Çfarë po ndodh në Tiranë, ftohet inteligjenca ruse si frikë nga sulmet terroriste (Video)

Periskopi.com Lajme

Ambasadori rus në Tiranë Aleksandër Karpushin i është drejtuar zyrtarisht shtetit shqiptar, duke njoftuar autoritetet se ndihet i kërcënuar. Burime diplomatike bënë të ditur për Vizion Plus, se Karpushin ka njoftuar që prej dy javësh, se ndihet i rrezikuar nga një grup ekstremistësh islamike nga Kosova dhe Maqedonia.

Të njëjtat burime thanë se ky grup, sipas diplomatit Karpushin, është vendosur në një apartament shumë pranë ambasadës ruse në Tiranë dhe vëzhgon prej disa kohësh të gjitha lëvizjet e ambasadorit si dhe të stafit të përfaqësisë diplomatike. Ai ka theksuar se ekstremistet e ISIS janë ne gjendje te veprojnë gjithkund dhe në çdo rrethanë. Për pasoje, Karpushin ka njoftuar edhe stafin e ambasadës që te evitoje sa më shumë pjesëmarrjen ne aktivitete masive.

Në kohën kur ambasadori rus në Ankara u qëllua për vdekje nga një ekstremist islamik e kur Shën Petërburgu u godit së fundmi nga aktet terroriste, sipas ambasadorit, kanë rritur shqetësimin për sigurinë e ambasadave ruse, përfshirë dhe atë në Shqipëri.

Burimet diplomatike theksuan se ambasada ruse nuk ka ofruar asnjë fakt konkret per grupin qe pretendon se po kërcënon ambasadorin Karpushin. Por ajo ka kërkuar shtim të personelit, për të sjellë nga Moska në Tiranë një grup ekspertësh të inteligjencës, që do të mund të përballonin kërcënime të tilla.

Vizion plus pyeti ambasadën ruse por ajo nuk ka bërë komente. Personi që merret me shtypin, sipas ambasadës, nuk ndodhet në punë prej disa ditësh, ndërsa nuk dha përgjigje as pohuese dhe as mohuese mbi këtë çështje. Kërkesa e ambasadës për të sjellë njerëz te inteligjences ruse nga moska, vjen në kohën kur Shqipëria po bëhet gati të shkojë drejt zgjedhjeve parlamentare të 18 qershorit.

 

Shqiptarët si në ” Fast & Furious”, ndiqen dhe vriten si mafiozë

Periskopi.com Lajme

Një ngjarje e rëndë ndodhi mesditën e sotme në Sukth, ku dy persona humbën jetën në një atentat mafioz. Viktimat Ervin Dalipaj (ish-shef i krimit ekonomik në Tiranë) dhe Juxhin Dauti udhëtonin me një makinë top Audi, kur prapa tyre u shfaq një automjet ngjyrë e zezë.

Skema është parë nga banorë të zonës. Ata i kanë thënë grupit hetimor se dy makinat udhëtonin me shpejtësi të lartë në rrugën e vjetër Tiranë-Durrës. Makinat udhëtonin paralel, ndërsa autorët qëllonin me breshëri në drejtim të makinës ku ndodheshin dy makinat.

Automjeti i tyre u qëllua me breshëri kallashnikovi, sidomos nga ana e shoferit. Për shkak të të shtënave me armë, makina tip Audi humbi kontrollin dhe përfundoi jashtë rruge.

Skema e këtij atentati i ngjason atyre të filmave hollivudianë. Dëshmitarët shpjeguan gjithashtu se makina e autorëve u largua në drejtim të Shijakut.

 

Lutfi Haziri lëshohet në deklarata: Shqiptarët e turqit janë vëllezër të një gjaku

Periskopi.com Lajme

Dita e Turqve, 23 prilli është shënuar sot në Gjilan, me një program kulturor dhe artistik, i cili filloi me intonimin e himneve të Kosovës dhe Turqisë.

Në fjalën e tij para të pranishmëve, kryetari i Komunës së Gjilanit, Lutfi Haziri ka uruar komunitetin turk në Gjilan për festën e tyre, duke i falënderuar për angazhimin dhe përpjekjet e tyre për të ndërtuar, zhvilluar dhe për të qenë pjesë e proceseve të rëndësishme të jetës së Gjilanit që nga viti 1600 e deri më sot.

“Ardhja e vëllezërve tanë këtu e bashkqytetarëve dhe shumë personaliteteve tjera me rëndësi na bënë krenar për të ecur bashkërisht përpara. Natyrisht që viti 1920, fillimi i parlamentit Turk dhe shënimi i datës 23 prill, neve na nderon, sepse historia e Gjilani, që tash nuk është e lidhur me vitin 1800, por, që nga viti 1600, kur komuniteti shqiptarë e turk në Gjilan, kanë bërë ndërtimin e “Atik” xhamisë”, ka thënë kryetari Haziri.

Ai ka thënë se historia e qytetit të Gjilanit nuk ndahet ne shqiptarë e turq, sepse ata kanë qenë vëllezër të një gjakut, të pa ndarë në asnjë pjesë të jetës dhe bashkërisht kanë ndërtuar edhe qytetin e Gjilanit.

I pari i Gjilanit ka thënë poashtu se kontributi i tyre, për lirinë e Kosovës, të Gjilanit për zhvillimin ekonomik dhe të gjitha të mirat që ne sot i gëzojmë janë të përbashkëta, nuk ndahen dhe janë pjesë të përbashkëta të historisë së rrugëtimit tonë.

Nga ana e tij ministri i Administratës Publike, Mahir Yakcilar, ambasadorja e Turqisë në Kosovës, Kivilcim Kilic, zëvendës ministri i Punëve të Jashtme të Turqisë, Ahmet Yıldız kanë uruar të gjithë qytetarët e komunitetit turk dhe gjithë qytetarët e Gjilanit, për punën e bërë për trajtimin që bëhet dhe për zhvillimin e përbashkët që ndodh në kuadër të zhvillimit të vendit dhe shoqërisë në përgjithësi.

Rikthehen protestat te Manastiri i Deçanit

Periskopi.com Lajme

Drejtues të Lidhjes se Historianëve të Kosovës “Ali Hadri” dega në Deçan, kanë marrë vendim që më 28 prill nga ora 11:00 deri në ora 12:00, të protestojnë në mënyrë paqësore në rrugën e Manastirit të Deçanit.

Sipas një njoftimi të historianëve të Deçanit, ky vendim është marrë pas mos reflektimit të Qeverise se Republikës se Kosovës dhe kryeministrit Isa Mustafa për kontestin pronësor në mes qytetarëve, ndërmarrjeve dhe Komunës se Deçanit në njërën anë dhe Manastirit të Deçanit në anën tjetër, në lidhje me pronat e Ndërmarrjeve “Apiko” dhe “Iliria”./KosovaPress/

Kërcënimet me jetë ndaj politikanëve shqiptarë ndër vite, rastet më të bujshme

Periskopi.com Lajme

Lajmi se ekziston një skenar për ekzekutimin e kryetarit të opozitës u pranua pjesërisht edhe nga kryeministri Rama.Basha është i fundit, po as i pari dhe i vetmi politikan që është kërcënuar me jetë pas vitit ’90.

Që nga Berisha tek Rama e Tahiri, ja atentatet ose kërcënimet më të bujshme politike…

Organet e posaçme shtetërore kanë shtuar masat e sigurisë për kreun e PD-së, Lulzim Basha pas një informacioni të marrë në rrugë zyrtare e më tej të bërë publik nga gazetari Blendi Fevziu se ka një skenar për asgjësimin e tij.

Lajmin e pranoi dhe vetë kryeministri Edi Rama dje, por jo në përmasat që është përhapur mediatikisht.

“Nuk ka asnjë skenar për të ekzekutuar kryetarin e opozitës. Ka pasur një informacion që është trajtuar me seriozitetin më të madh dhe pavarësisht se gjithë ekspertiza tregon se informacioni nuk është mjaftueshmërisht i besueshëm dhe burimi është kontradiktor, janë marrë të gjitha masat njësoj sikur kjo të ishte diçka realisht e vërtetë, sepse patjetër që siguria e të gjithë njerëzve, padiskutim dhe e kryetarit të Partisë Demokratike, është prioritet numër një, nëse kërcënohet. Por përtej çfarë pompohet në katundin mediatik ju siguroj se kryetari i PD është më i mbrojtur se asnjëherë dhe sigurisht që do të jetë tërësisht i mbrojtur deri në fund me gjithçka që shteti ka për detyrë”, tha Rama .

Më shumë se kushdo tjetër ky i fundit është i interesuar që kundërshtarit të tij politik të mos i ndodhë asgjë e keqe ndërkohë që dy palët ndodhen në një betejë politike për zgjedhjet e reja.

Vetëm 6 vite më parë në të njëjtin pozicion ishte vetë Edi Rama, i cili si kryetar i Partisë Socialiste në atë kohë në opozitë mori kërcënim me jetë dhe ndaj tij u shtuan masat e sigurisë.

Por ndryshe nga rasti i Bashës, ku ai nuk është kërcënuar, por është një informacion i siguruar nga SHISH, Rama mori mesazhe në telefonin e tij celular ku kërcënohej me disa ditë pas protestës së 21 Janarit, ku ishin vrarë 4 protestues të opozitës.

Atentatet ose kërcënimet më të bujshme politikeShqipëria në historinë e saj ka shënuar vrasje kryeministrash dhe ministrash, por pas vitit ’90 vetëm vrasja e Azem Hajdarit, funksionar dhe deputet i PD-së është atentati më i bujshëm ndaj një politikani.

Në 9 maj 1996 Presidenti Sali Berisha u kërcënua gjatë një takimi me homologun italian Luigi Scalfaro.

Një i ri me granatë në dorë kërcënoi se do t’a shpërthente por ai u ç’armatos dhe u arrestua.

4 qershor 1997. Gjatë një mitingu në fshatin Shkallnuer një person me emrin Ilir Çeta hodhi një granatë në podiumin ku po fliste presidenti Berisha, po ajo nuk shpërtheu.2

1 shtator 1997. Makina e Arta Dades, ministre e Kulturës në atë kohë, shpërtheu në Shkodër pasi iu vu poshtë një sasi tritoli.

12 janar 1998. Makina e ministrit të Brendshëm, Neritan Ceka, bllokohet në rrugë nga një makinë tjetër.12 shkurt 1998. Dikush telefoni në polici dhe tha se kishte vënë bombë në zyrën e kryeministrit Fatos Nano, por ky alarm rezultoi fals.

14 shtator 1998. Pas vrasjes së Azem Hajdarit, sulmohet me antitank dhe armë të tjera godina e Kryeministrisë që kishte si synim vrasjen e Fatos Nanos, i cili në fakt nuk ndodhej në zyrë.

15 shtator 1998. Sulmohet eskorta e ministrit të Brendshëm Perikli Teta. Autori mbeti i vdekur nga kundërpërgjigja e truprojave të ministrit.

13 prill 2001. Dikush goditi xhamat e shtëpisë së kryetarit të Bashkisë, Edi Rama, dhe hodhi fishekë brenda në shtëpi. Rama vetë tha se ishin “karamelet e Berishës”

19 gusht 2011. Ilir Meta sapo kishte dhënë dorëheqjen si zv/kryeministër dhe ministër i Energjisë. Ai bëri publike dy sms kërcënuese që i kishin ardhur nga një nr jashtë vendit. Policia e mori në mbrojtje atë dhe familjen.

10 shkurt 2015. Hidhet në erë farmacia e babait të ministrit të Brendshëm Saimir Tahiri. /tesheshi

Kërcënon imami shqiptar: Kush guxon të prekë kishat e të krishterët, na ka përballë (Video)

Periskopi.com Lajme

Imami i njohur i Tiranës, Ahmed Kalaja ka deklaruar se muslimanët do jenë të parët që do mbronin të krishterët e kishat e tyre nëse ato do cenoheshin.

Duke marrë shkas nga apeli i ambasadës amerikane mbi kujdesin gjatë këtyre ditëve të Pashkëve apo mbi ca lajme për rrezik sulmesh rreth e rrotull ndaj objekteve të kultit të krishterë, imam Kalaja ka thënë se muslimanët do ishin rrethi i parë mbrojtës i tyre.

 

Ai, në fjalimin e tij të xhumasë, i është referuar për këtë qëndrim urdhërave kuranore dhe modelit profetik ku besimtari i një feje tjetër mbrohej e kurrë nuk sulmohej. “Jemi të gatshëm t’i mbrojmë dhe me trupat tanë”, ka thënë kleriku i njohur musliman. /tesheshi.com/

Këta janë shqiptarët që fabrikën e këpucëve e kthyen në laborator droge (Foto)

Periskopi.com Lajme

Ditën e sotme policia e Shtetit zbuloi një laborator të sofistikuar droge në Skrapar ku përpunohej dhe mbillej hashash.

Pas zbulimit, policia bëri me dije se ka vënë në pranga dy pronarët e laboratorit Edlira Lame dhe Muhamed Kadiu.

Edlira Lame, në bashkëpunim me shoferin Muhamed Kadiu, arritën të ndërtojnë laboratorin e drogës më të përparuar ndonjëherë në Shqipëri.

Edlira Lame administronte një firmë private fasonerie ku prodhoheshin çanta kartoni për verë dhe raki, ambientet e së cilës duket se i ka përdorur edhe për të përpunuar drogën.

Më herët në ambientet e fabrikës së administruar nga Edlira Lame prodhoheshin edhe bimë medicinale, ndërsa kohët e fundit ajo e kishte kthyer fabrikën në një biznes më fitimprurës siç është edhe përpunimi e prodhimi i kanabisit.

Shtetasit e mësipërm, siç bën me dije edhe policia, në bashkëpunim me njëri-tjetrin në ambientet e fabrikës ushtronin këtë aktivitet të kundërligjshëm.

Ata janë arrestuar, ndërsa tre persona të tjerë, roli i të cilëve nuk dihet ende po ndiqen në gjendje të lirë. Mbi Edlirën dhe bashkëpunëtorin e saj rëndojnë tashmë tre vepra penale:

“Kultivimi i bimëve narkotike”, “Prodhim dhe mbajtja pa leje e armëve luftarake dhe municionit” dhe “Grupi i strukturuar kriminal”./Albeu.com/

Vazhdon konflikti mes deputetëve të Maqedonisë

Periskopi.com Lajme

Deputetët e Maqedonisë kanë vazhduar me fyerje dhe akuza të ndërsjella në mes vete edhe në vazhdimin e seancës konstituive në Kuvendin e vendit, shkruan Telegrafi Maqedoni.

Seancën e kanë nisur deputetët e LSDM-së me ndërhyrje procedurale ku akuzohet kryesuesi i Kuvendit për thyerje të Rregullores së Kuvendit.

Sheqerinska reagoi për rastin e konsulit të nderit i cili dyshohet për vrasje në Barcelonë.

Sot pritet të rikthehet debati në Kuvendin e Maqedonisë, javë vendimtare

Të hënën pritet të rikthehet debati në Kuvend për përbërjen e Komisionit për Zgjedhje dhe Emërime. LSDM-ja së bashku me partitë shqiptare për javën që vjen kanë paralajmëruar zhbllokimin e punës se Kuvendit në mënyrë që t’i hapet rruga zgjedhjes së kryeparlamentarit dhe më pas edhe Qeverisë së re.

Periskopi.com Lajme

Nuk ka zgjidhje tjetër, përveç që VMRO-DPMNE-ja të heqë dorë nga bllokimi i Kuvendit, të lejojë zgjedhjen e kryeparlamentarit të ri dhe funksionimin normal të Kuvendit – njoftojnë nga LSDM-ja.

Në një situatë kur Kuvendi është i bllokuar ndërsa nisma “Për Maqedoni të përbashkët” proteston rrugëve, kreu i VMRO-DPMNE-së Nikolla Gruevski i hedh benzinë zjarrit. Kreu i VMRO-së në një intervistë për të përditshmen serbe “Blic” thotë se çdo tensionim i situatës në Maqedoni mund ta ndezë gjithë Ballkanin.

“Për fat të keq, çdo shkëndijë e hedhur në një vend mund ta ndezë zjarrin edhe në vendet e tjera. Shohim se ka tensione të shumta në më shumë vende të rajonit. Do të ishte naive që të përjashtohet çfarëdo skenari, por ne nuk duhet të lejojnë kjo situatë të përshkallëzohet”– tha Nikolla Gruevski, kryetar i VMRO-DPMNE-së.

Gruevski në intervistën e fundit në të cilën kryefjalë kishte siç e quan ai “Platformën e Tiranës”, ripërsëriti kushtin se do ta ndihmonte LSDM-në vetëm nëse heqë dorë nga kërkesat e shqiptarëve që janë pjesë e deklaratës së përbashkët, pasi sipas tij me zbatimin e kërkesave të shqiptarëve gradualisht do të nis procesi i kantonizimit apo federalizimit të shtetit.

Shqiptaret që për pak i shpëtuan sulmit terrorist në Stokholm

Periskopi.com Lajme

Besarta Gashi bashkë me të bijën Leonidën nëntë vjeçe, kanë qenë shumë afër vendit ku një sulmues hyri me kamion në turmën e njerëzve në Stokholm.

Kishte vetëm 15 minuta, para se Besarta 31 vjeçe bashkë me vajzën e saj ishin në Ahlens në qendër të kryeqytetit suedez, shkruan Expressen.se, transmeton Klan Kosova.

Ajo ka treguar se në momentet e sulmit ka pasur shumë njerëz që gjendeshin në “Queen Street”.

“Më tha vajza, nënë a mund të më blesh ‘hot dog’ dhe në ato momente sulmuesi hyri në turmën e njerëzve”, ka thënë Besarta Gashi.

Nga aty ajo ka thënë se ka dëgjuar piskamat e njerëzve duke thirrur se “ka një bombë e cila është në një kamion”.

“Diçka eksplodoi. Njerëz gjithandej, sigurimi, të gjithë bërtisnin “Vraponi”. Dikush thoshte ‘bomba’. Dikush thoshte ‘gaz’”, ka thënë ajo.

“Ne dëgjuam britma, Filluam të vrapojmë por nuk e dinim se nga erdhi”.

“Vetëm e kemi parë se kamioni kaloi pranë nesh për një fije floku. Kërceva, u largova dhe e tërhoqa vajzën time”.

Ajo ka treguar se kanë qenë shumë afër, duke rrëfyer tmerrin e sulmit që u krye mbi njerëz të pafajshëm.

“Kurrë nuk do ta harrojë pamjen që ishte para meje”.

“Kampioni kaloi mbi njerëz. Shihja pjesë që fluturonin. Shumë tjerë ishin të shtrirë për toke. Ishte një vajzë që ishte nën kamion dhe s’mund të ikte. E bija ime ishte pikëlluar dhe po ndjente frikë”.

Besarta jashtë kishte dalë për të bërë një kontroll mjekësore, pasi është shtatzënë.

Padi për dy të rinjtë që ngritën flamurin shqiptar në Kumanovë

Sektori për Punë të Brendshme në Kumanovë ka iniciuar padi penale ndaj dy personave që sot ngritën flamurin shqiptar në këtë qytet.

Periskopi.com Lajme

Dy personat (LL. S 17) dhe (L.K 21) që të dy nga fshati Sllupçan i Likovës, akuzohen për veprat “urrejtje ndëretnike” dhe “pengesë ndaj personit zyrtar”.

Njëri prej të dyshuarve është lënë i lirë ndërsa i dyshuari (L.K 21) do të mbahet nën arrest nga policia e Kumanovës.

Jo zyrtarisht mësohet se nesër ora 10:00 te dyshuarit do të dërgohen në gjykatë.

Sot rreth orës 16:30, dy të rinj e kanë hequr flamurin e Maqedonisë nga shtylla që ndodhet në sheshin e qytetit të Kumanovës dhe në vend të tij kanë ngritur flamurin shqiptar.

Flamuri shqiptar për rreth 30 minuta valoi në vend të flamurit maqedonas, që më pas të hiqet nga shtylla.

Përplasje mes taksistëve shqiptarë dhe policëve në veri

Përplasje verbale mes taksistëve shqiptarë dhe disa policëve të veriut të Mitrovicës, ka ndodhur sot rreth mesditës në ‘Lagjen e boshnjakëve’ në veri të këtij qyteti, ndërsa pati edhe tentime për arrestim.

Periskopi.com Lajme

Shkak i kësaj përplasje ishte tentimi nga ana e policëve për t’i dënuar taksistët për shkak të parkimit të automjeteve të tyre në udhëkryqin kryesor të lagjes, ku ndodhet shenja e komunikacionit që ndalon ndaljen dhe parkimin e automjeteve.

Mirëpo, taksistët dhe banorët shqiptarë të kësaj lagje ankohen se pjesëtarët e Policisë së Kosovës të stacionit veri dënojnë në mënyrë selektive dhe vetëm shqiptarët.

Ramadan Fejza, qytetar, tha se policia këtu zbaton ligjin dhe merr masa vetëm ndaj shqiptarëve, kurse ndaj serbëve jo. Sipas tij, shqiptarët në atë pjesë të qytetit janë krejtësisht të pambrojtur.

“Këtu po ndodh çka është më e keqja. Policë serbë me një shqiptar të ndershëm, kështu i themi, i largon vetëm shqiptarët, merr masa vetëm ndaj shqiptarëve, ndaj serbëve aspak. Asnjëherë nuk marrin masa, i ndalin me tabela KM, PR, BG, dhe nuk ndërmarrin asnjëherë, pos neve që për një kafshatë buke dalim… Për me heq veturën, s’po mundem me u shpreh në mënyrën banale qysh u shpreh polici…Ligji për shqiptarët këtu absolut nuk vlen. Nuk kemi ligj, nuk kemi mbrojtje, por për serbët ligji është shumë i disponueshëm për ta në çdo aspekt”, ka thënë Fejza.

Edhe Ramadan Jonuzi, banor i ‘Lagjes së boshnjakëve’, i cili punon me automjetin e tij taksi, ka bërë të ditur se ligji në këtë pjesë nuk vlen për të gjithë njëjtë.

“Te ne nuk funksionon ligji hiç. Këta policë, kapërcejnë vetura me tabela KM dhe të ngjashme, askush s’guxon me i ndal, ndërsa neve na pengojnë, s’na lënë për të punuar. Unë jam banor i kësaj ane dhe përtej këtu s’kam ku shkoj… Me më arrestuar se veç po kanë qejf se jam shqiptar për këtë.. Në udhëkryq e kam pas veturën sikur të gjithë. Unë ju thash, nëse ekziston ligji për të gjithë ekziston edhe për mua, përmbi ligjin s’është askush. Le t’i dënojnë krejt, atëherë edhe mua, jam i pajtimit… Më herët ishte një veturë me tabela KM dhe s’guxuan me i thënë asgjë. Ja tani, pa tabela kalon këndej, nuk guxon me ndal, neve po na ndalin, pse nuk e di. Ne i paguajmë të gjitha dhe na dënojnë”, theksoi mes tjerash Jonuzi.

Ndryshe, njëri prej policëve ka penguar gazetarin e KosovaPressit gjatë punës së tij, duke provuar të mos lejojë xhirime dhe ta ndalë kamerën menjëherë. KosovaPress-i ka provuar të kontaktojë me përgjegjësit e policisë në veri rreth kësaj ngjarje, por një gjë e tillë ka qenë e pamundur.

Lugina e Preshevës mobilizohet për bojkotim të zgjedhjeve serbe

Kryetari i Këshillit nacional të shqiptarëve, Jonuz Musliu u ka bërë thirrje të enjten shqiptarëve në komunat Bujanovc, Preshevë dhe Medvegjë që të bojkotojnë zgjedhjet presidenciale serbe, të caktuara për datën 2 prill.

Periskopi.com Lajme

Ai i ka thënë agjencisë së lajmeve Beta se deri te ftesa ka ardhur pasi që asnjëri nga kandidatët presidencialë në programin e tyre nuk ka treguar interesim për zgjidhjen e problemeve të shqiptarëve.

Musliu, i cili është lider i Lëvizjes për Progres Demokratik theksoi se të gjithë kandidatët në zgjedhjet për president të Serbisë janë treguar diskriminues ndaj shqiptarëve, që është edhe arsyeja për të cilën i ka bërë thirrje votuesve shqiptarë që të mos marrin pjesë në zgjedhje.

Ai ka bërë të ditur se deri më tash nuk është zgjidhur asnjë problem, as përdorimi i simboleve dhe ka mungesë të investimeve.

Debat në Zvicër mbi të drejtën zakonore shqiptare: Kanuni është më shumë se vetëm gjakmarrja

Krijuesi dhe përkthyesi Bardhec Berisha prezantohet në këtë emision si përkthyes në gjermanishte i “Kanunit të Lekë Dukagjinit”, i cili do të promovohet të shtunën, më 25 mars në Lucern.

Periskopi.com Lajme

Në magazinën “Rendezvouz” të radios së transmetuesit publik të Zvicrës SRF, të mërkurën është emetuar një emision mbi Kanunin shqiptar, dokumentin e të drejtës zakonore.

Krijuesi dhe përkthyesi Bardhec Berisha prezantohet në këtë emision si përkthyes në gjermanishte i “Kanunit të Lekë Dukagjinit”, i cili do të promovohet të shtunën, më 25 mars në Lucern, transmeton albinfo.ch. Mbi pesë vite thotë Berisha të ketë punuar për përkthimin e “1263 paragrafëve të Kanunit, nga një shqipe e vjetruar, rurale në gjermanishten moderne”. Edhe vetë ky numër (1263) tregon se gjakmarrja është vetëm një pjesë e vogël e Kanunit.

Përveç gjakmarrjes aty gjejmë kapituj mbi familjen, mbi martesën, të drejtën trashëgimore, të drejtën pronësore, atë të kompensimit, për të numëruar vetëm disa prej tyre. Kanuni është, sipas Bardhec Berishës, një pararendës i të drejtës moderne. “Disa gjëra që i gjejmë në Kanun, sot përfshihen në kushtetuta të ndryshme”.

Por edhe shikuar nga aspektet jashtë juridike, në kanun fshihen përmbajtje që edhe sot kanë rëndësi, shton Bejtije Haxhosaj. Ajo ka ardhur në Zvicër nga Prishtina para 16 vitesh. “Ajo që mua më lidh me kanunin është pohimi se familja është më e shenjta. Dhe po ashtu mikpritja dhe nderi janë shumë të rëndësishme”, thotë Haxhosaj.

Ndërsa Berisha rrëfen se ideja për të bërë përthimin e kanunit i ka ardhur kur ka lexuar në shtypin zviceran kryetituj mbi vrasjet nga hakmarrja që janë bërë në Zvicër, përcjell albinfo.ch. “Drejtësia e dyfishtë në Zvicër” ka qenë një titull i tillë që e ka prekur shumë atë.

Berisha citon nga kapitulli i mikpritjes: “Shtëpia e shqiptarit i takomn zotit dhe mikut”. Dhe: “Miku duhet të nderohet: bukë, kripë e zemër”.

Nga bashkëbisedimi me Berishën dhe një grup tjetër shqiptarësh del përfundimi se Kanuni nuk bën që thjesht të satanizohet  dhe të kufizohet në gjakmarrje, transmetzon albinfo.ch. Kjo për faktin se e drejta zakonore ka edhe shumë anë pozitive, thotë Rashit Rashiti. Por, shton ai: “Për mua sot Kanuni është vetëm një libër kulture. Unë mendoj se populli shqiptar, kudo që ndodhet në botë, kanunin duhet t`ia lë të kaluarës.

 

Debat në Zvicër mbi të drejtën zakonore shqiptare: Kanuni është më shumë se vetëm gjakmarrja

Paditet mjeku se ka tentuar të pengojë dëbimin e kosovarit

Dr. Gallhofer ka trajtuar një rom të traumatizuar 32 vjeçar nga Kosova, të cilin pastaj në fillim të marsit dy policë e kishin marrë nga klinika duke e arrestuar dhe pastaj dëbuar në Kosovë.

Periskopi.com Lajme

Rasti i një mjeku që ka tentuar të pengonte dëbimin në Kosovë të një refugjati me sëmundje mentale po bën jehonë të madhe në Gjermani, pasi që autoritetet e qytetit (Wetterau) kanë bërë kallëzim penal kundër tij.

Dr. Gallhofer, kështu quhet mjeku psikiatër udhëheq Klinikën Psikiatrike në kuadër të Spitalit Universitar në Giesen. Ai ka trajtuar një rom të traumatizuar 32 vjeçar nga Kosova, të cilin pastaj në fillim të marsit dy policë  e kishin marrë nga klinika duke e arrestuar dhe pastaj dëbuar në Kosovë. Qarku Wetterau duke e akuzuar mjekun Gallhofer e fajëson atë se ka provuar ta pengojë dëbimin dhe me këtë veprim ka shkelur ligjin për qëndrimin e të huajve në Gjermani.

Pas kësaj kanë reaguar qarqet e majta në regjion. Kështu partitë SPD dhe “Partia e majtë” e quajnë revanshim qëllimkeq dhe manovër e tejdukshme veprimin e shtetit në këtë rast. Mjeku me renome, sipas përfaqësuesit të SPD-së, Merz, në këtë mënyrë tentohet të heshtet dhe të frikësohet.

Paditet mjeku se ka tentuar të pengojë dëbimin e kosovarit

VMRO nuk heq dorë nga ideja për zgjedhje të parakohshme parlamentare

Partia VMRO-DPMNE e Nikola Gruevskit i ka bërë thirrje LSDM-së së Zoran Zaev që ta refuzojë platformën shqiptare dhe të pranojë zgjedhje të parakohshme parlamentare bashkë me ato lokale.

Periskopi.com Lajme

Në një komunikatë për media të shtunën nga VMRO-DPMNE thuhet se njoftimi i liderit të LSDM-së Zoran Zaev për debat në lidhje me platformën e partive shqiptare tregon qëllimin e tij për ridefinim të shtetit.

“Përpjekja e Zoran Zaevit për të manipuluar publikun dhe për të nënvlerësuar inteligjencën e qytetarëve është e pasuksesshme. Ai i në stilin e tij, i hutuar u përpoq të njoftojë se nëse e merr mandatin do ta vazhdojë diskutimin për platformën e Tiranës. Ky fakt tregon qëllimin e Zoran Zaevit, e cila më parë është përgatitur nga ekspertë të LSDM-së nëpërmjet diskutimeve dhe konsultimeve të shumta me ekspertët e partive dhe  me ndihmën e të huajve, për të ridefinuar shtetin”, thuhet në komunikatë.

Ndryshe, lideri i LSDM-së, Zoran Zaev, dje ka prezantuar programin qeveritar, me ç’rast tha se Maqedonia do të jetë shtet për të gjithë dhe që synon integrimet euro-atlantike, ndërsa veprimet e presidentit George Ivanov dhe kreut të VMRO-DPMNE i quajti si lojë të rrezikshme.

Ai ka bërë të ditur se programi i Qeverisë së re, përmban parimet e programit parazgjedhor të LSDM-së, ku synohet zhvillimi ekonomik, kthimi i demokracisë dhe sundimi i së drejtës, transmeton KosovaPress.

Duke folur rreth Ligjit për gjuhët, kreu i LSDM-së tha se do të mbështesin politikë gjuhësore për të gjithë qytetarët.

“Do të mbështesim ndryshime ligjore në pajtim me amendamentin 5 të Kushtetutës, që t’i mundësojmë bashkësisë etnike shqiptare që të komunikojnë në gjuhën e tyre amtare me të gjitha institucionet shtetërore. Do të ketë ndëshkime për të gjitha institucionet që nuk do të respektojnë këto  vendime”, ka thënë Zaev.

Nga 1 prilli shqiptarët udhëtojnë pa viza në këtë shtet të Evropës

Nga 1 prilli, shqiptarët do të mund të udhëtojnë pa viza në një tjetër shtet në Evropë.

Periskopi.com Lajme

Bëhet fjalë për një marrëveshjes mes Shqipërisë dhe Ukrainës. Konsulli i Përgjithshëm i Ukrainës në Mynih, Vadym Kostiuk ka bërë me dije se nga 1 prilli hyn në fuqi marrëveshjes mes dy vendeve.

“Më 1 prill 2017, hyn në fuqi marrëveshja midis Këshillit të Ministrave të Ukrainës dhe Këshillit të Ministrave të Republikës së Shqipërisë, për anulimin e ndërsjellë të kërkesave për viza, e nënshkruar në Tiranë më 4 nëntor 2016”, shkruan në Facebook Kostiuk.

Sipas marrëveshjes, shqiptarët mund të hyjnë në Ukrainë me pasaportë dhe kanë të drejtë të qëndrojnë në atë territoror për 90 ditë. E njëjta gjë vlen edhe për shtetasit e Ukrainës që do të vizitojnë vendin tonë.

 

Liderët shqiptarë në Maqedoni: S’heqim dorë nga Deklarata e përbashkët (Video)

Liderët e partive politike shqiptare, pas takimit të tyre që sot realizuan me sekretarin e përgjithshëm të OSBE-së, Lamberto Zannier, me të cilin kanë diskutuar për situatën aktuale politike në vend.

Periskopi.com Lajme

Pas këtij takimi në deklaratat për gazetarët, Ziadin Sela, Ali Ahmeti dhe Bilall Kasami këmbëngulën se asgjë që theksohet në pikat e Delaratës së përbashkët nuk është jashtë Kushtetutës së Maqedonisë.

Grekë, shqiptarë dhe turq bashkëpunonin për drogën që kishte destinacion militantët e ISIS-it

Një sasi prej 650 mijë pilulash të lëndës narkotike “captagon”, e quajtur ndryshe edhe droga e ushtarëve të Shtetit Islamik, është sekuestruar në Greqi.

Periskopi.com Lajme

Sipas policisë greke, sasia rekord e lëndës narkotike u gjet në një magazinë, në të cilën ndodhej edhe punishtja e prodhimit të pilulave të drogës, në zonën “Nea Peramo” të Athinës. Ajo ishte e paketuar dhe e gatshme për t’u dërguar në Turqi, e në vazhdim në Siri.

Autoritetet greke thanë se kishin infomacion prej shërbimeve amerikane për vendndodhjen e magazinës, si dhe destinacionin e lëndës narkotike.

Deri mbrëmjen e së premtes, autoritetet deklaruan se kanë arrestuar disa anëtarë të organizatës, mes tyre grekë, shqiptarë dhe shtetas turq.

Sipas policisë helene, shqiptarët dhe grekët janë prodhuesit e narkotikëve, ndërsa shtetasit turq ishin të ngarkuar me dorëzimin e ngarkesës tek anëtarët e Shtetit Islamik në kufirin mes Turqisë dhe Sirisë.

Prej këtij aktiviteti, organizata nxirrte përfitime disa milionë euro në vit. Pak muaj më parë, një tjetër ngarkesë e së njëjtës drogë u sekuestrua prej autoriteteve greke.

“Captagon” është një lloj droge që iu jepet luftëtarëve të Shtetit Islamik për të rritur përqëndrimin, pakëson efektet e frikës, lodhjen dhe rrit euforinë e përdoruesit.

Analistë të çështjeve të luftës e vlerësojnë “captagonin” si një ndër arsyet e dhunës ekstreme të përdorur prej ushtarëve të Shtetit Islamik në zonat e luftës në Siri dhe Irak. Të arrestuarit do të dërgohen në gjykatë për masë sigurie mëngjesin e së hënës. /Top Channel

Mos u mashtroni, Zvicra nuk kërkon punëtorë nga Ballkani

Zvicra nuk pranon punëtorë të rinj nga Ballkani thotë një shqiptare që jeton dhe vepron atje.

Periskopi.com Lajme

Mirishahe Limani, aktiviste që jeton dhe vepron në Zvicër thotë se « Operacione » të jashtëzakonshme kanë filluar edhe në Kosovë ku « njerëz të pashpirt » dhe përfitues të situatës së vështirë ekonomike në vend janë në kërkim të viktimave të reja.

Shkrimi i plotë i saj:

KUJDES kosovarë!

Zvicrra nuk është duke pranuar punëtorë të rinjë nga Ballkani

Operacioni Papyrus që ka të bëjë vetëm me kantonin e Gjenevës, konkretisht rregullimin e statusit të qëndrimit të atyre që jetojnë dhe punojnë në këtë kanton prej shumë vitesh ka ngjallur debat dhe interesim të jashtëzakonshëm jo vetëm në këtë kanton por edhe më gjerë.

« Operacione » të jashtëzakonshme kanë filluar edhe në Kosovë ku « njerëz të pashpirt » dhe përfitues të situatës së vështirë ekonomike në vend janë në kërkim të viktimave të reja.

Përfituesit kanë filluar të organizohen dhe të mashtrojnë njerëzit se në Zvicërr po kërkohen punëtorë të rinj. Kjo nuk është e vërtetë. Ata pretendojnë t’i bindin njerëzit se pas 6 muajsh do të ju jepet edhe leja e qëndrimit ( viza 😎. As kjo nuk është e vërtetë.

Shumë shqipatarë që jetojnë në kushte të vështira ekonomike në Kosovë, vetëm se kanë filluar të grumbullojnë shumën e të hollave që iu kërkohet nga « organizatorët » që organizojnë udhëtimet e tyre për në Zvicër. Kjo shumë thuhet të jetë nga 10 deri 20 mijë euro. Ata grumbullojnë këtë shumë duke shitur « kafshatën e gojës » për të siguruar një ardhmëri më të mirë. Shesin tokën, kafshët shtëpiake, traktorët e veturat e tyre, shtëpitë e mandje edhe huazojnë para të gatshme nga të tjerët.

Ju lutemi, shqiptarë, mos lejoni të ju mashtrojnë ata që paranë e kanë Zot.

Zvicra nuk është duke kërkuar punëtorë të rinj dhe nuk premton të rregulloj qëndrimin e askujt pas 6 muajsh punë.

Është i vetmi kantoni i Gjenevës që ka filluar një operacion që quhet Papyrus e që ka për qëllim të rregulloj statusin e atyre që janë në këtë kanton prej shumë vitesh.

Kriteret për ta plotësuar kushtin janë të shumta, pos tyre po i përmendi vetëm dy që ju ta keni të kjartë. Viza e punës i lejohet atyre familjeve që i kanë fëmijët nën moshën 18 vjeçare prej mëse 5 vitesh në shkollat gjenevase, prindi ( apo prindërit) e të cilëve punojnë rregullisht.

Për ata që nuk janë të martuar duhet t’i kenë së pagu 10 vite ( të pandërprera) qëndrim dhe punë në ketë kanton.

Shqiptarë, mos iu besoni atyre që duan të përfitojnë nga kjo situatë. Mos merrni rrugë të gabuara, rrugë në të cilat ju shpijnë njerëzit e pashpirt të cilët do të ju varfërojnë e ju japin premtime të rrejshme. Ju lutemi shqiptarë, kudo që jeni, përcjelleni këtë informatë tek të gjithë të afërmit që pa dashje mund të bien viktimë e përfituesve të situatës së vështirë ekonomike në vend.