Serbia, plan sekret për të ndihmuar Rusinë në Siri

Periskopi.com Lajme

Gatishmëria dhe aftësia e Ushtrisë Serbe për t’u bashkuar me trupat e Rusisë në Siri, një deklaratë e ministrit serb të mbrojtjes ka ngritur dyshime për planet e ardhshme mes dy vendeve.

Një ekspert serb i ushtrisë ka hedhur dyshime të forta për plane nga ana e Ministrisë Serbe të Mbrojtjes për të dërguar trupa në operacione çminimi në Siri në bashkëpunim me Rusinë në fund të 2018.

Aleksandar Radiç, një ekspert ushtarak i tha BIRN se angazhimi i ministrit Zoran Djordjeviç ishte “një premtim i gabuar, politik”.

“Nuk ka mundësi që Ushtria Serbe të shkojë në Siri për të çminuar ndonjë gjë për një arsye të vetme – sepse do të ishte duke zgjedhur një anë,” shpjegoi Radiç.

Si një vend ushtarakisht neutral, Serbia nuk mund të marrë pjesë në asnjë aktivitet të lidhur me luftën civile në Siri, përveçse nën mandat nga Kombet e Bashkuara apo Bashkimi Europian, shtoi ai.

Djordjeviç tha për agjencinë e lajmeve Tass të Rusisë më 25 prill se forcat serbe së shpejti do të marrin pjesë në operacione çminimi në Siri, përfshirë në Palmirë, por më vonë e korrigjoi veten se kjo do të ndodhte në fund të 2018, pas një trajnimi të përshtatshëm të ushtarëve serbë.

Djordjeviç i dha deklaratat pas takimit me homologun rus, Sergey Shoygu në një konferencë në Moskë për sigurinë kombëtare, kur ai tha “Serbia mbështet të gjitha iniciativat ruse”.

“Duam të marrim pjesë në të gjitha aktivitetet ndërkombëtare. Veçanërisht kemi folur për pjesëmarrjen e forcave të armatosura serbe për çminim në Siri, përfshirë Palmirën,” tha Djordjeviç duke shtuar si trupat serbë dhe rusë duhet të prezantohen së bashku në skenën ndërkombëtare, raportoi Tass.

Djordjeviç më vonë lëshoi një shpjegim duke pranuar se Serbia aktualisht nuk ka kapacitet apo njësi të trajnuara për këtë punë, por ishte e gatshme të çonte njerëz për trajnim.

“Vetëm pas kësaj, ndoshta në fund të 2018, Serbia mund të marrë pjesë në çminimin humanitar në të gjithë botën, përfshirë në Siri,” tha ministri.

Ministria nuk iu përgjigj pyetjeve të BIRN rreth detajeve të ndonjë marrëveshje të mundshme çminimi me Rusinë.

Gushtin e kaluar, agjencia Tass njoftoi se forcat serbe mund të bashkoheshin me trupat ruse në kryerjen e operacioneve humanitare në qytetin e sirian të Aleppos pasi Moska kërkoi mbështetje ndërkombëtare për të ndihmuar forcat qeveritare për të rimarrë qytetin.

Aleksandar Radiç tha se operacionet e çminimit nga forcat serbe në Siri ishin vetëm një mundësi që do të krijohet pasi të kenë përfunduar luftimet dhe pas krijimit të misionit të OKB.

“Në çdo opsion tjetër, Serbia do të ishte një palë ndërluftuese, pavarësisht nëse përfshihet drejtpërdrejt në luftime,” tha Radiç.

Ai shtoi se marrëdhëniet ushtarake midis Serbisë, SHBA dhe Rusisë ishin “të komplikuara”, sepse Serbia po merrte pjesë në trajnime dhe aksione me të dyja vendet.

Më 28 prill, ambasada e SHBA në Serbi tha se Uashingtoni do t’i dhurojë Serbisë pajisje çminimi dhe mjekësore me vlerë 435.000 dollarë, ndërsa instruktorë të ushtrisë amerikane në Europë do të ndihmonin në trajnimin e trupave serbe për shkatërrimin e eksplozivëve.

Sipas faqes së internetit të Ministrisë së Mbrojtjes, 329 pjesëtarë të forcave të armatosura të Serbisë janë përfshirë në operacione shumëkombëshe – në Kongo, Liberi, Qipro, Liban, Lindjen e Afërt, Republikën e Afrikës Qendrore, Somali dhe Mali.

Reklamë
Reklamë

Sulm me bombë fosfor në Siri

Periskopi.com Lajme

“Një aeroplan ushtarak për të cilin besojmë se i përkiste ushtrisë ruse, ka shënjestruar vendbanimet me bombë fosfor”

Tre civilë janë plagosur në një sulm me bombë fosfor në qytezën Darat Izza, në prefekturën e Alepos, në veri të Sirisë, raporton Anadolu Agency (AA).

Suphi Arif, një nga zyrtarët e mbrojtjes civile në Darat Izza që gjendet në perëndim të Alepos, në një deklaratë për AA tha se “Një aeroplan ushtarak për të cilin besojmë se i përkiste ushtrisë ruse, ka shënjestruar vendbanimet me bombë fosfor”.

Reklamë
Reklamë

Rusia i vë veton projektrezolutës për dënimin e sulmit në Siri

Periskopi.com Lajme

Këshilli i Sigurimit në OKB, nuk ka arritur të miratojë projekt – rezolutën për dënim ndaj një sulmi të dyshuar kimik në Siri, njofton Klan Kosova.

Ishte Rusia ajo që bllokoi miratimin e Rezolutës së Këshillit të Sigurimit të OKB-së, duke përdorur veton për dënimin e raportimeve të përdorimit të armëve kimike në Siri, njofton Klan Kosova.

Shteti rus njëherish ka bërë thirrje për një hetim të shpejt, ndërkaq Kina ka abstenuar votimin.

Reklamë
Reklamë

Amerika paralajmëron Putinin

Periskopi.com Lajme

Ambasadorja e Shteteve të Bashkuara në OKB, Nikki Haley ka thënë se Rusia po e izolon veten duke mbështetur presidentin sirian, Bashar al-Assad.

“Për kolegët e mi nga Rusia – ju jeni duke e izoluar veten nga komuniteti ndërkombëtar, çdo herë që avionët e Assadit hedhin një bombë-fuçi mbi civilët”, ka thënë Haley, gjatë takimit të Këshillit të Sigurimit të OKB-së.

Ambasadorja Haley ka thënë se Shtetet e Bashkuara janë të gatshme të punojnë mbi një zgjidhje diplomatike për t’i dhënë fund luftës gjashtëvjeçare në Siri.

Reklamë
Reklamë

Tillerson dhe ministrat e G7-së do të bisedojnë sot për Sirinë

Periskopi.com Lajme

Sekretari amerikan i Shtetit, Rex Tillerson ka arritur në Itali, ku do të takohet me grupin e G7, me të cilët do të bisedojë për krizën në Siri, kanë njoftuar mediat italiane.

Përveç anëtarëve të G7-ës, ministrat e jashtëm të Turqisë, Emirateve të Bashkuara Arabe, Arabisë Saudite, Jordanisë dhe Katarit, po ashtu pritet të marrin pjesë në këtë mbledhje.

Mediat italiane kanë cituar ministrin e Jashtëm italian, Angelino Alfano, të ketë thënë se në mbledhje kushtuar Sirisë, do të bëhet thirrje për parandalimin e “përshkallëzimit të rrezikshëm ushtarak”, në konfliktin sirian, pas sulmit të SHBA-së ndaj një baze ajrore siriane.

Tillerson me gjasë do t’iu tregojë homologëve të tij të G7-ës për qëndrimin e SHBA-së në Siri.

Grupi i G7 përbëhet nga Shtetet e Bashkuara, Japonia, Gjermania, Britania e Madhe, Italia, Franca dhe Kanadaja. Rusia ishte pjesë e G8-ës por u përjashtua nga ky grup pas aneksimit të paligjshëm të gadishullit ukrainas të Krimesë më 2014. /Rel

Reklamë
Reklamë

Babai i binjakëve të vrarë në Siri ka një mesazh për Trump

Periskopi.com Lajme

Një baba, binjakët dhe gruaja e të cilit u vranë në sulmin kimik që ndodhi në Siri, mbështetë sulmet me raketa të Donald Trump.

Abdul Hamid Youssef, 29 vjeç, varrosi gruan e tij dhe binjakët 9 muajsh pas sulmit kimik që ndodhi në Khan Sheikhoun në verilindje të Sirisë.

Dhe pasi Trump urdhëroi sulmet ajrore në Bazën Ajrore ‘Shayrat’ të Sirisë, aty ku besohet se ndodhen avionët përgjegjës për sulmin kimik, ai tha për Mail Online:

“Sulmi amerikan kundër (bazës ushtarake të Asadit) aeroportit është një hap i mirë, po jo i mjaftueshëm, për shkak se regjimi ka shumë aeroporte të cilat ndihmojnë atë të vazhdojë vrasjen e popullit të tij dhe shkatërrimin e qyteteve të lira”, tha ai.

“Tani ata e kanë goditur një aeroport. Por krimineli Asad ka më shumë se 20 aeroporte dhe kjo (bombardimi) është gjëja e parë që ata mund ta bëjnë. Këto operacione kanë ngritur shpirtrat tanë dhe ndalja e tyre është sinqerisht tronditëse. Vuajtja në Siri duhet të pushojë sa më shpejt që të jetë e mundur”, tha ai.

Governatori i provincës Homs, ku ndodhet Shayrati, tha se pesë njerëz u vranë në sulm./ ShqiperiaIme

Reklamë
Reklamë

Pamje ekskluzive nga ajri, të vendit ku u krye masakra me gaz në Siri

Periskopi.com Lajme

Rusia dhe regjimi i Asadit kishin pretenduar se vendi(pikat) ku janë hedhur bombat kimike ishin depo të armëve kimike të opozitarëve

AA filmon nga ajri zonën ku regjimi i Bashar al Asadit kreu sulmin me armë kimike në rajonin Han Shejhun, në qytetin Idlib të Serisë. Pika e goditur vërehet më qartë në pamje se është një pikë grumbullimi, që shërbente si depo e drithërave, raporton Anadolu Agency (AA).

Pas masakrës me armë kimike të kryer nga regjimi i Asadit më 4 prill, ku humbën jetën më shumë se 100 civilë dhe u ndikuan mbi 500 personave nga gazi helmues sarin, AA ka realizuar pamje nga ajri në rajonin Han Shejhun.

Në pamjet ku Han Shejhun të kujton një “qytet fantazmë” kuptohet se është e shkatërruar një pjesë e pikës së grumbullimit të drithërave, e cila ndodhet pranë një hapësire të madhe banimi me një afërsi deri në 50 metra.

Rusia dhe regjimi i Asadit kishin pretenduar se vendi(pikat) ku janë hedhur bombat kimike ishin depo të armëve kimike të opozitarëve.

Por në pamjet e filmuara nga ajri vërehet se depot ndodhen në një hapësirë ku mund të shikohen lehtësisht nga populli, dhe se përreth tyre nuk ka ndonjë mur të madh ku dhe në shumë vende muret e ulëta janë të hapura dhe të shembura.

Në pamje gjithashtu në vendin e bombarduar nuk vërehet as ndonjë mjet ushtarak i mbetur nga opozitarët, ndonjë pikë kontrolli apo ndonjë shenjë të ngjashme.

Në intervistat që gazetarët e AA-së kanë kryer një ditë pas sulmit në rrugën ku ndodhen depot e drithërave, banorët e lagjes kishin shpjeguar se strukturat e qëlluara ishin depo drithërash dhe nuk kishin parë aty opozitarë ushtarakë. Ndërsa banorët nga rajoni Han Shejhun të strehuar në kampin Atme në kufirin me Turqinë kishin theksuar se depot ishin sulmuar edhe më parë, ku për këtë arsye nuk janë në përdorim, dhe se ishin kryer përpjekje për t’i vënë në funksion si furra buke në ndërtesat njëkatëshe.

 

Reklamë
Reklamë

Isa Mustafa komenton sulmet amerikane në Siri

Kryeministri i Kosovës, Isa Mustafa ka shkruar në Twiter se vendimi i Presidentit Trump për të sulmuar bazën ajrore të Sirisë, mbron vlerat njerëzore.

Periskopi.com Lajme

“Vendimi i Presidentit Trump për të sulmuar bazën ajrore të Sirisë, për shkak të përdorimit të armëve kimike, mbron vlerat njerëzore. Kosova e përkrah këtë veprim”, ka shkruar Mustafa.

Reklamë
Reklamë

Izraeli e mbështetë sulmin e Amerikës në Siri

Periskopi.com Lajme

Kryeministri  i Izraelit, Benjamin Netanyahu ka deklaruar se ai e mbështetë “mesazhin e fortë dhe të qartë” që është dërguar me sulmin amerikan në Sirinë fqinje.

“Si me fjalë, ashtu edhe me veprime, presidenti amerikan, Donald Trump ka dërguar një mesazh të fortë dhe të qartë sot – se përdorimi dhe përhapja e armëve kimike nuk do të tolerohet”, thuhet në një deklaratë nga zyra e Netanyahut, transmeton Klan Kosova.

“Izraeli e mbështet vendimin e presidentit Trump dhe shpreson se ky mesazh i dërguar pas veprimeve të tmerrshme të regjimit të Assadit do të reflektojë jo vetëm në Damask, por në Teheran edhe më gjerë”, thuhet tutje në këtë deklaratë.

Reklamë
Reklamë

Shikoni si është shkatërruar baza ajrore siriane nga raketat e SHBA

Periskopi.com Lajme

Këto janë imazhet satelitore që tregojnë bazën ajrore siriane që u bombardua nga Shtetet e Bashkuara të Amerikës ditën e sotme.

Baza ajrore e forcave të Presidentit Basha Al Assad u sulmua me 59 raketa Tomahawk dhe shkatërruan në masë të gjerë pista aerodromi, aeroplanë dhe vendet e furnizimit me karburant.

Mediat e huaja raportojnë se baza ajrore Shayrat ishte shkatërruar plotësisht. Burime të Fox News nga Inteligjenca Amerikane thonë se SHBA ka informacione që sulmi me gaz kimik ndaj civilëve sirianë u bë nga avionët që ndodheshin pikërisht në bazën ajrore që u godit.

Reklamë
Reklamë

Debat i ashpër në OKB rreth sulmit amerikan në Siri

Periskopi.com Lajme

Në seancën e Këshillit të Sigurimit të Kombeve të Bashkuara në Nju Jork është duke u zhvilluar debat i ashpër lidhur me sulmet amerikane në Siri. Derisa përfaqësues të Britanisë së Madhe dhe Francës kanë mbështetur aksionin e ndërmarrë nga presidenti Donald Trump, pala ruse nuk ka kursyer kritika të ashpra në adresë të Uashingtonit zyrtar.

Ambasadori britanik, Methju Rajkroft, ka thënë se vendi i tij mbështet në tërësi aksionin e SHBA-ve, e cila siç u shpreh ai, është përgjigje adekuate ndaj krimit të tmerrshëm të luftës, por se tash është koha që të kalohet në procesin politik.

Edhe ambasadori francez  Fransoa Delatr përshëndeti sulmin, por shfaqi shpresën për nisjen e serishme të negociatave politike.

Rusia, aleatja kryesore e Sirisë, ka akuzuar SHBA-të për “shkelje të drejtave ndërkombëtare” për shkak të sulmit raketor në bazën siriane.

Përfaqësuesi i këtij shteti, Vladimir Safronkov tha se SHBA-të kanë sulmuar një shtet sovran dhe se kjo sipas tij paraqet shkelje flagrante e të drejtave ndërkombëtare dhe akt agresioni.

Ndryshe, sulmi amerikan ishte si kundërpërgjigje ndaj sulmit të mëhershëm të forcave të Bashar al Asadit, të cilat thuhet se kanë përdorur gaz helmues duke shkaktuar vdekjen e 86 personave, në mesin e tyre pothuajse 30 fëmijë. Analizat e gjakut tregojnë se viktimat ishin të ekspozuara sarinës, gazit të fortë neuro-toksik.

Reklamë
Reklamë

SHBA e gatshme të ndërmarrë edhe veprime të tjera ndaj Sirisë

Periskopi.com Lajme

Ambasadorja amerikane në OKB, Nikki Haley ka paralajmëruar se SHBA-ja është e përgatitur për të ndërmarrë veprime të mëtejshme kundër Sirisë, por shpreson se një gjë e tillë nuk do të jetë e nevojshme.

Haley ka thënë poashtu se Shtetet e Bashkuara “kanë ndërmarrë një hap shumë të matur mbrëmë”.

 

Reklamë
Reklamë

Kongresi amerikan mbështet sulmin në Siri

Periskopi.com Lajme

Kongresistët amerikanë nga të dyja partitë, republikane dhe demokrate, kanë mbështetur presidentin e SHBA-ve Donald Trump për sulmin në Siri, por prej tij kërkuan që të prezantojë strategji të gjerë për zgjidhjen e konfliktit dhe të konsultohet me Kongresin në lidhje me hapat e ardhshëm mbi Sirinë.

Në vendimin e tij më të madh të deritanishëm në politikën e jashtme, Trump urdhëroi shkrepjen e raketave “Tomahauk” në bazën ajrore Shayrat në Siri, për të cilin SHBA konsideron se ishte vend i fillimit të sulmit me gaz helmues në qytetin Idlib në veri të Sirisë.

Reklamë
Reklamë

Putin i tregon botës: Të sulmoni Sirinë përsëri, duhet të kaloni nëpërmjet meje

Periskopi.com Lajme

Luftanija ruse është pozicionuar në mes luftanijeve amerikane dhe pistës që është goditur nga sulmet ajrore të Trump, duke bërë që Putin të bëjë lëvizjen e tij.

Vladimir Putin ka vendosur një luftanije ruse për të mbrojtur bregdetin sirian dhe Assadin nga sulme të tjera ajrore që mund të vine nga Shtetet e Bashkuara të Amerikës, shkruan DailyMail, përcjell Periskopi

Putin sot e quajti veprimin si ‘një akt ilegal agresiv’, si dhe tërhoqi një marrëveshje e cila do të evitonte përplasjen e aeroplanëve rus dhe amerikan mbi Siri, transmeton Periskopi.

Edhe një zyrtar i administratës së Assadit e quajti sulmin si ‘të papërgjegjshëm’ dhe akuzoi Trumpin si ‘naiv’ pasi kishte rënë në grackën e ngritur nga ‘një kampanjë propaganduese falso’ për një masakër. /Periskopi

Reklamë
Reklamë

Britania jep qëndrimin e saj për sulmet amerikane në Siri

Periskopi.com Lajme

Ambasadori i Britanisë së Madhe në Kombet e Bashkuara, Mathew Rycroft në mbledhjen e Këshillit të Sigurimit ka thënë se presidenti i Sirisë, Bashar al-Assad ka qenë i njoftuar se do të përballej me situatën që ngjau mëngjesin e kësaj të premte.

“Assad ka qenë i njoftuar për sulmet e Ushtrisë Amerikane”, ka thënë Rycroft, transmeton Klan Kosova.

Ai ka thënë se operacioni i SHBA ndaj Sirisë ka qenë përgjigje proporcionale me aktet papërshkrueshme që kanë ndodhur viteve të fundit në Siri.

“Pa shtatë vetot e Rusisë në Këshillin e Sigurimit që ka sfiduar anëtarët e tjerë të këtij këshilli, Assad nuk do të përballjes me sanksione dhe drejtësinë”, ka thënë ambasadori britanik në mbledhjen urgjente të thirrur pikërisht për aksionin e SHBA.

Reklamë
Reklamë

Feltman kërkon mbrojtje urgjente të popullit sirianë

Periskopi.com Lajme

Në Nju Jork po mbahet seanca e Këshillit të Sigurimit të Kombeve të Bashkuara, me kërkesë të Rusisë pas sulmit amerikan në një bazë ajrore në Siri.

Shefi i Kombeve të Bashkuara për çështje politike, Xhefri Feltman deklaroi para KS të OKB-së se është e nevojshme ndërmarrja e një aksioni të shpejtë për të mbrojtur popullin e Sirisë.

“Nuk mund të ketë mbrojtje të vërtetë, nëse edhe opozita dhe qeveria veprojnë pa u dënuar dhe nëse qeveria siriane vazhdon të shkelë të drejtat e njeriut të qytetarëve të tyre”, tha Feltman.

Reklamë
Reklamë

Kryeministri rus kërcënon: Sulmi i SHBA-së në Siri çoi në prag të luftës me Rusinë

Periskopi.com Lajme

Kryeministri rus, Dmitry Medvedev, tha se sulmi në bazën ushtarake në Siri është shkelje e ligjit ndërkombëtar dhe atij amerikan, dhe se çoi “në prag të luftës me Rusinë”.

“Në vend të përsëritjes së tyre të vazhdueshme për luftën e përbashkët kundër armikut të përbashkët – Shtetit Islamik, administrata e Trumpit ka treguar se do të luftojë fort kundër qeverisë së zgjedhur në mënyrë të ligjshme në Siri”, tha Medvedev në Facebook.

Medvedev tha se ” mbetjet e mjegullës zgjedhore u shpërndanë” dhe se administrata e re tregoi varësinë e saj ndaj opinioneve të establishmentit në Washington, “të atij që Presidenti i ri e ka kritikuar ashpër”.

Siç tha ai, “kësaj makinerie” ju deshën vetëm dy muaj e gjysëm për të thyer shtyllat zgjedhore të Trumpit.Presidenti amerikan, gjatë natës së fundit ka vendosur që, në përgjigje të një sulmi të armëve kimike në Idlib, të përgjigjet me raketa në caqet ushtarake në Siri.

Aleatët amerikanë e përshëndetën këtë hap, por Rusia e ka dënuar me forcë dhe ka shtuar se bëhet fjalë për agresion kundër një shteti sovran.

Rusia ka pezulluar marrëveshjen me Washington-in mbi komunikimin dhe parandalimin e incidenteve mbi Siri gjatë operacioneve, ndërsa ministri i jashtëm, Sergei Lavrov, la të kuptohet se ngjarja mund të ketë pasoja në marrëdhëniet mes Rusisë dhe Shteteve të Bashkuara.

Gjithashtu, Kremlini njoftoi se ishte në pyetje “sulmi mbi një aleat të Rusisë”.

Reklamë
Reklamë

Gjendje ekstreme alarmante në Siri

Marc Saha Intervista

Lufta e shteteve vasale mund të shkallëzohet, druhet eksperti i Lindjes së Afërt, Michael Lüders. SHBA kanë vënë në shënjestër Rakka-n, kryeqytetin e Shtetit Islamik. Është e paqartë si do të reagojë Rusia.

DW: Sa u habitët nga lajmi që SHBA sulmuan një bazë të aviacionit luftarak sirian?

Michael Lüders: U habita shumë, sepse nuk e kisha konsideruar të mundur që qeveria amerikane të tregohej me të vërtetë e gatshme për një veprim të tillë të pamenduar. Këtu është e qartë se kemi një potencial të rrezikshëm shkallëzimi.

Në Siri zhvillohet një luftë shtetesh që veprojnë si agjente të të tjerëve. Në njërën anë janë SHBA, BE, Turqia dhe Shtetet e Gjirit, të gjitha ato duan ta shohin të rrëzuar Assadin; Rusia, Irani dhe Kina nuk duan ta lejojnë këtë në asnjë mënyrë. Po të kryesh një sulm të tillë, siç e urdhëroi tani Trumpi, natyrisht që ekziston rreziku që ai të mos mbetet sulm i vetëm, që gjendja të shkallëzohet dhe që shumë shpesh në tokën siriane të ndodhen përballë njëri-tjetrit amerikanët dhe rusët.

Nga Kremlini u tha se sulmi qe agresion, ndonëse rusët qenë paralajmëruar dhe qenë në gjendje që t’i largojnë ushtarët e tyre nga zona e rrezikut. Nuk tingëlloi se SHBA dhe Rusia do të jenë në gjendje që të zhvillojnë në një të ardhme të afërt biseda për Sirinë. Sa i madh është rreziku që të ndërhyjë Rusia?

Konfrontimi është i pranishëm dhe gatishmëria për të synuar një balancim objektiv interesash dhe që të flitet si i barabartë me tjetrin, është shumë e dukshme që nuk ekziston. Në këtë kuadër natyrisht rreziku është i madh që ky konflikt të vazhdojë. Nëse do të ketë sulme të tjera të amerikanëve, në të cilat të dëmtohen ndoshta edhe rusë ose pajisje ushtarake ruse, atëherë Moska nuk do ta pranojë këtë dhe gjendja mund të shkallëzohet shumë shpejt.

Cila është më e keqja që mund të ndodhte nga kjo goditje ushtarake?

Te Rusia, SHBA shohin për momentin kundërshtarin më të madh gjeopolitik, dhe ato zhvillojnë një luftë të mbuluar në dy territore lufte: në Ukrainë, por para së gjithash në Siri. Regjimi i Assadit i ka rimarrë të gjitha qytetet e mëdha, së fundi Aleppon Lindore në dhjetor 2016. Në njëfarë mënyre mund të thuash se amerikanët e kanë humbur këtë luftë, këtë konfrontim me Rusinë në Siri. Por tani, qendra me pushtet në Uashington me sa duket janë të gatshme ta kthejnë pas këtë zhvillim, duke u fokusuar në konfrontim në Siri.

Të mos e harrojmë se pas referendumit për kushtetutën në Turqi në 16 prill, SHBA duan të nisin një sulm me forca tokësore, me trupa elite amerikane. 400 ushtarë të SHBA janë stacionuar tashmë në Siri, në drejtim të Rakkas, kryeqytetit të Shtetit Islamik në Lindje të Sirisë. Ato do të arrijnë ta ripushtojnë Rakkan, po pastaj? Cilat do të jenë kërkesat e tjera? Do të ngrihet një zonë e ndalim-fluturimit? Kjo do të ishte një taktikë e marrjes së gishtit për të të rrëmbyer dorën, për të cilën rusët nuk do të binin dakord. Sepse zonë e ndalim-fluturimit do të thoshte që avionët rusë ose sirianë të mos jenë më në gjendje të ngrihen në qiell. Ky do të ishte pa dyshim një konfrontim. Se cila do të jetë rruga që do të marrë më tej ky zhvillim, për momentin nuk mund ta parashikojmë, por pa dyshim që shkalla e shqetësimit është është shumë e lartë.

Lufta kundër terrorit, kundër të ashtuquajturit Shtet Islamik, synimi i përbashkët i SHBA dhe i Rusisë, nuk e humbet kështu rëndësinë?

Kjo luftë zhvillohet paralelisht, por për momentin elementi kryesor natyrisht është konfrontimi Rusi-SHBA. Por për një ose dy javë kjo mund të ndryshojë sërish. Të dyja, SHBA dhe Rusia janë të të njëjtit mendim, se Shteti Islamik duhet dëbuar në Rakka. Këtu ndoshta mund të gjenden sërish përbashkësi, por ne nuk i dimë veprimet e tjera të administratës amerikane dhe në cilin drejtim do të shkojnë ato. Do të ketë ithtarë të vijës së fortë, që si të thuash duan konfrontim vendimtar dramatik me Rusinë, sipas parimit “të shohim sa larg mund të shkojmë”. Por do të ketë edhe të moderuar, pragmatikë, që thonë se nuk duam ta teprojnë, prandaj duhet të presim se çfarë do të ndodhë.

Me sa duket në Uashington nuk janë të gatshëm që të marrin në konsideratë se Rusia e vështron si Ukrainën, ashtu edhe Sirinë si pjesë të oborrit të saj të pasëm, dhe në këtë fushë Rusia sfidohet. Rusia nga ana e saj natyrisht që ndjek një politikë imperiale, por fakt është që deri tani në Siri kanë dalë llogaritë që kanë bërë Rusia dhe Assadi. Amerikanët kanë problemin, që po ta largojnë këtë regjim nga pushteti, kush do ta marrë pastaj pushtetin e Assadit? Një opozitë legjitime demokratike, e moderuar, në Siri ekziston vetëm si premisë. Pushteti në këtë rast do të kalonte në duart e xhihadistëve. Këtë e dinte edhe Presidenti Obama dhe prandaj ai qe shumë i përmbajtur këtu përsa i përket një angazhimi direkt ushtarak.

Çfarë tregon kjo goditje ushtarake e SHBA për politikën e jashtme të qeverisë Trump që nuk dukej kaq bindëse javët e para?

Politika amerikane, e këtu edhe politika e jashtme janë shumë të paqendrueshme. Presidenti Trump ka gati tri muaj që është në pushtet. Ka pasur një fillim shumë të vështirë. Atij iu desh të korrigjonte edhe vendime në personel, e të tërhiqte së fundi kryestrategun e tij Steve Bannon nga Këshilli Kombëtar i Sigurisë. Këtë sigurisht që ai nuk e bëri vullnetarisht por nën presionin e qendrave tradicionale të pushtetit në Uashington, të cilat po i sinjalizojnë për momentin: “O mik, dole për të luftuar si kryengritës, si i tillë e pushtove Shtëpinë e Bardhë, po tani po të themi se ku janë interesat e SHBA dhe këtij kursi do t’i përshtatesh.”

Me sa duket Trumpi është duke e marrë këtë orientim të ri. Të mos harrojmë se në fushatën elektorale Trumpi tha se nuk do më aksione ushtarake në botën e jashtme, nuk do më angazhim në Siri, të gjitha këto do të kushtonin vetëm para. Si zgjedhës i Trumpit të mbetet vetëm të konstatosh që ke zgjedhur një gjë dhe po merr një gjë tjetër…

…pra nuk kemi “America first” në politikën e jashtme të Trumpit?

“America first” patjetër, por në një mënyrë dhe stil jo të mirë, sepse bota nuk funksionon më sikur të kishim një qendër të vetme pushteti. Ekziston edhe Rusia, Kina dhe të tjerë dhe përfytyrimi që shtetet perëndimore, konkretisht SHBA, të jenë në gjendje t’u imponojnë agjendën e tyre vetjake këtyre aktorëve të tjerë, është i huazuar pak nga Lufta e Ftohtë, është iluzore. Këtë nuk do ta pranojnë as rusët dhe as kinezët, dhe këtu është rreziku i madh dhe një potencial i madh lufte.

Michael Lüders është politolog, ekspert për fenë islame dhe publicist. Ai është President i Shoqatës Gjermano-Arabe dhe këshilltar i Ministrisë së Jashtme gjermane.

 

 

 

 

 

 

 

 

 

 

 

Ilir Meta zbulon identikitin e Presidentit të ri: Nuk do të jem unë por …..

Kreu i Kuvendit, Ilir Meta e ka mohuar sot futjen e tij në garën për Presidentin e ri të Republikës. I ftuar në emisionin “Arena”, Meta ka zbuluar edhe identikitin e kreut të ri të shtetit, që sipas tij duhet të jetë një figurë konsensuale dhe me autoritet moral.

A po e shikoni veten si president?

Meta: Unë e kam bërë të qartë që unë do të drejtoj LSI në zgjedhjet e ardhshme sepse

Reklamë
Reklamë

Ankaraja: Autopsitë konfirmojnë përdorimin e armëve kimike në Siri

Autopsitë në Turqi të viktimave të sulmit në Siri konfirmojnë një përdorim të armëve kimike nga regjimi i Bashar al-Assad, konfirmoi sot ministri turk i Drejtësisë, cituar nga agjencia turke e lajmeve, Anadolu Agency.

Periskopi.com Lajme

“Autopsitë janë realizuar në Adana, në jug të Turqisë, në tre trupa të sjellë nga Idlebi. Këto autopsi tregojnë që janë përdorur armë kimike”, konfirmoi Bekir Bozdag, sipas Anadolu Agency.

“Kjo analizë shkencore tregon gjithashtu se Bachar al-Assad ka përdorur armë kimike”, shtoi ministri turk.

Të paktën 86 persona, 30 prej të cilëve fëmijë, u vranë gjatë një sulmi të kryer në Khan Cheikhoun, qytet i vogël i provincës rebele të Idleb (në veriperëndim të Sirisë).

Reklamë
Reklamë

Si u shpik helmi më i tmerrshëm në botë që vrau fëmijët e pafajshëm në Siri

Të paktën 72 njerëz kanë vdekur në provincën siriane të Idlib si rezultat i thithjes së gazit toksik, pas sulmeve ajrore mbi kalanë siriane ushtarake të rebelëve.

Periskopi.com Lajme

Ndërsa Perëndimi e akuzon presidentin sirian se ushtria e tij ka përdorur armë kimike, në Rusi, një aleat i regjimit sirian, thuhet se sulmet janë kryer në depon e armëve kimike që u përkasin rebelëve.

Ndërsa fuqitë botërore akuzojnë njëri-tjetrin, ajo që është e vërtetë është se një numër i madh i viktimave të pafajshme vdiqën në dhimbje të tmerrshme dhe se shumë prej tyre janë ende duke luftuar për jetë, pasi ata ishin të ekspozuar ndaj gazit të tmerrshëm toksik, transmeton KosovaPost.

Organizata Botërore e Shëndetësisë njoftoi sot se viktimat e sulmeve kanë simptoma të ngjashme me ato të shkaktuara nga gazi nervor.

“Në disa raste simptomat janë të ngjashme me ato të ekspozimit ndaj kimikateve organophosphate, kategori kimike, e cila përfshin gaz nervor”, thuhet në një deklaratë të OBSH-së, raporton Reuters.

Mjeku Mohammed Mansur që ka dërguar një fotografi të spitalit ku po shërohen të lënduarit thotë se është 90 për qind i sigurt se është përdorur gazi helmues sarin.

“Bazuar në përvojën, me siguri prej 90 për qind mund të them se gazi sarin është përdorur kundër këtyre civilëve”, tha ai.

Ky mjek është duke trajtuar personalisht rreth 100 persona në ditët menjëherë pas sulmeve. Në mesin e pacientëve të tij një numër i madh i tyre janë fëmijë.

Sarin është një armë shumë toksike kimike që mund të vrasë brenda pak minutash dhe është 26 herë më vdekjeprurëse se cianidi. Ky është një helm që sulmon sistemin nervor të njeriut.

Thithja e sarinës apo kontakti me të nëpërmjet lëkurës ka efektin e njëjtë të rrezikshëm. Edhe përqëndrimi i avullit është i mjaftueshëm që shpejt të depërtojë në lëkurë. Njerëzit të cilët janë të ekspozuar ndaj sarinit, në qoftë se nuk marrin trajtimin e duhur mund të kenë pasoja për tërë jetën.

Vdekja mund të pasojë një minut pas thithjes së drejtpërdrejtë prej vetëm 0.01 miligram për kilogram të peshës trupore, në qoftë në një periudhë të shkurtër kohore, nuk përdoret kundërhelmi.

Kjo është një nga armët kimike që përdoren më së shpeshti, edhe pse është klasifikuar si një armë e shkatërrimit në masë dhe prodhimi i saj është i ndaluar që në vitin 1993.

Ajo në fakt u prodhua rastësisht nga kimisti gjerman Gerhard Schrader duke punuar në krijimin e insekticideve të reja. Schrader ka shpikur edhe tabun dhe cyclosarin e cila është përdorur gjithashtu si armë kimike.

Në lojën ironike të fatit, njeriu që kishte për qëllim përmes insekticideve të zvogëlojë urinë në botë, ka krijuar disa nga armët më të tmerrshme.

Reklamë
Reklamë