Bark i fryrë apo kilogramë të tepërt? Ja diferenca!

Periskopi.com Shëndeti

Vera po afron pak nga pak dhe ndoshta shumica prej jush ka filluar të bëjë plane mbi pushimet. Por nëse ju nuk ndiheni mirë dhe komfort me trupin tuaj me shumë gjasa nuk do arrini t’i shijoni 100% këto pushime.

Ajo që të gjithë duam është të dukemi perfekt, por ka raste kur fryrja e barkut sa vjen e shtohet pavarësisht përpjekjeve të shumta për të pasur një bark të sheshtë.

Por për për dhënien fund të kësaj situate të pakëndshme vjen në ndihmë instruktori i njohur James Duigan, i cili ka zbuluar disa nga shkaktarët e fryrjes së barkut që sipas tij nuk kanë fare lidhje me kilogramët e tepërt.

Disa nga shkaktarët kryesorë janë: jeta sedentare, një dëshirë e vazhdueshme për të ngrënë ëmbëlsira, teprimi me alkoolin si dhe konsumimi i ushqimeve të pasura në sheqerna dhe karbohidrate të përpunuara.

Rrugëzgjidhja ideale për problemin në fjalë është konsumimi i alkoolit në sasira të vogla.

Gjithashtu ndjekja e një diete të shëndetshme si dhe shmangia e ushqimeve të përpunuara dhe atyre me shumë yndyna dhe sheqer është një tjetër mënyrë efikase.

E mira është që të konsumoni vezë, mish pa dhjamë, perime dhe fruta, si dhe yndyra të shëndetshme, si avokado, fruta të thata dhe peshk. E rëndësishme njëkohësisht është gjetja e kohës për t’u stërvitur.

Por nuk duhet harruar se fryrja e barkut mund të vijë edhe si pasojë e stresit. Në këtë rast shkaktarët kryesorë janë anashkalimi i vakteve, konsumimi i disa kafeve në ditë si edhe stresi kronik (nivelet e larta të stresit).

Në këto kushte është e këshillueshme që të shkoni në shtrat më herët pasi shpeshherë është mungesa e gjumit ajo që ju vendos në gjendje stresi, ky i fundit më pas ndërpret prodhimin e leptinës, hormoni i cili rregullon oreksin dhe përmirëson metabolizmin.

Mundohuni të qetësoheni para se të flini duke praktikuar teknikat e frymëmarrjes si dhe të bëni një dush të ngrohtë.

Moskonsumimi i kafesë në mbrëmje mund t’ju vijë në ndihmë në këtë rast.

Nëse keni dëgjuar se ushtrimet fizike të tepruara ju bëjnë mirë për shëndetin e gjitha kjo nuk është aspak e vërtetë. Asnjëherë nuk duhet ta teproni me ushtrimet fizike, kjo është jetike për pasjen e një barku të sheshtë, sipas trajnerit.

Studimi: Beqarët janë më pak të prekur nga sëmundjet

Tregimi që deri me tani keni dëgjuar se njerëzit beqarë janë të vetmuar dhe të pakënaqur dhe nuk do të jenë të plotësuar deri sa të gjejnë një partner, nuk del të jetë i saktë.

Periskopi.com Shëndeti

Një studim i fundit nxjerr anët pozitive të të qenit beqarë.

Studimi i kryer nga Happify, njerëzit beqarë mund të kenë disa përfitime emocione dhe shëndetësore. Studiuesit kanë theksuar se ata kanë më shumë gjasa që të jenë të lumtur duke jetuar me prindërit dhe duke pasur më shumë kohë që të kalojnë me miqtë.

Gjithashtu, ata janë më të gatshëm që të ofrojnë ndihmë, pa pritur që e njëjta gjë tu kthehet.

Studiuesit kanë gjetur se njerëzit beqarë kanë më shumë gjasa që të kenë një mik të ngushtë, pasi rreth 15% e burrave të martuar kanë deklaruar se nuk kanë mik të ngushtë.

Edhe pse studimi ndryshon nga gjendja e personit në person, anketa ka pasur për qëllim që të qartësojë që të qenit beqarë nuk është gjë e mjerueshme.

Përveç kësaj, shumë njerëz vendosin që për një apo për një tjetër arsye të rrinë beqarë.

38 mijë operacione dhe 1.2 milionë shërbime ambulantore gjatë këtij viti në Kosovë

Shërbimi Spitalor dhe Klinik Universitar i Kosovës (SHSKUK) ka mbajtur ceremoninë e fundvitit me ç’rast ka bërë përmbledhjen statistikore të punës dhe rezultateve dhe ka ndarë mirënjohje për punëtorët e dalluar të vitit 2016.

Periskopi.com Lajme

Ceremoninë e hapi dr. Curr Gjocaj, drejtor i përgjithshëm i SHSKUK-së, i cili në fillim falenderoj punëtorët për angazhimin dhe punën që bënë gjatë vitit 2016.“Puna dhe angazhimi juaj ka bërë që në kuadër të Shërbimit Spitalor dhe Klinik të  ketë rezultate të kënaqshme. Ndonëse  punën dhe mundin tuaj nuk mund ta shpërblejmë financiarisht meqë kemi buxhet të limituar, e kemi menduar që sado pak  të ju ndajmë nga një mirënjohje nga ana e institucionit si shenjë e falënderimit  dhe përkushtimi në punë”, theksoi drejtori Gjocaj.

Duke përmbledhur statistikat e punës në vitin 2016, tha se në tërë SHSKUK bazuar në statistikat preliminare ka pasur   804 mijë ditë shërimi me 149 mijë pacientë të shtrirë. Sipas tij, janë kryer 38 mijë operacione në nivel të SHSKUK-së ndërsa kishte mbi 1.2 milionë shërbime ambulanotore.

Duke ndarë statistikat sipas institucioneve, ai tha se vetëm në QKUK ka pasur 458 mijë ditë shërimi, me 70 mijë pacientë të shtrirë,  ku nga këta pacientë të shtrirë  19 mijë pacientë janë operuar.

Në  7 Spitalet e Përgjithshme kishte 345 mijë ditë shërimi,  me 78 mijë  pacientë të shtrirë, nga këta pacient 17 mijë janë operuar.

Gjithsej vizita ambulantore ishin 665 mijë, QKSUK-ja, gjithsej ka kryer 53 mijë vizita të para dhe vizita kontrolluese..

Në Qendrat  Profesionale të Shëndeti Mendor me njësi në të gjithë Kosovën kishte 55 mijë vizita ambulatore.

Qendra Kombëtare e Mjekësisë së Punës  në Gjakovë për vitin 2016, regjistron 23 mijë vizita ambulantore.

Vlera monetare e Donacioneve të pranuara  në Barnatoren Qendrore të QKUK-së gjatë periudhës së vitit 2016 arrin shumën mbi 8.8 milion euro  për barëra dhe material medicinal shpenzues. Në fund u ndanë mirënjohjet për punëtorët e dalluar./ Periskopi

Britaniku që luftoi në Kosovë ka nevojë për ndihmë, vuan nga kanceri

Jonathan Mark Harrison, i njohur si Jon Harrison, është veteran i luftës në Kosovë. Burri që dha shumë për lirinë e shqiptarëve, vuan nga shumë sëmundje.

Periskopi.com Lajme

Jeta e tij e sotme do ta prekë thellë në zemër çdo njeri.

Ndaj, është hapur kjo faqe për ta ndihmuar shërimin e tij dhe kthimin e tij jetës normale: https://www.gofundme.com/lets%C2%AChelp%C2%ACjon%C2%ACkickcancer

Në vitin 2009, Joni është diagnostikuar me kancer të zorrës së trashë, pas së cilës u operua.

Por, janë bërë gabime gjatë operimit duke e lënë atë me infeksion të vazhdueshëm kullues në murin e poshtëm të legenit të tij.

Kjo shkakton dhimbje të padurueshme dhe probleme të vazhdueshme mjekësore të cilat po shtohen në problemet e përditshmërisë së tij (krahas ileostomisë së bërë për shkak të largimit të zorrës së tij të trashë).

Në vitin 2012 Joni është diagnostikuar me atë që dukej të ishte tumor i paoperueshëm në tru.

I ishin dhënë 18 muaj jetë, por fatmirësisht tumori ngadalësoi rritjen e tij.

Sidoqoftë, rëndon jetën e Jonit në shumë mënyra: ai rrëzohet i pandjenja, ka humbje të vetëdijes dhe është në dhimbje të vazhdueshme.

Për shkak të tumorit, Joni diagnostikohet më 2016 me sëmundje të harresës (MCI).

Joni u diagnostikua më 2014 edhe me një tumor tjetër në pjesën e poshtme të shpinës së tij. Ky tumor ka vazhduar të rritet shumë ngadalë dhe ndikon në lëvizshmërinë e tij.

Joni është i detyruar të marrë 32 tableta në ditë. Shumica e këtyre janë lehtësues të dhimbjes, përfshirë morfinën dhe opiatet me fuqi të lartë kundër dhimbjes.

Atij i duhet të ketë kujdestarë (për të cilët kontribuon me pjesë të madhe të të ardhurave të vogla të tij) çdo ditë, për ta ndihmuar me punët e përditshme (ta sigurojnë se i ka marrë medikamentet e tij, se do t’i bëjë gati për më vonë, dhe gjithashtu të qëndrojnë kur pastrohet për të qenë të gatshëm për ndihmë nëse humb ndjenjat).

Gjithashtu, gjatë javës kujdestari e merr Jonin për të bërë blerjet për nevojat e shtëpisë. Kjo është koha e vetme kur ai del jashtë shtëpisë: dy herë në javë për tri orë secilën herë (Jon ka hequr dorë nga të voziturit, për shkak të rrezikut të humbjes së ndjenjave).

Gjithashtu, kjo është e vetmja kohë kur Joni ka rastin të ketë ushqim të freskët, sepse ai është i frikësuar të përgatisë vet për shkak të harresës (ka vënë gjëra për të përgatitur, ka shkuar në shtrat dhe gati se nuk e ka djegur shtëpinë).

Joni fatkeqësisht vuan edhe nga diabeti, për çka duhet të marrë insulinë dy herë në ditë.

Gjatë vizitës së fundit në Kosovë, Joni u takua me neurokirurgun Haxhi Adylin. Joni ia prezantoi gjendjen e tij dhe shpjegoi se i është thënë në shumë raste se tumori i tij ishte i paoperueshëm.

Doktor Avdyli tha se tumori ishte i operueshëm duke përdorur procedurën GAMMA KNIFE.

Kjo e gëzoi Jonin, por në vendlindje e kuptoi se Shërbimi Shëndetësor Kombëtar i Britanisë nuk do t’ia mbulojë operimin.

Ndaj, duhet të paguajë një institucion privat shëndetësor për të kryer këtë operacion për të cilin është dedikuar kjo faqe.

Operacioni, me kujdesin pas tij dhe me seritë pasuese të imunoterapisë, do të kushtojë rreth £40000. Pra, Jonit i nevojitet ndihma juaj për ta ndihmuar të ketë shanse më të mira në jetë. Joni ka këtë shans të jetojë si duhet. Prandaj, le ta ndihmojmë.

Donacionet do të përdoren ekskluzivisht për GAMMA KNIFE dhe të faturave mjekësore. Sa më herët që ne i hapim zemrat tona, më mirë për shëndetin e tij dhe shanset e tij për të jetuar.

Gruaja shtatzënë e Jonit dhe familja e saj u masakruan dhe u dogjën të gjallë në Kroaci në vitin 1995, derisa ai ishte në fushëbetejë duke luftuar kundër regjimit serb.

Ai ishte hedhur dy herë në erë në fushë të minuar në vitin 1993 dhe nga një granatë dore në vitin 1994. Disa nga copat metalike nga eksplodimet ende gjenden brenda trupit të Jonit.

Joni ishte plagosur me armë zjarri po ashtu në Parkun Kombëtar Plitvica në Kroaci në janar të vitit 1995, kur ai dhe brigada e tij u sulmuan në pritë nga një patrullë serbe, gjersa ishin në ndjekje të serbit që komandonte kampet e dhunimit.

Joni shiti gjithçka që kishte në Britani dhe la një jetë të mirë atje vetëm e vetëm që të shkonte si vullnetar për t’i ndihmuar njerëzit në nevojë.

Ai bëri të njëjtën gjë duke luftuar në Bosnje e Hercegovinë dhe në Kosovë. Joni ishte instruktor në DELTA – Brigada 138 “Agim Ramdani” – UÇK. Ai luftoi për ne, le të luftojmë tani ne për të! /albeu.com/

Eprori anglez i UÇK-së që kritikon listën e veteranëve, nga sot iu bashkua LDK-së