Një shqiptar nga Gjilani u mbyt në një liqe në Zvicër

Periskopi.com Lajme

Personi që ka humbur jetën të mërkurën në liqenin e Cyrihut është një shqiptar 42 vjeçar. Siç merr vesh albinfo.ch nga rrethi i afërm i të ndjerit, bëhet fjalë për B.Sh.A. nga fshati Llovcë, i Gjilanit.

Një person me karrocë invalidësh është nxjerrë të mërkurën pasdite nga Liqeni i Cyrihut. Provat për t`i bërë rianimacionin kanë rezultuar të pasuksesshme kështu që pak më vonë ai ka ndërruar jetë në spital, shkruajnë mediat zvicerane.

Sipas njoftimit të dhënë nga Policia e Qytetit, lajmi për personin e pajetë në liqenin e Cyrihut (në plazhin Tiefenbrunnen) ka ardhur në polici pasditen e të mërkurës.

Para se të arrinte aty policia ujore, personeli për shpëtim i plazhit e kishte nxjerrë të mbyturin nga uji dhe kishte bërë përpjekje t`i kthente jetën përmes rianimimimit, transmeton albinfo.ch.

Pastaj ai, në gjendje kritike ishte dërguar në spital, ku pak më vonë dhe kishte vdekur.

Policia është në kërkim të dëshmitarëve për të zbuluar shkaqet e vdekjes.

Reklamë
Reklamë

Kapet kosovari më i kërkuar në Evropë

Periskopi.com Lajme

Hime Lufaj, 34-vjeç, personi më i kërkuar në Evropë nga Europoli ka rënë në pranga të Policisë së Kosovës gjatë ditës së djeshme.

Burimet e Indeksonline brenda Policisë së Kosovës kanë thënë se Lufaj ka qenë në kërkim që nga viti 2009.

Sipas policisë, ai dyshohet se ka plagosur një polic në Vjenë të Austrisë si dhe ka kryer një grabitje, raste këto të ndodhura gjatë vitit 2006.

Lufaj është kapur në shtëpinë e tij  diku në Dukagjin dhe sipas burimeve të policisë është befasuar me arrestimin por që nuk ka rezistuar fare.

Ende nuk ka informacione nëse i arrestuari Lufaj do të ekstradohet në Austri ku edhe dyshohet se janë kryer veprat apo do të gjykohet në Kosovë.

Reklamë
Reklamë

Dalin skenat në filmin “Fast and Furious 8” ku luan aktori shqiptar, Marko Cakanga

Periskopi.com Kulturë

Në filmin “Fast and Furious 8”, pjesëmarrës me një skenë të vogël ka qenë edhe shqiptari Marko Caka.

Marko ka postuar një foto në Facebook ku ka treguar sekuencat në të cilat ka marrë pjesë në film.

“Per gjithe ata qe do ndjekin filmin “The F of The F” ne kinema keto jane skenat ku marre pjese ne “Preson riot fighting scenes” ,ne grupin e pese policeve operative.. Pak sekonda por ju nuk e imagjinoni dot konkurencen per te marre rolin ne ate skene.

Gjithesesi, per mua fjale te teperta fukarallek dhe per ju me mire..

Shikim te kendshem !

” Une jam vetem ne skenat e nderhyrjes ndersa tek dyluftimet qe predispozohet qe jemi ne, aty jane dublantet (stunts) profesioniste te arteve marciale”, shkruan Caka

Reklamë
Reklamë

Polici shqiptar i vrarë sot në një atentat, ishte i arratisur, ja përse nuk dorëzohej

Periskopi.com Lajme

Ish efektiv i policisë, Ervin Dalipaj i cili është ekzekutuar sot më armë zjarri së bashku me një person tjetër me të cilin ishte në makinë, nuk është një emër i panjohur për drejtësinë shqiptare.

Ai së bashku me Denis Shtrazën kanë qenë të akuzuar për rrëmbimin dhe vrasjen e Gazmend Çollakut në 6 janar të vitit të kaluar në Durrës. Dalipaj pak kohë më parë, në një intervistë për News 24, e ka mohuar ngjarjen.

“Kam mësuar nga mediat rrëmbimin dhe vrasjen e Çollakut. Isha në një lokal të një ish ­oficerit të Policisë. Gjatë gjithë ditës kam qenë në Tiranë me të afërmit e mi dhe me familjen. Kjo është e verifikueshme përmes telefonin tim. E vërtetoj me pamjet filmike të lokalit ku kam pirë kafe”, ka thënë Dalipaj. Sipas Dalipajt, akuzat janë fabrikuar nga oficerë të caktuar të policisë. Ai konfirmoi në atë kohë, se nuk ishte larguar nga Shqipëria, por nuk do të dorëzohj në polici, pasi nuk kishte besim. “Shpallja ime në kërkim është tendencioze. Po kërkohem sikur jam terrorist i Parisit. Nuk dorëzohem se nuk kam besim te policia. Kam besim vetëm te Prokuroria dhe gjykata”, u shpreh Dalipaj.

Ngjarja e vrasjes se Çollakut

Këta dy shtetas akuzohen se, së bashku me dy persona të tjerë ende të paidentifikuar, në 06.0.2016 kanë rrëmbyer dhe vrarë shtetasin Gazmend (Laert) Çollaku. Fillimisht dy të dyshuarit janë shoqëruar menjëherë pas ngjarjes nga Policia Gjyqësore, por më pas janë lënë të lirë. Në vijim të hetimeve, Prokuroria ka siguruar prova të mjaftueshme për të ngritur akuzë ndaj këtyre dy shtetasve dhe mori miratimin e Gjykatës për Krime të Rënda për arrestimin e tyre. Deri në përfundim të hetimit, nën arrest ka qenë vetëm i pandehuri Denis Shtraza. Ndërsa i pandehuri tjetër, Ervin Dalipaj nuk është gjetur ende.

Mos humbsni oferten nga Spitali Continental,per cdo vizitë perfitoni deri ne 50% ulje.Kliko ketu per te marre Kuponin

Në dosjen e Prokurorisë për Krime të Rënda thuhet se:

– midis shtetasve Denzi Shtraza dhe Lart Çollaku egziston një konflikt, pasi ka dyshime se ky i fundit ka tentuar të vrasë Denizin në vitin 2013;

– dy shtetasit nën hetim Ervin Dalipaj dhe Deniz Shtraza janë shoqëruar nga policia vetëm 3-4 orë pas rrëmbimit dhe vrasjes së shtetasit Lart Çollaku me mjejtin tip Benz Ml, me ngjyre te zeze me targa AA671MZ, në pronësi të Ervinit, ku janë gjetur gjurmë gjaku të njëjta me ato që janë gjetur në vendngjarje dhe në rrobat e viktimës;

– ky mjet në datën 06/01/2016 është përdorur vetëm nga shtetasi nën hetim Ervin Dalipaj dhe në orët e pasdites dhe mbrëmjes së kësaj ditë kanë qenë vetëm me shtetasin nën hetim Deniz Shtraza;

– të dy shtetasit nën hetim pranojnë që gjatë datës 06/01/2016 në orët e pasdites dhe mbrëmjes kanë qëndruar së bashku por në deklarimet e tyre kanë kontradita të qarta dhe të shumta lidhur me oraret e takimit dhe lëvizjes, vendet e ku kanë shkuar dhe me cilët janë takuar në Tiranë, të paarsyeshme për veprime të kryera vetëm disa orë para deklarimit;

– të dy shtetasit nën hetim deklarojnë se nuk kanë asnjë dijeni se të kujt janë 9 aparatet celularë të gjendur në mjetin e Ervinit, ne xhepin e derës së pasagjerit ku ka qenë duke qëndruar Denizi;

rezulton i provuar fakti se në bagazhin e mjetit në pronësi të shtetasit nën hetim Ervin Dalipaj ku ka qenë të paktën dhe shtetasi nën hetim Deniz Shtraza është vendosur dhe më pas është vrarë shtetasi Lart Çollaku.

Pra rezultoi e provuar se shtetasit nën hetim Ervin Dalipaj dhe Deniz Shtraza në bashkëpunim midis tyre dhe në bashkëpunim dhe me dy persona të tjerë, ende të paidentifikuar, kanë rrëmbyer shtetasin Laert (Gazmend) Çollaku, e kanë lidhur në këmbë dhe duar me fasheta të zeza, e kanë transportuar si fillim me një mjet tip Audi, per ne fshatin Murqin te Krujes dhe e kanë vrarë me armë zjarri, duke konsumuar në këtë mënyrë veprën penale të “Rrembimin ose mbajtjen peng te personit“ e paraprirë ose e shoqëruar me tortura fizikike dhe kur është shkaktuar vdekja e tij”, e kryer ne bashkëpunim dhe “Prodhimit dhe mbajtjes pa leje te armeve luftarake”.

Po ashtu shtetasit nën hetim Ervin Dalipaj në datën 06/01/2016 reth orës 23 :40 kur është shoqëruar nga Policia e Durrësit i është gjetur dhe sekuestruar një një dokument me nr. xxxxx i lëshuar nga Drejtoria e Policisë Tiranë dhe një stemë metalike me mbishkrimin « Policia » të cilat i mbante pa lejen e organeve kompetente.  Ky shtetas ka qenë punonjës i policisë nga viti 2000 deri në vitin 2012 kur është liruar.  Në këtë mënyrë ka konsumuar veprën penale të «Mbajtjes pa të drejtë të uniformës».

Reklamë
Reklamë

Refugjati shqiptar masakrohet me thikë në Francë

Periskopi.com Lajme

Një 18-vjeçar shqiptar, refugjat, është plagosur nga dy goditje me thikë një ditë më parë në Caen të Francës.

Ngjarja ka ndodhur rreth orës 14, kur i riu shqiptar u shfaq në një dyqan në qendër të qytetit Caen, pranë stacionit të tramvajit Saint-Pierre. Ai i shpjegoi një tregtari aty, me një frëngjishte të dobët, se kishte marrë dy plagë me thikë, raportojnë mediat franceze.

Më pas, është lajmëruar ambulanca dhe shqiptari, identiteti i të cilit nuk bëhet e ditur, është transportuar në spital. Ai kishte marrë dy plagë, një në shpinë dhe tjetra në mushkri. Sipas mediave franceze, adoleshenti është jashtë rrezikut për jetën. Policia hapi një hetim, elementet e para të të cilit zbulojnë se i riu u godit nga një bashkatdhetar i tij.

Reklamë
Reklamë

Shqiptarit i “ikën truri”, i vë flakën 5 makinave nga xhelozia për të dashurën

Periskopi.com Uncategorized

Një shqiptar është arrestuar në Treviso të Italisë, pasi ka djegur tre automjete. Ai është Klodian Canaj 24 vjeç banues në Itali.

Canaj dhe e dashura e tij italiane kishin shkuar në Treviso për pashkë.

Mirëpo një zënkë mes çiftit për motive xhelozie është përshkallëzuar. Pas sherrit, Canaj i ka vënë flakën disa makinave që gjendeshin poshtë shtëpisë ku po qëndronin.

Mësohet se një nga automjetet është i të fejuarës së saj, ndërsa katër automjetet e tjera të fqinjëve./Albeu.com/

Reklamë
Reklamë

Emigranti shqiptar rrëfen për sulmin në Suedi

Periskopi.com Lajme

Suedia është tronditur këtë të premte nga një ngjarje e rëndë ku një kamion huri në rrugën më të frekuentuar nga këmbësorët duke lënë viktima dhe dhjetëra të plagosur.

Kamioni u përplas me një turmë njerëzish ndërkohë që po doli nga një qendër tregtare.

Suedia, një shtet që ka mjaft emigrantë shqiptarë, një të tillë e ka pasur edhe dëshmitarë të kësaj ngjarje të rëndë.

“Isha në vendngjarje dhe pashë tmerr me sy, njerëz që shtypeshin me njëri-tjetrin për së gjalli nga frika e kamionit, i cili ngjasonte me një bishë të etur për jetë njerëzish. Situata është bërë alarmante dhe vendi i ngjason ndonjë shtetrrethimi, po flitet se është sulm terrorist, por s’ma do mendja, sepse Suedia është shtet që pret mirë çdo fe dhe racë njerëzore, s’besoj se do zgjidhej Suedia për një sulm të tillë.Fatmirësisht unë dhe familjarët e mi jemi mirë, por sot kaluam një hororr, më dhimbsen shumë ata të pafajshëm që vdiqën”, përfundoi shqiptari nga Suedia”, – shkruan ai për JOQ.

Nuk dihet ende nëse është një sulm terrorist, por policia ka nisur menjëherë evakuimin e banorëve nga e gjithë zona.

Reklamë
Reklamë

I mori të dashurën, shqiptari hakmerret në mënyrën më të keqe ndaj grekut

Një shqiptar i ka bërë një atentat me armë zjarri një shtetasi grek ditën e djeshme pas rivalitetit që kishin në dashuri.

Periskopi.com Lajme

Mësohet se shqiptari e ka qëlluar pesë herë me pistoletë shtetasin grek, pasi ish-e dashura e tij armene ishte lidhur me të.

Ngjarja ka ndodhur në një lagje të Athinës, Palao Faliro dje gjatë natës. Sipas dëshmitarëve, shqiptari iu afrua me motor grekut dhe e thirri duke e qëlluar pesë herë me pistoletë. Më pas ai është larguar me shpejtësi, raporton “Protothema.gr”.

Por gjatë transportit për në spital, greku 26-vjeçar u ka thënë policëve se e njeh atentatorin. Ai gjendet në gjendje kritike për jetën në spital.

Për mediat greke ka folur babai i tij, i cili ka thënë se ishte në dijeni të sherrit që greku kishte pasur me shqiptarin.

“Për momentin më intereson vetëm gjendja e tij. Ai është në gjendje kritike dhe shpresoj të bëhet mirë. Po e dija që kishte një zënkë me një person, po nuk e di identitetin e tij”, ka thënë babai i të plagosurit./Albeu.com

Reklamë
Reklamë

SHBA, 31-vjeçari shqiptar vritet bashkë me të dashurën

Një shqiptar 31-vjeçar është gjetur i vrarë pranë një restoranti të quajtur Alegria në Beacon Hill të SHBA-ve, ndërsa e dashura e tij është gjetur e plagosur rëndë në dhomën e hotelit, por që ka ndërruar jetë më vonë gjatë transportit për në spital.

Periskopi.com Lajme

Të dy viktimat kanë pasur plagë të shumta në pjesën e qafës.

Ngjarja ka ndodhur mëngjesin e së mërkurës.

Ende nuk dihen motivet e krimit makabër, por paraprakisht dyshohet se viktimat kanë qëlluar njëri-tjetrin me sende të mprehta pas një zënke të ashpër midis tyre.

Identiteti i tyre nuk është dhënë ende nga policia. Pronari i restorantit tha se ishte i pikëlluar për atë që kishte ndodhur në pronën e tij.

“Kjo është një ditë e trishtuar. Kanë humbur jetën dy të rinj”, tha ai, cituar nga media lokale, ndërsa vlerësoi punën e bërë nga policia.

Reklamë
Reklamë

Ky është shqiptari që luan në Fast & Furious 8 (Foto/Video)

Një shqiptar është pjesë e kastit të aktorëve të Fast & Furious 8 dhe premiera e evropiane e filmit ka qenë në Berlin.

Periskopi.com Kulturë

Bëhet fjalë për aktorin Erand Hoxha, të cilit regjisori i ka besuar rolin e një pjesëmarrësi në garat e shpejtësisë.

Ndërkaq aktorët e famshmë të Hollivudit, Vin Diesel, Charlize Theron dhe F. Gary Gray u pritën nga qindra adhurues entuziastë.

Makinat që fluturojnë në rrugë, ndjekjet e vështira dhe shpërthimet, edhe këtë herë vijnë me shumicë, por në filmin më të fundit të sagës shfaqen edhe një sferë e madhe metalike, një tank dhe një nëndetëse. /GSH

 

Reklamë
Reklamë

Dëbohet në Shqipëri i mbijetuari i plagosur rëndë në sulmin e Bazelit

Personit në fjalë përveç që është dëbuar, i është shqiptuar edhe një masë e ndalimit të hyrjes në Zvicër dhe në gjithë Zonën Schengen deri në vitin 2022

Periskopi.com Lajme

Personi i tretë i sulmuar në kafen “56” në Bazel më 9 mars,  i mbijetuari i vetëm në sulmin ku u vranë dy shqiptarë, është riatdhesuar në Shqipëri. Kjo ka ndodhur pas qëndrimit në spital të shqiptarit që kishte marrë plagë me rrezik për jetën. Ai ishte liruar nga spitali më 17 mars.

Këtë njoftim e jep gazeta “Tageswoche” e 31 marsit. Sipas saj, personit në fjalë përveç që është dëbuar, i është shqiptuar edhe një masë e ndalimit të hyrjes në Zvicër dhe në gjithë Zonën Schengen deri në vitin 2022. transmeton albinfo.ch.

Sipas gazetës së përmendur, ai donte të shkonte në Gjermani dhe të kërkonte azil ndërsa Zvicrën e kishte shfrytëzuar vetëm si vend transit. Por gjyqtarët nuk e kanë besuat këtë deklarim të tij pasi që ai edhe tri ditë pasi kishte ardhur në Zvicër po e vazhdonte qëndrimin këtu.

Ndërkaq, departamenti për siguri dhe drejtësi i Bazelit ka konfirmuar për gazetën se i përmenduri është dëbuar në Shqipëri. Ndërsa Prokuroria Publike e Bazelit nuk ofron njoftime tjera të nxjerra nga hetuesit në lidhje me rastin.

Reklamë
Reklamë

Fillon sherri në Maqedoni pas heqjes së flamurit maqedonas në Kumanovë, arrestohen dy të rinj

Periskopi.com Video
Reklamë
Reklamë

Shqiptari i dënuar arratiset në mënyrë spektakolare nga burgu!

Një shqiptar është arratisur nga burgu, ku po vuante një dënim të marrë nga gjykata.

Periskopi.com Lajme

Ngjarja ka ndodhur mëngjesin e sotëm, në orën 10:30 minuta të paradites në burgun e Alessandrias në Itali.

Siç bëjnë të ditur mediat italiane, shqiptari (emri i të cilit nuk është bërë i ditur) ishte duke bërë disa punë mirëmbajtjeje në ambientet e parkingut të burgut, kur ka kapërcyer telat e rrethimit dhe është larguar, shkruan syri.net.

I favorizuar edhe nga një bllokim i sistemit të mbikëqyrjes me kamera, ai ka ikur duke mos lënë asnjë gjurmë pas.

Alarmi ka shpërthyer menjëherë dhe kanë nisur kërkimet për shqiptarin e arratisur, i cili sipas policisë, nuk ka mundësi për tu larguar shumë nga zona.

Kontrolle të shumta janë duke u bërë, por ende nuk është gjetur.

Reklamë
Reklamë

Zbulohet emri: Ja kush do të jetë kreu shqiptar i Kuvendit të Maqedonisë

Ish Ministri i Mbrojtjes së Republikës së Maqedonisë, Talat Xhaferi prite të jetë kryetari i Parlamentit në rast të formimit të qeverisë mes LSDM-së dhe BDI-së.

Periskopi.com Lajme

Sipas Republika.mk, ka një marrëveshje me Ali Ahmetit dhe Zpran Zaev për ta bërë Xhaferin kruetar të Kuvendit të Maqedonisë.

Në mungesë të Presidentit të shtetit, Xhaferi do të udhëheqë shtetin dhe do të jetë komandant i përgjithshëm i forcave të armatosura të Republikës së Maqedonisë.

Reklamë
Reklamë

Njihuni me shqiptarin që flet perfekt 8 gjuhë të huaja

Që në moshë të re, Cameron Albanoi kishte dëshirë të ndihmonte njerëz. 60-vjeçari u shpërngul me prindërit e tij nga Shqipëria në Maqedoni në vitin 1956. Albanoi e shijoi shpërnguljen në Shkup, Maqedoni, një nga qytetet më të multikulturore të vendit.

Periskopi.com Lajme

“Kemi qenë 6 vëllezër në total dhe unë isha më i vogli. Atje kishte minoritete turke, kroate, serbe, boshnjake, bashkësitë bullgare etj. Më kanë mësuar të jem tolerant dhe bashkëpunues. Unë flas rrjedhshëm 8 gjuhë. E kam mësuar anglishten dhe gjermanishten në shkollë”, tha ai.

Ai u rrit duke luajtur futboll me fëmijët e tjerë dhe i duhej të mësonte gjuhën për t’i dalë zot vetes në lojë. Kultura familjare në të cilën u rrit, bëri që ai t’i ndihmonte të tjerët pavarësisht asaj që mund të kishin bërë në të shkuarën. “Pasi mbarova shkollën e mesme, qëndrova në Pella dhe Sibenik për 2 vite. E bëra këtë për të udhëtuar në Evropë dhe gjatë kohës që studioja në universitet udhëtoja kudo në kontinent”, u shpreh ai.

Gjatë 4 viteve të shkollës, Albanoi ishte president i klubit të historisë dhe ka ndihmuar studentët në nevojë, duke i mësuar falas. Pasi dha mësim në Maqedoni për 1 vit, ai u shpërngul në Australi në vitin 1984.

Shqiptari u bashkua me komitetin “Victorian Refugee”, që synon të integrojë refugjatët në shoqëri. Kjo ishte puna e tij e parë vullnetare duke u pasuar nga shumë të tjera./tvklan.

Reklamë
Reklamë

Shqiptari qeras 18-vjeçaren me drogë në pije, dënohet me 8 vite burg

Blerim Hajdarmataj, 24 vjeç, me banim në Sunrise Avenue, Chelmsford është dënuar me 8 vite burg për abuzim seksual ndaj një adoleshenteje.

Periskopi.com Lajme

Ai doli para gjykatës së Chelmsford Croën shtatorin e vitit 2016 dhe u largua nga vendi ndërkohë që çështja vazhdonte të ishte e hapur. Gjatë mungesës së tij gjykata e deklaroi fajtor për krimin e kryer dhe Hajdarmataj u shpall në kërkim ndërkombëtar.

Ai u gjet në Kosovë 2 javë më parë dhe u dërgua në Mbretërinë e Bashkuar të premten, ku u dënua me 8 vite burg.

Në datën 3 shtator të vitit 2014, shqiptari kishte qerasur me një pije 18-vjeçaren në klubin Chelmsford dhe më pas ajo ishte zgjuar në dhomën e tij duke mos iu kujtuar asgjë. E vetmja gjë që ajo mbante mend ishte se nuk kishte pranuar të shkonte në apartamentin e tij. Ajo ishte e zhveshur dhe kishte shenja kafshimi kudo në trup.

Viktima nga Hornchurch, kishte dalë menjëherë në rrugë duke i bërë shenjë një motoçiklisti për ndihmë, ndërkohë që 24-vjeçari e kishte kuptuar që ajo ishte larguar dhe kishte filluar ta ndiqte.

Adoleshentja kishte lajmëruar më pas policinë dhe shqiptari e gjeti veten nën pranga.

“Hajdarmataj përfitoi nga një vajzë në mënyrën më të tmerrshme. Ai nuk është penduar për veprimet e tij dhe nuk e ka imagjinuar sa gjatë do ndikojë kjo në jetën e vajzës. Ndërkohë që ai ishte në arrati, frika e saj ishte shtuar akoma dhe më shumë. Do doja të falënderoja atë për forcën që kishte gjatë rrëfimit të ngjarjes megjithëse ndihej e lënduar. Ky është një mesazh i fortë për të gjithë ata që mendojnë se do largohen nga vendi ynë pa u përballur me drejtësinë ”, ka thënë inspektori Terry Balding, pas seancës dëgjimore.

“Agjencia Ndërkombëtare e Krimeve nuk do ndalet para asgjëje në gjurmimin e të arratisurve. Blerim Hajdarmataj mendoi se mund t’i shpëtonte drejtësisë por ne përdorëm rrjetin tonë të gjerë ndërkombëtar për ta lokalizuar. Pasi mësuam se vendndodhja e tij ishte në Shqipëri, monitoruam lëvizjet e tij dhe nisëm përgatitjet për arrestimin e tij ndërkohë që ai kaloi kufirin për në Kosovë. Si rezultat i punës së palodhur të policisë së Essex-it dhe asaj kosovare, Hajdarmataj u dërgua në Mbretërinë e Bashkuar dhe gjendet në burg, sepse aty ku e ka vendin”, u shpreh Miles Bonfield, menaxheri operacional i Agjencisë Ndërkombëtare të Krimeve.

Reklamë
Reklamë

Imami shqiptar kundër babait që ia ndalon vajzës mësimin e notit

"Është absurde dhe tmerruese se si këta njerëz, nga njëra anë marrin ndihma sociale e në anën tjetër thonë se `nëse unë u përmbahem ligjeve në shkollë ose në Zvicër, atëherë shkoj në ferr; ndërsa nëse unë i kundërshtoj këto ligje, atëherë shkoj në parajsë”

Periskopi.com Lajme

Një baba, mysliman i vijës së ashpër nga Kreuzlingeni (Kanton i Thurgau) nuk e lejon në asnjë mënyrë vajzën e tij 8 vjeçare që të marrë pjesë në mësimin e detyruar të notit në kuadër të shkollës, shkruan sudkurier.de. Të gjitha masat që kanë ndërmarrë ndaj tij kanë shkruar huq. Atë e kanë dënuar disa herë me gjobë dhe e kanë kërcënuar edhe me burg por kot. Edhe shkolla dhe komuna janë inkuadruar në zgjidhjen e këtij problemi.

Bashkësia shkollore e ka angazhuar imamin shqiptar Rehan Neziri nga Bashkësia Shqiptare Islamike e Kreuzlingenit si këshilltar për të shpjeguar se si i qaset islami çështjes së notit për vajzat, transmeton albinfo.ch. Neziri nuk tregon fare mirëkuptim me babain që ia ndalon të bijës mësimin e notit.

I pyetur nga gazeta nëse ka shpesh mospërputhje në mes të rregullave të këtushme shkollore dhe rregullave të Kuranit, Neziri përgjigjet: “Në të vërtetë jo. Mbulesa e kokës është një nga temat, por ajo në shkollën në Kreuzlingen është e lejuar, për mësimin e notit ekziston burkini (veshja e notit për myslimane) ndërsa për kampet e shkollës mundësohet kontrollimi i ushqimit, transmeton albinfo.ch.

Ndërsa pyetjes se çfarë qëndrimi ka ai lidhur me mësimin e notit për vajzat myslimane, imami shqiptar i përgjigjet: mësimi i notit është pjesë përbërëse e mësimit në përgjithësi. Profeti Muhamed ka thënë madje vetë dhe në mënyrë të qartë se prindërit duhet që fëmijëve të tyre t`ua mësojnë shkrimleximin, notin, kalërimin dhe shënimin me shigjetë dhe hark.

Por përse megjithatë po dalin probleme sa i takon pjesëmarrjes në mësimin e notit për vajzat myslimane? Neziri kësaj pyetjeje i përgjigjet : Rregullat mbi veshjen (kodi i veshjes) janë në kundërshtim me ato për veshjen gjatë mësimit të notit. Por fëmijët, vetëm nga mosha e pubertetit janë të detyruar t`u përmbahen rregullave islame të veshjes.

Ndërkaq pyetjes konkrete lidhur me babanë që refuzon pjesëmarrje  e të bijës në mësimin e notit, imami shqiptar i përgjigjet me keqardhje. “Prindërit janë pjesëtarë të bashkësisë sonë dhe unë e konsideroj këtë rast si shumë të dhembshëm, përcjell albinfo.ch gazetën gjermane. Është absurde dhe tmerruese se si këta njerëz, nga njëra anë marrin ndihma sociale e në anën tjetër thonë se `nëse unë u përmbahem ligjeve në shkollë ose në Zvicër, atëherë shkoj në ferr; ndërsa nëse unë i kundërshtoj këto ligje, atëherë shkoj në parajsë”. Një shprehje e tillë bie në kundërshtim me islamin dhe me mendjen e shëndoshë. Është shumë dëm që nuk është gjetur një zgjidhje për këtë problem”.

Imami shqiptar kundër babait që ia ndalon vajzës mësimin e notit

 

 

.

 

Reklamë
Reklamë

Shqiptarin e tërheq zvarrë policia angleze, bëhet lajm botëror (Video)

Ky është momenti kur policia bastis në mënyrë të tmerrshme një autolarje në Angli dhe kërkon për emigrant ilegal.

Periskopi.com Lajme

Raportohet të jetë një 26 vjeçar shqiptar, shkruan Daily Mail, përcjell Periskopi.

Pas telefonatës së marrë, polica shkoi menjëherë në vendin e ngjarjes ku përveç emigrantëve dyshohej se vendi po përdorej edhe për armë, drogë dhe pastrim parash.

Pronari i autolarjes Bashkim Ademi citohet të ketë thënë “ Unë nuk kam mundur të flej nga mënyra se si është trajtuar stafi im, dhuna nuk ishte e nevojshme, unë nuk asgjë çfarë të fsheh përndryshe nuk do të bashkëpunoja me policinë”

Në video shihet se si policia të dyshuarin e tërheq për disa metra në tokë.

 

Reklamë
Reklamë

Vdes edhe një shqiptar në burg, mësohet emri

Një i dënuar ka ndërruar jetë në burg.

Periskopi.com Lajme

Ngjarja ka ndodhur mëngjesin e djeshëm në burgun e Fierit. Siç bëhet e ditur nga burime të policisë rreth orës 06:30 të mëngjesit të djeshëm është gjetur i vdekur në qelinë e tij, Arqile Fili, 64 vjeç, nga Fieri.

Trupi i pajetë është gjetur nga gardianët, të cilët më pas kanë thirrur policinë.

Nga hetimet e para bëhet fjalë për një vdekje natyrale, por dosja i është dërguar prokurorisë për hetime të tjera.

Reklamë
Reklamë

Ky është shqiptari që fitoi xhekpotin 1 milion dollarë në SHBA

Shqiptarit Fitim Mustafa nga Kërçova e Maqedonisë, i cili jeton dhe punon në SHBA i ka trokitur fati në derë.

Periskopi.com Lajme

Në lojën e fatit në MGM në Las Vegas ai ka fituar Jackpotin prej 1 milion dollarësh.

Fitim Mustafa njihet si biznesmen i dalluar i cili ka investuar në biznes, por edhe nuk kanë munguar edhe aktivitetet humanitare në vendlindjen e tij, shkruan Veqshqiptar.

Ai njihet si humanist i dalluar, ndërsa këtë herë i ka buzëqeshur edhe fati në llotari, nga ku si rrallë njerëz të tjerë Fitimi doli i fituar.

Reklamë
Reklamë