vogël. Për keqardhjen tonë, debati devijoi me qëllim dhe erdhi te një situatë tepër e palakmueshme.

Çka ngjau?

Ngjau një akt i turpshëm, i përgatitur keq, në terr duke u larguar nga tubimi, më vonë e morëm vesh se kush është, me të shkuarën dhe të tashmen e tij, e goditi vëllain tim. Asgjë serioze por vet akti i ngritjes dorë mbi një ish ushtar, vëlla i Fehmi Lladrovcit, është turpi i asaj mbrëmjeje. Ne kemi dëshmuar se, ato që nuk u bënë për shumë vjet në Drenas, kemi filluar t’i trajtojmë me seriozitetin më të madh, ashtu edhe çështjet e ngritura për këtë fshat. Andaj, nuk kishte vend për asnjë lloj fërkimi, as sjellje brutale çfarë ngjau, por për fat të keq, siç thotë populli, në gropën e përgatitur bie edhe i drejti edhe i shtremti.

Si e përjetuat këtë ngjarje, se vet akti tejkalon politikë

Sigurisht se akti i shëmtuar ka nxitur neveri dhe indinjatë. Në rend të parë ka tronditur familjen tonë, e cila ka dëshmi për përkushtimin tonë jo me parulla të fushatave, kemi dhënë për Kosovën dhe çështjen kombëtare. Na kanë trazuar po ashtu shqetësimet e ish shokëve të Fehmiut. Madje, nga mesazhet e pranuara nga ata, kemi qenë të prekur shumë ngase shprehej keqardhje ndaj arrogancës së asaj nate, fundja, nuk mund të kuptonin e shpjegonin si mund të goditej një vëlla i Fehmi Lladrovcit.Si familje, në momentin kur kemi pranuar detyra publike, kemi qenë në gjendje të ballafaqohemi edhe me situata të tilla fyese. Por, një gjë i kam sigurue të gjithë miqtë e Fehmiut, miqtë e mi dhe miqtë e Emriut që kanë reaguar se s’ka nevojë të kenë asnjë brengë për këtë fyerje të rëndë dhe të mos ndërmarrin asnjë lloj veprimi hakmarrës. Jemi në fushata të egra politike ku patrioti quhet tradhtar dhe tradhtari shitet patriot, ku njollosen dhe fyhen njerëzit dhe vlerat kombëtare. Këtë dihet kush e bën. Fyerjen e bën ai që i mungon edhe vlera familjare, edhe kombëtare. Sigurisht se ata që e inskenuan atë ngjarje të pamirë, do të bien vet në gropa të tilla, me bashkëmendimtarët e vet. Agresiviteti në liri është primitivizëm dhe dukuri e pahijshme, e modelit të huaj dhe në kundërshtim me vlerat që kanë dhënë familjet tona për shprehje dhe deklarim të lirë. Dhuna nuk ka vend as në fushata, as në jetën tonë as në jetën institucionale sepse kemi qenë mjaft viktima të dhunës në historinë tonë të afërt. Këtë nuk duhet ta harroj askush.

Si po rrjedh fushata?

Fushata është ende në përgatitje, takimet informuese me qytetarë e kanë vlerën e vet, kemi çka të tregojmë për punën 5 mujore, kemi çka të tregojmë për projektet dhe investimet kapitale që nuk e kanë besuar as optimistët më të mëdhenj të Drenasit. Dje ishte kryetari Veseli dhe shpalli platformën Fillimi i Ri dhe ne kemi çka të argumentojmë para qytetarëve. / Tribuna

Avionët rusë sulmojnë autokolonën e ISIS-it, 120 terroristë të vrarë

Periskopi.com Lajme

Të paktën 120 anëtarë të Shtetit Islamik kanë mbetur të vrarë në një seri sulmesh ajrore ruse në rrugën mes Rakës dhe qytetit antik të Palmirës.

Lajmin e ka bërë të ditur agjencia e lajmeve siriane “SANA”. Avionët rusë kanë goditur një autokolonë me luftëtarë të ISIS, që po lëviznin nga qyteti verior drejt një zone pranë qytetit të lashtë.

Sipas burimit mediatik, autokolona përbëhej nga 39 kamionë të cilët transportonin edhe armë automatike.

Goditja e ISIS në rrugën që kalon përmes shkretëtirës është pjesë e fushatës së ushtrisë siriane dhe aleatëve të saj rusë dhe nga radhët e lëvizjes islamike të Hezbollah kundër ISIS.

Synimi është spastrimi i pranisë së militantëve në zonat e shkretëtirës që të çojnë drejt kufijve me Irakun dhe Jordaninë.

Kërcënimi i ISIS: Ja objekti radhës, ku do të bëjmë masakër

Periskopi.com Lajme

Pas sulmit të përgjakshëm në Britani, ISIS ka njoftuar masakrën e radhës.

Në një video të shpërndarë në internet, një militant i ISIS bën thirrje për sulme në SHBA.

Ai i kërkon militantëve të Shtetit Islamik që të therin njerëz, ti hedhin nga ndërtesat dhe ti shtypin me makinë.

Disa ditë pas sulmit terrorist me 22 të vdekur në Britani, militantë të ISIS kryen një tjetër masakër në Egjipt, me 29 viktima.

Manchester Arena është arena më e madhe në Europë me një kapacitet prej mbi 21 mijë personash.

Në momentin e shpërthimit ishte mbushur plot me të rinj e të reja për koncertin e këngëtares së njohur Ariana Grande.

Ambasadori: Asnjë shtetas i Kosovës nuk ka pësuar nga sulmi në Mançester

Periskopi.com Lajme

Ambasadori i Kosovës në Londër, Lirim Greiçevci, ka bërë të ditur se asnjë shtetas i Kosovës nuk është i vdekur apo i lënduar nga sulmi në Mançester. ​ Ai ka bërë të ditur se Ambasada e Kosovës gjatë gjithë kohës ka qenë në kontakt me autoritetet e Britanisë.

“Ju njoftojmë se pas sulmit të mbrëmshëm terrorist në Mançester, Ambasada e Kosovës ka qenë në kontakt të vazhdueshëm me autoritetet britanike për të kuptuar nëse ndonjë shtetas i Kosovës është prekur në këtë sulm. Ambasada gjithashtu ka kontaktuar me komunitetin tonë në Mançester, me përfaqësues shoqatash, aktivistë dhe familje kosovare. Fatmirësisht, deri më tani nuk ka asnjë informacion për ndonjë të lënduar ose të vdekur, shtetas të Kosovës, në këtë sulm terrorist”, ka shkruar Greiçevci në Facebook.

Ambasada gjithashtu ka dislokuar edhe një diplomat i cili do të qëndrojë në Manchester deri të konfirmimet vendimtare për viktimat dhe të lënduarit.

“Për të qenë në kontakt të vazhdueshëm në terren me autoritetet lokale në Mançester si dhe me komunitetin tonë atje, Ambasada ka dislokuar diplomatin Imer Berisha, i cili do të qëndrojë në Mançester deri të kemi konfirmimet përfundimtare lidhur me viktimat dhe të lënduarit. Imeri mund të kontaktohet në këtë numër telefoni: +447375725450. Ndërsa numri emergjent 24 orësh mbetet ai i njëjti i shpallur mbrëmë: +447961064763. Ju faleminderit për vëmendjen dhe bashkëpunimin”, thuhet në postimin e ambasadorit të Kosovës në Londër në facebook.

Rreth 22 persona u vranë, kurse mbi 50 u lënduan nga një sulm terrorist dje në qytetin e Manchesterit.

Bomba në Mançester ishte ndërtuar për të shkaktuar viktima të shumta

Periskopi.com Lajme

Sipas policisë britanike, personi që kreu shpërthimin në koncertin e Mançesterit, ishte nisur për të vrarë sa më shumë spektatorë që të ishte e mundur.

Pajisja shpërthyese ishte një bombë e ndërtuar me gozhdë, ciflat e të cilave u përhapën në një rreze të gjerë.

Eksperti britanik i sigurisë, Will Geddes, u tha gazetarëve se pajisja shpërthyese duket të ishte e tillë që të shkaktonte sa më shumë viktima. “Kur shpërthen një bombë, tha ai, dëmi më i madh shkaktohet nga ciflat që përhapen dhe kjo është arsyeja se pse terroristët përdorin shpesh çanta të mbushura me kushineta”.

Dëshmitarët thanë se vendi pranë shpërthimit ishte e mbushur me bulona të dimensioneve të ndryshme dhe ekipet e ndihmës mjekësore konfirmuan se plagët më të shumta ishin shkaktuar nga ciflat metalike.

Kritikët u bënë jehonë pohimeve të disa fansave se Masat e sigurisë në koncert ishin të dobëta. Sipas tyre, rojet në hyrje të koncertit ishin më të preokupuar se mos fansat kishin me vete pije alkoolike në vend të ujit. /Zeri Amerikes/

Identifikohet autori i sulmit terrorist në Mançester

Periskopi.com Lajme

Autoritetet britanike kanë identifikuar autorin e sulmit terrorist që ndodhi mbrëmë në koncertin e Arianda Grande në Mançester.

Sipas mediave, autori është Salman Abedi 23 vjeç me origjinë nga Libia. Ai hodhi veten në erë në stadiumin ku zhvillohej koncerti, duke lënë 22 të vdekur shumica prej të cilëve ishin fëmijë.

Të paktën 119 persona të tjerë kanë mbetur të plagosur nga sulmi kamikaz. Grupi terrorist i Shtetit Islamik ka marrë përgjegjësinë e këtij sulmi.

Sulmohet me vezë Vlora Çitaku, në mes të Amerikës

Periskopi.com Lajme

Ambasadorja e Kosovës në Uashington, Vlora Çitaku është sulmuar me veç.

Kjo ka ndodhur në “University of Denver”, në Colorado.

Ajo që e ka sulmuar është Blerta Avdili.

Për Periskopi.com ajo ka folur duke treguar se e ka sulmuar me 2 vezë të prishura, siç thotë ajo, për personin e ‘prishur’.

Vdili që është aktiviste për të drejtat e komunitetit LGBT e që ndodhej atje për një prezantim, shpjegon se e bëri ngase vlerëson se Vlora Çitaku është një nga aktoret më të mëdha që është e ngulitur në strukturën e dhunës në Kosovë.

“Ajo ka marrë pjesë në fushata në mbështetje  të komunitetit LGBT, por duke i përdorur ata e edhe duke përdorur edhe dobësinë e grave. Është një kriminele me taka të larta. E bëra atë sepse historia e plotë e Kosovës duhet  të dëgjohet nga bota-tregimi i njerëzve tanë po shkon duke u mbytur nga politikanët tanë të korruptuar derisa ata mbesin të integruar në dhunën strukturore”, thotë ajo për Periskopi.com

Berisha: Rasti Xharra, një rrahje “e porositur”?!

Periskopi.com Lajme

Publicisti dhe ish i burgosuri politik, Nazmi Berisha vlerëson se sulmi fizik ndaj Arbana Xharrës është i porositur.

Sipas tij, opinioni publik do trazohet derisa të zbulohet a ishte sulm hakmarrës  antogonistëve të saj politik, një reaksion emocional i ndonjë partizani të frustruar apo është sulm i kalkuluar nga nëntoka politike.

Reagimi i tij:

Një rrahje ” e porositur”?!

Sulmi i mbrëmshëm ndah Arbana Xharrës do të trazojë edhe më shumë opinionin publik.

Ajo çka do të intrigojë më tepër është enigma, ishte një sulm hakmarrës i antogonistëve të saj politik, një reaksion emocional i ndonjë partizani të frustruar, apo është një sulm i “kalkualuar” nga nëntoka politike për t’i riparuar imazhin publik të rrënuar me veprimin e saj të befasishëm.

Siq duket ka të ngjarë të jetë më shumë kjo e dyta, vetë reagimet e rrufeshme të Berat Buzhalës dhe Adriatik Kelmendit, duke pasuar deklaratat e pritura indinjuese në kor nga ambasadat dhe gjithë oborret e tyre, si dhe sehirgjinjve të skenës mediale sinjalizojnë që sulmi ndaj saj mund të ishte i porositur nga ata që kishin lansuar projektin “Xharra”, një projekt që kishte rrezik të shembej ende pa filluar.

Gjendja e Arbana Xharrës pas sulmit

Periskopi.com Lajme

Ende pa u bërë një javë në politikë, Arbana Xharra e ka gjetur vetën të sulmuar në një parking në Prishtinë.

E tërë ngjarja thuhet se ka ndodhur rreth orës 1 pasmesnatës kur Xharra ishte kthyer nga Tirana, ku ishte ftuar në emisionin “Oktapod” të Turjan Hyskajt që transmetohet në Vizion Plus.

Ajo u dërgua në gjendje të rëndë në spital ku ishte tërësisht e mbuluar, ndërkohë motivet e kësaj ngjarje ende mbeten të paqarta.

Megjithatë, motivet për këtë sulm ndaj Xharrës ende mbeten të paqarta derisa policia e Kosovës të dal me ndonjë deklaratë zyrtare për incidentin që ndodhi.

Ajo është dërguar në spital nga familjarët dhe bashkëpartiakë të partisë së saj, në të cilën ajo aderoi gjatë ditës së marte.

Pas dhënies se tretmanit adekuat mësohet se Xharra është lëshuar nga spitali dhe ka shkuar në banesën e saj, ku gjendje e saj shëndetësore për momentin është stabile.

Xharra pritet që gjatë ditës së shtunë të deklarohet për incidentin që ndodhi në një parking pas kthimit të saj nga Tirana.

 

Rrahet Arbana Xharra (Foto)

Sulmohet në Beograd filozofi me famë botërore që mbante anën e shqiptarëve (Video)

Periskopi.com Lajme

Në qendrën kulturore në Beograd, sot është sulmuar filozofi i njohur francez Bernard Henri Lévy, nga një grup majtistësh serbë të cilët e goditën me tortë në fytyrë.

Derisa po mbante një fjalim para të pranishmëve të cilët kishin ardhur të shikojnë filmin e tij “Peshmerga” – që është pjesë e programit Beldoks -ai është goditur në fytyrë me tortë nga disa të rinj serbë të cilët në ato momente shfaqën edhe një transparent në të cilin shkruante “Vrasës, ik nga Beogradi”, transmeton Telegrafi.

Sulmi ndaj filozofit me prejardhje hebreje vjen si rezultat i faktit se gjatë viteve të ’90-ta ishte i zëshëm kundër luftërave që po zhvilloheshin në ish-Jugosllavi, e në veçanti ndaj krimeve që po bëheshin ndaj myslimanëve nëpër kampe të ndryshme ku torturoheshin dhe vriteshin nga forcat serbe.

Por, është interesant fakti se si në momentin që u sulmua nga pjesëtarët majtistët të SKOJ-it, nuk kishte pjesëtarë të sigurimit për të parandaluar një gjë të tillë.

Bernard – i cili në vitin 2010 ishte shpallur nga “The Jerusalem Post” si njëri nga 50 hebrenjtë më ndikim -gjithashtu kishte shkruar edhe për Kosovën dhe sfidat nëpër të cilat kishte kaluar gjatë okupimit nga ana e Serbisë.

 

Protestuesit sulmojnë Marine Le Pen

Periskopi.com Lajme

Kandidatja e së djathtës ekstreme për presidente të Francës, Marin Le Pen, është goditur të enjten nga disa demonstrues me vezë, gjatë një vizite që ajo i bëri një fabrike në rajonin Bretanja, në kuadër të fushatës parazgjedhore.

Tri ditë para mbajtjes së rrethit të dytë të zgjedhjeve presidenciale, rreth 50 persona të mbledhur rreth lideres së Frontit Nacional bënë thirrje “jashtë me fashistët” dhe goditën me vezë Le Pen.