Momenti kur oficeri gjerman u kishte dhënë 10 minuta serbëve për t’u larguar nga Prizreni (Video)

Ky është momenti kur KFOR-i gjerman kishte hyrë në Prizren, ku aty ende ndodheshin forcat serbe.

Periskopi.com Lajme

 

Pas kontaktimit të një komandanti gjerman me një nga oficerët serbë i kishe thënë që deri më tani ju duhet të ishin larguar, por myqe jeni ende këtu i keni vetëm 10 minuta kohë për t’u larguar ose do të jeni cak i sulmeve të tankeve të NATO-s, shkruan lajmi.net.

 

‘Pajtimi mes shqiptarëve dhe serbëve, aktualisht është i pamundur’

Drejtori i Këshillit për Mbrojtjen e të Drejtave dhe Lirive të Njeriut (KMDLNj), Behxhet Shala, ka mirëpritur iniciativën e presidentit të Kosovës, Hashim Thaçi, për themelimin e Komisionit për të Vërtetën dhe Pajtimin.

Periskopi.com Lajme

Megjithatë, ai ka vlerësuar se aktualisht në Kosovë pajtimi mes shqiptarëve dhe serbëve është i pamundur.

Sipas Shalës, pajtimi mund bëhet vetëm në bazë të vullnetit të të dyja palëve dhe pasi të pranohet e vërteta.

Në këtë intervistë dhënë për gazetën “Epoka e re”, ai ka deklaruar se procesi i pajtimit mund të shkojë përpara vetëm nëse udhëhiqet nga njerëz kredibilë dhe të besueshëm për të dyja palët.

Sipas Shalës, Komisioni për të Vërtetën dhe Pajtimin nuk mund të nxjerrë aktgjykime për ta dënuar dikë, por me punën e tij mund t’i ndihmojë gjykatat.

Sipas tij, qëllimi i këtij Komisioni është relaksimi i raporteve, mbledhja e informatave, konsultimet publike dhe hartimi i raporteve, mbi bazën e të cilave pastaj mund të ndërmerren lëvizje të tjera.

Serbët kërkojnë drejtësi nga Gjykata Speciale

Familjet e serbëve të vrarë në Kosovë në fund të viteve të 90-ta janë duke kërkuar drejtësi nga Gjykata Speciale.

Periskopi.com Lajme

Ata thonë se familjarët e tyre janë vrarë nga rebelët shqiptarë.

“19 gjyqtarë ndërkombëtar janë duke kërkuar këtë muaj për këtë gjykatë, që do të gjykojë krimet e bëra nga Ushtria Çlirimtare e Kosovës në luftën për pavarësi nga Serbia, që la të vdekur 13 mijë veta”, shkruan më tej në këtë tekst”.

“Vëmendja globale gjatë është e fokusuar në vrasjet masive dhe mizoritë e kryera nga forcat serbe të drejtuara nga Sllobodan Millosheviq”, shkruan NTS, transmeton Klan Kosova.

“Pas 11 javëve të kampanjës së bombardimeve të cilat ndoqën trupat nga territori i cili dominohej nga shqiptarët më 1999 ku një dekadë më pas Kosova shpalli pavarësinë”.

“Por krimet e kryera nga rebelët shqiptarë kundër serbëve, romëve por edhe të tjervëe që konsiderohen të kenë qenë bashkëpunëtorë, janë shqyrtuar shumë pak”, shkruan më tej në këtë tekst.

Aty përmenden edhe akuzat që Dick Marty i kishte bërë dikur ndaj presidentit aktual të Kosovës Hashim Thaçi, por që thuhet se në Gjykatën Speciale mund të gjykohen edhe Ramush Haradinaj dhe Fatmir Limaj.

73 për qind e serbëve nuk do të luftonin për Kosovën

Shumica e madhe e qytetarëve të Serbisë mendon se nuk do të duhej hyrë në konflikt të armatosur që Kosova të bëhet pjesë përbërëse e Serbisë.

Periskopi.com Lajme

Këtë e ka dëshmuar hulumtimi i Qendrës për politikë të sigurisë së Beogradit.

Se nuk do të hyhej në luftë për shkak të Kosovës mendon 73 për qind e të anketuarve, 17 për qind nuk e dinë, ndërsa 10 për qind mendojnë se duhet hyrë në luftë, transmeton Koha.net.

Sipas hulumtimit, as shumica e votuesve të partive djathtiste si SRS e Dveri, nuk do të ishte e gatshme të merrte armët në duar për Kosovën , përcjell gazeta “blic” e Beogradit.

Më luftarakët janë të rinjtë të moshës nga 18 – 29 , nga të cilët 15 për qind do të hynin në luftë, ka thënë hulumtimi që është bërë nga 26 dhjetori deri më 14 janar.

Kur bëhet fjalë për pjesëtarët e partive, 70,6 për qind e të pyeturve nga SNS mendon se është e arsyeshme që të hyhet në luftë për Kosovën që ajo të mbetej në Serbi, te DS kjo përqindje është 86,5 e këtë qëndrim e ka edhe 70,2 përqindëshi i koalicionit SPS-PUPS-JS.

Për Kosovën nuk do të luftonin 57,5 për qind e të pyeturve nga Dveri, 87 për qind nga LDP, SDS dhe LSV dhe 50 për qind nga radikalët.

Haradinaj u përgjigjet serbëve, i çon selam “Klanit të Millosheviqit”

Lideri i Aleancës për Ardhmërinë e Kosovës (AAK), Ramush Haradinaj ka regauar ndaj lajmeve se arrestimi i tij në Francë ka të bëjë me Gjykatën Speciale.

Periskopi.com Lajme

Ai, ka thënë se është shpallur i pafajshëm edhe nga instancat më të larta të drejtësisë, derisa ka konsideruar se në këtë mënyrë politikanët e “Klanit të Millosheviqit” po i shtyjnë përpara agjendat e tyre politike.

Haradinaj ka theksuar se tërë këto nuk i merr fare seriozisht.

Postimi i plotë i Haradinajt:

Nuk më shqetëson Klani i Millosheviqit

I kam respektuar ligjet e vendit tim dhe ligjet ndërkombëtare! Jam përballur me akuzat më monstruoze të prodhuara nga vrasësit e popullit tim dhe në një proces të gjatë e të mundimshëm, jam shpallur i pafajshëm për të gjitha pretendimet, nga instanca më e lartë e drejtësisë ndërkombëtare.

Këtij verdikti i është bindur krejt Bota!

Të vetmit që vazhdojnë të meren me këtë punë, janë politikanët e Klanit të Millosheviqit, të cilët më nuk kanë kurrfarë fuqie që në emër të, gjoja drejtësisë, t’i shtyjnë agjendat e tyre politike, dhe unë nuk i marr fare seriozisht!

Shpejt do t’i kthehem punës për vendin tim. Ky është i vetmi preokupim imi!

 

Serbët kërcënojnë njeri-tjetrin në veri

Një person me nacionalitet serb ka kërcënuar bashkëkombësin e tijn në rrugën “Mbreti Petar” në veri të Mitrovicës.

Periskopi.com Lajme

 

Ankuesi ka raportuar se ka pranuar një mesazh kërcënues nga i dyshuari serb, thuhet në raportin e policisë.

Lidhur me rastin është njoftuar prokurori, ndërsa ende nuk ka të arrestuar.

Shpërndahen serbët që po ruanin murin në veri

Janë shpërndarë serbët që për disa orë rresht kanë qëndruar “duke ruajtur murin” në veri të Mitrovicës.

Periskopi.com Lajme

Shpërndarja e tyre është bërë pak pasi që ka përfunduar takimi në Rashkë në mes të kryeministrit serb Aleksandër Vuçiq dhe përfaqësuesve politikë të serbëve të Kosovës.

Në fakt, besohet se serbët nuk janë shpërndarë tërësisht, por kanë mbushur kafeteritë që janë përskaj murit.

Ata ishin tubuar sot pasdite matanë murit.

Muri i ndërtuar ilegalisht është bërë shkas i deklaratave të ashpra nga krerët politikë të Serbisë e Kosovës. Ata në Beogradë thonë se “Prishtina po planifikon të sulmojë veriun”. Në anën tjetër Prishtina zyrtare ka thënë se muri ilegal duhet të rrënohet.

Ambasada amerikane: Keni kujdes nga policët e rrejshëm serbë

Ambasada amerikane në Beograd ka paralajmëruar qytetarët e saj në Serbi që të kenë kujdes se kush ju troket pa paralajmëruar në dyer.

Periskopi.com Lajme

Paralajmërimi është lëshuar, siç thuhet, për shkak të incidenteve të mëhershme në të cilët disa individ janë prezantuar si policë në mënyrë që të hyjnë në shtëpi private dhe të kryejnë aktivitet kriminal.

Siç thuhet në sajtin zyrtar të Njësitit për Siguri Diplomatike të Stejt Departmentit Amerikan (OSAC), të gjithë qytetarët amerikanë duhet menjëherë ta njoftojnë policinë në rast të aktivitetit dyshues.

Siç thuhet më tej, dy burrat të veshur me uniforma të policisë dhe me shenja identifikuese, kanë tentuar të hyjnë në banesa, duke kërkuar që në ndërtesë të hyjnë përmes thirrjes me interfon.

“Nuk kanë treguar asnjë dokument të legjitimimit e më pas janë larguar. Javën e kaluar dy persona janë arrestuar për shkak të hyrjes në disa shtëpi në Vraçar, Palilula dhe Zvezdara. Policia po ashtu ka arrestuar tre persona të dyshuar për shkak se kanë përdorur pajisje policore për të hyrë në një shtëpi në Barajevo”, thekson ambasada amerikane.

Serbët duan Pejën

Ish-kryeministri i Shqipërisë, Sali Berisha ka folur gjatë për Kosovën.

Periskopi.com Intervista

Në një intervistë për syri ai ka folur për murin në Mitrovicë, trenin, reagimet e Kosovës, bisedimet e shumëçka tjetër, por befasoi me një deklaratë. Tha se serbët e duan Pejën.

Çim Peka: Të kthehemi tek halli jonë, Kosova. Ngjarjet e javëve të fundit janë vërtet shqetësuese dhe ngjarjet që lidhen pak ditë para inaugurimit të Trump. Serbët morën guxim, pak nga perceptimi i asaj se çfarë po thuhej mbi raportet Trump-Putin, serbët morën guxim dhe de fakto tentuan ta aneksojnë Mitrovicën sepse treni ishte motiv. A mendoni se ky rrezik kapërceu?

Sali Berisha: Jo nuk ka kapërcyer dhe ky rrezik ekziston. Mendoj se në këtë rrezik përgjegjësia e parë dhe kryesore u përket shqiptarëve. Po marr Tiranën zyrtare.

Peka: Shqiptarë, keni parasysh Tiranën apo edhe Prishtinën?

Berisha: Po flas për të dyja. Është shumë kollaj se ne e kemi këtë në Ballkan, që çdo gjë do tua hedhi të tjerëve. Vetë janë të larë dhe të pafajshëm për asgjë, çka nuk është kurrë e vërtetë. Përgjegjësitë kryesore janë gjithmonë të prekshme. Politika e Tiranë: Një ndryshim thelbësor në favor të Beogradit. Në dëm thelbësor të udhëheqjes politike të Prishtinës.

Peka: Ku e shikoni këtë Zoti Berisha?

Berisha: Sigurisht, në qoftë se ti që nuk ke asnjë problem bilateral, madhor të pazgjidhur me Beogradin, përveç problemeve që ka Kosova, shkon dhe bëhesh protagonist dhe kapërcen mbi Prishtinën dhe paraqet udhëheqjen e Beogradit ashtu sikur nuk janë, ky është shërbimi i parë i madh moral që u bën por nuk është vetëm kaq. Do t’u rrëfej një gjë interesante. Para nja 5 vitesh më vjen një mesazh nga Departamenti i Shtetit, direkt nga Sekretarja e Shtetit dhe më kërkon: A mund të bësh një deklaratë, për të mbështetu-ishin bisedimet të nesërmen në Bruksel. A mund të bësh një deklaratë më thotë? Jo i thashë, nuk e bëj. I thuaj sekretares se unë deklaratën do ta bëj pasi ata të vendosin se unë vetëm kështu i ndihmoj ata. Në qoftë se u bëj deklaratë përpara dhe shqiptarët shohin se ata janë si punë shkopi i Tiranës, ata zhvleftësohen, Beogradi merr revansh. Nuk e pata të lehtë, por i qëndrova parimit tim. Ndodhi që të nesërmen ata firmosën dhe unë e quajta jetike a historike marrëveshjen me atë mbështetjen e madhe. Po kështu në çdo rast, sepse përpjekja e Beogradit ishte e jashtëzakonshme që Kosova të futej në axhendën e diskutimeve mes Tiranës dhe Beogradit. Ne e përjashtuam atë në mënyrë kategorike. Pse? Së pari zotërit e shtëpisë janë udhëheqja politike. Së dyti, jemi në konflikt të hapur interesi, unë mbaj anën e Kosovës. S’ka diskutim ajo punë. Unë në çdo rast do mbështes Kosovën. Ky duhet të ishte qëllimi, Edi Rama e përmbysi këtë qëllim. Ka ardhur,e kam theksua dhe një herë Kiçi, a do ta presësh më tha mua? Por me një kusht që të mos përmendësh Kosovën në zyrën time. E respektoj, unë si mikpritës e prita, unë absolutisht nuk jam kundër vizitave, kam pasur ftuar presidenti Tadiç, por dihej hapur qëndrimi i Tiranës, që ne nuk diskutonim për Kosovën, ne mbështesnim Kosovën. Tani vijmë tek tjetra. E gjithë ajo që iu bë Kosovës për të treguar se nuk funksionon si shtet, ajo përbën një, ky është defaktorizimi që i bëri Rama,- ai në vetvete përbën një lloj bllokimi të neveritshëm me të cilin Serbia paraqiti Kosovën para botës në mënyrën më të shëmtuar. Do vijmë tek zhvillimi i fundit. Treni pa diskutim ishte përpjekje aneksioniste. Eci, eci aventurier. Nuk është vetëm atje. Shiko debatin në Prishtinë për shkëmbimin e territoreve. Kur, atë kohë të ka sulmuar tjetri, kur ai të sulmon , ti i jep kokën në tepsi atij dhe thuaj ti çfarë do të thotë kjo? Po pse pikërisht, unë iu them shqiptarëve, kërkesa për shkëmbime territori midis Kosovës dhe Serbisë, ka qenë kërkesa kryesore e Serbisë që paraqiste ndaj nesh dhe që ishin kategorikisht kundër dhe lobonin në SHBA për të qenë kundër. Dhe më thonin më herët pse jeni kaq kundër? Nuk kemi pse ndajmë territore, por këta verbalë, nuk e dinë. Ai synon Ibrin, ai synon Pejën.

Peka: Si e synon Pejën nga Ibri, zoti Berisha?

Berisha: Zor i madh, s’ka gjë me Ibrin ai, aty kam lind thotë. Ai po përpiqet të rikthejë Serbinë e Madhe. Asnjë gur, jo metër katror, asnjë gur nuk duhet dhënë nga territori i Kosovës. Aq më tepër kur tani ai tregon se do të sulmojë, le të sulmojë. Nuk përgatitet në këtë mënyrë. Ky është një disfatizëm i neveritshëm, i pashembullt. Çdo të thotë ajo? As edhe një gur.

KFOR shpjegon fotografinë e tyre me ushtarët serbë

Një fotografi e bërë nga anëtarët e ushtrisë amerikane së bashku me ushtarë serbë, bëri bujë në Kosovë – për atë se si serbët mund të hyjnë në territorin e Kosovës.

Periskopi.com Lajme

Por KFOR i kanë treguar Klan Kosovës, se kjo fotografi nuk është bërë brenda territorit të Kosovës, por në vijën kufitare serbo-kosovare.

“Në përputhje me mandatin, Rezolutën 1244 dhe me Marrëveshjen Tekniko Ushtarake, KFOR kryen aktivitetet e monitorimit të kufirit. Këto kryen rregullisht në bashkëpunim me Ushtrinë e Serbisë ose edhe me Policinë Kufitare të Kosovës”, thuhet në përgjigjen zyrës për media të KFOR-it, dërguar Klan Kosovës.

“Aktivitetet janë bërë brenda zonave të miratuara përgjatë vijës kufitare serbo-kosovare. Fotografia e përmendur është bërë në njërën nga këto zona dhe kjo nuk tregon forcat serbe në territorin e Kosovës”.

Serbët e Kosovës i lutën Beogradit: Mos luani me “trena”, po na rrezikoni jetën

“Të gjithë ne në jug të Ibrit duam të jetojmë normalisht dhe në paqe, por sa herë që politikanët nxitin tensionet, ne këtu jemi caqe të gjalla”.

Periskopi.com Lajme

Kështu ka thënë gazetari serb, Darko Dimitrjeviq i cili vjen nga Gorazhdeci i Pejës.

Darko është redaktor-gazetar në radio “Gorazhdec” dhe ai e di se si është të jesh serb në shumicën shqiptare derisa tensioni ndihet në ajër.

Ai ka marrë shembull rastin e trenit, duke thënë se “kjo është një nga ato ditët kur ju mund të shihni me sy se jeni i padëshirueshëm”, transmeton lajmi.net.

“Unë shkoj me makinë në Pejë, duhet të kem kujdes sepse kam targa serbe dhe dikush mund të më gjuaj me gurë. Këto janë ditët kur ju mund të shihni me sy se jeni i padëshirueshëm. Problem të njëjtë ka gruaja dhe vajzat të cilët rrezikohen të dalin jashtë fshatit. Gjithmonë kur krijojmë një marrëdhënie të mirë me shqiptarët prapë del diçka që e prish”, ka thënë Dimitrjeviq për “Blic”.

Ai ka treguar se në Gorazhdec ka të paktën 50 makina me targa serbe dhe këto ditë të tensionit pronarët e tyre ndjehen si ‘pëllumba në baltë’.

Kështu e sheh drejtori i Qendrës Kulturore në Graçanicë, Zhivojin Rakoçeviq, jetën e serbëve në Kosovë kur Beogradi rrit tensionet.

“Që nga 17 marsi i vitit 2004 nuk ka ndryshim demokratik e as institucione funksionale, për këtë arsye jetojmë në mes të kaosit”, është shprehur ai.

Rakoçeviq ka frikë se do të përsëriten trazirat e 17 marsit.

“Pas incidentit të “trenit” dhe pas arrestimit të Ramush Haradinajt janë krijuar kushtet për trazira. Tani paraqitja e shqiptarëve, sjellja e shitësit në dyqan, mënyra e ftohtë e komunikimit etj., të gjitha këto tregojnë se çdo gjë është gati për më të keqen”, ka përshkruar ai rrethanat pas fërkimit të palës shqiptare me atë serbe.

Oliver Radiq, profesor i gjuhës serbe nga Rahoveci, thotë se historia e trenit është një lojë politike.

“Kur e pash që në tren është mbishkrimit “Kosova është Serbi” e dija se nuk do mund të kaloj. Kjo është e ditur se me këtë mbishkrim asnjë nga serbët e Kosovës nuk do të mund të lëvizin të lirë, mirëpo kjo është e shkruar në shpirtin tim dhe kjo është arsyeja pse unë vazhdojë të jetojë këtu me familjen time”, ka thënë ai.

I pyetur nëse ai ka fikë nga një lloj hakmarrje për shkak të provokimit me tren, ka thënë se serbët në Kosovë janë nën mbikëqyrjen e përditshme.

Jelena Miliq që përmendi varrezat e shqiptarëve në Serbi, lëshon studion ku po debatonte me Vuçiqin (Video)

Jelena Miliq, drejtoresha e Qendrës për Studime Euroatlantike ka lëshuar studion gjatë debatit me kryeministrin serb, Aleksandër Vuçiq që po mbahej në televizionin “Pink”.

Periskopi.com Lajme

Miliq, e ka lëshuar studion pasi që kryeministri serb, Vuçiq,  i ka thënë se ajo po flet kundër interesave të Serbisë.

Ky reagim i kryeministrit Vuçiq, ka ardhur pasi që Miliq, në një emision tjetër i kishte thënë Vedrana Rudan opinioniste nacionaliste, se, “A e din që ekzistojnë varreza masive të shqiptarëve në Serbi”, trasnemton “Zeri.info”.

Miliq po ashtu i kishte thënë Vedrana Rudan se, serbët kanë ushtruar gjenocid ndaj shqiptarëve.

Vlen të theksohet se Vedrana Rudan me prejardhje është kroate mirëpo, është e martuar me serb.

Kjo deklaratë e Miliqit dhënë në emisionin “Ćirilica”, ka bërë që në emisionin që po transmetohej në televizionin “Pink”, ku i pranishëm ishte edhe Vuçiq, të mos i pëlqenin deklaratat e saj, për shkak se ajo kishte thënë një gjë që tashmë dihet botërisht.

Mirëpo, ky fakt nuk i kishte pëlqyer Aleksandër Vuçiqit duke i thënë se ajo po flet kundër interesave të Serbisë dhe kjo ka bërë që Miliq ta lëshoj studion e debatit.

Pas lajmit për forcat serbe në kufi me Kosovë, deputetja shqiptare kërkon të mbrohen tokat

Deputetja e Partisë për Drejtësi, Integrim dhe Unitet, Mesila Doda ka reaguar lidhur me zbarkimin e Forcave serbe në Kufirin e Kosovës.

Periskopi.com Lajme

Doda ka thënë se presidenti të Shqipërisë, Bujar Nishani, duhet të thërrasë mbledhje të menjëhershme të Këshillin e Sigurisë.

“Nese ky lajm eshte i vertete, Presidenti duhet te mbledhe menjehere Keshillin e Sigurise. Ne duhet te sillemi si nje Komb, te leme menjane sherrnajat dhe te bllokojme çdo perparim te pushtuesve serbë ne tokat shqiptare. Qeveria e Kosoves dhe e Shqipërisë e kane sfide te perbashket mbrojtjen e tokave shqiptare” (sic.), ka thënë ajo.

Me këngë e raki, serbët u kthyen në Beograd (Foto)

Shoferi i trenit serb, së bashku me udhëtarët tjerë ndonëse nuk e arritën qëllimin, po këndojnë e cakërrojnë gotat me raki sikurse po festojnë diçka.

Periskopi.com Lajme

 

Të tjerë po qëndrojnë në telefonat e tyre ose duke punuar në laptop.

Gjithsesi nuk harrojnë të shkrepin edhe ndonjë fotografi si kujtim nga udhëtimi i tyre i ndalur në gjysmë.

Kjo është rruga e kthimit të serbëve për në Beograd, pas qëndrimit prej tre orësh në Rashkë, njofton Klan Kosova.

Pamjet e marra nga mediat serbe.

Qeveria thotë se “me trenin rus në veri mund të futen edhe armë”

Qeveria e Kosovës po e përjeton si kërcënim për sigurinë e Kosovës trenin serb në veri.

Periskopi.com Lajme

“Rusia qëndron prapa veprimeve të fundit të Serbisë dhe treni është financim i tyre, sikurse me pikat e karburantit para ca javësh”, i ka thënë KTV-së në kushte anonimiteti një burim brenda Qeverisë.

“Dhe mbi të gjitha është një kërcënim serioz hyrja e tij pa leje dhe kontroll në Kosovë sepse ekziston rreziku që të transportojë edhe armë”, ka thënë më tej ky burim.

Në anën tjetër, krejt protokollare e ka përshkruar komunikata qeveritare njoftimin për mbledhjen e Këshillit të Sigurisë së Kosovës, që është udhëhequr nga kryeministri i Republikës së Kosovës, Isa Mustafa, e njëzet e dyta me radhë.

Njoftimi thotë se aty janë shqyrtuar aspekte të ndryshme nga fusha e përgjegjësive ligjore dhe kushtetuese.

Në takim, përveç anëtarëve të rregullt të Këshillit u ftua dhe mori pjesë edhe kryetari i Kuvendit të Republikës së Kosovës, Kadri Veseli.

“Këshilli i Sigurisë së Kosovës ka miratuar Planin e Punës të Këshillit për vitin 2017, si dhe është bërë vlerësimi i sigurisë në vend. Në takim, po ashtu, është përkrahur orientimi për hartimin e Strategjisë së Sigurisë Kombëtare si dhe janë shqyrtuar dokumente të tjera të rëndësishme për organet e sigurisë”, thuhet në njoftim.

Kujtojmë se KTV dhe Koha.net, mbrëmë kishin raportuar se zhvillimet e fundit në vend kanë bërë që institucionet të thërrasin një mbledhje të rrallë të Këshillit të Sigurisë.

KTV-ja mëson se temë kryesore e diskutimit do të jetë evaluimi i gjendjes së sigurisë në vend pas qasjes agresive të Serbisë ndaj Kosovës në javët e fundit duke përfshirë situatën e krijuar për murin në Mitrovicë.

Haradinaj-serbëve: Unë nuk kam qenë servil, kam mbajt veglat e mia

Kreu i AAK-së, ish-kryeministri i Kosovës, Ramushs Haradinaj thotë se ka paraqitur qëndrimet e tij para gjykatës në Francë.

Periskopi.com Lajme

Sipas tij, duhet reciprocitet me Serbinë, pra ai thotë se duhet ndjekur shembullin e Kroacisë.

Në një intervistë në Interaktiv të KTV-së, Haradinaj nuk kritikoi assesi deputetët e Kosovës që edhe pas 11 orë debat nuk miratuan një rezolutë, që do vinte si pasojë e arrestimit të tij.

Ai është këmbëngulës që Serbia po abuzon në emër të Ligjit.

“Është veprim jo ligjor dhe i padrejtë. Ivica Daçiq është hyzmeqar i Millosheviqit, ja ka mbajt çadrën, Vuçiq dhe Nikoliq i kanë ndejt gatitur Sheshelit. Unë s’kam mbajt çadra por i kam mbajt veglat e mija kundër tyre. Njëjtë sa të më ndjekin, as unë kurrë s’do t’i nënshtrohem Serbisë e as shqiptarët nuk do t’i dorëzohen serbëve”, tha ai, duke marr shembull kroatët se si serbëve ua kanë dhënë një shembull të mirë mosnënshtrimi.

Haradinaj tha se pret që gjatë javës së ardhme të mbahet seanca në Francë, për të shqyrtuar kërkesat e tjera që ka bërë Serbia kundër tij.

“Nuk kam asgjë me u ndje në faj, është padrejtësi e radhës, kjo më jep motiv edhe më shumë me punu me shqiptarët”, tha ai duke shprehur kënaqësinë e tij për reagimin e madh gjithandej kundër padrejtësisë që i është bërë atij./ Periskopi

Serbët provokojnë sërish, shikoni ku mbajti Teodosije liturgjinë e Krishtlindjeve në Kosovë (Foto)

Objekti i ndërtuar në kohën e regjimit të Sllobodan Millosheviqit brenda kampusit universitar në Prishtinë, e ashtuquajtura “Kishë Ortodokse Serbe “Sveti Nikolla”, mëngjesin e sotëm ka shërbyer si vend për të dërguar mesazhin e Krishtlindjeve ortodokse, që edhe shënon liturgjinë e parë në këtë objekt që nga viti 1999.

Periskopi.com Lajme

Mediumi serb nga veriu i Mitrovicës, “Kossev”, raporton se ipeshkvi i Rashkë – Prizrenit Teodosije mëngjesin e sotëm, bashkë me disa priftërinj tjerë, me zëvendëskryeministrin e Kosovës, Branimir Stojanoviqin, me zyrtarin ndërlidhës të Beogradit në Prishtinë, Dejan Paviçqviqin, dhe me rreth 20 besimtarë, ka kënduar himnin e Krishtlindjeve në këtë objekt.

“Kjo është hera e parë që nga viti 1999 që një liturgji për Krishtlindjet ortodokse zhvillohet në këtë kishë”, shkruan ky medium.

Teodosije ka thënë se kjo festë është “një festë e gëzimit dhe paqes, e cila ju liron nga mëkati, frika dhe vdekja”.

“Kemi ardhur në tempullin e Krishtit Shpëtimtar, këtu në Prishtinë, sepse kemi dashur që Krishti së pari të lindë në dioqezën tonë, në tempullin tonë. Tempull ky që është i mbyllur, i bllokuar nga dikush që nuk lejon priftërinjtë dhe të krishterët ortodoksë të hyjnë në të, dhe gjithashtu, tempull i vendosur në qytetin ku sot nuk ka serbë ortodoksë. Kanë mbetur disa dhjetëra sosh por që jetojnë në frikë”, ka thënë Teodosije, transmeton Koha.net.

Ai ka shtuar se porosia e sotme “Krishti po lind nga kjo kishë”, ka domethënie të veçantë dhe është porosi për të gjithë ata që jetojnë në Kosovë, por edhe për të gjithë serbët në mbarë botën, sepse “na kujton që nuk guxojmë t’i harrojmë as tempujt e as manastiret tjera tonë në Kosovë e Metohi”.

“Nuk guxojmë ta harrojmë as këtë qytet, e as tokën e shenjtë të Kosovës e Metohisë në të cilën jetojmë”, ka thënë më tej Teodosije.

Peshkopi Teodosije, sipas “Kossev”, me këtë rast “ka ndryshuar drynin e derës ka mbyllur kishën”.

Kurse oficeri ndërlidhës i Beogradit në Prishtinë, Dejan Paviqeviq, ka nga ky objekt ka dërguar mesazhin e paqes dhe të pajtimit.

“Në këtë mëngjes Krishtlindjesh dërgojmë mesazhin e paqes me një dorë të shtrirë të pajtimit, por një dorë e cila s’ka zinxhirë e as dry, siç nuk ka as në këtë tempull më”, ka thënë Paviqeviq.

Edhe zëvendëskryeministri serb në Qeverinë e Kosovës, Branimir Stojanoviq, që vjen nga Lista Serbe, listë e cila ka ngrirë të gjitha marrëdhëniet me institucionet e Kosovës, ka dërguar një porosi të ngjashme.

“Dëshirojmë të jetojmë në dashuri e paqe me të gjithë. Ky është një mesazh që ne nuk do të heqim dorë nga asnjë gur yni, kudo që ai të jetë, e lëre më nga kishat tona”, ka theksuar ai.

Ky objekt, i ndërtuar në kohën e vendosjes arbitrare të ligjeve të regjimit të Sllobodan Millosheviqit, në oborrin e Universitetit ë Prishtinës, ende nuk përdoret për kryerjen e ritualeve fetare pasi ende edhe nuk ka përfunduar.

Rreth këtij objekti, ishte deklaruar edhe kryetari i Komunës së Prishtinës Shpend Ahmeti. Ai kishte thënë se nëse nuk legalizohet ndërtimi i saj, kisha mund të rrënohet. Por nga ajo kohë e deri më tani, prijës fetarë, politikanë e qytetarë serbë kanë tentuar që ta funksionalizojnë atë, duke e pastruar e duke filluar lyerjen e mureve të tij të brendshme.

20170107174757581646 20170107174703329 20170107174715915

Serbët kërcënojnë nëse hiqet muri

Periskopi.com Video

Irinej: Kosova është dhe do të mbetet Jerusalem i Serbisë

Provokimeve të vazhdueshme të politikanëve serbë nga Beogradi por edhe nga veriu ndaj Kosovës, sot iu ka shtuar edhe provokimi i radhës nga kreu i Kishës Ortodokse serbe.

Periskopi.com Lajme

Patriarku Irinej, siç bën në të gjitha festat fetare e kombëtare serbe, ka uruar bashkëfetarët dhe bashkëkombëtarët duke thënë se Kosova është Golgota dhe Jerusalemi i Serbisë, transmeton Koha.net

“Derisa të ketë serbë, do të jetë edhe Kosova, për arsye se Kosova do të jetë dhe do të mbetet vendi ynë, sepse aty janë Golgota dhe Jerusalemi ynë”, ka thënë kreu i Kishës Ortodokse Serbe, patriarku Irinej, në urimin për festën e Krishtlindjes ortodokse që kremtohet më 7 janar.

“Ne, lutemi sidomos për Kosovën e kryqëzuar, për djepin tonë shpirtëror e kombëtar, të cilën Njegoshi i madh e ka quajtur ‘gjykatë të madhe’”, citon FoNet kumtesën e Kishës Ortodokse serbe.

 

Patriarku Irinej ka theksuar se populli serb është popull i Krishtlindjes, pjesë e popullit të Zotit dhe komb i krishterë.

E pranon kryeministri: Nuk mund të bëhet ushtria e Kosovës pa votat e serbëve

Muri i ngritur së fundmi afër urës së Ibrit në veri të Mitrovicës, ka përkeqësuar edhe njëherë raportet kështu ashtu të tensionuara mes shqiptarëve dhe serbëve. Megjithatë, për të parin e Qeverisë së Kosovës mbetet vetëm çështje ditësh se kur do të largohet ai mur nga aty.

Periskopi.com Lajme

Isa Mustafa, në një intervistë për KosovaPress, tha se me serbët në Bruksel asnjëherë nuk është biseduar për ndërtimin e mureve të reja.

“Është paraparë që të ketë dy rreth rrotullime edhe në pjesën jugore dhe në pjesën veriore të Mitrovicës dhe po ashtu marrëveshja parasheh që rruga e ‘Karl Petrit’ në veri të shndërrohet në rrugë të këmbësorëve. Asnjë element tjetër nuk ka të marrëveshjes e cila parasheh pengesa, parasheh barrikada, parasheh mure. Prandaj çdo veprim i tillë ka qenë veprim ilegal, sepse edhe në projektet të cilat i ka kërkuar Ministria e Mjedisit dhe Planifikimit Hapësinor nga veriu do të thotë nuk ka asnjë projekt në të cilën shfaqet muri ose në të cilin është lejuar ndërtimi i murit. Prandaj në këtë aspekt ne konsiderojmë që është ndërtim ilegal. Është një objekt që është ndërtuar në mënyrë jo ligjore, ilegale për të cilin nuk mund të negociojmë me askënd, as me Serbinë as nuk e kemi mendjen të diskutojmë në Bruksel, sepse nuk mund ta bëjmë ne një veprim ilegal tani objekt të diskutimit. Ata munden çdo ditë të na ndërtojnë nga një mur dhe të themi ejani shkojmë në Bruksel dhe e diskutojmë këtë dhe me gjet arsye që Serbia tani po bën përpjekje me zgjidh çështjet ose kontekstet me Kosovën me dialog në Bruksel. Do të thotë ne mund të dialogojmë për çështje e kaluara, për ato që i kemi trashëguar, për asetet që po na i mbanë peng Serbia, edhe për strukturat paralele të cilat po veprojnë e të cilat duhet të hiqen ose zhbëhen, por këto tjerat nuk janë çështje të cilat ne do t’i diskutojmë. Ne e kemi bërë të qartë edhe Bashkimit Evropian edhe përfaqësuesve të tjerë ndërkombëtarë se ata mbesin obligim që ta rrënojnë atë mur ta heqin ata që e kanë ndërtuar, ndërkaq nuk ka negociata për të”, tha Mustafa

Mustafa tha se e mira e së mirës do të ishte që vetë serbët ta heqin murin, përderisa janë ata vetë që kanë provokuar me ndërtimin e tij.

Megjithatë, kryeministri i Kosovës tha se nëse serbët nuk do ta bëjnë për një kohë të shkurtër, atëherë mbetet të respektohet dhe vihet në funksion vendimi i autoriteteve tona, që vijnë nga vlerësimi i inspektorëve të Ministrisë së Mjedisit dhe Planifikimit Hapësinorë, që ai muri është ndërtuar në mënyrë ilegale dhe si i tillë duhet të hiqet.

Në pyetjen nëse qeverisja Mustafa po tregohet mjaft zemërgjerë me serbët, të cilët nuk janë pajtuar as në vitin e kaluar për ta votuar ushtrinë e ardhshme të Kosovës, kryeministri i vendit thotë se me patjetër u duhen votat e shumicës së serbëve në Kuvendin e Kosovës.

Nga ana tjetër, Isa Mustafa pranon se serbët që janë pjesë e koalicionit të tij qeverisës janë pa vullnet politik dhe sytë e veshët vazhdojnë t’i mbajnë nga Beogradi.

“Ndonjëherë lihet përshtypja në opinion se ne po i përkëdhelim serbët dhe tash për hatër të tyre po e pësojmë. Në të vërtetë nuk është për hatër të tyre, por është për mungesë të vullnetit të tyre që ata të votojnë. Ky është problemi, sepse ne duhet t’i kemi dy të treten e votave në Kuvend, që nënkupton se duhet të kemi 80 vota së paku. Sa i përket votave të shqiptarëve jam i bindur se në këtë aspekt nuk dallojnë fare dhe të gjithë deputetët shqiptarë do ta votojnë, nuk dyshoj fare, mirëpo është problem që duhet të kemi edhe dy te tretën e votave të minoriteteve ose të deputetëve jo shumicë, me u shpreh në mënyrë kushtetuese që nuk i kemi, sepse duhet të kemi së paku 14 vota, do të thotë 11 në Kuvend prej të 20 janë të listës serbe. Prandaj në këtë aspekt ne kemi bërë përpjekje deri tani të bisedojmë me Listën, të bisedojmë edhe me anëtarët e Qeverisë nga Lista Serbe që janë në Qeveri në mënyrë që t’i bindim që ata të votojnë. Kemi pasur disa takime disa biseda ju kemi dhënë gati të gjitha materialet dhe ndryshimet kushtetuese të cilat duhet të bëhen, sepse duhet të shkojnë ndryshimet kushtetuese ato i kërkojnë këto, po të mos ishin ndryshimet ne i kishim aprovuar si ligj në Kuvend sepse kemi vota të mjaftueshme. Por mund të konstatoj se nuk është fjala për vullnetin ose mos vullnetin e tyre, është fjala që qëndrimi i tyre në këtë aspekt akoma diktohet nga Serbia, nga Beogradi dhe pengohet. Do të bëjmë përpjekje t’i bindim, jo të punojmë për hatër të tyre por që t’i bindim që ata të votojnë. Përderisa mos ta votojnë ne nuk mund ta bëjmë transformimin e FSK-së në Forcë të Armatosur në mënyrë kushtetuese”, tha Mustafa.

Mustafa tha se sa i përket reformatimit të mundshëm të Qeverisë nuk ka asnjë lëvizje përveç diskutimeve të zakonshme mes partnerëve të koalicionit.

Ai tha se ide e tyre ka qenë që Qeveris e Kosovës të ketë shkurtim të ministrive në qeverisje, duke mundësuar funksionimin e disa ministrive në një, në mënyrë që të kemi më pak anëtarë në qeverisje.

Dhe kjo nuk do të sillte vetëm shkurtime të shpenzimeve, por edhe një funksionim më të mirë të dikastereve të ndryshme në ministritë që do të përcaktoheshin. Megjithatë, duke thënë se është duke u bërë një punë e mirë në qeverisje, Isa Mustafa tha se për kohëzgjatjen sa i mbetet kësaj qeverisje, është më mirë që të fokusohemi në realizimin e objektivave dhe krijimin e mundësive që këtë plan të ‘ngushtimit’ të Qeverisë ta bëjnë në mandatet e ardhshme.

Kryeministri foli edhe për çështje të tjera me rëndësi për qytetarët, përaturat e larta të energjisë elektrike dhe gjasat për ngritje të tyre me investimet në termocentralin e ri. Kryeministri Mustafa tha se po bënë përpjekje maksimale që qytetarët të mos ngarkohen me shpenzimet që vijnë të faturuara nga Rregullatori.

Ndërsa sa i përket ajrit të ndotur në rritje në rajonin e Prishtinës, kryeministri Mustafa tha se po bëjnë përpjekje që të ndërrojnë kriteret e importimit të automjeteve të vjetra dhe ndotëse, në mënyrë që të pakësohen rezultatet e ndotjes.

Mustafa tha se problem në këtë aspekt është edhe ngrohja që qytetarët shfrytëzojnë gjatë stinës së dimrit, që sjell pasoja në rritjen e treguesve të ajrit të ndotur në kryeqytet.

Raportet e Kosovës me vendet e Rajonit dhe më gjerë, i pari i Qeverisë së Kosovës i konsideron si të shëndosha.

Ai thotë se me ndërmjetësimin e ndërkombëtarëve, është arritur që vendet e Rajonit të bashkëbisedojnë për të ardhmen e tyre në infrastrukturë, lehtësime tregtare, bashkëpunime ekonomike, etj.

Se Kosova ende ka nevojë për ndihmën e Amerikës, e thotë vet kryeministri Mustafa, i cili shpreson që me amerikanët do të ndihmojnë kosovarët në forcimin e shtetit ligjor, forcimin e institucioneve dhe në njohjet që i duhen vendit.

Ndërsa sa i përket presidentit të ri të Amerikës, Mustafa beson në thellim të bashkëpunimit me administratën e presidentit Trump, ani se ai deri tash nuk ka marrë ftesë në ditën e inaugurimit të presidentit të ri të SHBA-ve.