SHBA tregon forcën tek ‘portat’ e Rusisë

Periskopi.com Lajme

Shtetet e Bashkuara të Amerikës udhëheqin një ndër stërvitjet më të mëdha ushtarake të ndërmarra në portat e Rusisë.

Bëhet fjalë për “Baltop”,një operacion masiv stërvitor me mbi 6 mijë trupa të përfshira, avionë bombardues nuklearë, anije dhe nëndetëse.

Misioni është i thjeshtë; t’i tregohet Moskës se me çfarë do të përballet në rast se i shkon ndërmend ndërhyrja ushtarake në vendet e Balltikut, që së fundmi kanë shprehur shqetësim në NATO në lidhje me deklaratat e mbërritura prej Kremlinit.

 

3 ushqimet e ndaluara në SHBA e që shqiptarët i konsumojnë

Periskopi.com Uncategorized
  1. Kumbulla e verdhë

Fruti i kumbullës me ngjyrë të verdhë të errët, njihet si një frut i ëmbël dhe plot shije që përdoret kryesisht për pordhimin e kompostos në Shqipëri dhe në SHBA si përbërës i tortave të ndryshme. Ky frut gjendet gjerësisht në Francë, shtet i cili zë rreth 70% të prodhimit botërorë të këtij fruti të shëndetshëm.

Kjo lloj kumbulle ka qenë e lejur të konsumohej në SHBA deri në vitin 1996, por për shkak se rritet në një zonë tepër të kufizuar dhe është promovuar si një produkt i cilësisë së lartë dhe i mbrojtur si produkt i origjinës, është thuajse e pamundur që kjo lloj kumbulle të gjendet për t’u konsumuar në SHBA, veçse rasteve të importit.

Në Shqipëri kjo kumbull rritet dendur, kryesisht në zonat kodrinore pranë Ultësirës Perëndimore dhe praktikisht është lehtësisht e konsumueshme.

  1. Çokollatat “surprizë” me “vezë”

Këto lloj çokollatash janë shumë të njohura e të shitura në Shqipëri dhe botë, përveç SHBA-ve. “Kinder surpriza” ka qenë gjithmonë ilegale në SHBA. Një ligj i vitit 1938 e cilëson ilegale shitjen e ëmbëlsirave që përmbajnë objekte jo ushqyese, kështu që kjo lloj çokollate nuk lejohet në tregun amerikan.

Ndërsa në Shqipëri kjo lloj çokollate është popullore dhe mund të blihet e të konsumohet lirshëm.

  1. Qumështi i pa pasterizuar

 

Qumështi i pa pasterizuar është ai lloj qumështi që nxirret direkt nga thithkat e lopës, i cili është i pa zier me mjetet përkatëse në mënyrë që të eliminohen mikrobet. Ekspertët sugjerojnë që ky lloj qumështi përmban baktere të rrezikshme, kryesisht për fëmijët për shkak se sistemi i tyre imunitarë është më i dobët. Autoritetet ushqimore të SHBAv-e e kanë ndaluar shitjen e tij, ndërsa në Shqipëri mund të gjendet e të konsumohet, kryesisht në zonat rurale.

Gjithsesi në SHBA ekzistojnë një sërë lëvizjesh që synojnë futjen e këtij qumështi në treg, duke e shoqëruar me paralajmërimet dhe etiketat përkatëse.

Trump ‘godet’ klimën, bota reagon kundër SHBA’së

Periskopi.com Lajme

Bashkimi Evropian dhe Rusia kanë reaguar për tërheqjen e Shteteve të Bashkuara të Amerikës nga marrëveshja për ndryshimet klimaterike të arritur në Paris.

Beteja ndaj ndryshimeve klimaterike sot është më e rëndësishme se dje dhe Kina e Bashkimi Evropian janë në të njëjtën linjë për të gjetur një zgjidhje të përbashkët, transmeton Periskopi

Deklarata është bërë nga presidenti i Komisionit Evropian Zhan Klod Junker në hapje të samitit të biznesit Kinë – BE. Junker theksoi rëndësinë e një implementimi të plotë të marrëveshjes së Parisit dhe pohoi se linja e përbashkët e BE dhe Kinës është një mesazh i qartë për botën: Nuk do të ketë hapa prapa nga marrëveshja e Parisit.

Por dhe Moska ka reaguar me anë të një deklarate për shtyp duke thënë se është detyruar të pranojë këtë vendim dhe pse me hidhërim.

Kreu i komisionit të çështjeve të jashtme në Dumën ruse Leonid Slatski shtoi se shpresonte që shqetësimet si pasojë e vendimit të Uashingtonit të mos realizoheshin dhe që Rusia dhe Kina të bënin të pamundurën për të përmbushur marrëveshjen./ Periskopi

FBI në kërkim të Faraz në lidhje me SHBA’në dhe Rusinë

Periskopi.com Lajme

FBI po heton Nigel Faraz, një ish udhëheqës i UKIP dhe një nga avokatët kryesorë të Brexit’it, në lidhje me hetimet mbi administratën e presidentit të SHBA’së, Donald Trump dhe marrëdhëniet e tyre me Rusinë, shkruan gazeta britanike Guardian.

Faraz është një “person me interes” në hetimin kundërzbulim amerikan që përpiqet të zbulojë lidhjet e mundshme në mes të Kremlinit dhe fushatës presidenciale të Donald Trump./Periskopi

Kërcënimi i ISIS: Ja objekti radhës, ku do të bëjmë masakër

Periskopi.com Lajme

Pas sulmit të përgjakshëm në Britani, ISIS ka njoftuar masakrën e radhës.

Në një video të shpërndarë në internet, një militant i ISIS bën thirrje për sulme në SHBA.

Ai i kërkon militantëve të Shtetit Islamik që të therin njerëz, ti hedhin nga ndërtesat dhe ti shtypin me makinë.

Disa ditë pas sulmit terrorist me 22 të vdekur në Britani, militantë të ISIS kryen një tjetër masakër në Egjipt, me 29 viktima.

Manchester Arena është arena më e madhe në Europë me një kapacitet prej mbi 21 mijë personash.

Në momentin e shpërthimit ishte mbushur plot me të rinj e të reja për koncertin e këngëtares së njohur Ariana Grande.

Kapiteni i FSK-së shpallet oficeri më i mirë ndërkombëtar në ShBA

Periskopi.com Lajme

Oficeri i Forcës së Sigurisë së Kosovës( FSK-së), Mentor Ibrahimi, pjesëtar i Batalionit të Dytë të Brigadës për Reagim të Shpejtë të FSK-së, u shpall  oficeri më i mirë ndërkombëtar në kursin “ Kapiten Karriere” në Shtetet e Bashkuara të Amerikës.

Kapiten Ibrahimi që nga shtatori i vitit 2016 e deri më 18 maj 2017 ka marrë pjesë në kursin “ Kapiten Karriere” në Shtetet e Bashkuara të Amerikës, Gjenerata 17-1, dhe prej të gjithë oficerëve nga shtete të ndryshme u shpall më i miri.

Kapiten Mentor Ibrahimi gjatë shkollimit të tij në Kursin e Karrierës për Kapiten të Këmbësorisë në Qendrën e Ekselencës (Maneuver Center of Excellence) në Fort Benning të SHBA-ve, ka shfaqur performancë të jashtëzakonshme në fushat, si: Procesi i Vendimmarrjes Ushtarake, Terminologjia dhe Grafika Ushtarake dhe në Doktrinën Amerikane në përgjithësi.

Ndërkaq, pas përfundimit të kursit ,Kapiten Karriere”, kapiteni Mentor Ibrahimi shpallet studenti më i mirë ndërkombëtar, me ç ‘rast nga komandanti i kursit gjeneral major Eric Wesley , si shenjë mirënjohjeje për arritje të jashtëzakonshme, i dhurohet libri me përmbajtje ushtarake “Fjalë për luftëtarët”.

Koreja e Veriut kërcënon se do ta bëjë ‘shkrumb e hi’ Shtëpinë e Bardhë

Periskopi.com Lajme

Mediat shtetërore të Koresë së Veriut, botuan një deklaratë prej 2,000 fjalësh ku dënonin ashpër veprimtarinë e ushtrisë amerikane  në gadishullin Korean dhe përpjekjet e CIA-s për të vrarë Kim Jong-un.

Komentatori ushtarak i Koresë së Veriut deklaroi se Shtëpia e Bardhë do të “bëhej shkrumb  e hi” pasi pohoi se SHBA-ja po planifikonte të shkatërronte Phenianin(kryeqytetin e Koresë së Veriut).

330,000 ushtarë amerikanë morën pjesë në stërvitjet ushtarake të projektuara  për të provuar një “luftë të madhe” me vendin tonë”, pretendoi artikulli, shkruan syri.net. Paralajmërimi i shtetit diktatorial përfundoi me kërcënimet se Koreja e Veriut “do të hakmerret” dhe premtonte se “historia e krimeve të imperialistëve amerikanë do të përfundojë”.

Pak dite me pare, diktatori i Koresë së Veriut ka vizituar një nga bazat me të fuqishme ushtarake në kufi me Korenë e Jugut, gjatë të cilës urdhëroi ushtrinë e tij të jetë “gati për luftë”.

Kim Jong-un inspektoi njësitë ushtarakë në ishujt Jangjae dhe Mu, që ndodhet shumë pranë ishullit koreanojugor , Yeongpyeong.

Media shtetërore “KCNA” tha se Kim shikoi edhe ishullin e Yeongpyeong, të cilIn Koreja e Veriut e bombardoi në vitin 2010.

Greg Delawie

ShBA paralajmëron Qeverinë e Kosovës: Pa përfunduar obligimet s’ka zgjedhje

Periskopi.com Lajme

Ambasada e Shteteve të Bashkuara të Amerikës në Prishtinë përmend një varg detyrimesh të koalicionit qeverisës, që duhet të përmbyllen, si përgjigje ndaj zërave që mund të ketë së shpejti zgjedhje të parakohshme në vend.

Zëdhënësja e ambasadës së SHBA-ve në Prishtinë, J. Michelle Schohn, beson se udhëheqësit e Kosovës duhet të përqendrohen në arritjen e qëllimeve kryesore.

“Siç janë përmirësimi i sundimit të ligjit, lehtësimi i investimeve vendore dhe të huaja, ratifikimi i Marrëveshjes për Demarkacionin e Kufirit, miratimi i Ligjit për Liritë Fetare, dhe normalizimi i marrëdhënieve me Serbinë përmes Dialogut, duke përfshirë këtu edhe fillimin e procesit për Asociacionin e Komunave Serbe,” është shprehur ajo për arbresh.info.

Sipas saj, këto çështje “duhet të adresohen nga ky Kuvend dhe nga kjo Qeveri pa vonesë shtesë.”

Të hënën, Qeveria e Kosovës ka paraparë të procedojë në Kuvendin e Kosovës për ratifikim Marrëveshjen që përcakton vijën kufitare me Malin e Zi.

Derisa ekzistojnë kundërshtime edhe nga deputetë të koalicionit, ata të opozitës kanë paralajmëruar veprime të ndryshme për ta parandaluar ratifikimin e kësaj marrëveshjeje.

Projektligji për ndryshimin dhe plotësimin e Ligjit për lirinë fetare në Kosovë më gjashtë tetor është proceduar në Kuvendin e Kosovës, dhe ende nuk është përcjellur për votim në seancë plenare.

Po ashtu, në ekzekutiv ende nuk kanë filluar me hartimin e statutit si procedurë fillestare për themelimin e Asociacionit të Komunave Serbe.

Greg Delawie

Delawie: SHBA-ja, kundër bisedave të pakujdesshme për bashkim

Periskopi.com Lajme

Ambasadori i SHBA-së në Kosovë, Greg Delawie, i ka cilësuar deklaratat për mundësinë e bashkimit të Kosovës dhe Shqipërisë, si të “pakujdesshme”.

“Qeveria amerikane e mbështet sovranitetin edhe të Kosovës edhe të Shqipërisë. Ne jemi kundër bisedave të pakujdesshme për bashkim dhe të reagimeve të tepruara ndaj deklaratave të tilla, të cilat minojnë qëndrueshmërinë në rajon”, tha Delawie në një deklaratë për Radion Evropa e Lirë.

Reagimi u bë pas një interviste të kryeministrit të Shqipërisë, Edi Rama, për portalin Politico, në të cilën tha se rruga e hapur drejt integrimeve evropiane dhe perspektiva e qartë janë mënyra e vetme që Ballkani të jetë i qetë “por nëse kjo shpresë, perspektivë, mungon atëherë unionet e vogla mund të ndodhin”.

Pas kësaj Presidenti i Kosovës, Hashim Thaçi, i tha Radios Evropa e Lirë se nëse Bashkimi Evropian e mbyll derën për Kosovën, “atëherë të gjithë shqiptarët në rajon do të jetojnë në një hapësirë të vetme”.

Kryeminstri i Serbisë, Aleksandar Vuçiq, u ka bërë thirrje, siç i ka cilësuar, përfaqësuesve politikë të shqiptarëve, që të mos dalin në opinion me deklarata për nevojën që të gjithë shqiptarët e rajonit të krijojnë shtetin e përbashkët, nëse ndalet procesi i integrimeve evropiane, ka transemtuar Beta.

“Ne i lusim, po e përsëris, i lusim që me deklarata të tilla të mos dalin në publik, sepse ato nuk u kontribuojnë marrëdhënieve të mira në rajon dhe as krijimit të atmosferës së bashkëpunimit dhe punës së përbashkët në projekte të rëndësishme”, tha Vuçiq në konferencën për gazetarë në Qeverinë e Serbisë.

Ndërkohë, zëdhënësja e përfaqësueses së lartë të BE-së për siguri dhe politikë të jashtme, Maja Kocijançiq, i tha Radios Evropa e Lirë se “Ballkani Perëndimor ka një perspekitvë të qartë dhe për këtë punohet së bashku me partnerët në rajon, mbi parimet e pajtimit dhe bashkëpunimit rajonal”. (REL)

Tensione në Korenë Veriore: SHBA-të dhe Korea Jugore fillojnë bashkpunimin

Periskopi.com Lajme

Koreja Veriore akuzon SHBA-të për tensionim të situatës, ku një luftë termonukleare mund të fillojë nëçdo moment, në kohën kur qindra trupa Amerikanë filluan ushtrimet ushtarake 11 ditëshe me komshinjtë e tyre Jug-Korean.

Rreth 1,000 trupa Amerikan dhe 500 trupa të tjerë Jug-Korean do të kryejnë një trajnim të quajtur ‘Operation Max Thunder’, në të cilin përfshihen aeroplanmbajtës, avionë luftarak, dhe stervitje ushtarake.

Megjithatë, Korea Veriore thanë se prezenca e trupave Amerikan në gadishullin Korean përbën rrezik për fillimin eventual të ndonjë lufte termonukleare.

Ambasadori Korean konstatoi se: “ Jemi te gatshëm të reagojmë në rast të ndonjë sulmi”.

Kurse Ministri i Jashtme Korean, Han Song-Ryol, ka lajmëruar se: ” Ne do bëjmë teste raketore çdo javë, çdo muaj dhe çdo vit,”

Kto komente vijnë pas deklarimeve të Nënkryetarit Amerikan, Mike Pence ku ndër të tjera tha:” Siç tha edhe Presidenti, është kohë të ndëgjojnë këshillat dhe të i lënë mënjanë programet nukleare, raketat balistike dhe të bashkohet me kombet e tjera.”

SHBA-të dhe Korea Jugore janë duke u munduar që ta bindin edhe shtetin Kinez që të involvohet në kundërshtimin e Koresë Veriore.

Kina, së ciës i është bërë thirrje që të bëj sanksione ekonomike kundër veri-Koreanëve, është partner i ngushtë me Korenë Veriore dhe zyrtarë të lartë Kinez, kanë konstatuar se pavarësisht ngjarjeve të fundit, partneriteti ekonomik mes Kinës dhe Koresë Veriore do të vazhdojë.

Dy persona të vrarë dhe një i plagosur në SHBA

Periskopi.com Lajme

Nga të shtëbnat me armë zjarri në një restoran dy persona janë vrarë dhe një grua është plagosur në qendër të qytetit Tucson në Arizona të SHBA-ve.

Incidenti ka ka ndodhur rreth orës 19:30, sipas orës lokale, pas një përleshje, rrethanat e së cilës ende nuk dihen.

Viktimat thuhet se kishin lidhje familjare, mirëpo sipas zëdhënësit të Departamentit, hetimi tashmë ka nisur.

Policia thotë se është shtënë nga një armë dhe se gruaja është qëlluar në këmbë dhe nuk ka marrë plagë të rënda.

SHBA bombardon ISIS-in në Afganistan me “nënën e të gjitha bombave”

Periskopi.com Lajme

Ushtria e Shteteve të Bashkuara të Amerikës thotë se ka lëshuar bombën GBU-43 në Nangarhar, provincë të Afganistanit, të enjten duke synuar tunelet e Shtetit Islamik.

SHBA thotë se kjo është hera e parë që e ka përdorur këtë bombë, që njihet edhe si “nëna e të gjitha bombave”.

Kjo bombë për herë të parë ishte testuar në vitin 2003, por nuk ishte përdorur kurrë më parë, raporton Reuters.

Kjo bombë peshon rreth 9000 kilogramë.

 

Izraeli e mbështetë sulmin e Amerikës në Siri

Periskopi.com Lajme

Kryeministri  i Izraelit, Benjamin Netanyahu ka deklaruar se ai e mbështetë “mesazhin e fortë dhe të qartë” që është dërguar me sulmin amerikan në Sirinë fqinje.

“Si me fjalë, ashtu edhe me veprime, presidenti amerikan, Donald Trump ka dërguar një mesazh të fortë dhe të qartë sot – se përdorimi dhe përhapja e armëve kimike nuk do të tolerohet”, thuhet në një deklaratë nga zyra e Netanyahut, transmeton Klan Kosova.

“Izraeli e mbështet vendimin e presidentit Trump dhe shpreson se ky mesazh i dërguar pas veprimeve të tmerrshme të regjimit të Assadit do të reflektojë jo vetëm në Damask, por në Teheran edhe më gjerë”, thuhet tutje në këtë deklaratë.

Shikoni si është shkatërruar baza ajrore siriane nga raketat e SHBA

Periskopi.com Lajme

Këto janë imazhet satelitore që tregojnë bazën ajrore siriane që u bombardua nga Shtetet e Bashkuara të Amerikës ditën e sotme.

Baza ajrore e forcave të Presidentit Basha Al Assad u sulmua me 59 raketa Tomahawk dhe shkatërruan në masë të gjerë pista aerodromi, aeroplanë dhe vendet e furnizimit me karburant.

Mediat e huaja raportojnë se baza ajrore Shayrat ishte shkatërruar plotësisht. Burime të Fox News nga Inteligjenca Amerikane thonë se SHBA ka informacione që sulmi me gaz kimik ndaj civilëve sirianë u bë nga avionët që ndodheshin pikërisht në bazën ajrore që u godit.

SHBA e gatshme të ndërmarrë edhe veprime të tjera ndaj Sirisë

Periskopi.com Lajme

Ambasadorja amerikane në OKB, Nikki Haley ka paralajmëruar se SHBA-ja është e përgatitur për të ndërmarrë veprime të mëtejshme kundër Sirisë, por shpreson se një gjë e tillë nuk do të jetë e nevojshme.

Haley ka thënë poashtu se Shtetet e Bashkuara “kanë ndërmarrë një hap shumë të matur mbrëmë”.

 

Putin i tregon botës: Të sulmoni Sirinë përsëri, duhet të kaloni nëpërmjet meje

Periskopi.com Lajme

Luftanija ruse është pozicionuar në mes luftanijeve amerikane dhe pistës që është goditur nga sulmet ajrore të Trump, duke bërë që Putin të bëjë lëvizjen e tij.

Vladimir Putin ka vendosur një luftanije ruse për të mbrojtur bregdetin sirian dhe Assadin nga sulme të tjera ajrore që mund të vine nga Shtetet e Bashkuara të Amerikës, shkruan DailyMail, përcjell Periskopi

Putin sot e quajti veprimin si ‘një akt ilegal agresiv’, si dhe tërhoqi një marrëveshje e cila do të evitonte përplasjen e aeroplanëve rus dhe amerikan mbi Siri, transmeton Periskopi.

Edhe një zyrtar i administratës së Assadit e quajti sulmin si ‘të papërgjegjshëm’ dhe akuzoi Trumpin si ‘naiv’ pasi kishte rënë në grackën e ngritur nga ‘një kampanjë propaganduese falso’ për një masakër. /Periskopi

Britania jep qëndrimin e saj për sulmet amerikane në Siri

Periskopi.com Lajme

Ambasadori i Britanisë së Madhe në Kombet e Bashkuara, Mathew Rycroft në mbledhjen e Këshillit të Sigurimit ka thënë se presidenti i Sirisë, Bashar al-Assad ka qenë i njoftuar se do të përballej me situatën që ngjau mëngjesin e kësaj të premte.

“Assad ka qenë i njoftuar për sulmet e Ushtrisë Amerikane”, ka thënë Rycroft, transmeton Klan Kosova.

Ai ka thënë se operacioni i SHBA ndaj Sirisë ka qenë përgjigje proporcionale me aktet papërshkrueshme që kanë ndodhur viteve të fundit në Siri.

“Pa shtatë vetot e Rusisë në Këshillin e Sigurimit që ka sfiduar anëtarët e tjerë të këtij këshilli, Assad nuk do të përballjes me sanksione dhe drejtësinë”, ka thënë ambasadori britanik në mbledhjen urgjente të thirrur pikërisht për aksionin e SHBA.

Kryeministri rus kërcënon: Sulmi i SHBA-së në Siri çoi në prag të luftës me Rusinë

Periskopi.com Lajme

Kryeministri rus, Dmitry Medvedev, tha se sulmi në bazën ushtarake në Siri është shkelje e ligjit ndërkombëtar dhe atij amerikan, dhe se çoi “në prag të luftës me Rusinë”.

“Në vend të përsëritjes së tyre të vazhdueshme për luftën e përbashkët kundër armikut të përbashkët – Shtetit Islamik, administrata e Trumpit ka treguar se do të luftojë fort kundër qeverisë së zgjedhur në mënyrë të ligjshme në Siri”, tha Medvedev në Facebook.

Medvedev tha se ” mbetjet e mjegullës zgjedhore u shpërndanë” dhe se administrata e re tregoi varësinë e saj ndaj opinioneve të establishmentit në Washington, “të atij që Presidenti i ri e ka kritikuar ashpër”.

Siç tha ai, “kësaj makinerie” ju deshën vetëm dy muaj e gjysëm për të thyer shtyllat zgjedhore të Trumpit.Presidenti amerikan, gjatë natës së fundit ka vendosur që, në përgjigje të një sulmi të armëve kimike në Idlib, të përgjigjet me raketa në caqet ushtarake në Siri.

Aleatët amerikanë e përshëndetën këtë hap, por Rusia e ka dënuar me forcë dhe ka shtuar se bëhet fjalë për agresion kundër një shteti sovran.

Rusia ka pezulluar marrëveshjen me Washington-in mbi komunikimin dhe parandalimin e incidenteve mbi Siri gjatë operacioneve, ndërsa ministri i jashtëm, Sergei Lavrov, la të kuptohet se ngjarja mund të ketë pasoja në marrëdhëniet mes Rusisë dhe Shteteve të Bashkuara.

Gjithashtu, Kremlini njoftoi se ishte në pyetje “sulmi mbi një aleat të Rusisë”.

Kërcënimet nukleare të Koresë, Trump: Jemi gati të ndërhyjmë!

Presidenti amerikan Donald Trump tha këtë të enjte se ai do të jetë i gatshëm për të vepruar në mënyrë të njëanshme për të trajtuar programin bërthamor të Koresë së Veriut, nëse Kina nuk bën asnjë hap për të ndihmuar me këtë çështje.

Periskopi.com Lajme

“Sigurisht që do të isha”, i është përgjigjur Trump gazetarëve, kur pyet a do të ishte i gatshëm të ndërhynte i vetëm në Korenë e Veriut.

“Por, unë mendoj se Kina dëshiron që të bëjë një hap përpara”, citohet presidenti amerikan nga “Reuters”.

SHBA nuk përjashton mundësinë e përgjigjes ushtarake në Siri

Uashingtoni zyrtar nuk përjashton mundësinë e përgjigjes ushtarake ndaj sulmit me gaz helmues, në të cilin humbën jetën një numër i madh civilësh, për të cilin SHBA akuzoi qeverinë siriane, tha një zyrtar i paemëruar i administratës amerikane, transmeton Reuters.

Periskopi.com Lajme

I pyetur nëse opsioni ushtarak është hedhur poshtë si mundësi, zyrtari në fjalë u përgjigj shkurt: “Jo”.