Tentohet rrëmbimi i 7 vjeçarit në një shkollë në Ferizaj, policia s’hap rast

Tentojnë ta rrëmbejnë fëmijën 7-vjeçar brenda objektit të shkollës “Gjon Serreqi” në Ferizaj. Prindërit janë të shqetësuar për nivelin e ulët të sigurisë, derisa hedhin dyshime se i dyshuari për rrëmbim “është pedofil”.

Periskopi.com Lajme

Ndonëse thonë se kanë dhënë deklarata në polici ata bashkë me dëshmitarët e tjerë prezentë në shkollë, policia thonë se nuk ka rast të regjistruar. As drejtori i kësaj shkolle, Milazim Dërguti, e as zëvendësi i tij Nazmi Heda, nuk ka pranuar të flasin për rastin, raporton KTV.

I pari, prapa kamerës, vetëm e ka konfirmuar se rasti ka ndodhur dhe se rasti është lajmëruar në polici. Por, zëdhënësi i Policisë në Ferizaj, Agim Gashi, ka mohuar të jetë hapur ndonjë rast lidhur me këtë ngjarje, ani pse mësuesja dhe dy prindër i kanë thënë televizionit se kanë dhënë deklarata në polici.

Se Policia është e njoftuar për rastin e thonë edhe në Drejtorinë Komunale të Arsimit në këtë komunë Muhamet Halili.

Ai ka pranuar se objektet e shkollave në këtë komunë nuk mbikëqyren nga pjesëtarë të sigurisë, por ka njoftuar se synojnë që kjo të bëhet nga viti i ardhshëm.

Rrëmbehet një person në Drenas

Një person është rrëmbyer sonte në Komunën e Drenasit, ndërsa burime të KosovaPresst bëjnë të ditur se dyshohet që kidnapuesi ishte me një veturë “Touareg” me ngjyrë të zezë.

Periskopi.com Lajme

Polica ka vënë pika kontrolli në kërkim të dyshuarit, ndërsa nuk ka bërë të ditur vendin se ku është kidnapuar viktima dhe as identitetin e tij.