20161204234904495646

Përfundohet Rruga e Dytë e Kombit

Ka përfunduar së ndërtuari segmenti rrugor Tamarë-Vermosh rreth 30 kilometra e gjatë, pjesë e rrugës Shkodër-Vermosh.

Periskopi.com Lajme

Me përfundimin e këtij segmenti, rruga që lidh Shkodrën më Vermoshin dhe më pas me Plavën e Gucinë quhet e përfunduar, shkruan sot Koha Ditore.

Pas përfundimit të asfaltimit dhe veprave të artit, firma ndërtuese “Riviera Contruction” po merret me vendosjen e sinjalistikës dhe mbrojtëseve anësore metalike, në segmentin nga Qafa e Berdelecit deri në Vermosh.

Rruga Shkodër-Vermosh rilidh zona shqiptare përtej kufirit, Plavë e Guci, me një sipërfaqe mbi 540 km katrorë, me shtratin historik të zhvillimit të saj, Malësinë e Madhe dhe Shkodrën.

Banorët e Plavës e Gucisë udhëtonin më shumë se 240 km nga Podgorica për të mbërritur në Shkodër e Malësi të Madhe, nga 105 kilometra që është aktualisht me ndërtimin e rrugës Shkodër-Vermosh.

autostrada ibrahim rugova

Rruga e Kombit, qytetarët do paguajnë 5 euro pas dy muajsh

Qytetarët që qarkullojnë në Rrugën e Kombit pas 60 ditëve do t’u duhet të paguajnë 5 euro për përdorimin e rrugës.

Periskopi.com Lajme

Agjencia e Prokurimit Publik ka zhbllokuar kontratën koncesionare duke i kërkuar ofertuesit të përzgjedhur konsorciumit Catalyst të ekzekutojë marrëveshjen. Për 13 vitet e para shteti do ti japë koncesionarit 65 mln euro.

Rruga e Kombit brenda 60 ditëve do të bëhet me pagesë 5 euro për qarkullimin e makinave të vogla. Koncesioni për këtë aks të rëndësishëm rrugor është zhbllokuar nga Agjencia e Prokurimit Publik e cila në buletinin e radhës i kërkon koncesionarit të zgjedhur konsorciumit Catalyst Viba Das General Constractin, pjesë e këtij grupi janë Salillari shpk,  BEE Tech”, Viplap Ateve dhe Kastrati sha, që të ekzekutojë marrëveshjen e bërë brenda 60 ditëve.

Grupi koncesionar brenda 7 ditëve duhet të dorëzojë në Ministrin e Transportit, pranimin e njoftimit të ofertuesit të zgjedhur. Nëse Catalyst  refuzon koncesionin brenda 30 ditëve duke filluar nga 30 Nëntori duhet të paguajë tarifën 20.000 euro.

Përveç taksave që do të paguajnë qytetarët (5 euro për makinë) buxheti i shtetit do të paguajë në 13 vitet e para të koncesionarit të paktën 65 milionë euro. Për shkak se Rruga e Kombit nuk përcakton kriteret, qeveria shqiptare ka marrë përsipër të kompensojë kompaninë fituese për 13 vitet në vijim dhe gjatë kësaj periudhe, buxheti do të alokojë një shumë prej 4-5 milionë eurove në vit ndaj kompanisë fituese. Me 29 gusht Komisioni i Prokurimit Publik vendosi të skualifikojë konsorciumin Vendeta dhe të parakualifikojë Catalyst si dhe ta përcaktojë atë si ofertuesin e preferuar. Oferta në fuqi, ajo e Catalyst, kërkon kompensim nga buxheti 64.9 milionë euro.

Sipas ekspertëve, standardi maksimal ndërkombëtar për mirëmbajtjen e 100 kilometrave kërkon një tarifë 2.5 euro. Rruga e Kombit, në të gjithë gjatësinë e saj, është 116 kilometër, ndërsa vetëm 60 kilometrat e aksit  Rrëshen-Kalimash konsiderohen të përfunduara./ Opinion