Të shtëna me armë në një spital në Berlin

Periskopi.com Lajme

Policia gjermane është alarmuar pas të shtënave me armë zjarri në zonën e Kreuzbergut në Berlin.

Mediat lokale raportojnë se i dyshuari sulmoi një oficer, para se policia të hapte zjarr.

Në vendngjarje ndodhen forca të shumta policie. Nuk ka shumë informacion rreth kësaj ngjarje.

Bajram Rexhepi la PDK-në shkaku Kadri Veselit, ky e vizitoi në spital

Periskopi.com Lajme

Dikur akuzonin njëri-tjetrin e tash kur njëri është i sëmur tjetri po i thur lavde.

Kadri Veseli dhe |Bajram Rexhepi një kohë të gjatë ishin në armiqësi.

Por, të mërkurën, kur Rexhepi pas dy sulmeve në tru pati një operacion, për vizitë i shkoi kolegu i dikurshëm i partisë, Kadri Veseli, raporton Periskopi

Ky i fundit tha fjalë të mëdha për të, raporton Periskopi

E quajti njeri të madh të vendit dhe tha se ka përkrahjen e institucioneve të vendit në të gjitha aspektet.

“Ka qenë dhe është kryeministër i Kosovës. Do të qëndrojmë në përkrahje të familjes dhe vet atij. Faza e parë ka kaluar me sukses e presim edhe rehabilitimi njëlloj. Doktorët po bëjnë një punë të jashtëzakonshme”, tha Veseli.

Por jo shumë kohë më parë ata nuk e donin njëri-tjetrin.

Rexhepi e akuzoi se SHIK-u ka uzurpuar jo vetëm PDK-në por edhe institucionet e vendit, Veseli pati reaguar duke thënë se nuk ka ‘karamele’ për të, e dikur më vonë Rexhepi tha se ia ofruan të bëhej deputet por zgjodhi t’i kthehet profesionit të kirurgut.

“Ekziston një rrjet i tërë njerëzish që janë në të gjitha institucionet e Kosovës dhe strukturat e PDK-së, të cilat menaxhohen nga SHIK-u. Shteti udhëhiqet nga ta”, pati thënë ai, dhe kishte paralajmëruar se do të tërhiqet nga PDK-ja në momentin kur në krye të saj do të vijë Kadri Veseli.

Rexhepi kishte shpërthyer me akuza ndaj Kadri Veselit dhe të gjithë anëtarëve të tjerë të SHIK-ut që, sipas tij, e kanë kapur shtetin.

E kryeparlamentari i Kosovës, Kadri Veseli, duke iu përgjigjur interesimit të gazetarëve rreth akuzave të ish-kryeministrit e ministrit Bajram Rexhepi ndaj tij, atë kohë pati deklaruar se “Me tregu të drejtën unë më nuk kam karamele t’i jap askujt”.

“Janë qytetarët e Kosovës që vlerësojnë përgjegjësinë e secilit prej neve… Në qoftë se jam i ziu, i bardhi kur dëshiron mundet me ba ministër, realisht siç i ka bërë të tjerët”, duke aluduar haptas në kryetarin e PDK-së, Hashim Thaçin, për të shtuar se “Ajo që është kryesore, veçanërisht partisë sime i duhen reforma të thella, me njerëz të ri, me përgjegjësi të reja”.

E nuk shkoi shumë kohë, Bajram Rexhepi tha se ka refuzuar postin e deputetit të PDK-së në Kuvendin e Kosovës.

“Po e kam refuzuar postin e deputetit, unë jam kthyer në kirurgji tash dhe kush është pas meje në listë le të vazhdojë”, pati deklaruar ai./ Periskopi

Këshilltari i kryeministrit hap Spital të Zemrës

Biznesi i ri i avokatit Berisha është i vendosur në të njëjtin objekt ku më herët ka qenë i vendosur objekti i Klinikës “Intermed”, e cila ishte e përfshirë në skandalin e stentave.

Periskopi.com Lajme

Këshilltari i Kryeministrit dhe avokati i njohur Besnik Berisha i ka hyrë biznesit të spitaleve. Ai në profilin e tij në “Facebook” ka publikuar një fotografi të një ndërtese me mbishkrimin “Cardio Center” dhe simbolin e një zemre.

Biznesi i ri i avokatit Berisha është regjistruar në nëntor të vitit të kaluar dhe ai është i vetmi pronar i saj.

Sipas të dhënave në Agjencinë e Regjistrimeve të Bizneseve Kosovare, “Cardio Center” numëron 10 punëtorë.

Biznesi i ri i avokatit Berisha është i vendosur në të njëjtin objekt ku më herët ka qenë i vendosur objekti i Klinikës “Intermed”, e cila ishte e përfshirë në skandalin e stentave.

Spitali Intermed, si person juridik dhe pronarët e saj akuzohen për trajtim të pandërgjegjshëm të pacientëve. Pronar të këtij spitali, bazuar në të dhënat e publikuara në Agjencinë për Regjistrimin e Bizneve, kanë qenë: Lulzim Brovina, Borche Petrovski, Zhivko Petrovski, Marina Petrovska. Dy nga pronarët e këtij spitali, Borche Petrovski dhe Lulzim Brovina janë të akuzuar në rastin e stentave.

Avokati Berisha e mbron njërin nga të akuzuarit në rastin stenta. Berisha thotë se klienti i tij, Nexhmi Zeqiri asnjëherë nuk ka ushtruar profesionin në Klinikën “Intermed”.

Ky biznes i ri i Berishës, sipas informacioneve të publikuara në Agjencinë e Regjistrimit të Bizneseve Kosovare, do të merret me aktivitete spitalore, pa specifikuar se me çfarë aktivitetesh specifike spitalore do të merret.

KALLXO.com ka kontaktuar me avokatin Besnik Berisha, i cili përmes telefonit nuk ka pranuar të tregojë se me çfarë aktivitetesh do të merret ky spital, duke ironizuar se do të merret me aeroplanë.

“Nuk është punë e jotja ajo hiq, e ki aktivitetin e biznesit, ju më pyetni me çfarë aktiviteti keni me u marrë, me aeroplanë ka me u marrë”, tha Berisha për KALLXO.com. “Nëse e ki për artikull, shfrytëzoji të dhënat nga qendra e biznesit”.

I pyetur nga KALLXO.com se a do të jetë ai spital ku pacientët mund të vendosin stenta, ai prapë kërkon që të orientohemi tek qendra e biznesit. Megjithatë, në qendrën e biznesit nuk figuron asgjë më shumë sesa që në atë objekt do të ushtrohen aktivitete spitalore.

E në bazë të emrin të spitalit “Cardio Center” nënkuptohet që i njëjti do të merret me sëmundjet kardiovaskulare.

Në kohën kur ky objekt ka qenë në pronësi të dy të akuzuarve, Borche Petrovski dhe Lulzim Brovina, në “Intermed” aktivitetet që janë ushtruar kanë qenë, tregtia me shumicë e artikujve të parfumerisë dhe kozmetikës, tregtia me pakicë e artikujve farmaceutikë në dyqane të specializuara (barnatore), tregtia me pakicë e artikujve ortopedikë dhe mjekësorë,  aktivitete të dentistëve, etj

Berisha ka thënë se nuk e ka në plan të bëjë marrëveshje me Ministrinë e Shëndetësisë për trajtim të pacientëve të cilët nuk kanë mundësi të shërohen në spitalet publike.

“Asnjë spital s’ka marrëveshje me Ministrinë e Shëndetësisë. S’kam provu me bo marrëveshje dhe s’ka nevojë me bo marrëveshje kurrkush me Ministrinë e Shëndetësisë për ata pacientë që s’kanë mundësi për me ardhë atje”, tha Berisha për KALLXO.com.

 

Foto e publikuar nga Besnik Berisha për të cilën ka pranuar shumë urime. Foto: Facebook

Murat Jashari i dyshuar për plagosjen e Azem Vllasit

Policia ka identifikuar të dyshuarin për plagosjen e avokatit Azem Vllasi.

Periskopi.com Uncategorized

Burimet e Indeksonline kanë treguar se i dyshuar për këtë rast është Murat Jashari, vëllai i Ismet Jasharit, Komandant Kumanovës.

I dyshuari Murat Jashari ndodhet në arrati ndërsa policia po punon për arrestimin e tij.

Azem Vllasi është plagosur mëngjesin e sotëm afër banesës së tij në qendër të Prishtinës.

Ai aktualisht ndodhet i shtrirë në Klinikën e Traumatologjisë në QKUK me gjendje stabile.

Policia e Kosovës po e ruan me forcat e saj si jashtë ashtu edhe brenda Klinikës.

Shqiptarja emërohet drejtoreshë e Spitalit të lindjeve në Gjermani

Dr. Flutura Dede sjell me vete të gjitha parakushtet dhe kualifikimet që nevojiten për një maternitet me nivel të lartë mjekësor dhe me renome mbi regjionale, çfarë është ai i spitalit “Stilling”.

Periskopi.com Lajme

Ajo lexon shumë, udhëton me dëshirë, jeton prej pothuaj tridhjetë vitesh në Siegen. Fjala është për Dr. Flutura Deden, gruan e cila vihet në krye të maternitetit të spitalit “Jung-Stilling” në Siegen, shkruan wr.de.

Mjekja shqiptare kështu po i zë vendin drejtorit të deritashëm Dr. Bernd Gerresheim, i cili po shpërngulet në Zvicër, transmeton albinfo.ch. Dr. Dede sjell me vete të gjitha parakushtet dhe kualifikimet që nevojiten për një maternitet me nivel të lartë mjekësor dhe me renome mbi regjionale, çfarë është  ai i spitalit “Stilling”.

E lindur në vitin 1966 në Tiranë, Shqipëri, Flutura ka studiuar atje mjekësinë dhe ka punuar si ndihmësmjeke, para se, në fillim të viteve `90, për shkaqe profesionale, së bashku me të shoqin të vinte në Gjermani, gjegjësisht në Siegen, përcjell albinfo.ch.  Ky qytet u bë streha e saj e re, këtu ajo mori dhe nënshtetësinë gjermane.

Pjesë nga kualifikimi që ajo kishte sjellë me vete dhe që nuk njihej në Gjermani, ajo i ka kompensuar në Fakultetin e Mjekësisë në Marburg. Ndërsa njohjen e profesionit të mjekes në Gjermani, Dr. Flutura Dede e ka marrë në vitin 2001.

 

 

Dr. Flutura emërohet drejtoreshë e Spitalit të lindjeve në Gjermani

.

 

Sabit Geci në gjendje të rëndë shëndetësore, dërgohet pa ndjenja në QKUK

Sabit Gecit, ish-epror i UÇK-së është rënduar gjendja shëndetësore me ç’rast i njëjti është dërguar pa ndjenja në Qendrën Klinike Universitare të Kosovës (QKUK).

Periskopi.com Lajme

Lajmin për këtë e ka konfirmuar për RTK avokati i Gecit, Haxhi Millaku i cili ka thënë klienti i tij gjatë rrugës për në QKUK është dërguar pa ndjenja dhe se gjendja e tij ka qene e shkallës së rrezikut për jetë.

Gecit i është përkeqësuar gjendja gjatë qëndrimit të tij në burgun e Dubravës.

Ndryshe, Gjykata Themelore në Mitrovicë e ka shpallur fajtorë Sabit Gecin për krime lufte, dhe i njëjti është dënuar me 12 vjet burg.

Arbana Xhara e fshiu një postim për rastin e Astrit Deharit, ka një sqarim

Arbana Xhara para pak minutash postoi diçka në lidhje me raportin e autopsisë së Astrit Deharit dhe e fshiu atë pas disa minutash.

Periskopi.com Lajme

Por, tashmë ka një sqarim pse e ka bërë këtë.

Arbana Xhara

Ajo thotë se ora në videoxhirime të burgut paska qenë me të vjetrën 15:54, pra e pa ndryshuar. Ndërsa, në raporton të autopsisë shkruante se Astritin e pranuan në spital në orën 15:20.

“Ky detaj ishte shumë i dyshimtë. Këtë është dashur ta sqaroi prokuroi në raport apo në konferencë, se une s’kam mujte me pa ëndërr. Për atë e largova foton meqë ora paska qenë në rregull. Perndryshe ketu jemi me raportu drejte”, thotë kryeredaktorij e Zerit./ Periskopi

 

Si është e mundur? Astritin e nxorën nga burgu në ora 15:57, u pranua në spital në 15:20

 

 

 

Si është e mundur? Astritin e nxorën nga burgu në ora 15:57, u pranua në spital në 15:20

Më 5 nëntor, Astrit Dehari vdiq. Ai ishte në paragurgim në burgun e Prizrenit.

Periskopi.com Lajme

Në videot e publikuar, për të cilat Prokuroria thotë se nuk janë prekur, janë origjinale, shihet se Astrit Deharin e nxjerrin nga dhoma në orën 15:57 për ta dërguar në spital, ndërsa raporti i obduksionit thotë krejt ndryshe.

Ky i fundit shkruan se ai u pranua në spital në Prizren në orën 15:20 ndërsa ndërroi jetë në orën 15:55.

Pra, ora e largimit të Astrit Deharit nga burgu dhe pranimi në spital nuk përputhen. / Periskopi

Ekskluzive: Pamje duke nxjerrë trupin e Astrit Deharit nga qelia e burgut

20161118184807732 20161118184759898

 

Aksidentohet polici me motoçikletë, 42-vjeçari në gjendje të rëndë

Një efektiv i policisë së Shqipërisë është aksidentuar pasditen e kësaj të diele në vendin e quajtur Pezë Helmes, në periferi të Tiranës.

Periskopi.com Lajme

Automjeti me targa AA848 me drejtues shtetasin Fatos. S, 45 vjeç ka aksidentuar E.K, 42 vjeç punonjës Policie.

Ky shtetas ishte duke udhëtuar me mjetin tip motoçikletë. Në vendin e ngjarjes ka shkuar policia dhe ambulanca.

I dëmtuari u dërgua në Spitalin e Traumës në gjendje jo te mirë shëndetësore. Ndërsa drejtuesi i mjetit është shoqëruar për veprime te mëtejshme.