Policia e Kosovës: Kemi për detyrë të mbrojmë jetën e qytetarëve

Periskopi.com Lajme

Pjesëtarët e Policisë së Kosovë të cilët kanë qenë në pushime, që nga sot janë detyruar ta ndërprenë dhe të dalin në punë. Përveç kësaj, derisa ata punonin nga tetë orë, nga sot do të punojnë nga 12 orë.

Sipas këtyre burimeve, ky vendim është marrë nga Drejtoria e përgjithshme e Policisë së Kosovës, ku përjashtim bëjnë pjesëtarët e Policisë të cilët janë në pushim shëndetësor.

Në lidhje më këtë, në një përgjigje, Policia e Kosovës duke mos dhënë detaje rreth rritjes së mobilizimit, ka thënë se Policia është institucion i zbatimit te ligjit, ku ka për detyrë të mbrojë jetën, pronën dhe të ofrojë siguri për të gjithë personat.

“Policia e Kosovës është institucion i zbatimit te ligjit, ndër detyrat dhe autorizimet ligjore të saj janë, të mbrojë jetën, pronën dhe të ofrojë siguri për të gjithë personat, të parandaloj rrezikun ndaj qytetarëve, ta mbajë rendin dhe sigurinë publike.

Bazuar ne autorizimet dhe vlerësimet policore që bëhen në vazhdimësi ndërmerren edhe veprime konkrete nga Policia e Kosovës, me qellim te ruajtjes se rendit dhe sigurisë se përgjithshme ne vend”, thuhet në deklaratën e Policisë së Kosovës.

Ndërsa Ambasada e Shteteve të Bashkuara të Amerikës në Prishtinë, sonte ka këshilluar qytetarët amerikanë në Kosovë të kenë kujdes të veçantë gjatë pushimeve të ardhshme fetare, në festivale, apo ngjarje të mëdha. Po ashtu Ambasada u ka dhënë udhëzime se si të veprojnë në rast të ndonjë sulmi terrorist.

Ramadani: S’mund të kemi Ushtri duke humbur mbështetjen e SHBA-së e NATO-s

Njohësi i çështjeve të sigurisë, Burim Ramadani ka thënë se Kosova duhet të ketë Ushtrinë e vet por poashtu edhe mbështetjen ndërkombëtare.

Periskopi.com Lajme

“FSK ka përmbushur të gjitha kapacitetet operacionale dhe është e gatshme të fillojë. Ajo që vlen për të gjithë është se Kosova duhet ta ketë ushtrinë dhe mbështetjen ndërkombëtare”.

“Kosova nuk mund të ndërtojë Ushtri duke e humbur mbështetjen e SHBA-së dhe NATO-s. Pas ndryshimit të misionit të FSK-së, NATO  duhet të marrë vendim me konsensus për ta mbështetur ose jo ushtrinë”.

Ramadani që ishte i ftuar në Info Magazine të Klan Kosovës ka thënë se për formimin e Ushtrisë së Kosovës, të gjitha institucionet duhet të bëjnë përpjekje të përbashkëta.

“Përpjekjet duhet të vazhdojnë pasi nuk është kryer misioni i ushtrisë. FSK-ja ende nuk e ka marrë misionin e ri dhe në këtë proces secili institucion duhet të argumentojë që Kosova nuk mund të ndryshojë Kushtetutën”.

“E vetmja mundësi për ta ndërtuar misionin ushtarak të FSK-së është që të gjitha institucionet t’i vazhdojnë përpjekjet”.

Bankat në Kosovë plaçkiten në mes të ditës

Nuk raportohet për të arrestuar. Gjithkund ka kamera, askush nuk flet për shumat e vjedhura./ Periskopi

Periskopi.com Video