Shqipëria kalon në epërsi, shënon Roshi (Video)

Periskopi.com Sporti

Shqipëria ka kaluar në epërsi në ndeshjen miqësore kundër Luksemburgut.

Kuqezinjtë janë dukë luajtur si mysafirë në këtë përballje, ndërsa kanë arritur ta zhbllokojnë rezultatin në minutën e 52-të.

Odise Roshi pranoi një top nga Elseid Hysaj dhe goditja e tij u ndal në rrjetë.

Theksojmë se fraksioni i parë i lojës nuk prodhoi gola. /Telegrafi

 

Shikoni se si i bie daulles presidenti i zgjedhur i Shqipërisë, Ilir Meta (Video)

Periskopi.com Lajme

Presidenti i zgjedhur, Ilir Meta ka qenë ditën e sotme në Kukës i shoqëruar edhe nga deputeti i LSI­-së, Ylli Shehu. Meta ka habitur të gjithë kur ka marrë një daulle dhe ka nisur t’i bjerë.

Si duket, Presidenti i zgjedhur ka zbuluar edhe një pasion tjetër të fshehur.

Për më tepër ndiqni videon.

 

Kontingjenti ushtarak i Shqipërisë niset drejt Afganistanit

Periskopi.com Lajme

Në ceremoni merrte pjesë ministrja e Mbrojtjes e Shqipërisë, zëvendës ambasadori i Turqisë në Tiranë, zyrtarë të ushtrisë shqiptare dhe familjarë të pjesëtarëve të kontingjentit ushtarak.

Është zhvilluar sot në Tiranë ceremonia për nisjen e një kontingjenti ushtarak prej 30 forcash nga Shqipëria në drejtim të Afganistanit, në kuadër të misionit të NATO-s “Mbështetje me Vendosmëri”, që do të realizojë misionin nën komandën turke, raporton Anadolu Agency (AA).

Në këtë ceremoni merrte pjesë ministrja e Mbrojtjes e Shqipërisë, Mimi Kodheli, zëvendës ambasadori i Turqisë në Tiranë, Cem Baş, zyrtarë të ushtrisë shqiptare dhe familjarë të pjesëtarëve të kontingjentit që niset drejt Afganistanit për mision.

“Jemi sot këtu së bashku për të nisur shokët, miqtë dhe vëllezërit tanë në Afganistan. Aty ku do të përballen me misionin dhe detyrën e tyre të vështirë të ruajtjes së forcave aleate, në frontin më sfidues dhe më të rëndësishëm në NATO”, tha ministrja Kodheli gjatë fjalës së saj në këtë ceremoni. Ajo shtoi se këto trupa ushtarake do të vijojnë të dislokohen në kuadër të misionit të NATO-s në përmbushje të angazhimeve të aleancës, për menaxhimin e krizave në funksion të paqes dhe stabilitetit.

Kodheli theksoi ndër të tjera se “Ne nuk mjaftohemi vetëm me solidaritetin me viktimat dhe të goditurit nga terrorizmi, por kontribuojmë aktivisht në luftën kundër tij. Lufta kundër ekstremizmit të dhunshëm është domosdoshmëri dhe me sakrifica duhet luftuar që në burimet e tij. Duke vlerësuar mbështetjen e pakursyer që vendet aleate kanë dhënë dhe vazhdojnë të japin për forcat tona të dislokuara në operacione, shpreh mirënjohjen e thellë, veçanërisht për forcat e armatosura turke dhe ato italiane”.

Në një fjalë të mbajtur në këtë ceremoni, zëvendës ambasadori i Turqisë në Tiranë, Cem Baş, ka vënë në dukje rëndësinë e Turqisë në aleancën e NATO-s. Ai ka theksuar se Turqia është një forcë e rëndësishme në NATO, me ushtrinë moderne, ku përfshihen forcat të kualifikuara tokësore, detare dhe ajrore.

Baş ka vlerësuar anëtarësimin e Shqipërisë në NATO duke thënë se është një kontribut i rëndësishëm për aleancën. Ndërsa duke u ndalur në marrëdhëniet mes Turqisë dhe Shqipërisë, që i ka konsideruar të shkëlqyera, ai ka shtuar: “Kemi lidhje shumë të mira ushtarake me Shqipërinë. Lidhjet tona janë të forta dhe miqësore, rrënjët e të cilave kanë një të kaluar disa qindra vjeçare”.

Në vijim të fjalës së tij Baş nuk ka nguruar as të kujtojë me respekt të gjithë ata figura të shquara shqiptare që kanë kontribuar në Perandorinë Osmane, që nga pozitat ushtarake deri në ato shtetërore. Baş ka thënë gjithashtu se, Turqia do të vazhdojë të ndihmojë Shqipërinë në modernizimin e forcave të armatosura, dhe në fusha të ndryshme si arsim, shëndetësi, etj.

Grupi i parë i ushtarëve shqiptarë me detyrë në Afganistan u nis më 16 dhjetor 2014. Brenda një periudhe 2.5 vjeçare ky është misioni i gjashtë që shkon në këtë kuadër.

Përfundon takimi dy orësh Rama – Basha, ja çfarë ndodhi

Periskopi.com Lajme

Kryeministri Rama pas takimit dy orësh me kreun e opozitës Lulzim Basha në Presidencë bëri të qartë se oferta e tij për Partinë Demokratike, me qëllim dhënies fund të krizës politike nuk ndryshon.

Kryeministri Edi Rama duket se me kalimin e kohës po tkurr edhe ofertën e tij. Në thelb ai nuk ofron asgjë për zgjidhjen e problemit të zgjedhjeve. Kryeministri duhet ta dijë se për të sigururar votën e lirë të qytetarëve nuk mjaftojnë vetëm katër zevendës ministra.

Zoti Rama është i bindur për të hyrë i vetëm në zgjedhje dhe për të emëruara nje opozitë të re.

Propozimet e Kryeministrit, sa më shumë kalon koha aq më shumë i largohen vlerave demokratike dhe zgjedhjeve pluraliste.

Ndërsa Zoti Basha u shpreh se marrëveshje nuk do të ketë deri në momenti kur Kryeministrit nuk do të pranojë kriminalizimin e politikës dhe nuk do të ofrojë zgjidhje politike. E vetmja rrugë përpara është realizimi nga pala tjetër politike në këtë proces me një sens realiteti.

Ai tha se për të zgjidhur krizën duhet që pala tjetër të pranojë përgjegjësitë dhe të marrë përgjegjësitë për të dalë të bashkuar kundër krimit dhe drogës.

Zoti Basha tha se “Kundërpropozimi ynë është një qeveri teknike me mandat për të zgjidhur dhe ndalur krimin dhe drogën në zgjedhjet e ardhshme dhe realizmi i votimit elektronik brenda gjashtë muajve”.

“Propozimet e ofruara nga McAllsiter nuk përbëjnë zgjidhje politike. Në kushtet ku kryeministri ka kapur parti të tëra opozitare, deputetë të opozitës, nuk ofrojnë garanci që e njëjta gjë nuk do të ndodhë me katër qytetarë që i zgjedh Edi Rama dhe i miratojmë ne” — u shpreh kryetari i opozitës Basha.

“E vetmja zgjidhje është vullneti politik,” — theksoi Zoti Basha.

Mesa duket , nga deklarata e Zotit Basha dhe Rama, asnjë nga palët nuk dëshiron të ketë një marrëveshje për zgjidhjen e krizës deh sigurimin e zgjedhjeve të lira dhe të ndershme.

Eksperti amerikan i sigurisë: “Shqipëria e Madhe” mund të bëhet realitet

Periskopi.com Lajme

Përzierja e Rusisë në ngjarjet e Ballkanit ka quar këtë shoqëri në buzë të greminës, po e kërcënon të gjithë Evropën Juglindore dhe është nevoja që Perëndimi të riparojë dëmin që ishte shkaktuar gjatë shpërbërjes së Jugosllavisë.

Kështu ka thënë eksperti i sigurisë dhe ish-analisti në Agjencinë e Sigurisë Kombëtare (NSA), John Schindler.

Kolumnisti i ‘Observer’ të Nju Jorkut, shkruan se NATO ka nevojë të ndihmojë në Jug-Lindje të Evropës për t’i rezistuar veprimeve agresive sikurse përpjekja e grushtshtetit në Mal të Zi disa muaj më parë si dhe për rrezikun e krizën në Maqedoni, transmeton lajmi.net.

Gjatë gjithë ish-Jugosllavisë, NATO dhe BE-ja këmbëngulën në ruajtjen e kufijve të brendshëm të regjimit të dështuar komunist edhe pse ajo përfaqësohej nga persona me përkatësi të ndryshme etnike, thotë ‘The Observer’.

Schindler beson se Josip Broz Tito ka mbajtur Jugosllavinë së bashku me një kombinim të karizmës, talentit politik dhe policisë sekrete, të cilën nuk e posedon as NATO as BE.

Ai thotë se ka ardhur koha që edhe Perëndimi të njoh dështimin e tij ndaj Evropës juglindore.

Këtë pjesë ai e përshkruan si një pseudo-shtet që kurrë nuk është shëruar nga fatkeqësia që zgjati nga viti 1992 deri më 1995, dhe shton se miliarda dollarë ndihma perëndimore janë zhdukur për shkak të korrupsionit të madh dhe krimit.

Schindler thekson se askush nuk mund në mënyrë të arsyeshme të shpjegojë pse kufijtë e Serbisë nga e kaluara komuniste mund të ndryshojnë ndërsa kufijtë e Bosnjës dhe Hercegovinës nuk munden, duke përmendur faktin e ‘Republikës Serbe’.

Kolumnisti i ‘Observer’, thotë se kroatët etnikë nga pjesa perëndimore e Bosnjës duhet të lejohen të bashkohen me Kroacion dhe kujton se shumica e tyre tashmë posedojnë pasaporta kroate.

Ai beson se pjesa tjetër e Bosnje dhe Hercegovinës duhet të lejohet të shkojë në rrugën e vet dhe të përshpejtoj anëtarësimin në NATO dhe BE.

“Perëndimi duhet të heqë dorë nga fantazia se paqja afatgjatë në Ballkan mund të arrihet duke izoluar Serbinë”, thotë kolumnisiti por thekson se Beogradi duhet të bëjë kompromis dhe të njoh Kosovën si shtet të pavarur.

Sipas tij, ‘Shqipëria e Madhe’ duhet të krijohet dhe është mirë të arrihet në kushte paqësore.

Ai beson se duhet të lejohet të ankesojë Kosovën, Shqipërinë dhe Serbisë duhet ti takojë veriu i Mitrovicës dhe Lugina e Preshevës. Ai thotë se monumentet fetare serbe në Kosovë duhet të vendosen nën mbrojtjen e OKB-së dhe të deklarohen jashtëterritorialitetit.

Ai ka thënë se humbëse do të jetë Maqedonia në këmbim të pjesës veri-perëndim të vendit e cila është e populluar kryesisht me shqiptarë.

NATO befason me deklaratë për Shqipërinë

Periskopi.com Lajme

Sekretari i Përgjithshëm i NATO, Stoltenberg ka bërë thirrje që partitë politike në Shqipëri të zgjidhin krizën politike.

Duke komentuar zhvillimet e fundit në vendin tonë nga Komisioni i Jashtëm i Parlamentit Europian, ai u shpreh se NATO do të donte të shikonte që problemet të zgjidhen.

Stoltenberg tha gjithashtu se Shqipëria është një aleat i vyer për NATO-n.

Ai vuri theksin tek rëndësia e stabilitetit në vendet e Ballkanit Perëndimor për të luftuar terrorizmin, duke iu referuar këtu edhe krizës politike në Maqedoni.

Rama flet pas takimit një orësh me ambasadorët, përmend datën e zgjedhjeve

Periskopi.com Lajme

Kryeministri Edi Rama ka folur pas takimit që pati me ambasadorët në zyrën e tij në lidhje me negociatat që po zhvillon me Lulzim Bashën për të zgjidhur krizën politike.

I pyetur nga gazetarët se çfarë i diskutua në Presidencë mes tij dhe kreut të opozitës Lulzim Basha, Rama nuk preferoi të bënte komente të shumta, duke sqaruar se kanë rënë dakord që të mos flasin pasi bisedimet janë në proces.

Megjithatë, shefi i qeverisë i qëndroi variantit të tij se nuk do të ketë shtyrje të zgjedhjeve.

“Nuk e shtroj për diskutim datën e zgjedhjeve”, u tha Rama gazetarëve.

Kryeministri Rama: Ne jemi në punë. Sapo kemi mbyllur një takim me skuadrën e re përfaqësuese ku kanë marrë pjesë edhe kryetarët e bashkive, por edhe deputetë aktualë për të kolauduar mesazhet, për të bërë të qarta prioritetet në planin organizativ.

Pyetje nga gazetarët: A i keni propozuar opozitës postin e zv/Kryeministrit?

Kryeministri Rama: Kemi rënë dakord që mos flasim, por mesa duket fjalët i ka marrë era i ka sjellë deri tek ju. Unë kam propozuar atë cka besoj shumë se adreson problemet. Pra një monitorim të gjithë strukturave të shtetit. Më shumë se kaq nuk ka.

Pyetje? Cila ka qenë përgjigja e z.Basha?

Rama: Unë nuk dua të komentoj kundërshtarin që isha në tavolinë për të biseduar. Pyeteni atë. Ne në angazhimin e plotë elektoral do të gjejmë kohën për të biseduar.

Pyetje? Do keni takim tjetër sot?

Rama: Unë s’kam takim tjetër. Nuk e shtroj për diskutim datën e zgjedhjeve.

Pyetje: A i trembeni akteve të dhunshme në Kavajë?

Rama: Unë nuk i trembem asgjëje. Jemi brenda filozofisë tonë për të bërë shtet.

Bugajski flet për Talat Xhaferin, e sheh si zgjidhje për trazirat në Maqedoni (Video)

Periskopi.com Lajme

Eksperti nga Qendra për Analiza të Politikave Evropiane (CEPA) dhe Qendra për Studime Strategjike dhe Ndërkombëtare (CSIS), Janusz Bugajski, i ka quajtur provokime të Serbisë ardhjen e trenit dhe ngritjen e murit në veri të Mitrovicës.

Bugajski ka theksuar se problemet e Serbisë dhe Kosovës nuk kanë filluar tani, “por ato janë të pranishme shumë përpara pavarësisë së Kosovës”, raporton Ekonomia Online.

Këto komente ai i ka bërë në një ligjëratë me temë “Administrata e Trumpit dhe kriza në Ballkan”, të organizuar nga Kolegji Riinvest.

Bugajski ka thënë se kriza, e cila është prezent në Ballkan nuk është e vetme, por ka kapluar tërë globin. Ai ka folur edhe për ndarjen e Kosovës nga ish-Jugosllavia, për ndihmën e ShBA-së që i ka ofruar Kosovës.

Ai tha se Administratat e presidentëve amerikanë duke filluar nga ajo e Clintonit deri tek Trumpit kanë për qëllim ofrimin e paqes duke përfshirë këtu edhe vendet e Ballkanit Perëndimor.

“Ballkani, ku pjesë e saj janë edhe shtetet anëtare të Bashkimit Evropian kanë një infrastrukturë ekonomike të brishtë”, ka thënë ai.

“Kriza ekonomike e vitit 2008 ka qenë e vështirë për të gjithë, nga ajo pjesë qeveritë duhet të thërrasin më shumë investitorët në mënyrë që vendet të kalojnë në etapat e zhvillimit”, ka shtuar Bugajski.

Ai ka folur edhe për zgjedhjet të cilat do të mbahen në Shqipëri, ku ka thënë se qytetarët e Shqipërisë duhet të vendosin për një qeveri, e cila bënë progres për popullatën.

Sa i përket situatës në Maqedoni ai ka thënë se nuk është mirë që një qeveri të bëjë ndarje etnike.

Për trazirat në Maqedoni ai ka thënë se Ivanov është ai që po bënë ato, por zgjidhja e vetme sipas tij, mund të jetë nëse në krye të Kuvendit vjen një shqiptar, i cili tashmë është zgjedhur.

Kurse sa i përket situatës në Serbi dhe zgjedhjen e presidentit, Bugajski ka thënë se duhet të bëhet një zgjidhje, sepse sipas tij, njerëzit të cilët po protestojnë nuk dëshirojnë që Aleksandar Vuçiq të jetë në krye të shtetit.

 

Sërish arkitektura shqiptare në fokus të botës

Periskopi.com Lajme

 “Thenationalstudent.com”, shkruan për arkitekturën shqiptare dhe vendet historike që mund t’i vizitoni. Ish-shteti komunist ka disa nga veprat arkitektonike më të mira në Evropë

Shkrimet që publikohen në shtypin e huaj për Shqipërinë nuk kanë të bëjnë vetëm me fushën e turizmit, por edhe me qytetet e lashta, kishat e xhamitë, dhe në to thuhet se Shqipëria është një vend që duhet të merret në konsiderim për t’i kaluar pushimet.

“Thenationalstudent.com”, shkruan për arkitekturën shqiptare dhe vendet historike që mund t’i vizitoni, përcjell albinfo.ch.

Ish-shteti komunist ka disa nga veprat arkitektonike më të mira në Evropë. Arkitektura më e madhe e vendit reflekton mbi historinë e saj të gjatë dhe krenare. Të pushtuar nga romakët dhe të mbajtur nga bizantinët, derisa në pushtimin e shekullit të shtatë nga Bulgaria, një pjesë e saj kaloi në duart e Serbisë, kurse më 1271 Shqipëria ishte një vend i pavarur.

Më pas u pushtua nga osmanët, kurse nuk harrohet kryengritje nga fisniku shqiptar, Skënderbeu deri më 1479, kurse Shqipëria u kontrollua nga Konstandinopoja deri në pavarësinë e vitit 1912.

Nën komunizëm qëndroi deri në vitin 1991. Të gjitha ndikimet e ndryshme në vend kanë lënë përshtypje të madhe. Qytetet historike të Beratit dhe Gjirokastrës janë të mbrojtura nga UNESCO. Berati që ka disa kodra mahnitëse në prapavijë është përfaqësues i përzierjes fetare në Shqipëri: Do të gjeni kishte nga viti 1300 dhe xhami nga viti 1400. Qyteti ka vetëm 60 mijë banorë, kurse ka edhe Kalanë nga shekulli i pestë.

Qytetet e lashta të Butrintit dhe Durrësit, gjithashtu kanë nga një teatër dhe amfiteatër nga kohët romake. Në Shkodër është Xhamia e Mehmet Pashës, apo e njohur si Xhamia e Plumbit. Shumica e xhamive janë të ndërtuara në stilin arab, kurse shumë xhami janë shkatërruar në kohën e Enver Hoxhës.

Por, shumë ndërtesa u ndërtuan gjatë epokës komuniste. Këtu përfshihet edhe kryeqyteti Tirana, me sheshin kryesor Skënderbeu, derisa afër është edhe Muzeu Kombëtar.

Shqipëria gjithashtu është e pasur me shumë muze e galeri, duke mos harruar malet dhe plazhet. E gjithë kjo e bën Shqipërinë një destinacion pushimi për t’u marrë parasysh.

Arkitektura shqiptare: Një gur i fshehur

Mësojeni kush është Ilir Meta, Presidenti i 7-të i Republikës së Shqipërisë

Periskopi.com Lajme

Ilir Meta u zgjodh sot Presidenti i 7-të i Republikës së Shqipërisë.

Karriera politike 26-vjeçare e z. Meta është mjaft e pasur dhe e gjatë.

Ilir Meta lindi më 24 mars të vitit 1969 në Skrapar, Shqipëri.

U diplomua për Ekonomi Politike në Fakultetin Ekonomik të Universitetit të Tiranës. Ilir Meta ka përfunduar Studimet Pasuniversitare në të njëjtën fushë. Meta është që prej 15 viteve deputet i Kuvendit të Shqipërisë, dhe një nga figurat kryesore politike shqiptare. Ai konsiderohet nga media dhe publiku si krijuesi dhe drejtuesi i Polit të Tretë në Politikën Shqiptare.

Ilir Meta ka një aktivitet intensiv politik, duke filluar nga viti 1990, si pjesëmarrës aktiv në lëvizjen studentore që përmbysi regjimin komunist. Nga viti 1992 në vazhdim, Ilir Meta është zgjedhur pa ndërprerje deputet në të gjitha legjislaturat e Kuvendit të Shqipërisë, në të cilin ka qenë anëtar i disa komisioneve dhe gjatë periudhës 1996-1997 ka mbajtur postin e Nënkryetarit të Komisionit të Politikës së Jashtme.

Ilir Meta është njëri ndër themeluesit e Forumit të Rinisë Eurosocialiste (FRESH), duke dhënë kontributin e tij për anëtarësimin e Forumit në Internacionalen e Rinisë Socialiste. Gjatë viteve të anëtarësisë së tij në FRESH, Ilir Meta ka mbajtur poste të larta drejtuese si, Nënkryetar (1992-1995) dhe Kryetar (1995-2001).

Aktiviteti politik i Ilir Metës në strukturat e Partisë Socialiste është i ngjeshur.

Ai ka qenë anëtar i Komitetit të Përgjithshëm Drejtues nga Kongresi i Qershorit 1992 dhe anëtar i Kryesisë së Partisë nga viti 1993, deri në periudhën kur dha dorëheqjen nga kryesia e PS-së (Korrik 2003), pas problemeve që ngriti pranë strukturave drejtuese të PS-së mbi mungesën e transparencës në drejtimin e Qeverisë dhe Partisë prej Kryeministrit dhe Kryetarit të Partisë, Fatos Nano.

Gjatë periudhës 1997-1998, Ilir Meta ka qenë Kryetar i Partisë Socialiste të Tiranës.

Në periudhën 1993 -1996, Ilir Meta ka mbajtur postin e Nënkryetarit të Partisë Socialiste dhe nga 1994 – 1996 edhe atë të Sekretarit për Marrëdhëniet Ndërkombëtare, periudhë gjatë së cilës u vendosën marrëdhënie me shumë parti socialiste dhe socialdemokrate të Evropës, si dhe Partinë Socialiste Evropiane dhe Internacionalen Socialiste.

Përveç aktivitetit politik, Ilir Meta ka dhënë leksione në Fakultetin Ekonomik të Universitetit të Tiranës, si dhe në disa akademi dhe universitete në Evropë dhe SHBA, si Akademia Evropiane e Berlinit apo Universiteti i Harvardit.

Aktiviteti politik i Ilir Metës përfshin edhe një periudhë të suksesshme të drejtimit në Qeveri, ku ka shërbyer si Kryeministër i vendit gjatë periudhës Nëntor 1999 – Shtator 2001 dhe pas fitores së zgjedhjeve parlamentare të verës së vitit 2001 u rimandatua si Kryeministër, Shator 2001 – Shkurt 2002. Gjatë kësaj periudhe u shënuan arritjet më të mira të qeverisjes së vendit për periudhën e tranzicionit, stabilizimi i parametrave makro-ekonomik, përmirësimi i ndjeshëm i rrjetit rrugor, privatizimi i suksesshëm i disa prej sektorëve strategjik të ekonomisë, vendosja dhe funksionimi i ligjit në të gjithë terrorin e vendit, etj.

Në Shkurt 2002, për të shmangur krizën brenda maxhorancës politike dhe qeverisëse dha dorëheqjen nga detyra.

Gjithashtu, Ilir Meta ka shërbyer edhe si Zv.kryeministër dhe Ministër i Punëve të Jashtme gjatë periudhës Korrik 2002 – Korrik 2003, Zv.kryeministër dhe Ministër i Integrimit gjatë periudhës Tetor 1998 – Tetor 1999, si dhe Sekretar Shteti për Integrimin Evropian në Ministrinë e Punëve të Jashtme Mars – Tetor 1998.

Në vitet 2003-2004, Ilir Meta ka qenë anëtar i Komisionit Ndërkombëtar për Ballkanin, i drejtuar nga ish Kryeministri i Italisë, Xhuliano Amato, komision i cili përgatiti Raportin për të Ardhmen e Rajonit të Ballkanit, dhe shtroi rrugën për pavarësinë e Kosovës.

Ilir Meta, pas përpjekjeve brenda strukturave drejtuese të PS-së, për ndryshimin e funksionimit dhe demokracisë së brendshme në këtë force politike, më 6 shtator 2004, së bashku me 500 personalitete të tjerë dhe intelektualë të të gjitha fushave, themeluan një forcë të re politike në Shqipëri, Lëvizjen Socialiste për Integrim.

Ilir Meta u zgjodh në krye të LSI-së në prill të vitit 2005, duke zbatuar për herë të parë parimin “Një anëtar, një vote”. Z. Meta është rikonfirmuar në krye të LSI-së, në zgjedhjet e tetorit 2012 dhe së fundmi në 6 nëntor 2016.

Në periudhën shtator 2009-shtator 2010, Ilir Meta ka shërbyer si Zv. Kryeministër dhe Ministër i Punëve të Jashtme, e më pas si Zv. Kryeministër dhe ministër i Ekonomisë, Tregtisë dhe Energjetikës gjatë periudhës shtator 2010-janar 2011.

Në vitin 2013 Meta u zgjodh Kryetar i Parlamentit pas fitores së koalicionit PS-LSI në zgjedhje.

Sot në 28 prill 2017, Ilir Meta u zgjodh Presidenti i 7-të Republikës së Shqipërisë.

Ilir Meta është i martuar me Monika Kryemadhin dhe kanë tre fëmijë, Borën, Besarin dhe Erën.

Berisha paralajmëron Ramën: Nëse do përdorësh armët ndaj nesh, bëhu gati!

Periskopi.com Lajme

“Nëse Edi Rama do të përdorë armët ndaj opozitës të bëhet gati.”

Kështu është shprehur ish kryeministri, Sali Berisha në ‘Tonight Ilva Tare”, teksa u pyet rreth aksionit të radhës së pozitës, e cila ka thënë se nuk do të tërhiqet nga kushtet e saj për një qeveri teknike.

Shqiptarët duan që drejtësia të mos jetë as e PD-së dhe as e PS-së.

Berisha: Na mori 12 mandate Fehmi Avdiu dhe raporti ndërkombëtar tha se Shqipëria është vendi i vetëm me sistem 4 shkallë.

Mos hyrja në zgjedhje e PD-së a është vetëvrasje e PD-së?

Berisha: Mos hyrja e PD-së do të thotë të ketë bllokim të zgjedhje. PD është e vendosur me Edi Ramën nuk do të ketë zgjedhje. PD nuk është e vërtetë që bën këtë betejë për të mos marrë pjesë në zgjedhje. Nëse Rama shkon në zgjedhje do të marrë përgjigjen më spektakolare. Vota prevalon mbi cdo gjë.

E rrallë: Harta e Shqipërisë shfaqet në qiell në një formë krejt të veçantë (Foto)

Periskopi.com Fun

Kjo është padyshim një foto e rrallë.

Në qiell shfaqet harta e  Shqipërisë, formuar prej një reje dhe e ndriçuar pas nga dielli.

Shikoni foton

Irinej

Patriarku Irinej flet për Shqipërinë Etnike – Godet Edi Ramën dhe Hashim Thaçin

Periskopi.com Lajme

Partiaku i Kishës Ortodokse Serbe Irinej ka komentuar deklaratën e kryeministrit të Shqipërisë Edi Ramës dhe atë të presidentit Hashim Thaçit për “Shqipërinë Etnike”.

“Serbia duhet të gjejë një mjet që diplomatikisht t’i rezistojë gjithë këtij presioni”, ka thënë Patriarku serb për “Kurir”.

Ai ka shtuar se nuk është i shqetësuar për Shqipërinë Etnike për shkak se ai mendon se kjo është “më shumë dëshirë sesa kërcënim”, përcjell “lajmi.net”.

“Mua më duket se shqiptarët me ndihmën e disa miqve tanë të mëparshëm synojnë të arrijnë aspiratat e tyre. Nuk dua as t’i përmend me emra, por e shoh se duan të shkojnë deri në Nish. Pak ju duket, mund të arrijnë deri në Beograd”, tha ai.

Rusia reagon për Ramën e Thaçin: Duan ndryshimin e kufijve

Periskopi.com Lajme

Rusia ka shprehur shqetësim mbi deklaratat e fundit të politikanëve shqiptarë, kryeministrit Rama e presidentit kosovar Hashim Thaçi, në lidhje me atë që sipas Moskës, e konsiderojnë si qëllim për rishikimin e kufijve të Ballkanit dhe përpjekje për të destabilizuar juglindjen e Europës.

Përmes një deklarate zyrtare të publikuar nga Ministria e Jashtme e Rusisë, Moska vlerëson se nën maskën e akuzave të pabazuara të përpjekjeve për destabilizim të Ballkanit, po bëhen përpjekje për të implementuar projektin e Shqipërisë së Madhe, projekt që bazohet në Kushtetutën shqiptare, e cila i jep të drejtën Tiranës të mbrojë interesat e shqiptarëve jashtë vendit, kudo që ata ndodhen.

“Nën maskën e bisedimeve hipokrite mbi nevojën e stabilizimit të rajonit nën mbikëqyrjen e NATO-s, themelet e vërteta të stabilitetit po tronditen. Një kurs i ri politik është adoptuar për të rishikuar kufijtë në Ballkan, gjë që shton në mënyrë të paevitueshme potencialin për konflikt”, thuhet në deklaratë.

Ky, – siç nënvizon Moska zyrtare, – është konteksti i deklaratave të kryeministrit shqiptar Edi Rama, si dhe kreut të të vetëquajturës Kosovë e pavarur, Hashim Thaçi, mbi gatishmërinë e tyre për të bashkuar forcat nën një shtet të vetëm shqiptar.

Këtyre deklaratave, – vijon më tej Ministria e Jashtme ruse, – u ka bërë jehonë edhe kreu i Bashkisë së Luginës së Preshevës, në jug të Serbisë, një rajon i populluar kryesisht nga shqiptarë, të cilët shpallën dëshirën për të qenë pjesë e shtetit të përbashkët Shqipëri-Kosovë. Ministria e Jashtme ruse shkon më tej, teksa thotë se pjesë e këtij konteksti është edhe e bujshmja “platformë e Tiranës”, e miratuar nga partitë shqiptare në Maqedoni, që po minon themelet e shtetit maqedonas.

E pavarësisht këtyre deklaratave, padronët kryesorë të Tiranës dhe Prishtinës – Shtetet e Bashkuara dhe Bashkimi Europian, – ose kanë qëndruar të heshtur, ose kanë dhënë vetëm disa deklarata si zakonisht të pakuptimta, thuhet në komunikatë.

“Ne nuk mund të ndihmojmë, por pajtohemi tërësisht me shqetësimet e shprehura qartazi nga kryeministri serb, njëkohësisht presidenti i zgjedhur Aleksandar Vuçiç, si dhe ministri i Jashtëm serb, Ivica Daçiç, të cilët kanë dënuar me vendosmëri retorikën e politikanëve shqiptarë dhe kanë kërkuar përgjigjen e duhur ndaj këtyre zhvillimeve nga ana e Brukselit, Uashingtonit, si dhe vendeve të tjera kryesore europiane”, thuhet nga Ministria e Jashtme ruse.

Kremlini zyrtar ka theksuar gjithashtu edhe ironinë e hidhur, siç është shprehur edhe nga pala serbe, se nëse Vuçiç do t’i lejonte vetes të sugjeronte publikisht bashkimin e Republikës Serbe në Bosnje-Hercegovinë me Serbinë, ai do të ishte bombarduar nga zyrtarët në Bruksel.

E për këtë arsye, diplomacia ruse ka kërkuar nga komuniteti ndërkombëtar që të reagojnë në mënyrë të menjëhershme  përballë politikanëve të Tiranës dhe Prishtinës, por edhe kujtdo në vendet e Ballkanit, që lëshojnë pretendime apo spekulime mbi rishikimin e kufijve të Ballkanit, gjë që është e papranueshme.

“Ne kërkojmë nga partnerët perëndimorë që të respektojnë ligjin ndërkombëtar dhe mirëkuptimin, duke mos aplikuar standarde të dyfishta”, përfundon deklarata.

Greg Delawie

Delawie: SHBA-ja, kundër bisedave të pakujdesshme për bashkim

Periskopi.com Lajme

Ambasadori i SHBA-së në Kosovë, Greg Delawie, i ka cilësuar deklaratat për mundësinë e bashkimit të Kosovës dhe Shqipërisë, si të “pakujdesshme”.

“Qeveria amerikane e mbështet sovranitetin edhe të Kosovës edhe të Shqipërisë. Ne jemi kundër bisedave të pakujdesshme për bashkim dhe të reagimeve të tepruara ndaj deklaratave të tilla, të cilat minojnë qëndrueshmërinë në rajon”, tha Delawie në një deklaratë për Radion Evropa e Lirë.

Reagimi u bë pas një interviste të kryeministrit të Shqipërisë, Edi Rama, për portalin Politico, në të cilën tha se rruga e hapur drejt integrimeve evropiane dhe perspektiva e qartë janë mënyra e vetme që Ballkani të jetë i qetë “por nëse kjo shpresë, perspektivë, mungon atëherë unionet e vogla mund të ndodhin”.

Pas kësaj Presidenti i Kosovës, Hashim Thaçi, i tha Radios Evropa e Lirë se nëse Bashkimi Evropian e mbyll derën për Kosovën, “atëherë të gjithë shqiptarët në rajon do të jetojnë në një hapësirë të vetme”.

Kryeminstri i Serbisë, Aleksandar Vuçiq, u ka bërë thirrje, siç i ka cilësuar, përfaqësuesve politikë të shqiptarëve, që të mos dalin në opinion me deklarata për nevojën që të gjithë shqiptarët e rajonit të krijojnë shtetin e përbashkët, nëse ndalet procesi i integrimeve evropiane, ka transemtuar Beta.

“Ne i lusim, po e përsëris, i lusim që me deklarata të tilla të mos dalin në publik, sepse ato nuk u kontribuojnë marrëdhënieve të mira në rajon dhe as krijimit të atmosferës së bashkëpunimit dhe punës së përbashkët në projekte të rëndësishme”, tha Vuçiq në konferencën për gazetarë në Qeverinë e Serbisë.

Ndërkohë, zëdhënësja e përfaqësueses së lartë të BE-së për siguri dhe politikë të jashtme, Maja Kocijançiq, i tha Radios Evropa e Lirë se “Ballkani Perëndimor ka një perspekitvë të qartë dhe për këtë punohet së bashku me partnerët në rajon, mbi parimet e pajtimit dhe bashkëpunimit rajonal”. (REL)

Mediat serbe: Shqiptarët duan luftë, zëra për bashkim edhe në Preshevë (Video)

Periskopi.com Lajme

Shqiptarët duan sërish luftë. Këto janë kryetitujt e shtypit serb. Shkrimet plotësuese janë se 80 për qind e heroinës dhe drogës në Evropë eksportohet nga Kosova.

Deklarimet e fundit të krerëve të Shqipërisë dhe Kosovës kanë acaruar politikën në Serbi. Kryeministri Aleksandar Vuçiç ka thënë se “Shqipëria e madhe” është vetëm një ëndërr. Ndërkohë që shefi i diplomacisë serbe, Ivica Daçiç ka kërkuar reagime ndërkombëtare.

Por e veçantë ka qenë deklarata e kreut të Këshillit Kombëtar Shqiptar, Jonuz Musliu, i cili nga Bujanoci trazoi Serbinë. “Shqiptarët e Serbisë duhet t’i bashkohen Kosovës dhe Shqipërisë, për këtë nuk ka dyshim”, është shprehur ai.

“Nuk ka kuptim bashkimi i Kosovës me Shqipërinë, pa bashkimin e Kosovës lindore me to. E kam fjalën për bashkimin e Preshevës, Medvegjës dhe Bujanocit”, thotë Jonuz Musliu, nga Këshilli Kombëtar Shqiptar.

Politikanët e tjerë të Luginës së Preshevës nuk e kanë komentuar një gjë të tillë. Por për Musliun nuk ka dyshime edhe për shkak të qëndrimeve indiferente të qeverisë në Beograd, ndaj banorëve të asaj zone.

“Beogradi nuk ka dashur të merret me shqiptarët. Atëherë shqiptarët duhet të bëjnë zgjidhje, e zgjidhja e vetme është rruga drejt Kosovës dhe Shqipërisë”, shprehet Jonuz Musliu.

Mbështetja e NATO-s në planin për luftë, për shtypin serb nuk mungon.

Zyrtarët serbë kërkuan reagimin e bashkësisë ndërkombëtare për deklaratat e politikanëve shqiptarë nga Shqipëria dhe Kosova, për të cilët thanë se janë kthyer në një kërcënim për rajonin. Ata thanë se mbështetja ndaj shqiptarëve nuk ekziston si në kohën e luftës dhe Serbia nuk do të heshtë.

 

 

Mësohen temat e mbledhjes së dy qeverive shqiptare më 24 prill

Periskopi.com Lajme

Takimi i dy qeverive Kosovë-Shqipëri që do të mbahet më 24 prill në Vlorë, fokus të veçantë do të ketë shkëmbimin tregtarë midis dy vendeve. Nuk do të ketë gamë të gjerë të çështjeve siç ka ndodhur në të kaluarën por do të trajtohen problemet që bizneset e dy shteteve kanë gjatë shkëmbimit tregtarë. Po ashtu, nuk do të diskutohet tregu i përbashkët ballkanik.

Këtë e ka bërë të ditur në një intervistë për KosovaPress, ambasadori i Shqipërisë në Kosovë, Qemal Minxhozi.

Minxhozi: Takimi i dy qeverive fokus të veçantë ekonominë

“Është rënë dakord që Qeveria e Shqipërisë dhe Qeveria e Kosovës ta kenë takimin e përbashkët të radhës në Shqipëri. Është caktuar data 24 prill dhe ka një risi tjetër krahasuar me mbledhjet e kaluara sepse nuk do të ketë një gamë të gjerë problemesh që do të trajtohen. Ato do të fokusohen në pesë-gjashtë pika, ku më të rëndësishmet do të jenë ato të fushës së shkëmbimeve tregtare ekonomike, të lejes së punës, lejes së qëndrimit në të dy anët e kufirit“, tha Minxhozi.

Ai është pajtuar se në të shumtën e rasteve takimet nuk janë parë si produktive por po mundohet t’i thyejnë barrierat që janë mes dy vendeve.

Minxhozi: Besoj se do të kemi rezultatet konkrete

“Janë mundësit për të ecur prandaj kjo mbledhje do të afirmojë çfarë është arritur deri më tani por nga ana tjetër shikuar me një sy kritik, për t’i dhënë një zgjidhje imediate disa problemeve teknike, disa problemeve që pengojnë realisht ecin përpara ose thellimin e bashkëpunimit midis Shqipërisë dhe Kosovës. Do të ketë, besoj, rezultate në fushat e doganave, për të ardhur krejt njësimit të praktikave doganore dhe për te hequr disa dokumente që janë të tepërta do të thosha unë, për t’i dhënë biznesit një frymëmarrje më të madhe në shërbimet midis tyre. Kjo mbledhje përgatitet duke pasur parasysh edhe kërkesat që kanë bërë bizneset e të dy anëve të kufirit, si në Shqipëri ose Kosovë dhe janë ndjekur me vëmendje të gjitha shqetësimet e tyre dhe besoj se do të marrin një zgjidhje në këtë takim.”, tha Minxhozi.

Sa i përket barrierave që kanë bizneset kosovare gjatë eksportit të mallrave në Shqipëri dhe anasjelltas dhe çka mund të presin nga ky takim, Minxhozi nuk pret që të zhduken të gjitha problemet por që të minimizohen.

Minxhozi: Ka vullnet por mungon zbatimi

“Do të ketë më pak, nuk them se problemet do të zhduken por do të minimizohen dhe pikërisht për këtë janë organizuar disa takime të ndryshme të odave ekonomike të Shqipërisë dhe Kosovës me grupe biznesi të cilat kanë dhënë mendime se si mund të zgjidhen këto çështje. Ajo që mungon sot nuk është fryma, fryma ekziston, por zbatimi, implementimi i kësaj fryme lënë për të dëshiruar. Prandaj ne po shikojmë për të hyrë sa më në detaje për të zgjidhë këto probleme një pjesë e të cilave nga ngelur në hije”, tha Minxhozi.

Bashkimi tregtarë sipas tij nuk do të diskutohet në këtë takim.

Minxhozi: Nuk diskutohet tregu i përbashkët ballkanik

“Nuk do të diskutohet kjo çështje. Ne kemi një çështje tjetër që është më prioritetet këtu, është ngritja apo hapja e një pike doganore të Kosovës në Portin e Durrësit. Urojmë që deri në prag të mbledhjes të kem marrë përgjigje për disa shqetësime që janë ngritur kryesisht nga pala kosovare”, tha Minxhozi.

Më 24 prill mbahet mbledhja e dy qeverive shqiptare. Të pranishëm në këtë takim do të jenë gjithë kabineti qeveritarë i të dyja qeverive.

 

Vrasësi i ish-drejtorit të Policisë së Vlorës mund të jetë nga Kosova

Periskopi.com Lajme

Vrasja e Artan Cukut, kishte kohë që ishte planifikuar dhe për këtë, personi që ka dashur të vdekur ish-drejtorin e Policisë së Vlorës, duket se ka angazhuar një vrasës me pagesë.

Në një video të publikuar nga policia e Tiranës, duket qartë autori i krimit, i cili i veshur sportiv dhe me dorëza, vrapon ngadalë teksa largohet nga zona e krimit.

Vrasësi i kishte kushtuar shumë rëndësi këtij ekzekutimi, pasi jo vetëm do të eliminonte një ish-funksionar të lartë policie, por dhe kishte studiuar me detaje, çdo lëvizje të tij, madje ishte përshtatur në veshje, si një vrapues i zakonshëm i zonës së liqenit.

Videoja është filmuar nga kamerat e sigurisë së pallatit ku duket mjaft qartë autori i cili largohet me një vrap të lehtë nga vendi i ngjarjes.

Policia ka kërkuar ndihmën e qytetarëve që të identifikojnë autorin e vrasjes së Cukut.

Ajo ka vënë në dispozicion numrin e celularit 0694110299 ku mund të kontaktojë çdo qytetar i cili ka parë autorin. Më herët policia ka ofruar një shpërblim prej 3 mln lekësh për çdo person i cili do të jap informacione të vlefshme mbi vrasjen e ish-kreut të Policisë.

Autori është me dorashka, shall, kapele, atlete dhe tuta sportive siç mund ta shihen dhe në video. Ai është i gjatë rreth 1.70 dhe në bazë të dëshmisë së gruas së Cukut dhe administratorit të pallatit, autori kishte një theks verior, shkruan Shqiptarja.

Dyshimet flasin se personi që ka qëlluar ish-funksionarin e lartë të Policisë së Shtetit, mund të ketë qenë një vrasës me pagesë nga Kosova. Vrasësi është parë nga administrator i pallatit, pak para momentit të vrasjes teksa qëndronte i ulur tek shkallët e pallatit. I pyetur nga administratori, autori është përgjigjur se po priste dikë për t’i dhënë çelësat e shtëpisë.

Mirëpo pas kësaj biseda, sapo administrator ka shkuar në shtëpi, ai u ka thënë policisë se ka dëgjuar të shtëna me armë, dhe teksa zbritur poshtë ka konstatuar trupin e Artan Cukut të shtrirë në hollin e pallatit.

Shqipëria njeh pakicën maqedonase në territorin e saj

Periskopi.com Lajme

Shoqata maqedonase ”Ilinden” nga Tirana e ka mbështetur propozim-ligjin për pakicat të Qeverisë së Shqipërisë, ku për pakica kombëare në Shqipëri njihen maqedonasit, grekët, vllehët, romët, egjiptasit, malazezët, boshnjakët dhe serbët, përcjell Telegrafi Maqedoni.

Sipas tyre, ky është një hap përpara dhe kornizë juridike për realizimin e të drejtave tjera. Shoqata u bën thirrje partive politike që të votohet ky ligj, njëzëri.

Ky ligj konsiderohet si një fitore për pakicën maqedonase në Shqipëri, e cila në disa raste konsiderohet si bullgare nga ana e Bullgarisë, ndërkaq propozim-ligji nuk e njeh ekzistencën e pakicës bullgare në Shqipëri.

Media austriake: Shqipëria dhe Kosova – shtet mafiozësh; zemra serbe rreh për Lindjen

Periskopi.com Lajme

Prej disa dekadash Ballkani vlen si rajon natyror i ndikimit europian. Megjithatë sistemi është drejt shkatërrimit. Çfarë planesh kanë konkurrentët?, shkruan media më e lexuar austriake “Krone”.

Shefja e politikës së jashtme europiane Federica Mogherini gjatë turit të saj ballkanik e pa realitetin e dhimbshëm sesa pak ndikim ka Brukseli në Ballkan. Në Maqedoni presidenti i saj, Gjorgje Ivanov nuk e dëgjoi këshillën e saj për zgjidhjen e krizës. Në parlamentin e Beogradit u prit me brohoritje “Rusi, Rusi”. Në Kosovë ashpërsohen konfliktet sapo ajo largohet nga Prishtina, ku ajo prapsepra kërkon të sjellë paqe dhe zgjidhje. Në Bosnjë administrate e dërrmitur me tre presidentë e kishte vështirë ta pres zyrtarisht. Kjo zbehje e ndikimit të Brukselit shfrytëzohet nga konkurrentët tjerë si Rusia, Turqia dhe Kina.

Rusia përpiqet me median e saj propaganduese të fitojë zemrën e ballkanasve – Sputnik. “Ballkani nuk i takon më Brukselit,” trumbetonte para pak kohësh Sputnik.

Por edhe Turqia është në fushën e ndikimit, mbi të gjitha te vendet me popullsi muslimane si Bosnja, ndërsa në Serbinë jugore është prezente me firmat e tekstilit.

Kina në anën tjetër është prezente në fushën e transportit, ku ndërton hekurudhën Budapesht-Beograd.

Ky vakum fuqish ka ardhur edhe nga tërheqja e Donald Trumpit nga roli global i SHBA.

Që nga Luftërat Jugosllave pas 1991 Europa kishte dështuar. Lufta e fundit duheshte të përmbyllet nga SHBA (Lufta e Kosovës – Fitim Dika). Gjithashtu edhe atëherë BE nuk shqetësohej vërtet për këtë rajon, që akoma ka potencën e shpërthimit të konflikteve.

Bosnja: I gjithë shteti me strukturin e “Daytonit” nuk është treguar funksionale. Marrëveshja e Daytonit ishte vetëm për të përfunduar luftën, jo për paqe afatgjate. Serbët e Bosnjës kërkojnë ndarjen, kroatët gjëmojnë, muslimanët tregojnë tendenca fundamentaliste. Komuniteti ndërkombëtar do zgjohet, kur të gjuhet plumbi i parë.

Maqedonia: Konflikti është shtuar me vendin ku mbi 25% të banorëve janë shqiptarë. Por jo vetëm kjo, pasi edhe mes 1.3 milion maqedonasve janë ngritur tensionet.

Kosova: një orbitë politike dhe kriminelësh mafiozë

Mali i Zi (tani në NATO): shiko Kosovën.

Shqipëri: shiko Malin e Zi dhe Kosovën.

Bullgaria: shiko Shqipërinë, Malin e Zi dhe Kosovën.

Serbia: Ish shegerti i klikës vrastare të rregjimit të Miloshevicit, Aleksandër Vucic me ambicie autoritare përpiqet të kthehet në njeriun numër një të Ballkanit. Zemra serbe rreh për Lindjen, koka ama për Perëndimin. Sepse më mirë është të jetosh në orbitën europiane sesa në periferinë ruse./Bota sot