Serbi 44 vjeçar martohet me shqiptaren 22 vjeçare, e fillon me tradita shqiptare

Periskopi.com Lajme

Tema e martesave mes vajzave shqiptare me serbët e zonave rurale ka bërë bujë në median shqiptare dhe në atë të huaj.

Këtë herë revista e njohur “Vice” vjen me një foto reportazh nga një prej këtyre martesave.

Sanja Knezeviç shkruan se në fshatrat serbe mungojnë vajzat e reja, ndërsa e kundërta ndodh në Shqipëri: Në fshatra mungojnë djemtë e rinj. Këtu hyn në punë Vera, e cila rregullon martesat mes vajzave shkodrane dhe burrave serbë. Vera merr 2200 dollarë për shërbimin e saj.

Revista dokumenton me foto ardhjen e serbit 44-vjeçar Milovan në Shkodër për të kërkuar dorën e Evës 22-vjeçare.

Pasi gjyshja e Evës thotë PO, Milovani paguan 115 dollarë tek familja e saj dhe shkon për të blerë bizhuteri dhe rroba për të fejuarën. Pas tre javësh, fermeri Milovan kthehet dhe e merr Evën për grua.

 

Revista dokumenton me foto mbërritjen e Milovanit, pranimin e familjes shkodrane, blerjen e mallrave, udhëtimin e Evës drejt Serbisë dhe mbërritjen e saj në shtëpinë e Milovanit ku do kalojë pjesën e mbetur të jetës.

 

Radikalët serb incident në Beograd, protestojnë me fotografi të Haradinajt dhe Thaçit

Periskopi.com Lajme

Një grup prej rreth njëqind njerëz u mblodhën të enjten në mbrëmje para Qendrës Rinore në Beograd, ku po mbahet festivali “Mirdita, Dobar dan!”.

Ata kanë përdorur gjuhë të urrejtjes dhe u kanë hedhur ujë organizatorëve. Pjesëmarrësit e festivalit u strehuan në Qendrën Rinore, dhe grupi u shpërnda pas një ore.

Në hyrje qëndronte një grup i pjesëtarëve policorë, të cilët nuk kanë reaguar./ Periskopi

 

Analisti serb: Ushtria e Serbisë nuk guxon as me mendu hyrjen në Kosovë

Periskopi.com Lajme

Nenad Maksimoviç, drejtor i Qendrës për Paqe dhe Tolerancë, ka thënë se nuk shanse teorike që ushtria e Serbisë të hyjë në Kosovë, njofton Klan Kosova.

Sipas tij, shteti serb ka një marrëveshje me NATO-n dhe kjo ujdi si dhe bashkëpunimet e tjera nuk e lejojnë Serbinë as të mendojë për një gjë të tillë.

Këto komente ai i bëri në një debat të organizuar në Graçanicë ku po marrin pjesë shqiptarë e serbë.

Ndërkohë, muaj më parë pjesëtarët e ushtrisë amerikane së bashku me ushtarë të ushtrisë serbe shihen në një fotografi të përbashkët e cila u realizua më 16 dhjetor të vitit të kaluar.

Mediat serbe thonë se sipas KFOR-it, ishte një “patrullë e zakontë”, e përbërë nga forcat ndërkombëtarë të Ushtrisë së Serbisë; në përputhje me Rezolutën 1244 të Kombeve të Bashkuara dhe të marrëveshjes ushtarako-teknike, në mënyrë që të ruhet paqja për të gjithë qytetarët e Kosovës.

Kjo foto thuhet se është bërë nga rreshteri amerikan, Caleb Bario, i cili ishte pjesë e patrullës.

Sekretari i OKB-së i brengosur për mungesën e përparimit në dialogun Kosovë-Serbi

Periskopi.com Lajme

Sekretari i Përgjithshëm i OKB-së, Antonio Guterres ka vlerësuar se periudha e kaluar në Kosovë është shënuar me ngjarje të cilat nuk kanë kontribuar në përparimin e marrëdhënieve ndërmjet Prishtinës dhe Beogradit.

Ai për këtë është shprehur i brengosur, duke përmendur, sipas tij, edhe pengesat që po vështirësojnë përparimin në dialog dhe mungesën e implementimit të marrëveshjeve të arritura, shkruan lajmi.net.

“Implementimi praktik i marrëveshjeve të dala nga dialogu ka qenë ekstremist i ngadalshëm. Kurrfarë hapash konkret nuk janë bërë për implementimin e Asociacionit të komunave me shumicë serbe”, thekson ndër tjerash Guterres në raportin e rregullt tremujor për punën e UNMIK-ut dhe institucioneve të Kosovës për periudhën nga 16 janari deri më 15 prill 2017.

Jeton në Serbi, por merr pagë nga Kosova (Foto)

Periskopi.com Lajme

Është emëruar për të qenë afër qytetarëve dhe tu shërbej atyre, por nënkryetari i Kllokotit, Millosh Stojkoviq ka zgjedhur t’i shërbej kishës ortodokse.

Stojkoviq ishte emëruar në këtë pozitë në vitin 2014, por asamblistët thonë se kanë harruar kur e kanë parë Stojkoviqin në objektin e komunës.

Stojkoviq ishte bërë i njohur me skandalin kur kishte deklaruar për media në Serbi se komandanti Ramush Haradinaj “Ka vrarë dhe kidnapuar njerëz”. Kundër kësaj deklarate pati reaguar  Xhelal Rexhepi, asamblist nga NISMA në komunën e Kllokotit duke kërkuar shkarkimin e të njëjtit.

Xhelal Rexhepi ka treguar për Telenews.al se nënkryetari ka kohë që nuk vjen në komunë.

“Millosh Stojkoviq vetëm kur është emëruar zëvendëskryetar, ka prezantuar në seancën e kuvendit, dhe askush më nuk e ka parë të qëndrojë në objektet e komunës së Kllokotit”, thotë Rexhepi, duke shtuar se Stojkoviq jeton në qytetin e Paraqinit të Serbisë.

Rexhepi tha se ndaj Stojkoviqit është kërkuar që të hapet procedurë hetimore për nxitje të urrejtjes në mes komuniteteve. Në muajin shkurt të vitit 2016 në takimin në mes Stojkoviqit dhe ministrit të punës Aleksandar Vulin, Stojkoviq kërkon nga Vulini që të ndikoj te deputetët e tij (Pokret Socialista) që bisedimet Prishtinë-Beograd të zhvendosen në Moskë e jo në Bruksel.

Në një artikull të www.informer.rs, Stojkoviq tregon për raportet e mira me kryeministrin grek Aleksisu Ciprasu.

Sipas tij, këto raporte i kishte krijuar qysh në kohën e studimeve në Greqi. Mbetet të shihet nëse organet e ndjekjes do të ndërmarrin ndonjë veprim pas deklaratave nxitëse të “nënkryetarit teolog” Stojkoviq.

Vetëvendosje flet për emërimin e ministrit serb në Qeverinë e Kosovës

Periskopi.com Lajme

Deputetja e Kuvendit nga radhët e Vetëvendosjes, Shqipe Pantina thotë se emërim i Ivan Todosijeviq, në detyrën e ministrit të Administrimit të Pushtetit Lokal nuk është dashur të ndodhte fare.

Ajo thotë se ky emërim dëshmon se nga ana e Isa Mustafës po rritet ndikimi i Serisë në Kosovë. Thotë se tani ai ndikim po shtrihet edhe në pushtetin lokal.

Për Periskopi.com, Pantina ka thënë se Todosijeviq është pjesë e Listës Serbe të dirigjuar nga Beogradi dhe aspak nuk përfaqëson qytetarët serb të Kosovës.

“Serbët duhet të jenë të përfaqësuar në institucionet e Kosovës, por kjo nuk po ndodh. Ata po injorohen e me këtë emërim tregohet se edhe më shumë që ata nuk do përfaqësohen si duhet. Ata që po marrin pozita në Qeverinë e Kosovës janë përfaqësues direkt të Serbisë në Kosovë”, thotë Pantina.

E quan veprim jolegjitim emërimin që i ka bërë Isa Mustafa duke ritheksuar edhe një herë se kjo Qeveri e ka humbur moti legjitimitetin.

“Duhet zgjedhje të reja.  Epërmes tyre serbët e Kosovës të zgjedhin përfaqësuesit e tyre e jo tu dërgohet dikush direkt nga Beogradi. Dihet që kanë ardh vota me thasë nga Serbia. Me këtë veprim Serbia po e forcon ndikimin e saj në Kosovë. Ky është një hap më shumë dhe po tentojnë të ngjallin projektin e Zajednicës të cilin e ka hedhur poshtë Kushtetuesja”, thotë Pantina. /Periskopi

Mushkolaj tregon kush është ministrit i ri serb në Qeverinë e Kosovës

Periskopi.com Lajme

Njohësi i çështjeve politike Imer Mushkolaj ka shënuar në profilin e tij zyrtar në Facebook, për emërimin e Ivan Todosijeviq, në detyrën e ministrit të Administrimit të Pushtetit Lokal.

“Ministri i ri i Administrimit të Pushtetit Lokal, Ivan Todosijevic, i emëruar sot në këtë pozitë nga Isa Mustafa, është kryetar i Komunës paralele të Zveçanit. Kaq sa për shuarjen e strukturave paralele”, thotë ai.

Kush janë 5 kandidatët për President në Serbi

Në zgjedhjet presidenciale që do të zhvillohen të dielën në Serbi, janë 11 kandidatë në listë, ku Aleksandar Vuçiç është favoriti kryesor, një ultranacionalist, dy liberalë proevropianë dhe një kandidat grotesk.

Periskopi.com Lajme

ALEKSANDAR VUÇIÇ, 47 vjeç

Para se të bënte në vitin 2008 një kthesë liberale dhe proevropiane që i hapi rrugën e pushtetit, kryeministri serb kishte qenë një fajkua ultranacionalist, ministër i Informacionit i Slobodan Milosheviç gjatë luftës së Kosovës.

Kryetar i pakontestueshëm i Partisë Serbe për Progres (SNS, qendra e djathtë) dhe të vendit të tij, ai shprehet se “nuk e fsheh që kam ndryshuar… jam krenar për këtë”.

Kundërshtarët e tij e kritikojnë për autoritarizëm, kundërshtimin e çdo kontradikte dhe për theksin e tij populist. Nga ana tjetër ai i vë në pah paaftësinë e kundërshtarëve të tij për të kontestuar lidershipin e tij për shkak të mungesës së mbështetjes popullore.

VOJISLAV SHESHELJ, 62 vjeç

Ai nuk ka ndryshuar. Ultranacionalisti i shfajësuar në vitin 2016 nga Gjykata Penale Ndërkombëtare mbi Jugosllavinë për akuzat për krime lufte, vazhdon të mbetet një praktikues i provokimit që e kishte vënë në shërbim të nacionalistëve serb gjatë konfliktit të viteve 1990 më ish-Jugosllavi. Ai u lirua në vitin 2014 pas 12 vitesh burgim.

Pasi mori pafajësinë ai është rikthyer në skenën politike, duke mbështetur një aleancë me Rusinë dhe braktisjen e çdo aderimi në BE, duke djegur flamujt e Evropës, SHBA-së dhe Kroacisë. Adhurues i Donald Trump, pasi kishte qenë i ish-kryetarit të ekstremit të djathtë francez Jean Marie Le Pen, ai ka thënë se do të ngrejë një mur për të penguar çdo fluks migrantësh.

SASHA JANKOVIÇ, 46 vjeç

Kandidat i pavarur i mbështetur nga Partia Demokrate (qendra e majtë), ai ka filluar karrierën e tij si gazetar, para se të bëhej funksionar.

I emëruar ndërmjetës i Republikës në vitin 2007, ai arriti të krijojë famë dhe popullaritet në klasën e mesme urbane dhe liberale, duke kritikuar veprimet e autoritetit. Ai shprehet se kërkon t’i kthejë qëllimin institucionit të presidentit.

VUK JEREMIÇ, 41 vjeç

Kandidat fatkeq në garën për sekretar të përgjithshëm të OKB-së, shumë afër presidentit liberal proevropian, Boris Tadiç (2004-2012), ky fizikant si formim dhe intelektual tejet i kualifikuar, vlerësn se “vendi i tij duhet të bëjë më shumë. Shumë njerëz jetojnë keq dhe janë jashtëzakonisht të zhgënjyer”.

Mbështetës i integrimit në BE, ka mishëruar gjithashtu, kur ishte ministër i Punëve të Jashtme i Tadiç (2007-2012), papajtueshmërinë serbe mbi Kosovën.

LUKA MAKSIMOVIÇ, 25 vjeç

Student në Komunikim, mishëron një personazh fiktiv, Ljubisa Preletaçeviç, alias “Beli” (i bardhë), që ka arritur të marrë mbështetjen e 13 000 votuesve, duke i mundësuar të paraqesë kandidaturën në presidenciale.

Një manipulues shumë i zoti i humorit, sipas sondazheve ka arritur të jetë rivali kryesor i Aleksandar Vuçiç.

Një fenomen ky që, për shumë, tregon nivelin e krimit në kalsën politike serbe, që nuk kërkon asnjëherë të rinovohet dhe jeton nën dyshimin e korrupsionit./Javanews/

Përfundon aplikimi për kandidat në zgjedhjet presindeciale në Serbi

Tashmë ka përfunduar afati për dorëzimin e kandidaturave për zgjedhjet presidenciale në Serbi.

Periskopi.com Lajme

 

Ky skadim i afatit u bë gjatë mesnatës, ku ishin 12 kandidatura të hapura por që vetëm shtatë prej tyre kandiduan,t transmeton Indeksonline.

Në kandidaturën e parë emrat që u bënë të ditur janë: Aleksandër Vuçiq, Sasa Jankoviq, Voislav Sheshel, Vuk Jeremiq, Bosko Obradoviq dhe Sasa Raduloviq.

Kurse gjatë mbrëmjes së kaluar kandidimin e bëri të ditur edhe Aleksandër Popoviq.

Duhet përkujtuar që zgjedhjet presidenciale serbe janë paralajmëruar të mbahen edhe në 90 për qind të vendvotimeve në Kosovë.

Biznesmeni serb thotë se Ramush Haradinaj e shpëtoi Patriarkanën e Pejës dhe Manastirin e Deçanit

Biznesmeni serb i lindur në Pejë, Bogoljub Karic ia ka lënë meritat kryesore Ramush Haradinajt pse në vitin 2004 s’kishte ndodhur asgjë e keqe me Patriarkanën e Pejës dhe me Manastirin e Deçanit.

Periskopi.com Lajme

Karic ka thënë se Haradinaj e ka shpëtuar Patriarkanën dhe Manastirin në Deçan. Për këtë arsye, ai ka treguar se Nëna Fevronija e Patriarkanës ka dashur të vendos një pllakë përkujtimore me emrin e liderit të AAK-së.

Karic ka thënë se e ka thirre në telefon vëllanë e Haradinaj, meqë, Ramushin nuk e njehë personalisht.

“I kam thënë se ju mund ti ndalni të gjitha edhe në Deçan edhe gjithkund. Patriarkanën e kanë mbrojtur gjithmonë shqiptarët.. familja Nikçi”, ka thënë Karic, në intervistë për një gazetë serb,Express.

Karic ka treguar se vëllai i Haradinajt i kishte telefonuar dhe i kishte dhënë besën se s’do të ketë kurrfarë rreziku për Patriarkanën.

“Pas 15 minutash më ka telefonuar dhe më ka thënë  besën e keni se askush nuk do ti prekë Manastirin e Decanit dhe Patriarkanën e Pejës”, ka treguar Karic.

E mbyllë biznesin në Kosovë, ikë në Serbi te Vuçiqi (Video)

Biznesmeni turk, Besim Minkara e ka lënë në gjendje të mjerë fabrikën "Rematex" në Dragash. Investitori turk ka lënë shumë borxhe në fabrikën shumë të njohur dikur të prodhimit të tekstilit. Afër 2 milionë euro thuhet të jetë shuma e borxheve që Minkara e ka lënë në fabrikën "Rematex".

Periskopi.com Lajme

Besim Minkara ka mijëra euro borxhe në tatime, paga të papaguara të punëtorëve, rrymë, shërbime komunale si dha borxhe të shërbimit në transport.

“Kompanisë tonë Besim Minkara i ka mbetur borxh plot 65 mijë euro. Ne kemi kryer të gjitha shërbimet e transportit të punëtorëve, por që borxhi asnjëherë nuk na është paguar” ka thënë Mehal Rysheni, një nga pronarët e firmës transportuese “Erëza” në Dragash, shkruan Indeksonline

Fabrika “Rematex” ka më shumë se 1 vit që është mbyllur dhe se punëtorët vazhdojnë të kërkojnë paratë e mbetura borxh nga milioneri turk.

Por, biznesmeni turk nuk duket sa ka krizë për para. I njëjti dje është parë në Serbi bashkë me kryeministrin serb, Aleksander Vuçiq. Ai e ka hapur një fabrikë të re në Lebane të Serbisë në të cilën pritet të punësohen më shumë se 300 punëtorë.

Punëtorët e fabrikës kanë thënë se janë duke ndjekur çdo rrugë ligjore për të marrë paratë e merituara.

“Jemi duke ndjekur të gjitha rrugët për të marrë paratë tona. Kemi angazhuar përmbaruesit të cilët nuk duket se po bëjnë punë të madhe. Por ato janë paratë tona dhe nuk do të ndalemi deri sa Besim Minkara të na i kthej” ka thënë për Indeksonline njëri nga ish punëtorët e Rematex.

Kosova, pjesë e fushatës zgjedhore të Vuçiqit

Kosova është një ndër temat me të cilën kryeministri serb, Aleksandar Vuçiq, bën fushatë në përpjekjen e tij për t’u zgjedhur president i Serbisë.

Periskopi.com Lajme

 

Madje, Vuçiq është zotuar, të enjten, se në kuadër të fushatës së tij zgjedhore do të qëndrojë edhe në Kosovë.

Siç raporton agjencia e lajmeve FoNet, në një paraqitje publike në Vranjë, i pyetur nga gazetarët, Vuçiq ka thënë se gjatë fushatës zgjedhore për president të Serbisë ai do të qëndrojë edhe në Kosovë, ku ai shpreson se “do të fitojë përkrahjen e popullit serb prej së paku 70 për qind”, përcjell Koha Ditore.

“Çfarë fushate është kjo nëse nuk shkoj në Kosovë?”, tha Vuçiq para gazetarëve në Vranjë.

Policia e Kosovës liron serbin e arrestuar për krime lufte

Serbi i Kosovës, Dran Stojanoviq nga Ranillugu i cili ishte arrestuar nga Policia e Kosovës si i dyshuar për krime lufte, është liruar nga paraburgimi këtë pasdite.

Periskopi.com Lajme

Stojanoviq ka thënë se ai ishte arrestuar gabimisht, pasi po kërkohej një person me të njëjtin emër, transmeton lajmi.net

Dran Stojanoviq ishte arrestuar gjatë orëve të paradites nga Policia e Kosovës, nën dyshimin se kishte kryer krime gjatë luftës së fundit në Kosovë.

Presidenti i Shqipërisë vizitë në Serbi

Presidenti i Shqipërisë, Bujar Nishani, do të vizitojë Bujanocin më 7 mars, ka bërë me dije kryetari i Komunës, Shaip Kamberi, ndërsa ka theksuar se në janar i ka dërguar ftesë zyrtare për vizitë.

Periskopi.com Lajme

Data 7 mars për vizitën është caktuar qëllimisht pasi që përkon me hapjen e shkollën së parë në gjuhën shqipe gjatë kohës së Perandorisë Osmane, transmeton Koha.net.

Kjo datë, sipas Kamberit gjatë një bisede për “Politika”, për shqiptarët ka rëndësi kulturore dhe historike.

“Kohës së fundit, pavarësisht tensioneve, të themi incidenteve mes Kosovës dhe Serbisë, marrëdhëniet mes Shqipërisë dhe Serbisë mund të karakterizohen si marrëdhënie që shkojnë në drejtim të mirë”, ka thënë Kamberi.

Ai ka shtuar se vizita e kryeministrit të Shqipërisë, Edi Rama, në Nish dhe themelimi i Dhomës së Tregtisë për zhvillimin e lidhjeve të biznesit mes dy vendeve, janë vetëm disa prej shembujve të praktikës së mirë, ndërsa edhe kjo vizitë duhet të shihet në këtë aspekt.

Mësonjëtorja e Korçës është shkolla e parë e gjuhës shqipe. Ajo u hap më 7 mars të vitit 1887 në Korçë në shtëpinë e ofruar për mësimdhënie nga Diamanti Terpo. Kjo ndërtesë është sot muze kombëtar i arsimit. Mësues dhe drejtor i parë i saj ishte Pandeli Sotiri. Ai e filloi mësimin në gjuhën shqipe fillimisht me 35 nxënës. Hapja e kësaj shkolle për nga karakteri kishte tipare demokratike, pasi në të mësonin fëmijët e të gjitha shtresave, të varfër e të pasur. Kjo shkollë kishte një klasë përgatitore si dhe katër klasa të rregullta. Lëndët mësimore ishin shkrimi, këndimi, gramatika e gjuhës shqipe, historia, gjeografia, aritmetika, dituria natyrore dhe edukimi fizik.

Hapja e shkollës ishte një ngjarje dhe një fitore e madhe për gjithë lëvizjen kombëtare. Mësonjëtorja e Korçës ishte qendër e rëndësishme për formimin kulturor dhe ngritjen e ndërgjegjes dhe moralit në popull. Ajo nxiti edukimin patriotik të brezit të ri e të masave të gjera. Shkolla tërhoqi interesin dhe admirimin e shumë shqiptarëve, nën shembullin e saj u frymëzuan më vonë edhe banorë të viseve dhe trevave të tjera shqiptare.

Veç të tjerash kjo ngjarje ishte një fitore e madhe për popullin shqiptar, pasi deri atëherë dhënia e mësimeve për shkak të pushtimit osman bëhej privatisht brenda shtëpive në mënyrë të fshehtë. Kështu, që nga ajo ditë, 7 marsi festohet në Shqipëri si dita e mësuesit për të përkujtuar atë ngjarje të rëndësishme kulturore dhe historike.

Edhe pse në kushte të vështira, kur mësimi i gjuhës shqipe për shkak të kushteve të ndodhura nën sundimin osman ishte rreptësisht i ndaluar, mësonjëtorja e Korçës qëndroi e hapur për gati 15 vjet. Drejtues të saj ishin figura të njohura të Rilindjes shqiptare si: Pandeli Sotiri, Petro Nini Luarasi, Nuçi Naçi, Thoma Avrami, etj. Kontributi i madh që këta atdhetarë dhe veprimtarë të shquar dhanë për kombin dëshmohet nga dëshira e zjarrtë që ata kishin për të përhapur dijen në popull. Me ato mundësi që kishin ata u bënë iniciatorët e krijimit të të teksteve të para shkollore të dokumentuara. Ata i përkushtuan një rëndësi të madhe pajisjes me mjetet e duhura të mësimdhënies për të bërë më tej dhe shpërndarjen e tyre te nxënësit e tyre. Të edukuar dhe me frymën e lartë të patriotizmit këta nxënës do të bëheshin në të ardhmen dhe pasuesit e denjë të ideologjisë së mësuesve të tyre dhe luftëtarë të devotshëm për luftën për liri dhe pavarësi.

Serbi – Kroaci, acarohen tonet /Daçiq anulon vizitën në Zagreb

Ministri i Jashtëm serb, Ivica Daçiq ka anuluar pjesëmarrjen e tij në një takim që do të zhvillohet më 3 mars në Zagreb, me homologët e vendeve pjesëmarrëse në Procesin e Bashkëpunimit të Europës Jug-lindore.

Periskopi.com Lajme

Vendimi, ka bërë të ditur dikasteri i drejtuar nga Daçiq, është marrë pas deklaratave të fundit të ministrit të Jashtëm kroat, Davor Stier, kundër parimeve themelore për marrëdhëniet e fqinjësisë së mirë dhe për promovimin e bashkëpunimit rajonal.

Daçiq i është referuar edhe celebrimit në Kroaci të lumturimit të kardinalit Alojzije Stepinac, i akuzuar nga Beogradi për krime lufte dhe mbështetje të regjimit kroat gjatë Luftës së Dytë Botërore.

Pas kritikave të Daçiq, shefi i diplomacisë kroate ka mbyllur çdo rrugë komunikimi me homologun serb.

“Kroacia synon të vazhdojë mbajtjen e marrëdhënieve të mira me Serbinë dhe të ruajë një kanal komunikimi me Beogradin, por kjo është e pamundur me ministrin Daçiq”, ka deklaruar ministri Stier./tch

Ish-ambasadori britanik në Jugosllavi: Vetëm shkëmbimi i territoreve midis Kosovës e Serbisë sjell paqe

Ish-ambasadori britanik në Jugosllavinë e fundit, Ivor Roberts, deklaroi se e vetmja mënyrë për të arritur paqen e qëndrueshme dhe për stabilizimin e marrëdhënieve do të jetë shkëmbimi i territoreve midis Kosovës e Serbisë shkruan B92, transmeton Koha.net.

Periskopi.com Lajme

Me atë rast, sipas këtij burimi, Roberts tha se shtetet multietnike janë ideal, por në praktikë shkëmbimi i Luginës së Preshevës në Serbi me territorin e pjesës e Kosovës në veri të Ibrit ndoshta do të ishte e vetmja mënyrë për stabilizimin e marrëdhënieve dhe të sigurohet që Serbia të njohë pavarësinë e shtetit të Kosovës.

Ai ka shfaqur shpresën se kufijtë e Ballkanit, si kudo, do të kthehen më shumë në “simbol të dallimeve” dhe jo të ndasive, por ka shtuar se kjo do të ndodhë vetëm nëse komunitetet e ndryshme nacionale do të ndihen më të sigurta e më stabile në kuadër të entitetit të vet sesa që ishin deri më tash, citon BIRN-in agjencia B92.

I pyetur se çfarë ndikimi do të kishte shkëmbimi i territoreve për pjesën tjetër të rajonit, sidomos për Maqedoninë dhe Bosnjën, Roberts u shpreh se shkëputja e Republika Srpska nga Bosnja do të ishte shumë vështirë e realizueshme duke pasur para sysh ambivalencën e Serbisë kundruall kësaj ideje, si dhe kundërshtimin e fuqishëm me të cilën do të përballej ndër boshnjakët e BeH.

Në pyetjen nëse përkrahja e Perëndimit për pavarësinë e Kosovës e ka shtyrë Serbinë në krahët e Rusisë, Roberts është përgjigjur se ndikimi në rritje i Rusisë në Ballkan është pasojë e “ringjalljes së Rusisë” që ka ndodhur pavarësisht nga situata në Kosovë.

Ai ka rrëfyer se, në cilësinë e ambasadorit në Beograd në fund të viteve të nëntëdhjeta, më kot ishte përpjekur ta bindte liderin e atëhershëm serb, Sllobodan Millosheviqin, ta ndalte politikën e dhunës represive në Kosovë.

Por Roberts ka shtuar se shkaqet e krizës së Kosovës i kanë rrënjët në kohën shumë para Millosheviqit, duke përmendur në këtë kontekst Konferencën e Londrës nga viti 1913, kur u vunë kufijtë në Ballkan pas Luftërave Ballkanike 1912-13, kur gjysma e popullatës shqiptare mbeti jashtë shtetit të Shqipërisë.

Ish ambasadori britanik në Jugosllavinë e atëhershme qysh më 1914 gjatë një interviste i kishte thënë B92 se për paqe do të jetë i nevojshëm shkëmbimi i territoreve, transmeton Koha.net.

Idenë e shkëmbimit të territorit (mes Kosovës e Serbisë) e ka shfaqur edhe kongresisti republikan amerikan Dana Rohrabacher, sipas të cilit duhet të bëhet ridefinimi i kufijve në Ballkan asisoj që “shqiptarët nga Kosova dhe nga Maqedonia duhet të përbëjnë Kosovën, ndërsa pjesa tjetër e Maqedonisë t’i bashkohet Bullgarisë ose ndonjë shteti tjetër për të cilin mendon se ka afërsi” , por Departamenti amerikan i Shtetit është deklaruar në favor të sovranitetit dhe integritetit territorial të Maqedonisë.

Edhe Bashkimi Europian është kundër shkëmbimit të territoreve.

Kryeministri i Serbisë, Aleksandar Vuçiq e ka quajtur kongresistin amerikan Rohrarbahher “të afërt me shqiptarët”.

Idenë e shkëmbimit të territoreve midis Kosovës e Serbisë ditë më parë e riaktualizoi akademiku Rexhep Qosja, që të Kosovës t’i bashkohet Lugina e Preshevës, e Serbisë t’i jepet veriu i Kosovës. Ai këtë ide e mbron tash e disa dekada, si një zgjidhje që i rehaton të dy palët.

 

Kundër këmbimit të territoreve Kosovë – Serbi mbrëmë në KTV, në emisionin “Rubikon”, është shprehur kryeministri i vendit Isa Mustafa.

Rivendosja e vijës ajrore Beograd- Prishtinë, e mundshme

Pas 18 vjet ndërprerjeje të trafikut ajror ndërmjet Beogradit e Prishtinës, kjo vijë ajrore do të mund të rivendosej, transmeton Koha.net.

Periskopi.com Lajme

Qeveria e Serbisë, për këtë qëllim e ka formuar Grupin punues për normalizimin e trafikut ajror në Ballkan.

Me vendimin e Qeverisë së Serbi më 31 janar të këtij vit, Grupi punues, siç njofto gazeta blic e Beogradit, do të duhej të gjente zgjidhje për hapjen e hapësirës ajrore për trafikun civil mbi Kosovën, për vendosjen e vijës ajrore Beograd – Prishtinë, por edhe për posedimin pozicionit të radarit “Kopaonik”, me radarin primar e sekondar për nevoja ushtarake e civile.

“Vendosje e trafikut ajror me Prishtinën është pjesë e Marrëveshjes së Brukselit”, ka thënë për gazetën serbe një burim i paemëruar nga Qeveria e Serbisë.

Po ky burim ka theksuar se megjithatë “duhet pasur para sysh që të mos bihet në kurthin Prishtinës , pasi, sipas tij, bashkë me këtë, imponohet edhe çështja e kontrollimit të pjesës së poshtme të hapësirës ajrore që nuk ka lidhje me trafikun civil”.

Ai ka sqaruar se “bëhet fjalë për hapësirën nën 8.000 metra që lidhet me sovranitetin dhe integritetin territoriale të vendit për të cilin nuk duhet diskutuar fare, “sepse për trafikun ajror është e rëndësishme hapja e hapësirës ajrore mbi 8.700 metra”.

Vendimi i Qeverisë serbe për formimin e Grupit punues hyn në fuqi më 12 shkurt, të dielën.

Kryetar i Grupit ësh ministri serb i Mbrojtjes Zoran Gjorgjeviq dhe përfaqësues të ministrive të tjera të Serbisë .

Mbrëmë në KTV, në Rubikon, kryeministri i Kosovës Isa Mustafa ka theksuar se moslejimi i qarkullimit ajror nga Kosova nëpër hapësirën e Serbisë i kushton vendit tonë.

Karikaturisti serb sërish godet, shikoni si i paraqet liderët serb dhe ata të Kosovës (Foto)

Nuk është e lehtë të jesh karikaturist politik në Serbi.

Periskopi.com Lajme

Rrezikun e kësaj pune më së miri e dëshmon rasti i Dushan Petriçiqit, njërit prej karikaturistëve më të mirë të këtij vendi, puna e të cilit është shfaqur edhe në gazetat “The New York Times”, “The Wall Street Journal” e të tjera.

I njohur si CORAX, kësaj radhe pasqyron saktësisht fytyrën e vërtet të politikanëve ballkanik që dialogojnë në Bruksel.

Ai tallet me politikanët kosovarë dhe serbë që në vendet e tyre, Kosovë dhe Serbi, krekosen me retorikë primitive të luftës, ndërsa në Bruksel qeshen dhe ulin kokën nën tavolinën e përfaqësues së lartë të BE-së, Frederika Mogerini.

 

 

Atij kohë më parë i është shkëputur kontrata me gazetën kryesore serbe, ‘Politika’, vend ku kishte punuar për shtatë vite.

Kjo, ngase subjekt të satirës kishte kryeministrin serb Aleksandar Vuçiq./ Periskopi

 

 

16523209_10154476191950326_452146068_o

 

Nis takimi i përbashkët Kosovë-BE-Serbi

Pas dy orësh takim me palën serbe, përfaqësuesja e lartë e BE-së, Federica Mogherini ka filluar takimin e përbashkët.

Periskopi.com Lajme

Në këtë takim do të diskutohet për murin në veri, Asociacionin e Komunave serbe dhe tema të tjera.

Përfaqësuesit e lartë të dy shteteve kanë premtuar se “do t’i masin fjalët” gjatë dialogut./Lajmi.net

Bota drejt tragjedisë /Studiuesit: Konflikti Kosovë-Serbi dhe Lufta e III Botërore

‘Ballkani është fuçi baruti’. Kjo shprehje ka bërë që shumë studiues të teorive konspirative në botë të hamendësojnë se Lufta e III Botërore do të nisë shumë shpejt. Shembull konkret është dhe provokimi i fundit që Serbia i bëri Kosovës, pak ditë më parë me trenin.

Periskopi.com Lajme

Teoricienët konspirativë besojnë se shumë shpejt NATO do të përballet me Rusinë dhe Kinën, dhe fushëbeteja do të jetë Europa Lindore.

Ndërkohë që pak kohë më parë drejtuesit e ushtrisë amerikane kanë pranuar se Lufta e III Botërore do të ndodhë shumë shpejt dhe do të jetë “jashtëzakonisht vdekjeprurëse dhe e shpejtë”.

Major William Hix tha se një konflikt global i në të ardhmen e afërt do të jetë tejet vdekjeprurës, i shkurtër dhe Shtetet e Bashkuara të vetme nuk do të kenë në dorë mbylljen e tij.

Ai shtoi gjithashtu se janë pikërisht këto shtete, pra Rusia dhe Kina, që përbëjnë rrezikun më të madh për Shtetet e Bashkuara të Amerikës.

Sipas gjeneralëve dhe figurave të tjera kryesore të ushtrisë amerikane, të cilët kanë bërë të ditur parashikimet e tyre për konfliktet botërore, kanë thënë se Kina dhe Rusia janë dy shtete që kanë zhvilluar së tepërmi ushtritë e tyre, duke përdorur edhe teknologji të reja.

Gjeneralët amerikanë japin alarmin se Lufta e III Botërore është e pashmangshme dhe do të vijë shumë shpejt./SYRI.net