Sokol Havolli

Anëtari i LDK-së paralajmëron Sokol Havollin kandidat për kryetar të Prishtinës

Sokol Havolli, këshilltar politik i kryeministrit Isa Mustafa ka reaguar ndaj lajmit të publikuar se Lëvizja Vetëvendosje ka punësuar aktivistët e saj në Komunën e Prishtinës.

Periskopi.com Lajme

Duke ironizuar me këtë gjë dhe me kryetarin e Prishtinës, Shpend Ahmetin, ai ka thënë se dikush nga Ambasadat duhet të nënshkruajnë një projekt për rekrutimin e stafit nga komuna, përcjellë Indeksonline.

“Ka ardhur koha që ndonjëra nga Ambasadat në Kosovë të nënshkruaj një projekt për rekrutimin e stafit në Komunën e Prishtinës. Edhe pse aty ka punë edhe për organet e rendit dhe drejtësisë, sepse dallaveri më i vogël është punësimi i militantëve”, ka shkruar ai.

Por, shkrimit të Havollit i është përgjigjur njëri nga anëtarët e Kryesisë së LDK-së në Malishevë.

Famir Ademaj i ka komentuar Havollit, se kur ai të vijë në krye të Prishtinës, atëherë do të frymojë fryma e Ligjit, duke paralajmëruar kështu kandidaturën e tij për kryetar të kryeqytetit.

Shpend Ahmeti

Ahmeti: Serbia nuk ka ndryshuar, mirë që tani po e kuptojmë

Kryetari i Komunës së Prishtinës, Shpend Ahemti duke përmendur ngjarjet e fundit që kanë të bëjnë me Serbinë ka thënë se shteti fqinj nuk ka ndryshuar, por tani jemi duke e kuptuar se çfarë planesh ka ky shtet.

Periskopi.com Lajme

 

Postimi i plotë i Ahmetit:

Po i lexoj disa propozime për qasjen ndaj Serbisë pas murit, fletëarresteve dhe trenit. Serbia nuk ka ndryshuar, por tani po e kuptojmë si shoqëri se çfarë planesh ka Serbia. Kjo është mirë.

Me 7 Mars 2011 (po po 2011), LVV ka propozuar këtë rezolutë në Kuvendin e Republikës së Kosovës për bisedimet me Serbinë por nuk e kanë votuar partitë e koalicionit. Kosova atëherë ishte në gjendje shumë më të mirë ndërkombëtare se sa që është sot. Ju kisha lut ta lexoni.

R E Z O L U T Ë

  1. Subjektiviteti politik e as pandashmëria territoriale e Kosovës nuk mund të jenë objekt negociatash me asnjë shtet a organizatë mbikombëtare.
  2. Çfarëdo procesi bisedimesh me cilindo shtet duhet të paraprihet nga marrëveshja politike.
  3. Bisedimet me Serbinë nuk duhet të ndodhin pa u plotësuar 4 parakushte kryesore:
  4. Njohja dhe respektimi politik e faktik i pavarësisë së Kosovës – Serbia duhet ta njoh Republikën e Kosovës, duhet ta ndryshojë Kushtetutën e vet që e konsideron Kosovën si pjesë të pandashme të integritetit territorial dhe sovranitetit politik e juridik të Serbisë, si dhe duhet ta tërheq përkrahjen politike dhe financiare për strukturat e saja ilegale që e cenojnë drejtpërdrejtë sovranitetin dhe integritetin territorial të Kosovës si dhe jetën dhe pronën e qytetarëve të Kosovës,
  5. Vënia në vend e drejtësisë për viktimat – Serbia duhet të kërkojë falje për të gjitha krimet e kryera në Kosovë përgjatë viteve sa e ka mbajtur nën okupim vendin tonë, si dhe duhet t’i kthejë pa kurrfarë kushti dhe pa vonesë rreth 1800 trupat e pagjetur të shqiptarëve të Kosovës të vrarë gjatë luftë ë fundit, t’i dorëzojë kriminelët e luftës për t’iu nënshtruar procesit gjyqësor në Kosovë si dhe ta nis procesin e dënimit të kriminelëve të luftës të cilët janë të lirë në Serbi,
  6. Reparacionet dhe dëmshpërblimi për shkatërrimet materiale të pronës – Serbia duhet t’i paguajë dëmet e luftës dhe okupimit, ta kthejë fondin e grabitur pensional, depozitat bankare e qytetarëve të Kosovës, librat kadastralë dhe mbi 1200 eksponateve kulturore,
  7. Të drejtat reciproke – Serbia duhet ta ndërpresë shtypjen e shqiptarëve autoktonë në Luginën e Preshevës dhe shkeljen e të drejtave të tyre njerëzore dhe kombëtare, por edhe ndaj shqiptarëve të tjerë që jetojnë në Serbi. Serbia duhet të garantojë për shqiptarët me kushtetutë të drejta dhe liri të nivelit të njëjtë me ato të serbëve në Kosovë.
  8. Edhe pas plotësimit të këtyre kushteve Kosova në asnjë mënyrë nuk duhet të negociojë me Serbinë rregullimin e brendshëm territorial dhe institucional të vendit.
  9. Kuvendi i Republikës së Kosovës kërkon nga Ekzekutivi dhe institucionet tjera përkatëse ndërprerjen e bisedimeve të përgatitura që të fillojnë më 8 mars 2011, dhe t’i nisë përgatitjet për grumbullimin dhe hartimin e dokumenteve dhe materialit tjetër të nevojshëm për argumentimin e kushteve të sipërpërmendura.
Shpend Ahmeti

Shpend Ahmeti tregon nëse do të rikandidojë për kryetar komune

Kryetari i Prishtinës, Shpend Ahmeti, ka deklaruar se nëse i kërkohet edhe një mandat i dytë në krye të kryeqytetit, ai është i gatshëm për këtë hap.

Periskopi.com Lajme

Në Interaktiv të KTV-së ai ka thënë se kjo i është kërkuar edhe nga partia e tij Vetëvendosje, dhe pasi ta vlerësojë se kjo është rruga e duhur apo jo, ai edhe do të marrë vendim.

“Do të jem këtu sa kërkohet nga unë. Nuk do të rrezikojmë projektin e Prishtinës. VV ka pasur të qartë nga unë që të kandidoj edhe për një mandat, do ta diskutojmë, por nuk e rrezikojmë rrugën e Prishtinës. Nëse e duhura është të vazhdoj, jam i gatshëm”, ka deklaruar Ahmeti.

shpend

Ahmeti: Më 23 janar vijnë edhe 15 autobusë tjerë

Kryetari i Komunës së Prishtinës, Shpend Ahmeti, në Interaktiv të KTV-së, ka folur për autobusët e rinj të cilët u lansuan gjatë ditës së mërkurë.

Periskopi.com Lajme

“Më 23 janar vijnë edhe 15 autobusë tjerë, fillimisht në linjat 3 dhe 4 të Trafikut Urban, në mënyrë që të kemi një autobus çdo 7 minuta”, tha i pari i Prishtinës, raporton Koha.net.

Ahmeti tha se Prishtinës i duhen 160-250 autobusë në mënyrë që të mos kemi telashe në transportin publik.

Sipas kreut të Prishtinës, me këta autobusë synohet të ulet përdorimi i veturave pasi që, sipas tij, një autobus zëvendëson 50 vetura.

Më tej, ai tha se po bëhet plani që të kemi një trase të rrugës vetëm për autobusë, dhe kjo, siç tha ai, është kusht i BERZH-it.

Ahmeti theksoi se nuk ka mundësi që në rrugët e Prishtinës të lëshohen në qarkullim autobusë “harmonikë”, siç janë quajtur më parë, pasi që, siç tha ai, “Prishtina është ngufatur nga ndërtimet” dhe nuk ka mundësi që një autobus aq i gjatë të qarkullojë.

Shpend Ahmeti tha se do të ndërrohet edhe pamja e lokacioni i stacioneve të pritjes së autobusëve, ku do të ketë edhe harta digjitale përmes së cilave do të shihet se ku dhe për sa kohë mbërrin autobusi.

56

Shpend Ahmeti tregon se kur nisin punën autobusët e rinj

Kryetari i Prishtinës, Shpend Ahmeti, të martën ka bërë të ditur se kontingjenti i parë i autobusëve të rinj do të fillojë të qarkullojë nga sot (e mërkurë). Këta autobusë do ta mbulojnë linjën 3 dhe 4.

Periskopi.com Lajme

Sipas Ahmetit do të hyjnë në përdorim edhe biletat e integruara, pasi që një biletë e paguar do të vlejë për 2 orë gjatë transporti publik, nëpër qytet. Ndërsa, biletat do të jenë ditore, javore dhe mujore, shkruan sot “Koha Ditore”.

Sipas tij, transporti publik do të jetë falas për pensionistë dhe do të ketë çmime të reduktuara për studentët…

ramush-haradinaj-shpend-ahmeti-620x330

Ahmeti: Të kërkohet lirimi i pakusht i Ramush Haradinajt nga paraburgimi

Kryetari i Prishtinës, Shpend Ahmeti, ka thënë se duhet të kërkohet lirimi i pakusht i Ramush Haradinajt, nga paraburgimi në Francë.

Periskopi.com Lajme

Sipas Ahmetit, para se të merremi me konspiracione, duhet të merremi me fakte. Ai më pas ka renditur disa pika të cilat vlerëson se duhet të analizohen dhe realizohen sa më shpejt.

Lexoni të plotë reagimin e tij:

Para se të merremi me konspiracione, mundemi me u marr me fakte

  1. Serbia e konsideron Kosoven pjese të saj
  2. Serbia ka ngritur qindra aktakuza ndaj shqiptarëve për krime lufte
  3. Serbia lufton dhe lobon në mënyre aktive kundër Kosoves në çdo forum e institucion
  4. Kosova ka formuar gjykate speciale vetëm për krimet e UÇK dhe i ka ngritur shumë pak akuza për krimet e Serbisë në Kosovë.
  5. Hashim Thaçi thotë se shqiptarët kanë vrarë dëshmitarë dhe përulet tërë kohen para mbishkrimeve ku flitet për terorristët shqiptarë dhe ata të NATOs
  6. Isa Mustafa akuzon Ramushin për vrasje në liqe të Radoniqit
  7. Qeveria arreston, akuzon dhe mban në burg padrejtësisht të gjithë ata që e kundërshtojnë Serbinë dhe i nënshtrohet Serbisë në çdo kërkesë
  8. Edita flet për fitore në bisedime, sigurisht e ka fjalen për fusnoten, bashkimin e Mitrovices e deri te kodi gjeografik.

Prandaj, mos të shtirremi se nuk e kemi njohur këtë Serbi. Mos të shtirremi se nuk po i njohim Hashimin Isen e të tjerët. Kur po ndodhin arrestimet si kjo e Ramushit po na kujtohen të gjitha dhe po bëhemi radikal por problemin e kemi në përfaqësim e jo në konspiracion.

– Te ndërpriten bisedimet me Serbine!

– Të mblidhet Kuvendi dhe ta votojë rezoluten e reciprocitetit politik e ekonomik ndaj Serbise qe e ka propozuar VV vite më parë!

– Te votohet rezoluta e kushteve për bisedimet me Serbinë e propozuar nga VV vite më parë

– Të votohen pa kushte ndryshimet në interes të Kosovës sic është krijimi i ushtrisë

– Të kërkohet lirimi i pakusht i Ramush Haradinaj nga paraburgimi në Francë

shpend ahmeti

Ahmeti apelon që qytetarët t’i reduktojnë lëvizjet me makina

Kryetari i Prishtinës, Shpend Ahmeti ka kërkuar nga qytetarët që t'i reduktojnë lëvizjet me makina për shkak të borës që ka rënë dhe që pritet të bije në ditët në vijim.

Periskopi.com Lajme

“Duke filluar nga tani e gjithë vikendin, temperaturat do të jenë shumë të ulta prej -11 sonte, -19 nesër e premte e deri në -21 të shtunen. Të rreshurat sonte 12 cm borë. Ju lusim që të reduktoni lëvizjet me makina dhe për çdo emergjencë lajmëroni në 080012233, 080012244, dhe 080012255”, thuhet në postimin e Ahmetit.

Dastid Pallaska

Dastid Pallaska kërkon vëmendje të Madhe, pretendon se Shpend Ahmeti e sheh konkurrent

Të enjten u raportuar se avokati Dastid Pallaska pritet t’i hyjë garës për kryetar të Prishtinës në zgjedhjet e ardhshme lokale qe do të mbahen vitin e ardhshëm.

Periskopi.com Lajme

Sipas Indeksonline, këtë vendim e ka marrë ditë më parë.

Por, i menjëhershëm ka qenë reagimi i Pallaskës, ndryshe që gjatë ditës mediumit të lartpërmendur nuk i është lajmëruar, raporton Periskopi

Ai i jep të drejtën vetes të vlerësoj punën e Shpend Ahmetit, thotë se shkrimi se Pallaska do kandidohet për kryetar është i porositur nga vet Ahmeti dhe vlerëson se ky i fundit ka interesim për planeti politike të Pallaskës, interesim të cilin e quan jo të shëndetshëm.

Reagimi i plotë:

Në përmbyllje të një viti të “suksesshëm” të qeverisjes në Prishtinë, sot Shpend Ahmeti paska gjetur kohë me shërby si burim anonim i një “lajmi” se unë do të garoj si kandidat i pavarur në zgjedhjet e radhës për Kryetar të Komunës së Prishtinës.

Përkundër përpjekjes për tu fshehur pas anonimitetit, autorësia e Shpendit zbulohet nga përpjekja e tij që vetën ta paraqet si viktimë në versionin e parë të po këtij artikulli ku thuhej se kandidatura ime ka për qëllim dëmtimin e tij.

E kam vështirë ta besoj që Shpendi ka ra në nivel kaq të ulët edhe pse konfirmimin se ai është porositësi i “lajmit” tanimë e kam nga burime të sigurta.

Më duhet ta pranoj se interesimi i Shpendit për planet e mija politike – për të cilin jam njoftuar edhe më parë – nuk po më duket i shëndetshëm. Po të ishte interesim miqësor, e di që do të më kontaktonte direkt sepse njihemi prej shkollës së mesme./ Periskopi

Autobusët e rinj të Prishtinës tashmë gati (Foto)

Kryetari i Prishtinës, Shpend Ahmeti ka postuar autobusët e rinj që do të përdoren në kryeqytet.

Periskopi.com Uncategorized

Ata duket se janë gati dhe shpejt arrijnë në vend.

Këta 20 autobusë në kryeqytet, ndërsa 31 tjerët pritet që të vijnë në janar.

Gjatë muajit shtator u nënshkrua marrëveshja për furnizim me autobusë në mes ndërmarrjes “Trafiku Urban” dhe kompanisë çeke “Iveco”, si fituese e tenderit për furnizimin me autobusë urban në Prishtinë.

Ky projekt u mbështet me një kredi nga Banka Evropiane për Rindërtim dhe Zhvillim – BERZH./ Periskopi

15697793_10155626457827166_8406246859407163226_n 15672911_10155626457777166_5721714719719416181_n

shpend ahmeti

Ahmeti: Me shkallë e pa shkallë muri është simbol i ndarjes, s’ka Qeveri

Kryetari i Prishtinës, Shpend Ahmeti, ditën e sotme e ka hapur në llogarinë e tij në Tëitter me një koment rreth murit të ndërtuar pranë urës së lumit Ibër në Mitrovicë nga ana serbe.

Periskopi.com Lajme

 

Ahmeti komentin e ka bërë duke u lidhur në deklaratat e zyrtarëve të BE-së dhe atyre serbë, që kanë thënë se “ani nuk është mur, por do të ketë edhe shkallë që të jetë amfiteatër a arenë për manifestime”, transmeton Koha.net.

Ai ka thënë se me shkallë apo jo, i lyer e apo jo, muri është simbol i ndarjes dhe mbetet mur. Gjithë këtë e ka përfunduar me një “#skaqeveri#.

“Shkallë e pa shkallë, muri është mur. Edhe me ly bukur, muri mbetet mur. Simbol i ndarjes e jo i ribashkimit.#s’kaqeveri”, ka shkruara Ahmeti.

Bëni kontrolle për qafën e mitrës, shpëtoni jetën

Kryetari i Prishtinës, Shpend Ahmeti thotë se një kontroll i shkurtër shpëton jetën, dhe bënë të ditur se ka arritur në 1500 numri i ekzaminimeve në kontrollet për kancerin e qafës së mitrës.

Periskopi.com Shëndeti

AI thotë se para 3 muajsh ka filluar skriningu për kancerin e qafës së mitrës, përmes të cilit pacientet potencialisht të shëndosha kontrollohen si masë parandaluese ndaj sëmundjes eventuale.

“Deri sot janë ekzaminuar 1500 gra në Komunën e Prishtinës. Nga ky numër, 10.4% e grave kanë rezultuar me ndryshime të natyrave të llojllojshme. Nga kjo shifër, disa nga gratë e ekzaminuara janë zbuluar se kanë kancer në fazën e parë, dhe me intervenimet më të thjeshta me kosto shumë më të vogël, ato do të shërohen. Ky skrining do të vazhdojë dhe do të bëhen edhe skriningje tjera në mënyrë që parandalimi dhe vetëdijesimi të mbeten synimet kryesore të Kujdesit Parësor Shëndetësor në Komunën e Prishtinës”, thotë ai, raporton Periskopi

AHmeti ka falënderuar dr. Zarife Miftari nga zyra e UNFPA-së, dr. Sami Ukën nga zyra e OBSH-së, prof. dr. Syzana Manxhuka dhe dr.Labinot Shahini nga Bordi për Kontroll të kancerit, dr. Merita Vuthaj nga Ministria e Shëndetësisë, dr. Ramadan Sopa nga SHSKUK-ja. Në veçanti falënderojmë menaxhmentin e QKMF-së, bashkë me dr. Erzen Begollin, dr. Vjollca Zeqiri, dr. Sabahate Lleshi, dr. Florina Ushaku-Grezda dhe gjithë ekipin pjesëmarrës në këtë skrining, për punën dhe profesionalizmin e tyre.

“Ky projekt në mes të tjerash ka treguar se bashkëpunimi korrekt ndërinstitucional, çdo herë shoqërohet me rezultate konkrete dhe rritje të cilësisë së shërbimeve për qytetarët dhe parandalimin efikas të shumë problemeve me të cilat përballet Shëndetësia”, thotë Ahmeti./ Periskopi

Shpend Ahmeti

Shpend Ahmeti kërkon që deputetët e ministrat t’i nënshtrohen testit të PISA’s

Kryetari i Komunës së Prishtinës, Shpend Ahmeti ka bërë një propozim që disa prej zyrtarëve të shtetit t’i nështrohet testit të organizatës PISA.

Periskopi.com Lajme

 

“A bën që çdo deputet, ministër, zv. ministër, e kryetar komune ti nënshtrohet PISA testit? #meditkujena”, ka shkruar Ahmeti në llogarinë e tij në Facebook.

Para disa ditëve në tesitmin e PISA nxënësit nga Kosova kanë dalë thuajse të fundit në shkrim, matematikë dhe lexim.

shpend ahmeti

Ahmeti thotë se Unioni i komunave shqiptare do të zgjerohet

Kryetari i Prishtinës, Shpend Ahmeti ka bërë me dije se krijimi i Unionit të Bashkive Shqiptare në rajon ka për qëllim shkëmbimin e përvojave dhe ofrimin e ndihmës njëra-tjetrës për përmirësimin e shërbimeve për qytetarët e këtyre komunave shqiptare.

Periskopi.com Lajme

Në një intervistë për “Epoka e Re”, Ahmeti ka thënë se krijimi i këtij unioni ndërmjet pesë komunave ka nisur me bashkëpunim në urbanizëm, inovacion, investime, kulturë dhe transport publik.

Ai ka thënë se hapi i radhës është formimi i sekretariatit të përhershëm të këtyre komunave.

Kryetari i Prishtinës ka theksuar se Kosova dhe Shqipëria kanë barriera të pashpjegueshme në kufi sa iu përket njerëzve, mallrave, kapitalit dhe shërbimeve.

Ai ka bërë thirrje të punohet sa më shumë që të zhduken këto barriera.

Shpend Ahmeti

Shpend Ahmeti padit Qeverinë

Periskopi.com Lajme

Në mbledhjen e sotme të Kuvendit Komunal të Prishtinës, Kryetari i kësaj komune Shpend Ahmeti para deputetëve ka thënë se ka paditur Qeverinë e Kosovës.

Kjo pasi sipas Kryetarit Ahmeti, Qeveria ka marr tokat para disa vitesh e nuk paguan për to, njofton Klan Kosova.

‘’Kemi paditur Qeverinë e Kosovës, sepse na i ka marrë tokat para 6 viteve e nuk po paguan, janë 7 milion euro që na i kanë borxh e nuk pi paguajnë’’, ka përfunduar Ahmeti, njofton Klan Kosova.

cerdhet

Së shpejti, edhe Sofalia do të bëhet me Çerdhe

Kryetari i Komunës së Prishtinës, Shpend Ahmeti, përmes një statusi në Facebook,m ka treguar se janë duke u bërë përgatitjet për hapjen e çerdhes në Sofali.

Periskopi.com Lajme

“Vazhdojmë me çerdhet e reja – përgatitjet për hapjen e çerdhes Zogjtë në Sofali”, ka shkruar Ahmeti.

Më poshtë keni postimin e plotë të Ahmetit:

Komuna e Prishtinës informon të gjithë banorët se më 30 nëntor, e mërkurë, në ora 17:00 , në sallën e Kuvendit Komunal, ndërtesa e Komunës së Prishtinës, do mbahet diskutimi publik për përzgjedhjen e Këshillit të Prindërve të cilët në bashkëpunim me Komunën do të themelojnë çerdhen me bazë në komunitet “Zogjtë’.

Të gjithë prindërit e interesuar duhet të dorëzojnë një letër me shkrim ku shprehin qëllimin për tu zgjedhur në Këshillin e Prindërve. Këshilli i prindërve do të zgjedhet me votat e personave prezent që do të jenë në sallë. Letra mund të dorëzohet në sportelin numër 5 apo në emailin [email protected] .

Të drejtë konkurrimi kanë vetëm prindërit që kanë fëmijë të moshës 0-6 vjeç dhe që kanë qëllim t’i regjistrojnë në çerdhen që do të hapet.

Prindërit që konkurrojnë të bëhen pjesë e këshillit të prindërve duhet të sjellin me vete këto dokumente:

Dëshmi se është banorë i lagjes – dokumenti nga Bashkësia Lokale dhe një faturë

Ekstrakti i lindjes se femiut”, ka shkruar Ahmeti në Facebook.

shpend ahmeti

Reagon Ahmeti për borën: Nuk mund të pastrohet ende pa rënë

Kryetari i Prishtinës, Shpend Ahmeti ka reaguar pas kritikave të mëdha drejtuar komunës për mos pastrimin e rrugëve pas reshje të para të borës.

Periskopi.com Lajme

Ahmeti ka thënë se bora nuk mund të pastrohet ende pa rënë, duke kërkuar nga shoferët e makinave që të lëvizin në përshtatje  të kushteve të rrugës dhe ti shmangin ato me goma të verës.

Ahemti në një postim në facebook, ka thënë se në disa rrugë janë paraqitur vështirësi në qarkullim, por tani të gjitha janë të kalueshme dhe pa problem:

Postimi i plotë i Ahmetit:

Komuna që një kohë ka bërë gati planin operacional për mirëmbajtjen e rrugëve, dhe sot edhe pas parashikimeve të motit të gjitha kompanitë kanë qenë në gatishmëri edhe pse me sasi të vogla të borës nuk ka pas telashe në shumicën e qytetit.

Vështirësi janë lajmëruar në rrugët Vëllezërit Fazliu, Xheve Lladrovci, Fshati Ndërkombëtar dhe Enver Maloku por tashmë janë të kalueshme dhe pa probleme.

Ngrica nga temperaturat do të ketë gjatë gjithë dimrit, dhe bora nuk mund të pastrohet para se me ra, prandaj vozitësit duhet të ja përshtatin shpejtësinë kushteve atmosferike dhe ti shmangin lëvizjet me goma të verës. Kjo vlen posaqërisht në mëngjes për shkak të mungesës së qarkullimit gjatë natës dhe tempertaruva shumë të ulta (ku as kripa nuk ndihmon) duhet të shtohet kujdesi.

Për çdo vështirësi lajmëroni në 080012233 dhe 080012244.

Së shpejti fotot nga të gjitha rrugët.

P.S. e pash një reagim të Këshillit për Mbrojtjen e Drejtave dhe Lirive të Njeriut për borën në Prishtinë. Përderisa me kënaqësi lexoj gjihtmonë kritikat të drejtuara nga ne, kësaj radhe këtë kritikë nuk po e komentoj por po ju ftoj të gjithëve ta lexojnë këtë komunikatë nga OJQ për mbrojtjen e drejtave të njeriut nga shkeljet.

Nis konferenca e parë e Unionit të Bashkive Shqiptare në Rajon

Në prag të festave të Nëntorit, Tirana është kthyer në kryeqytetin e shqiptarisë.

Periskopi.com Lajme

Delegacioni i Tiranës ishte nikoqir i delegacioneve nga komunat e hapësirave shqiptare si Prishtina, Tetova, Ulqini e Presheva.

Në takimin e udhëheqësve të këtyre komunave u diskutua mbi mundësitë e bashkëpunimit, por edhe shkëmbimit të përvojave më të mira për zhvillimin dhe mirëqenien e faktorit shqiptar në këto komuna.

Kryetari i Komunës së Prishtinës, Shpend Ahmeti, shprehu kënaqësinë për konkretizimin e kësaj nisme, si dhe theksoi se takime të tilla i shërbejnë drejtuesve të komunave/bashkive, por edhe stafeve të tyre drejtuese, për të vlerësuar drejt problematikat me të cilat përballen sot qytetet shqiptare.

“Problematika e qyteteve shqiptare, pajtohem që është problematikë e veçantë, e cila na detyron, na sfidon që të bashkëpunojmë, në mënyrë që këto çështje t’i shkëmbejmë edhe si përvoja, edhe si zgjidhje, e pse jo, edhe nëse diçka ka që e kemi provuar dhe s’ka ecur, t’i themi të tjerëve që mos e provoni, sepse kjo nuk funksionon. Ky është vetëm takimi i parë, shpresoj që komunat e tjera sa më shpejt të jemi nikoqirë të takimeve të radhës dhe të fillojmë dhe të shtojmë komunat e tjera, që edhe ato të bëhen pjesë e këtij rrjeti”, tha Ahmeti.

15224662_10211101326591679_2004503910_o 15205544_10211101325711657_1472445744_o

26_10_2016_4617688_shpend_ahmeti____dardan_sejdiu_dhe_hysen_durmishi

Në vitin e ardhshëm, Prishtina bëhet me 3 shkolla të reja

Tri shkolla të reja janë planifikuar të ndërtohen në Prishtinë gjatë vitit 2017: një në lagjen “Kalabria”, një në “Mati 1” dhe një në lagjen “Arbëria”. Dhe që të triat kapin vlerën prej 1 milion e 400 mijë eurosh, shkruan sot Koha Ditore.

Periskopi.com Lajme

E pos tyre, do të ndërtohet edhe një shtesë e shkollës “Faik Konica” dhe do të ndërtohet sallat sportive në disa shkolla të kryeqytetit. Këto janë vetëm disa, nga gjithsej 16 projektet për investimet kapitale, që ka planifikuar t’i realizojë Komuna e Prishtinës, përkatësisht Drejtoria komunale e Arsimit, gjatë vitit 2017.

Vlera e të gjitha këtyre projekteve bashkë, kapë shumën prej 3 milionë e 160 mijë eurosh. Nga këto mjete, 270 mijë euro janë për ndërtimin e çerdheve, siç figuron në Draftligjin për buxhetin, që tashmë e ka miratuar Qeveria dhe i cili si projektpropozim është miratuar edhe nga Kuvendi Komunal i Prishtinës.

shpend

Ahmeti: Pozita po përdor metoda të ndryshme që të mos ketë debat për Deharin

Kryetari i Prishtinës, Shpend Ahmeti ka thënë se koalicioni qeverisës po përdor metoda të ndryshme vetëm që të mos lejojë një debat në Kuvend, në lidhje me vdekjen e aktivistit të Lëvizjes Vetëvendosje, Astrit Dehari, në Qendrën e Paraburgimit në Prizren.

Periskopi.com Lajme

 

Ahmeti ka thënë se kur opozita protestonte, koalicioni qeverisës kërkonte që të ndërprehen protestat dhe të diskutohet në Kuvedn, pasi aty është vendi për diskutim, ndërsa këtë nuk po e bën për rastin e Astrit Deharit.

“Kur ishte çështja e demarkacionit, e opozita protestonte në rrugë, koalicioni bënte thirrje për opoziten të kthehet në Kuvend, sepse aty është vendi për të debatuar.Kur opozita po kërkon debat për rastin e Astrit Deharit në Kuvend, koalicioni qeverisës po refuzon me metoda të ndryshme vetëm për të mos lejuar debatin. #DrejtësipërAstritin”, ka shkruar Ahmeti/Periskopi/

14976715_10153806888147000_4830827986689704525_o

Ahmeti: Guximi i prindërve të Astritit, thirrje për mos ndalje të kërkimit së drejtësisë

Periskopi.com Lajme

Kryetari i Komunës së Prishtinës, Shpend Ahmeti përmes një postimi në Facebook ka thënë se është shumë e rëndë dhe e dhimbshme me i pa prindërit e Astrit Deharit duke folur për vdekjen e të birit.

Ahmeti ka thënë se guximi dhe qëndrimi i tyre është thirrje e zëshme që të mos ndalemi së kërkuari drejtësinë për Astritin dhe Astritët e Kosovës.

Postimi i plotë:

“Shumë e rëndë dhe e dhimbshme me i pa Axhen Avni e Tezen Xhemile duke folur për Astritin dhe në përgjithësi për dhembjen e familjes. Por në të njejten kohë guximi dhe qëndrimi tyre sonte është thirrje e zëshme për secilin prej neve të mos ndalemi së kërkuari drejtësinë për Astritin dhe Astritët e Kosoves.”