Mësoni si të aplikoni për punë në Suedi

Periskopi.com Lajme

Edhe pse ka pak shanse që shqiptarët të fitojnë azil në Suedi, mundësia tjetër për të jetuar dhe punuar atje mbetet ajo e aplikimit për punë.

Për të aplikuar për një punë në Suedi duhet të dërgoni një CV dhe një letër motivimi në mënyrë elektronike, kompania më pas do të përzgjedhë aplikantët që do të intervistohen. CV duhet të jetë një deri në dy faqe e gjatë dhe të përfshijë një pasqyrë të përvojës së punës tuaj, studime, arritjet apo çmime, aftësi të veçanta dhe referencat.

Nëse ju aplikoni për një punë në Suedi nga jashtë, intervista juaj e parë mund të bëhet me anë të telefonit ose video-konference (p.sh., Skype), ose mund të ftoheni në vend.

Gjatë intervistës, punëdhënësi duhet t’ju njoftojë se cila do të jetë pjesa tjetër e procesit të rekrutimit. Në varësi të fushës dhe llojin e pozicionit mund të duhen disa intervista ose plotësimi i një testi. Pas intervistës tuaj, punëdhënësi do të lidhet me ju për t’ju vënë në dijeni nëse jeni zgjedhur për këtë punë. Pasi të keni një ofertë pune, hapat e ardhshëm do të varen nga kombësia.

Përgjithësisht qytetarët nga vendet jashtë BE-së kanë nevojë për një leje pune për të punuar në Suedi. Që të kualifikoheni për një letër pune duhet të merrni një ofertë nga një punëdhënës suedez duhet të aplikoni për leje përpara se të hyni në Suedi. Agjencia e Migracionit e merr në konsideratë aplikimin dhe ju informon për vendimin. Më pas dorëzohen të dhënat për vizën dhe lejen e qëndrimit.

Profesionet që kërkohen më shumë dhe për të cilat Agjencia e Migracionit ka dhënë lejet e punësimit janë specialistë, teknikë dhe profesione të lidhura me shërbime, kujdes dhe shitje si dhe profesione menaxheriale etj. Më poshtë gjendet një link që ju vjen në ndihmë nese doni të aplikoni për të jetuar e punuar në Suedi: https://sëeden.se/society/coll…

Reklamë
Reklamë

Ish-deputetja kosovare tregon për sulmin në Stokholm

Periskopi.com Lajme

Këtë të premte kryeqyteti i Suedisë – Stokholm ishte cak i terroristëve.

Një sulmues hyri me një kamion në një qendër tregtare ku pati edhe të vdekur.

E për ish-deputetet e Parlamentit të Kosovës, Qibrie Hoxha që jeton në Stokholm, pas këtij akti jeta atje u paralizua.

E sipas saj jetë nga ky sulm ndërruan tre veta.

“Në fillim kur ndodhi kjo, policia ka qenë mjaftë e rezervuar dhe nuk u cilësua si akt terrorist dhe më pas u kuptua se ishte i tillë”, ka thënë Hoxha për Klan Kosova.

“Ka njerëz që ende gjinden brenda nëpër vendet e tyre të punës. Ka një kaos të jashtëzakonshëm, as trenat nuk funksionojnë dhe janë ndërprerë të gjitha aktivitetet. Stokholmi ishte i paralizuar”, ka shtuar ajo.

Reklamë
Reklamë

Emigranti shqiptar rrëfen për sulmin në Suedi

Periskopi.com Lajme

Suedia është tronditur këtë të premte nga një ngjarje e rëndë ku një kamion huri në rrugën më të frekuentuar nga këmbësorët duke lënë viktima dhe dhjetëra të plagosur.

Kamioni u përplas me një turmë njerëzish ndërkohë që po doli nga një qendër tregtare.

Suedia, një shtet që ka mjaft emigrantë shqiptarë, një të tillë e ka pasur edhe dëshmitarë të kësaj ngjarje të rëndë.

“Isha në vendngjarje dhe pashë tmerr me sy, njerëz që shtypeshin me njëri-tjetrin për së gjalli nga frika e kamionit, i cili ngjasonte me një bishë të etur për jetë njerëzish. Situata është bërë alarmante dhe vendi i ngjason ndonjë shtetrrethimi, po flitet se është sulm terrorist, por s’ma do mendja, sepse Suedia është shtet që pret mirë çdo fe dhe racë njerëzore, s’besoj se do zgjidhej Suedia për një sulm të tillë.Fatmirësisht unë dhe familjarët e mi jemi mirë, por sot kaluam një hororr, më dhimbsen shumë ata të pafajshëm që vdiqën”, përfundoi shqiptari nga Suedia”, – shkruan ai për JOQ.

Nuk dihet ende nëse është një sulm terrorist, por policia ka nisur menjëherë evakuimin e banorëve nga e gjithë zona.

Reklamë
Reklamë

Identifikohet i dyshuari për sulmin në Stokholm (Video)

Periskopi.com Lajme

Një aksion i madh policor është duke u zhvilluar në Stokholm pas sulmit me kamion mbi këmbësorët, me ç’rast vdiqën tre persona dhe u lënduan shumë të tjerë.

Policia suedeze e ka bërë publike fotografinë e të dyshuarit.

Reklamë
Reklamë

MPJ e Kosovës: Nuk dihet nëse ka shqiptarë në mesin e viktimave në Suedi

Periskopi.com Lajme

Zëvendësministri i Punëve të Jashtme, Valon Murtezaj ka thënë se stafi i tyre janë mirë në Suedi, por ai tha se akoma nuk dihet për identitetin e viktimave nga sulmin që ndodhi atje.

“Sot ka ndodhur një akt që dyshohet të jetë terrorist ku ka të vdekur dhe të plagosur. Stafi i ministrisë sonë në Stokholm janë shëndosh e mirë”.

“Akoma nuk dihet për identitetin e viktimave”.

“Një vend si Suedia nuk është kursyer nga një sulm i tilla dhe kjo tregon se terroristët nuk zgjedhin se kënd do ta sulmojnë”.

Murtezaj këto komente i ka bërë në një lidhje direkte për Info Magazine të Klan Kosovës.

Deri tash pesë persona kanë mbetur të vdekur nga sulmi që dyshohet të jetë terroristë, ndërsa vetëm një person është arrestuar nga autoritetet suedeze.

Reklamë
Reklamë

Momenti kur kamioni godet turmën, tentimi i kalimtarëve për të shpëtuar (Video)

Periskopi.com Lajme

Pesë persona besohet që kanë vdekur si pasojë e goditjes me kamion në Stokholm të Suedisë.

Dhjetëra persona të tjerë kanë mbetur të lënduar.

Policia ka deklaruar që një kamion ka goditur një grup njerëzish në një rrugë jashtë një qendre tregtare.

Një person është arrestuar lidhur me rastin, transmeton Klan Kosova.

Më poshtë mund t`i shihni disa fotografi nga ky sulm që nga autoritetet suedeze po cilësohet si terrorist.

 

Reklamë
Reklamë

Emigrimi në Suedi, vjen një lajm i keq për shqiptarët

Kryeministri i Suedisë, Stefan Lofven, ka thënë se do e limitojë pranimin e punëtorëve nga jashtë, për të siguruar më shumë vende pune për suedezët e papunësuar dhe refugjatët që tashmë janë në shtetin nordik.

Periskopi.com Lajme

Në vitin 2016, Suedia ka garantuar lejet e punës për 12,000 njerëz të vendeve jashtë Bashkimit Europian. Këto shifra përfshijë rreth 4000 punëtorë që punojnë si pastrues, kuzhinierë, kamerierë dhe mekanikë, thotë zyra e emigracionit në Suedi, shkruan Al Jazeera.

“Punët që kërkojnë pak apo aspak arsimin do të mbushen së pari nga personat e papunësuar që janë tashmë në vendin tonë,” tha Lofven për gazetarët në Stokholm, të premten.

“Është e paarsyeshme që të kemi një migracion për punë që konsistojnë në punonjës restoranti apo pjatalarës kur ne kemi persona të aftë që kanë ardhur tashmë si refugjatë”, tha Lofven.

“Gjëja e parë që do të bëjmë është të theksojmë se çdokush që mund të punojë do të punojë,” tha lideri 59-vjeçar.

Reklamë
Reklamë

Shqiptarja bëhet kryetare e Komunës në Suedi

Kur 20-25 vjet më parë, qindra familje shqiptare ikën nga Kosova në Suedi për ti shpëtuar represionit serb, ishin të paktë ata që besonin se fëmijët e tyre do të integroheshin aq shpejt në jetën e këtij vendi dhe pak e nga pak do të kapnin majat e përfaqësimit në sport, kulturë, universitete, media, administratë publike, politikë, parlament, biznes, etj.

Periskopi.com Lajme

Tashmë brezi i dytë i ish emigrantëve, është realisht gjenerata e re që përfaqëson denjësisht shqiptarët në Suedi, të rritur dhe edukuar në këtë vend.

Njëra prej tyre që ka shkëlqyer së fundi, është Dëshira Vrajolli Flankör, e cila është zgjedhur kryetare e bashkisë Värmdö, një nga njësitë administrative të qarkut të Stockholmit.

Dëshira, një nga fëmijët e familjes së Sadik Vrajollit, ka studiuar në ekonomi në Suedi, ndërsa prej shumë vitesh ajo ka drejtuar departamentin e ndërtimtarisë të administratës lokale si përfaqësuese e Partisë Moderatore.

Në një njoftim publik që ka bërë pas zgjedhjes së saj në këtë post të lartë, zonja Dëshira Vrajolli Flankör, shprehet:

“Miq, brenda dhe jashtë partisë! Me përulje të plotë dhe nga thellësia e zemrës, ju falënderoj për besimin në postin e kryetares të komunës së Vermdës. Sonte morëm konfirmimin se komuna e Vermdës ka një grup të politikanëve kurrizdrejt, të cilët besojnë në demokraci”.

Zgjedhja e saj në këtë forum të lartë vendimmarrës është pritur me shumë entuziazëm nga shqiptarët që punojnë e jetojnë në Suedi.

Ata kanë shprehur vlerësimin e tyre për Dëshirën si dhe krenarinë që një shqiptare dhe për më tepër një grua, arrin një përfaqësim kaq të lartë në politikën e vendit skandinav.

Värmdö, është një qytet me një popullsi prej rreth 42 mijë banorë. Papunësia në këtë qytet është shumë e ulët ndërsa të ardhurat për frymë, të larta.

Në këtë zonë ka rreth 10 mije ishuj të vegjël. Në Suedi jetojnë afërsisht 70 mijë shqiptarë, shumica dërmuese e tyre nga Kosova.

Reklamë
Reklamë

Kjo është shqiptarja më e bukur në botë (Foto)

Prishtinasja Medina Hajraj, 17 vjeçe, është shqiptarja më e bukur e diasporës.

Periskopi.com Showbiz

Ajo ka fituar kurorën e vajzës shqiptare më të bukur në botë.

Ndonëse është me prejardhje nga Prishtina, ajo jeton në Suedi.

Ceremonia është mbajtur mbrëmë Rumlang.

13912773_514600468730683_5586623929558332367_n 14238218_525314747659255_2234472246066467959_n 14238336_525315197659210_3926761289414770310_n 14322237_525314600992603_7244669142711722508_n 14322253_525314620992601_593887187990303697_n 14322338_525314594325937_8668393529800658845_n

Reklamë
Reklamë

Hoxhaj thotë se në Suedi mori mbështetjen për vizat, a Suedia nuk ka as ambasadë në Prishtinë

Ministi i Punëve të Jashtme i Republikës së Kosovës, Enver Hoxhaj ka takuar në Stockholm homologen e tij suedeze, Margot Wallström, me të cilën ka diskutuar për një sërë temash që ndërlidhen me agjendën euroatlantike të Kosovës dhe atë bilaterale.

Periskopi.com Lajme

Hoxhaj e ka falënderuar ministren Wallström për përkrahjen e Suedisë, dhe njëherësh ka kërkuar mbështetjen e mëtejshme në procesin e liberalizimit të vizave, implementimin e MSA-së dhe anëtarësimin në organizata ndërkombëtare, raporton Periskopi

Një çështje tjetër e bisedës ka qenë forcimi i marrëdhënieve bilaterale, veçmas në fushën e ekonomisë ku Suedia mund të luaj një rol të rëndësishëm.

“Gjatë ditës së sotme kisha një vizitë të veçantë në një shtet të rëndësishëm evropian sikurse Suedia ku takova Kryetarin e Kuvendit, Ministren e Jashtme dhe Komisionin për Punë të Jashtme. Me ta biseduam se si të sigurojmë mbështetjen për Kosovën në procesin e liberalizimit të vizave, dhe se si Suedia ta mbështes Kosovën në anëtarësimet në organizata të ndryshme ndërkombëtare. Njëkohësisht kemi biseduar se si të hapet një kaptinë e re e bashkëpunimit ekonomik mes Suedisë dhe Kosovës” ka thënë Hoxhaj.

Nga ana e saj, ministrja Wallström ka vlerësuar lartë raportet e shkëlqyera ndërmjet Kosovës dhe Suedisë.

“Jam shumë e lumtur të takoj sot kolegun, ministrin e Punëve të Jashtme të Kosovës. Sërish nënvizuam rëndësinë e miqësisë dhe mbështetjes për Kosovën në procesin e integrimit në Bashkimin Evropian. Ne po ashtu kemi diskutuar për çështje që janë të rëndësishme për të dyja palët, sfidat dhe mundësitë që dalin nga partneriteti dhe miqësia e jonë e përbashkët” ka thënë Wallström.

Hoxhaj po ashtu ka takuar edhe Kryetarin e Parlamentit të Suedisë, Urban Ahlin me të cilin ka diskutuar për nevojën e mbështetjes në agjendën multilaterale të Kosovës veçmas në organizatat ku parlamentarët suedezë janë të pranishëm.

Po ashtu, kryediplomati Hoxhaj ka takuar mbi dhjetëra deputetë nga të gjitha partitë politike në Suedi, pjesë e Komisionit për Punë të Jashtme.

Hoxhaj i ka njoftuar me zhvillimet e fundit politike në Kosovë, rajon dhe nivelin e raporteve ndërmjet Kosovës dhe Suedisë./ Periskopi

Reklamë
Reklamë