E pabesueshme në cilën parti është kandidat Shaip Muja

Periskopi.com Lajme

Partia Demokratike e Kosovës në listën e saj për deputetë e ka futur edhe Shaip Mujën.

Kështu thonë burime të Gazetës Blic brenda PDK-së.

“Pjesë e listës është edhe Shaip Muja”, thonë burime të Gazetës.

Ndryshe, Muja ishte ndër deputetët më aktiv sa i përket çështjes së demarkacionit me Malin e Zi.

Ai përpos kundërshtimit të versionit aktual të demarkacionit, kishte paraqitur edhe propozimet e tija, për zgjidhjen e kësaj çështjeje.

Ndërkohë, nga kjo listë kanë mbetur shumë emra, si ai i Agim Çekut, i Adem Grabovcit e shumë figura të tjera të njohura.

Muja ishte një rast i rrallë sa i përket përfaqësimit të tij në Kuvend. Si deputet pati zgjedhur të ishte i pavarur por vazhdonte të ishte anëtar i PDK-së.

PDK i ‘vardiset” AAK-së

Periskopi.com Lajme

Deputeti i ‘pavarur’ sië e quan ai veten, e që ende është pjesë e Partisë Demokratike të Kosovës, Shaip Muja, i cili në vazhdimësi ka kritikuar matjen e territorit në marrëveshjen e Demarkacionit mes Kosovës dhe Malit të Zi, në emisionin Kontakt në Tribuna Channel, thotë se vetëm Ramush Haradinaj, kishte kauzë të vërtetë shpirtërore.

“Përveç një kauze të vërtetë shpirtërore që ka Haradinaj, të tjerët kanë bërë politikë. Ne jemi dy deputet unë nda PDK dhe Shpejtim Bulliqi nga LDK, kemi mbledhur fakte që ne humbin 82 kilometra katrorë”, tha Muja në Kontakt.

Muja kritikoi edhe kryeministrin Isa Mustafa, i cili sipas tij, do të duhej që këtë marrëveshje ta negocionte sërish me Malin e Zi.

Shaip Muja nuk brengoset për ndërkombëtarët, thotë se Daut Haradinaj ka të drejtë (Video)

Periskopi.com Lajme

Deputeti Shaip Muja, ka komentuar deklaratat e deputetit të Aleancës për Ardhmërinë e Kosovës, Daut Haradinaj.

Muja në emisionin “Kontakt” në Tribuna Channel thotë se deklarata e Haradinajt po  keq interpretohet në mënyrë të tillë.

Deputeti i PDK-së, është pyetur edhe për reagimet e ndërkombëtarëve për deklaratat e deputetit të AAK-së.

“Punë e madhe që ka pasë. Ndërkombëtarët nuk mund të na tregojnë neve çdo ditë interpretimet e qejfit të tyre”, tha Muja në Konakt.

Muja thotë se Mustafa është fajtori nëse dështon demarkacioni

Deputeti i PDK-së, Shaip Muja, ka reaguar ndaj deklaratës së Nënkryetarit të LDK-së, Lutfi Haziri, i cili ka thënë se rast dështimi të demarkacionit, përgjegjësinë do të duhej ta mbante kryetari i PDK-së, Kadri Veseli.

Periskopi.com Lajme

Muja ka shkruar në Facebook se, përgjegjësinë kryesore nëse demarkacioni dështon e ka Kryeministri Isa Mustafa.

Në reagim ndër të tjera Muja shkruan se presidenti Hashim Thaçi është i përkohshem, ndërsa kufijtë janë të pacenueshëm.

Deputeti Muja ka postuar një disa faqe të librit ku kryetari i komisionit akademiku Hivzi Islami, kishe shkruar rreth takimeve zyrtare që kishe pasur Lutfi Haziri në Vjenë si kryetar i delegacionit për bisedime.

Postimi i plotë i Mujës në facebook:

“Një selam Lutfi Hazirit, Kadri Veseli nuk e mbanë përgjegjësinë kryesore nëse demarkacioni dështon gjeje te shefi yt dhe vetvetja.

E pashe një prononcim te Lutfi Hazirit paskan filluar me gjet fajtoret, e ne mesin e këtij fajtori paska gjetur fajtorin elektoral kryetarin e kuvendit dhe te PDK .

Thojnë mijtë e nuhasin shume tërmetin dhe dalin në sipërfaqe para se ti zë dheu kështu paska vepruar miku im Luta.

I nderuar Lutfi fajtori jeni ju dhe qeveria për tere këtë teatër pa nevoje e dinë edhe BE dhe SHBA-të këtë, siç e dine qe pengese për demarkacionin nuk është opozita pa marre parasyshë veprimet qe ka bere, por është antagonizmi shkencore e infantil i akademikeve kukulla si Hivzi Islami dhe doktorra të shkencave provincial si Tomorr Çela kviska permanente qe përdorën ku te duash, fajtore je ti qe ke kryesuar delegacionin ne Vjenë dhe ekipa qe te ka shoqëruar sepse te kishim një kualitet me te mire do te kishim sot situate me cilësore e shtetërore.

Te sugjeroje sonte ta lexosh këtë libër çka te ka sugjeruar Hivzi islami amkademiku ne vitin 2006 nëse se ke librin po ti qoje do faqe si te përqesh ty dhe si e vlerëson kadastrin e Karagjigjit qe thotë serbet janë ekspert për vjedhje territoresh me kadaster kështu vepruan ne Bosnje.

E sot ju dhe shefi yt këtë akademik e keqpërdorni qe bashe ai e dine se është duke u keqpërdorur për te mbuluar te bëmat e juaja.

Miku im Lutfi mos ngatërro çështjet kombëtare me çështjet e interesit politik publik , koha e teknologjisë sot i tejkalon edhe intelegjencen tende natyrale dhe akademike te Hivzi Islamit.

U çudita shume krahasimin qe kishe bërë se cila situate kënqen me e veshtirë zgjedhja e Hashim Thaçit President apo demarkacioni. Po ta them ti thuja kujë të duash.

Hashim Thaçi është figure njerëzore e përkoheshme ne këtë bile dhe do jete pjese e historisë ndërsa kufiri është i përjetëshëm dhe i pacenueshëm.

Me këtë krahasim që keni bere trego se sa e vlersoni atdheun mbi individin” (sic.), ka shkruar Muja.

Muja: PDK të dalë menjëherë nga koalicioni me LDK-në

Deputeti i PDK-së, Shaip Muja, është i gatshëm ta votojë rrëzimin e Qeverisë, nëse kjo kërkohet përmes një votëbesimi në Kuvend.

Periskopi.com Lajme

Ai këto komente i bëri në emisionin InfoBox të RTV Dukagjinit, ku tha se nuk është i vetmi deputet i PDK-së që nuk e do këtë qeverisje, duke thënë se të këtij mendimi janë mbi 10 për qind e deputetëve të këtij subjekti. Madje, Muja shprehet se sa më parë subjekti i tij duhet ta braktisë koalicionin me LDK-në.

“Mendoj që janë pjekur kushtet që vet tani PDK-ja të flasë e të divrcohet nga koalicioni menjëherë”, ka thënë ai

Muja foli edhe për demarkacionin me Malin e Zi, për të cilën tha se Qeveria e Kosovës po mundohet të blej kohë derisa Komisionin qeveritar për këtë çështje e quajti mashtrues. Deputeti gjithashtu tregoi edhe për propozimin e tij për një komision të ri për përcaktimin e vijës kufitare me fqinjët malazez.

Në këtë intervistë ai komentoi edhe lidhur me vazhdimin e problemave që sjell pala serbe, sidomos me arrestimet që po i bën, duke thënë se institucionet tona duhet të marrin vendime të baraspeshuara, duke ngritur aktakuza edhe për liderët serbë që, sipas tij, janë të përlyer në mijëra vrasje.

Deputeti Shaip Muja ka një ide për disiplinimin e kolegëve të tij

Fyerje e etiketime mund të dëgjohen me bollëk në Kuvendin e Kosovës.

Periskopi.com Lajme

Madje në institucionin më të lartë shtetëror, bëhen edhe  akuza për tradhti.

Por, një deputet i këtij organi ka një ide se si të disiplinohet kjo gjuhë, njofton Klan Kosova.

Shaip Muja, brenda pak javësh do të iniciojë ligjin për lustrim, tekstin e të cilit thotë se veç është duke e punuar.

E si model do të përdorë ligjet e kësaj fushe të Gjermanisë, Çekisë e Polonisë. Kjo, pasi një ligj i tillë, sipas tij, është i domosdoshëm.

Pos kësaj, deputeti i Partisë Demokratike të Kosovës, pret që me këtë ligj të identifikohen edhe të gjithë njerëzit që kanë qenë ish bashkëpunëtor të ish-Sigurimit Jugosllav.

E persona të tillë nuk do të duhej të mbajnë poste udhëheqëse në Kosovë.

Muja po shpreson se ky ligj do të gjejë përkrahje tek të gjitha partitë politike, e madje edhe tek organizatat ndërkombëtare.

Deputeti i pavarur që flet në emër të PDK-së, tash sulmon Xhavit Drenorin

Deputeti i pavarur, Shaip Muja por që thotë se ende është në PDK, ka folur rreth zgjedhjeve të jashtëzakonshme në Drenas.

Periskopi.com Lajme

Në Tribuna Channel, Muja ka thënë se kandidati i pavarur për kryetar të Drenasit, Xhavit Drenori, asnjëherë nuk ka qenë pjesë e Partisë Demokratike të Kosovës.

Sipas Mujës, ai ka ardhur nga Nisma Iniciativa Qytetare dhe në këto zgjedhje ka shfrytëzuar hapësirat e disa problemeve që sipas tij, nuk përputhen me realitetin.

“Xhavit Drenori kurrë nuk ishte pjesë e PDK-së, ka qenë anëtarë i Grupit Parlamentar, ka ardhur nga Nisna Iniciativa Qytetare me 150 vota dhe ai i ka shfrytëzuar hapësirat e disa problemeve të cilat nuk përputhen me realitetin. Por në çdo menaxhim komunal mund të ketë edhe lëshime ka edhe që rrjedhin nga niveli qendrorë”, tha Muja.

Ndryshe, nuk duhet harruar se Muja gjatë gjithë kohës ishte krah Ramiz Lladrovcit në fushatë, nga një odë në tjetrën.

 

Xhavit Drenori ‘selame’ Shaip Mujës: Nuk do të mbrosh më biznese të pista (Foto)

Gara për të parin e Drenasit ka fillur para kohës së caktuar, kur kanë mbetur edhe tri javë deri në datën e zgjedhjeve.

Periskopi.com Lajme

Sipas Xhavit Denorit, kandidat i pavarur për kryetar të Drenasit, deputeti Shaip Muja po e quan kryetar i “sallatave”!

E Drenori i ka nisur selame Mujës, se nëse bëhet kryetar komune, objektin e tij në Drenas do ta dërgoj në Gjykatë për uzurpim prone.

“Doki, unë si kryetar i “sallatave”, siç po më quan Ti nëpër oda të Drenasit, me kismet nga pozicioni i kryetarit këtë objektin mbrapa meje që në janar të vitit 2017 e përcjelli në Gjykatë, sado që më kishe bërë presion të madh që mos të merrem më të!”

“Ty, Doktor Shaip Muja edhe shokëve Tu, që keni për mision ruajtjen e bizneseve të pista në prona komunale në Drenas, nën llogo të PDK-së “pushka top ju baftë” se nuk keni mujtë dhe nuk do mund të më ndalni kurrë në luftën time të pa kompromis të lirimit të pronës komunale nga individë/përfitues të partisë”, ka thënë Drenori./Drenicapress

14054050_10154258282148772_8158583753372633451_n-1 15094355_10154258282273772_1458942340875479564_n-1