3af1740900000578-0-barack_obama_pictured_with_wife_michelle_daughter_sasha_and_actr-a-10_1480636884759

Obama ndez dritat e Pemës Kombëtare të Krishtlindjeve në Shtëpinë e Bardhë, për herë të fundit (Foto)

Periskopi.com Lajme

Barack Obama ka ndezur Pemën Kombëtare të Krishtlindjeve në Shtëpinë e Bardhë për herë të tetë dhe të fundit si president në natën e së enjtes.

Obama së me gruan Michelle dhe vajzën e tyre më të vogël Sasha, 15, për 94 vjetorin e ndriqimit të Pemës Kombëtare të Krishtlindjeve në elips, park publik që ndodhet në jug të gardhit në Shtëpinë e Bardhë.

Aty mungonte vajza e madhe e tyre, Malia, e cila ka marrë një vit pauzë para se të fillojë Harvardin në vjeshtën tjetër./Periskopi/

3af1961100000578-3992336-image-a-37_1480639519455 3af1bb6700000578-3992336-image-a-6_1480642351275 3af1ebcb00000578-3992336-image-a-2_1480642231636 3af1e92e00000578-3992336-image-a-7_1480642432683 3af1f62400000578-3992336-image-a-25_1480647851724 3af1c12800000578-3992336-image-a-3_1480642326561 3af19d9f00000578-3992336-image-a-35_1480639484624 3af08fb900000578-0-it_was_the_the_eighth_and_final_time_obama_would_take_part_in_th-a-13_1480636895807 3af0990e00000578-0-obama_was_joined_by_michelle_and_their_younger_daughter_sasha_bu-a-12_1480636889481 3af0938600000578-0-the_94th_annual_national_christmas_tree_lighting_took_place_on_t-a-11_1480636887253 3af1740900000578-0-barack_obama_pictured_with_wife_michelle_daughter_sasha_and_actr-a-10_1480636884759 3af1a1f000000578-3992336-image-a-26_1480637548024

Edhe një dizajner refuzon ta veshë zonjën Trump

Njëri nga dizajnerët më në zë të Shteteve të Bashkuara, ka thënë se nuk do ta veshë Zonjën e Parë të Shteteve të Bashkuara, shkruan The Independent, transmeton Klan Kosova.

Periskopi.com Lajme

Tom Ford, i është bashkuar grupit të dizajnerëve që kanë thënë se kurrë nuk do të punojnë me Melania Trump, pavarësisht faktit se ajo kishte qenë një modele.

Fort në një televizion amerikan ka thënë se atij i është kërkuar që të dizajnojë veshje për të disa vjet më parë, mirëpo ka refuzuar.

 

 

obama-best

Obama për marihuanën: Të trajtohet si cigarja e alkooli

Sipas presidentit në largim të Shteteve të Bashkuara, Barack Obama, përdorimi i marijuanës duhet të trajtohet si ai i cigareve apo alkoolit.

Periskopi.com Lajme

Në intervistën e fundit të dhënë për “Rolling Stone”, Obama e përshkruan situatën aktuale në SHBA të paqëndrueshme, me disa shtete që e kanë legalizuar vetëm për qëllime terapeutike marijuanën, të tjera që e kanë dekriminalizuar vetëm për përdorim krijues e disa që vazhdojnë ta ndalojnë atë.

“Kam qenë gjithnjë i bindur se duhet shkurajuar abuzimi me çdo lloj substance dhe nuk jam dikush që beson se legalizimi do të ishte zgjidhja.  Mënyra më inteligjente është ta trajtojmë përdorimin e marihuanës si çështje të shëndetit publik ashtu siç bëjmë me cigaret dhe pijet alkoolike”, tha Obama.

Një opinion të ngjashëm Obama e kishte shprehur edhe më parë, por në intervistën e fundit ai kujtoi se ndryshimi i ligjeve federale mbi marihuanën nuk është një akt që një president mund të bëjë i vetëm.

Sipas tij, klasifikimi i këtyre substancave bëhet në mënyrë legjislative ose përmes Drug Enforcement Administration, agjencia federale që merret me rregullat mbi substancat narkotike.

Trump heq dorë nga bizneset e tij: “Do i përkushtohem presidencës”

Presidenti i zgjedhur, Donald Trump ka deklaruar ditën e sotme se do të heq dorë nga bizneset e tij të pasurive të patundshme për tu përkushtuar në punën e tij të re.

Periskopi.com Lajme

Donald tha se do ta mbajë një konferencë pas 15 ditës për të sqaruar detaje nga puna e tij në Shtëpinë e Bardhë.

“Do të mbajë një konferencë të madhe në New York, bashkë me fëmijët e mi, më 25 dhjetor për të deklaruar faktin se do të largohem plotësisht nga drejtimi i bizneseve të mi dhe do të përqëndrohem plotësisht në punën e presidentit për ta bërë Amerikën sërish madhështore.”- ka thënë ai nëpërmjet një serie postimesh ne Twitter./ Opinion

Të shtëna në SHBA, një i vrarë dhe 9 të plagosur

Atmosferën e festave në New Orleans të Shteteve të Bashkuara të Amerikës e prishen disa të shtëna me armë të cilat i kushtuan jetën një personi dhe plagosën 9 të tjerë.

Periskopi.com Lajme

Askush nuk e di ende përse agresori hapi zjarr në njl nga rrugët më të famshme të qytetit, Bourbon, lagjen historike franceze.

Tashmë policia ka vënë në pranga 2 persona, njëri prej tyre është pjesë e të lënduarve.

Prezenca e policisë në zonë ishte e madhe në kohën e incidentit pasi po zhvillohej një lojë futbolli dhe ata po monitoronin situatën.

“Ajo që ne dimë deri tani është se personat të cilët u kthyen në objektiv të këtij sulmi ishin nga mosha 20 deri në 37 vjeç. Dy femra, tetë meshkuj, njëri prej të cilëve nderroi jetë në spital. Ne nuk kemi informacion të metejshëm mbi atë që ka ndodhur. Zona është më e preferuara për turistët pasi ndodhen lokale dhe dyqane të shumta. Ky është incidenti i dytë që ndodh në më pak se tre vjet. Në qershor të vitit 2014, një studente humbi jetën dhe nëntë persona të tjerë u plagosën rëndë pasi ranë pre e një sulmi me armë zjarri rreth pesë blloqe larg incidentit aktual”, u shpreh Michael Harrison./ Zeri

çifti Obama

Ditët e fundit në Shtëpinë e Bardhë, ja ku do punojë çifti Obama

Pas tetë vitesh në Shtëpinë e Bardhë, President Obama dhe familja e tij së shpejti do të zhvendosen. Por, ku do të shkojnë dhe çfarë do të bëjnë?

Periskopi.com Lajme

Shumica e presidentëve e lënë Washington sapo përfundojnë mandatin e tyre.

Vetëm pasi pasardhësi i tyre të inaugurohet, ata fluturojnë jashtë vendit për të filluar pjesën tjetër të jetës, përcjell Bota sot.

Por, të paktën edhe për 2 vitet e ardhshme, President Obama do të qëndrojë në Washington, derisa vajza e tij, Sasha, të përfundojë shkollën e mesme.

Obama ka bërë shaka në lidhje me tregun e punës, pas 20 janar 2017, duke thënë se duhet të shkojë në LinkedIn dhe të shohë se çfarë vjen’.

Në të vërtetë, ai ndoshta do ta ketë vështirë për një kohë që të ‘gdhendë’ mundësitë e tij.

Së pari, pas një pushimi, President Obama dhe Zonja e Parë Michelle, me siguri do të fillojnë punën e tyre në memoaret apo në libra, për të treguar për kohën e kaluar në Shtëpinë e Bardhë.

Të dy Obama’t ka të ngjarë që të jenë të përfshirë në punë filantropike, mundësisht në bashkëpunim me Fondacionin Obama Barack dhe Qendrën presidenciale.

Dhe, kur ai filloi projektin My Brother’s Keeper, për të rinjtë me ngjyrë, Obama pati deklaruar se do të qëndrojë i përfshirë në këtë edhe pas presidencës. Por, kjo nuk do të jetë e gjitha çfarë ai do të bëjë.

“Unë do të bëj të gjitha punët që kam qenë duke bërë më parë, vetëm për të gjetur mënyra për të ndihmuar njerëzit”, tha Obama për nxënësit vitin e kaluar.

“Të ndihmojmë të rinjtë që të arsimohen dhe të gjejnë punë dhe të përpiqemi që të sjellim biznese në lagje, ku nuk ka biznese”.

Michelle Obama, e cila hoqi dorë nga karriera prej juristeje dhe nga kujdesi shëndetësor kur u zhvendos në Shtëpinë e Bardhë, ka thënë se ka në plan që të jetë e përfshirë në çështje të shërbimit të fokusuar.

Në një editorial të kohëve të fundit, ajo u përqendrua në iniciativën e saj Let Girls Learn, që do të ndihmojë vajzat në gjithë botën që të qëndrojnë në shkollë.

“Pasi kam udhëtuar në botë dhe kam njohur vajza të reja si Zonjë e Parë…I mbaj shpresat dhe ambiciet e tyre kudo që shkoj dhe planifikoj që të vazhdoj punën time në emër të tyre…për pjesën tjetër të jetës sime”, ka shkruar ajo, përcjell Bota sot.

Siç thuhet në faqen e internetit të Fondacionit Barack Obama, “Tetë vjet është vetëm fillimi.

a-406

Vidhen të dhënat personale të personelit të Forcave Detare Amerikane

Periskopi.com Lajme

Janë vjedhur të dhënat personale të 134.386 personave që ushtrojnë detyrën apo kanë ushtruar më parë në Forcat Detare Amerikane.

Në deklaratën me shkrim nga Forcat Detare bëhet me dije se janë zbuluar të dhënat e fshehta nga kompjuteri i një punonjësei të Hewlett- Packard nga e cila flota amerikane merr shërbime.

Në deklaratë thuhet se hetimet kanë treguar se ngjarja ka ndodhur më 22 nëntor.

“Persona të panjohur kanë hyrë në të dhënat sensitive të 134.386 marinarëve tanë aktual apo që kanë punuar më parë, përfshirë këtu të dhënat e identifikimit dhe numrat e sigurimit social”, thuhet në deklaratë.

Donald Trump

Formohet “kabineti i bardhë” i Donald Trump

Opinioni publik amerikan dhe ndërkombëtar është duke pritur publikimin e emrave kyç që do ta përbëjnë kabinetin e ri të Donlad Trump, i cili me një fitore befasuese u zgjodh presidenti i 45-të i SHBA-ve.

Periskopi.com Lajme

Presidenti i zgjedhur amerikan Donald Trump po vazhdon punimet për formimin e kabintetit të tij, raporton Anadolu Agency (AA).

Ndërsa janë bërë të qartë pesë emra që do të marrin pjesë në kabinet, pritet me kurreshtje të shihet së kush do të merr pozitat e departamenteve të rëndësishme, siç është Departamenti i Shtetit.

A do të jetë “racist” dhe “seksist” kabineti i Trump?

Vëmendje tërheq fakti që pesë personat të cilët Trump i ka zgjedhur deri më tani në pozita të rëndësishme janë të gjithë meshkuj dhe të bardhë. Fakti që nuk ka asnjë afro-amerikan dhe asnjë grua në mesin e emrave të shpalosur deri më tani, ka çuar në parashtrimin e pyetjes “A do të jetë ‘racist’ dhe ‘seksist’ kabineti i Trump?”.

Nga ana tjetër, emrat të cilat Trump ka caktuar si bashkëpunëtorë të afërt njihen për fjalët negative kundrejt pakicave, muslimanëve dhe migrantëve të tjerë, gjë që ka gjeneruar shqetësime në mesin e grupeve të lartëpërmendura.

Zv/president konservator

Zv/presidenti i ri dhe krahu i djathtë i Trump, Mike Pence, njihet si konservator i vendosur. Para se të zgjidhej kandidat për zv/president nga ana e Trump, ai ka ushtruar detyrën e guvernatorit të Indiana-s, ndërsa para kësaj kishte përfaqësuar shtetin e Indiana-s në Dhomën e Përfaqësuesve të SHBA-ve.

I shkolluar në fushën e drejtësisë dhe me përvojë pune edhe si prezantues në radio, 57-vjeçari Pence shfaq qëndrim konservator në tema si migrimi, aborti dhe të drejtat e homoseksualëve.

Emërimet e para të larta pas zgjedhjes së Trump u shpalosën nga ekipi i tranzicionit.

Trump vendosi që në detyrën e Shefit të stafit të Shtëpisë së Bardhë ta sjellë kryetarin e Komitetit Nacional republikan Rence Priebus, ndërkohë që si kryekëshilltar strategjik ka caktuar menaxherin e fushatës, Stephen Bannon.

Donald Trump i ka përkufizuar si “liderë të kualifikuar” Priebus dhe Bannon, me të cilët së bashku udhëhoqi fushatën.

44-vjeçari Priebus i cili fitoi besimin e Trump gjatë fushatës parazgjedhore, tërheq vëmendjen si një figurë me përvojë që e njeh prej së afërmi funksionimin e Washingtonit. Priebus, i cili njihet për lidhjet e tij të mira edhe me anëtarët e tjerë shquar të partisë krahas kryetarit të Dhomës së Përfaqësuesve Paul Ryan, prej afërsisht pesë viteve ushtron detyrën e zëdhënësit të partisë.

Priebus do ta udhëheqë kuadrin administrativ të Trump dhe do të jetë përgjegjës për komunikimin mes Shtëpisë së Bardhë dhe Kongresit.

Megjithëse preferenca për Shef të Stafit është pritur pozitivisht veçanërisht nga pjesëtarët e partisë, mbështetja e tij e fuqishme ndaj diskursit të Trump në lidhje me muslimanët dhe migrantët gjatë fushatës, ka shkakutar shqetësime te këto grupe.

Ndërkaq, menaxheri i fushatës i cili u zgjodh kryekëshilltar strategjik i Trump, Stephen Bannon, ka hapur debate madje edhe brenda vetë Partisë Republikane.

I zgjedhur si këshilltar senior nga Trump, Stephen Bannon është figurë pikëpamjeve “raciste” dhe “djathtiste” të të cilit anëtarët e partisë u janë qasur me distancë.

Para se të bëhej menaxher i fushatës parazgjedhore të Trump, Bannon kryesonte kompaninë mediatike Breitbart, e cila ishte në fokusin e kritikave për retorikë ksenofobe dhe të urrejtjes. Me deklaratat e tij jashtë linjës së Partisë Republikane ai kohë pas kohe është përballur me kritika, ndërsa ardhja e tij në këtë detyrë është komentuar si “shqetësuese” nga shumë qarqe në vend.

Në mesin e atyre që kanë kundërshtuar emërimin e Bannon në një pozitë kyçe ka edhe muslimanë amerikanë. Organizata më e madhe muslimane e shoqërisë civile në SHBA, Këshilli për Marrëdhënie Amerikane-Islame (CAIR), ka dënuar caktimin e Bannon-it në detyrë të lartë.

Jeff Sessions – Prokurori i Përgjithshëm

Ndërkaq, emri të cilin Trump e ka menduar për ta sjellë në krye të Departamentit të Drejtësisë është senatori i Alabamas nga Partia Republikane i cili ishte personi i parë që shpalli mbështetjen për të, Jeff Sessions. 69-vjeçari dhe ish-prokurori Sessions, ishte kundër reformave për migrimin derisa ushtronte detyrën në Komitetin e Drejtësisë të Senatit në të cilën gjendej që nga viti 1997.

Në vitet e 80-ta ai kreu detyrën e Prokurorit të Alabamas; në vitin 1986 u emërua si kandidat për gjykatën federale nga presidenti i atëhershëm Ronald Reagan, ndërkohë që Komiteti i Drejtësisë i Senatit i dominuar nga republikanët nuk e pa të përshtatshëm atë për këtë detyrë për shkak të komenteve dhe aktiviteteve të tij raciste. Në vitin 1995 ai u zgjodh prokuror i Alabamas; në zgjedhjet e vitit 1996 u zgjodh senator, ndërsa më vonë mori detyrë në komitetin i cili paraprakisht ia kishte mohuar gjykatën federale.

Mike Pompeo – CIA

Gjithashtu, theksohet se Trump në krye të Agjencisë Qendrore e Inteligjencës të SHBA-ve do ta sjell anëtarin e Kongresit Mike Pompeo.

Pompeo, i cili ka ushtruar detyrën në tre mandate në Komitetin e Inteligjencës pranë Dhomës së Përfaqësuesve, u bë emër që u ngrit në parti pas kritikave të ashpra ndaj kandidates demokratike Hillary Clinton, me detyrën që e mori përsipër gjatë hetimit në lidhje me sulmin e organizuar ndaj Konsullatës Amerikane në Bengazi të Libisë.

Sipas faqes së internetit të përgatitur në emër të tij, 52-vjeçari Pompeo ka mbaruar akademinë ushtarake në West Point me sukses të shkëlqyeshëm, kurse detyrën e kishte nisur si oficer i këmbësorisë. Më vonë Pompeo u nda nga ushtria, për t’u diplomuar në Fakultetin e Drejtësisë në Harvard dhe themeluar “kompani për prodhim pajisjesh, distribuim dhe shërbime”.

Pompeo ka kundërshtuar ashpër marrëveshjen bërthamore të arritur me Iranin, ndërsa është i mendimit se Edward Snowden – ish-analisti i sistemit në Agjencinë Kombëtare të Sigurisë (NSA) i cili ka shpalosur disa aktivitete të përgjimit të institucionit përmes dokumenteve që ka plasuar në media – është tradhtar i kombit dhe duhet ekzekutuar.

Michael Flynn – Këshilltar i Sigurisë Kombëtare

Në postin e Këshilltarit të Sigurisë Kombëtare pritet të ulet pensionisti 57-vjeçar Gjeneral Lejtnant Michael Flynn, i cili mori pjesë në ekipin e afërt të Trump gjatë periudhës së fushatës zgjedhore.

Gjatë fushatës së Trump, Flynn shërbeu si “kryekëshilltar për siguri dhe inteligjencë”, ndërsa njihet si “ushtarë me përvojë” i cili më herët ka qenë edhe në Afganistan dhe Irak.

Fakti që nuk do të ketë nevojë për miratim nga Kongresi në rast të pranimit të detyrës së Flynn, mund ta përshpejtojë procesin e fillimit të detyrës nga gjeneral lejtnant pensionist.

Emri i tij është përmendur edhe për Departamentin e Drejtësisë, ndërkohë që për t’u zgjedhur në këtë detyrë duhet të kalojnë shtatë vite nga pensionimi i tij. Sipas kësaj, Flynn, i cili është pensionuar në vitin 2014, mund të ketë nevojë të presë edhe pesë vite, megjithatë, nëse përkohësisht ndryshohet neni relevant i Kongresit, atëherë mund të hapet rruga që Flynn të zgjidet në krye të këtij departamenti.

Gjatë periudhës së Barack Obamas Flynn kishte ushtruar detyrën e drejtorit të Agjencisë së Mbrotjes dhe Inteligjencës, kurse detyrës punës së tij i kishte dhënë fund në vitin 2014.

Gjeneral Lejtnanti i pensionuar Flynn para një kohe të shkurtër po ashtu kishte shkruar një shkrim në lidhje me kreun e Organizatës Terroriste FETO, Fetullah Gülen.

“Është e palogjikshme që t’i bëjmë obstruksion aleatit tanë në NATO, Turqisë, derisa Washingtoni mashtrohet nga ky burim terrori të maskuar dhe jostabiliteti i vendosur lirshëm në kopshtin tonë të pasmë në Pennsylvania. Sipas Turqisë, Washingtoni është duke strehuar Osama bin Ladenin e Turqisë. Çfarë do të bënim ne sikur pas 11 shtatorit të mësonim se Osama bin Laden jeton në një fshat të bukur të Turqisë dhe në të njëjtën kohë menaxhon 160 shkolla që financohen nga taksapaguesit turq?”, ishte shprehur Flynn në shkrimin e tij.

Emrat e përmendur për kabinetin e ri

Opinioni publik amerikan dhe ndërkombëtar është duke pritur publikimin e emrit të cilit Trump do t’ia dorëzojë politikën e jashtme.

Ende nuk dihet se kush do të jetë në krye të Departamentit të Shtetit që do ta kryesojë diplomacinë amerikane, megjithatë, pohohet se Trump për këtë detyrë e ka menduar kandidatin presidencial të republikanëve në vitin 2012, Mitt Romney, i cili kishte drejtuar kritika të rënda ndaj Trump gjatë fushatës së tij zgjedhore.

Trump dhe Romney u takuan javën e kaluar në klubin e golfit të Trump në New Jersey. Megjithëse në mediumet amerikane zunë vend lajmet se Trump i ka ofruar Romney-t detyrën e Sekretarit të Shtetit, në lidhje me çështjen nuk kishte asnjë deklaratë si nga tabori i Trump-it, njashtu as nga Romney.

Romney kishte akuzuar Trump-in për mashtrim dhe dredhi dhe u kishte bërë thirrje republikanëve që të mos e votojnë atë. Ndërkaq, pasi fitores në zgjedhje, Romney thirri në telefon Trump-in dhe e uroi atë për fitoren.

Trump e kishte cilësuar Romney-n si “humbës”. Ai kishte thënë se Romney e ka përgjëruar atë për mbështetje, ka zhvilluar fushatë shumë të dobët zgjedhore dhe se ka humbur “si qen”.

Mes viteve 2003 dhe 2007 Romney kishte ushtruar detyrën e guvernatorit të Massachusetts-it. Në vitin 2012 ai ishte kandidat presidencial në radhët e Partisë Republikane, mirëpo fitimtari i zgjedhjeve doli Barack Obama.

Një tjetër pikë që tërheq vëmendjen është janë divergjencat në pikëpamjet e tyre sa i përket politikës së jashtme. Gjatë dhe pas fushatës së tij, Trump shprehu gatishmërinë e tij për zhvillimin e marrëdhënieve me Rusinë; ndërkaq, Romney e kishte shpallur Rusinë armik të SHBA-ve.

James Mattis – Departamenti i Mbrojtjes

Donald Trump mendon që në funksionin e Sekretarit të Mbrojtjes ta sjellë gjeneralin e pensionuar James Mattis.

Në deklaratën në rrjetet sociale, Trump njoftoi se në pozitën e Sekretarit të Mbrojtjes e ka menduar gjeneralin e pensionuar James Mattis, të cilin e cilësoi si “shumë efikas” dhe “gjeneral i vërtetë”.

Gjatë karrierës së tij 44-vjeçare, James Mattis kishte rol të rëndësishëm në okupimin amerikan të Afganistanit dhe Irakut. Ai kishte udhëhequr luftimet e përgjakshme në Falluxha. Sipas lajmit në CNN, Mattis kishte nxitur reagime gjatë fjalimit të tij në adresë të ushtarëve në Sand Diego në vitin 2005, me ç’rast ishte shprehur se “Është zbavitëse të hapësh zjarr ndaj disa njerëzve”.

Ben Carson – Departamenti i Banimit dhe Zhvillimit Urban

Trump ka deklaruar se në krye të detyrës së Sekretarit të Banimit dhe Zhvillimit Urban e ka menduar Ben Carson-in, të cilin e njeh nga afër dhe e ka cilësuar si “të talentuar”.

Ndërkaq, thuhet se Carson, emri i të cilit është përmendur edhe për funksione të tjera në kabinet, nuk e ka pritur aq pozitivisht detyrën.

Në një deklaratë për Washington Post, Carson ka thënë se preferon të punojë jo brenda, por jashtë kabinetit.

Nëse pranon ofertën, Carson do të jetë afro-amerikani i parë në kabinetin e Donald Trump.

Neurokirurgu 65-vjeçar dhe kandidati në zgjedhjet preliminare në Partinë Republikane Carson, në muajin mars i dha fund kandidaturës së tij dhe shpalosi mbështetjen e tij për Trump.

Izrael

Ministrave izraelitë u ndalohet të flasin me Donald Trumpin, pa leje paraprake

Kryeministri izraelit Benjamin Netanyahu u ka thënë anëtarëve të qeverisë së tij se ata nuk janë të lejuar për të kontaktuar presidentin e zgjedhur të Shteteve të Bashkuara të Amerikës, Donald Trump ose administratën e tij, pa kërkuar leje paraprake.

Periskopi.com Lajme

Siç shkruajnë mediat e huaja, përcjell Telegrafi, në një letër për të gjithë ministrat nga sekretari i kabinetit Tzachi Braverman thuhet se çdo përpjekje për të folur për ekipin e Trump duhet të bëhet përmes kanaleve zyrtare të zyrës së Kryeministrit apo ambasadës së Izraelit.

Ky veprim vjen pas disa deklaratave publike nga ministrat e qeverisë izraelite rreth zgjedhjes së Trumpit më 8 nëntor.

Të shtunën, një letër e hapur nga ministri i krahut të djathtë të Agrikulturës, Uri Ariel, drejtuar Steve Bannon, këshilltarit të ri të Trump u shfaq në webfaqen e Breitbart. Ai falënderoi redaktorin Bannon për qëndrimin e tij rreth marrëveshjes bërthamore, si dhe për krijimin e një zyre të Breitbart në Jerusalem.

Ndërsa nga Breitbart e kanë quajtur atë një “mik të popullit hebre” dhe “mbrojtës të Izraelit”, në të kaluarën, Bannon është akuzuar për fanatizëm dhe antisemitizëm nga shumë grupe të të drejtave, të cilët kanë bërë thirrje që emërimi i tij të anulohet. Por Bannon ka mohuar pohime të tilla.

Netanyahu uroi Trumpin për zgjedhjen e tij dy javë më parë, por paralajmëroi qeverinë e tij të koalicionit për të mos folur publikisht për pikëpamjet e tyre mbi presidentin e ri të SHBA-ve, pasi ministri i Arsimit Naftali Bennett tha se fitorja e Trump do të thotë se “epoka e një shteti palestinez” kishte përfunduar.

Greg Delawie

Intervistë ekskluzive: Delawie thotë se ShBA nuk ndryshon politikën ndaj Kosovës as me Trumpin

Ambasadori i Shteteve të Bashkuara të Amerikës në Kosovë, Greg Delawie, në një intervistë ekskluzive për Periskopi.com flet për vdekjen e Astrit Deharit, për zgjedhjet në ShBA dhe ndryshimin e mundshëm të marrëdhëniet mes këtyre dy vendeve pas zgjedhjes së Donald Trump si president, flet për zgjedhjet e parakohshme në Kosovë dhe shumë të tjera.

Shpend Gudaqi Intervista

Gjatë intervistës ka thënë se vdekjet në mbajtje janë gjithmonë shqetësuese dhe se mirëpresin përfshirjen e vëzhguesve të pavarur në rastin e Astrit Deharit.

Thotë se takohen me secilin subjekt politik në Kosovë, por që nuk preferojnë dhunën dhe nuk takohen me individë që ushtrojnë atë apo promovojnë.

Delawie për Periskopi.com thotë se politika e ShBA-së lidhur me Kosovën nuk pret të ndryshoj pas zgjedhjet se Trumpit.

Ka folur edhe zgjedhjet e parakohshme në Kosovë që po diskutohen që disa kohë, e Delawie thotë se pavarësisht kur do mbahen, Qeveria nuk duhet ndalur së punuari.

Greg Delawie

Periskopi: Kemi hyrë në javën e tretë dhe mospajtimet për rastin e aktivistit të VV-së, Astrit Dehari, që vdiq në Qendrën e Paraburgimit në Prizren vazhdojnë ende. U kontestua edhe rezultati i autopsisë; u kërkua edhe një hetim ndërkombëtar nga Ambasada Britanike, por s’ka ende përgjigje. Si e shihni ju zoti Delawie zgjidhjen e kësaj situate?

Delawie: Ambasada ka mirëpritur përfshirjen e vëzhguesve të pavarur në hetim nga Ministria e Drejtësisë që nga fillimi. Vdekjet në mbajtje janë gjithmonë shqetësuese dhe ne jemi të inkurajuar nga fakti se Ministria e Drejtësisë është duke i adresuar çështjet që kanë dalë në pah nga ky rast në mënyrë që të parandalohen tragjeditë në të ardhmen.

Periskopi: A mban ambasada amerikane kontakte me Lëvizjen Vetëvendosje – dhe çfarë bashkëpunimi ka?

Delawie: Stafi nga Ambasada takohet me çdo parti politike në Kosovë për të diskutuar çështje të shumëllojshme lidhur me politikat dhe prioritetet. Sidoqoftë, ne nuk takohemi me individë që marrin pjesë në dhunë apo e promovojnë atë si mjet për të bërë deklaratë politike, apo me ata që janë paditur apo dënuar për korrupsion. Qëndrimi ynë lidhur me këto dy çështje ka qenë shumë i qartë.

Periskopi: Përfliten shume zgjedhjet e parakohshme si mënyrë e të dalurit nga papajtueshmëria e madhe politike për çështje të ndryshme në Kosovë? A mendoni ju zoti Delawie që duhet shkuar në zgjedhje?

Delawie: Diskutimet lidhur me zgjedhjet e parakohshme nuk duhet të shpërqendrojnë nga puna e rëndësishme që qeveria duhet të vazhdojë të bëjë lidhur me çështjet për të cilat brengosen njerëzit e Kosovës, siç janë miratimi i një buxheti të qëndrueshëm, punësimi i profesionistëve të kualifikuar për pozita kritike në qeveri, zhvillimi i hetimeve për korrupsion dhe keqpërdorim të detyrës zyrtare, dhe të siguruarit që të gjithë qytetarët e Kosovës, përfshirë pakicat, kanë qasje në arsimim, kujdes shëndetësor dhe shërbime tjera sociale cilësore. Poashtu, kjo qeveri duhet të mbajë përqendrimin e saj në zhvillimin e ekonomisë së Kosovës, tërheqjen e investimeve të sektorit privat dhe rritjen e punësimit, dhe përparimin drejt integrimit evropian, duke përfshirë edhe kualifikimin për liberalizimin e vizave.

Periskopi:  Jemi në muajt e fundit të vitit; si e vlerësoni ju angazhimin e Qeverisë gjatë këtij viti? A mendoni se Kosova ka shënuar ndonjë progres, veçanërisht në ekonomi kur dihet se papunësia mbetet problemi më i madh i kosovarëve?

Delawie: Që nga pavarësia Kosova ka bërë përparim të dukshëm në vendosjen dhe zhvillimin e politikave dhe legjislacionit për tregun e lirë, dhe në përmirësimin e ambientit për afarizëm, siç edhe kemi parë në raportin e fundit të Bankës Botërore për Bërje të Biznesit. Qeveria e Kosovës poashtu ka zbatuar një pako të re fiskale për të nxitur zhvillimin ekonomik, për të tërhequr investime nga jashtë, dhe për të rritur të hyrat. Këto përpjekje duhet të vazhdojnë së bashku me përkushtimin e vazhdueshëm ndaj luftës kundër korrupsionit dhe ndaj adresimit të çështjeve tjera që e frenojnë rritjen ekonomike të Kosovës.

Periskopi: Një kërkesë e ambasadës amerikane dhe Zyrës së Bashkimit Evropian në Kosovë për luftimin e krimit dhe korrupsionit është përsëritur disa herë. Ndërkohë, raportet ndërkombëtare gjejnë se këto dukuri ende mbetën në nivel shqetësues; A mendoni se është bërë mjaftueshëm në luftimin e krimit e korrupsionit, veçanërisht në nivelet e larta institucionale?

Delawie: Kam qenë shumë i qartë në pikëpamjen time se korrupsioni është duke e mbajtur Kosovën prapa, dhe sigurisht se duhet bërë më shumë punë. Korporata e Sfidës së Mijëvjeçarit ka ulur së fundi notën për Kosovën lidhur me kriterin e saj për Kontrollin e Korrupsionit. Prapë se prapë, ka pasur përparim në disa fusha të rëndësishme. Disa deputetë dhe zyrtarë të tjerë që janë paditur për korrupsion kanë dhënë dorëheqje, prokurimi elektronik është duke ecur përpara në qeveri, dhe Qeveria e Kosovës është pajtuar që të punojë me Ambasadën e Mbretërisë së Bashkuar për të siguruar që shërbyesit civilë të lartë punësohen në mënyrë transparente dhe duke u bazuar në merita. Ne e inkurajojmë qeverinë dhe shoqërinë civile që të vazhdojnë të shtyjnë përpara këtë çështje, dhe që t’i kapitalizojnë këto suksese. Poashtu, është shumë e rëndësishme që të mbahet përparimi në fushat ku Kosova ka pasur të arritura të vërteta siç janë reformat lidhur me menaxhimin dhe llogaridhënien në Agjencinë e Doganave.

Periskopi: Donald Trump së shpejti do të jetë edhe zyrtarisht president i Shteteve të Bashkuara të Amerikës; shumë kosovarë druajnë nga një ndërrim qasjeje e mundshme e SHBA-së ndaj Kosovës, marrë parasysh raportet e mira që kanë kultivuar dy shtetet. A ekziston mundësia e ndryshimit të qasjes amerikane në raport me Kosovën?

Delawie: Politika e SHBA-ve lidhur me Kosovën ka qenë shumë konsistente gjatë tri qeverive të fundit, qoftë kur në Shtëpinë e Bardhë është një Demokrat apo një Republikan. Nuk shohim asnjë arsye që të presim që kjo të ndryshojë.

 

Ambasada amerikane ne Prishtine

Njoftim i Ambasadës Amerikane – në çfarë rasti mund të merrni vizën në Prishtinë

“S’ka më udhëtim për viza deri në Shkup!”. Kështu njofton Ambasada e SHBA’së në Prishtinë

Periskopi.com Lajme

Ambasada Amerikane në Prishtinë njofton se për vazhdimin e vizave nuk do të ketë më nevojë të udhëtoni deri në Shkup, por këtë mund ta bëni tani edhe në Prishtinë.

Ambasada Amerikane njofton se në qoftë se viza e juaj është ende e vlefshme ose e skaduar jo më shumë se 48 muaj, ju mund të aplikoni për ta ripërtërirë atë në Zyrën e Ambasadës së SHBA’së në Prishtinë.

Krejt çka duhet, është të plotësoni aplikacionin në faqen e internetit “DS-160” dhe pastaj të aranzhoni një takim për në Ambasadë, ku ju nevojitet të keni dokumentet e kërkuara bashkë me pagesën e aplikimit.

“Shtetasit e Kosovës që posedojnë vizat B1/B2, C, D, C1/D, I, F, M, O, ose J (ende të vlefshme ose të skaduara jo më shumë se 48 muaj më parë), apo vizat E, H, L, P, ose R (ende valide ose të skaduar jo më shumë se 12 muaj më parë), dhe të cilat kanë dhënë një seri të plotë të shenjave të gishtërinjve, janë legjitim për Programin e Ri-dhënies së Vizave.

Aplikuesit duhet të jenë në Kosovë në momentin që aplikojnë. Nëse keni vizë valide, nuk duhet të prisni derisa ajo të skadojë para se të aplikoni për një vizë të re.

Ambasada njofton se për këtë nuk do të ketë tarifë shtesë, por aplikantët duhet të paguajnë tarifën e rregullt MRV, e cila varet nga lloji i vozës që aplikoni.

Këto pagesa që bëhen përmes bankave lokale nuk pranohen në rastet e përpunuara në Prishtinë. Aplikantët duhet të paguajnë sistemin konsullor në Prishtinë, ndërsa zyrtari Konsullor rezervon të drejtën të kërkojë që çdo aplikant të jetë i pranishëm personalisht.

Arma surprizë e Donald Trump

Donald TrumpMjaft me ulërima dhe deklarata të fortë, asnjë polemikë. Por “memecëria” e tij fsheh në vetvete një strategji. Me një surprizë në fund.

Nga Paolo Guzzanti, Il Giornale Opinione

Presidenti i 45-të amerikan nuk bërtet më, nuk kërcënon më Hillaryn apo të tjerë rivalë, nuk thotë asnjë fjalë jashtë vendi.

Donald Trump ka ndryshuar totalisht dhe bie në sy heshtja e tij, një heshtje që fsheh në vetvete një strategji. Shumë i qetë për shtypin amerikan që merret me të, ose të paktën shtypin liberal si Nju Jork Times. Nuk është më ai fëmija i ç’ekuilibruar që thyen diçka apo shkakton rrëmujë. Në fakt ai po shkakton shumë rrëmujë dhe diskutime, por këtë radhë me heshtjen e tij. Në kundërshtim me zakonet amerikane: kur një kandidat fiton, në pritje për të marrë zyrën presidenciale, komenton dhe prezanton njerëzit që do qeverisin me të. Por jo Donald Trump.

Kur presidenti i ri i zgjedhur shkon në Shtëpinë e Bardhë në Uashington për ndërrimin e postit me të vjetrin ndodh zakonisht një ceremoni bashkuese. Presidenti Obama pikërisht dje ka kujtuar harmoninë patriotike kur ndërroi vendet me George Bush. Ishte një skenë popullore dhe aristokratike njëkohësisht. Një shkëmbim rolesh me përulësi dhe dolli.

Kështu duhet të shkojë edhe këtë radhë normalisht, por shumë njerëz kanë dyshime se Trump do të thyejë edhe një tjetër zakon të “politikisht korrekt”, duke ndryshuar stafetën tradicionale.

Përse do të donte ose duhet ta bënte? Për të pagëzuar në mënyrë demonstrative, qoftë edhe simbolikisht një procedurë të re dhe realiste që kujton paksa kohën e Napoleonit i cili në ditën e kurorëzimit perandorak ia mori me dhunë kurorën Papës dhe e vuri në kokë duke bërtitur “Zoti ma dha këtë kurorë dhe do ketë telashe për atë që prek”.

Trump mund ta bëjë shumë mirë rolin e Napoleonit rebel. Ka edhe disa si p.sh. Uashington Post, që zbulon se Trump ka përdorur emrin si kandidat për president për të regjistruar 8 shoqëri të mëdha hoteliere në Arabinë Saudite.

Disa gazetarë që ishin në një takim të Trump në mes të gushtit kujtojnë se ai tha “Sauditët blejnë nga unë shtëpi dhe apartamente luksozë dhe paguajnë rreth 50 milionë dollarë për to. A duhet të më vijë keq? As që e mendoj!”.

Mbiemri Trump si brand reklamues është përdorur edhe në Turqi, në Stamboll, ku një ndërtues turk i paguan qira Trumpit për “Kullat Trump të Stambollit”. Vetëm nga kjo Trump ka marrë 10 mln dollarë në vitin 2014.

Këto fakte hapin vazhdimisht çështjen e konfliktit të interesit, por me ligj askujt nuk i ndalohet të shfrytëzojë emrin e  tij për të bërë biznes. Gjëja do të ndryshonte nëse Presidenti i ri do të vijonte të shiste me emrin e tij pasi të hyntë në zyrë. Lidhur me çështjen e dy muajve tranzitorë dhe komentet politike të Obamës me Trump, ka pasur shumë vëmendje.

Çfarë thotë Obama? Presidenti në fuqi ka folur nga Peruja ku është në një vizitë zyrtare. Ai ka folur lidhur me kodin e etikës: Obama nuk do të komentojë deklaratat e Trump pasi do të shkelte Kushtetutën. Fjalë të thëna qartë, por edhe shumë elastike. Si do të sillet Obama kur Trump  të marrë detyrën? “Do ta lë të qetë. Por nëse do të gjendem përballë një situatë që përfshin vlerat dhe traditat amerikane, atëherë do ta konsiderojë si detyrën time të mbroj idealet dhe traditat e vendit”, tha Obama.

Trump hesht dhe me heshtjen e tij shqetëson këdo, por për Douglas Brinkley, historian në Rice University, Trump e ka çdo gjë të qartë: Ai po bën detyrat dhe do të prezantohet në 20 janar me “qeverinë në xhep”, duke qenë më i shpejtë se çdo paraardhës i tij. Por në këtë shpejtësi të heshtur fshihet gjithë simbolika e mesazhit të tij duke lënë një mesazh të qartë për këdo: Bëhet siç them unë dhe pikë! Kështu që nuk u paraqet zgjedhësve kush janë njerëzit e tij, dhe vijon drejt rrugën.

Përgititi pë gazetën TemA, Amarildo Lumani.

Jurgen Klinsmann, coach of team USA, reacts during the friendly match France against USA at the Stade de France in Paris, France on November 11th, 2011.

Shkarkohet Jurgen Klinsman

Është shkarkuar Jurgen Klinsman si trajner i ekipit të kombëtares të SHBA-së.

Periskopi.com Sporti

Federata e futbollit amerikan ka marrë vendim të shkarkoj legjendën gjermane pas rezultateve të dobëta. Ata e kanë falënderuar për bashkëpunimin e tij dhe punën e bërë

Sot, ne kemi marrë një vendim shumë të vështirë, për të prishur kontratën e trajnerit Jurgen Klinsmann”, ka thënë Gulati.

“Ne duam të falënderojmë Jurgenin për punën e tij të vështirë dhe përkushtimin gjatë këtyre pesë viteve të fundit”, përcjell Telegrafi.

Ndryshe, gjermani ka qenë në krye të ShBA-ve që nga viti 2011, dhe ka një statistikë prej 55 fitore, 27 barazime dhe 16 humbje.

.

iphone-se-iphone-6s-iphone-6s-plus-hero

Apple me plane për prodhimin e iPhone në SHBA

iPhone nga Apple prodhohen jashtë SHBA-ve dhe kompania tani është duke shqyrtuar mundësinë e prodhimit të këtyre pajisjeve në vendin e saj.

Periskopi.com Tech/Auto

Pasi që presidenti i ri do të jetë Donald Trump, mund të ketë ndryshime se si trajtohen kompanitë që prodhojnë produkte në anën tjetër të oqeanit.

Sipas një raporti të fundit thuhet se Apple ka biseduar me dy partnerët më të mëdhenjë të prodhimit, Foxconn dhe Pegatron për të konsideruar mundësinë e zhvendosjes së prodhimit të iPhone në SHBA.

Për momentin, iPhone të Apple prodhohen në Kinë dhe nëse Donald Trump bën atë që ka thënë para zgjedhjeve, Apple do të mund të detyrohet të zhvendos prodhimin e iPhone-ëve për në Amerikë.

Në rast se Apple fillon të prodhojë iPhone në SHBA, shpenzimet e prodhimit të pajisjeve mund të rriten dhe në këtë mënyrë, shpenzimet do të mund të rriten  edhe për konsumatorët.

avionii

SHBA: Rrëzohet avioni, dyshohet se ka të vdekur! (VIDEO)

Një aeroplan i tipit “Piper PA 31” është rrëzuar në qytetin Elko në Nevada të SHBA. NBC raporton se ka pasur të paktën 4 persona në bord.

Periskopi.com Lajme

Ende nuk dihen shkaqet e rrëzimit të aeroplanit në Nevada, mirëpo banorët e zonës janë evakuuar.

Dëshmitarët thonë se aeroplani u rrëzua në një parking, ku automjetet e parkuara shpërthyen nga rrëzimi i tij.

Shërbimet e zjarrfikësve dhe ambulanca tashmë kanë arritur në vendin e ngjarjes.

Këto janë disa nga pamjet nga vendi i ngjarjes:

Arma më e fuqishme e historisë është valixhja e zezë e Presidentit të SHBA-ve (Foto)

Valixhja nukleare që ndjek gjithmonë Presidentin e Shteteve të Bashkuara të Amerikës është arma më e fuqishme e të të gjitha kohërave. Ja çfarë përmban ajo dhe si mund ta shkaktojë fundin e botës.

Periskopi.com Lajme

Quhet Nuclear Football dhe është valixhja më e rrezikshme në botë. Kjo në foto është një versioni i disa viteve më parë e ekspozuar në Smithsonian National Museum of American History.

Në ditët e ardhshme Donald Trump do të nisë një proces tranzicioni që do të përfundojë më 20 janar të vitit të ardhshëm duke hyrë zyrtarisht në Shtëpinë e Bardhë.

Ndër fazat më të rëndësishme dhe delikate të këtij tranzicioni janë edhe mbledhjet me përgjegjësit ushtarakë, të inteligjencës dhe të shërbimeve sekrete që do ti shpjegojnë presidentit të sapozgjedhur se cilat janë fuqitë që po merr në duart e tij.

Sekretet e sekreteve

Përmbajtjen e këtyre takimeve, sigurisht që mund vetëm ta imagjinojmë. Por nga aq pak sa është treguar i ngjan një drame filmi: Trump do të zbulojë se cilat janë operacionet e fshehta që qeveria amerikane po i çon përpara, ku dhe si janë përdorur dronet, cilat instrumente përdor National Security Agency (NSA) për të përgjuar çdo lloj komunikimi në botë, cilat janë betejat elektronike në zhvillim kundër armiqve të SHBA-së në infrastrukturën informatike.

Nëse do të dëshironte, Tramp mund të njohë emrat e dhjetëra agjentëve të paguar nga CIA jashtë territorit amerikan, si dhe teknikat e përgjimit.

Ai do të mësojë operacionet e fshehta të CIA-s për të ndryshuar rrjedhshmërinë e ngjarjeve jashtë vendit, pa qenë nevoja që dora e Shteteve të Bashkuara të Amerikës të jetë e dukshme.

Për momentin ka dhjetëra operacione të tilla, disa prej tyre lejojnë zhvillimin e operacioneve antiterrorizëm – edhe me viktima – në disa vende të ndryshme.

 

Më pas janë çështjet administrative: Presidenti do të informohet për grupet e disidentëve jashtë të mbështetur nga qeveria amerikane dhe që luftojnë kundër diktatorëve dhe terroristëve.

Valixhja

Mbledhja e fundit, ajo më e rëndësishmja, për sigurinë e vendit dhe të gjithë botës, i përket arsenalit nuklear të Shteteve të Bashkuara dhe planeve relativë për ndonjë luftë të mundshme atomike.

Në fakt, vetëm Presidenti është i autorizuar në urdhërimin e përdorimit të armëve nukleare. Konsensusi vjen pas aktivizimit të kodeve speciale dhe sipas rregullave të valixhes të quajtur Football.

2

Bëhet fjalë për valixhen e famshme me lëkurë të zezë që e ndjek presidentin në çdo lëvizje dhe që ruhet nga një skuadër me 5 anëtarë që vijnë nga njësi të ndryshme të ushtrisë amerikane.

Valixhja nukleare transportohet nga një zyrtar që e njeh në perfeksion procedurën që duhet ndjekur në rast të një sulmi atomik.

Valixhja (në të djathtë) është në përdorim që në kohët e Dwight D. Eisenhower (President nga 1953 deri në 1961), por vetëm nga kriza e raketave më Kubën (1962), nën presidencën e John F. Kennedy, e ndjek Presidentin kudo.

Butoni i kuq? Mos të tallemi

Përmbajtja e valixhes u bë e njohur në vitin 1980 nga Bill Guley, në atë kohë drejtor i zyrës ushtarake të Shtëpisë së Bardhë.

Nëse mendoni se brenda saj ka një buton të kuq për të nisur raketat bërthamore, po gaboheni rëndë.

Valixhja mban kryesisht…letra.

Dokumenti më i rëndësishëm është Black Book, një manual i vërtetë i luftës atomike me 75 faqe, me përshkrimin e çdo objektivi të mundshëm, të vlerave strategjike sipas skenarëve të ndryshëm dhe viktimat që një sulm eventual mund të shkaktojë. Në shumicën e rasteve, miliona njerëz.

Dy fashikuj të tjerë i përmbajnë një listë me vendet e sigurta ku mund të transferohet Presidenti në rastin e një sulmi bërthamor dhe procedurat radiotelevizive të emergjencës për të folur me Kombin.

Valixhja kushton 20 kg (ka një bazë alumini) dhe transportohet nga ushtarakë që kanë një trajnim special për të ndihmuar Presidentin për të dhënë urdhërimin e lëshimit të raketave.

Përmban edhe një telefon që përdoret kur Presidenti ndodhet në udhëtim: ndihmon për tu vënë në kontakt përmes një linje të sigurtë në rrugë satelitore me National Military Command Center (NMCC), qendër ushtarake amerikane që menaxhon të gjitha armët bërthamore dhe që i lëshon ato.

Kodet e sulmit

Nga pikëpamja praktike “kodet e sulmit” janë në një dokument që Presidenti duhet ta mbajë me vete dhe që quhet Biscuit, biskota.

3

Bëhet fjalë për një lloj karte krediti në të cilën mbahen kodet që i duhen Presidentit të Shteteve të Bashkuara për t’u autentifikuar dhe për të dhënë një urdhër specifik sulmi bërthamor sipas protokolleve në valixhe.

Në rast të një sulmi, pak momente pas urdhrit dramatike, 900 mbushje bërthamore janë gati të përdoren në çdo cep të planetit: ato janë të dislokuara në pika të ndryshme të Shteteve të Bashkuara, por edhe në nëndetëse dhe anije në lëvizje nëpër oqeanet e të gjithë botës, transmeton tiranaobserver.

Presidenti është i vetmi që mund të japë urdhrin për një sulm nuklear. Urdhëri duhet të konfirmohet edhe nga Sekretari i Mbrojtjes, por që nuk ka asnjë fuqi vetoje: ai limitohet vetëm me faktin për të konfirmuar nëse presidenti e ka dhënë vërtet atë urdhër.

Studentet / Ilustrim

Sivjet në SHBA shkuan për të studiuar 268 kosovarë

U mbajt dita informuese e të rinjve për të studiuar me programe të ndryshme studimore në universitetet amerikane, në kuadër të Javës Ndërkombëtare të Arsimit të organizuar nga Ambasada e Amerikës në Kosovë.

Periskopi.com Lajme

Ambasadori amerikan në Kosovë Greg Delawie tha me këtë rast se vetëm këtë vit nga Kosova kanë shkuar në Amerike 268 të rinj për të studiuar.

Delawie tha se këtë vit, numri atyre që kanë shkuar në Amerikë për të studiuar është shumëfish më i madh se në vitet e kaluara.

james clapper

Jep dorëheqje shefi i Inteligjencës Amerikane

Drejtori i Inteligjencës Kombëtare të SHBA-së, James Clapper, ka dhënë dorëheqje nga posti.

Periskopi.com Lajme

Clapper ka thënë në një intervistë me NBC se gjatë vitit të fundit i ka numëruar ditët për të dhënë dorëheqje në fund të mandatit përfundimtar të Obamas si president, transmeton Express.

“Më shumë se 50 vjet shërbim është më shumë se mjaftueshëm,” ka thënë ai.

Dhurata Hoxha ne Amerike

Hoxha në Amerikë, merr përkrahje të fuqishme për luftimin e ekstremizmit

Ministrja e Drejtësisë e Republikës së Kosovës, Dhurata Hoxha, gjatë vizitës zyrtare në Uashington DC, ku qëndroi me ftesë të Departamentit të Drejtësisë dhe Departamentit të Shtetit të Shteteve të Bashkuara të Amerikës, ka zhvilluar takim me qëllim të thellimit të bashkëpunimit në lëmin e drejtësisë.

Periskopi.com Lajme

Hoxha takoi Brett McGurk – përfaqësuesin special të Presidentit amerikan të Koalicionit global për luftën kundër terrorizmit dhe me këtë rast u diskutua për trendët globale të terrorizmit dhe rajonin e Ballkanit.

Përfaqësuesi special i Presidentit amerikan, McGurk, ka vlerësuar se Republika e Kosovës, ka dhënë kontribut të çmuar kur i është bashkuar Koalicionit global kundër terrorizmit duke çmuar miratimin e ligjit dhe masave tjera kundër terrorizmit. Ai po ashtu theksoi se është lajm i mirë se ka ulje të numrit të pjesëmarrësve të shtetasve të Kosovës që marrin pjesë në konfliktet që zhvillohen në shtetet tjera.

Ministrja theksoi rëndësinë e trajtimit dhe masat ndaj personave që marrin pjesë në luftëra në shtetet e huaja si dhe masat e deradikalizimit dhe risocializimit ndaj personave të tillë.

Ministrja Hoxha, mori përkrahje të plotë nga i deleguari i Presidentit Obama për përkushtimin e saj, duke vënë në pah se kjo përkrahje do të vazhdojë për Ministrinë e Drejtësisë edhe në të ardhmen në fuqizimin e shtetit ligjor dhe sistemin e drejtësisë./Periskopi

DONALD TRUMP

Intervista e parë e Presidentit të zgjedhur Donald Trump

Presidenti i zgjedhur i SHBA-ve Donald Trump në intervistën e tij të parë, transmetuar nga rrjeti televiziv CBS, foli për disa nga masat që do të marrë me ardhjen në detyrë.

Periskopi.com Lajme

Zoti Trump deklaroi se:

Do të deportojë ose do të fusë në burg rreth 3 milionë emigrantë të paligjshëm me lidhje kriminale.

Të emëruarit e ardhshëm të Gjykatës Supreme do të jenë “pro jetës” – pra duhet të kundërshtojnë abortin dhe të mbrojnë të drejtën kushtetuese për të mbajtur armë.

Nuk do të kërkojë të kthejë mbrapsht legalizimin e martesës mes personave të të njëjtin seks.

Do të heqë dorë nga paga e presidentit prej 400 mijë dollarësh në vit . Në vend të kësaj shume do të marrë vetëm 1 dollar në vit.

Presidenti i zgjedhur Trump ka bërë të ditur dhe të emëruarit e rinj në ekipin e tij.

Reince Priebus, kryetar i Komitetit Kombëtar Republikan (RNC), do të jetë shefi i tij i stafit.

Ndërsa Stehphen Bannon, më parë drejtues ekzekutiv i një media me qëndrime konservatore, i akuzuar nga kritikët si ksenofob dhe mizogjen, do të jetë strategu i ri i Shtëpisë së Bardhë.

Presidenti i zgjedhur Trump do të marrë detyrën më 20 janar 2017./ Exip.al