Një Spanjë federale në një Evropë Federale

Guy Verhofstadt Opinione

BRUKSEL – Kam qenë gjithnjë admiruese e madhe e demokracisë spanjolle, por veçanërisht që prej 23 shkurtit të vitit ’81. Në atë ditë dramatike, Kolonel Antonio Tejero provoi të bënte një puç kundër regjimit të ri demokratik.

Në librin e tij Anatomia e një momenti, Javier Cercas përshkruan sesi, nën kërcënimin e armës së Tejeros, tre liderë politikë spanjollë qëndruan në ulëset e tyre duke refuzuar të fshiheshin nën tavolinë. Asnjëri prej tyre – lideri i partisë komuniste Santiago Carillo, Adolfo Suarez, kryeministri i parë në periudhën post-Franco, në Spanjën demokratike, dhe zëvendësi i Suarezit, gjenerali Gutierrez Mellado – të dridhur. Ishte një akt i kurajës dhe vendosmërisë që e ankoroi demokracinë përgjithnjë në shpirtin spanjoll. Nën kërcënimin e armës së Tejeros, demokracia spanjolle kishte lindur.

Sot, 36 vite më pas, demokracia spanjolle duhet ta forcojë vetveten edhe njëherë për të kapërcyer ndarjen e thellë të krijuar nga qeveria jokushtetuese e Katalonisë që kërkon të ndahet nga Republika Spanjolle. Demokratët e sotëm duhet të dëshmojnë edhe njëherë vendosmërinë e disiplinuar të Carillos, Suarezit dhe Mellado-s në mënyrë që të tejkalojnë krizën më të madhe politike që nga tentim-puçi i Tejeros.

Demokratët e Spanjës nuk duhet të besojnë që ligji dhe gjyqësia mund t’i adresojnë të gjitha problemet me katalonasit. Sigurisht që autoritetet spanjolle nuk do të kapërcejnë krizën me dhunën policore, edhe pse përpjekjet e qeverisë kombëtare për të ndaluar referendumin për pavarësinë e Katalojnës ishin bazuar në rendin kushtetues.

Ajo çka duhet tash është një vizion i rinuar politik, një dialog gjithpërfshirës. Ky vizion mund të jetë vetëm multikultoror, multigjuhësor, një shtet federal i vendosur në një Evropë federale, multikulturore dhe multigjuhësore.

Separatistët katalan ishin gabim që e thirrën një referendum ilegal. Askush nuk mund të qeverisë demokratikisht pa rendin e ligjit. Por është poashtu e vërtetë se struktura legale ekzistuese është e paaftë të shërojë një ndarje kaq të madhe politike. Një dialog i qëndrueshëm – që është fuqia reale e politikanëve dhe shtetasve – ndërmjet liderëve të Spanjës dhe separatistëve katalanë është e vetmja rrugë për të gjetur zgjidhje.

Nuk besoj që është në interesin e popullit katalan që të ndjekin rrugën e ndarjes. Fakti që referendumi haptas e dhunoi kushtetutën spanjolle nuk është e vetmja arsye pse nuk e mbështes. Çështja për mua është se referendumit i mungon çdo legjitimitet demokratik. Ishte e qartë paraprakisht se shumica e katalanëve, duke e njohur natyrën ilegale të kësaj ndërmarrjeje, nuk do të merrnin pjesë. Në të vërtetë, nga e gjithë evidenca që ka mbërrirë, duket e mundur që shumica e katalanëve, përfshirë edhe ata që qëndruan në shtëpi gjatë protestave, të jenë kundër ndarjes.

Nga pamundësia për të arritur qoftë edhe një minimum pjesëmarrësish në votime, liderët e pro-pavarësisë zbuluan rezultatin para se të dilnin rezultatet. Taktika e tyre mashtruese e reflektoi vullnetin e tyre shqetësues për të manipuluar qytetarët e tyre. Deklarimi i pavarësisë mbi bazën e një referendumi defektuoz ishte një akt i papërgjegjshëm politik që shpërfilli normat demokratike.

Një papërgjegjësi e tillë është kërcënim jo vetëm Spanjën, por edhe për Evropën, dhe për Kataloninë poashtu. Ashtu si me shumë referendume të tjera, kjo votë fallse për pavarësi ka hapur një çarje të madhe në shoqërinë katalane. Familjet dhe fqinjtë tash janë të ndarë – dhe keq të ndarë në shumë raste. Të vetmim njerëz që do të përfitojnë nga kjo maskaradë legale, siç e dimë, janë ata që duan të shkatërrojnë BE-në dhe që tashmë kanë nisur të shfrytëzojnë shkakun e pavarësisë katalane për qëllimet e tyre.

Prandaj është vitale për të gjithë njerëzit në Spanjë, duhet të veprojnë për të ndaluar një eskalim të mëtejmë dhe në vend të saj të fillojnë negocimin. E ardhmja e Katalonisë, dhe e ardhmja e komunitetit tim flamand në Belgjikë, ku disa poashtu agjitojnë për pavarësi, qëndron te ndarja brutale, por në bashkëpunimin brenda strukturave federale, në Evropën federale.

Eksperienca me shtetin bask është ilustrues në këtë kuptim. Nën demokracinë spanjolle, baskët e kanë zhvilluar rajonin e tyre për përfitimet e popullit të tyre, dhe jo vetëm duke e mundur terrorizmin, por poashtu për të rishpikur vetveten si krenarë dhe autonomë.

Në politikë, nuk është marre të bësh kompromis. Krejt e kundërta: Kur duhet bërë një zgjedhje mes një marrëveshje konstruktive dhe pastërtisë ideologjike, është gjithmonë më mirë të zgjedhet rruga e unitetit, sado i vogël të jetë ai hap.

Në librin e tij të famshëm Marshi i Marrëzisë, historianja amerikane Barbara Tuchman paralajmëroi kundër cytjes për të “hedhur tutje të madhën për më të voglën” dhe për të “ndekur të papunueshmen në sakrificën e së mundurës.” Liderët në të dyja palët e Spanjës do të bënin mirë t’i dëgjonin fjalët e saj. | Periskopi

“Katalanët e kanë mësuar një version të fallsifikuar të historisë për shumë vite”

Periskopi.com Lajme

Është ironike që, John Elliot e fillon tregimin e historisë së Spanjës përmes Katalonjës. Para se të niste të shkruante, ai kishte udhëtuar përgjatë gadishullit iberik me një grup shokësh, duke e ngasur një kamion të armatës britanike, dhe duke fjetur në shtëpi të dorës së tretë, ose nën pemësh të ullirit.

Ishin të pesëdhjetat dhe varfëria dukej gjithkund, por ajo që e rroku imagjinatën e historisë – që e fitoi çmimin e Princit të Asturiasit më 1996 – ishte dinjiteti i njerëzve në Spanjë që mbahej pavarësisht urisë dhe poshërimit. “Një dinjtetet i jashtëzakonshëm,” kujton ai ato ditë.

Sot, Spanja duket në shumë mënyra, se e ka shmangur shekullin e 20të, duke kaluar prej të 1800ave drejt e në shekullin e 21të. Nga prapambetja në modernitet, e gjitha kjo me shpejtësinë e dritës. “Historianët si unë që shkruajnë për këtë vend, e bëmë të njëjtin gabim,” thotë ai. “Ishim të paaftë të parashikonim ndryshimet drastike që zunë vend nga 1978 e deri sot. Nuk e analizuam impaktin e dëshirës për pajtim që kishte ardhur si rrjedhojë e vuajtjeve gjatë luftës civile.”

Elliot e quan veten historian sepse nuk i pëlqen fjala ‘hispanist’. Por në moshën 87 vjeçare, ai u pajtua të fliste në sesionin inaugurues të Tribunës së Hispanizmit që u mbajt në Institutin ervantes, që i ka mbledhur në një panel shkollarë tjerë të huaj të historisë së Spanjës si Paul Preston, Ian Gibson dhe Stanley Payne.

“Mendoj se historia e Spanjës e ka vuajtur mbikëqyrjen nga jashtë: një lloj të ndjesisë së superioritetit nga i cili mund të përmblidhet se ne të huajt e njohim historinë tuaj më mirë se ju vetë,” vëren Profesori i merituar i Universitetit të Oksfordit.

Fusha e ekspertizës së Elliotit është periudha prej shekullit të 15 deri në të 18-in, dhe brenda saj janë disa aspekte me të cilat ai nuk është aq i familjarizuar. Ajo përfshin Kataloninë dhe revoltën që Mbret Filipi i IV-të vuajti atje, dhe Portugalinë, më 1640. Studimi i parë i Elliotit për Spanjën, që ai e shkruajti në vitet 50të, ka të bëj me këtë çështje.

“Ishte një prej episodeve më serioze të mbretërimit të tij. Kriza e sotme pjesërisht i ka rrënjët aty.” tha Ellioti.

Në vitin 1640, nën kont dukën e Olivaresit, republika e Katalonisë zgjati për një javë, me mbështetje fillestare nga Franca e cila u tërhoq më vonë. Nëse i ndryshojmë këto elemente për deklaratën e njëanshme të pavarësisë, me Evropën që nuk e përkrah përçarjen, dhe me ekzodin e biznesit që zë vend në Katalonjë, shumë pak duket se ka ndryshuar në katër shekuj.

“I kuptoj arsyet që mund të kenë çuar deri këtu,” thotë Ellioti. “Veçanërisht pas kohës së Frankos. Por dështimi për të vlerësuar e çmuar ndryshimin e pabesueshëm që ka ndodhur në Spanjë dhe Katalonjë gjatë 40 viteve të fundit, është një gabim i tmerrshëm.”

Elliotti ndjen se ka edhe elemente tjerë që e shpjegojnë pse gjërat janë kështu siç janë sot.

“Edukimi, për shembull. Me fuqitë e transferuara në autonomi, përgjatë të 90’ave, nën (kryeministrin jetëgjatë) Jordi Pujol, gjenerata të tëra janë mashtruar me një version të rremë të historisë, një mashtrim me tendenca nacionaliste. Ata i kanë fshehur qëllimshëm pjesët që do të duhej të ndillnin debat lidhur me progresin që është arritur.”

Por as nacionalizmi spanjoll nuk ka ndihmuar, thotë historiani, që rekomandon njohjen e diversitetit si faktor që i bën të gjithë të pasur. Ellioti besonqë Katalonia dhe Vendi Bask, mbi të gjitha, duhet të njihen si kombe, por ai poashtu mendon se në përpjepjen për t’iu ofruar sa më shumë fuqi ekonomike dhe politike këtyre vendeve përgjatë tranzicionit demokratik, disa regjione mund të kenë shkuar shumë larg. Por, as struktura federale shtetërore nuk është një opsion i mirë: “Në Spanjë do të ishte shumë artificiale, nuk do të kryente punë.”

Libri i fundit i Elliotit do të qitet në shtitje në fund të 2018s. Në të, ai krahason rastet e Skocisë dhe Katalonjës, dhe gjen diferenca të ndryshme mes tyre.

“Një dallim është që, në kundërshtim me atë që besohet, centralizmi ekonomik dhe politik nuk përkon me Spanjën. Funksionon në Britani, por jo këtu. Londra është kryeqytet i të dy fronteve, përderisa në Spanjë, Madridi është qendër politike në kuptimin e vendim-marrjes, por Barcelona ishte kryeqyteti ekonomik me shekuj.”

Dorëshkrimi nuk është përfunduar ende, megjithatë. “Ende më mungon gjysma e kapitullit të fundit. Është mjaft e pasigurtë këto ditë, derisa po shkruhet fundi.”

“A është optimist ai për atë që do të pasojë? Jam optimist nga natyre. Por ju duhet të merrni në konsideratë që jo gjithçka në botë është racionale.” | Periskopi

Serbia falënderon Spanjën që s’e njeh Kosovën

Ministri serb i Punëve të Jashtme Ivica Daçiq ka deklaruar sot se Serbia e falënderon Spanjën që nuk e ka njohur i pavarësinë e Kosovës.

Periskopi.com Lajme

Siç njoftojnë medie të Beogradit Daçiq ka thënë kështu në një solemnitet me rastin e shënimi të 100 vjetorit të vendosjes së marrëdhënieve diplomatike Serbi – Spanjë ku ka marrë pjesë ambasadori spanjoll Miguel Fuertes Suares.

i diplomacisë serbe e pretendenti për kryeministër ka shtuar se Beogradi përkrah integritetin territorial të Spanjës dhe refuzon çdo kontakt me separatistë të këtij, ndërsa ka theksuar se përpeqit për “zgjidhje afatgjatë e të drejtë përmes dialogut për Kosovën”.

Princesha e Spanjës shpallet e pafajshme

Princesha e Spanjës Cristina, motra 51-vjeçare e Mbretit Felipe dhe e gjashta në radhë për fronin, u shpall e pafajshme në gjyqin për mashtrim tatimor.

Periskopi.com Lajme

 

Megjithatë, burri i saj, Inaki Urdangarin, u dënua me gjashtë vjet e tre muaj burgim nga gjykata në Majorka.

Urdangarin është akuzuar për shfrytëzimin e lidhjeve të tij mbretërore për të gjeneruar të ardhura biznesore.

Rasti ka nisur qysh në vitin 2010 dhe në të kanë qenë të përfshirë edhe 16 të pandehur të tjerë, në mesin e tyre ish-ministri qeveritar, Jaume Matas, i cili është dënuar me tre vjet e tetë muaj burgim.

Ish-partneri biznesor i Urdangarinit, Diego Torres, është dënuar me tetë vjet e gjashtë muaj, ndërsa nëntë të pandehur të tjerë janë liruar.

Princesha Cristina, e cila tani jeton në Zvicër, ka qenë anëtarja e parë e familjes mbretërore të Spanjës që është gjykuar, që nga rivendosja e monarkisë më 1975. /Insajderi.com

ISIS kërcënon me sulme resortet turistike të Spanjës

Fanatikët e Shtetit Islamik, kanë kërcënuar në mënyrë direkte resortet më të mëdha të turistëve në Spanjë, atje ku pritet të shkojnë për vizitë miliona britanikë gjatë këtij viti.

Periskopi.com Lajme

Kërcënimet janë shpërndarë nëpër rrjetet sociale duke u shoqëruar me frikën se grupi terrorist po punëson edhe përkthyes dhe xhihadistë të jashtëm në këtë shtet.

Këto kërcënime vijnë vetëm disa javë pasi policia në pjesën veriore të vendit në San Sebastian, ka arrestuar trajnerin maroken të boksit nën dyshimin se ka rekrutuar njerëz për ISIS-in.

Kërcënimet direkte kundrejt Spanjës janë përmendur edhe në një raport zyrtar të qeverisë shkruan Daily Mail, transmeton Klan Kosova.

Kjo po cilësohet si përsëritje e masakrës së Tunizisë në qershor të vitit 2015-të, ku xhihadisti Seifeddine Rezgui vrau 38 njerëz në resorin Port El Kantaoui.

Spanja se ka ndërmend ta njohë Kosovën

Ambasadori i Spanjës në Beograd Miguel Fuertes ka deklaruar sot pas takimit me Drejtorin e të ashtuquajturës Zyre për Kosovën në Qeverinë e Serbisë,  Marko Gjuriq se Madridi zyrtar nuk e ka njohur Kosovën dhe se do të mbajë këtë pozicion edhe në të ardhmen.

Periskopi.com Lajme

 

Nga ana e tij, Gjuriq ka thënë se Spanja kështu mbështet parimet e të drejtës ndërkombëtare.

Ambasadori spanjoll në Serbi poashtu ka thënë se të dyja vendet kanë raporte të jashtëzakonshme dhe se në çdo kohë kur Serbia ka nevojë për ndonjë mik mund të llogarisë në Spanjën  dhe anasjelltas, raportojnë mediat serbe, përcjellë Klan Kosova.

Trajneri i Italisë harron ndeshjen me Spanjën, më e rëndësishme ajo ndaj Shqipërisë

Trajneri i Italisë, Giampiero Ventura ka mbetur i kënaqur pas barazimit ndaj Gjermanisë. Të kaltërit zhvilluan një ndeshje të mirë përballë kampionëve të botës, edhe pse “panzerat” nuk hodhën në fushë formacionin më të mirë.

Periskopi.com Sporti

I pyetur në mikrofonët e “RAI Sport” rreth rivalëve të Spanjës për vendin e parë, Ventura preferoi të qëndrojë me këmbë në tokë, duke i marrë ndeshjet me radhë.

“Ndeshja me Spanjën është ende larg. Më e rëndësishme është përballja e radhës ndaj Shqipërisë. Jam i kënaqur me këtë pjesë të parë të aventurës në stolin e Italisë, nga e cila do të evitoja vetëm ato 15 minuta të ndeshjes me Maqedoninë.

Pjesa e parë e sfidës me Spanjën na mësoi shumë, ndërsa përballjet e tjera edhe pse në pamje dukeshin normale, në të vërtetë nuk ishin të tilla.”

Italia dhe Shqipëria do të luajnë më 24 Mars. Pas 4 ndeshjeve të para në Grupin G kualifikues të Botërorit, të kaltërit ndajnë kreun me Spanjën, në kuotën e 10 pikëve.

Fitojnë Italia dhe Spanja

Italia dhe Spanja dhe shënuar fitore të thella në kuadër të kualifikimeve për Kampionatin Botëror.

Periskopi.com Sporti

Italianët në udhëtim kanë mposhtur Lihtenshtajnin 0:4, e me rezultat të njëjtë Spanja si vendas ka mundur Maqedoninë.

De Biasi tregon se çka i tha trajneri i Spanjës

Trajneri i Kombëtares Shqiptare të futbollit, Gianni de Biasi ka rrëfyer një bisedë private që kishte me trajnerin e Spanjës, Julen Lopetegui.

Periskopi.com Sporti

I pari i pankinës së Kuqezinjve thotë se Lopetegui i kishte thënë se frikësohej nga Kombëtarja Shqiptare.

“Para ndeshjes me Spanjën trajneri i tyre, Lapetegui, më tha që ishte i frikësuar nga Shqipëria dhe se nuk e dinte saktësisht se si do të luante. Fakti që ai ishte i frikësuar është një gjë e mirë, që nuk i ka ndodhur më herët Shqipërisë”, deklaroi De Biasi. /Periskopi.com

Buffon s’merret me kritikët

Portieri i Italisë dhe Juventusit, Gianluigi Buffon thotë se nuk i interesojnë kritikat që vijnë ndaj tij.

Periskopi.com Sporti

Veterani u fajësua për golin e pësuar në ndeshjen ndaj Spanjës, e cila përfundoi 1:1.

Por, ai thotë se është vetëkritikë dhe se nuk ka nevojë për kritika të të tjerëve.

“Unë nuk do të mbrohem nga kritika të caktuara. Nëse unë kam arritur të ndërtoj këtë lloj karriere, kjo është për shkak se unë jam shumë vetëkritik”, deklaroi Buffon.

“Unë nuk kam nevojë të dëgjoj se si më gjykojnë të tjerët. Unë e njoh veten time. Kundër Spanjës, unë mund të kem bërë më shumë. Por, kundër Maqedonisë besoj se në disa raste jam treguar i madh”, përfundoi ai. /Periskopi.com

Iniesta: U ndjeva i nderuar nga shqiptarët

Mesfushori i Spanjës dhe Barcelonës, Andres Iniesta thotë se u ndje i nderuar mbrëmë kur u zëvendësua në ndeshjen ndërmjet Spanjës dhe Shqipërisë, pasi publiku shqiptar e duartrokiti atë.

Periskopi.com Sporti

Ai thotë se nuk e priste një reagim të tillë të publikut shqiptar.

“Kur isha duke dalë nga fusha, pashë publikun në këmbë që po më duartrokiste”, deklaroi Iniesta.

“U ndjeva shumë i nderuar nga shqiptarët, pasi që ata ishin duke e humbur ndeshjen. Nuk e prita një gjë të tillë”.

Shqipëria u mposht mbrëmë nga Spanja 0:2. /Periskopi.com

Mediat e huaja: Fitorja e Spanjës ndaj Shqipërisë, e djersitur

Sfida mes Shqipërisë dhe Spanjës, e fituar nga kjo e fundit 2-0, është pasqyruar gjerësisht në median spanjolle, që pranoi se “La Roja” hasi vështirësi në çarjen e mbrojtjes së kombëtares shqiptare.

Periskopi.com Sporti

E përditshmja “AS”, në faqen  e saj të parë shkruan: “Fitore pa shije. Spanja zgjidhi ndeshjen me golat e Diego Costës dhe Nolitos në një mbrëmje të mërzitshme dhe merr kryesimin e grupit së bashku me Italinë, që fitoi “in extremis” ndaj Maqedonisë”.

Ndërsa për “Marca”, ky sukses e afron më shumë Spanjën me Botërorin: “Një hap më shumë drejt Rusisë. Golat e Diego Costës dhe Nolitos i dhanë Spanjës një fitore të djersitur ndaj Shqipërisë. Spanja kryeson grupin me pikë të barabarta me Italinë, që fitoi me përmbysje ndaj Maqedonisë në minutën e 91”.

“El Mundo Deportivo” publikon artikullin: “Spanja fiton ndaj Shqipërisë dhe i afrohet Botërorit të Rusisë. Në Shqipëri, të besuarit e Lopetegit luajtën mirë, por nuk mundën të kalonin murin shqiptar deri në minutën e 55 me golin e Diego Kostës, që i hapi rrugën fitores së Spanjës, një fitore që i kushtoi shumë, pavarësisht rezultatit”.

Tek “Sport” lexohet: “Spanja i rrëmben kreun e grupit Shqipërisë. Skuadra e drejtuar nga Lopetegi u desh të aplikonte ndryshime taktike për të çarë murin e vendosur nga vendasit. Në fund, muri shqiptar u shemb dhe si për çudi kjo ndodhi  falë një gabimi të lojtarit më të mirë të saj në fushë, portierit Berisha”.

Përballja mes kombëtares shqiptare dhe asaj spanjolle u pasqyrua edhe në median italiane. Portali “Sportmediaset” shkruan: “Eliminatoret “Rusi 2018”, Spanja thyen De Biasin, fiton 2-0  ndaj Shqipërisë. “La Roja” kryeson grupin G së bashku me Italinë.

Ndërsa “La Gazzetta dello Sport” publikon: “Eliminatoret e Botërorit, Shqipëri-Spanjë 0-2, shënuan Diego Kosta e Nolito. Skuadra e De Biasit rezistoi gjatë pjesës së parë, por një gabim i Berishës i hapi rrugën sulmuesit të Chelsea. Spanja në krye të grupit së bashku me Italinë”.

Ndërsa te “Corriere dello Sport” flitet për një fitore të lehtë të Spanjës ndaj Shqipërisë: “Shqipëri-Spanjë 0-2, fitore e e lehtë e Spanjës që merr kreun e grupit”.

E turpshme se si e la Spanja zhveshtoren në Loro Boriçi (Foto)

Shqipëria dhe Spanja zhvilluan mbrëmë ndeshjen e vlefshme për kualifikimet e Botërorit 2018.

Periskopi.com Sporti

Mysafirët triumfuan në këtë sfidë me rezultat 0:2, mirëpo dolën të turpëruar nga stadiumi i Shkodrës.

Ata lanë zhveshtoren ku qëndruan për disa orë në një gjendje shumë të keqe.pizza /Periskopi.com

De Biasi, i ke parë këto statistika të ndeshjes Shqipëri-Spanjë?

Statistikat e ndeshjes e mbrëmshme mes Shqipërisë dhe Spanjës janë vërtet një kambanë alarmi për kuqezinjtë tanë, për shkak se tregojnë se jemi ende shumë të vegjël.

Periskopi.com Sporti

Më poshtë do ju sjellim edhe të gjitha statistkat zyrtare të ndeshjes, teksa ne nuk kemi bërë asnjë gjuajtje në portë dhe asnjë goditje nga këndi gjatë gjithë ndeshjes, kurrë nuk kishte ndodhur kështu në historinë e kombëtares sonë, raporton Albeu.

Shqipëri- Spanjë
Zotërimi i Topit: 29%-71%
Pasimet: 255-940
Topa të rikuperuar: 24-38
Faulla të shkaktuar: 17-8
Gjuajtje në portë: 0-6
Gjuajtje jashtë: 1-4
Goditje nga këndi: 0-9

Operohet futbollisti i Kombëtares

Ermir Lenjani pësoi mbrëmë një dëmtim në ndeshjen ndaj Spanjës dhe për pasojë është dashur të operohet.

Periskopi.com Sporti

Anësori nga Kosova pësoi një goditje nga Thiago Alcantara në veshin e tij, i cili më pas iu qa dhe kishte gjakderdhje.

Ai falënderon mjekët e spitalit të Tiranës dhe të gjithë ata që u brengosën për gjendjen e tij.

“Faleminderit mjekëve të spitalit të Tiranës dhe të gjithëve për kujdesin. Operimi ka shkuar mirë dhe tani jam në gjendje të mirë”, deklaroi Lenjani.

“Mëkat që humbëm ndeshjen por do të rikthehemi tek fitoret. Gjithashtu iu falënderoj për mesazhet e dërguara në adresën time”, shtoi ai. /Periskopi.com

Pique paralajmëron largimin nga Spanja

Mbrojtësi i Kombëtares së Spanjës, Gerard Pique paralajmëron largimin nga kjo Kombëtare.

Periskopi.com Sporti

29-vjeçari mbrëmë u bë çështje debati nëpër media të ndryshme europiane, pasi kishte hequr flamurin spanjoll që gjendej në mëngët e fanelës së tij, ku kjo ndodhi në ndeshjen ndaj Shqipërisë.

Por, mbrojtësi i Barcelonës thotë se nuk mund t’i durojë kritikat që i janë bërë në lidhje me këtë rast.

“Kam provuar gjithçka, nuk mund të duroj me këtë. Çështja e sotme e mëngëve është kashtë që thyen devenë. Ata kanë bërë që unë të humbas kënaqësinë për të ardhur këtu dhe pas Botërorit 2018 do të jem 31-vjeç, do të largohem”, deklaroi Pique. /Periskopi.com

Nuk do ta besoni se çka bëri Pique në ndeshjen ndaj Shqipërisë (Foto)

Mbrojtësi i Spanjës, Gerard Pique ka bërë diçka të jashtëzakonshme në ndeshjen ndaj Shqipërisë.

Periskopi.com Sporti

Anëtari i Barcelonës ka shqyer pjesën ku gjendet flamuri i Spanjës në fanelën e tij të Kombëtares.

Mediat raportojnë se ai e ka bërë këtë për shkak të problemeve politike që ka Spanja me krahinën e saj prej të cilës vjen Pique, Kataloninë.

pique

pique2

De Gea tallet me Shqipërinë pas ndeshjes

Portieri i Spanjës, David de Gea ka folur për sfidën e sotme ndaj Shqipërisë.

Periskopi.com Sporti

Kuqezinjtë u mposhtën nga Spanja me rezultat 0:2.

Portieri i Spanjës thotë se vendësit nuk kishin raste dhe për këtë arsye ai kishte të ftohtë në fushë gjatë ndeshjes.

“Luajtëm mirë. Shqipëria nuk ka pasur shumë raste, unë e kisha pak ftohtë gjahtë ndeshjes”, ka thënë De Gea. /Periskopi.com

Trajneri i Spanjës me fjalë të mëdha për Shqipërinë

Trajneri i Spanjës, Julen Lupetegui ka folur pas fitores prej 0:2 ndaj Shqipërisë.

Periskopi.com Sporti

Spanja mposhti Shqipërinë në Shkodër në ndeshjen e radhës kualifikuese për Botërorin 2018.

I pari i pankinës së ‘furisë së kuqe’ thotë se Shqipëria ka një skuadër shumë të mirë dhe ishte e vështirë që të mposhtej.

“Shqipëria është një ekip shumë i mirë dhe ka arritur ta vendos Spanjën në vështirësi jo vetëm ekipin e tij por edhe Portugalinë dhe Francën. Shqipëria ka një skuadër të fortë dhe është shumë e vështirë për ta mposhtur”, tha Lopetegui pas ndeshjes. /Periskopi.com

Mavraj: Ky yll i Spanjës më kërkoi numrin e telefonit, por nuk ia dhashë

Mbrojtësi i Kombëtares Shqiptare, Mërgim Mavraj ka zbuluar disa detaje interesante të ndeshjes së sotme ndaj Spanjës.

Periskopi.com Sporti

Kuqezinjtë u mposhtën nga ‘furia e kuqe’ me rezultat 0:2 në Shkodër.

Ndërsa Mavraj kishte mosmarrëveshje me sulmuesin problematik, Diego Costa.

Madje, 30-vjeçari thotë se braziliani me pasaportë spanjolle i kërkoi atij numrin e telefonit, por që ai nuk ia dha atë.

“Më kërkoi numrin e telefonit, dhe nuk ja dhashë”, ka thënë duke qeshur Mavraj. “I thash edhe se ne në Shqipëri nuk i respektojmë brazilianët që luajnë për Spanjën”, ka thënë Mavraj duke qeshur. /Periskopi.com