Frikë në SHBA, aktivizohet vullkani që mund të shkatërrojë planetin (Foto)

Periskopi.com Lajme

Një tërmet prej 4.5 ballë ka rënë dje në parkun kombëtar të Yellowstone në Wyoming të SHBA-ve.

Në zonë bien rreth 1 500- 200 tërmete në vit, por shkencëtarët shqetësohen për faktin se tërmeti më i fundit ka rritur rrezikun që të shpërthejë një vullkan i madh që gjendet poshtë parkut, përcjellin mediat ndërkombëtare.

Ata e cilësojnë këtë vullkan si “minë me sahat” dhe nëse shpërthen mund të ketë pasoja katastrofike për botën. /albeu.com

Reklamë
Reklamë

Po na vrasin kafshët që po i vrasim

Teuta GASHI Lajme

Hedhja e parregulluar e mbetjeve të kafshëve të therura në deponi mbeturinash në Kosovë shkakton shqetësim konstant për njerëzit që jetojnë afër dhe gjithashtu përbën rrezik të përhapjes së sëmundjeve.

Familja Gara jeton afër deponisë së Mirashit në fshatin Palaj në komunën e Obiliqit në qendër të Kosovës. Kundërmimi i bërllokut është depërtues; Xhejlane Gara thotë që djali i saj ka viruse vazhdimisht, dhe që ajo i hap dritaret e shtëpisë shumë rrallë.

“Sa herë që është shumë nxehtë, kur ka shi, pastaj kur fryn era, gjithçka kundërmon. Rrezik jemi edhe nga qentë endacakë. Ata na vijnë deri tek dera, ndërsa ushqehen vazhdimisht me mbeturina, edhe shpezë ka shumë, vazhdimisht janë përreth”, thotë ajo për BIRN.

Kjo familje, si shumë të tjera, përballet me problemin konstant të kundërmimeve të mbetjeve shtazore që hidhen në deponi – organe që kalben që përfshijnë plëndësin, zorrët, mushkëritë, si dhe gjak, brirë, thundra, eshtra dhe organe të tjera shtazore, përfshi dhe fekalet dhe urinën e këtyre kafshëve.

Thertoret në Kosovë janë të vogla; nuk ka ndonjë thertore të madhe sepse ato nuk i plotësojnë kriteret zyrtare. Ndërkohë, therja e gjedheve, deleve, dhive, derrave apo shpezëve nuk mbikëqyret.

Megjithëse mbetjet e tyre pasi që janë therur supozohen të transportohen në mënyrë të kontrolluar dhe pastaj të asgjësohen qoftë duke i groposur apo duke i djegur, në vend nuk ndodh as njëra as tjetra.

Kjo hedhje e parregulluar e mjeteve shtazore jo vetëm ndot ambientin, por është edhe rrezik potencial i përhapjes së sëmundjeve ose viruseve që mund të shkaktojnë sëmundje tek njerëzit dhe kafshët.

Transporti dhe grumbullimi i tyre bëhet nga kompanitë publike që janë të licencuara nga Ministria e Mjedisit dhe Planifikimit Hapësinor (MMPH) për të grumbulluar mbeturina, si dhe kompanitë që menaxhojnë deponi të mbeturinave.

Zyrtarët e kësaj ministrie thonë që meqenëse nuk ka ndonjë vend tjetër për të hedhur mbetjet shtazore, siç janë mbetjet nga përpunimi i mishrave dhe ngordhësirat, hedhja në deponi komunale është zgjidhja më e mirë tani për tani.

“Kjo ishte një alternativë më e mirë e mundshme pasi që në Kosovë ende nuk është krijuar infrastrukturë e duhur për këtë lloj mbeturinash”, thotë Fadil Maxhuni, drejtor për informim në MMPH.

Drejtori i Agjencisë për Ushqim dhe Veterinari, Valdet Gjinovci, paralajmëroi që meqenëse nuk ka kafileri (fabrikë për përpunimin, riciklimin e mbetjeve të produkteve me origjinë shtazore) në Kosovë ku mbetjet shtazore mund të përpunohen dhe riciklohen, gjithmonë ekziston mundësia e përhapjes së sëmundjeve apo shkaktimi i ndonjë sëmundjeje nga kontaminimi i tërthortë, nëse therja nuk mbikëqyret nga një veterinar i autorizuar që siguron që kafshët janë të shëndetshme dhe që procesi është higjienik.

Në ish-Jugosllavi kanë qenë dy kafileri të tilla në Kosovë, një në rajonin e Gjilanit dhe një në Fushë Kosovë, të cilat tashmë nuk janë funksionale.

“Këto mbetje transportohen në deponitë e mbeturinave të përgjithshme, pasi që momentalisht nuk ekziston Kafileri funksionale e cila do ti trajtonte mbetjet shtazore në mënyrë të duhur sipas rregullave të definuara në legjislacion të cilin AUV është duke e harmonizuar me rregullat e BE-së”, thotë ai.

Skënder Muji, profesor në Fakultetin e Bujqësisë që merret me higjienën dhe mirëqenien e kafshëve, thotë se në Kosovë nuk ka thertore të mëdha, por vetëm miniferma apo mishtore dhe sipas tij, secila prej thertoreve të mëdha do të duhej të kishte kafileri.

“Ka forma të ndryshme të organizimit të kësaj çështjeje. Mund të bëhet djegia, apo groposja e tyre, por kjo e fundit duhet të jetë shumë e kujdesshme ku bëhet”, thotë ai për BIRN.

Më tej ai shpjegon se transporti i tyre duhet të bëhet në mënyrë të veçantë, pra që të mos ketë rrjedhje të ndryshme – një sugjerim që mbështetet nga veterinari Afrim Hamidi.

“Ato sjellin viruse patjetër, disa janë aq të vegjël sa përcillen përmes ajrit, pastaj edhe sëmundje bakteriale, por edhe sëmundje të tjera që përcillen përmes kafshëve endacake, ato infektojnë”, thotë Hamidi.

Sipas Hamidit, vendet ku mbetjet hidhen – kryesisht në vende periferike – janë më të rrezikuara.

Edhe mbetjet e kafshëve të shëndetshme e që janë therur për konsum mund të shkaktojnë probleme, si dhe infeksionet e përhapura nga kafshët endacake, tha ai.

“Në qoftë se këto kafshë endacake afrohen rreth fermave intensive atëherë përmes fecesit, urinës dhe ajrit mund të bartin agjentë të ndryshëm brenda në fermë. Ndër agjentët patogjen më të shpeshtë janë Salmonelat, Kampilobakteret, E. colli, Listeriet, Leptospirat, Klostridët, Ekinokoku, Cysticerqet, Toksoplazmat, Trikinelat, Sarkosporidiet, Bakteret e gjinisë Bacillus, agjent viral të ndryshëm infektiv për kafshët si edhe për njeriun”, shpjegoi Hamidi.

Drejtori i Shëndetit Publik në Agjencinë e Ushqimit dhe Veterinarisë, Flamur Kadriu thotë për BIRN se mbetjet nga kafshët e therura nuk trajtohen fare në Kosovë.

“Në Kosovë nuk është e rregulluar me ligj se si të barten këto mbetje. Ne po punojmë në legjislacion që të rregullojmë këtë. Nuk ka asnjë rregull të shkruar që përcakton se çfarë duhet bërë me ato mbetje”, thotë ai.

“Mund të barten të gjitha sëmundjet e kafshëve, e që mund të kalojnë te kafsha tjetër apo te njeriu.”, pranon Kadriu.

Instituti Kombëtar i Shëndetësisë Publike në Kosovë pranojnë se shumica e therjeve në Kosovë nuk kontrollohen dhe se nga mbetjet e tyre që lihen vend e pavend, përcillen viruse dhe sëmundje të ndryshme.

Antigona Ukëhaxhaj, shefe e laboratorit analitik dhe të ushqimit në këtë institut, i tha BIRN se nuk kanë ndonjë analizë për ndikimin e mbetjeve në shëndetin e njerëzve ngase nuk është në domenin e tyre.

“Nëse kafsha nuk theret si duhet, nëse mbetjet e saj qëndrojnë gjatë në ndonjë vend të hapur e ku kanë qasje brejtësit apo kafshë të ndryshme, sigurisht që transmetohen viruse dhe paraqesin rrezik për ambientin dhe banorët përreth”, tha Ukehaxhaj.

Në fund të vitit 2017, një fabrikë që do të jetë në përputhje me standardet e BE-së për përpunimin dhe asgjësimin e nënprodukteve të kafshëve, ku bëjnë pjesë edhe eshtrat, do fillojë punën dhe pritet t’i japë fund problematikës së trajtimit të këtyre lloj mbeturinave.

E para e këtij lloji në Ballkanin Perëndimor, do të financohet nga fondet e BE-së, dhe ka për qëllim mbrojtjen e shëndetit publik dhe të mjedisit duke vendosur një sistemi efektiv e të sigurt për trajtimin e nën-produkteve të kafshëve.

Ministri i Integrimit Evropian, Bekim Çollaku thotë që ky projekt do të kushtojë 7.7 milionë euro, prej të cilave 5.7 milionë do të jepen nga Komisioni Evropian përmes fondeve IPA, kurse 2 milionë nga qeveria e Kosovës.

Deri kur fabrika të fillojë punën, njerëz si familja Gara në fshatin Palaj do të duhet të durojnë kundërmimin e mbetjeve shtazore të kalbura dhe rrezikun që kanë ato ndaj shëndetit.

*Ky artikull është prodhuar si pjesë e Bursës për Raportim Cilësor, si pjesë për projektin Media for All i zbatuar nga Rrjeti Ballkanik për Gazetari Hulumtuese dhe i mbështetur nga Zyra e BE-së në Kosovë.

Reklamë
Reklamë

E rëndësishme/ Ja si të identifikoni një domate të rritur me hormone (Foto)

Ekspertët në mbarë botën thonë se duhet të hamë fruta dhe perime të papërpunuara, sidoqoftë marketet dhe tregjet janë të tejmbushura me produkte të rritura me hormone (OMGJ-organizma të modifikuara gjenetikisht).

Periskopi.com Shëndeti

Po a jemi ne të vetëdijshëm për ato që hamë?

Fatkeqësisht shumica e njerëzve e kanë të vështirë si të identifikojnë një domate apo një produkt tjetër OMGJ.

Ky shqetësim vjen në një moment kur shumë studiues po paralajmërojnë efektet negative që OMGJ-të kanë në shëndetin tonë.

Frutat dhe perimet që janë rritur në kushte të zakonshme emërtohen nga një kod 4 shifror ndërsa produktet OMGJ kanë një kod 5 shifror që fillon me numrin 8.

Megjithatë edhe nga kjo fotografi ju mund të dalloni qartë një domate normale nga një OMGJ.

Reklamë
Reklamë

Deputetja boshnjake paralajmëron Kosovën: Jeni në rrezik nga Serbia

Serbia duket se do të shfrytëzojë çdo mënyrë që t`i realizojë planet e saj në Kosovë. Ardhja e një linje hekurudhore nga Beogradi në Mitrovicë, menjëherë pas arrestimit të liderit të AAK-së Ramush Haradinaj, është një hap tjetër që e shtyn Kosovën të mendojë më mirë se si të veprojë kundrejt Serbisë.

Periskopi.com Lajme

Përfaqësuesja e boshnjakëve në Kuvendin e Kosovës, Duda Balje, në një prononcim për “Indeksonline” ka thënë se Kosova nuk duhet të lejojë që ta përsërisë historinë e Bosnjës.

Sipas saj, Bosnja tashmë gjendet në një situatë të tensionuar me Republikën Serbe dhe Milorad Dodikun në krye, andaj Serbisë nuk duhet t`i jepet drita e gjelbër për çdo veprim.

“Serbia ka një plan për Kosovën dhe ata provojnë t`i realizojnë në çdo mënyrë planet e tyre. Me thënë të drejtën, unë jam përfaqësuese e boshnjakëve dhe duke e parë se në çfarë gjendje është Bosnja, kam frikë për çdo gjë në Kosovë tash. Për shembull edhe arrestimi i zotit Haradinaj. Ne si shtet duhet të mendojmë pak më shumë për çdo hap që po e bëjmë sa i përket Serbisë. Në  Bosnje kemi një situatë kaotike me Republikën Serbe dhe Dodikun. Ka një tension shumë të madh. Kosova nuk duhet ta përsërisë historinë e Bosnjës”, është shprehur ajo.

Balje ka thënë se Serbia e shfrytëzon edhe Rusinë për t`i realizuar planet e saj. Kurse, është shprehur ajo, Beogradi tashmë ka ndikim tejet të keq në Kosovë.

“Influenca e Beogradit tani është shumë e keqe. Ata e kanë një plan dhe e shfrytëzon shumë Rusinë për këtë. Vërtetë duhet të ulemi dhe të mendojmë për çdo hap. Unë jam në kontakt vazhdimisht me politikanët në Bosnje. Unë nuk jam pro asaj që t`i jepet drita e gjelbër për çdo gjë Serbisë”, ka thënë ajo.

Ndryshe, Balje është shprehur se nuk beson që ky tren mund të aktivizohet nesër për shkak se është kohë shumë e shpejtë që ai të hyjë në funksion.

Reklamë
Reklamë

Tufë qenësh në rrugët e Vushtrrisë, do tmerroheni sa shumë janë (Video)

Përveç borës, që ka vështirësuar jetën e qytetarëve në Vushtrri, ata përballen edhe me një problem tjetër.

Periskopi.com Lajme

Qentë endacakë rrezikojnë seriozisht qytetarët në Vushtrri.

Një lexues i portalit Koha.net ka dërguar një video në të cilën shihen një tufë qensh duke u vërsulur drejt makinave që po lëviznin, ndërsa thotë se janë të rrezikuar nga këta qen endacakë.

 

 

Reklamë
Reklamë

Shpëtohen dy qytetarët e bllokuar në Bjeshkët e Mushtishtit, u ndihmuan edhe nga deputeti i AAK-së (Foto)

Dy qytetarë të moshës rreth 27 vjeç, që janë bllokuar nga dita e djeshme në Bjeshkët e Mushtishtit, nga të reshurat e mëdha të borës, janë shpëtuar nga Policia e Kosovës, sektori i emergjencave dhe disa vullnetarë.

Periskopi.com Lajme

E në mesin e vullnetarëve ka qenë edhe deputeti i Kuvendit të Kosovës nga radhët e AAK-së, Bali Muharremaj, i cili edhe ka bërë me dije se gjendja e tyre është e mirë.

“Posa kam kuptuar nga mediet, se dy qytetarë janë bllokuar në bjeshkë, jam interesuar dhe kam arritur në vendin e ngjarjes në Mushtisht. Të dy tashmë janë shëndosh e mirë falë vullnetarëve që shkuan atje për ti marrë, Policisë, sektorit të emergjencave, etj. Pra falënderimi ju takon atyre”, ka shkruar ai në një postim në profilin e tij në rrjetin social Facebook, raporton GazetaBlic

15873393_612072408985240_7256867683164631348_n-1

Dy qytetarë të Suharekës bllokohen në Bjeshkët e Mushtishtit

 

Reklamë
Reklamë

Një person gati humbi jetën nga reshjet në Istog (Video)

Në videon që do shihni, është gjendja nga reshjet e borës në Istog.

Periskopi.com Lajme

Periskopi.com ka siguruar këtë video ku shihet se si bora dhe erërat e forta kanë bllokuar rrugët.

Në një çast, era ka rrëzuar një kulm prej llamarine dhe ka ndaluar mbi në makinë që ishte në lëvizje.

Personat teksa po provonin ta largonin nga rruga, era ua drejton mbi një person tjetër.

Ai rrëzohet keq dhe vërehet që ka marr lëndime./Periskopi

15826815_1235726623131171_1068008160003360830_n 15823574_1235726553131178_2999981126954583327_n 15894290_1235726566464510_4774299510754878676_n

Reklamë
Reklamë
Aleppo / ARKIV

Rreth 4 mijë fëmijë të bllokuar në Aleppo, në rrezik për jetë

Rreth 4 000 fëmijë kanë mbetur të bllokuar në Alepon Lindor dhe rrezikojnë të vdesin, vë alarmin “Unicef Italia”.

Periskopi.com Lajme

“Jam në atë që mbetet nga qyteti, shumë janë jetim dhe pa familje, kanë nevojë për ndihmë të menjëhershme ose rrezikojnë të vdesin”, deklaron Andrea Iacomini, zëdhënës i “Unicef Italia”.

“Ndërkohë që evakuimi vazhdon, informacione të pakonfirmuara flasin për fëmijë dhe civilë të vdekur në disa autobusë për shkak të mbingarkimit”, ka shtuar ai, përcjell Atsh.

“Një fakt i tmerrshëm. Duhet të jemi vigjilentë që raste të tilla, nëse konfirmohen, të mos ripërsëriten. Do të ishin paradoksal dhe jonjerëzor”, theksoi zëdhënësi i Unicef Italia.

Reklamë
Reklamë

Kjo është miza më e rrezikshme në botë

Një pickim nga një mizë cece mund të ju infektojë me një parazit të tmerrshëm i cili të çon në një gjumë të thellë, dhe shumicën e rasteve, fatal.

Periskopi.com Lajme

Miza cece nuk është një mushkonjë e cila mund të të pickojë pa e vërejtur. Në të kundërtën, goja e mizës cece ka një mekanizëm dhëmbëzash që futen thellë në lëkurë në mënyrë që të thithë gjakun. Kjo mizë gjendet kryesisht në Afrikën Veriore.

Për më keq, disa specie të mizës cece mund të transmetojnë sëmundje. Një nga më të rrezikshmet është një parazit që shkakton tripanosomën, apo ndryshe “sëmundjen e fjetur”. Nëse nuk shërohet, infeksioni është fatal, shkruan BBC.

Ashtu sikur shumë sëmundje tjera tjera tropike, “sëmundja e fjetur” shpeshherë është neglizhuar nga hulumtuesit farmaceutikë.

Pas pickimit të parë, simptomat fillojnë me dhimbje koke dhe muskujsh. Lodhja e të infektuarve vazhdon të rritet, prej nga e merr emrin sëmundja. Nëse mjekimi merret pasi paraziti ka mbërrirë në tru, pasojat mund të jenë fatale.

Sipas OBSH-së, sëmundja do të eliminohet tërësisht rreth vitit 2020.

Reklamë
Reklamë

I rrezikshëm aktualisht ajri në Prishtinë

Cilësia i ajrit në Prishtinë tash e sa kohë del të jetë e pashëndetshme, e as mbrëmja e sotme nuk është përjashtim.

Periskopi.com Lajme

Sipas matësve të vënë nga Ambasada Amerikane në Prishtinë, kryeqyteti sot është zgjuar me cilësi relativisht të mirë të ajrit, por që kjo gjendje është përkeqësuar në orët e mbrëmjes.

Por tani, në matjet që janë bërë në orën 21:00, del se niveli i cilësisë së ajrit ka arritur në shkallën 317 ppm e që cilësohet si “i rrezikshëm”.

ajrii

Çdokush mund të përjetojë efekte në shëndet: anëtarët e grupeve të ndjeshme mund të përjetojnë efekte më serioze në shëndet. Fëmijët aktivë dhe të rriturit, njerëzit me probleme me frymëmarrje si astma duhet t’i shmangin ushtrimet e tejzgjatura në natyrë: çdokush e sidomos fëmijët duhet t’i shmangin ushtrimet e tejzgjatura në natyrë.

Në sajtin e Ambasadës Amerikane sqarohet se ndotja e ajrit paraqet problemin kryesor shëndetësor, me të cilin përballen me miliona njerëz në botë.

Monitori i cilësisë së ajrit i vendosur në ambasadë mat ajrin në Prishtinë çdo një orë, duke përllogaritur kështu masën e pluhurit, ndotjen, tymin, përmbajtjen e karbonit dhe të lagështisë.

Reklamë
Reklamë

Jetojë me rrezik mbi kokë, familjet nga Podujeva kërkojnë drejtësi

Në kërkim të drejtësisë prej 12 vjetësh janë rreth 30 anëtarët e familjeve Sadiku të Podujevës. Atyre u janë vendosur telat e tensionit të lartë mbi shtëpi. Rreziku që u kanoset nga këta tela thonë se është i madh.

Periskopi.com Lajme

 

E madhe është edhe zhurma që krijojnë ata. Me stres e me nervozë në ankth thonë se po i plakin ditën e netët në rrugën “Dëshmorët” në verilindje të Podujevës.

Agim Sadiku thotë se e gjitha ka nisur më 2002 kur disa persona, që ai i identifikon si gjeodetë të Podujevës, kishin shkuar për t’i vendosur pikat se ku do të vendoseshin shtyllat e metalta të largpërçuesve. Ishin sjellë çuditshëm kur ishin pyetur se çfarë po bënin.

“Thanë ‘nuk po e dimë as ne’. Edhe mua nuk më ka lënë shumë përshtypje që po bajnë diçka. Më 2003 janë vendosur telat a pikat i kanë vendosur para një viti”, thotë Agim Sadiku.

Zyrtarja e komunikimit në KOSTT thotë se në bazë të dokumentacionit ekzistues të këtij projekti, përkatësisht procesverbalit të 21.08.2003 palët janë dakorduar që sipas vendimit mbi eksproprijimin nr.09.285/2003, pronari i paluajtshmërisë (shtëpisë) nëpër të cilën kalojnë telat, sipas legjislacionit, rregulloreve në fuqi, hapësira ajrore nëpër të cilën kalojnë telat nuk kompensohet. “Atëherë pala është dakorduar që të zhvillohen punimet dhe pronari ishte udhëzuar në kontest civil. Ndërsa për dëmin gjatë punimeve sipas Bordit të atëhershëm të KEK-ut palës i ishte ofruar kompensimi me vlerë prej 9600.00 €, të cilën pala nuk e kishte pranuar. Në vijim, pala ka ushtruar padi më 17.05.2004 ndaj të paditurës KK Podujevë, KEK-“Elektrobartja” dhe me precizimin e padisë në vitin 2015 si të paditurën e tretë KOSTT”.

Nga anën tjetër, Agim Sadiku, thotë se deri tashti nuk është bërë shpronësimi i kësaj prone

Reklamë
Reklamë

Katër familje rrezikohen nga shembja e ndërtesës 70-vjeçare

Katër familje kanë kërkuar ndihmën e Komunës së Skenderajt për shkak të rrezikut nga shembja e ndërtesës ku banojnë. Ujësjellësi Rajonal “Mitrovica”, që është pronar i ndërtesës dhe lokacionit dhe Komuna e Skenderajt ende nuk janë marrë vesh për këmbim të pronës, e zvarritja mund të jetë fatale për banorët, raporton gazeta Fjala.

Periskopi.com Lajme

Rasti i Prizrenit mund të ndodhë në Skenderaj, pasi që një ndërtesë e vjetër mbi 70 vjeçare në qendër të qytetit, në të cilën jetojnë katër familje, mund të shembet dhe t’i zërë banorët.

Kjo ndërtesë qëmoti është konstatuar se nuk është për banim, por familjet e vendosura aty, duke mos pasur nga të shkojnë, kanë mbetur të jetojnë me gjithë frikën e përhershme se mund të pësojnë tragjikisht, shkruan gazeta ‘Zeri’.

Fehmi Fazliu, një prej kryefamiljarëve të katër familjeve që jetojnë në këtë ndërtesë, thotë se aktualisht vetëm ai dhe familja e tij ndodhen aty, sepse një ndërtues që ka ngritur një objekt të lartë banimi në afërsi, sipas tij, i ka larguar familjet nga aty dhe u ka siguruar strehim, nga frika se gjatë ndërtimit të objektit të tij, ndërtesa mund të shembej.

Reklamë
Reklamë

Buxheti mund të përçajë seriozisht koalicionin PDK-LDK

Buxheti i parashikuar për vitin 2017 vazhdon të mbetet çështje diskutimesh, por edhe mospajtimesh, rreth ndarjes dhe planifikimit në mes partive të koalicionit, përkatësisht Partisë Demokratike të Kosovës dhe Lidhjes Demokratike të Kosovës.

Periskopi.com Lajme

Qeveria e Kosovës, në fillim të këtij muaji, kishte miratuar Projektligjin për Buxhetin e vitit 2017. Projektligji tashmë i është proceduar Kuvendit, ku pas shqyrtimit nëpër komisionet përkatëse, pritet të dalë në votim për miratim.

Zëvendësministri i Financave nga Partia Demokratike e Kosovës, Isni Kilaj, ka thënë se projekt-buxheti ende nuk është shqyrtuar në Komisionin për Buxhet dhe Financa, pasi buxheti, sipas tij, ka mangësi dhe se Grupi Parlamentar i PDK-së është duke u konsultuar rreth ndryshimeve që duhet të pësojë.

“Ende nuk është proceduar në Komisionin për Buxhet dhe Financa, aty ka ngecur, sepse grupi i PDK– së është duke bërë harmonizimin dhe vendosjen e kërkesave në buxhet”.

“Përmirësime janë duke u bërë tek Ministria e Infrastrukturës, Ministria e Shëndetësisë, Ministria e Rinisë, Kulturës dhe Sportit. Në këto ministri ka vend për përmirësime”, ka thënë Kilaj.

Ndërkohë, kryetari i Komisionit për Buxhet dhe Financa në Kuvendin e Kosovës, Naser Osmani, nga Lidhja Demokratike e Kosovës, ka thënë se projekt-buxheti ka arritur në Komision, në fund të muajit tetor, sipas afateve ligjore.

Osmani tha për Radion Evropa e Lirë se në mbledhjen e radhës të Komisionit, që pritet të mbahet në fillim të javës së ardhshme, do të shqyrtohet në parim Projektligji për Buxhetin e vitit 2017. Pastaj, shton ai, do t’i rekomandohet kryesisë së Kuvendit që ai të radhitet në njërën nga seancat e radhës për shqyrtim dhe miratim.

Për dallim nga deklaratat e Kilajt, deputeti Osmani thotë se nuk janë duke u bërë ndryshime në këtë draft.

“Si të kalojë në leximin e parë, vetëm atëherë mund të bëhen ndryshime dhe amandamentime në projekt-buxhet. Kjo është procedurë është rregull dhe nuk mund të dalë jashtë kësaj procedure”, ka thënë Osmani.

Kurse Shukri Buja, anëtar i këtij Komisioni, nga Partia Demokratike e Kosovës, shprehet kritik sa i përket ndarjes buxhetore, sidomos në nivelin komunal.

Ai ka thënë se mjetet më mëdha buxhetore janë ndarë nëpër komunat që udhëhiqen nga Lidhja Demokratike e Kosovës. Për këtë, thotë ai, të hënën kur mbahet edhe mbledhja e komisionit, do të dilet me qëndrime konkrete sa i përket projekt-buxhetit.

Buja, ndërkaq, thotë se ky koalicion duhet të prishet dhe vendi të shkojë në zgjedhje të parakohshme.

“Partia Demokratike ka qëndrime të ndryshme, por ne po shpresojmë ‘ti harmonizojmë këto qëndrime. Ndërsa, unë personalisht, kam qëndrime tjera. Qëndrimi im personal është që ky koalicion duhet të shpërbehet dhe vendi të shkojë në zgjedhje të jashtëzakonshme”, ka theksuar Buja.

Në anën tjetër, Naser Osmani nuk jep ndonjë përgjigjeje në lidhje me atë se sa i ka lëkundur themelet e koalicionit buxheti për vitin 2017. Por, megjithatë, ai shprehet se kushdo që flet për buxhet duhet të jetë kompetent në këtë fushë.

“Unë konsideroj se për çështje profesionale, siç është çështja e financave, politikat financiare, çështjet buxhetore, ata që marrin fjalën duhet të jenë më pak politik dhe më shumë profesionist”, ka thënë Osmani.

Buxheti i Kosovës për vitin e ardhshëm do të jetë mbi 2 miliardë euro, kurse pjesa më e madhe do të gjenerohet nga të hyrat fiskale. Sipas procedurave ligjore, Buxheti i Kosovës duhet të miratohet në pjesën e dytë të dhjetorit.

 

Reklamë
Reklamë

Qentë endacakë rrezikojnë jetën e një 12 vjeçari nga Gjilani

I riu 12 vjeçar, Denis Syla nga Gjilani, ka pësuar lëndime deri sa ikte për të shpëtuar nga qentë endacakë, të cilët e kishin sulmuar.

Periskopi.com Lajme

Denisi tha për televizionin publik se derisa po kthehej në shtëpi, është sulmuar nga qentë dhe duke ikur nga ta, ka rrëshqitur dhe ka qarë këmbën, ndërsa tani është duke u trajtuar në Spitalin e Gjilanit.

Babai i 12-vjeçarit thotë se është shokuar nga ky rast, ndërsa kritikon autoritetet që nuk po ndërmerr askush asgjë ndaj qenve endacakë, të cilën rrezikojnë jetën e të gjithëve, e në veçanti të fëmijëve.

Mjekët kanë thënë se gjendja shëndetësore e pacientit është stabile.

Reklamë
Reklamë

Evropa e rrezikuar, gjendja në BE shqetësuese

Gjendja në BE nuk është e mirë, madje është shqetësuese, ka vlerësuar kryetari i Parlamenti Evropian Martin Schulz.

Periskopi.com Lajme

Ai gjatë debatit me titullin “Zërat e të ardhmes së Evropës” në Vjenë, ka thënë se janë të domosdoshme ndarja e kompetencave dhe reforma thelbësore e madje edhe ndryshimi i marrëveshjes së BE-së, raporton Koha.net

Njëkohësisht ai ka vlerësuar se është guxim për ndërmarrjen e këtyre hapave të kufizuar.

“Kemi forca centrifugale në BE”, ka konstatuar Schulz dhe ka shtuar se për këtë arsye Evropa është e rrezikuar.

Në kohën e globalizimit, Evropa po tërhiqet në vend që të pranojë sfidat, ka thënë ai duke theksuar se qytetarët nuk iu besojnë më institucioneve dhe besimi mund të kthehet vetëm me ndarje më të mirë kompetencash.

Kryetari i Komisionit Evropian Jean Claude Juncker thotë se është vështirë të përshkruhet gjendja në BE.

“Realiteti është se shumë gjëra funksionojnë mirë e për këtë askush nuk flet. Shumëçka, megjithatë nuk funksionon, e shumëçka kuptohet si diçka që nënkuptohet”, ka thënë ai .

Juncker ka tërhequr vërejtjen se shpesh nga shikimi largohet edhe çështja e luftës dhe e paqes.

“Lufta ka ardhur në kufijtë tanë”, ka thënë ai lidhur me luftën në Siri e Ukrainë.

Njëkohësisht ai ka thënë se Evropa është edhe kontinenti më i vogël, ndërsa qytetarët saj mendojnë të jenë “sundues të botës.”

Reklamë
Reklamë

Banorët e një fshati në Ferizaj në rrezik nga fabrika e gomave

Banorët e fshatit Mirosalë të Komunës së Ferizajt, sërish kanë ngritur shqetësimet e tyre lidhur me operimin e një fabrike riciklimi të gomave.

Periskopi.com Lajme

Banorët kanë frikë se tymi dhe erërat që po lirohen nga kjo fabrikë mund të sjellin sëmundje të ndryshme dhe si pasojë, disa nga ta, kanë nisur ta braktisin fshatin, raporton KTV.

Ka pothuajse tre vjet që këta banorë ballafaqohen me këtë situatë. Zyrtarët komunalë të Ferizajt nëpërmjet telefonit kanë thënë se Komuna nuk ka kompetencë për mbylljen e këtij biznesi.

Kryeinspektori në Ministrinë e Mjedisit, Bedri Halimi ka konfirmuar se ky biznes posedon lejen porse sipas tij, të njëjtit i është tërhequr vërejtja se nuk mund të zhvillojë veprimtarinë pa pasur edhe lejen ndërtimore.

Reklamë
Reklamë

Çdo ditë të shtëna armësh: a është bërë e frikshme të dalësh në Prishtinë?

Periskopi.com Lajme

Për tri ditë, në Prishtinë, ka pasur tri herë të shtëna armësh.

Para dy orësh, Edmond Azemi tha se për pak arriti t’i shpëtojë plumbave në qendër të Prishtinës. Në orën tetë të mëngjesit të sotëm, në Lakrishtë, poashtu u dëgjuan të shtëna dhe u konfirmuan të lënduar nga policia. Kjo ndodhi edhe dje, afër shkollës Gjin Gazulli, për të cilën sipas informacioneve të Periskopit, u arrestuan tre vetë.

Parmbrëmë, e patëm përleshjen e famshme ndërmjet dy grupeve të këngtarëve të muzikës rep, të inatosur me njëri tjetrin në hotelin e Behxhet Pacollit, Swiss Diamond.

Gjithë këto të shtëna kanë ndodhur në një periudhë të shkurtër kohe. Kjo edhe mund të jetë e rastësishme, por padyshim tregon për një rritje të kriminalitetit.

Në përgjithësi, në Kosovën e pasluftës ka pasur shumë gjuajtje me armë. Lëndime e vrasje. Por në pak raste, autorët janë nxënë. A është situata e tanishme një reflektim i paaftësisë së policisë së Kosovës për të kontrolluar situatën? Përgjigjja është po. Të gjuhesh me armë është bërë pakashumë si të gjuhesh me gurë. Probabiliteti i ndëshkimit është i vogël.

Është e pritshme që në të ardhmen të rritet edhe më shumë qërimi i hesapeve përmes armëve meqë policia është e paefektshme dhe nuk ndëshkon dhe nuk garanton sigurinë e qytetarëve duke qenë e ngulfatur nga nepotizmi dhe shërbimi ndaj politikës dhe sidomos meqë Gjykatat nuk funksionojnë.

Kjo është dukuri e zakonshme e shoqërive që dështojnë të formojnë institucione të besueshme. Dhe besimi i qytetarëve në këto institucione ka rënë ndjeshëm me atë që u dëshmua nga afera Pronto II.

Ja një pasojë e Institucioneve të brishta.

Reklamë
Reklamë