Publikohet xhirimi sekret i testimit të armëve nukleare të SHBA

Autoritetet amerikan kanë hequr pjesën e sekretit nga 750 filma për testimin e armëve nukleare ndërmjet viteve 1945- 1962, shkruan “Biznis insajder”.

Periskopi.com Lajme

Iniciatorët e projektit janë bashkëpunëtorë të laboratorit nacional “Ernest Lorens” pranë Ministrisë Energjetike të SHBA-ve, me fizikantin Greg Springs në krye. Ata kanë paraqitur disa filma nga testimi i armëve nukleare, të cilat i kanë kryer amerikanët.

Sipas gazetës, për 55 vjet SHBA-të kanë kryer 210 teste nukleare, të cilat janë regjistruar në dhjetëra mijëra filma. Shumica prej tyre ndodhen në depo sekrete, transmeton KosovaPress.

 

 

SHBA: Krijimi i Forcës së Armatosur me Kushtetutë

Zëdhënësja e Ambasadës së SHBA-së në Kosovë, Michelle Schohn, i tha Radios Evropa e Lirë në një përgjigje me shkrim, se "Shtetet e Bashkuara të Amerikës vazhdojnë ta mbështesin transformimin e Forcës së Sigurisë së Kosovës në Forcat e Armatosura, përmes një procesi transparent dhe gjithëpërfshirës që çon drejt ndryshimeve Kushtetuese".

Periskopi.com Lajme

Schohn tha se “e vetmja mënyrë për të arritur këtë është përmes përpjekjeve të qarta për t’iu qasur komuniteteve me qëllim të sigurimit të mbështetjes së tyre”.

“Shtetet e Bashkuara mbesin të përkushtuara që të punojnë me Kosovën në këtë rrugë”, thuhet në një përgjigje me shkrim të zëdhënëses së ambasadës së SHBA-së në Kosovë.

Deklarimet e ambasadës së SHBA-së erdhën në kohën kur presidenti i Kosovës, Hashim Thaçi, ka këmbëngulur në procedimin e projektligjit të hartuar nga zyra e tij për shndërrimin e FSK-së në një ushtri të Kosovës.

Më shumë se një javë më parë Thaci dërgoi në Kuvendin e Kosovës projekt ligjin, duke shkaktuar reagimin e menjëhershëm të NATO-s dhe të ambasadës së SHBA-së në Prishtinë, që e kanë cilësuar “hap të njëanshëm”.

Por, presidenti Thaçi, që ka ‘kërcënuar pak ditë më parë me dorëheqje në rast të mosvotimit të ushtrisë së Kosovës në Kuvend’, ka ripërsëritur garancitë për partnerët ndërkombëtarë se i gjithë procesi i transformimit do të zbatohet në koordinim me NATO-n, Shtetet e Bashkuara të Amerikës dhe partnerët ndërkombëtarë.

Nisma e presidentit Thaçi ndërkaq shënon reagimin e parë të fuqishëm të Shteteve të Bashkuara, një vend ky që ka ndihmuar Kosovën në proceset më të rëndësishme të saj përfshirë dhe shpalljen e pavarësisë së vendit.

Analistët në Kosovë thonë se vendimet e mundshme për ta çuar përpara Ligjin për ushtrinë mund të acarojnë më tepër raportet e Kosovës me faktorët ndërkombëtare dhe të vënë në rrezik ato.

Ilir Ibrahimi, analist politik, i tha Radios Evropa e Lirë se hapat që çojnë drejt përplasjes me ndërkombëtarët nuk janë as të mençur dhe as serioz.

“Po shihet se jemi duke shkuar në atë drejtim. Kjo nuk është në interesin e Kosovës sepse Kosova e ka arritur atë që e ka deri tani duke iu falënderuar këtij partneriteti. Tani nuk e di se çfarë ushtrie mund të bëjmë nëse nuk ka përkrahjen e SHBA-së dhe NATO-s. Sa e fortë do të jetë ajo ushtri që do të mund ta bëjë një shtet i vogël si Kosova, kur kemi një acarim të marrëdhënieve të mburojës së sigurisë së Kosovës që e kemi pasur deri tani. Prandaj nuk më duket hap serioz e as i mençur”, tha Ibrahimi.

Për politologun, Ramush Tahiri, marrëdhëniet ndërmjet faktorit ndërkombëtar që kanë ndihmuar Kosovën dhe institucioneve të Kosovës po acarohen sepse, thotë ai, faktori ndërkombëtar, ambasadat po edhe NATO-ja, po insistojnë që Kosova ta ketë ushtrinë me ndryshimet kushtetuese.

“Duket se palët kanë hyrë në këtë çështje dhe nuk mund të dalin në mënyrë të dinjitetshme. Unë supozoj se do të shkohet deri në fund dhe nuk do të tërhiqet ligji, aq më parë që e kemi kërcënimin e presidentit për dorëheqje. Mirëpo aplikimi i ligjit do të shtyhet. Unë mendoj se kjo do të jetë zgjidhja e kompromisit dhe ndërkohë do të gjendet modaliteti se si do të inkorporohet në kushtetutë dhe si të ketë miratim parlamentar”, tha Tahiri.

Sipas tij, edhe nëse Kuvendi e miraton Ligjin për ushtri, ai do të marrë kohë deri sa të zbatohet dhe Kosova ta ketë ushtrinë e saj.

“Nuk do të prishen marrëdhëniet menjëherë me faktorin ndërkombëtar, sepse [ligji] nuk do të prodhojë ndonjë efekt praktik. Unë mendoj se megjithëse duket se nuk është nisur krejt mirë, Kosova ka nevojë për ushtri, Kosova ka nevojë për partneritet ndërkombëtar edhe është kusht për të pasur ushtri. Dhe gjithashtu partneriteti ndërkombëtar është domethënës edhe sa i përket vet stabilitetit dhe sovranitetit të Kosovës”, tha Tahiri.

Por, për analistin Ilir Ibrahimi, Ligji për shndërrimin e FSK-së në ushtri nuk do të votohet në Kuvendin e Kosovës pasi, sipas tij, gjithë kjo zhurmë po bëhet për qëllime të caktuara të partive politike.

“Unë nuk besoj se kjo çështje nuk do të shkojë me tutje, sepse në fund të fundit do të shihet se nuk do të mund të shkojë pa përkrahjen e Shteteve të Bashkuara. Shpresoj që në këtë vend tonin ka ende mendje të cilat mendojnë pak më shumë sesa interesat partiake dhe do të ulen për të pasur një koordinim me partnerët tanë strategjik. Nëse ne e kemi arritur pavarësinë në partneritet me SHBA-të, që është shumë më e madhe se ushtria, atëherë ta prishim këtë partneritet për të formuar ushtrinë me duket një gjë shumë e gabuar”, tha Ibrahimi.

Megjithëkëtë presidenti i Kosovës, Hashim Thaçi, një nismëtar i ndryshimit të Ligjit për shndërrimin e FSK-së në ushtri, ka vazhduar përpjekjet e tij për të bindur edhe pjesëtarët e pakicave në Kosovë që ta votojnë ligjin.

Në vitin 2014, përplasjet rreth çështjes së ushtrisë së Kosovës çuan vendin në zgjedhje të parakohshme parlamentare.

Forca e sigurisë së Kosovës u themelua më 2009 në bazë të Planit të Ahtisaarit, dokument që çoi drejt pavarësimit të Kosovës.

Tre vjet më parë ajo përmbushi kapacitetet operacionale dhe autoritetet në vend nisën procesin e rishikimit të sektorit të sigurisë duke kërkuar më shumë kompetenca për FSK-në që do të çonte drejt krijimit të ushtrisë.

Kjo megjithatë duhej të bëhej me ndryshimet kushtetuese që kërkojnë dy të tretat e deputetëve përfshirë dhe dy të tretat e deputetëve të pakicave. Por, kundërshtimi i deputetëve serbë të mbështetur nga Beogradi zyrtar ka penguar procesin e ndryshimeve kushtetuese. (REL)

SHBA ngrit akuzë kundër dy spiunëve rusë

Qeveria amerikane të mërkurën ka ngritur padi kundër dy spiunëve rusë dhe dy hakerëve, të cilët në vitin 2014 thuhet të kenë vjedhur llogaritë e 500 milionë përdoruesve të kompanisë Yahoo.

Periskopi.com Lajme

Këto akuza, të publikuara në konferencën për media në Uashington, janë akuzat e para zyrtare, të cilat Qeveria amerikane i ka nisur kundër zyrtarëve rusë për shkak të kriminalitetit kibernetik.

Hakerët rusë akuzohen se kanë hyrë në përmbajtjen e llogarive të 30 milionë shfrytëzuesve, ka njoftuar qeveria amerikane.

Të akuzuarit janë zyrtarë të FSB-së, agjencisë federale të sigurisë ruse, e cila është pasuese e KGB-së, Dmitrij Dokuçajev dhe Igor Sushçin, ndërsa janë përmendur edhe Aleksej Belan, i cili ndodhet në listën e kriminelëve më të kërkuar kibernetik dhe Karim Baratov nga Kazakistani me nënshtetësi kanadeze.

Ministria amerikane e Drejtësisë ka bërë të ditur se Baratov është arrestuar të martën në Kanada, dhe se me rastin e tij tash janë duke u marrë autoritetet kanadeze.

Belan është kapur në vitin 2013 në Evropë, por kishte ikur në Rusi para se të mund të ekstradohej në SHBA, ka njoftuar ministria amerikane.

Ndryshe, akuzat e sotme nuk kanë të bëjnë me hakimin e postës elektronike të Partisë Demokratike, e cila thuhet të ketë ndodhur gjatë kampanjës për zgjedhjet presidenciale 2016.

Erdhi edhe kjo ditë, Hashim Thaçi i jep këshilla ShBA’s

I pari i Kosovës, Hashim Thaçi e ka goditur NATO-n e SHBA-në.

Periskopi.com Lajme

Ai tha se ata nuk duhet të frikësohen nga ana e formimi i Ushtrisë së Kosovës, por duhet të kenë frikë nga prezenca e Rusisë.

“Ata duhet të frikësohen nga prezenca e Rusisë, nga bazat e saja në Serbi”, tha ai në emisionin “Debat” në RTK, raporton Gazeta Blic.

“Justifikimi i mosformimit të Ushtrisë me ndryshime kushtetuese. Unë kërkoj rrugë për veprime e jo për mos veprime”, tha ai.

Sipas tij, duhet vendosmëri sikurse te rasti i trenit dhe murit në veri.

Vuçiq i kënaqur me reagimin e SHBA-së dhe NATO-s për Ushtrinë e Kosovës

Kryeministri i Serbisë, Aleksandar Vuçiq, deklaroi të mërkurën se është shumë i kënaqur me reagimin e Shteteve të Bashkuara të Amerikës dhe sekretarit të përgjithshëm të NATO-s Jens Stoltenberg lidhur me çështjen e formimit të ushtrisë së Kosovës.

Periskopi.com Lajme

Ai theksoi se zyrtarët amerikanë e kanë bindur se janë kundër zhvillimeve të tilla.

“Me amerikanët nuk është gjithmonë lehtë që të bisedohet, por e dini se në çfarë jeni. Ata menjëherë më kanë thënë, nuk kanë fshehur asgjë, se janë kundër zhvillimeve të tilla dhe Ushtrisë së Kosovës në mënyrë të tillë, e cila është jashtë kushtetuese dhe jashtë institucionale”, ka thënë Vuçiq.

Zogaj: Hashim Thaçi nuk duhet të merret seriozisht

Opinionisti Petrit Zogaj thotë se nuk është hera e parë që Hashim Thaçi del kundër deklaratave të ShBA-së dhe BE-së.

Periskopi.com Lajme

Thotë se këto dy të fundit ka vite që i kërkojnë të luftohet korrupsioni dhe krimi i organizuar, e që Thaçi heshtë.

Shkrimi i plotë:

Nuk eshte hera e pare qe Hashim Thaci del kunder kerkesave te ShBA-se dhe BE-se. Dy te fundit me vite te tera i kerkojne qe ta luftoje korrupsionin dhe krimin e organizuar, Thaci heshte. Me vite, ShBA dhe BE te kete rend e ligj ne kete vend, te kete zhvillim ekonomik, Thaci e ben te kunderten. Per afro dy vite, Hashim Thacit dhe kolegeve te tij, Biden, Kerry, Nuland dhe gjithe nomenklatura e BE-se i kerkojne qe te votoje demarkacionin dhe Asociacionin, ndersa Thaci ben pazate politike meskine. Prandaj, edhe kjo ndeshja e sotme e tij me ShBA-ne, NATO-n dhe BE-ne po duket brenda logjikes se nje refuzimi inatqor dhe aspak institucinal. Mbi te gjitha, eshte problematike me e marre seriozisht Presidentin, ka kohe qe s’merret seriozisht dhe mire behet. / Periskopi

Gashi ka një shpjegim për interpretimet që u bëhen deklaratave të Ambasadës Amerikane

Opinionisti Astrit Gashi thotë se qëndrimet e Ambasadës Amerikane në Kosovë po interpretohen ashtu si po i përshtatet dikujt.

Periskopi.com Lajme

“Standarde te dyfishta: kur po eshte puna me sha opoziten, e mas shumti VV’ne, qendrimet e Ambasades Amerikane po quhen zyrtare dhe me vendimet e tyre kunder cilesohen si “Anti Amerikan”, por kur po eshte puna qe Ambasada Amerikane me dal kunder naj veprimi te pushtetit, po thoni kurgjo s’eshte kjo dhe ata nuk jane “Anti Amerikan”. Bile mbane bre te njejten vije- se pi i vjen era e keqe!”, ka shrkuar ai./ Periskopi

Bashës i vjen një mbështetje nga një qytetar amerikan, mediat e tyre e përshkruajnë si mbështetje nga ShBA

Nga Shtetet e Bashkuara të Amerikës ka ardhur reagimi për protestën e opozitës që po zhvillohet prej 5 ditësh në çadrën përballë godinës së Kryeministrisë.

Periskopi.com Lajme

Përfaqësuesi i shtetit të Teksasit John Cyrier i ka dërguar një letër kryetarit të Partisë Demokratike Lulzim Basha, të cilin e ka mbështetur në kauzën që ka ngritur.

Në letrën dërguar kreut të opozitës, Cyrier shkruan se “shqiptarët duan zgjedhje të lira dhe të ndershme. Ne do t’i mbështesim shqiptarët në përpjekjet e tyre për liri”.

Lulzim Basha ka kërkuar krijimin e një qeverie teknike që do të mundësojë zgjedhje të lira dhe demokratike.

 

Moska e dëshpëruar me komentet e nënpresidentit amerikan, Pence

Një zyrtar i lartë rus ka thënë Moska është e dëshpëruar nga deklarimet e nënpresidentit amerikan, Mike Pence dhe se Uashingtoni duhet të sqarojë se si dëshiron të përmirësojë marrëdhëniet me Rusinë.

Periskopi.com Lajme

Konstantin Kosachyov, udhëheqësi i Këshillit Federativ për Marrëdhënie me Jashtë gjatë konferencës së sigurisë në Mynih ka thënë se është “zhgënjyese” që Pence thotë se Rusia është e vetmja që “mban përgjegjësi për implementimin e marrëveshjes së Minskut”, rreth konfliktit në Ukrainë.

Kosachyov ka thënë se komentet e Pence lejojnë që Ukraina të pengoj marrëveshjen e Minskut duke thënë se dëshira për t’i dhënë fund luftimeve në Ukrainën lindore është vetëm një përpjekje për hakmarrje ndaj Rusisë dhe vazhdimin e sanksioneve ndaj saj.

Pence ka thënë se Rusia duhet t’i përmbahet armëpushimit të arritur në vitin 2015 në kryeqytetin bellorus.

Kosachyov ka thënë se Moska pret që administrata e presidentit Donald Trump të bëhet më konkrete rreth mënyrës së si dëshiron përmirësimin e marrëdhënieve me Rusinë.

Ai ka thënë se Moska “do të dëshironte të dëgjoj nga partnerët tanë potencial amerikanë se si i shohin mundësitë për normalizimin e marrëdhënieve”. Ai ka shtuar se Rusia është “padyshim e gatshme për këtë normalizim marrëdhëniesh.

Wolfgang Ischinger: A po na kërcënohet një konflikt SHBA – BE?

Wolfgang Ischinger, drejtuesi i Konferencës së Sigurisë, flet qartë. Ai shqetësohet në sfondin e politikës së presidentit të SHBA-së, Trump. Atë e preokupon pyetja, nëse kërcënon një konflikt mes SHBA-së dhe BE-së?

Nga Deutsche Welle Lajme

Wolfgang Ischinger shtroi pyetjen, që aktualisht e shtrojnë shumë vetë: a do të ndjekë presidenti Donald Trump traditën e 50 viteve të fundit dhe do ta mbështesë projektin e integrimit europian? Apo ai do të vazhdojë t’i inkurajojë vendet anëtare të BE-së, që të ndjekin shembullin e Brexit?

Për drejtuesin me përvojë të gjatë në këtë funksion të Konferencës së Sigurisë është e qartë: nëse Trump do ta bëjë këtë, atëherë kjo i ngjan një “lloj shpalljeje lufte jo ushtarake”. Këtë e theksoi Ischinger në një intervistë për DW. Kjo do të thoshte një konflikt mes Europës dhe SHBA-së.

A është kjo ajo që do SHBA-ja?

Në hapje të konferencës Ischinger shtroi më tej pyetjen: “A është kjo ajo që do SHBA-ja? A është kjo mënyra se si Amerika do të bëhet sërish e madhe? Ne kemi shumë pyetje.”

Fakt është: Trump pak para marrjes së postit e cilësoi NATO-n si “të pavlefshme” dhe kritikoi angazhimin e pakët financiar të aleatëve europianë si dhe angazhimin e pakët të aleancës në luftë kundër terrorizmit.

Ministrja gjermane e Mbrojtjes Ursula von der Leyen e trajtoi këtë temë dhe tha në hapje të konferencës: “Ne e dimë, që duhet të marrim përsipër një barrë më të madhe dhe ndarë më drejtë për sigurinë tonë të përbashkët atlantike”. Ndarja e barrës nuk është vetëm një çështje e financave. Në të bën pjesë edhe ndërmarrja e inciativës. Von der Leyen i bëri thirrje BE-së, që t’i drejtojë më mirë 17 misionet e veta civile dhe ushtarake, të planifikojë më mirë bashkarisht projektet e pëbashkëta të armatimit dhe t’i financojë ato. Edhe ky është një kontribut për ndarjen e barrës.

Pavarësisht rritjes me tetë përqind të buxhetit të mbrojtjes nga viti 2016 në vitin 2017, tha më tej ministrja e Mbrotjjes, investimet për sigurinë e brendshme dhe të jashtme duhet të rriten më shpejt në vitet e ardhëshme. Kjo nga njëra anë për një shpërndarje më të drejtë në Europë dhe në aleancën e mbrojtjes NATO, nga ana tjetër edhe për modernizimin e ushtrisë gjermane, Bundeswehr.

Ndonëse shefi i tij shprehet ndryshe, ministri i Mbrojtjes i SHBA-së, James Mattis e vlerëson NATO-n. Von der Leyen e falenderoi kolegun amerikan për pohimin e tij të qartë javën e kaluar për aleancën mbrojtëse. Ministrja e Mbrojtjes tha më tej: “Bota ka nevojë për një Amerikë të angazhuar globale dhe të vetëdijshme për përgjegjësinë.” Mattis javën e kaluar në Bruksel i kërcënoi partnerët e NATO-s me më pak angazhim, në rast se ato nuk i rrisin shpenzimet ushtarake.

Mattis në fjalën e tij e rithkesoi pohimin për NATO-n. Asnjë vend nuk mund ta garantojë i vetëm sigurinë, tha ai. Kjo arrihet vetëm në ekip. “Lidhja transatlantike mbetet fortifikata jonë më e fuqishme kundër mungesës së stabilitetit dhe dhunës. Jam i bindur, që ne do ta forcojmë partneritetin tonë.”

Bashkarisht kundër terrorit islamik

Von der Leyen theksoi edhe, se lufta kundër terrorit islamik duhet të zhvillohet në partneritet edhe me vendet myslimane dhe shtetet arabe dhe ajo nuk duhet të orientohet si një “front kundër islamit dhe myslimanëve”. “Sepse në një rast të tillë rrezikojmë, që nga thellimi i hendekut të nxitet edhe më shumë dhunë e terror.”

Konferenca vazhdon për rreth 48 orë, nga e premtja deri të dielën (17.02 – 19.02). Në kuadër të saj shumë politikanë drejtues u kanë bërë thirrje europianëve për një kurs më të vetëdijshëm kundrejt SHBA-së. Drejtuesi i konferencës, Wolfgang Ischinger, i bëri thirrje BE-së, që të mos druhet prej Uashingtonit. Shumë politikanë shpresojnë që në Mynih të qartësohet kursi ndaj Uashingtonit.

SHBA rikonfirmon mbështetjen për Kosovën, Trump uron 9-vjetorin e Pavarësisë

Rex Tilleresen, Sekretari amerikan i shtetit, ka uruar Kosovën për nëntëvjetorin e pavarësisë, transmeton koha.net.

Periskopi.com Lajme

Në letrën e Departamentit të Shtetit drejtuar Kosovës, Tillersen ka theksuar se SHBA-ja me presidentin e ri Donald Trump vlerësojnë marrëdhënien e mirë me Kosovë duke u bazuar në aspiratat për stabilitet, paqe dhe prosperitet të të gjithë qytetarëve.

Kjo është letra zyrtare e Tillersenit për 9-vjetorin e pavarësisë së Kosovës:

Në emër të Presidentit Trump dhe popullit amerikan, është nderi im që të uroj qytetarët e Kosovës për nëntë vjetorin e pavarësisë të cilin e festoni më 17 shkurt.

SHBA vlerëson marrëdhëniet e forta me Kosovën bazuar në aspiratat e përbashkëta për stabilitet, paqe dhe prosperitet për të gjithë qytetarët tanë. Ne e përshëndesim progresin që populli i Kosovës e ka arritur në zhvillimin e institucioneve demokratike e multietnike përgjatë nëntë viteve të tyre të pavarësisë. Në vitin 2016, SHBA ishte e lumtur që pa se Kosova fitoi Medaljen e parë Olimpike dhe Kombëtarja e Kosovës zhvilloi ndeshjen e parë në FIFA.

Mezi i presim arritjet e vazhdueshme të Kosovës derisa ajo po punon në forcimin e sundimit të ligjit, luftimit të ekstremizmit të dhunshëm dhe të ndërtojë raporte pozitive me fqinjët e saj dhe me mbarë botën.

SHBA mbetet e përkushtuar për të ndihmuar Kosovën që të ketë sukses dhe do të vazhdojmë të punojmë me liderët dhe popullin e saj në ndjekje të paqes dhe prosperitetit.

ShBA: Qëndrimi për Kosovën, i pandryshueshëm

Kryetari i Kuvendit të Republikës së Kosovës, Kadri Veseli, ka pritur sot Drejtorin e Zyrës për Evropën Juglindore në Departamentin Amerikan të Shtetit, Mettheë Palmer, me të cilin ka diskutuar për zhvillimet e fundit në Kosovë, si dhe për marrëdhëniet mes dy vendeve.

Periskopi.com Lajme

Në një komunikatë për media, thuhet se Veseli ka falënderuar Palmerin për vizitën e tij, duke konfirmuar më tej se Kosova do të vazhdojë në rrugën e saj drejt konsolidimit të shtetit, si dhe përkushtimin e palëkundur për integrim në BE dhe fuqizimin e demokracisë.

Kreu i Kuvendit ka siguruar Palmerin se Kosova do t’i përmbushë obligimet e saj ndërkombëtare, pjesë e së cilës është edhe ratifikimi i marrëveshjes për shënjimin e kufirit mes Kosovës dhe Malit të Zi.

Ai, po ashtu, ka deklaruar se normalizimi i marrëdhënieve të Kosovës dhe Serbisë është tepër i rëndësishëm për të ardhmen e dy vendeve dhe stabilitetin në Ballkan.

Veseli dhe Palmer kanë diskutuar edhe për transformimin e Forcës së Sigurisë së Kosovës në Forca të Armatosura të Kosovës. Kryeparlamentari është zotuar se ky proces do të bëhet në koordinim të plotë me SHBA-në.

Drejtori i Zyrës për Evropën Juglindore në Departamentin Amerikan të Shtetit, Mettheë Palmer, nga ana e tij, ka pohuar se qëndrimi i SHBA-ve karshi Kosovës dhe Ballkanit është i pandryshueshëm.

Ai ka thënë se SHBA do të vazhdojë ta përkrahë procesin e normalizimit të marrëdhënieve mes Kosovës dhe Serbisë, duke shtuar se dialogu është mënyra më e mirë për të ecur përpara./ Periskopi

Këshilltari i Shtëpisë së Bardhë: Kemi fakte për vjedhje masive votash

Këshilltari i Shtëpisë së Bardhë Stephen Miller ka bërë të ditur të dielën se administrata e Presidentit Donald Trump ka siguruar fakte të pakundërshtueshëm për vjedhje votash, të cilat mbështesin edhe pretendimin e fituesit të zgjedhjeve se për humbjen e votës popullore.

Periskopi.com Lajme

“Shtëpia e Bardhë ka siguruar fakte të shumtë për manipulimin e votave, me njerëz të regjistruar në më tepër se një shtet”, deklaroi Miller në emisionin “This Week” në televizionin ABC, me drejtuesin e njohur George Stephanopoulos.

“Kanë votuar njerëz të vdekur dhe jo rezidentë. George, ky është fakt dhe nuk mund ta mohosh dot që është një numër i madh personash jo shtetas të këtij vendi që janë regjistruar si zgjedhës”.

Stephanopoulos iu kundërvu duke i thënë se nuk po i tregonte asnjë provë për manipulimin.

“Na keni dhënë zero fakte për të mbështetur pretendimin e presidentit se do ta kishte fituar edhe votën popullore nëse nuk do të kishin votuar edhe 3 deri në 5 milionë imigrantë ilegalë”, tha Stephanopoulos. /The Hill

Njësitë speciale të Maqedonisë trajnohen me instruktorë të SHBA-së

Instruktorë të njësive speciale amerikane do t’i trajtojnë pjesëtarët e njësive speciale të Ministrisë së punëve të brendshme (MPB) dhe të Armatës së Republikës së Maqedonisë.

Periskopi.com Lajme

MPB-ja bën të ditur se këto ushtrime do të mbahen sot në bazën e Njësisë për shpërndarje të shpejtë në kazermën ”Gjorçe Petrov”./Telegrafi/

SHBA, fillon vala e parë e dëbimeve të imigrantëve klandestinë

Autoritetet amerikane kanë arrestuar dhe dëbuar qindra immigrantë pa dokumente, gjatë një operacioni të konsideruar si një kontroll rutinë, por që ka krijuar panik të madh në gjirin e imigrantëve në të gjithë vendin.

Periskopi.com Lajme

Efektivët e Agjencisë federale të specializuar për dëbimin e imigrantëve kishin në shenjestër disa vatra imigrantësh të paligjshëm në Los Angeles, New York, Chicago, Austin dhe shumë qytete të tjera.“Objektivat e këtyre operacioneve nuk ndryshojnë shumë nga arrestimet rutinë që kryhen çdo ditë nga ekipet që merren me ndjekjen e personave të shpallur në kërkim”, deklaroi një zëdhënës i kesaj agjencie.

Në një dekret të firmosur me 25 janar 2017, presidenti Donald Trump i ka dhënë përparësi dëbimit të imigrantëve klandestinë të përfshirë në çështje kriminale dhe të akuzuar për krime.

Stuhi e frikshme bore në SHBA, preken shtetet e banuara nga shqiptarët (Video)

Një stuhi dëbore po godet bregun verilindor të Shteteve të Bashkuara.

Periskopi.com Lajme

Deri më tani, sipas raportimeve të medieve amerikane, janë anuluar të paktën 2.800 fluturime.

Mbi 40 persona janë prekur, me New York-un, Boston-in dhe Filadelfia-n, (shtete të banuara nga shqiptarë) që janë zgjuar nën një ‘batanije të trashë dëbore’.

Të gjithë shkollat dhe shumë zyra publike janë mbyllur. Reshjet e dëborës, sipas parashikimeve, do të vijojnë edhe për shumë orë.

 

Al-Kaedës i vriten 11 operativë nga forcat ushtarake amerikane

Pentagoni thotë, se forcat ushtarake amerikane kanë vrarë këtë muaj 11 anëtarë të al-Kaedës, në dy sulme ajrore pranë Idlib-it në Siri, duke përfshirë edhe një ish-aleat të Osama Bin Laden, shkruan BBC, përcjell Periskopi.

Periskopi.com Lajme

Zëdhënësi i komandantit Jeff Davis tha se 10 operativë u vranë në një sulm të vetëm që ndodhi me 3 shkurt, ndërsa sulmi i dytë ishte ai i 4 shkurtit ku u vra edhe Abu Hani al-Masri, i cili kishte lidhje të ngushta me udhëheqësin e al-Kaedës.

“Këto sulme prishin aftësinë e al-Kaedës për komplot dhe sulme direkte që synojnë SHBA-në dhe interesat tona në mbarë botën” tha Davis. /Periskopi/

Tahiri: Është i domosdoshëm vazhdimi i rolit udhëheqës të SHBA-ve në Ballkan

Ministrja për Dialog, Edita Tahiri ka pritur sot një delegacion të Këshillit Atlantik të Shteteve të Bashkuara të Amerikës, të kryesuar nga z. Damon Wilson dhe znj. Sarah Bedenbaugh, të cilët po qëndrojnë në një vizitë në rajon, me qëllim të përgatitjes së rekomandimeve për administratën e re të Qeverisë së SHBA-ve.

Periskopi.com Lajme

Në këtë takim, ministrja Tahiri i njoftoi të pranishmit me zhvillimet e fundit politike dhe të sigurisë në Kosovë dhe rajon, përfshirë tensionet e krijuara nga provokimet e njëpasnjëshme nga Serbia që kishin për qëllim destabilizimin e Kosovës dhe rajonit.

“Këto zhvillime jo të mira janë pjesë e agjendave gjeopolitike që vijnë nga vende joperëndimore dhe se përgjigja e drejtë ndaj tyre është forcimi i bllokut euroatlantik dhe mbështetja euro-atlantike për shtetin e Kosovës dhe për mbarë rajonin”, tha ministrja Tahiri, duke shtuar se roli udhëheqës i SHBA-ve në Ballkan duhet të vazhdojë me qëllim të ruajtjes së stabilitetit, paqes dhe orientimit euro-atlantik. Ministrja tahiri çmoi lartë përkrahjen e administratës së re amerikane dhe Presidentit Trump për përkrahjen ndaj shtetit të Kosovës dhe mbrojtjes së sovranitetit dhe integritetit territorial të saj, duke potencuar se jemi të përkushtuar për vizionin euroatlantik të Kosovës dhe aleancës me SHBA-të, të krijuar në vitet e ’90-ta dhe i cili përkushtim mbetet gurthemel i politikës së jashtme të Kosovës dhe se përkrahja amerikane ka qenë përcaktues për lirinë dhe pavarësinë e saj.

Ministrja Tahiri shtoi se Kosova do të vazhdojë të përmbushë obligimet për anëtarësim të shpejtë në BE, NATO dhe OKB, si dhe do të jetë e përkushtuar për dialog dhe fqinjësi të mirë, në mënyrë që të garantohet paqja dhe stabiliteti rajonal.

Nga ana e tij, z. Damon, tha se janë shumë të interesuar për të parë gjendjen në rajon në kontekstin e zhvillimeve të reja ndërkombëtare dhe për të marrë mendimet e politikanëve të Kosovës për paqen, stabilitetin dhe agjendën euro-atlantike. Ai theksoi se rekomandimet e dala nga Kosova dhe vendet tjera të rajonit do t’ia paraqesin administratës së re të SHBA-ve, në mënyrë që të merren parasysh në analizat zyrtare që ndikojnë në formulimin e politikave për ardhmërinë euro-atlantike të Kosovës dhe rajonit. Ai tha se ka qenë iluzion që të priteshin ndryshime të mëdha në politiken e jashtme të SHBA-ve pas zgjedhjeve dhe se përkrahja për shtetin e Kosovës nga ana e SHBA-ve do të vazhdojë si më parë.

SHBA me mesazh të fuqishëm për Korenë e Veriut

Sekretari i mbrojtjes James Mattis, i cili po qëndron në Korenë e Jugut, për të siguruar edhe më tej mbështetjen e SHBA-ve, dha edhe një mesazh shumë të qartë për Korenë e Veriut, shkruan BBC, transmeton Periskopi.

Periskopi.com Lajme

Mattis gjatë bisedimeve me homologun e tij të Koresë së Jugut Han Min-koo, u tha gazetarëve “çdo sulm  ndaj Shteteve të Bashkuara, apo aleatëve tanë, do të rrëzohet, dhe çdo përdorim i armëve bërthamore do të përballet me një përgjigje të fuqishme nga ne “.

Ai gjithashtu rikonfirmoi edhe planet për vendosjen e një sistemi mbrojtës, nga raketat amerikane në Korencë e Jugut, më vonë këtë vit.

Si pjesë e një marrëveshje të mbrojtjes, SHBA ka një prani të konsiderueshme ushtarake në Korenë e Jugut dhe në Japoni, aty ka më shumë se 28.500 trupa amerikane për të cilët Seoul paguan rreth 900 milionë dollar në vit. /Periskopi/

 

SHBA paralajmëron ashpër Iranin

Shtëpia e Bardhë i ka vënë një paralajmërim të ashpër Iranit.

Periskopi.com Lajme

Këtë e ka bërë të ditur gjenerali amerikan Michael Flynn në një konferencë për shtyp duke iu referuar testimeve të një rakete balistike nga Irani, njofton Klan

Këshilltari për Siguri Kombëtare nga Presidenca Trump ka thënë se “që nga sot ne zyrtarisht i kemi vënë një paralajmërim të ashpër Iranit”.