Armatimi i Shqipërisë nga Amerika, alarmohet Greqia

Situata në rajonin e Ballkanit sa vjen edhe përkeqësohet. Teksa ditët e fundit është vënë re një përplasje e fortë mes Serbisë dhe Kosovës, duket se në lëvizje janë vënë dhe amerikanët.

Periskopi.com Lajme

Pak kohë më parë ishte ministrja Mimi Kodheli, ajo që deklaroi në Komisionin e Sigurisë se Shqipërisë do i dhurohen 250 autoblinda nga ushtria amerikane.

Kjo deklaratë e saj ka bërë bujë në mediat greke, të cilat e kanë lidhur çështjen me situatën në Mitrovicë.

Një sërë portalesh greke kanë shkruar se dhurimi i 250 automjeteve të blinduara është një përgjigje ndaj agresionit rus.

“SHBA do dërgojnë në Shqipëri 70 autoblinda në misionin e parë, ndërsa 180 të tjera do dërgohen në një tjetër mision, duke e çuar në 250 numrin e pajisjeve për ushtrinë shqiptare. Kjo është një lëvizje shumë e qartë e Uashingtonit lidhur me atë që po ndodh mes Kosovës dhe Serbisë”, tha ai, shkruan portali “Pentapostagma”.

Sipas tij, treni serb që tentoi të hyjë në Kosovë duket se po sjell një klimë të re tensioni në Ballkan. Më tej thuhet se SHBA dhe Rusia po e zhvendosin hegjemoninë e përplasjeve në rajonin tonë. Më tej portali shkruan se armatime do të dhurohen dhe nga Turqia, pasi ka një marrëveshje mes vendeve. Sipas tij pritet që në përplasjen ruso-amerikane në Ballkan të ndërhyjë dhe Ankaraja.

Sipas tyre kjo do të bëjë rrezik për Greqinë. “Ushtria shqiptare ka një kontratë me vlerë 10 milionë euro me Turqinë për furnizim me armë, tipi i të cilave ende i panjohur. Pra, siç duket situata në Ballkan po ndryshon. Një luftë e mundshme shqiptaro-serbe do të sjellë një sërë reaksionesh zinxhir, ku pritet që të ndërhyjë dhe Turqia, me pretekstin se do të mbrohen pakicat myslimane”, shprehet më tej portali.

Jehonë marrjes sa makinave ka pasur dhe nga një sërë portalesh të tjera, të cilat kanë ngritur shqetësimin se tensionet ruso-amerikane po zhvendosen në vendin tonë.

Reagimi i mediave greke ka marr shkas nga një deklaratë e dhënë nga ministrja e Mbrojtjes Mimi Kodheli. Në një intervistë televizive ajo dha detaje për mbërritjen e makinave të blinduara nga SHBA. Ajo u shpreh se ato do të dhurohen në kuadër të bashkëpunimit në NATO. “Ne i kemi ndihmuar aleatët dhe ata na ndihmojnë ne sot. Qeveria italiane dhuron 5 mijë pushkë automatike të reja dhe me këtë mbyllim kërkesën e të gjithë forcave të armatosura me vlerë 10 milionë euro.

Po ashtu dhe në vlerën e rreth 12 milionë euro do të vinë nga SHBA mjete transporte të blinduara. 25 milionë euro nuk do të paguhen nga taksat e taksapaguesve, por do të vijnë si donacione nga aleatët”, tha ajo. Pak kohë më parë në vendin tonë mbërriti dhe vetë kreu i CIA, apo dhe zv/ sekretari i Jashtëm dhe vizita e tyre u deklarua se kishte të bënte pikërisht me avancimin e Rusisë në Ballkan.

Sipas mediave greke, Rusia ka dhuruar mjete dhe armatime për ushtrinë serbe dhe SHBA ka nisur që të kundërpërgjigjet.

Mbetet të shihet nëse këto armatime janë në kuadër të aleancë, apo Ballkani sërish do shërbejë për nisjen e konflikteve botërore.

 

ShBA dhuron qindra autoblinda për ushtrinë e Shqipërisë!

Periskopi.com Video
Ambasada e Japonise ne Shqiperi

Japonia hap ambasadë në trojet shqiptare (Foto)

Kosova dhe Shqipëria kanë ambasadat e tyre në Japoni e normalisht edhe ambasadorët, por Japonia nuk kishte deri më tani një të tillë në trojet shqiptare.

Periskopi.com Lajme

Ajo tashmë është hapur, raporton Periskopi

Në rrugën e ambasadave në Tiranë valon tashmë flamuri japonez, e kjo konsiderohet si një epokë e re në marrëdhëniet midis dy kombeve të vjetra.

Ambasador rezident mësohet se do të jetë, Makoto Ito. / Periskopi.com

Ambasada e japonie 15871936_1846107155669638_4605082312469808450_n

Blej Shqip

Rënia e shkëmbimeve tregtare Kosovë – Shqipëri alarm për bizneset, boshllëkun e mbush Serbia

Eksportet e Shqipërisë me Kosovën ranë me 25% në periudhën janar-nëntor 2016, krahasuar me të njëjtën periudhë të një viti më parë. Ndërsa importi, sipas Institutit të Statistikave, pësoi rritje me vetëm 3%.

Periskopi.com Lajme

Rënia e shkëmbimeve tregtare ka shqetësuar bizneset e dy vendeve, të cilat thonë se hapësirat boshe po i shfrytëzojnë vendet e tjera të rajonit, duke nënkuptuar serbët.

“Shumë vende të rajonit e më gjerë janë shumë agresive dhe është më e lehtë të depërtosh kur përçan dhe sundon, ndaj duhet vërtetë të jemi shumë më aktivë”, ka deklaruar Safet Gërxhaliu, kryetar i Odës Ekonomike të Kosovës.

“Kemi një thjeshtim të pamjaftueshëm të procedurave lidhur me sistemin doganor dhe as Shqipëria e as Kosova nuk janë në statusin që të jenë konkurruese në rajon me produktet e tyre. E gjithë pengesa është mungesa e suportit dhe politikave subvencionuese”, ka thënë kreu i Dhomës së Tregtisë në Shqipëri, Nikolin Jaka.

Bizneset në të dy anët e kufirit që flet shqip tashmë kërkojnë aksion dhe jo fjalë, si dhe besim tek produktet shqip, raporton Top Channel.

“Problemet ekonomike nuk mund të zgjidhen me takime në nivele kryeministrash, sepse këto takime janë më tepër një show që i përngjan më tepër fasadës së problemeve sesa zgjidhjes së tyre”, ka nënvizuar Gërxhaliu.

“Ne duhet të orientohemi tek produktet shqiptare dhe kosovare. Duhet t’i përkushtohemi më tepër identitetit tonë dhe shprehjes së famshme ‘blej shqip’”, ka shtuar Jaka.

20170109231142943646

Gripi i shpendëve rikthehet në rajon, Shqipëria në gjendje gatishmërie

Gripi i shpendëve, apo siç quhet ndryshe influenca aviare, ka rrethuar Shqipërinë, pasi ka prekur Greqinë, Kroacinë, Maqedoninë dhe vende të tjera të BE-së dhe Ballkanit.

Periskopi.com Lajme

 

Përhapja me shpejtësi e influencës aviare me patogjenicitet të lartë në rajonin evropian dhe në vendet fqinje me Shqipërinë, ka vënë në gjendje gatishmërie dhe autoritetet në këtë vend, shkruan sot Koha Ditore.

Në kuadër të masave për parandalimin e virusit të gripit të shpendëve, ministri i Bujqësisë, Zhvillimit Rural dhe Administrimit të Ujërave të Shqipërisë , Edmond Panariti, vizitoi të hënën kompleksin e rritjes së shpendëve “Chicken Farm” në Kavajë.

Ministri i Bujqësisë pa nga afër masat e marra nga sipërmarrësi për parandalimin e futjes së virusit nëse ai vjen në Shqipëri, si dhe kërkoi masa rigoroze nga të gjitha kompanitë e mbarështimit të shpendëve në të gjithë vendin, sipas udhëzimeve të Ministrisë së Bujqësisë.

Francoise Hollande

Reagon ambasada franceze: Nuk ka program për vizitën e Hollande në Tiranë

Ambasada e Francës në Shqipëri reagoi sot për njoftimet në median shqiptare lidhur me vizitën në Tiranë të Presidentit francez, François Hollande, në fillim të marsit.

Periskopi.com Lajme

Në një njoftim për shtyp, ambasada shprehet se nuk ka akoma asnjë informacion të besueshëm mbi programin e kësaj vizite.

“Ambasada e Francës në Shqipëri u uron autoriteteve dhe popullit shqiptar paqe, lumturi dhe begati për vitin 2017. Ky vit do të jetë i pasur me ngjarje shumë të rëndësishme. Pikërisht, Presidenca e Republikës franceze na ka vënë në dijeni në lidhje me dëshirën e Presidentit François Hollande të vizitojë Shqipërinë gjatë muajit mars. Në këtë kontekst nuk ka akoma asnjë informacion të besueshëm mbi programin e kësaj vizite, i cili do të përcaktohet, kur të vijë koha, mes autoriteteve franceze dhe shqiptare, sipas rregullave protokollare”, citohet njoftimi i ambasadës franceze.

Mediat shqiptare, që i referoheshin burimeve nga Presidenca shqiptare, raportuan për vizitën shtetërore në Tiranë të Presidentit Hollande.

Presidenti francez Hollande vizitë në Tiranë

 

 

hollande-rama-620x358

Presidenti francez Hollande vizitë në Tiranë

Mësohet se Tirana do të vizitohet nga presidenti francez, François Hollande i cili pritet të takohet me autoritetet më të larta të vendit.

Periskopi.com Lajme

Hollande do të mbërrijë më datën 3 mars, datë kjo për të cilën është rënë dakord nga të dyja palët. Sipas burimeve ekskluzive bëhet e ditur se data në fjalë është negociuar prej muajsh.

Kjo është vizita e parë e një presidenti francez në vendin tonë.

Hollande ka deklaruar prej kohësh mbështetjen e tij të plotë për integrimin e Shqipërisë në BE dhe reformën në Drejtësi.

rruga-e-kombit-640x340

Zyrtare, ja sa do paguajmë në Rrugën e Kombit

Tashmë është fakt! Kush kalon në Rrugën e Kombit, do paguajë!

Periskopi.com Lajme

Hapet rruga për zbatimin e kontratës së koncesionit të Rrugës së Kombit, që do të thotë se për të kaluar në këtë rrugë automjetet duhet të paguajnë një tarifë prej 5 euro. Marrëveshja mes qeverisë shqiptare dhe konsorciumit “Catalyst Viva Das General Contracting LLC – Salillari sh.p.k. – Bee Tech – Violiap Ateve – Kastrati” që do të mirëmbajë autostradën është botuar në Fletoren Zyrtare.

Kontrata e koncesionit “Për ndërtimin, përmirësimin, shfrytëzimin dhe mirëmbajtjen e autostradës Milot– Morinë”, ndër të tjera përjashton nga kjo pagesë automjetet e forcave policore e ushtarake, si dhe autoambulancat e zjarrfikëset. Për te gjitha mjetet e tjera do të ketë një vlerë të ndryshme pagese, ndërkohë që tarifa mesatare është parashikuar 5 euro.

Taksa bazë për të kaluar në të do të jetë 4.17 euro pa TVSH. Tarifa nuk do të jetë fikse përgjatë 30 viteve. Pasi të ndërtohet pika e pagesës, ajo do të kryhet në lekë ose në euro, dhe do të tërhiqet nga kompania cash ose me kartë krediti/debiti.

Ndërkohë për banorët e zonës, kryesisht të Kukësit që janë përdoruesit më të shpeshtë të kësaj rruge, është gjetur zgjidhje. Kompania koncesionare do të paguajë 120 mijë euro për tre vitet e para me qëllim minimizimin e kostove për banorët. Mbi bazën e fluksit të automjeteve, është përllogaritur që në një vit koncesionari të arkëtojë mesatarisht rreth 8 milionë euro. Marrëveshja parashikon se në rastet kur fluksi i automjeteve që qarkullon në këtë rrugë nuk arrin të sigurojë këtë nivel të ardhurash, atëherë qeveria shqiptare në cilësinë e autoritetit kontraktor do të duhet të plotësojë me të ardhura të tjera publike deficitin e krijuar.

 

 

Kryeministri anglez kishte deklaruar: Jam në Janinë, kryeqyteti i Shqipërisë

Karizmatiku Benjamin Disraeli (1804-1881) kujtohet si një nga figurat më të gjalla të politikës britanike në shekullin XIX. Ai ka qenë dy herë kryeministër gjatë mbretërimit të mbretëreshës Viktoria. Robert Elsie, shkruan se ai njihet gjithashtu edhe si një autor i njohur dhe shumë i lexuar i prozës viktoriane.

Periskopi.com Uncategorized

Në moshën djaloshare, Disraeli ndërmori një tur të madh në Mesdhe dhe në Lindjen e Mesme, gjoja për arsye shëndetësore. Udhëtimi i tij zgjati 17 muaj (nga muaji qershor 1830 deri në tetor 1831). Ai kaloi në Spanjë, Maltë, Shqipëri, Greqi dhe Lindjen e Mesme, e kjo ka rezultuar të jetë një nga përvojat më formuese të viteve të tij të hershme dhe një nga kujtimet më të bukura të jetës së tij në tërësi. Albanologu ka botuar në sajtin e vet një letër që Disraeli i shkruan të atit nga Preveza.

Nga Korfuzi, Disraeli dhe dy shokët e tij që udhëtonin, shkuan në Artë dhe Janinë, atëherë kryeqyteti i Shqipërisë së jugut nën sundimin otoman, të cilin Lord Bajroni e kishte vizituar në ditët e Ali Pashë Tepelenës (1741-1822), të ashtuquajturit luani i Janinës. Preteksti zyrtar i Disraelit për udhëtim në malet e egra të Shqipërisë ishte për t’i çuar një letër nga veziri i madh, Frederick Adam, Guvernatorit britanik të ishujve jonianë. Nga Preveza, ai shkruante se “unë kurrë nuk do ta harroj efektin e muezinit, me zërin e tij të pasur, të lartë dhe solemn, duke bërë thirrje që ne të adhurojmë Zotin në mes të gjithë kësaj kërdie të njeriut.

Ai qe mahnitur veçanërisht me kostumet shqiptare. Pjesa më e madhe e asaj që Disraeli pa e përjetoi në Shqipërinë jugore u përdorur në novelën për Skënderbeun “Ngritja e Iskander-it”, të cilën e shkroi në Bath dy vjet pas turneut shqiptar. Letra e tij nga Shqipëria, rrëfen magjinë e udhëtimit, pjesë të së cilës po botojmë më poshtë.

Letra

Ati im i dashur!

I shkrova Ralph nga Malta, dhe për ju nga Korfuzi, dhe i lashë letrat që t’ju përcillen me pakon e tetorit. Megjithatë, pa dyshim ju i keni marrë letrat e mia nga burime të tjera. E kam përmendur në letrën që të dërgova, se ka mundësi t’i bëj një vizitë Vezirit të madh në lagjet e tij në Janinë, kryeqyteti i Shqipërisë.

Shkrimet në ketë Enciklopedi janë përfshirë nga viti 1844- 1872. Historianët e kohës si Cyprien Robert, Josef Müller, Hahn dhe Bopp, kanë vizituar personalisht vendet shqiptare duke marr informacione nga dora e parë, gjithashtu ata janë shërbye me material nga historia italiane dhe asaj turke të kohës. Ky leksikon tregon qartë, se si Evropa i shikonte shqiptarët nga këndi i saj i vështrimit. Është mirë që opinioni ynë të informohet se si popujt tjerë na kanë mësuar ne në Histori.

Që nga kjo kohë kur është shtyp ky libër, populli shqiptarë është ballafaquar me shumë luftëra, me shumë sfida, me shumë probleme jetësore që kanë ndikuar drejtpërdrejt në lëvizje të popullsisë shqiptare. 91400 km² ishte sipërfaqja ku jetonin shqiptarët, në ketë enciklopedi përshkruhen shumë mirë kufijtë shqiptar, malet, lumenjtë,liqenet, qytetet, detet si dhe Gjiri i Artës. Edhe për nga numri i banorëve konsiderohej si vend me rëndësi, pasi ishte më i madh se fqinjët.

Ata shkruajnë edhe për besimin i cili ishte i lidhur me ndarjen fetare, shqiptarët prezantohen si popull që kanë një tolerancë dhe mirëkuptim fetar. Shqipëria më veriore, si Kosova e sotme dhe sanxhaku ishin të pastër etnikisht e të ndarë në vija etnike dhe i përkisnin besimit katolik-romakë. Pikërisht në ketë shekull kishte filluar konvertimi i popullit shqiptarë verior në myslimanë. Shqipëria e mesme ishte e angazhuar për fenë katolike greke, ndërsa Shqipëria në jug ishte kryesisht popullsi e banuar nga besimi myslimanë.

Në të kundërtën në jug, megjithatë, shqiptarët dhe grekët ishin shpesh të përzier dhe gjuhët e dy popujve shpesh dëgjoheshin si alternativa, ata përdornin gjuhën e njeri-tjetrit. Në bregun e detit pothuaj të gjithë njerëzit flisnin greqisht përveç gjuhës së tyre amtare. Vetëm në shtëpi, në familje, gjuha shqiptare ishte ende në përdorim edhe pse sundonte Ali Pashë Tepelena.

Por, ata thonë se mbi të gjitha, Greqia ishte i mbipopulluar me shqiptarë dhe ata e formonin shumicën e popullsisë në Böotia, Atikës, Megara dhe Argolis. Ishujt Hydra Spezza dhe Salamis ishin të banuar vetëm me shqiptarë, gjithashtu edhe ana jugore e Euböa dhe pjesa veriore e Andros është ekskluzivisht e banuar me shqiptarë.Si dhe Moreja e banuar me shumicë dërmuese nga Shqiptarët .

”Enciklopedi e vitit 1874 Shqipëria”

Shqipëria (shqip Skiperi, turqisht Arnaut), me një gjatësi 450 km dhe gjerësi-

90-135 km. Vend bregdetarë që shtrihet përgjatë deteve Adriatik dhe Jon, ka një sipërfaqe prej rreth 91.400 km ² dhe rreth 2,350,000 banorë-

Kufijtë e saj të cilat janë dhënë, janë pak a shumë në përputhje me dokumentet e kohës, Shqipëria kufizohet:

  • në veri me Mal të Zi, Bosnjë dhe Serbi,
  • në lindje me Bullgarin e lartë, me Maqedoninë, me Thesalinë,
  • në jug me Greqinë dhe të Gjiri i Artës
  • në perëndim me detin Jon dhe detin Adriatikut.

Shqipëria është një vend me plot male dhe shkëmbinj, pra nga këtu e ka edhe emrin “Skiperi” (vendi i shkëmbinjve). Të gjitha malet janë të egra, të pjerrëta, me plotë lugina dhe kanione të thella. Në veri në kufirin e Malit të Zi qëndron mali i Komanit, në verilindje të vendit gjenden malet e Sharrit, në jug-perëndim të Liqenit të Ohrit shtrihen malet e Tomorit, në juglindje janë malet e Gramozit dhe prej këtu vijnë malet nyje të Meqovës (Zygos), pastaj malet e sipërme të Aspropotamotal. në jug vargmalet lindore të Pindit dhe vargmalet perëndimore të maleve Tsumerka, të cila shtrihen deri të Gjiri i Artës. Shumë prej vargmaleve përfundojnë në drejtim të detit në cepa të pjerrtë, p.sh. kepi Linguetta, kepi Laghi, kepi Pali, Rodoni.

Shqipëria është e pasur me uji. Por vetëm disa lumenj kanë gjatësi mbi 150 km, me përjashtim të lumit Drin që derdhet në Liqenin e Ohrit, të gjithë lumenjtë tjerë janë lumenj bregdetarë. Të lundrueshëm janë vetëm Drini, Vjosa, Shkumbini dhe Buna, por vetëm për pak kilometra. Nga liqenet që duhet përmendur janë në veriperëndim Liqeni i Shkodrës (Skutari), 550 km². Në qendër liqeni i Ohrit dhe në jug liqeni i Janinës. Bregdeti posedon shumë Porte dhe disa Gjinj të mëdhenj, për shembull: Gjiri i Artës, i Vlorës, i Durrësit dhe ai i Drinit, kurse në jug bregdeti është i pjerrët të Cape Linguetta, në veri është rrafshinë dhe me i cekët deri në grykën e Drinit.

Në gjysmën veriore të vendit, popullsia shqiptare është pothuajse etnikisht e pastër, e papërzier me kombet sllave, boshnjakët dhe malazezët, një ndarje e ashpër etnike. Në të kundërtën në jug, megjithatë, shqiptarët dhe grekët janë shpesh të përzier dhe gjuhët e dy popujve shpesh dëgjohen si alternativa, ata përdorin gjuhën e njeri-tjetrit.. Në bregun e detit pothuaj të gjithë njerëzit flasin greqisht përveç gjuhës së tyre amtare. Vetëm në shtëpi, në familje, gjuha shqiptare është ende në përdorim.

Kjo e fundit vlen edhe për pjesën e mbetur të gjuhës së vjetër Thrako-Ilire, ku sipas Bopp, kjo gjuhë është një degë e pavarur e fisit indo-evropian, por e përzier me fjalë greke, romake, gjermane, sllave dhe turke. Gramatika e gjuhës shqipe mungon, pasi për të shkruar përdorën shkronjat greke,alfabeti grek, material i marrë me kusht në Lecce (Romë 1716), në “Tabelat Krahasuese” (Hall 1822), (Xylander Frankfurt 1835), Rossi (Roma, 1866), një Blanchi fjalor (ibid., 1635). Krahasime edhe nga Bopp, duke përdorur gjuhën shqipe (Berlin 1855).

Besimi është i lidhur me ndarjen fetare, që nga koha kur Ali Pasha prezantoi dhe vendosi sistemin e tolerancës fetare, Islamit dhe të Kishës Katolike në publik, ata kanë një tolerancë dhe mirëkuptim fetar. Shqipëria më veriore është e angazhuar dhe i përket besimit katolik-romakë, Shqipëria e mesme është e angazhuar për fenë katolike greke, ndërsa Shqipëria në jug është kryesisht popullsi e banuar nga besimi myslimanë.

Ndarja politike e tokës shqiptare është në pronësi aktualisht të disa vilajeteve Shkodra (Shqipëria e Veriut) dhe Janina (Shqipëria Jugore), Shkupi(Shqipëria Verilindore), Manastiri (Shqipëria e mesme). Qytetet më të rëndësishme janë qytete bregdetare si, Durrësi Vlora dhe Preveza, qytetet tjera me rëndësi janë: Shkodra, Shkupi, Alhissar, Kruja, Elbasani, Berati, dhe Arta, në rajonet malore lindore Prizreni, Peja, në juglindje Ohri, Manastiri dhe Janina.

Emri i shqiptarëve dhe kryeqyteti i tyre Albanopolis është përmendur për herë të parë nga Ptolemeu. Me fjalën apo emrin e tyre Alban, ata paraqiten më vonë (në shekullin e 12.), si luftëtarët më të mirë dhe më të mëdhenj, si fisi më trim nga ilirët, si fis trashëgimtarë të denjë të Ilirëve. Trimërinë e treguan shpesh në luftën kundër grekëve dhe të Perandorisë Lindore për të ruajtur lirinë dhe pavarësinë e saj më vonë. Turqit pasi e pushtuan vendin e shqiptarëve i ndryshuan emrin nga Albanon në Arnaut.

Shqiptarët janë të ndarë në dy degë kryesore, Toskë në jug të Shqipërisë dhe Gegë në pjesët qendrore dhe veriore të Shqipërisë. Megjithatë ata nuk janë të përkufizuar vetëm në shtëpitë e tyre të Shqipërisë dhe nuk e përmbushin krejt këtë vend. Ata jetojnë edhe në perëndim të Serbisë, së bashku me pjesët turke të Bullgarisë, madje edhe në Austri jetojnë shqiptarë si (në Dalmci në Zara dhe Pola) dhe Italinë jugore (Puglia, Calabria, Sicilia) ku ka kolon shqiptar. Por, mbi të gjitha, Greqia është i mbipopulluar nga ana e tyre dhe ata e formojnë shumicën e popullsisë në Böotia, Atikës, Megara dhe Argolis. Ishujt Hydra Spezza dhe Salamis janë të banuar vetëm me shqiptarë, gjithashtu edhe ana jugore e Euböa dhe pjesa veriore e Andros është ekskluzivisht e banuar me shqiptarë.

Në kohët e lashta, Shqipëria e përbënte një pjesë të Epirit dhe banorët e saj janë konsideruar të egër dhe luftëdashës, luftënxitës. Kurse nga bregu i detit ka depërtuar kultura greke, siç dëshmohet nga mbeturinat e shumta të Antikës. Nën sundimin e Mbretit Pirro vendi shqiptarë ka luajtur një rol të rëndësishëm në histori (një kohë të shkurtër) derisa ajo ishte thyer brenda veti në shumë komunitete të vogla të cila ranë në varësi të Maqedonisë. Rreth 200 P.E.S, fillon nënshtrimi e vendit nga romakët. Qytete të shumta filluan të ngritën në brigje të detit: Apolonia (tani Polina) ishte qendra apo selia e zhvillimit të shkencave. Durrësi (Dyrrachium) me anë të tregtisë ishte bërë i madh dhe i pasur. Në vendet malore, megjithatë, ishte ruajtur gjuha e vjetër dhe zakonet e tyre. Me lëvizje të popullsive dhe migrime të shumta edhe në Shqipëri u zhduk sundimi romak. Barbarizma të paparë deri atëherë rezultuan në shekullin 7, 8 dhe 9 me pushtimin e tokave Ilire nga fiset sllave. Ata zaptuan toka Ilire vranë njerëz dhe digjen gjithçka shqiptare. Pjesë e madhe e popullsisë Ilire u asimilua në sllav. Nga viti 870 Ohri ( Lychnidos vjetra) ishte kryeqendra e një Princi të Bullgarisë. Vetëm pas rënies së këtij sundimi tepër të egër sllav (1018), popullsia ilire që ju kishte mbijetuar këtyre furtunave, filloj të kthehet përsëri në zotërimin e tokës së tyre dhe ushtrimit të gjuhës së tyre. Me Perandorinë Bizantine, shqiptarët pothuaj se ishin vazhdimisht në luftë, ku njerëzit ishin shumë të shqetësuar, kishte grabitje dhe vrasje të përditshme. Pastaj pasuan betejat e gjata me turqit. Tashmë në vitin 1380 të krishterët, shqiptarët së bashku me sllavët dhe hungarezët luftuan kundër Turkut. Në betejën e tmerrshme të Kosovës me (1389) kundër Islamit, ushtria shqiptare kishte humbur boshtin e saj në ketë betejë duke pesuar humbje të mëdha në njerëz. Pas kësaj beteje shumë fise shqiptare emigruan në zonat pabanuara shqiptare, në bjeshkë dhe male, në tokat e boshatisura të Atikës, Thesalisë dhe Morës duke lënë tokat e pjellëshme në duar të armikut. Ata themeluam qytete të shumta shqiptare koloniale, të cila më vonë kontribuuan dhe benë rezistenca të guximshme me turqit e sulltan Pajazidit dhe sulltan Muratit. Shqiptarët në ketë kohë mbushen gradualisht me çadrat, stanet dhe kasollet e tyre të gjitha malet.

Historia me e ndritur shqiptare e asaj kohe është e lidhur ngushtë me emrin e Skënderbeut, princi i cili guximshëm për 25 vjet me radhë mbrojti trojet e veta.

(Nga viti 1443-1467), më shumë heroizëm të paparë, si dhe fat kundër tërë pushtetit të Turqisë (Superfuqi e kohës) luftuan me vite të tera me plot sukses ketë pushtues, përderisa vjehrri i tij, Acatina Topia, shfaqet në jug duke mbuluar jugun e Shqipërisë. Edhe pas vdekjes së Skënderbeut, shqiptarët për një kohë luftuan kundër osmanëve, e njohur është mbrojtja e Shkodrës dhe një nga betejat e fundit të tyre të periudhës.

Me marrëveshjen e paqes në mes të Venecianëve dhe Turqve më 1478-të, Shqipëria u bë krahinë turke, mirëpo ky vend asnjëherë nuk u qetësua. Që nga mesi i shekullit 17, islami filloi gjithnjë e më shumë të depërtojë në Shqipërinë e deri atëhershme të krishtere. Po ashtu shqiptarët u dërguan edhe në shërbimet ushtarake të turqve, në luftëra të shumta që bënin ata .Shqiptarët formonin thelbin e armatës turke, ata ishin komando dhe ishin ushtarë të mirë, që Turqia i dëshironte medoemos në radhët e veta. Udhëheqësit më trima të ushtrisë osmane më së shpeshti ishin shqiptarët. Po edhe në vendet punuese të administratës së perandorisë, shqiptarët gjithnjë e më shpesh zinin vend.

 

George Finlay: Fama e shqiptarëve, i nxiti grekët modernë për ta miratuar fustanellën shqiptare si kostumin e tyre kombëtar.

Historia e Revolucionit Grek do të ishte dendësisht e panjohur po të mos i jepej rëndësi elementit shqiptar, mbushja e shoqërisë ushtarake e të cilit në perandorinë Otomane, është plotësisht e vlerësuar. Një shenjë e vogël, por e mrekullueshme e pozicionit të lartë që shqiptarët kishin fituar, tregohej nga adoptimi i përgjithshëm i veshjes së tyre. Megjithëse ishte ndjerë gjithmonë një antipati e fortë ndaj myslimanëve shqiptarëve nga turqit Otomanë, nga fundi i shekullit të kaluar ata filluan të kryejnë një homazh të pavullnetshëm ndaj reputacionit luftarak të mercenarëve shqiptarë. U bë asokohe, jo e pazakontë, në Greqi e Maqedoni, që të shihje fëmijët e osmanlinjve më madhështorë, të veshur në fustanella, ose linjën e bardhëtë Toskëve. Më pas, kur Veli Pasha, djali i dytë i Aliut të Janinës, qeverisi Morenë, madje edhe grekët e rinj të sërës, guxuan ta marrin këtë veshje, veçanërisht kur udhëtonin, duke qenë se ajo u ofronte atyre mundësinë për të mbajtur armë.

Armëtarët dhe të krishterët grekë të punësuar si roje-policore, madje edhe në More, vishnin gjithashtu këtë fustanellë; por ishte fama e shqiptarëve – për reputacionin ushtarak në rënie të armëtarëve atëherë, dhe atij të Suliotëve në ngjitje – e cili i nxiti grekët modernë për ta miratuar fustanellën shqiptare si kostumin e tyre kombëtar. Si pasojë e këtij admirimi të Shqiptarizmit, oborri i Mbretit Otho mori aspektin e tij melo-dramatik, dhe ndriti nën një imitacion veshje të pavlerë xhinglash të pasura dhe të shkëlqyera, që tërhoqën vëmendjen e Çajld Haroldit në galeritë e kështjellës së Tepelenës; por fustanella e basmës varet rreth këmbëve të grekëve si një këmishë nate prej letre, ndërsa fustanella e bardhë e Toskëve, e bërë nga një produkt i fortë amtar tezgjahu, bie si përthyerje e këndshme e një cohe antike.

Marrëdhëniet e shqiptarëve myslimanë dhe atyre të krishterë ishin shumë më miqësore se sa marrëdhëniet mes shqiptarëve dhe turqve. Shqiptari, në dallim nga greku, e ndjen detyrimin kombëtar më të fortë se sa atë të fesë. Ndjenjat armiqësore me të cilat ai i konsideronte Otomanët e kishin origjinën në tiraninë e pashallarëve turq dhe koprracisë së vojvodës turke, kadijve dhe mullahëve. Kundër shtypjes së këtyre të huajve, vendasit, qofshin myslimanë apo të krishterë, kishin vepruar për shumë breza në mënyrë të përbashkët. [faqe 47-48]

George Finlay

“Historia e Revolucionit grek” [History of the Greek revolution, Volumi 1]

Por cila është kjo shumicë jo-greke që vazhdimisht pikaset nga po këta perëndimor që e bënë Greqinë shtet?

George Finlay, një nga historianët më të flaktë filohelenik që morri pjesë me armë në dorë në luftën kryengritëse të vitit 1821-31 jep një pasqyrë të shqiptarësisë së asaj që më vonë u quajt Greqi: ‘Maratona, Platsea, Leuktra, Salamisi, Mantinea, Ira dhe Olimpia, tani popullohen nga shqiptarët dhe jo grekët. Bile edhe në rrugët e Athinës, që ndonëse për më shumë se çerek shekulli kryqytet i Mbretërisë greke, gjuha shqipe dëgjohet ende midis fëmijëve që luajnë në rrugët në afërsi të tempullit të Tezeut’ (Historia e Revolucionit Grek: 1861). Autorë të tjerë vënë në spikamë ngjyrën shqiptare të shumicës së popullatës nëpër qytetet më të mëdha të Greqisë së asaj kohe. Edmond About me 1855 shkruan: ‘Athina, njëzet e pesë vjet më parë, ishte veçse një fshat shqiptar. Shqiptarët përbënin, dhe ende përbëjnë, thuajse tërë popullsinë e Atikës; dhe brenda tri kategorive të kryqytetit, gjenden fshatra ku greqishtja mezi kuptohet’. Edhe francezi Pukëvill pajtohet me ngjyrat shqiptare të shumicës së popullsisë së Atikës. Edhe ‘Elefisi, gati në mes të rrugës midis Megarës dhe Athinës…është një fshat i mjeruar i banuar nga shqiptarët’ – shkruan Henry A. Dearborn me 1819. Me një fjalë, duke u mbështetur në përshkrimet e G. Finlay dhe F. Martin shqiptarët popullonin tërë Atikën dhe Meseninë, pjesën më të madhe të Beotisë, krejt Salamisin, Korinthin, Argolisin dhe treva të tjera të brendshme të Moresë (Peleponezit). John Hobhouse (1809), bashkohanik i Bajronit, duke folur për përmasat e shtrirjes tokësore të zotërimeve të Pashallëkut të Ali Pashë Janinës thotë se në jug përfshinin një pjesë të Tebës, tërë Negroponten (Eubenë), trevën e Livadisë, Atikën, viset rreth Gjirit të Lepantos (Korinthit) dhe së fundmi edhe Morenë (Peleponezin), e cila i takonte njërit prej djemve të tij.

Sami Frashëri në enciklopedinë e tij shumëvëllimëshe ‘Kamus Al-alam’ ku sipërfaq elemente biografikë të shqiptarëve me nam, përmend në zërat përkatës se djemtë e Ali Pashë Tepelenës, përkatësisht Muhtar Pasha dhe Veli Pasha ishin në detyrat e mytesarrifëve të Athinës (Muhtari) dhe të Moresë (Veliu). Kjo do të thotë se dhjetë vite para se të formohej Mbretëria rioshe e Greqisë, ajo quhej Shqipëri jo vetëm nga aspekti politik por veçanarisht nga ai etno-linguistik. Në mbështetje të këtij përfundimi vijnë një shumësi e panumërt dokumentimesh etnografike të kohës, të cilat vënë në dukje karakterin shqiptar të hapësirave në fjalë. Jakob Philipp Fallmerayer i cili udhëtoi mespërmes Greqisë hasi në Atikë, Beoti, dhe në pjesën më të madhe të Peleponezit një numër të madh shqiptarësh të vendosur, të cilat nganjëherë nuk kuptonin madje as greqisht. Nëse dikush e quan këtë vend Shqipëri e Re, shkruan i njejti autor, jep emrin e saj të vërtetë. Për të, këto provinca të Mbretërisë Greke janë të lidhura me helenizmin aq sa janë malësitë skoceze me trevat afgane të Kandaharit dhe Kabulit. ‘Megjithëse teoria e Fallmerayerit si tërësi është përjashtuar, edhe në ditët tona është e vërtetë se një numër i madh, shumë nga ishujt e Arçipelagut dhe thuajse e tërë Atika gjer në Athinë janë shqiptare’ shkruan A. Vasiliev, autor i volumeve të tëra për Perandorinë Bizantine. Pikërisht, kjo popullsi luftarake shqiptare (për të cilën flasin me admirim të gjithë europianët e kohës) do të jetë avangardja e kryengritjes së ardhshme e cila do të kurorizojë një Greqi të mëvetësishme. ‘Kunduriotët – shkruan Misha Glenny – familja më e fuqishme lundërtare e ishullit të Hidrës, që i priu një grupi domethënës gjatë luftës për pavarësi, ishin me prejardhje shqiptare’. Ëoodhouse veçon edhe prijësin e qëndresës në veri të Gjirit të Korinthit i cili ishte ‘sulioti Marko Boçari, pasuesit e të cilit ishin shumica shqiptarë’. Edhe Lord Bajroni kur kërkonte ca fakte bashkohore për të dëftuar se shpirti i madh helenik nuk ishte zhdukur, u drejtua pikërisht tek shqiptarët suliotë. Bile në përceptimin e asokohshëm europian, heleniku i vjetër që iluminoi me qytetërim Europën, shikohej tek shqiptari i asokohe. David Roessel thotë: ‘Kur Disraeli (kryeministri britanik – S.M) e bëri grek heroin shqiptar Skënderbeun në novelën e tij Ngritja e Iskanderit (1831), ai nuk përpiqej të rishkruante historinë ose të shlyente identitetin shqiptar. Ai thjesht nuk i shikonte grekun dhe shqiptarin si terma përjashtues njëri me tjetrin’. Së këndejmi, është për t’u shënuar pohimi i sinqertë dhe i përligjur i profesorit grek Nikos Dimous në një intervistë për Neë York Times: ‘Ne flasim shqip dhe e quanim vetën rumë, por pastaj Ëinkelmani, Gëtja, Viktor Hugoja, Delakroiksi, na thanë neve, ‘Jo, ju jeni Helenë, pasardhës të drejtë të Platonit dhe Soktratit,’ dhe këtë e bënë’ (23 qershor, 2009). Përveç të lartëpërmendurve, në kronikat e luftës për pavarësi të Greqisë, heronjtë, kapetanët dhe ushtarët ishin shqiptar. Në të mirë të këtij përfundimi flet fakti që menjëherë pas pavarësimit, në kohën e mbretit bavarez Otoni I, veshja emblematike shqiptare – Fustanella – u adaptua si veshje zyrtare e Greqisë, e cila përdoret edhe nga Garda e ushtrisë së sotme greke. Prandaj, flamujt e mburrjes së grekëve të sotëm me ‘Ellinikotita’ (grek i vërtetë) janë veçse një tregues i falsitetit të pretendimit të tyre./ TheAlbanian

krye

linda halimi

Linda Halimi fituese, do jetë përfaqësuesja e Shqipërisë në “Eurovision” (Video)

Ka përfunduar nata finale e edicionit të 55-të të Festivalit të Këngës në Radio Televisionin Shqiptar.

Periskopi.com Kulturë

Edhe këtë vit plot konkurrentë garuan për çmimin e madh, por vetëm 14 prej tyre arritën që të futen në finale për të garuar për çmimin e madh, rrugën për në “Eurovision”.

Ndër konkurrentët më sfiduese këtë vit, ka qenë këngëtarja Linda Halimi, e cila ka ardhur ekstra nga Shtete e bashkuara të Amerikës vetëm për këtë festival, e edhe fitoi.

“Botë” titullohet kënga e saj, me të cilën këngëtarja pretendon “Eurovisionin”.

“Botë” është punuar me muzikë dhe orkestrim nga kompozitori i njohur Klodian Qafoku, gjersa tekstin e saj e ka shkruar Big Basta.

Ndërkohë ky edicion do të kujtohet për një sërë problematikash siç ishte veshja e ekzagjeruar e prezantueses Ledina Çelo, problemet në prezantim të aktorit Kasem Hoxha dhe Çelos./Periskopi

 

 

Ambasada ruse në Tiranë nën shënjestrën e ISIS

Ambasada ruse në Tiranë është në listën e selive diplomatike që ISIS planifikon të sulmojë. Lista është publikuar nga vetë ISIS. Ambasada ruse në Tiranë është në krye të listës, siç shihet në foton më poshtë në lajmin e lapsi.al.

Periskopi.com Lajme

Publikimi ka për qëllim të nxisë sulme të ngjashme me atë ndaj ambasadorit rus në Turqi, i cili u vra nga një efektiv i policisë së Ankarasë gjatë një ekspozite pikturash.

Menjëherë pas sulmit, në Tiranë policia shtoi masat e sigurisë në ambasadën ruse.

Ajo po ruhet jo vetëm nga policë me uniformë, por edhe nga agjentë të antiterrorit. Ndërkohë që shërbimet e inteligjencës po mbajnë nën mbikëqyrje disa individë të veçantë, raporton lapsi.al.

Masat e sigurisë janë rritur edhe në disa seli të tjera diplomatike.

albata-650x358

Shqipëria, vendi i dytë më e varfër në Evropë (Foto)

Sipas “Eurostat”-it, Shqipëria është vendi i dytë më i varfër në Evropë, me të ardhura për frymë vetëm sa 30 për qind e mesatares së vendeve të Bashkimit Evropian.

Periskopi.com Lajme

 

Në vitin 2015, nivel më të ulët mirëqenieje sesa ky kishte vetëm Bosnja dhe Hercegovina, ku të ardhurat ishin sa 28 për qind e mesatares së BE-së, ndërsa në të gjitha vendet e tjera standardi i jetesës është më i lartë, shkruan lajmi.net.

Por niveli i ulët i të ardhurave nuk është shqetësimi i vetëm. Kriza ekonomike ka ndaluar përafrimin e mirëqenies së Shqipërisë me Bashkimin Evropian.

Sipas “Eurostat”-it, nëse nga viti 2004 deri në 2010-n të ardhurat për frymë në Shqipëri ndaj mesatares së BE-së u rritën me 10 pikë përqindjeje, pas vitit 2010 ato thuajse kanë ngrirë duke u rritur me vetëm 1%.

Të dhëna për Kosovën nuk ka.

Në krahasim e të dhënave të Eurostatit me vendet tjera të rajonit, pata Shqipërisë janë Serbisë ku të ardhat mesatare janë 36 për qind kundrejt atyre të vendeve të zhvilluara evropiane.

Më pas është Maqedonia, Mali i Zi, Bullgaria, Rumania, Kroacia dhe Sllovenia.

Kujdes nga kikirikët e Kinës

Emisioni “STOP” që transmetohet në Televizionin Klan është ndalur në disa produkte ushqimore kryesisht kikirikë me origjinë nga Kina, që në përbërje të tyre kanë sasi të lartë aflatoksine, një lëndë e dëmshme për shëndetin e njeriut.

Periskopi.com Lajme

Vetëm pak ditë më parë Kroacia vendosi tërheqjen nga tregu të kikirikëve që vinin nga Kina. Kjo pasi analizat treguan një sasi më të madhe se norma e aflatoksinës, një lëndë kjo kancerogjene.

Përveç ndalimit në treg, mediat kroate bënë me dije se kanë njoftuar zyrtarisht të gjitha strukturat e BE-së, që merren me çështjen e sigurisë ushqimore. Alarmi nuk vjen vetëm nga Kroacia, por edhe mediat italiane shkruajnë për një “listë të zezë” të produkteve të kontaminuara me aflatoksinë, që nga lajthitë, frutat e thata nga Turqia, xhinxherët dhe kikirikët nga Kina apo fistekët nga Irani. Përmbajtje mbi normën të metaleve të rënda janë vërejtur edhe tek peshku ton e shpatë nga Spanja.

Nga një vëzhgim i tregut shqiptar, rezulton se ai është i dominuar nga kikirikët kinezë, të cilët blihen shumë nga konsumatori.

Ndalesa që është bërë në tre dyqane të tregut Agro Ushqimor, tregohet se ky produkt ka një konsum të lartë, sidomos në prag festash të fundvitit./Albeu.com

autostrada ibrahim rugova

Rruga e Kombit, qytetarët do paguajnë 5 euro pas dy muajsh

Qytetarët që qarkullojnë në Rrugën e Kombit pas 60 ditëve do t’u duhet të paguajnë 5 euro për përdorimin e rrugës.

Periskopi.com Lajme

Agjencia e Prokurimit Publik ka zhbllokuar kontratën koncesionare duke i kërkuar ofertuesit të përzgjedhur konsorciumit Catalyst të ekzekutojë marrëveshjen. Për 13 vitet e para shteti do ti japë koncesionarit 65 mln euro.

Rruga e Kombit brenda 60 ditëve do të bëhet me pagesë 5 euro për qarkullimin e makinave të vogla. Koncesioni për këtë aks të rëndësishëm rrugor është zhbllokuar nga Agjencia e Prokurimit Publik e cila në buletinin e radhës i kërkon koncesionarit të zgjedhur konsorciumit Catalyst Viba Das General Constractin, pjesë e këtij grupi janë Salillari shpk,  BEE Tech”, Viplap Ateve dhe Kastrati sha, që të ekzekutojë marrëveshjen e bërë brenda 60 ditëve.

Grupi koncesionar brenda 7 ditëve duhet të dorëzojë në Ministrin e Transportit, pranimin e njoftimit të ofertuesit të zgjedhur. Nëse Catalyst  refuzon koncesionin brenda 30 ditëve duke filluar nga 30 Nëntori duhet të paguajë tarifën 20.000 euro.

Përveç taksave që do të paguajnë qytetarët (5 euro për makinë) buxheti i shtetit do të paguajë në 13 vitet e para të koncesionarit të paktën 65 milionë euro. Për shkak se Rruga e Kombit nuk përcakton kriteret, qeveria shqiptare ka marrë përsipër të kompensojë kompaninë fituese për 13 vitet në vijim dhe gjatë kësaj periudhe, buxheti do të alokojë një shumë prej 4-5 milionë eurove në vit ndaj kompanisë fituese. Me 29 gusht Komisioni i Prokurimit Publik vendosi të skualifikojë konsorciumin Vendeta dhe të parakualifikojë Catalyst si dhe ta përcaktojë atë si ofertuesin e preferuar. Oferta në fuqi, ajo e Catalyst, kërkon kompensim nga buxheti 64.9 milionë euro.

Sipas ekspertëve, standardi maksimal ndërkombëtar për mirëmbajtjen e 100 kilometrave kërkon një tarifë 2.5 euro. Rruga e Kombit, në të gjithë gjatësinë e saj, është 116 kilometër, ndërsa vetëm 60 kilometrat e aksit  Rrëshen-Kalimash konsiderohen të përfunduara./ Opinion

Desada Metaj

Zonjës Merkel nuk i nevojitet përkthimi

Zonjës Merkel nuk i nevojiten kaq shumë përkthyes, sa i ofroi këto orët e fundit Shqipëria e vogël. Fjalitë e thëna prej saj në një konferencë për shtyp të transmetuar live nga shumica e mediave, janë po aq të qarta sa dhe përpjekjet e disave për të gjetur mes rreshtave gjera që nuk ekzistojnë.

Desada Metaj Opinione

Që nuk jemi gati të jemi pjesë integrale e Bashkimit Europian këtë e dimë të gjithë shumë qartë dhe nuk besoj se nevojitet një deklaratë, qoftë dhe e gruas së fortë të Berlinit. Edhe që nuk bëhet fjale vetëm për 5, 7 apo 20 kushte qofshin.

Sepse, për ne që jetojmë në këtë vend, është qesharake të presësh të ta thotë një zonjë nga maja Berlinit që këtu ka korrupsion, ka probleme të mëdha me sistemin e drejtësisë, që duhet patur kujdes me zgjedhjet etj etj. Dhe po më qesharake bëhet situata kur palët që mbajnë përgjegjësi për këtë situatë, debatojnë për mënyeën si u përkthye apo se si u pozicionua Merkel kur lexoi deklaratën për Shqipërinë.

Kjo, sepse. edhe pas më shumë se 20 vitesh në një sistem që pretendon të jetë i hapur dhe demokratik politikanët tanë sillen si në diktaturë. Gënjejnë dhe gjejnë armiq imagjinarë për dështimet e tyre, mbajnë fjalime historike dhe tallen me paraardhësit, ndonëse ngjashmëritë i kanë të frikshme.

Sepse e kanë të vështirë, në mos të pamundur të besojnë që Shqipëria në gjendjen që është sot, realisht nuk e meriton të jetë pjesë e Bashkimit Europian. Dhe për këtë nuk ka nevojë të na bindë as një deputet gjerman, as një zyrtar i BE-ë, madje as vetë e fuqishmja Merkel.

Ne që jetojmë çdo ditë në këtë vend, e dimë shumë mirë që drejtësia, reformat, vettingu, janë slogane për të na bërë të kuptojmë që jemi kapur nga korrupsioni. Për çdo shqiptar që ka mundur të shohë njëherë të vetme një spital apo një shkollë në perëndim, është e qartë që spitali dhe shkolla e vendit të tij janë vite dritë larg këtij standardi. Ndaj është energji e harxhuar kot kjo e përpjekjes për të na përkthyer politikanët e huaj për bëmat që ne i kemi bërë vetes.

Të gjithë e dimë që jemi ende larg, të gjithë e kuptojmë që standardet e kërkuara dhe që ka një vend anëtar i BE-së nuk kanë asnjë lidhje me mënyrën se si ne kemi bërë shtet këto 25 vitet e fundit. Ndaj, kush përpiqet të na sqarojë se kushtet janë, por të huajt nuk i shohin, ose nuk sheh apo dëgjon, ose është kaq larg realitetit sa i duhet ta dëgjojë në gjermanisht një fjali që në shqip ndoshta i vret veshët: standarde të paplotësuara!

20161130155552105646

Greqia kërcënon me veto: S’ka negociata për Shqipërinë

Integrimi i Shqipërisë në Bashkimin Europian do të kalojë përmes një sërë reformash të rëndësishme të cilat vendi ynë duhet të zbatojë si kushte afatgjata të cilat u shpreh edhe në progres raportin e Komisionit Europian dhe në rekomandimin e kushtëzuar që ky i fundit dha për çeljen e negociatave të anëtarësimit.

Periskopi.com Lajme

 

Vetëm pak ditë pasi Parlamenti Europian u kërkoi vendeve anëtare të unionit pezullimin e përkohshëm të bisedimeve të anëtarësimit me Turqinë, Komiteti i Jashtëm i Parlamentit Europian merr në shqyrtim draft-rezolutën për Shqipërinë të hartuar nga raportuesi për Shqipërinë Knut Fleckenstein. Ai i ka kërkuar Komitetit të Jashtëm të PEsë, që t’i japë Shqipërisë dritën jeshile për hapjen e negociatave. Fleckenstein tha se Shqipërisë mund t’i kërkohen të përmbushë zbatimin e reformës në drejtësi por ndërkohë negociatat me këtë vend duhet të hapen.

“Kam një sugjerim, nuk mund të presim deri në implementimin e reformës në drejtësi, por le të hapen më parë negociatat për Shqipërinë duke i vendosur si kusht zbatimin e plotë të reformave. Mendoj se nuk duhet të krijojmë asnjë konfuzion”, ka thënë Fleckenstein. Por deklaratat e tij kanë shkaktuar rritim tek deptuetët grekë të cilët paralajmëruan se do të vendosin veton për Shqipërinë nëse nuk përmbush kriteret e kërkuara.

“Shqipëria nuk është gati për të hapur negociatat dhe duket sikur BE po bën të njëjtat gabime me Sipërinë ashtu si ka bërë me Turqinë. Greqia do të vendosë veton për anëtarësimin e Shqipërisë në BE nëse nuk ka përmirësime”, tha eurodeputeti grek i Agimit të Artë, Georgios Epitideios.

Ndërsa deputetja Eleni Theocharous, tha një ndër kushtet që Shqipëria duhet të përmbushë është respektimi i të drejtave të minoritetit grek, duke përmendur rastin e vendimit për prishjen e disa shtëpive në Himarë për të cilat ata thanë se është shkelje e hapur e të drejtës së pronës. “19 familjeve te minoritetit grek iu janë lënë vetëm 5 dite për të lënë banesat e tyre në kuadër të një reforme territoriale. Shqipëria duhet ti respektojë të drejtat e minoritetit dhe ato të pronës”, u shpreh ajo. Ndër të tjera, ata e ngritën si shqetësim që në Shqipëri qarkullon ideja e “Shqipërisë së madhe”, duke thënë se po rrezikohet stabiliteti në rajonin e Ballkanit. Pro, Fleckenstain ka replikuar duke i tërhequr vërejtje deputetëve grekë si problematikë kur flitet për anëtarësimet në union. Mësohet drafti lë hapësirë për ndryshime të tjera ndërsa eurodeputetët kanë afat deri më 10 janar të vitit 2017 për të paraqitur amendamentet e tyre nëse kanë.

 

Disa nga pikat e rezolutës

  1. Parlamenti Europian (PE) mirëpret progresin e vazhdueshëm të Shqipërisë në reformat e lidhura me BEnë, sidomos miratimin e ndryshimeve kushtetuese duke hapur rrugën për një reformë gjithëpërfshirëse në sistemin gjyqësor. Jo vetëm miratimi i qëndrueshëm, por edhe zbatimi i plotë dhe në kohë i reformave si dhe angazhimin e politikës janë thelbësore për të avancuar në procesin e anëtarësimit në BE.
  2. PE-ja mbështet plotësisht anëtarësimin e Shqipërisë në BE dhe bën thirrje për hapjen e negociatave të anëtarësimit sa më shpejt në raport me progresin dhe zbatimin e reformës në drejtësi, me qëllim për të ruajtur vrullin e reformave; pret që Shqipëria të konsolidojë progresin e arritur dhe të ruaj ritmin e progresit në zbatimin e të gjitha prioriteteve kyçe.
  3. PE-ja përsërit se një dialog konstruktiv, bashkëpunimi i qëndrueshëm politik dhe gatishmëria për kompromis është vendimtare për suksesin e reformave dhe për të gjithë procesin e aderimit në BE.
  4. PE përgëzon miratimin konsensual të amendamenteve kushtetuese për reformën në drejtësi, si dhe miratimin e ligjeve për organizimin e gjyqësorit; bën thirrje për miratimin e shpejtë dhe zbatimin e të gjitha ligjeve përkatëse shoqëruese dhe akteve nënligjore, veçanërisht ligjin për verifikimin (Vetting-un) e gjyqtarëve, prokurorëve dhe këshilltarëve ligjorë;
  5. PE vë në dukje se zbatimi i ligjit të verifikimit është pezulluar nga Gjykata Kushtetuese dhe se kjo e fundit ka kërkuar opinionin e Komisionit të Venecias mbi kushtetutshmërinë e tij; rithekson se një reformë gjithëpërfshirëse e gjyqësorit është një kërkesë e rëndësishme e qytetarëve shqiptarë për të rivendosur besimin tek përfaqësuesit politikë.
  6. PE-ja i bën thirrje Komisionit Adhoc parlamentar për Reformën Zgjedhore që të përfundojë rishikimin e Kodit Zgjedhor duke adresuar të gjitha rekomandimet e mëparshme të OSBE/ ODIHR-it; i bën thirrje autoriteteve kompetente për të siguruar zbatimin (e Kodit Zgjedhor) në kohë para zgjedhjeve të ardhshme parlamentare të qershorit 2017;
  7. PE thekson se të gjitha partitë politike kanë përgjegjësi për zhvillimin e zgjedhjeve demokratike dhe në përputhje me standardet ndërkombëtare; i bën thirrje partive politike të Shqipërisë për të respektuar ligjin për përjashtimin nga postet publike të personave që kanë kryer vepra penale.

 

  1. PE bën thirrje për përparim të mëtejshëm në forcimin dhe zbatimin e Ligjit për Shërbimin Civil dhe Ligjin për Procedurën Administrative, për të mbrojtur pavarësinë e organeve rregullatore, për të përmirësuar procedurat e rekrutimit të bazuar në meritën dhe performancën (në administratën publike).
  2. PE-ja mirëpret miratimin e pjesë kryesore të legjislacionit anti-korrupsion, megjithatë institucionet kyçe anti-korrupsion vijojnë të mbeten subjekt i ndërhyrjeve politike; thekson nevojën për një kuadër ligjor më të përshtatshëm për konfliktin e interesit dhe bashkëpunimi ndër-institucional sidomos mes policisë dhe prokurorisë…me qëllim që në zgjedhjet e ardhshme parlamentare të ketë një mbikëqyrje efektive të financimit të partive politike.
  3. … Përshëndet operacionet e fundit kundër plantacioneve të drogës; kërkon çmontimin e rrjeteve të krimit të organizuar dhe rritjen e dënimeve përfundimtare;
  4. PE-ja nënvizon nevojë për të rritur parandalimin e trafikut të qenieve njerëzore, veçanërisht me fëmijët e pashoqëruar.
  5. PE-ja i bën thirrje autoriteteve që të përmirësojnë klimën e përfshirjes dhe tolerancës për të gjitha minoritetet në vend.
  6. PE-ja vëren se është e domosdoshme parandalimi i radikalizmit islamik, duke përfshirë mosangazhimin dhe integrimin e luftëtarëve të kthyer.
  7. PE-ja është e shqetësuar për ndikimet politike në media dhe përhapjen e vetë-censurës në mesin e gazetarëve; vë në dukje zbatimin e ngadalshëm të ligjit për mediat audio-vizive dhe vonesa në plotësimin e vendeve vakante në AMA; bën thirrje për të rritur transparencën e reklamave qeveritare në media dhe për të siguruar pavarësinë e autoritetit rregullator dhe transmetuesit publik.
  8. …PE-ja vë në dukje ende mangë- si në sundimin e ligjit për ekonominë informale dhe të mjedisit rregullator, duke penguar investimet; u kërkon autoriteteve të marrin masa për përmirësuar zbatimin e kontratave, të mbledhin më mirë taksat dhe të vazhdohet zbatimi i reformës në drejtësi për të përmirësuar mjedisin e biznesit.
  9. PE-ja bën thirrje për përfundimin e procesit të regjistrimit, kthimit dhe kompensimit të pronës, dhe për të zbatuar në mënyrë efektive strategjinë 2012-2020 për të drejtat e pronësisë;
  10. PE-ja tërheq vëmendjen se numri i aplikimeve për azil të paraqitura nga shqiptarët në shtetet anëtare të BE-së është rritur përsëri; i kërkon qeverisë të intensifikojë rritjen e ndërgjegjësimit dhe parandalimit të këtij fenomeni.
  11. Udhëzon kryetarin e saj për t’ia përcjellë këtë rezolutë Këshillit, Komisionit, Qeverisë dhe Kuvendit të Shqipërisë.

Data e votimit

Opinioni i Komisionit i jep Këshillit një bazë të fortë për ndërtimin e diskutimit nga krerët e shteteve dhe qeveritë, për të arritur në një vendim politik. Vetëm pasi Këshilli të votojë unanimisht për nisjen e negociatave të anëtarësimit, diskutimet mund te hapen formalisht duke e marrë si të mirëqenë se shteti kandidat ka përmbushur kushtet themelore. Në kuadër të opinionit të Komisionit Europian, Këshilli mund edhe të vendosë kushtet e tij, të cilat shteti duhet t’i përmbushë përpara çeljes së negociatave. Samiti kur pritet të vendoset për Shqipërinë do të mbahet më 15 – 16 dhjetor. Marrja e një vendimi pozitiv për çeljen e negociatave duket i vështirë në kushtet kur Komisioni Europian ka dhënë një rekomandim me kusht disa shtete anëtare janë shprehur kundër ose me rezerva.

Edi Rama dhe Angela Merkel

Përse e hoqi Edi Rama mesazhin e Merkel për zgjedhjet

Kancelarja Angela Merkel ishte shumë e qartë dje në Berlin në konferencën e shkurtër për shtyp me kryeministrin shqiptar, Edi Rama.

Periskopi.com Lajme

Veç formaliteteve për përmbushjen e standardeve në rrugën e integrimit ajo përmendi në mënyrë të veçantë zgjedhjet e vitit 2017.

“Kam parasysh edhe zgjedhjet që do të ketë Shqipëria dhe bashkëpunimin me OSBE” u shpreh ajo duke folur për çështjen e hapjes së negociatave. Përmendja e zgjedhjeve ishte mesazh i drejtpërdrejtë se në dhjetor s’ka negociata dhe se Vetting-u është vetëm njëri nga kushtet.

Por Edi Rama ka nisur prej dje, menjëherë pas konferencës, një fushatë për t’u treguar shqiptarëve versionin e tij të mesazhit të kancelares Merlek. Në fillim me mediat pranë qeverisë, më pas me një intervistë në Deutsche Welle të cilën u përpoq ta manipulojë duke i shmangur përgjigjet për pyetjet direkte e më pas edhe nëpërmjet konferencash për shtyp në Tiranë dhe së fundi në faqen e tij në Facebook.

Kryeministri ka postuar në llogarinë e tij në rrjetet sociale mesazhet e kancelares, Merkel, por ka hequr pjesën ku ajo foli për zgjedhjet e vitit 2017.

Kjo është përmbajtja e postimit të kryeministrit.

 

 

Me t’u kthyer në Tiranë kryeministri nisi një fushatë sulmi ndaj opozitës, duke e fajësuar atë si bllokuese të negociatave me ligin e Vetting –ut. Ai e ka gjetur kundështinë e opozitës ndaj miratimit në mënyrë të njëanshme dhe pa konsensus të ligjit të Vetting-ut  si alibi për dështimin e çeljes së negociatave. Në këtë mënyrë, ai po përpiqet t’u fshehë shqiptarëve të gjitha kushtet e tjera që i kërkon Berlini, Parisi apo Brukseli, që kanë të bëjnë jo vetëm me zgjedhjet, por edhe me krimin e organizuar në rritje, kanabizimin e Shqipërisë dhe korrupsionin galopant të parhapur në çdo degë të qeverisjes. /Lapsi.al

 

hadergjonaj

Talenti shqiptar: Preferoj të luaj për Zvicrën para Shqipërisë dhe Kosovës

Florent Hadërgjonaj është në dyshim se për kë kombëtare do të luajë në të ardhme, por është shprehur se për momentin po mendon për Zvicrën.

Periskopi.com Sporti

“Teorikisht ende mund të zgjedh se për cilën Kombëtare mund të luajë: Zvicrën, Kosovën ose Shqipërinë. Të luajë për Zvicrën do të ishte një hap tjetër i rëndësishëm në karrierën time. Momentalisht preferoj Zvicrën”, tha ai.

Ai ka fituar vendin e titullarit tek ekipi gjerman. Ku në ndeshjen e fundit, asistoi në golin e vetëm të shënuar nga Ingolstadt në barazimin 1-1 përballë Wolfsburg. Menaxheri i Hadërgjonaj është Erdin Shaqiri, vëllai i Xherdanit.

Mediat serbe dhe maqedonase: Në Tiranë, në dyer të vogla, formohet ‘Shqipëria e Madhe’

Mediat serbe dhe maqedonase i kanë kushtuar rëndësi të veçantë formimit të Unionit të Komunave Shqiptare në rajon.

Periskopi.com Lajme

“Në Tiranë në dyer të vogla formohet ‘Shqipëria e Madhe’”, ky është titulli i mediave serbe pas konstituimit të këtij Unioni, transmeton lajmi.net.

Unionin e komunave për kryeqytetit shqiptar e përbëjnë Prishtinë, Tetova, Ulqini dhe Presheva.

“Lidhja e këtyre komunave ka për qëllim vendosjen e mekanizimit të bashkëpunimit të ndërsjellë në fushat e urbanizimit, mjedisit, kulturës, investimeve dhe inovacioneve”.

Këtë marrëveshje e kanë nënshkruar kryetari i Tiranës, Erion Veliaj, Shpend Ahmeti i Prishtinës, Teuta Arifi e Tetovës, Nazif Cungu i Ulqinit dhe Shqiprim Arifi i Preshevës.

“The Times” uron Shqipërinë për pavarësinë: Një vend për t’u dashur

Revista prestigjioze “The Times” i Kuwait në një artikull special dedikuar Shqipërisë me rastin e festave kombëtare, e cilëson Shqipërinë një vend për t’u dashur e eksploruar më shumë.

Periskopi.com Lajme

Në shkrimin e publikuar sot, Shqipëria cilësohet si një vend i vogël mesdhetar me natyrë të virgjër, ku misteret kulturore kombinohen për të krijuar një ndjenjë të veçantë të vendit.

Më tej, shkrimi vë në dukje se  shqiptarët janë mikpritës, ndaj edhe vizitorët janë të mirëpritur si mysafirë, si pjesë e traditave dhe kulturës Shqiptare, ku çdo udhëtar ndjehet si në shtëpi, ndaj dhe meriton të duhet ende më shumë si vend.

Në shkrim flitet edhe për kryeqytetin, duke e përshkruar si qytet dinamik, me bare, kafene, taverna por edhe mjaft vende historike për tu vizituar.

“Zemra dhe kryeqyteti i Shqipërisë, Tirana, me klubet e saj, baret, kafetë dhe tavernat është e vlefshme për ta eksploruar si ditën  ashtu edhe natën. Dikush mund të fillojë duke vizituar muzeumet apo pika kyçe të tilla si Sheshi Skënderbej, Xhaminë  Et’hem Beut dhe 35 m të lartë  Kullën e Sahatit (watch Tower), e ndërtuar në vitin 1822 .Varri monumental i Kapllan Pashës dhe Ura e Tabakëve janë vende të tjera  interesante për t’u vizituar. Si kryeqytet, Tirana ka muzetë , teatrot, galeritë që përfaqësojnë artet kombëtare”, thuhet në shkrim.

Përshkrime të tjera jepen  rreth Muzeut Historik Kombëtar në kryeqytet, rreth  qytetit të Beratit, kalëse së Krujës, Gjirokatrës , Parkut Kombëtar të Valbonës, Malet  etj.

Një pjesë e shkrimit i dedikohet edhe kuzhinës shqiptare, ku thuhet se kjo e  fundit është e ndikuar nga gatimet greke, italiane dhe turke.

Përmenden gjellët e gatuara me mish e perime si dhe sallatë e freskët me të cilën shoqërohet vakti. Specialitete detit janë gjithashtu të zakonshme në qytetet bregdetare, cilësohet në shkrim.