Tjetër shpërthim terrorist, të paktën 19 të vdekur

Një shpërthim që dyshohet se mban një firmë terroriste ka vrarë të paktën 19 persona mbrëmjen e kësaj të enjteje, në rajonin e Shabelle-s së ulët në Somali. Ndërsa 6 persona raportohet se janë të plagosur.

Periskopi.com Lajme

Sulmi ka ndodhur në fshatin Golweyn, që kontrollohet nga grupi terrorist al Shabaab i lidhur me Al Qaeda-n, 110 km në jug perëndim të kryeqytetit, Mogadishu.

“Minibusi me të cilin udhëtonin (viktimat) goditi një bombë në anë të rrugës në fshatin Golweyn këtë pasdite,” citohet nga Reuters koloneli Hassan Mohamed, një oficer ushtarak në një fshat aty pranë, nga rrethi Bulamarer.

 

Daçiq: Një vend perëndimor na njoftoi që shqiptarët po përgatisin sulm terrorist në një ambasadë serbe

Ministri i Punëve të Jashtme të Serbisë, Ivica Dacic, tha sot se “informatat në lidhje me planin e diasporës shqiptare për të sulmuar një ambasadë të Serbisë jashtë vendit, për shkak të arrestimit të Ramush Haradinajt, erdhën nga shërbimet e sigurimit të një vendi perëndimor dhe janë të pakuptimta pretendimet se Serbia këtë e ka shpikur ose planifikon që të kryeh një veprim të tillë në mënyrë që të akuzojë shqiptarët”.

Periskopi.com Lajme

Në një intervistë për RTS, Dacic ka thënë se me publikimin e këtij informacioni, Serbia ka dëshiruar që të paralajmërojë publikun dhe vendin mikpritës se është përgjegjës për sigurinë e ambasadës dhe personelit duke shtuar se është ngritur niveli i vigjilencës në misionet diplomatike të Serbisë, raporton “Blic”.

“Paralajmëruam për atë që kemi marrë nga shërbimet perëndimore të sigurisë, nga komuniteti i sigurisë i një vendi të madh. Dihet saktësisht se kush i ka dhënë këto propozime (marrjen e ambasadës), ku jeton ai dhe këto nuk janë fjalë boshe”,  tha Dacic, duke shtuar se dihet se cila ambasadë dhe në cilin vend ishte një objektiv i mundshëm.

Ai përsëriti pretendimin e tij se plani ishte që Serbia të pranojë të heqë dorë nga kërkesa për ekstradim të Haradinajt ashtu që do të merrej ambasada dhe punonjësit do të ishin rrëmbyer, dhe hodhi poshtë pretendimet nga Prishtina se vetë Beogradi e kishte planifikuar këtë për të akuzuar shqiptarët.

Duke folur për shanset që Haradinaj të ekstradohet nga Franca në Serbi, ministri i jashtëm serb ka thënë se nuk ka ndonjë mënyrë për të ndikuar në një vend tjetër për të bërë atë Beogradin mendon se duhet bërë, por se “kjo nuk do t’u japë atyre qetësi”.

Ai tha se nuk e di se kur do të dërgohet kërkesa ekstradim, sepse është përgjegjësi e Ministrisë së Drejtësisë, por ai kujtoi se kryeministri, Aleksandar Vucic, njoftoi se kjo do të bëhet dhe se nuk ka asnjë arsye për të mos e bërë këtë.

Thaçi i shqetësuar me sulmet terroriste

Presidenti i Kosovës, Hashim Thaçi, ka reaguar për sulmin me kamion që ndodhi pak orë më parë në Jerusalem ku mbetën të vdekur 4 persona dhe 15 të lënduar

Periskopi.com Lajme

Thaçi ka shkruar në Twitter, duke thënë se është i shqetësuar nga sulmet me kamionë, transmeton lajmi.net

“Edhe një sulm vrasës me kamion, tani në Jerusalem. Jam i shqetësuar nga ky trend i sulmeve terroriste, dialogu s’ka alternativë”, ka shkruar Thaçi.

Sulmi në Jerusalem la të vdekur 4 persona dhe 15 të lënduar. Policia konfirmoi se ka vrarë shoferin e kamionit dhe ngjarjen e cilësoi si sulm terrorist

Sulmin në Jerusalem e kreu një palestinez (Foto)

Një kamion i drejtuar nga një palestinez ka përplasur ka shkelur këmbësorët në një shëtitore në Jeruzalem të dielën duke vrarë katër persona, për policinë izraelite ky sulm është quajtur një sulm i qëllimshëm, raportonReuters, transmeton Indeksonline.

Periskopi.com Lajme

 

“Ky është një sulm terrorist ” tha një zëdhënëse i policisë në Izrael Radio.

Policia në mesin e të vdekurve janë tre gra dhe një burrë, ishin të gjithë në të njëzetat e tyre.

Një shofer autobusi izraelit që dëshmoi incidentin tha në radio, se kamioni u përplas me një grup ushtarësh,të cilët më pas qëlluan mbi shoferin.

“Ata e qëluanë atë, derisa e neutralizuan,” tha shoferi i autobusit.

Sulm terrorist në Jerusalem, katër të vdekur

Para pak minutash ka ndodhur një sulm terrorist në Jerusalem

Periskopi.com Lajme

 

 Një kamion ka goditur turmën e njerëzve në një pjesë të qytetit të vjetër të Jerusalemit.

Katër persona kanë mbetur të vdekur dhe më shumë se 15 të lënduar, raporton jpost, transmeton lajmi.net

Shoferi i kamionit është vrarë nga policia.

Një kamion raportohet të ketë goditur turmën e njerëzve në Har Homa në jug të Jerusalemit

Gazetarja Noga Tarnopolsky ka shkruar në Twitter se një kamion i bardhë i tipit Mercedes është futur në turmën e njerëzve në një shëtitore, transmeton lajmi.net

Ajo thotë se shoferi është vrarë nga policia, ndërsa rreth 50 autoambulanca po trajtojnë të plagosurit

jerusalem

Pesë të vdekur në një sulm terrorist në Kinë

Një sulm është kryer sot në Kinë, kur një makinë ka hyrë në një ndërtesë qeveritare në Xinjiang, provincën e trazuar kineze.

Periskopi.com Lajme

Makina e cila shpërtheu ka marrë jetën e së paku një personi, ndërsa bëhet e ditur se edhe katër terroristë janë vranë, njoftoi qeveria rajonale, transmetona KosovaPress.

Ministri turk i Transportit: Shpërthimi në Stamboll ishte sulm terrorist (Video)

Ministri turk i Transportit, Ahmet Arsnal ka thënë se shpërthimi i sotëm në Stamboll ishte sulm terrorist, raporton Reuters.

Periskopi.com Lajme

Shpërthimi ndodhi në afërsi të stadiumit të Beshiktashit “Vodafone Arena” ku mbetën të lënduar të paktën 20 persona.

“Dënoj sulmin terrorist në Beshiktash, dëshiroj shërim sa më të shpejtë të lënduarve”, ka shkruar ai në Twitter.

ISIS vret 80 njerëz në Bagdad

ISIS-i e ka marrë përgjegjësinë për sulmin vetëvrasës në afërsi të kryeqytetit irakian, Bagdad.

Periskopi.com Lajme

Një kamikaz e ka hedhur në erë makinën plot me eksplozivë afër një pike karburanti në qytetin al-Hilla, 100 kilometra në jug të Bagdadit.

Lajmi është bërë i ditur nga burimet policore dhe mjekësore, raporton Reuters, përcjell Express.

Sulmi ndodhi në pikën e karburantit e cila ka edhe një restorant afër, që përdorej nga pelegrinët iranianë për të pushuar rrugës për në shtëpi nga pelegrinazhi Arbajin, në qytetin e shenjtë shiit, Kerbala.

ISIS-i, i cili është grupit i sektit suni, i sheh besimtarët e sektit shiit, si femohues.

Policia e Kosoves

‘Policia e Kosovës parandaloi sulmin terrorist i planifikuar në ndeshjen Shqipëri-Izrael’

Presidenti i Kosovës, Hashim Thaçi thotë se Policia e Kosovës parandaloi sulmin terrorist i planifikuar të ndodhte gjatë ndeshjes së futbollit në mes Shqipërisë dhe Izraelit.

Periskopi.com Lajme

Mëgjithëse, sipa stij, ishte një bashkëpunim rajonal.

“Strukturat e sigurisë së Kosovës, çdo anëtar të Policisë së Kosovës i përgëzoj për këtë përkushtim dhe këtë sukses. Ditë më parë, me një punë shembullore, ata parandaluan sulmin terrorist i planifikuar të ndodhte gjatë ndeshjes së futbollit në mes Shqipërisë dhe Izraelit”, thotë Thaçi.

ndër të tjera ai thotë se ky është një rast tjetër i bashkëpunimit shembullor rajonal, të shërbimeve policore dhe të agjencive të inteligjencës, në shkëmbim informacioni dhe në bashkërendim të masave operative.

“Ky është një konfirmim tjetër i nivelit të lartë të përgatitjes së strukturave të sigurisë të Republikës së Kosovës për t’u përballur me sfidat e sigurisë që e kërcënojnë Kosovën dhe rajonin. Kërcënime të tilla, duhet të na bëjnë më të vendosur, edhe më të pa kompromis në luftimin e ekstremizmit dhe të terrorizmit, të çfarëdo lloji”, thotë Thaçi./ Periskopi