5 të vdekur e 40 të plagosur në Londër, identifikohet polici i vrarë

Policia britanike ka konfirmuar se numri i të vdekurve nga sulmet e sotme në Londër ka shkuar në pesë, kurse 40 persona janë lënduar nga këto sulme, raporton BBC.

Periskopi.com Lajme

Oficeri i Scotland Yard, Mark Rowley ka konfirmuar se në mesin e të lënduarve janë edhe tre policë.

Ai gjithashtu ka zbuluar emrin e policit që sot vdiq pasi ishte therë nga sulmuesi jashtë Parlamentit britanik.

Kaith Palmer, 48 vjeçar, është emri i policit të vdekur, kurse ishte në shërbimin policor që 15 vjet, ndërsa është bashkëshort dhe baba.

Por, Rowley nuk ka komentuar mbi identitetin e sulmuesit, përkundër që ka theksuar se policia është në dijeni se kush ishte sulmuesi.

May: Britania nuk do të dorëzohet para terrorizmit

Kryeministrja britanike Theresa May ka dënuar sulmet terroriste të sotme në Londër, që lanë të paktën 4 të vdekur dhe dhjetëra të lënduar.

Periskopi.com Lajme

Ajo në një konferencë të jashtëzakonshme për media ka thënë se Britania e Madhe nuk do të dorëzohet para terrorizmit.

May e ka quajtur sulmin me veturë dhe therjen e policit “akt terrorist të sëmurë dhe të prishur”.

Kryeministrja po ashtu ka konfirmuar se sulmet u kryen nga një person.

“Parlamenti do të bashkohet… Londinezët do të vazhdojnë jetën e tyre… Ata do të ecin këtyre rrugëve, do të jetojnë jetët e tyre… Kurrë s’do t’i dorëzohemi terrorizmit dhe s’do të lejojmë që zërat e urrejtjes të na përçajnë”, ka thënë ajo.

Kryeministri Mustafa dënon sulmin terrorist në Londër

Kryeministri i Kosovës, Isa Mustafa, ka dënuar sulmin terrorist në Londër.

Periskopi.com Lajme

Duke shprehur shqetësimin e qytetarëve dhe Qeverisë së Kosovës për këtë sulm qyqar, kryeministri Mustafa ka theksuar solidaritetin me Qeverinë dhe popullin e Mbretërisë së Bashkuar.

“Jemi të shokuar nga sulmi qyqar në Londër dhe dënojmë këtë incident terrorist. Qeveria e Kosovës është pranë Qeverisë së Mbretërisë së Bashkuar dhe londinezëve”, ka shkruar kryeministri Mustafa.

Trump dhe May bisedojnë me telefon për sulmin në Londër

Presidenti amerikan, Donald Trump ka biseduar të mërkurën me kryeministren britanike Theresa May për zhvillimet në qendër të Londrës, të cilat policia britanike i trajton si “incident terrorist”.

Periskopi.com Lajme

Këtë e ka bërë të ditur sot Shtëpia e Bardhë, transmeton AFP.

Ndryshe, në sulmin e sotëm para Parlamentit britanik kanë humbur jetën katër persona dhe 20 të tjerë janë të plagosur. Në mesin e të vrarëve është edhe sulmuesi.

Motivet e sulmit tash për tash janë të panjohura.

Momenti kur filloi sulmi në Londër (Video)

BBC ka publikuar një video të fillimit të sulmit në Londër.

Periskopi.com Lajme

Katër veta kanë humbur jetën dhe 20 të tjerë janë lënduar në një sulm jashtë Parlamentit britanik në Londër, si dhe urën Westminster, transmeton Koha.net.

“Katër persona kanë vdekur në një sulm në Londër. Kjo video tregon momentin kur filloi incidenti jashtë Parlamentit britanik”, shkruan BBC në Twitter.

Në video shihet paniku mjaft i madh i qytetarëve, përderisa policët iu kërkojnë që të largohen.

 

 

Nuk ka kosovarë të lënduar nga sulmi në Londër

Ambasadori i Kosovës në Londër, Lirim Greiçevci ka njoftuar se Ambasada e Kosovës në Londër është duke përcjellur me vëmendje situatën e krijuar pas sulmit të sotëm në afërsi të Parlamentit Britanik.

Periskopi.com Lajme

Grajçevci thotë se deri më tani nuk njoftohet për ndonjë të lënduar, shtetas të Kosovës.

Ky është njoftimi i plotë:

Ambasada e Kosovës në Londër është duke e përcjellur me vëmendje situatën e krijuar pas sulmit terrorist afër Parlamentit Britanik. Deri më tani nuk kemi informacion që ka ndonjë shtetas të Kosovës të lënduar në këtë sulm.

Ne do të jemi në kontakt të vazhdueshëm me autoritetet në Londër dhe do të vazhdojmë ta monitorojmë situatën.

Për çdo informatë ose kërkesë ofrojmë këtë numër emergjent: +447711077298.

Kosovarja rrëfen për sulmin në Londër

Shqiptarja nga Kosova, Vlora Pireva që jeton në Londër ka rrëfyer se si e ka përjetuar sulmin e sotëm në Parlamentin e Britanisë, sulm ky që po cilësohet si terrorist.

Periskopi.com Lajme

“Unë sapo përfundova punën. Për momentin, është qetë. Më herët ishte panikë, kishte gjithandej helikopterë, makina të Policisë si dhe motoçikleta që në fakt edhe na e pamundësonte punën”.

Ajo në Info Magazine të Klan Kosovës ka thënë se pavarësisht këtij incidenti, tashmë situata është qetësuar në Londër por që kontrollet e detajuara të Policisë po vazhdojnë.

Qytetarja Pireva ka thënë se pavarësisht krejt kësaj ngjarje, ajo nuk është shqetësuar shumë.

“Njerëzit janë të rezervuar për të përdorur transportin publik por njerëzit megjithatë po vazhdojnë ta përdorin atë, nuk është mbyllur. Nuk jam shqetësuar shumë, jemi mësuar me këto ngjarje. Aktualisht kam pak frikë ta përdorë trenin nëntokësor, andaj po mendohem çfarë të bëj”, ka thënë ajo.

Pas sulmit në Parlament, deputetët britanikë mbesin të ngujuar (FOTO)

Deputeti britanik, Barry Sheerman ka postuar disa fotografi ku shihet se pas sulmit në Parlamentin e Britanisë, deputetët kanë mbetur të ngujuar brenda hapësirës së këtij institucioni.

Periskopi.com Lajme

Sulm i tmerrshëm në Paris, vrasësi bërtiti “Allahu Ekber” (Foto & Video)

Babë e birë janë gjetur të vdekur në Paris, pasi i preu një person i tretë në fyt.

Periskopi.com Lajme

Policia ka filluar menjëherë hetimet si dhe ka arritur që të arrestojë vrasësin, që është vëllai, përkatësisht i biri i të vrarëve.

Dëshmitarët okularë thonë se kanë dëgjuar derisa sulmuesi me thikë kishte brohoritur “Allahu Ekber” gjatë vrasjes së dyfishtë, transmeton Periskopi.

Ende nuk dihen motivet e kësaj vrasje të dyfishtë, derisa policia zona e Rue de Montreuil./ Periskopi

 

Flet avokati i Murat Jasharit, tregon çka do të ndodh sot rreth rastit të Vllasit  

Murat Jashari nuk kishte tendenca që ta vriste avokatin, Azem Vllasi. Kështu të paktën ka deklaruar për “Indeksonline”, avokati mbrojtës i Jasharit, Emrush Kastrati.

Periskopi.com Lajme

Ai thotë se në seancën paraprake do të tregohet e vërteta rreth ngjarjes së djeshme që ndodhi në Prishtinë ku mbeti i plagosur në krah Vllasi.

“Nuk ka qenë vrasje me paramendim mirëpo do të deklarohemi gjatë seancën dëgjimore në përgjithësi”, është shprehur ai.

Megjithatë, Kastrati thotë se nuk ka marrë ende ftesë nga autoritetet e drejtësisë për mbajtjen e seancës ndaj klientit të tij.

“Ende s’kam informacion. Do të ishte të mbahej në pajtim me ligjin por ende nuk kam ndonjë informatë”, ka thënë ai.

MPJ dënon aktin e plagosjes së avokatit Azem Vllasi

Ministria e Punëve të Jashtme e Kosovës e dënon sulmin me armë ndaj avokatit Azem Vllasi në mëngjesin e ditës së sotme.

Periskopi.com Lajme

MPJ shpreh solidarizimin e thellë me avokatin Vllasi, familjen e tij dhe të gjithë të afërmit që janë prekur nga kjo ngjarje e papranueshme dhe e shëmtuar për një shoqëri demokratike sikurse kjo që po angazhohemi ta ndërtojmë në Kosovë.

Ministria fton të gjitha institucionet e rendit që ti sjellin para përgjegjësisë personat e përfshirë dhe i uron shërim të shpejt z. Vllasi, i cili në muajt e fundit ka qenë i angazhuar si këshilltar i jashtëm për një sërë çështjesh të karakterit rajonal.

Të paktën 44 të vrarë nga dy sulme me bomba në Damask

 Nga dy sulme me bomba në pjesën e vjetër të kryeqytetit Damask në Siri te shtunen janë vrarë së paku 44 vetë dhe plagosur dhjetëra të tjerë, ka raportuar Observatori sirian për të drejtat e njeriut, me seli në Londër, që i ka vëzhguesit në terren në Siri.

Periskopi.com Lajme

 

Sipas këtij grupi, një bombë ka eksploduar në një rrugë derisa aty kalonte një autobus, ndërsa një sulmues vetvrasës e ka sulmuar një kompleks ku gjenden disa tempuj shiitë, që vizitohen nga pelegrinët e gjithë botës.

Agjencia shtetërore e lajmeve, SANA, ka raportuar se “dy bomba të vendosura nga terroristët kanë eksploduar afër varrezave, Bab al-Saghir, në Bab Musalla, duke shkaktuar vdekje dhe plagosje”.

Stacioni televiziv, Al-Maydeen, me seli në Liban, ka raportuar se cak i sulmeve me bomba ishin autobusët me të cilët pelegrinët udhëtonin për në varrezat, Bab al-Saghir.

Kombësia e të vrarëve nuk ishte e qartë.

Burime lokale të sigurisë i kanë thënë agjencisë gjermane të lajmeve, DPA, se me këto bomba ishin sulmuar vizitorët iranianë në tempullin e myslimanëve shiitë.

Por, Televizioni shtetëror i Irakut ka raportuar se në mesin e të vrarëve ishin 40 irakianë.

Askush nuk e ka marrë prëgjegjësinë e menjëhershme për këtë sulm./REL/

Alarm për sulm terrorist, evakuohet qendra e qytetit gjerman

Policia gjermane pas informacioneve që i mori për një sulm të mundshëm në Qendrën Tregtare në qytetin Essen, ka bllokuar qendrën dhe ka evakuuar zonën.

Periskopi.com Lajme

Policia thotë se ende nuk mund të flasin për informacione konkrete, mirëpo thonë se ka pasur një kërcënim në këtë qendër të qytetit, shkruan Spiegel.

Depot e ushqimit, garazhet dhe parkingjet që lidhen me metronë e qytetit, janë kontrolluar nga efektivët e sigurisë dhe janë mbyllur.

Policia tregon se kërcënimi ka ndodhur sot (e shtunë), rreth orës 08 të mëngjesit.

Alarm në Gjermani, sulmohet stacioni i trenit në Hamburg

Një tjetër sulm ka ndodhur në Gjermani në harkun e 24 orëve.

Periskopi.com Lajme

Sipas mediave vendase, është sulmuar me gaz stacioni i trenit në Hamburg. Nga të dhënat paraprake, 50 persona kanë shfaqur probleme me frymëmarrjen.

Forca të shumta policia kanë rrethuar zonën. Në vendngjarje ndodhen dhe skuadrat e anti-terrorit. Sa i përket autorit, nuk ka ende asnjë informacion.

Kujtojmë se pasditen e djeshme një shqiptar nga Kosova sulmoi me hanxhar qytetarët në stacionin e trenit në Duseldorf duke plagosur disa vetë.

Pesë të lënduar në sulmin në Dusseldorf, policia arreston dy e kërkon të tjerë

Së paku pesë persona kanë mbetur të lënduar pas një sulmi me sëpatë në stacionin qendror të trenave në Dusseldorf të Gjermanisë, ka konfirmuar policia.

Periskopi.com Lajme

Sulmi ndodhi në mbrëmjen e së enjtes rreth orës 21:00.

Dy arrestime ishin bërë menjëherë, ndërsa policia nuk ka përjashtuar mundësinë e përfshirjes edhe të më shumë sulmuesve. Nuk ka raportime për fatalitete.

Policia menjëherë ka rrethuar vendin e ngjarjes.

Dëshmitarët raportohet se kanë deklaruar se kanë parë shumë persona të lënduar në tokë.

Stacioni qendror i Dusseldorfit shfrytëzohet nga së paku një çerek milioni pasagjerë në ditë.

Frikë për sulm terrorist në Gjermani, një person sulmon me sëpatë pasagjerët në stacionin e trenit

Disa persona kanë mbetur të lënduar në stacionin e trenit në Duseldorf të Gjermanisë.

Periskopi.com Lajme

Mediat gjermane raportojnë se mbrëmjen e sotme një person ka hyrë brenda stacionit duke i ndjekur pasagjerët me sëpatë në duar, transmeton Indeksonline. Kjo ka shkaktuar panik tek njerëzit.

Autori i veprës është arrestuar, kurse autoritetet gjermane ende nuk kanë bërë të ditur se çka fshihet pas këtij sulmi.

Sulm me armë kimike në Mosul

12 civilë janë lënduar në Mosul nga ajo që duket të jetë sulmi i parë me armë kimike gjatë luftës për të marrë kontrollin e qytetit nga i ashtuquajturi Shteti Islamik.

Periskopi.com Lajme

Një mjek nga Kryqi i Kuq Ndërkombëtar ka konfirmuar këtë incident për BBC-në, transmeton Klan Kosova.

Ndër personat e lënduar është një një foshnje njëmuajshe p një foshnje njëmuajshe derisa një djalosh 11 vjeçar ka probleme të mëdha me frymëmarrje dhe lëkurë.

Sipas disa raportimeve ende nuk është bërë e ditur se çfarë substance është përdorur megjithatë ky po trajtohet si sulm me armë kimike.

Sulmohet makina e Zoran Zaev (Foto)

Makina e kryetarit të LSDM-së në Maqedoni, Zoran Zaev, është sulmuar me vezë pasditen e sotme, rrugës drejt selisë partiake të LSDM-së në Shkup, raportojnë disa mediave proqeveritare në gjuhën maqedonase.

Periskopi.com Lajme

Raportohet se ky sulm ka ardhur si pasojë e pranimit të kërkesave të shqiptarëve për gjuhën shqipe nga Zaevi.

Në Maqedoni, kanë nisur protesta ndaj kësaj marrëveshjeje që lejon shqipen si gjuhë të dytë zyrtare në vend. Gjatë protestave ka pasur edhe incidente që kanë përfshirë goditje ndaj dy gazetarëve apo kalimtarëve të rastit.

Nikolla Gruevski i VMRO-së thotë se marrëveshja rrënon karakterin unitar të shtetit, dhe ka bërë thirrje për kundërshtimin e saj me mënyra të ndryshme. Zaev po akuzohet për ndarjen e Maqedonisë.

Po sot, Presidenti i Maqedonisë George Ivanov deklaroi sot se nuk do ia japë mandatin liderit të opozitës, Zoran Zaevit për shkak se ai ka pranuar platformën shqiptare, e cila sipas Ivanovit cenon sovranitetin e vendit.

 (

Tjetër masakër kamikaze, të paktën 42 të vdekur në Siri

Të paktën 42 persona, të cilët i përkisnin forcave siriane të sigurisë, humbën jetën pas sulmeve që kishin në shënjestër ndërtesat qeveritare të sigurisë në qytetin airian të Homsit, njoftoi sot një grup monitorimi.

Periskopi.com Lajme

”Mes viktimave ishte edhe shefi i shërbimit sekret ushtarak të qytetit”, shtoi Observatori Sirian për të Drejtat e Njeriut (OSDH).

”Këto sulme, për të cilat besohet se janë kryer nga kamikazë, kanë lënë edhe një numër të papërcaktuar të plagosurish, përfshirë shefin e shërbimit të sigurisë për Homsin”, sipas OSDH-së.

Deri tani, askush nuk ka marrë përsipër përgjegjësinë për sulmin.

Sulm në Siri, 40 të vdekur nga shpërthimi me bombë

Së paku 40 veta kanë humbur jetën nga shpërthimi i makinës bombë në një fshat pranë qytetit Al Bab të Sirisë.

Periskopi.com Lajme

Burimet lokale dhe Vëzhguesi Sirian i të Drejtave të Njeriut thanë se shpërthimi në një postbllok ushtarak në fshatin Sousian ka lënë të vrarë rreth 35 civilë dhe rreth pesë luftëtarë të opozitë siriane, transmeton REL.

Përgjegjësinë për sulmin nuk e ka marrë ende asnjë grup, por, një ditë më parë, luftëtarët e opozitës, të mbështetur nga Turqia, kanë thënë se kanë rimarrë kontrollin e Al Babit nga grupi militant Shteti Islamik.

Fshati Sousian ndodhet rreth 8 kilometra në veriperëndim të Al Babit.