FSK

Komandanti i FSK-së thotë se moti janë të gatshëm për Forca të Armatosura

Me rastin e shënimit të 8 – vjetorit të themelimit të Forcës së Sigurisë së Kosovës (FSK), komandanti i kësaj force, gjenerallejtënant Rrahman Rama, ka bërë me dije se FSK-ja i ka kryer të gjitha obligimet e saj dhe është në pritje të vendimit për t’u transformuar në Forca të Armatosura.

Periskopi.com Lajme

Ai ka thënë se është në interesin e Kosovës dhe qyetetarëve të saj që sa më parë të merret vendimi për transformimin e FSK-së.

Në një intervistë për gazetën “Epoka e Re”, Rama ka vlerësuar se gjatë kësaj periudhe FSK-ja ka bërë arritje të mëdha si dhe ka përmbushur misionin e vet kushtetues.

Ai ka thënë se FSK-ja është zhvilluar, ngritur dhe avancuar duke u bazuar gjithnjë në standardet e NATO-s.

Rama është shprehur i kënaqur që për një kohë të shkurtër FSK-ja është shndërruar në institucionin më të besueshëm dhe më të respektueshëm në vend.