Tahiri e vendosur: Rezoluta për pezullimin e dialogut me Serbinë do të zbatohet në tërësi 

Ministrja e Kosovës për Dialog, Edita Tahiri, është zotuar se do të zbatohet në tërësi rezoluta e Kuvendit të Kosovës, e cila ka për qëllim pezullimin e dialogut me Serbinë deri në lirimin e liderit të AAK-së, Ramush Haradinaj.

Periskopi.com Lajme

Ajo ka thënë se ky vendim i Kuvendit nuk do të ketë ndikim në raportet e Kosovës me Bashkimin Evropian.

Ministrja Tahiri ka folur edhe për procesin e transformimit të FSK-së, duke thënë se krijimi i ushtrisë së Kosovës është obligim kushtetues e vullnet i popullit.

Në këtë kontekst, ajo ka thënë se edhe faktori ndërkombëtar duhet ta kuptojë se udhëheqja e Kosovës ka për obligim ta përmbushë vullnetin e popullit të vetë.

Kurse sa i përket Demarkacionit me Malin e Zi, Tahiri ka thënë se ky proces është në rregull dhe Kuvendi duhet ta votojë, shkruan “Epoka e Re”.

Rezoluta për FAK-un nuk tregon se a do të ketë Kosova Ushtri (Video)

Rezoluta e Kuvendit për krijimin e Forcave të Armatosura të Kosovës nuk përcakton kohën e as që thotë se Kosova do të ketë ushtri. Kjo të paktën jo deri në sigurimin e votave të minoritetit serb.

Periskopi.com Lajme

Në fund të debatit, deputetët, në emër të harmonizimit të saj, modifikuan pikën 1 të rezolutës, duke hequr 1 marsin si përcaktim kohor kur qeveria detyrohet ta dërgojë në Kuvend ligjin për avancimin e Forcës e po ashtu hoqën edhe fjalën ligj, duke e zëvendësuar atë më fjalën strategji.

Nga rezoluta e Komisionit u fshi edhe komplet pika 2, e cila në fakt fliste për atë se çfarë misioni do të duhej të bëhej forca.

Rexhep Selimi thotë se me heqjen e kësaj pike, rezoluta e miratuar në Kuvend ishte vetëm sa për të arsyetuar debatin e zhvilluar dhe se nuk është bërë asnjë hap tutje drejt krijimit të ushtrisë.

Argumenti që përdorën partitë në pushtet për të mos shkuar tutje që ushtrinë ta bëjnë përmes ligjit, ishte se ka indikacione që NATO-ja nuk do ta mbështesë ushtrinë e Kosovës pa votat e serbëve.

Kosova humbi një shans të tillë në vitin 2014, pasi LDK-ja dhe Vetëvendosje nuk pranuan zgjatjen e mandatit të vendeve të rezervuara në këmbim të votave serbe.

Kuvendi miraton rezolutën për murin në Mitrovicë – ai duhet të rrënohet brenda muajit janar!

Periskopi.com Video

Mushkolaj: Muri nuk do rrënohet, rezoluta e Kuvendit nuk do zbatohet kurrë

Opinionisti Imer Mushkolaj thotë se rezoluta që pritet të votohet në Kuvend për rrënimin e murit në Mitrovicë, nuk do zbatohet kurrë.

Periskopi.com Uncategorized

Sipas tij, rezolutat janë dokumente koti, që nuk kanë kurrfarë vlere, sepse nuk zbatohen, raporton periskopi

Mushkolaj thotë se rezolutat zakonisht bëhen me qëllim që deputetët të arsyetohen para opinionit publik.

“Muri i Mitrovicës nuk rrëzohet me rezoluta, por me aksion konkret të Qeverisë së Kosovës.  As qytetarët e Mitrovicës nuk kthehen në pronat e veta me rezoluta, por me vendosmërinë e Qeverisë së Kosovës. Kjo rezolutë shpërfaq pafuqinë e institucioneve për të vepruar konkretisht. Nëpërmjet rezolutave si kjo, institucionet na bëjnë të kuptojmë sa të pafuqishme janë për të zbatuar rendin e ligjin në të mirë të qytetarëve”, thotë Mushkolaj për Periksopi.com

AI ëhstë i bindur se muri është mur dhe do të mbetet i tillë, pavarësisht modifikimeve.

“Ai nuk garanton lëvizjen e lirë të qytetarëve dhe gjithçka tjetër është e parëndësishme. Asnjeherë nuk do të hiqet krejt, do të provohet të shitet si rrënim modifikimi i tij”, thotë Mushkolaj./ Periskopi

Shqipëria miraton rezolutën për dënimet e krimit të komunizmit

Rezoluta e propozuar nga opozita për dënimin e krimeve të komunizmit ndaj klerit është miratuar nga Kuvendi i Shqipërisë.

Periskopi.com Lajme

Kjo rezolutë shpreh mirënjohjen e veçantë për rolin dhe veprimtarinë e përfaqësuesve të klerit në mbrojtje të vlerave demokratike dhe të drejtave dhe lirive themelore.

Kërkesa e opozitës për këtë rezolutë erdh pasi më 5 nëntor pritet të kremtohet lumturimi dhe lartësimi i 38 martirëve të ekzekutuar gjatë regjimit komunist.

Rezoluta e VV-së për UÇK-në që nuk u hodh në votim (Dokument)

Periskopi.com Lajme

Pas debatit në Kuvendin e Kosovës, në lidhje me gjykimin e Grupit të Drenicës, Grupi Parlamentar i Lëvizjes Vetëvendosje ka propozuar një rezolutë me katër pika, e cila nuk mori përkrahjen e grupeve të tjera parlamentare.

Këto janë pikat e rezolutës së VV-së:

  1. Ushtria Clirimatare e Kosovës të futet në Preambulën e Kushtetutës së Republikës së Kosovës dhe të mbrohet si vlerë;
  2. Kuvendi i Republikës së Kosovës nuk pajtohet me dënimin e ushtarëve ë UCK-së nga proceset gjyqësore të EULEX-it kryesisht me prova të fabrikuara nga Serbia;
  3. Kuvendi i Republikës së Kosovës nuk e njeh autoritetin e EULEX-it për ta gjykuar UCK-në;
  4. Të shfuqizohen nenet e Gjykatës Speciale të miratuara me 3 gusht 2015.

 

 

Kuvendi miraton rezolutën për vlerat e UÇK-së, e dyta nuk u hodh në votim

Pas një debati të gjatë dhe më shumë zhurma që u mbajt një ditë më parë në Kuvendin e Kosovës, sot, e premte, deputetët kanë miratuar rezolutën për vlerat e UÇK-së.

Periskopi.com Lajme

Në vazhdimin e seancës së jashtëzakonshme që ka filluar vetëm pak minuta [as orës 10:00, në votim morën pjesë 72 deputetë.

61 votuan për, ndërsa 11 abstenuan.

Ndërkaq, deputetët e Lëvizjes “Vetëvendosje” kërkojnë që të votohet një rezolutë e iniciuar nga ky subjekt.

Edhe pse Rezoluta u lexua dhe komentua nga grupet parlamentare, ajo  nuk u hodh në votim./ Periskopi

Amerika paralajmëron Kuvendin e Kosovës: Respektoni institucionet e drejtësisë

Ambasada amerikane në Prishtinë po përcjell punimet e Kuvendit të Kosovës kushtuar dënimeve të disa pjesëtarëve të UÇK-së nge EULEX-i e të konfirmuara edhe nga Gjykata e Apelit të gjykuar për krime lufte.

Periskopi.com Lajme

“Ne jemi duke e përcjell këtë çështje. Sundimi i ligjit është top prioritet i Ambasadës sonë në Kosovë. Respektimi i vendimeve të institucioneve të drejtësisë dhe principi që të gjithë të jenë të barabartë para drejtësisë, janë esenciale në çdo demokraci”, ka thënë për KTV Michelle Schohn, zëdhënëse e Ambasadës amerikane.

Nuk pajtohen as për draft-rezolutën për Nehat Thaqin

Nuk ka harmonizim të draft rezolutës mes partive politike pas debatit të djeshëm për arrestimin e Nehat Thaqit në Serbi.

Periskopi.com Lajme

Gëzim Kelmendi ka konfirmuar se takimi i grupit për harmonizim të rezolutës ka përfunduar dhe PDK e LDK nuk pajtohen me pikën që kërkohet ndërprerja e dialogut me Serbinë, raporton Koha

Nga ana tjetër, PDK e LDK pritet të dalin me një propozim të tyre por që nuk specifikohen kushtet.

Kujtojmë se vazhdimi i seancës ende nuk ka filluar megjithëse ishte paralajmëruar për orën 10:00. Njëjtë kishte ndodhur edhe dje kur seanca e jashtëzakonshme e thirrur për orën 14:00 nisi në orën 16:00.

S’ka deputetë, shtyhet votimi i Rezolutës për lirimin e Nehat Thaqit

Numri i pamjaftueshëm i deputetëve pjesëmarrës në seancën e jashtëzakonshme, ka ndikuar që Kuvendi i Kosovës të shtyjë miratimin e Rezolutës me të cilën do të kërkohej lirimi i menjëhershëm i Drejtorit rajonal të Policisë, Nehat Thaqi, i cili po mbahet nën masën e arrestit në Serbi.

Periskopi.com Lajme

Pas afër katër orë diskutimesh, deputetët vendosën që teksti i rezolutës të përpilohet nga një grup i deputetëve, në përbërje nga shumica e partive parlamentare.

Kurse votimi i saj, pritet të ndodhë të mërkurën, ngaqë të martën pjesëmarrja në seancë ishte tejet minimale.

Thaqi është arrestuar më 29 shtator në vendkalimin kufitar në Konçul dhe me vendimin e një gjykate të lartë në Nish, i është shqiptuar masa e paraburgimit prej 30 ditësh.