Masat e policisë gjatë sezonit veror në Shqipëri

Periskopi.com Lajme

Policia e Shtetit ka marrë të gjitha masat për të garantuar rendin dhe sigurinë gjatë sezonit veror për turistët vendas e të huaj që kanë vendosur të kalojnë pushimet në territorin shqiptarë.

Burime të  Agjencisë Telegrafike Shqiptare bën të ditur se do të jenë 31 komisariate dhe posta policore në gatishmëri të plotë për sezonin turistik.

Ky numër komisariatesh të angazhuara përbën gjysmën e komisariateve që ka në total vendi ynë, 60.

Policia e Shtetit ka hartuar planin e masave për sezonin turistik. Policia e Shtetit dokumentin në fjalë ja ka shpërndarë strukturave në qarqe të cilat do të zbatojnë këto masa. Gjatë vitit 2015 në vendin tonë janë regjistrua 4.3-4.8 milion pushues vendas e të huaj, ose 25 % më shumë se gjatë vitit 2014. Nga 15.05.2015-15.09.2015 kanë hyrë 8 283 835 shtetas shqiptarë e të huaj, që kanë hyrë ne vendin tonë. Ndërkohë që janë numëruar  2 210 294 mjete  ose 10% më shumë se një vit më parë. Këtë vit ashtu si edhe vitin e shkuar do të ketë punonjës policie me uniformë verore, biçikleta policie verore, si dhe moto mjete ujore. Kjo risi për Policinë Shqiptare do të shtrihet në zonën e Dhermiut, e jo vetëm.

Gjatë  sezonit veror, vitin e shkuar janë angazhuar 3 150 punonjës policie, 1 606 kanë qenë të strukturave vendore të policisë dhe 1 544 kanë qenë polici kufitare. Një numër i ngjashëm do të angazhohet edhe këtë sezon, por kjo nuk do të thotë se të gjithë efektivët e tjerë të policisë nuk do të angazhohen, pasi forcat e rendit dhe sigurisë do të jenë të angazhuara 100% në ruajtjen e qetësisë për turistët 24 orë në të gjithë territorin.

Sipas burimeve policore gjatë sezonit veror, siç është bërë dhe traditë do të hapen katër post policore në Theth, Gjiri Lalzit, Valbonë dhe Ksamil, Thethi e Valbona janë për turizmin malor.

Basha provokon Edi Ramën në rrjete sociale

Periskopi.com Lajme

Lulzim Basha ka ftuar sërish Edi Ramën për të zhvilluar një debat politik para zgjedhjeve parlamentare të 25 qershorit.

Kësaj rradhe ftesa është bërë në Facebook.

Basha i shkruan Ramës se është kulturë demokratike të debatosh para njerëzve dhe ata të gjykojnë.

Në këtë status kreu i PD-së i ka bërë edhe “Tag” Ramës (ka bashkangjitur profilin e Ramës në postim).

Postimi i Bashës mbyllet me dy hashtage (shënime): ‘Prano Debatin!’ dhe ‘Mos ki frikë!

Kapet kamioni shqiptar me 207 kg kanabis

Periskopi.com Lajme

 

Një ngarkesë prej 207 kilogramë kanabis u gjet e fshehur në një kamion me targa shqiptare në Kalpaq, 26 kilometra nga kufiri shqiptar në Kakavijë, gjatë natës së kaluar.

Sipas policisë greke, lënda ishte e paketuar në 8 thasë, 196 pako të mbështjella me celofan. Ajo ishte vendosur në vendin e gomave rezervë të kamionit.

Autoritetet thanë se kishin informacion të sigurtë për kalimin e lëndës narkotike dhe e shoqëruan kamionin nga parkimi jashtë doganës në pjesën greke të Kakavijës, ku edhe u ngarkua prej shoferit dhe një personi ende të panjohur, i shpallur në kërkim prej  utoriteteve greke.

Trafikantët kishin kaluar lëndën narkotike me çanta nëpërmjet kufirit të gjelbër dhe në vazhdim e ngarkuan drogën në kamionin, që ishte parkuar një ditë më parë në vendin e ngarkimit, për të mos tërhequr vëmendjen e autoriteteve policore greke.

Departamenti i Antidrogës së Janinës sekuestroi lëndën narkotike, kamionin pronë e një kompanie shqiptare transporti, shumën 280 euro, si dhe dy telefona celularë të drejtuesit të kamionit, ndërkohë që hetimet vazhdojnë për gjetjen e personave të tjerë të implikuar në këtë trafik.

Ilir Meta është presidenti i ri i Shqipërisë, ja sa votuan kundër

Periskopi.com Lajme

Kreu i LSI-së Ilir Meta është zgjedhur Presidenti i ri i Republikës së Shqipërisë.

Me 87 vota pro dhe 2 kundër, ku besohet se janë të deputeteve të Libras, Ben Blushi dhe Mimoza Hafizi, Ilir Meta ka marrë mandatin 5-vjeçar të presidentit.

Meta do të marrë nisë mandatin e tij të Presidentit në datën 24 Korrik kur i përfundon mandati edhe presidentit aktual, Bujar Nishani.

Ilir Meta do të jetë Presidenti i 7-të i Shqipërisë.

Facebook-u po çmendet pas bukuroshes që ishte sot në krah të Bashës (Foto)

Periskopi.com Showbiz

Shumë prej “xhaketave të vjetra” të demokratëve mungonin sot në protestën e opozitës në sheshin “Shqiponja” përfshirë edhe Sali Berishën, por në krah të Bashës u pa një vajzë simpatike sot, e cila tërhoqi jo pak vëmendje në rrjetet sociale pas publikimit të imazheve.

Mësohet se ajo quhet Ajshe Isha dhe sipas statistikave për momentin emri i saj është ndër më të kërkuarit në Facebook brenda territorit të Shqipërisë.

Ajo është pjesë e forumeve të demokratëve dhe sakrifica e sotme mund të bëjë që një ditë shumë të afërt ta shohim në politikë. /albeu.com

Pse u shty takimi Kosovë-Shqipëri, ja përgjigja e Mustafës

Periskopi.com Lajme

Kosova dhe Shqipëria shënuan një etapë tjetër bashkëpunimi mes tyre në vitin 2014, pasi nisën takimin e parë të përbashkët të të dyja qeverive, i cili u mbajt në Prizren.

Një vit pas takimi i dytë u zhvendos në Tiranë, për të vazhduar kështu takimin e tretë sërish në Prishtinë, ku deri më tani kanë vendosur për rreth 28 marrëveshje të përbashkëta në shumë fusha.

Sipas Elmi Reçicës, kryetari i Komisionit për Punë të Jashtme, takimet janë të ralla dhe zbatimi i marrëveshjeve nuk ka ecur ashtu siç është planifikuar.

Anëtari i Komisionit për Zhvillim Ekonomik nga radhët e LDK-së, Blerim Grainca, ka thënë se të gjitha institucionet e Kosovës me seriozitetin më të madh po i qasen raporteve me Republikën e Shqipërisë, duke e konsideruar atë jo vetëm si partner ekonomik, por edhe si një vend strategjik.

Por, anëtarë të komisioneve parlamentare nga opozita që bëjnë analiza për zbatim të marrëveshjeve Kosovë-Shqipëri janë edhe më kritikë se pothuajse të gjitha marrëveshjet kanë shënuar ngecje në zbatim dhe nuk ua kanë pa, siç thonë, hairin qytetarët e Kosovës. Opozitarët shkojnë aq larg sa thonë se këto takime u bënë sa për sy e faqe dhe sa për të bërë foto.

Për anëtarin e Komisionit për Punë të Jashtme, nga radhët e AAK-së, Pal Lekaj, marrëveshjet Kosovë – Shqipëri nuk kanë pasur fare efekt. Ai thotë se takimet kanë ndodhë vetëm sa për t’u dukur në media, ndërsa diçka konkrete apo ndonjë implementim të marrëveshjeve që shkon në dobi të dy palëve, nuk ka pasur, shkruan “rtv21.tv”.

Por, se ka sfida në shumë çështje e thonë edhe në Ministrinë e Tregtisë dhe Industrisë, ministri kjo që ka nënshkruar disa marrëveshje me Shqipërinë.

Sekretari i Përgjithshëm në MTI, Agron Maxhuni tha se problemet me Shqipërinë po paraqiten në sektorin e pijeve dhe ushqimit.

Pavarësisht, nënshkrimit të një sërë marrëveshjesh, eksportuesit kosovarë vazhdojnë të kenë probleme në Shqipëri. Madje, nuk është arritur të eliminohen siç thuhet, problemet më të vogla teknike, qoftë çështja e një udhëzimi administrativ.

Por, pse u anulua data e mbajtjes së takimit të radhës Kosovë-Shqipëri e konfirmon vetë kryeministri Isa Mustafa, si një ndër personazhet kryesore të këtij takimi.

“Unë jam i kënaqur me implementimin e marrëveshjeve me Shqipërinë. Ne po punojmë në mënyrë që këto marrëveshje të implementohen. Ne po punojmë edhe për marrëveshje të reja, i kemi dhënë pak vetit kohë që marrëveshjet të cilat po përgatiten, të përgatiten në mënyrën e duhur dhe pastaj të gjejmë një kohë më të mirë të mbajtjes së takimeve të përbashkëta”, ka thënë Mustafa.

Ditë më parë ambasadori i Shqipërisë në Kosovë, Qemal Minxhozi, ka bërë të ditur se në takimin e ardhshëm të Qeverisë së Kosovës dhe asaj të Shqipërisë do të flitet kryesisht për shkëmbimin tregtar mes dy vendeve.

Ai ka thënë se në këtë mbledhje do të trajtohen një varg çështjesh, por temë kryesore do të jetë shkëmbimi tregtar. Ai ka mohuar se do të diskutohet për bashkimin tregtar. Por, edhe ambasadori Minxhozi e ka parë si tejet të rëndësishme dhe me më shumë prioritet, që në këtë takim do të flitet, për hapjen e një pikë doganore të Kosovës në portin e Durrësit. /albeu.com/

Dështon zgjedhja e presidentit të ri të Shqipërisë në votimin e parë

Periskopi.com Lajme

Në Shqipëri parlamenti dështoi sonte të zgjidhte në votimin e parë presidentin e ri të vendit. Asnjë nga forcat politike nuk propozoi ndonjë kandidaturë.

“Raundi i parë i zgjedhjes së presidentit quhet i ezauruar. Kjo procedurë është shprehje e vullnetit, që të afrohet edhe opozita për një figurë konsensuale. Dialogu me opozitën është më se i nevojshëm edhe mbi zgjedhjet”, tha kryetari i parlamentit, Ilir Meta.

Kryeministri Edi Rama tha menjëherë pas seancës se “socialistët i kanë numrat për ta zgjedhur Presidentin e Republikës, por po mundohemi t’i japim një shans opozitës për të gjetur një figurë sa më shumë përfaqësuese dhe sa më shumë gjithëpërfshirëse”.

“Ne duam t’i japim atij institucion dinjitetin dhe autoritetin për të qëndruar mbi palët. Më mirë një president pak ditë më vonë se sa një president i zgjedhur në një sallë të boshatisur nga krahu i opozitës që nuk vjen në punë”, tha Rama.

Fundjavën e shkuar shumica në pushtet deklaroi se nuk do të paraqiste asnjë emër e nuk do të mbështeste asnjë kandidaturë për president, në përpjekje për të dialoguar dhe për të kërkuar edhe konsensusin e opozitës, e cila ndërkohë ka bojkotuar parlamentin.

Sipas Kushtetutës shqiptare, për zgjedhjen e presidentit të vendit zhvillohen deri 5 raunde votimi.

Në tre të parat kërkohet një shumicë e cilësuar prej 84 votash, ndërsa në raundin e katërt dhe të pestë presidenti mund të zgjidhet dhe më shumicën e thjeshtë prej 70+1 deputetësh.

E majta, i ka edhe e vetme 84 votat e nevojshme për të zgjedhur kreun e ri të Shtetit në dy raundet e ardhshme. Votimi i radhës duhet të zhvillohet brenda 7 ditëve.

I dërguari i Merkel në Tiranë, goditje të rëndë për Lulzim Bashën

Periskopi.com Lajme

I prerë dhe i qartë ka qenë mesazhi i Ministrit të Jashtëm Gjerman, Sigmar Gabriel, që ka rrëzuar kërkesat e opozitës shqiptare dhe ka sulmuar bojkotin e parlamentit. Në konferencën e përbashkët me Ditmir Bushatin, Gabriel tha se bojkoti, protesta në çadër dhe një qeveri teknike pak para zgjedhjeve janë absurde dhe për pasojë të papranueshme. Pengimi i reformës në drejtësi e largon Shqipërinë nga BE, tha Gabriel.

“Këtu në Shqipëri bëhet fjalë për zbatimin e reformës në drejtësi. Ajo që e dallon Europën nga vende të tjera të botës është zbatimi i ligjit dhe Kushtetutës. Shteti ligjor duhet të sigurojë dhe garantojnë që në fund të ditës në qendër të vëmendjes do jetë interesi i qytetarëve dhe jo klikave të ndryshme. Me shqetësim të madh dhe pa e kuptuar mirë shikojmë se reforma në drejtësi është duke u penguar. Parlamentarët që zgjedhin të bojkotojnë parlamentin. Në vendin tim dhe në Europë kjo është absurde. Në vend të kësaj mblidhen në çadër duke realizuar një opozitë përkundër parlamentit. Pas pak javësh kemi zgjedhje. Nëse deputetët nuk janë të kënaqur duhet ta anatemojnë në kuadër të fushatës elektorale. Pakicat duhet të pranojnë shumicën. Ka një farë frikë lidhur me zbatimin e reformës në drejtësi. Për ne është e rëndësishme që në varësi të Kushtetutës dhe ligjeve të vlefshme të zbatohet reforma në drejtësi. Apelojmë qeverinë dhe parlamentin të punojnë për zhvillimin e zgjedhjeve të lira dhe të ndershme”- tha Gabriel, që këshilloi Lulzim Bashën të propozojë ndryshimin e Kodit Zgjedhor duke e garantuar për ndihmën e BE dhe të Gjermanisë.

“Këshilla ime drejtuar opozitës dhe qeverisë është zbatimi i Kushtetutës dhe realizimi i zgjedhjeve.Për argumentin e Bashës dhe mosbesimin që ai ka për mundësinë e zgjedhjeve të lira dhe të ndershme unë e ftoj të bëjë proozimet e nevojshme, se si do arrihen në këtë momënt zgjedhjet r lira dhe të ndershme.

BE dhe gjermanët t’i marrin këto propozime në konsideratë. Nëse dëshiron opozita mund të bëjmë shumë më tepër se kaq, por nuk është rruga e duhur bojkoti i parlamentit” u shpreh Gabriel.

Mesazhi i Ministrit të Jashtëm Gjerman kundër bojkotit të opozitës nuk është i pari që vjen nga perëndimi. Me herët edhe ambasadorë dhe zyrtarë të lartë të BE i kanë kërkuar Lulzim Bashës të kthehet në parlament për të votuar vetingun dhe të hyjë në zgjedhjet e 18 qershorit.

Një pjesë të këtyre mesazheve, Lulzim Basha i ka konsideruar si të sponsorizuar nga lobistët e paguar me paratë e kanabisit, por duket se qëndrimi i ministrit të jashtëm të Gjermanisë sot ka qenë drejtpërdrejt në përkrahje të qeverisë.

Paralajmëron Koço Kokëdhima: Vendi në luftë nëse Rama s’dëgjon kërkesat e PD-së

Ish-deputeti i PS-së, tashmë drejtues i Lëvizjes ZGJIDHJA në PS, Koço Kokëdhima, deklaroi mbrëmë në studion e Arian Çanit, te emisioni “Zonë e lirë” se vendi ka nevojë për një qeveri të shumicës së majtë, e cila do të garantojë zgjedhje të ndershme dhe të lira.

Periskopi.com Lajme

Ai këmbënguli sërish se pa opozitën nuk do të ketë zgjedhje dhe se pa të nuk shkohet në zgjedhje, por në luftë dhe se Shqipëria nuk është e gatshme të shkojë në luftë as për Edi Ramën, as për ndonjë njeri tjetër.

I pyetur nëse PS dhe LSI do të bëjnë koalicion parazgjedhor, Kokëdhima deklaroi se mund të shprehej që edhe Ilir Meta dhe LSI-ja nuk mund të shkojnë në një koalicion në zgjedhje pa pjesëmarrjen e opozitës në zgjedhje. “Për mendimin tim LSI nuk mund të shkojë dot në zgjedhje për hir të faktit se është në koalicion me PS-në, nëse në këto zgjedhje nuk përfshihet opozita. Nëse këto zgjedhje do të realizohen me pjesëmarrjen e shumicës dhe të opozitës, atëherë ne mund të flasim se si mund të konfigurohen”-u shpreh ai.

Kokëdhima u shpreh i pezmatuar për faktin që luftën për zgjedhje të lira dhe të ndershme në Shqipëri e ka marrë si kauzë opozita, e cila e mbolli kulturën e vjedhjes së zgjedhjeve, mëse dy dekada më parë. “Unë mendoj se PS-ja nuk e meritonte që të ishte në këtë pozitë që është sot. E para sepse PS-ja duhet të udhëhiqte luftën për zgjedhje të lira në Shqipëri dhe ne e kemi kauzë këtë dhe nuk mund t’ia dorëzojë PS-ja kauzën për zgjedhje të lira PD-së, e cila është partia që mbolli kulturën e vjedhjes dhe manipulimit të zgjedhjeve në Shqipëri. Qeveria e Edi Ramës nuk bëri asnjë përpjekje për të pasur zgjedhje të lira në Shqipëri”-u shpreh Kokëdhima.

“Duhet qeveri e shumicës së majtë”

Kokëdhima tha se vendi nuk ka nevojë për qeveri teknike, siç kërkon opozita, por për një qeveri të shumicës së majtë, e cila garanton zgjedhje të lira dhe të ndershme në vend. “Qeveria jonë kishte përgjegjësinë që të bënte reformë zgjedhore me themel dhe përfundimtare. Këtë detyrë e ka edhe sot.

PS-ja, shumica, duhet t’i japë besim opozitës, t’i japë një qeveri që garanton zgjedhje të lira dhe të ndershme. Shumica jonë duhet ta riformulojë qeverinë dhe nuk është me shumë rëndësi nëse shkon me Edi Ramën apo pa Edi Ramën. Duhet të shkojë me një qeveri të shumicës së majtë, por që është serioze dhe që garanton zgjedhje të lira dhe të ndershme në Shqipëri.

Prandaj kam kërkuar unë Kongresin e Jashtëzakonshëm që të analizohej situata me përgjegjësi të lartë, të mos fshihen të vërtetat, të merren përgjegjësi për situatat që janë zhvilluar për qeverisjen e vendit, për historinë e vendit, për korrupsionin, për kanabisin. Duhet riformuluar një qeverisje serioze me njerëzit dhe potencialet më të mira të së majtës që ofron seriozisht qeverisjen e duhur për vendin dhe për zgjedhjet. Duhet bërë reforma zgjedhore me konsensus të plotë me opozitën dhe të shkohet në zgjedhje të lira dhe të ndershme. Ata që deklarojnë se do të bëjnë zgjedhje pa opozitën, me forcë, janë deklarata të papërgjegjshme kalamajsh dhe jo burrash shteti”-u shpreh Kokëdhima.

Drejtuesi i Lëvizjes ZGJIDHJA tha se burrat e shtetit duhet ta përballojnë të vërtetën siç është sepse janë histori me përgjegjësi të rëndë për vendin. “Vihet në diskutim paqja dhe stabiliteti i vendit. Nuk mund të bësh zgjedhje pa opozitën. Opozita e ka për detyrë që të hyjë në zgjedhje që do të jenë të lira dhe të ndershme. Ne kemi detyrën që t’i pastrojmë përfundimisht zgjedhjet.

Nuk e bëjmë pastrimin e zgjedhjeve as për PD-në, as për Lulzim Bashën, as për Sali Berishën. Reforma zgjedhore është mëma e reformave. Nga pastrimi i zgjedhjeve fillon drejtësia. Nga vjedhja e zgjedhjeve burojnë të gjitha këto fatkeqësitë e tjera që nuk po e lënë Shqipërinë të ngrejë kokën për 26 vjet”-u shpreh ai. I pyetur pse ngulmon kaq shumë në standardin e zgjedhjeve, Kokëdhima u shpreh se në Shqipëri nuk bëhen zgjedhje të lira dhe të ndershme dhe as në vitin 2013 nuk u bënë zgjedhje të të pastra.

“Në çdo palë zgjedhje ka trafikim dhe manipulim të votës, pjesërisht apo jo, nuk ka rëndësi se si. Zgjedhjet janë të shenjta, çdo votë është e shenjtë”- tha ai. I pyetur nga moderatori Çani se pse nuk ka reagim nga populli i varfër, Kokëdhima tha se: “Ky popull ose është duke ikur, ose është i strukur, sepse e kanë degjeneruar, ia kanë vjedhur dhe trafikuar votat, ia kanë manipuluar votat, i kanë hequr arsyen, e kanë bërë të parëndësishëm individin, anëtarin, qytetarin, votuesin, përmes standardeve dhe zgjedhjeve të munguara në këtë vend”.

Projekti politik

Kokëdhima u shpreh besimplotë se kauza dhe projekti i tij politik do të fitojë brenda shumë pak kohe. “Deri përpara pak kohësh unë isha një iniciator për të ndërtuar dhe zhvilluar një lëvizje politike, ndërsa tani drejtoj një lëvizje ku janë mijëra anëtarë, të cilët janë të rëndësishëm, sepse seicili prej tyre është një personazh me shumë rëndësi.

Ka diçka të rëndësishme për të thënë për çdo gjë dhe unë nuk mund të them më dot gjë vetëm. Tani vendimet merren nga gjithë kjo organizatë. Nuk e vendos unë, e vendosin ata nëse do të hymë në zgjedhje. Çështja ime nuk është as deputeti, as pushteti. Kauza ime dhe projekti im politik do të fitojë në mënyrë të sigurt brenda shumë pak kohësh. Më beso për këtë gjë”-iu drejtua Kokëdhima moderatorit Çani. Duke folur për lëvizjen ZGJIDHJA, Kokëdhima tha se programi i saj kërkon reformimin e sistemit politik, që në Shqipëri të sundojë ligji, shteti modern, drejtësia.

“Ne tani kemi një përqëndrim të madh për të zgjeruar radhët me të rinj dhe të reja dhe me qytetarë të tjerë dhe është një periudhë intensiteti shumë e lartë me anëtarësishme. Nisma ligjore qytetare “Unë zgjedh deputetin që dua”, synon që t’i japë fund situatës parapolitike të partive politike në vend.

Këto parti nuk janë parti me standarde, qeverisen si banda, qeverisen si ndërmarrje private që nuk respektojnë standarde dhe ligje. Këto parti politke duhet që me ligj të respektojnë standardet siç i kanë partie politike në të gjithë vendet e civilizuara”-deklaroi Kokëdhima.

Duke shpjeguar nismën ligjore qytetare “Unë zgjedh deputetin që dua”, Kokëdhima tha se këtë nismë ligjore do të kërkojmë që të firmoset nga të paktën 1 milion e gjysmë shqiptarë. “Jemi duke bërë një nismë ligjore dhe pastaj me vullnetin dhe mbështetjen e këtyre shqiptarëve do të këkrojmë që ky ligj të imponohet për tu bërë standard.

Mirëpresim që me shumë intelektualë të bashkëpunojmë për të demokratizuar partitë politike, për t’i dhënë mundësi popullit që të përfshihet në qeverisje, t’i japim mundësi qytetarëve që t’i zgjedhin njerëzit. Ka kuptim që në vitin 2017 deputetët t’i zgjedhë kryetari i partisë. Në PS të gjithë i zgjdh kryetari.

Një parti jodemokratike nuk mund t’i japë vendit një qeverisje demokratike. Ne kemi nevojë që të demokratizojmë qeverisjen e vendit, t’i japim një drejtim të ri Shqipërisë. ZGJIDHJA është një platformë thellë- sisht demokratike”-tha Kokëdhima. Ai u shpreh se nuk kishte dhe as do të ketë kurrë ngarkesa personale as me Ramën dhe me asnjë politikan tjetër.

“Strategjia politike e Ramës ndaj “Zgjidhjes” që në fillim ka qenë që ta nxjerrë jashtë PS-në, që debatin për “Zgjidhjen” ta mbyllë dhe ta përjashtojë nga partia. Edhe veprimet që ai bëri me mua janë veprime që pajtohen me këtë qasje, shkojnë në përputhje me këtë strategji. Kjo nuk është e shëndetshme, sepse nuk mund të mbyllet debati. “Zgjidhja” ka ardhur si nevojë e socialistëve të bazë për t’u dëgjuar, si nevojë e PS-së për të pasur demokraci të brendshme”-tha Kokëdhima.

Kokëdhima deklaroi se kauza e parë e “Zgjidhjes” janë zgjedhjet e lira dhe të ndershme. “Socialistët e vërtetë duan zgjedhje me standarde.

Nëse fiton vullneti i popullit fitojnë të gjithë, edhe socialistët, edhe demokratët, edhe qytetarët e Shqqipërisë. Nëse nuk fiton vullneti i popullit, edhe nëse fiton PSja, jemi të humbur ne si socialistë, ne si qyytetarë dhe fitojnë vetëm 5 vetë dhe një grup biznesesh të lidhur me 5 persona që qeverisin dhe që përfitojnë nga këto manipulime”. Teza tjetër, sipas Kokëdhimës, është se cili është roli i popullit në demokracinë e Shqipërisë. “E kam thënë në shumë fjalime, se popullin e kanë zhveshur nga të drejtat e tij.

Populli shqiptar është i vetmi në një demokraci kushtetuese që nuk ka të drejtë që të votojë në referendume, nuk ka të drejtë të votojë ligje në mënyrë të drejtpërdrejtë, çështje, kauza, nuk ka të drejtë që të zgjedhë asnjë përfaqësues, nuk zgjedh dot në asnjë formë që bazohet tek vullneti i tij i drejpërdrejtë, as këshilltarët e bashkive, as kandidatët për deputetë, as kandidatë për kryeministër, as për president, absolutisht asgjë.

Të gjithë përfaqësuesit e popullit shqiptar i zgjedhin kryetarët e partive. Ky është regjimi i partitokracisë. Nëse ka 26 vjet tranzicion të dështuar në Shqipëri është për shkak të faktit që 5 kryetarë partish dhe 3 ambasadorë qeverinë Shqipërinë.

Populli voton thjeshtë partitë. Nuk ka një shembull të vetëm të një vendi të vetëm në botë ku populli nuk ushtron me votë të drejtpërdrejtë kompetencat e tij dhe nuk bën pjesë në qeverisje”- u shpreh Kokëdhima.

Kokëdhima: “Unë dhe “Zgjidhja”, rol të rëndësishëm në 10 vitet e ardhshme

Duke folur për projektin politik të lëvizjes “Zgjidhja” Kokëdhima tha se objektivi është që në fund të prillit të bëhen 25 mijë anëtarë të lëvizjes. “Unë dhe “Zgjidhja” do të luajmë rol të rëndësishëm në politikën e Shqipërisë në 10 vitet e ardhshme. Kjo lëvizje ka lindur si korrent në PS. Lidershipi i PS-së është përpjekur ta nxjerrë jashtë dhe ta shtypë këtë lëvizje. Mos të harrojmë se represioni që është ushtruar ndaj aktivistëve tanë është i pashembullt.

Provat i kam deklaruar që lidershipi i PSsë, kryeministri ynë pushon nga puna njerëz të shkëlqyer vetëm për faktin se ata kanë bindjet e tyre politike dhe kanë pajtimin e tyre me këtë projekt për demokratizimin e PS-së, të partive dhe të gjithë jetës së vendit. Ramës unë nuk i kërkoj asgjë që është e tij. Unë i kërkoj Ramës dhe Bashës të lëshojnë të drejtat që janë të popullit, që këta i kanë marrë dhe i kanë uzurpuar. Në këto 10 këto vite unë do të bëj një rol dhe do të lë një gjurmë në politikën e Shqipërisë. Do të fitojmë, nuk diskutohet dhe kjo është e drejtë e popullit”-u shpreh Kokëdhima./albeu.com/

Të hënën priten ndryshime të rëndësishme në Qeverinë e Shqipërisë

Pas dorëheqjes – ende jo zyrtare – të ministrit të Punëve të Brendshme të Shqipërisë, Saimir Tahiri, të cilën e raportuan mediat atje, të hënën priten ndryshime të mëdha në Qeverinë e Shqipërisë.

Periskopi.com Lajme

Sipas asaj që shkruan portali i televizionit Top Channel, ndryshimet në Qeverinë e Edi Ramës, nuk kanë të bëjnë me ofrimin e një kompromis për kërkesat e opozitës, simpatizantët e së cilës ende po vazhdojnë të qëndrojnë në çadra, njofton Klani

Burime të Top Channel pranë kryeministrit Edi Rama kanë thënë se “të hënën në Qeveri do të ketë ndryshime të rëndësishme, por këto ndryshime nuk çojnë në një qeveri teknike dhe se kabineti mbetet politik”.

Ndërkohë që protesta e opozitës vazhdon, e bashkë me të edhe kërkesa e Lulzim Bashës për krijimin e një qeverie teknike, si kusht që partitë opozitare të hyjnë në zgjedhjet e 18 qershorit.

Sipas të njëjtave burime, në mënyrë të përsëritur gjatë takimeve me udhëheqësit e fushatës në çdo qark, Edi Rama ka lënë të kuptohet se është i pakënaqur me nivelin e mobilizimit të tyre dhe se kjo mund të çojë në lirimin nga detyra të ministrave që janë njëkohësisht drejtues politikë në qarqe, për t’u fokusuar me kohë të plotë në angazhimin elektoral.

Përse dha dorëheqje Saimir Tahiri dhe kush do ta zëvendësojë atë?

Ndërkohë që Saimir Tahiri pritet të dalë në një konferencë për shtyp që të zyrtarizojë dorëheqjen nga posti i Ministrit të Brendshëm, mediat në Shqipëri kanë analizuar dhe spekuluar mbi arsyet e dorëheqjes së Tahirit, njofton Klan Kosova.

Periskopi.com Lajme

Disa nga mediat shkruajnë se arsye mund të jetë presioni që ka bërë partneri i koalicionit tek Edi Rama, kryetari i Parlamentit, Ilir Meta.

Pasi, siç shkruan Lapsi.al, shpesh herë Meta dhe zyrtarë të Lëvizjes Socialiste për Integrim, kanë lënë të kuptohet se i kanë kërkuar Ramës largimin e ministrit të Brendshëm.

Po ashtu, ish-ministri i Drejtësisë, Ylli Manjani, kishte deklaruar se Ramës ia kishin kërkuar edhe partnerë ndërkombëtarë largimin e Tahirit.

Arsye tjetër e kësaj dorëheqje, që mbase mund të jetë edhe shkarkim është përpjekje e kryeministrit Rama për të “kënaqur” opozitën, e cila ka kërkuar vazhdimisht shkarkimin e tij, duke e akuzuar se është një ministër i lidhur me krimin dhe bandat e drogës.

Sidoqoftë Tahiri pritet të dalë në një konferencë për mediat, ku do të japë arsyet e dorëheqjes së tij të papritur, tre muaj para zgjedhjeve parlamentare të 18 qershorit.

Pas dorëheqjes – ende jo zyrtare – kanë gufuar edhe emra që do të mund ta zëvendësonin Tahirin.Më i përfoluri është ai i zëvendëskryeministrit, Niko Peleshi.

Incident me Federica Mogherinin në Tiranë, ndërhyn garda (Video)

Në momenti që diplomatja e lartë e Bashkimit Europian Federica Mogherini po largohej nga Universiteti Politeknik, disa të rinj të FRPD iu afruan me pankarta në duar, ku shkruhej “We want free and fair elections” (duam zgjedhje të lira dhe të ndershme).

Periskopi.com Lajme

Për t’iu shmangur një përgjigje, Mogherini nxitoi të futej në makinën e eskortës që e shoqëronte, ndërsa punonjësit e Gardës ndërhynë për të larguar të rinjtë.

Federica Mogherini po zhvillon vizitë zyrtare në Tiranë si pjesë e turit ballkanik. Ajo zhvilloi një bashkëbisedim me studentët në ambientet e Universitetit të Tiranës.

Mogherini s’përfshin Bashën në agjendën e takimeve në Shqipëri

Vizita e Federica Mogherinit në Tiranë të premten nuk do të ndjekë rutinën e një agjende normale politike. Përfaqësuesja e lartë e Politikës së Jashtme dhe Sigurisë e Bashkimit Europian do të takojë presidentin Nishani, kryeministrin Rama, kryeparlamentarin Meta, por jo të parin e opozitës, Lulzim Basha.

Periskopi.com Lajme

Burime zyrtare thanë për Top Channel se kreu i opozitës, deri tani nuk është përfshirë në agjendën e zonjës Mogherini, e cila e viziton Tiranën në mes të një situate anormale politike, kur opozita ka bojkotuar Parlamentin dhe ka kushtëzuar qëndrimin e saj për zgjedhjet dhe për Reformën në Drejtësi me krijimin e një qeverie teknike.

Deri tani, askush nuk ka dhënë asnjë arsye, përse përfaqësuesja e lartë për Politikën e Jashtme në Bashkimin Europian e ka përjashtuar zotin Basha nga agjenda e saj politike në Tiranë. Ekspertë të marrëdhënieve ndërkombëtare thanë për TCh se, një veprim i tillë nuk është i zakontë.

Gjatë 4 viteve të fundit, Tirana është vizituar dy herë nga një ministre e Jashtme e Bashkimit Europian dhe, si Catherine Ashton në vitin 2013, edhe Federica Mogherini në 2016-n janë takuar me kryetarin e opozitës, përkatësisht Edi Ramën dhe Lulzim Bashën.

Burime diplomatike e shpjeguan përjashtimin e Bashës nga takimi me Mogherinin duke iu referuar gjuhës së dhunshme verbale që kreu i opozitës përdori pak ditë më parë. Një problem që e preku në deklaratën e vet edhe zëdhënësi i Kancelares gjermane, Angela Merkel.

Megjithatë, për të dhënë mesazhin se nuk është përjashtuese ndaj opozitës, Federica Mogherini ka parashikuar në agjendën e vet një takim me drejtuesit e Parlamentit. Top Channel siguroi formatin e këtij takimi, ku opozita është e përfshirë në nivelin e nënkryetarit të Kuvendit, kryetarit të grupit parlamentar dhe kryetares së Komisionit të Integrimit.

Deri tani, nga Partia Demokratike nuk ka një përgjigje nëse do të pranojë të takohet me Përfaqësuesen e lartë të Bashkimit Europian për Politikat e Jashtme dhe Sigurinë, në kushtet kur kryetari i opozitës është i përjashtuar.

UFO-t në Shqipëri, ja çfarë sekreti fsheh shteti shqiptar

Studimet dhe shkrimet ufollogjike qenë të përhapura mjaft në botën jashtë vendit tonë të izoluar. Në Shqipëri kishin depërtuar disa lloje filmash të rrallë, por dhe në këtë izolim,shteti mbante në vëmëndje UFO-logjine.

Periskopi.com Lajme

Studimet dhe dosjët e hapura për këtë fenomen në Shqipëri , ruheshin nën siglen “ Top secret ”. Sigurimi i Shtetit, kishte caktuar personel  të specilizuar për hetimet e fenomeneve të ndryshme  të dyshuara ufollogjike. Pas shumë  viteve, rreth këtij problemi na sjell dëshmi të ralla Ben Shehu, me librin e tijë “ Ata nuk duhet ta dinë”. Është një roman  hibrid ku ngjarjet  reale  të kërkimeve të fenomenit të UFO-ve në Shqipëri ndërthuren me aksionin e përbashket fillimisht të policive sekrete ruse dhe shqiptare, respektivisht KGB dhe Sigurimi i Shtetit. Dhe më pas kur mes tyre ndodh edhe përplasja e fshehjes së sekreteve mes këtyre shërbimeve  deri tek UFO-t . Autori i librit është bazuar në dokumente të rëna në dorë rastësisht nga një bllok shënimesh tip ditari, të gjetur në kasafortën e babait te tijë në shtepi, pas vdekjes, i cili kishte bërë pjesë në nomeklaturën e  oficerëve madhorë të  Sigurimit të Shtetit. Materialet e gjendura janë dorëzuar.

Pas botimit të librit në kontaktin me të afërmit familirë të autorit Ben Shehu,pasi autori ndodhet prej vitesh në emigracion,  kërkova mos më mundësonin ndonjë material më konkret për guret e themelit jetësor që kanë qënë si të thuash brumi i gatuar për shkrimin e romanit të parë në këtë zhanërr letrar. Pas disa javësh më sollen  foto me email  të dy fleteve  dokumentare të mbetur nga blloku i vjetër i shënimeve  enigmatike të oficerit. Fletë me një shkrim të imët. Mezi të lexueshme nga vjetërsija e letrës. Nga kjo për shume arësye e pashë si më komode tu referohem faqeve të librit. Madje në një kapitull të fillimit, kur në kufi me shtetin jugosllav në zonën e Kukësit ka ndodhur një ngjarje e rëndë, autori paraqet një detaj bisede me oficerin vëndas dhe Kolonelin Sovietik të KGB-së në Shqipëri, i cili i spiegon oficerit protagonist të romanit se në B. S është ngritur një grup shkencëtarësh dhe arkeologësh që varen direkt nga  KGB-ja e cila përgjigjej për të financuar kërkimet.

Madje oficeri shqiptar mëson nga koloneli se KGB kishte një interesim të madh për arkeologjnë misterioze dhe se një nga personat  më me famë  i kesaj arkeologjje ishte një amerikan, Zacharia Sitchin. Një mbrojtës i teorisë së astronautëve të antikitetit. Teori që presupozon që qytetërimet antike kanë patur kontakte me qyteterimet jashtëtokësore. Madje Koloneli i ben me dije oficerit te ri shqiptar se shërbimet ruse kanë informacion se në një raport te FBI- së vitit 1947, është konfirmuar se në Shqipëri ka pasur vizita alienësh. Koloneli rus me emrin Vlaimir i thekson kolegut shqiptar se bëhej fjalë për në malin e Hekurave

Autori  Ben Shehu, në romanin ” Ata nuk duhet ta dinë” trajton shumë aspekte të ardhjes së UFO-ve dhe zbritjes së alienëve në disa zona të Shqipërisë si në Skrapar, Kukës, Kavajë, Mirditë dhe Vlorë.   Eshtë e habitshme mënyra e bashkërendimit të ngjarjeve me alienë dhe me veprimet e oficerëve të Ministrisë së Brendshme në vitet 1959-1960, gjëra që koordinojnë me njoftimin e fragmentit për Cërrikun kur flitet për mashtrimin që iu bë banorëve të atij qyteti të vogël. Në këtë arst të dyshimtë atyre u është thënë  se objekti fluturues nuk ishte ashtu siç mendonin ata por një “aeroplan i tipit të ri i hedhur në ajër nga Shqipëria”.

 

Ylli Baro : Ngjarja misterioze e rënies së avionit në Tomor është e vërtetë

Ylli Bare, detar , me profesion kapiten anije ka shkruar rreth 5 libra me tregime të ndryshme. Është me origjinë nga Skrapari. Ka një përvoje të gjatë në det, pasi ka lundruar në të gjitha detrat e botës. Tashmë këtë periudhë ai po derdh në fletë përvojën e tijë jetesore.  Ai thotë, pasi ka lexuar romanin,  se një nga episode e romanit të Benit ku flitet për aksidentin e avionit MIG në Skrapar ka ndodhur vërtetë:  “ Për atë periudhë kanë folur shpesh prinderit e mi që banonin në Skrapar dhe që  e kanë përjetuar rastin pasi pas rënjes se avionit luftarak dhe humbjes së jetës nga piloti kanë vdekur edhe personat që kanë qënë në afërsi nga sëmundje të paspiegueshme. Ndersa avioni  as kishte qënë me difekt,  dhe nuk ishte goditur me predhë”. Baro thotë se qe përhapur si lajm i turbullt se avionic ishte goditur nga arme sekrete të Natos  nga Greqija.  Për këtë Baro ka dhënë edhe një intervistë televizive kur u botua romani. Po çfarë shkruan Ben Shehu për këtë episod? Në shkrim vërehet se oficerët e shërbimeve inteligjente për avionin e rënë në malin e Tomorrit kanë konstatuar se nuk ka pasur asnje shkelje të kufirit ajror të Republikes atë ditë. Po njerëzit kanë parë një objekt të dyshimtë. Dhe ata që kanë qënë në afërsi kanë humbur jetën me simptomat e të sëmureve në Hiroshima. Në momentet e asgjësimit të avionit është konstatuar se piloti i rënë viktimë ka komunikuar me kullën e kontrollit të aeroportit ushtarak të  Kuçovës .Ai ka qënë i paqartë se çtip objekti po shihte dhe që po e shqetësonte. Pasi kishte marre urdhër të hapte zjarr, pas pak sekondash ay kishte humbur komunikimin përfundimisht.  Kur u bënë analizat e shkaqeve te renjes se avionit rezultoi se “ Kabina ishte prerë terthorazi  si me thikë. Prerja e pastër kishte vijuar me tubat, fijet elektrike, një pjesë sedilje dhe kishte vijuar si prerje në krahun e avionit te depozita e karburantit”.

Ufologjia, përparësi e letërsisë së re dokumentare në Durrës

Para disa viteve në Durrës kishte parë driten e botimit  libri “Zgjidhja e një misteri” e kapiten Përparim Zaimit. Me Ben Shehun tashme ky numer shkon në dy libra mbi këtë fenomen misterioz, përherë në hulumtim. Nisur nga referimet e bëra për romanin triller “Ata nuk duhet ta dinë” po hedhim një vështrim të shkurtër  në formë  bararbitjeje mes këtij romani dhe librit “Zgjidhja e një misteri” e kapiten Përparim Zaimit. Lidhur me këtë , po i  referohemi  Inxh. Fatmir Mingulit, studjues dhe kritik i njohur arti në Durrës i cili më njohu me faqen e ditarit. Ai thekson se  trajtimit të fenomenit UFO-ve  iu shtua dhe një roman i durrsakut Ben Shehu, roman që qarkullon nëpër librari që nga viti i kaluar. Kështu që ky roman “shoqëron” librin e kapiten Përparim Zaimit me titull” Zgjidhja e një misteri”, libër i botuar në vitin 2011. Krahasuar menjeri tjetrin janë dy libra , që sipas Mingulit, në mënyrë të pavarur plotësojnë shumë njeri tjetrin. Pa dyshim që këta dy libra ndryshojnë shumë njeri nga tjetri jo vetëm si gjini. Libri ” Zgjidhja e një misteri” është një libër studimor, me baza shkencore, ndërsa romani “Ata nuk duhet ta dinë” është një triller por i mbushur plot me fakte që rrjedhin nga informacione apo dokumentacione të pasura.  Dihen tashmë debatet dhe hamendësimet që ekzistojnë për fenomenin UFO në mbarë botën, prandaj librat e dy durrsakëve përveç rastësisë në anën teorike, duke botuar jo vetëm në gjini të ndryshme por edhe në kohë të ndryshme, rreth pesë vjet diferencë, patjetër që kanë anë të përbashkëta. Këto të përbashkëta janë faktet e njohura në botë për konstatimin e UFO- eve por edhe të fakteve që kanë ndodhur në  Shqipëri. Në gazetën “Bulevard” të datës 8 dhjetor 2015 gjejmë një artikull me titull” 7 misteret më të çuditshme që ndodhën në Shqipëri” ku po japim dy fragmente që pohojnë dukjen e disqeve fluturuese në Shqipëri.

Informacioni i parë.”Cërrik, dy orë nën vëzhgimin e një disku në 1993″

Banorë të qytetit të Cërrikut panë për reth dy orë një objekt fluturues të rallë, të cilën e identifikuan si UFO. Për dy orë me radhë qyteti u përfshi nga paniku dhe kurioziteti. Një gazetë e kohës lajmëron se policisë asaj nate iu desh të qetésonte qytetarët, të cilët ishin habitur pas pamjes së objektit, që, sipas dëshmive ishte ndriçues dhe fluturonte. Gazeta raporton se objekti qëndroi në qiell nga ora 20.00 e mbrëmjes deri në orën 22.00 dhe u largua vetëm pasi ishte parë nga dhjetra dëshmitarë. Gazetat në atë kohë përmendën një objekt të ngjashëm të parë në afërsi të kësaj zone në vitin 1963, por që atëhere debati ishte mbyllur me pohimin e përfaqësuesve të sistemit se bëhej fjalë për një avion të ri të hedhur në ajër nga Shqipëria.”

Informacioni i dytë: Disku fluturues në Roskovec

Ka qenë viti 2006, kur banorët betoheshin se UFO-t kishin vizituar qytetin e tyre. Fillimisht u pa si një hipotezë, por pas shenjave që kishte lënë disku fluturues, të gjithë filluan të bëheshin kurreshtarë. Jo më larg se 10 km larg Fierit, drejt rrugës nacionale për në Berat, diku në mes të dy qyteteve shtrihet qyteti i Roskovecit. Qyteza, që në etimologjinë shqipe, sipas kuptimit të vjetër të emrit të saj, ndahet në rosë, kovë dhe ec. UFO-t kishin vizituar qytezën e vogël të tyre. Vetëm një çast ka mbritur disku fluturues dhe, sipas banorëve, vendi rreth e qark u zhyt në errësirë dhe ciklon.

” Qielli u errësua, pemët janë lëkundur doli një tym i zi dhe pashë se drejt meje po vinte një gjë e çuditshme me dy sfera dhe konike në majë. Ishte në ngjyrë të bardhë në gri”, – përmendnin dëshmitarët në atë kohë. Ka dëshmitarë, ka njerëz që betohen se është e vërtetë , ka kureshtarë që shkojnë në vendin e ngjarjes. Tashmë atje nuk shikohet asgjë. Qyteza ka tërhequr mjaft vizitorë nga Tirana, Fieri, Berat, madje dhe të huaj nga Hollanda. Por deri tani asnjë shkencëtar nuk ka shkuar që të vërtetojë nëse është e vërtetë apo jo ngjarja e rrallë”.

Duke lexuar këto fragmente, pa tjetër që dy autorët durrsakë marrin vlera të veçanta në lëmin e fenomenologjisë së UFO-ve. Kapiten Zaimi e trajtoi në rrugë shkencore dhe me shumë dokumentacione të ndryshme, kryesisht me ngjarjet në malin e Tomorrit, duke e shoqëruar librin me referime nga literatura e huaj dhe me kompozime hartash. Një pjesë e këtyre hartave sjellin krahasime të gjeometrive yjore në hapësirë dhe të gjeometrive tokësore. Për aq më tepër libri “Zgjidhja e një misteri” sjell edhe referime nga librat e shenjtë si Bibla dhe Kurani.

Minguli thekson se “ Të dy autorët durrsakë janë dy kontribues potencialë në shkencën e ufologjisë, janë dy pika referimi edhe për studjues të tjerë që shfaqin interes për objektet fluturuese të paidentifikuara”.

Enigmat UFO-ze  që pjellin enigma

Enigmat në këto lloje rastesh gjithsesi janë ose mbeten  të hapura. Enigma e ditarit të oficerit të shërbimeve, enigma e ngjarjeve të ndodhura. Sa më shumë të thellohesh për të bërë zbardhjen e tyre, zhytesh në enigma të tjera më të thella. Më misterioze.  Me sa duket për këtë, shkrimtari i ri  Ben Shehu, siç dhe e vlerëson Minguli, që ka ditur të ndërthurë fantazinë letrare me ngjarje krejtësisht reale në Shqipëri,   pregatitet për të te dalë me një volum të ri. Dhe në këtë rast nuk dihet se çfarë enigmash  të vjetra do të zgjidhe nga dosjet e Sigurimit të Shtetit, apo do të krijojë enigma të reja edhe më të mëdha, më të komplikuara, më UFO-ze…Mbase kanë mbetur faqe të pazbardhura të ditarit enigmatik. Që sidoqoftë do të krijojne enigma të reja. Dhe nuk duhet harruar një fakt real. Përveç ditarit enigmatik, autori mund të ketë degjuar shumë e më shumë sekrete të rëndomta, kur ishte  fëmijë,  në mjediset e banesës së vet nga bisedat që bënin kolegët e të atit,  mbasi është rritur në një mjedis familiar ku babai i tijë ishte funksionar madhor  i Sigurimit të Shtetit dhe kishte lidhje familiare me Fushenë e periudhës socialiste Kadri Hazbiun…

Dokumenti i parë  për UFO- t në Shqipëri është  ditari i Heroit te popullit Mihal Grameno. Në librin e tij Kryengritja Shqiptare, kujtime  rreth çetës së Çerçiz Topullit, Grameno shkruan: “Një natë teksa luftëtarët e Çerçizit kishin ngritur një limer majë një bjeshke të lartë, na fluturoi përpara një objekt shkëlqyes që qëndroi disa minuta pezull në ajër dhe pastaj u zhduk”.

Raporti i datës 18 Korrik 1947 i Agjencisë Federale të Hetimeve (FBI)  thekson: “Disqe fluturuese janë parë  në Mexico City, Neë Orleans, Halifax, Neëfoundland, Paris, Milan, Bolonjë, Jugosllavi dhe gjithashtu edhe në Shqipëri”.

Presidenti i Shqipërisë vizitë në Serbi

Presidenti i Shqipërisë, Bujar Nishani, do të vizitojë Bujanocin më 7 mars, ka bërë me dije kryetari i Komunës, Shaip Kamberi, ndërsa ka theksuar se në janar i ka dërguar ftesë zyrtare për vizitë.

Periskopi.com Lajme

Data 7 mars për vizitën është caktuar qëllimisht pasi që përkon me hapjen e shkollën së parë në gjuhën shqipe gjatë kohës së Perandorisë Osmane, transmeton Koha.net.

Kjo datë, sipas Kamberit gjatë një bisede për “Politika”, për shqiptarët ka rëndësi kulturore dhe historike.

“Kohës së fundit, pavarësisht tensioneve, të themi incidenteve mes Kosovës dhe Serbisë, marrëdhëniet mes Shqipërisë dhe Serbisë mund të karakterizohen si marrëdhënie që shkojnë në drejtim të mirë”, ka thënë Kamberi.

Ai ka shtuar se vizita e kryeministrit të Shqipërisë, Edi Rama, në Nish dhe themelimi i Dhomës së Tregtisë për zhvillimin e lidhjeve të biznesit mes dy vendeve, janë vetëm disa prej shembujve të praktikës së mirë, ndërsa edhe kjo vizitë duhet të shihet në këtë aspekt.

Mësonjëtorja e Korçës është shkolla e parë e gjuhës shqipe. Ajo u hap më 7 mars të vitit 1887 në Korçë në shtëpinë e ofruar për mësimdhënie nga Diamanti Terpo. Kjo ndërtesë është sot muze kombëtar i arsimit. Mësues dhe drejtor i parë i saj ishte Pandeli Sotiri. Ai e filloi mësimin në gjuhën shqipe fillimisht me 35 nxënës. Hapja e kësaj shkolle për nga karakteri kishte tipare demokratike, pasi në të mësonin fëmijët e të gjitha shtresave, të varfër e të pasur. Kjo shkollë kishte një klasë përgatitore si dhe katër klasa të rregullta. Lëndët mësimore ishin shkrimi, këndimi, gramatika e gjuhës shqipe, historia, gjeografia, aritmetika, dituria natyrore dhe edukimi fizik.

Hapja e shkollës ishte një ngjarje dhe një fitore e madhe për gjithë lëvizjen kombëtare. Mësonjëtorja e Korçës ishte qendër e rëndësishme për formimin kulturor dhe ngritjen e ndërgjegjes dhe moralit në popull. Ajo nxiti edukimin patriotik të brezit të ri e të masave të gjera. Shkolla tërhoqi interesin dhe admirimin e shumë shqiptarëve, nën shembullin e saj u frymëzuan më vonë edhe banorë të viseve dhe trevave të tjera shqiptare.

Veç të tjerash kjo ngjarje ishte një fitore e madhe për popullin shqiptar, pasi deri atëherë dhënia e mësimeve për shkak të pushtimit osman bëhej privatisht brenda shtëpive në mënyrë të fshehtë. Kështu, që nga ajo ditë, 7 marsi festohet në Shqipëri si dita e mësuesit për të përkujtuar atë ngjarje të rëndësishme kulturore dhe historike.

Edhe pse në kushte të vështira, kur mësimi i gjuhës shqipe për shkak të kushteve të ndodhura nën sundimin osman ishte rreptësisht i ndaluar, mësonjëtorja e Korçës qëndroi e hapur për gati 15 vjet. Drejtues të saj ishin figura të njohura të Rilindjes shqiptare si: Pandeli Sotiri, Petro Nini Luarasi, Nuçi Naçi, Thoma Avrami, etj. Kontributi i madh që këta atdhetarë dhe veprimtarë të shquar dhanë për kombin dëshmohet nga dëshira e zjarrtë që ata kishin për të përhapur dijen në popull. Me ato mundësi që kishin ata u bënë iniciatorët e krijimit të të teksteve të para shkollore të dokumentuara. Ata i përkushtuan një rëndësi të madhe pajisjes me mjetet e duhura të mësimdhënies për të bërë më tej dhe shpërndarjen e tyre te nxënësit e tyre. Të edukuar dhe me frymën e lartë të patriotizmit këta nxënës do të bëheshin në të ardhmen dhe pasuesit e denjë të ideologjisë së mësuesve të tyre dhe luftëtarë të devotshëm për luftën për liri dhe pavarësi.

Basha përforcon thirrjen: Zgjedhje me këtë qeveri, me këtë kryeministër, nuk ka për të pasur!

Kryetari i PD-së Lulzim Basha ka përforcuar sërish sot thirrjen se zgjedhje me këtë qeveri dhe me këtë kryeministër nuk ka për të pasur. Nga çadra e protestës, në ditën e tetë të tubimit përpara kryeministrisë, Basha theksoi kjo protestë "nuk është lojë":

Periskopi.com Lajme

“Misioni ynë nis me zgjedhje të lira dhe të ndershme, po nuk përfundon aty,  – tha kryedemokrati, – por vetëm aty kur të kemi varrosur republikën e vjetër dhe të kemi ngritur republikën e re.

Kurrë më nuk do të kemi kompromis në kurriz të qytetarëve. Ju e dini që kjo ka ndodhur shpesh në këto 26 vite dhe partitë e mëdha i kanë mbyllur kauzat e mëdha me pazare të vogla. Unë jam këtu për t’ju thënë se kjo nuk do të ndodhë më!

Le të kujtojmë në mëngjesin e tetë të përballjes sonë se ne nuk do të tërhiqemi, por Rama largohu dhe hapi rrugë një qeverie për zgjedhje të lira!

Ne nuk kthehemi në parlamentin e krimit. Atje ku janë ulur kriminelët e kanë vendin vetëm ata. Këtu është parlamenti i vërtetë me deputetët e qytetarët.

Nuk ka dhe nuk ka për të pasur zgjedhje – pazar në këtë vend. PD dhe opozita është e vendosur për t’i shkuar deri në fund vendimit qytetar.

Zgjedhje – pazar me këtë qeveri nuk ka për të pasur. Pikë! Kush nuk e ka dëgjuar, ta dëgjojë e t’i vërë gishtin kokës! Zgjedhje me këtë qeveri dhe me këtë kryeministër nuk ka për të pasur më!

Ju kam thënë se kjo është luftë pa kthim dhe ju kam pyetur nëse jeni gati të luftojmë së bashku kundër një pakice të korruptuar kokë e këmbë, një grusht derrash e oligarkësh që vjedh e grabit ditë për ditë miliardat e pasurive dhe taksave të shqiptarëve më konçensione.  Mos u shtrini përtokë, mos ktheni faqen tjetër, por goditi me grusht!”

2 tonë kanabis nga Shqipëria, ndjekje në det mes trafikantëve dhe policisë greke e italiane

Një sasi e madhe droge me origjinë nga Shqipëria është kapur nga autoritetet greke dhe italiane. Ngarkesa e lëndës narkotike po transportohej me skaf kur u zbulua nga rojet kufitare greke dhe ato italiane.

Periskopi.com Lajme

Për disa orë është zhvilluar ndjekje në det mes trafikantëve dhe policisë greke e italiane. Sikurse bëjnë me dije mediat greke, 3 personat që ndodheshin në skaf hodhën në det pakot me kanabis sativa për të lehtësuar peshë në mënyrë që të mund t’i shpëtonin kapjes nga autoritetet, Syri.net.

Një helikopter po patrullonte nga ajri ndjekjen në det, që më pas vazhdoi në ujërat territoriale shqiptare. Skafistët u drejtuan drejt bregdetit shkëmbor shqiptar ku dhe mundën t’i shpëtonin rojeve bregdetare italiane dhe greke.

Autoritetet greke dhe ato italiane mblodhën 122 pako të mbushura me kanabis sativa që ishin hedhur në det. Nga peshimi rezultoi se bëhet fjalë për një ngarkesë prej 2 ton drogë. Sa i përket autorëve, ata mundën të arratiseshin dhe janë fshehur në Shqipëri.

Identiteti i tyre është i panjohur. Droga do të transportohej në Itali, por pasi u zbuluan nga Guarda di Finanza, manovruan për t’u shmangur dhe iu afruan bregdetit grek./SYRI.net/

Federata Hebraike në Florida nderon Shqipërinë për këtë akt të madh human

Tiranë, 26 janar – Federata Hebraike në Sarasota-Manatee, Florida ka vendosur ta përkujtojë Ditën Ndërkombëtare të Holokaustit duke nderuar Shqipërinë për këtë akt të madh human.

Periskopi.com Lajme

Ambasadorja e Shqipërisë në SHBA, Floreta Faber do të jetë e ftuara kryesore në një veprimtari kushtuar Ditës Ndërkombëtare të Përkujtimit të Holokaustit, që mbahet në Sarasota, Florida, nga Federata Hebraike në Sarasota-Manatee.

Pjesëmarrësit që do të mblidhen në Beatrice Friedman Theater, do të mund të ndjekin filmin “Rescue in Albania” (Shpëtimi në Shqipëri), një dokumentar kushtuar shpëtimit të hebrejve gjatë Luftës së Dytë Botërore, sipas rrëfimeve të atyre që mbijetuan.

Përveç fjalës kryesore nga Ambasadorja Faber, do të ketë edhe argëtim me valle tradicionale shqiptare nga grupi i vallëzimit “Shqiponjat” në Tampa, që sponsorizohet nga Fondacioni i Trashëgimisë Shqiptare në Tampa, Florida.

Siç dihet Shqipëria është i vetmi vend në Europë ku gjatë pushtimit fashist e nazist nuk u dorëzua asnjë hebre dhe ku numri i hebrenjve pas Luftës së Dytë Botërore ishte më i madh se ai përpara saj.

Veprimtaria do të zhvillohet më datë 29 janar ora 15:00 në Beatrice Friedman Theater.

8 të vdekur deri tani nga i ftohti në Shqipëri

Ka shkuar në tetë numri i personave të vdekur për shkak të motit të ftohtë që ka prekur Shqipërinë ditën e fundit.

Periskopi.com Lajme

Mes viktimave është dhe një fëmijë 12 vjeçar i cili u mbyt në liqenin e Kasharit që kishte ngrirë pjesërisht. Djali së bashku me motrën e tij po loznin në akull kur është çarë duke i shkaktuar mbytjen e fëmijës.

Motra e tij 15 vjeçe arriti të shpëtonte pasi u ndihmua nga disa efektivë policie që ndodheshin rastësisht aty.

Edhe në Fier një bari humbi jetën pasi u mbyt kur akulli që kishte mbuluar sipërfaqen e ujit është çarë, shkruan Ora News.

Ndërkohë në qytetin e Pogradecit është gjetur i pajetë në banesën e tij 40 vjeçari Renato Shuka, i njohur edhe si Anastas Shuka, me emrin e pagëzimit.

Burime nga policia e Pogradecit bëjnë me dije se viktima, nuk kishte ndezuar ngrohje në banesë, dhe dyshohet se ka gjetur vdekjen nga hipotermia si pasojë e temperaturave të ulëta.

Skandaloze në Kavajë: Djali bën seks me motrën 13 vjeçe dhe dhunon edhe prindërit

Një ngjarje skandaloze ka ndodhur në Kavajë, e cila është zbuluar mbrëmjen e djeshme kur policia ka vënë në pranga një 20-vjeçar. Burime nga policia thanë se një ditë më parë kanë vënë në pranga Agim Dakën, 20 vjeç nga fshati Koçaj.

Periskopi.com Lajme

Burimet policore thanë për SYRI.net se Dakaj është vënë në pranga sepse në banesën e tyre, ka kryer disa herë marrëdhënie seksuale me motrën e mitur me iniciale S. A. D., 12 vjeçe.

Por përveç kësaj ka ushtruar dhunë fizike dhe psikologjike edhe ndaj prindërve A. Daka dhe R. Daka.

Në momentin e arrestimit të riut i janë gjetur dhe sekuestruar me cilësinë e provës materiale 1 armë zjarri pushkë model 56. /SYRI.net