Dështon debati në RTK: Arsyeja do t’ju befasoj!

Periskopi.com Lajme

Debati zgjedhor ë Radio Televizioni e Kosovës sot ka dështuar.

Ndonëse ishin të ftuar përfaqësuesit e tri partive, ai ka dështuar ende pa u nisur.

Anulimin që i ka bërë këtij debati përfaqësuesi i PDK-së, Xhavit Haliti ka bërë që moderatori i emisionin, Ngadhnjim Kastrati ta anuloj.

“Para pak çastesh përfaqësuesi i PDK-së, Xhavit Haliti ka njoftuar se nuk do të mund të vijë në debat. Ndërkaq, përfaqësuesit nga LDK dhe VV nuk duan që të vazhdoj debati pa përfaqësuesin e PDK-së”, tha ai.

Në këtë debat pos Haliti, nga LDK ishte i ftuar Bardhyl Meta, derisa nga VV i ftuar ishte Glauk Konjufca.

Reklamë
Reklamë

RTK nuk raporton rrahjen e studentit nga rojet e Thaçit dhe incidentet në ligjëratën e tij

Presidenti i vendit, Hashim Thaçi, sot mbajti një ligjëratë në Kolegjin UBT, ku foli mbi zhvillimet politike të fundit.

Periskopi.com Lajme

Ligjërata e cila u transmetua direkt në Radio Televizionin e Kosovës, u përcoll nga dy incidente. Dy studentë të këtij kolegji drejtuan pyetje provokuese ndaj Presidentit, pas të cilave studentët u nxorën nga salla.

Por, këto incidente nuk zunë vend në lajmet qendrore të RTK-së.

Televizioni publik, i cili gjatë ditës transmetoi live këtë ligjëratë, në lajmet e mbrëmjes nuk u mor fare me incidentet dhe raportoi mbi ligjëratën në mënyrë të atillë që dukej se çdo gjë ka shkuar në rregull./ Periskopi

Më poshtë shikoni dy incidentet:

 

Momenti kur studentja e quan presidentin Thaçi ‘hajn’

 

Videoja e plotë e momentit kur Thaçi quhet ‘hajn’, ‘pronto’ e ‘president i gazit’

 

 

 

 

.

 

 

 

 

 

Reklamë
Reklamë

Dyshime për manipulime financiare në RTK

Sindikata e Pavarur e RTK-së ngre dyshime te bazuara për manipulime financiare nga Menaxhmenti dhe Bordi i RTK-së, në kurriz të punëtorëve të mediumit publik.

Periskopi.com Lajme

Sipas projeksionit buxhetor të siguruar nga Sindikata, për periudhën Janar-Mars 2017, drejtuesit e RTK-së kanë marr nga Kuvendi 37.500 euro në emër të shpenzimeve për sigurime. Ndërsa  punëtorët e RTK-së prej datës 1 janar 2017, kanë mbetur pa sigurim shëndetësor.

Sindikata e Pavarur e RTK-së, përmes një emaili të brendshëm të datës 22 Shkurt  2017, ka kërkuar sqarim nga Menaxhmenti dhe Bordi i RTK-së për këto mjete, por nuk ka marr përgjigje.

Duke qenë se kjo heshtje po vazhdon për 20 ditë, SPRTK kërkon publikisht sqarim për këtë çështje që atakon drejtpërdrejt shëndetin dhe mirëqenien e të punësuarve.

SPRTK konsideron se manipulimet financiare në emër të punëtorëve, ndryshimi i linjave buxhetore dhe mashtrimi me punëtorët, kanë konsekuenca penale.

SPRTK kërkon nga Prokuroria ta hetojë këtë rast që shkel të drejtat e njeriut dhe ligjin për sigurinë dhe shëndetin në punë.

Në ditët në vijim Sindikata do të jetë e detyruar t’i ftojë punëtorët në protestë pasi që nuk është hera e parë që dëmtohet interesi i tyre./ Periskopi

Reklamë
Reklamë

Komisioni për Media lë anash projektligjin për RTK-në

Komisioni për Media, edhe pse u mblodh për të diskutuar rreth ndryshim-plotësimeve të Ligjit për RTK-në, nuk e bëri këtë gjë.

Periskopi.com Lajme

 

Edhe pse u ftuan në mbledhje për të diskutuar rreth ndryshimeve dhe plotësimeve të Ligjit për RTK-në, anëtarët e Komisionit për Administratë Publike, Qeverisje Lokale dhe Media pas një orë debati nuk diskutuan fare për këtë çështje.

Anëtarët e komisionit u dakorduan që njëherë të mbahet një dëgjim publik rreth neneve të Ligjit për RTK-në që mund të bien ndesh (janë në kolizion) me ligje tjera, e më pas të diskutohet për vetë ligjin në mënyrë që ndryshimet dhe plotësimet e tij t’i shkojnë për miratim Kuvendit.

Data e saktë e dëgjimit publik për nene të caktuara të Ligjit për RTK-në nuk u caktua, por anëtarët e komisionit u morën vesh që ky dëgjim të ndodhë përafërsisht 10 ditë pas mbledhjes së sotme.

Pastaj kryetarja e Komisionit për Media Xhevahire Izmaku kërkoi mirëkuptim nga mediat që ta lirojnë sallën “për me vazhdu vetëm ne deputetët me pikat tjera në të ndryshme”.

Më 26 janar 2017 Komisioni për Media mbajti mbledhje të mbyllur kur u diskutua rreth Projektligjit për RTK-në.

Një ditë më pas Zyra e BE-së në Kosovë i kërkoi më shumë transparencë komisionit duke shprehur brengën pse u mbyll diskutimi gjatë hartimit të amendamenteve të Projektligjit për RTK-në.

Reklamë
Reklamë

Blerta Deliu dhe Bardhyl Meta pëlqejnë dhunën që shpreh drejtori i RTK-së ndaj punëtorëve

Dikur moderatore në RTK, hyri prej aty në PDK, u bë deputete, e në këtë post pëlqen fjalorin e dhunshëm të drejtorit të RTK-së, ish kolegut të saj të dikurshëm, Mentor Shalës.

Periskopi.com Lajme

Kështu Blerta Deliu-Kodra pa asnjë hezitim, edhe pse deputete ka pëlqyer statusin e Mentor Shalës, i cili kishte dhënë kërcënime për punëtorët që shprehin pakënaqësi.

E atë që e ka pëlqyer deputetja, Sindikata e Pavarur e RTK-së e ka quajtur kërcënim për vrasje,

Madje kryetari i kësaj sindikate, Fadil Hoxha ka bërë të ditur se nesër, e premte do e paraqesin rastin në Polici.

Punëtorët e RTK-së: Mentor Shala na kërcënoi me vrasje, nesër e paraqesim në polici

 

Pikërisht, Deliu-Kodra, nuk ka një vit që ka punësuar vëllanë në RTK. Ai është zyrtar i prokurimit në këtë televizion, raporton Periskopi

Ajo është e martuar me biznismenin Sabit Kodra i cili njihet se është i lidhur me strukturat e PDK-së.

Por, jo vetëm Deliu-Kodra. Dhunën që ka shprehur Shala e ka pëlqyer edhe deputeti Bardhyl Meta.

Ai aktualisht është duke vuajtur nga një sëmundje dhe ndodhet për shërim.

E ka gjetur kohë që të përkrahë Shalën në dhunën e tij.

Nuk duhet harruar se për shërimin e Metës, Qeveria e Kosovës ka ndarë rreth 35 mijë euro, para këto për të cilat ai vet ka bërë kërkesë.

 

fdgdfgd

 

dfgfdgd

/ Periskopi

Mentor Shala me fjalor banditesk, kërcënon punëtorët e RTK-së dhe linçon mediat tjera

 

/ Periskopi

 

 

Reklamë
Reklamë

Punëtorët e RTK-së: Mentor Shala na kërcënoi me vrasje, nesër e paraqesim në polici

Kryetari i Sindikatës së pavarur të RTK-së, Fadil Hoxha thotë se drejtori i Televizionit, Mentor Shala i ka kërcënuar me vrasje.

Periskopi.com Lajme

E për këtë sipas Hoxhës do e paraqesin në Polici.

“Fjalori i drejtorit gjeneral te RTK-se, Mentor Shala ndaj punëtoreve te vet është kërcenim për vrasje. Si Sindikate, qysh nesër rastin do ta paraqesim ne polici. Ju anëtarë te bordit te RTK-se, me heshtjen tuaj po e aprovoni këtë veprim te tij”, tha ai./ Periskopi

 

 

 

Mentor Shala me fjalor banditesk, kërcënon punëtorët e RTK-së dhe linçon mediat tjera

 

 

.

.

 

Reklamë
Reklamë

Sindikata e RTK’së reagon ndaj kërcënimit dhe gjuhës fyese të drejtorit të RTK-së

Kryesia e Sindikatës së Pavarur të RTK-së (SPRTK) reagon ndaj asaj që e cilëson si “kërcënim” dhe “gjuhë fyese” të drejtorit gjeneral të RTK-së, Mentor Shala, ndaj punëtorëve të RTK-së dhe përfaqësuesve sindikalë.

Periskopi.com Lajme

 

“Kjo gjuhë kërcënuese dhe denigruese ka ardhur pas takimeve të ndara të drejtuesve të Sindikatës së Pavarur të RTK-së me kryetarin e Kuvendit, Kadri Veseli, shefat e grupeve parlamentare të PDK-së, LDK-së, VV, AAK-së dhe Nisma-s dhe deputetët e Komisionit për Medie dhe atij për Buxhet e Financa, ku është diskutuar lidhur me draftimin e ligjit të RTK-së dhe problemet me të cilat përballet Transmetuesi Publik”, thuhet në reagimin e SPRTK-së.

SPRTK konsideron se ky kërcënim “recidivist” i drejtorit Shala është shkelje flagrante e Ligjit për organizim sindikal, Konventave ndërkombëtare për lirinë e asocimit në organizatat sindikale, Ligjit të RTK-së, Kodit Etik dhe rregulloreve të brendshme të RTK-së.

Kryesia e Sindikatës kërkon nga Bordi i Drejtorëve që të marrë masa ndaj këtij kërcënimi “i cili ka për qëllim frikësimin e punëtorëve”.

SPRTK, për këtë çështje tashmë i ka alarmuar instancat relevante vendore dhe ndërkombëtare.

Bashkangjitur ju sjellim postimin e Drejtorit të Përgjithshëm të RTK-së, Mentor Shala.

Reklamë
Reklamë

BE-ja e brengosur për mungesë transparence në amandamentimin e ligjit për RTK-në

Zyra e BE-së në Kosovë/Përfaqësuesja e Posaçme e BE-së është e brengosur rreth mungesës së transparencës në hartimin e amandamenteve të ligjit mbi Radiotelevizionin e Kosovës (RTK) dhe miratimin e propozim-amandamenteve nga komisioni parlamentar për media pa praninë dhe pa diskutime publike.

Periskopi.com Lajme

BE-ja bën thirrje që Kuvendi të lejojë publikun e interesuar për të marrë pjesë në debatin mbi amandamentimet në pajtim me parimet e qeverisjes së mirë, Marrëveshjes për Stabilizim Asociim (MSA) në mes Kosovës dhe BE-së dhe Agjendës për Reforma Evropiane si mjet për implementim të MSA-së.

BE-ja është e inkurajuar se përkundër vonesës së konsiderueshme, Qeveria dhe Kuvendi i Kosovës kanë vendosur të përmbushin dispozitat e ligjit mbi RTK-në të vitit 2012 të cilat përcaktojnë se zgjidhja rreth financimit të RTK-së duhet të gjendet fillimisht përmes abonimit dhe burimeve të tjera të pavarura të financimit (neni 21).

Megjithatë, BE-ja, është informuar se buxheti i shtetit do të mbetet burim i rëndësishëm, nëse jo de facto primar, i financimit të transmetuesit publik, që mund të dëmtojë pavarësinë afatgjate editoriale dhe financiare të RTK-së, veçanërisht në një situatë ku nuk dihet se si mbledhja e tarifës së parapagimit është e rregulluar.

BE-ja poashtu i bën thirrje Kuvendit, si përfaqësues i popullit, që të krijojë hapësirë për diskutim publik dhe konsultime në çdo fazë të përgatitjes së amandamenteve të ligjit për RTK-në.

Kjo do të mundësonte që palët e interesit të japin kontributin e tyre në hartimin e ndryshimeve në mënyrë që ndryshimet t’i ofrojnë RTK-së mjetet e nevojshme për të ushtruar përgjegjësi publike të pavarur nga ndonjë ndikim dhe në të mirë të qytetarëve të Kosovës të cilëve ju shërben./ Periskopi

Reklamë
Reklamë

RTK-ja do të bëhet me pagesë

Komisioni për Administratë Publike, Qeverisje Lokale dhe Medie, sot diskutoi për projektligjin për RTK-në, me ç’rast u bënë shumë ndryshime të cilat do t’i dërgohen Qeverisë për votim.

Periskopi.com Lajme

Ndryshime në projektligjin për RTK-në ka pasur në gjashtë pika të rëndësishme, por çka bie në sy, është që RTK-ja do t’u kushtojë familjeve kosovare me nga 2.5 euro, shkruan gazetametro.net.

RTK-në qytetarët kosovarë e kishin paguar edhe më herët me anë të faturave për energji, mirëpo kjo ishte cilësuar si shkelje kushtetuese, për ç’ka Gjykata Kushtetuese e kishte pezulluar.

Ndërkaq, RTK-së mund t’i hiqen edhe dy anëtarë të bordit, pasi nga 11 sa i ka tash, me projektligjin e  ri parashihet të jenë vetëm 9 anëtarë. Madje, këta anëtarë do të kenë një mandat 5 vjeçar, por s’do të kenë mundësi ri-kandidimi.

Gjithashtu, në projektligjin e ri kërkohet krijimi i një komisioni ‘ad-hoc’ për RTK-në, i cili do të kishte jo vetëm deputetë, por edhe profesionistë. Po ashtu, parashihet që RTK-ja të auditohet nga Zyra e Auditorit të Përgjithshëm, gjë që nuk është bërë më herët.

Ndërkohë, ky projektligj do të dërgohet në fillim të javës tjetër në Qeveri për votim, e më pas kthehet tek deputetët për t’u votuar në Kuvend.

Ndryshe, Sindikata e Pavarur e RTK-së ditët e fundit ka ngritur shqetësime për kushtet e punës në transmetuesin publik dhe vonesë të pagave.

Reklamë
Reklamë

RTK ankohet se nuk ka buxhet për të punuar, organizon PARTY për fillimvit të mbarë

Radio Televizioni i Kosovës ka njoftuar punëtorët e saj se do të ketë vonesa në ekzekutimin e pagave këtë muaj, nga sipas tyre, Komisioni për Buxhet dhe Financa në Kuvendin e Kosovës nuk ka alokuar mjetet.

Periskopi.com Lajme

Madje, përveç kësaj menaxhmenti ankohen se Komisioni, sipas tyre, po e rrezikon edhe mbarëvajtjen e punës së zakonshme në RTK, për shkak se nuk ka autorizuar alokimin e mjeteve të buxhetit për RTK për tremujorin e parë të këtij viti.

E Periskopi mëson se hiq më larg, më 27 janar, të premten, do të mbajnë një Party, siq e quan vetë drejtorit i këtij televizioni Mentor Shala.

Në emailin njoftues ai fton të gjithë në këtë festë, që është thjeshtë për të filluar një vit të mbarë.

Nuk duhet harruar se RTK ka qindra punëtor.

Burime të Periskopit brenda televizionit publik bëjnë të ditur se nga keq-menaxhimi ka probleme të mëdha financiare, me borxhe rreth 5 milionë euro.

e vetëm pak ditë më parë, Sindikatat e këtij televizioni reagoi për kushte të tmerrshme higjienike në televizion, e RTK nga buxheti i shtetit brenda një vitit merr mbi 10 milionë euro.

Ndërsa, RTK vonesën e alokimit të mjeteve nga Komisioni i Kuvendit e quan presion dhe shantazh./ Periskopi

Reklamë
Reklamë

Mbi 10 milionë euro në vit për RTK nga buxheti i shtetit, kushtet higjienike të tmerrshme

Sindikata e Pavarur e RTK -se reagon ndaj kushteve të rënda higjienike, jashtë çdo standardi në ambientet e punës në RTK.

Periskopi.com Lajme

Papastërtia për shkak të mosfunksionimit të njësisë së higjienës ka përfshirë çdo hapësirë të punës në RTK, me përjashtim të atyre që shfrytëzohen nga menaxhmenti, duke rrezikuar seriozisht shëndetin e të punësuarve.

“Ka një kohë të gjatë që menaxhmenti i RTK-së nuk kujdeset fare për kushtet higjienike-sanitare dhe  kushtet e punës në përgjithësi. Për pasojë, pluhuri, grumbullimi i mbeturinave dhe gjendja në tualetet si pasojë e papastërtisë ka arritur në shkallë alarmante. Për shkak të papërgjegjshmërise së menaxhmentit po rrezikohet përhapja e ndonjë epidemie me pasoja serioze për shëndetin e të punësuarve”, thuhet në reagimin e sindikatës.

SPRTK në vazhdimësi ka alarmuar për këtë çështje dhe ka kërkuar zvogëlimin e shpenzimeve të pakontrolluara të cilat po rrezikojnë funksionimin e Transmetuesit Publik.

Sindikata kërkon që urgjentisht të funksionalizohet njësia e pastrimit dhe të mundësohet krijimi I një mjedisi të pastër në ambientet e punës.

Në të kundërtën, Sindikata do të jetë e detyruar t’i ftoj punëtorët për protestë madje edhe për bojkot të punës, deri në ofrimin e kushteve për punë./ Periskopi

16296136_10211845526155581_1103119136_n 16358604_10211845527555616_992677681_n

Reklamë
Reklamë

Kjo është pasuria e drejtorit të RTK’s, Mentor Shala (Dokument)

Drejtori i Radio Televizionit Publik të Kosovës RTK del të ketë një pasuri goxha të mirë. Atë tashmë e ka deklaruar vet.

Periskopi.com Lajme

Ai ka tokë, shtëpi, e vetura, e më së shumti bie në sy, paratë e kursyera në banka. Jo vetëm ai, edhe bashkëshortja e tij, ku të dy bashkë marrin para nga taksat e qytetarëve të vendit, e kursime kanë edhe fëmijët e tyre.

Përveç pagës si drejtor, ai ka edhe një punë tjetër, në AAB, universitet privat i cili ka hapësirë të madhe të marketingut në RTK.

Ndërsa, pagë nga RTK-ja që financohet nga buxheti i vendit me rreth 10 milionë në vit, e që njihet si televizion i afërt me PDK-në merr edhe bashkëshortja e tij.

hjtskhs dfdsf fgfdgd

 

Reklamë
Reklamë

Pas 17 viteve gazetari i njohur i sportit nuk do të jetë pjesë e KTV’s

Gazetari i sportit, Arlind Grantolli që tashmë e njohin të gjithë, më nuk do të jetë në televizionin më të njohur nacional në vend, KTV.

Periskopi.com Sporti

Ai pas 17 viteve e ka përfunduar marrëdhënien e punës në këtë televizion.

Lajmin e ka bërë të ditur vet ai, në rrjete sociale.

Grantolli është edhe kryetar i Shoqatës së Gazetarëve Sportiv të Kosovës.

Por, nga burime brenda RTK-së, Periskopi.com merr vesh, se Grantolli do të bëhet pjesë e mediumit publik.

Ndryshe, Grantolli është themelues i Redaksisë së Sportit në KTV, së bashku me Andin Lokaj e më pas Agon Fehmiun, e të tjerë…./ Periskopi

Reklamë
Reklamë

Skandalet e stafit të RTK-së – menaxhmenti me veprime të njëanshme (Foto)

Menaxhmenti i RTK-së ka mbajtur një takim të veçantë, të martën, ku u diskutua për shqetësime lidhur me paraqitjet publike, përfshirë rrjetet sociale, të të punësuarve, e sidomos stafit editorial, të cilët dëmtojnë reputacionin dhe paanshmërinë e RTK-së, raporton Periskopi

Periskopi.com Lajme

Mësohet se shkas i këtij takimi të ‘veçantë’ ishin statuset e fundit të redaktorit të RTK-së, Ernest Luma, i cili e quajti vorr kryeministrin Mustafa. Por, ai shkoi edhe më tej. Reagoi edhe kush këshilltarët e Mustafës kërkuan të merren masa ndaj tij.

Por, në takimin e menaxhmentit të RTK-së, thuhet se mosrespektimi i rregulloreve të RTK-së dhe standardeve profesional sanksionohet.

Madje, menaxhmenti rikujton se është përgjegjësi e eprorëve të parë që të ndërmarrin masa konform rregullativës, në rast të çfarëdo shkeljeje të supozuar.

“Kërkohet nga të punësuarit në RTK që t’u përmbahen kontratave të tyre të punës dhe rregulloreve, të cilat gjendjen të publikuara në ueb-faqen e RTK-së”, kanë shkruar menaxhmenti stafit të tyre, duke u bashkangjitur edhe linçe të tjera, raporton Periskopi

Por, ndryshe që tashmë në RTK, ekziston një rast kur është dënuar nga puna, menaxhmenti nuk vepron një lloj edhe me të tjerët.

Përveç Lumës, janë edhe shumë të tjerë që përdorin fjalë ofenduese dhe tepër banale në rrjete sociale.

Periskopi ua sjellë disa nga statuset e Milaim Zekës, që punon në këtë medium, të redaktorit Fisnik Dergutit, e edhe të këshilltarit të drejtorit të RTK-së, Mentor Shalës, ai është Bekim Shehu.

15970807_10211675765071660_1034313041_n

 

 

15941921_10211675876194438_663722068_n

 

15978341_10211675775351917_1371124541_n

 

 

15942206_10211675726750702_1211017373_n

 

 

Për këtë veprim të njëanshëm, dhe mosndëshkim të të tjerëve ka reaguar edhe kryetari i Sindikatës së Punëtorëve të RTK-së, Fadil Hoxha.

Ai ka shkruar se me këtë gjendje duhet të merret edhe Kuendi i Kosovës, sepse sipas tij, brenda Televizionit Publik po ndodh katrahurë.

Reagimi i Hoxhës:

Punëtorëve të RTK-së

Te punesuarit e RTK dje kane pranuar nje leter nga menaxhmenti i RTK-se dhe kryeredaktoret rreth paraqitjeve publike, perfshire rrrjetet sociale, te stafit te RTK-se. Para nje viti nje leter te ngjashme ne e kishim marre nga drejtori gjeneral i RTK-se, Mentor Shala.

Cka ka ndodhur gjate ketij viti!

Per shkak te postimeve ne fb i vetmi i denuar eshte redaktori Arsim Halili, njeherit nenkryetar i sindikates dhe anetar i bordit te gazetareve, per arsye te nje shkrimi me sarkazem rreth voneses se liberalizimit te vizave. Redaktori Halili pervec denimit me largim per gjashte muaj nga puna eshte degraduar edhe per pese shkalle ne pozite.

Ne anen tjeter, ne thuajse cdo dite jemi deshmitare te postimeve me lloj lloj fyerje e tallje ndaj qytetareve te rendomte, udheheqesve te shtetit dhe institucione te ndryshme. Shohim gazetare e anetare bordi duke moderuar e marre pjese ne fushata zgjedhore te subjekteve politike. Menaxhmenti heshte para tyre!

Ndersa, per denimin e nenkryetarit te sindikates, drejtorit gjeneral, Mentor Shala nuk i ishte pritur mengjesi. Ai ne oren 23:30 permes postimit ne fb e beri publike suspendimin nga puna te redaktorit Halili dhe i kerkoi kryredaktorit Ridvan Berisha nisjen e procedurave diciplinore ndaj tij.

Ridvan Berisha e Xhymret Veliu para se me kerku nga te punesuarit zbatim te rregulloreve e keni per obligim me fol per standardet e dyfishta qe po perdoren ne RTK. Sidomos ti Ridvan nuk duhesh me heshte per arsye se ke qene epror i drejperdrejte i Arsimit dhe pjese e peticionit prej 300 nenshkrimeve per kthimin e tij ne vendin e punes.

Nuk duhet me heshte as Kuvendi i Kosovës por duhet te marre masa ndaj paaftësisë se bordit per ta penguar drejtësinë selektive qe po aplikohet nga menaxhmenti i RTK-se./ Periskopi

Redaktori i RTK-së e quan ‘vorr’ kryeministrin Mustafa

Reklamë
Reklamë

Këshilltari i kryeministrit e quan kutërbues politik redaktorin e RTK-së

Reagon edhe një këshilltar tjetër i kryeministrit Isa Mustafa ndaj redaktorit të RTK-së, Ernest Luma.

Periskopi.com Lajme

Ky i fundit, e quajti vorr Mustfën, e pas Vlora Dumoshit ka reaguar edhe Sokol Havolli.

Havolli thotë se Ernest Luma nuk meriton as t’i përmendet emri dhe e quan kutërbues politik, raporton periskopi

Ia përmend edhe se si AAK, dy herë e ka përjashtuar nga puna për shkak të, siç e quan Havolli, nivelit të skajshëm të rrugaçërisë dhe joprofesionizmit.

Shkrimi i tij i plotë:

S’do me mbetë rrugaç pa u përpjekur të dëshmoj “potencialet” e poshtërsisë duke u përpjekur të atakoj Kryeministrin Akademik Isa Mustafën. Ngjashëm ndodhte edhe me Presidentin Historik Dr. Ibrahim Rugova.

E.L, që nuk meriton t’i përmendet as emri, i cili njihet vetëm për faqe të zeza, nuk meriton vëmendje. Është një kutërbues publik.

Çfarë mund të presësh nga një njeri, i cili sa ka qenë zëdhënës, ishte distancuar edhe partia e tij, e cila po ashtu e ka përjashtuar dy herë nga puna për shkak të nivelit të skajshëm të rrugaçërisë dhe joprofesionizmit. / Periskopi.com

Reagon Qeveria ndaj redaktorit të RTK-së që e quajti ‘vorr’ kryeministrin Mustafa

 

Reklamë
Reklamë

Kujtojeni skandalin e dikurshëm të tashmë redaktorit të RTK-së që shau kryeministrin Mustafa

Ish-zëdhënësi i Aleancës për Ardhmërinë e Kosovës, Ernest Luma, në shtator të vitit 2015 kishte paraqitur dorëheqjen nga Kryesia dhe Këshilli Drejtues i Aleancës për Ardhmërinë e Kosovës, pasi AAK ishte distancuar nga një postim që Luma e ka bërë në drejtim të besimtarëve mysliman që janë nisur për pelegrinazh në Mekë.

Periskopi.com Lajme

Luma në Facebook kishte shkruar një statut me të cilin u dëshironte të gjithë haxhinjve, pelegrinazh të pranueshëm dhe në fund edhe fjalësh, që tradicionalisht iu drejtohej haxhinjve, “Shkofshi e mos u kthefshi”.

Ky status i Lumës, kishte nxitur mjaft shumë reagime dhe partia ku ai bën pjesë, AAK-ja dhe drejtuesi i saj Haradinaj u distancuan nga urimi i Lumës.

“E njoftojmë opinionin publik, pelegrinët dhe të gjitha ata që janë të përfshirë në pelegrinazhin e sivjetmë, se ky status i Ernest Lumës, të cilin e kanë transmetuar edhe disa media, është qëndrim personal i tij dhe nuk ka asnjë lidhje me Aleancën për Ardhmërinë e Kosovës”, thuhej në reagimin e AAK-së.

“Mirëpo pavarësisht prej kësaj, AAK distancohet nga gjuha sarkastike e përdorur nga zoti Luma, si dhe nga ky qëndrim i tij. AAK respekton besimin dhe obligimet fetare të secilit individ e haxhinjve iu urojmë pelegrinazh të mbarë”, thuhet më tej.

Pas këtyre reagimeve, Luma kishte dhënë dorëheqje./ Periskopi

Reagon Qeveria ndaj redaktorit të RTK-së që e quajti ‘vorr’ kryeministrin Mustafa

Reklamë
Reklamë

Redaktori i RTK-së e quan ‘vorr’ kryeministrin Mustafa

Ernest Luma që dikur ishte zëdhënës i AAK-së, e tashmë redaktor në RTK, e ka quajtur 'vorr' kryeministrin e Kosovës, Isa Mustafën.

Periskopi.com Lajme

Ai ka reaguar kështu pas reagimit të vonuar që ka bërë Mustafa për arrestimin e Ramuhs Hradinajt nga autoritetet franceze.

Komentit të tij ai ia ka bashkuar edhe një status të vjetër që Mustafa e kishte postuar në facebook.

 

“Më në fund, paska folë sot edhe vorri i qeverisë!

E paska quajtur “të palejueshëm” ndalimin e Haradinajt në Francë.

Çu’, Isë, t’i mëshojmë bazenit not!

Ndoshta, na e shpërlanë ftyrën, pak.”, ka shkruar Luma, raporton Periskopi

Fotografia më poshtë ëhstë ajo që Luma ia ka bashkangjitur postimit të tij.

15826376_1309244765785786_3799197765332269366_n

 

Reklamë
Reklamë

Punëtorët e RTK-së duan miratimin e Ligjit të ri dhe rregullimin e çështjes së pronës

Sindikata e Punëtorëve e RTK-së kërkojnë nga Kuvendi miratimin e Ligjit të ri, rregullimin e çështjes së pronës dhe financimit.

Periskopi.com Lajme

Përmes një reagimi drejtuar Kuvendit të Kosovës dhe Qeverisë, SPERTK thotë se nëse kërkesat e tyre nuk merren parasysh do të dalin në protesta.

Kërkesa e Sindikatës drejtuar deputetëve:

Po bëhen gati 18 vjet nga themelimi i mediumit të vetëm publik RTK, i cili për tërë këto vite ende nuk ka të përcaktuar pronën e tij, nuk ka të miratuar ligjin e ri për RTK-në, nuk e ka të zgjidhur çështjen e financimit të përhershëm dhe të pavarur, si dhe nuk e ka kryer digjitalizimin ende, procese këto që janë jetike për të ardhmen e RTK-së.

SPERTK nuk e kupton pse po bëhet tërë kjo zvarritje e miratimin e ligjit të ri për RTK-në. SPERTK ka kërkuar vazhdimisht që të miratohet ligji i ri, të zgjidhet çështja e pronës dhe ajo e financimit të përhershëm dhe të pavarur nga shteti. Të nderuar deputetë të Kuvendit të Kosovës, është momenti i fundit për ta ndihmuar RTK-në, me miratimin e ligjit të ri, objektin e përhershëm dhe adekuat dhe çështjen e digjitalizimit.

Në vende të leksioneve se si do të duhej të zhvillohej puna e gazetarisë dhe raportimit, e presioneve të ndryshme, ju do t’i ndihmonit RTK-së duke ia miratuar ligjin dhe zgjidhur çështjen e pronës e financimit. Të nderuar deputetë ju jeni çdo ditë mysafirë të ftuar nëpër emisione të ndryshme në RTK, dhe si nuk ju bën përshtypje se ku zhvillohet puna e kolegëve tanë në objekte që më se paku u ngjajnë TV-ve dhe po ashtu të rrezikshme për shëndetin e kolegëve tanë.

Të nderuar deputetë, shumica e këtyre objekteve, në mungesë të hapësirës, janë të shndërruara nga garazhe në studio, dhe si rrjedhojë këto studio të improvizuara nuk kanë as dritare për ajrosje të ambientit ku punojnë kolegët tanë. Të nderuar deputetë, përveç objektit dhe kushteve jo të mira, ju e keni parë edhe rrugën e cila të dërgon për në kanalin RTK-3 dhe RTK-2 që është e prishur që sa kohë. Një shi i rrëmbyeshëm gjatë muajve të verës i ka vërshuar të gjitha studiot e RTK-së, duke rrezikuar jetën e kolegeve tanë. A nuk janë këto argumente të mjaftueshme që ju ta miratoni ligjin e ri për RTK-në.

Të nderuar deputetë, SPERTK kërkon nga kuvendi i Kosovës, dhe qeveria derisa të gjejë një zgjidhje të përhershme dhe të pavarur të financimit, ta rrisë përqindjen e buxhetit për RTK-në, të marrë parasysh rekomandimet e EBU-së rreth financimit të RTK-së, dhe urgjentisht ta zgjidhë çështjen e pronës dhe digjitalizimit. Ndryshe, nëse këto ditë nuk miratohet ligji për RTK-në, SPERTK shumë shpejt do ta bëjë publike datën kur do të dalim në protesta./ Periskopi

Reklamë
Reklamë

Punësime pa kriter e pa konkurse në televizionin publik

Tri raste të reja të punësimeve pa kritere rëndojnë hijen e dyshimeve mbi menaxhimin e parasë publike në Radiotelevizionin e Kosovës.

Periskopi.com Lajme

Siç ka marrë vesh gazeta, një ish-zyrtar i Auditorit që ka bërë auditim të RTK-së është punësuar aty, ndërsa bashkëshortja e një këshilltari të MPJ-së ka tre vjet që merr pagë pa punuar fare aty, shkruan sot Koha Ditore.

Rasti i tretë është i së bijës së kreut të Komisionit të Pavarur të Mediave, e cila ka nisur punën në RTK pa konkurs fare.

Gazeta ka kërkuar përgjigje rreth këtyre rasteve nga palët e përfshira, por shumica e tyre kanë refuzuar të flasin që nga java e kaluar.

Ndërkohë Kuvendi i Kosovës, si themelues i këtij televizioni publik, nuk e ka votuar rekomandimin për krijimin e një komisioni hetimor parlamentar, kjo pasi partitë në koalicion PDK dhe LDK kanë refuzuar një gjë të tillë.

Reklamë
Reklamë

PDK e LDK nuk përkrahin komisionin për RTK-në

PDK e LDK nuk propozuan anëtarë në Komisionin Hetimor Parlamentar për RTK-në që “Vetëvendosja” propozoi të formohej.

Periskopi.com Lajme

 

Kërkesa e deputetes Shqipe Pantina e mbështetur nga tetë deputetë tjerë të VV-së, për formimin e Komisionit Hetimor Parlamentar për Radiotelevizionin e Kosovës nuk është mbështetur nga PDK e LDK.

Megjithëse deputetët e Vetëvendosjes, të cilët kishin bërë këtë kërkesë nuk ishin të pranishëm në sallë, kërkesa e Pantinës u diskutua si pikë e rendi të ditës.

Sipas kryesuesit të seancës, Xhavit Haliti, partitë opozitare kanë propozuar emrat e tyre, mirëpo kërkoi nga partitë në pushtet që të deklarohen për këtë çështje.

Shefi i grupit parlamentar të PDK-së, Zenun Pajaziti tha se nuk mund të bëjnë ndërhyrje në televizionin publik dhe se kjo është njëra nga arsyet pse partia që ai përfaqëson nuk ka emra për këtë komision.

“Nuk mund të marrim rol tjetër, aq më tepër tash që jemi në rrugën për gjetjen e formës për financim të RTK-së,” tha Pajaziti.

Ngjashëm foli edhe shefi i partisë tjetër ne koalicion, LDK-së.

Ismet Beqiri tha se janë organet tjera kompetente që merren me këto parregullsi, nëse ka të tilla.

“Ne nuk e shohim të arsyeshme që të jemi pjesë e një grupi hetimor. Po vërejtje, e të debatojmë, por jo në komision hetimor,” tha Beqiri.

Ky komision parashihej t’i kishte 11 anëtarë. Të propozuar nga partitë opozitare janë: Lah Ibrahimaj, Bali Muharremaj, Shqipe Pantina, Driton Çaushi, Enver Hoti.

PDK e LDK do të duhej të propozonin nga dy emra, e Lista Serbe dhe 6+ nga një.

Në fillim të vazhdimit të seancës, deputetët prezentë votuan për zgjedhjen e nga një anëtari në Këshillin Prokurorial të Kosovës dhe Komisionin e Pavarur të Medieve.

Për zgjedhjen e një anëtari në Këshillin Prokurorial të Kosovës votuan 62 deputetë, ku prej tyre 3 vota ishin të pavlefshme.  Kandidati Shemsi Jashari mori 57 vota, ndërsa Naim Krasniqi mori  2 vota.

Sipas kryetares së komisionit, Margarita Kadriu anëtar i KPK-së nuk u zgjodh asnjëri nga kandidatet dhe se konkursi duhet të përsëritet.

Në Komisionin e Pavarur të Medieve u zgjodh anëtar Xhemajl Krasniqi me mandat 4 vjeçar. Kundërkandidat i tij ishte Fehmi Ajvazi.

Po ashtu gjatë seancës me kërkesë të Grupit Parlamentar të LDK-së, deputeti Bardhyl Metaj zëvendësohet me deputetin Salih Morina në Komisionin për Buxhet dhe Financa.

Në rend dite ishte edhe formimi i Komisionit ad hoc për përzgjedhjen e një anëtari në Bordin e Ankesave të Komisionit të Pavarur për Medie, por në mungesë kuorumi nuk u votua.

Reklamë
Reklamë