a-euml-sht-euml-b-euml-r-euml-pishman-rexhep-selimi-pas-10-vitesh_hd

Rexhe Selimi -Beqirit: Për votim të Gjykatës Speciale po i gjeni deputetët, e për votim të milionave jo

Deputeti nga radhët e Lëvizjes Vetëvendosje, Rexhep Selimi i është kundërpërgjigjur akuzave të shefit të Grupit Parlamentar të LDK-së, Ismet Beqiri.

Periskopi.com Lajme

 

Deputeti nga radhët e Lëvizjes Vetëvendosje, Rexhep Selimi i është kundërpërgjigjur akuzave të shefit të Grupit Parlamentar të LDK-së, Ismet Beqiri.

Ky i fundit sot në seancën e Kuvendit të Kosovës akuzoi deputetët e Lëvizjes Vetëvendosje se nuk po mendojnë fare për Prishtinën e cila qeveriset nga subjekti i tyre.

Sipas tij, shkaku i mungesës së deputetëve të VV-së në seancë, Prishtina mund t’i humb 21 milionë euro për Termokosin i cili furnizon me ngrohje qytetarët e Prishtinës – nga marrëveshja financiare e IPA 2015 ndërmjet Kosovës dhe BE-së.

Mirëpo deputeti Rexhep Selimi në një prononcim për Telegrafin ka thënë se kur është fjala për Gjykatën Speciale, deputetët e mazhorancës po i gjejnë deputetët e tyre për të votuar.

“Ata po i gjejnë deputetët e tyre për ta votuar Gjykatën Speciale e nuk po i gjejnë tash për votimin e marrëveshjeve me miliona. Po të ishte ndonjë marrëveshje me Serbinë ata do t’i siguronin sot të gjithë deputetët e tyre për votim”, ka thënë Selimi.

Ai ka shtuar se deputetët e Vetëvendosjes nuk janë makina votuese të mazhorancës, duke thënë se arsyeja e mos pjesëmarrjes së tyre në seancë sot është për shkak të këmbënguljes së deputetëve të mazhorancës në mos mbajtjen e debatit për rastin e Astrit Deharit.

rexhep-selimi-sulmon-ashp-euml-r-ambasadoren-franceze_hd-780x439

Publikohen foto të rralla të Adem Jasharit dhe Mujë Krasniqit

Njëri nga ish-komandantët e Ushtrisë Çlirimtarë të Kosovës, aktualisht deputët në Kuvendin e Rupublikës së Kosovës, Rexhep Selemi, ka publikuar disa foto të rralla ku shihet së bashku me komandantin Adem Jasharin dhe ish-bashkëluftëtarin e tyre, dëshmorin Mujë Krasniqi.

Periskopi.com Lajme

Selmi këtyre fotove ua ka shoqëruar një koment përmes së cilit përkujtonë Jasharët si prijetare në rrugën drejt lirisë.

“|Në Prekaz, aty ku kemi të skalitur harten e atdheut, flamurin e betejave, krenarinë kombëtare dhe rrugën drejte së ardhmes.
Ne Prekas, si ne çdo Nëntor e në cdo Mars, sikur në çdo ditë të jetës sonë, gjejmë të gjallë idealin e Lirisë dhe Bashkimit Kombëtar, ashtu siç e deshtën Adem e Hamëz Jashari. Ashtu siç e deshtën dëshmorët e Atdheut.

Rroftë Flamuri dhe ideali i Jasharjave!
Rroftë kombi shqiptar!”, ka shkruar ai në llogarinë e tij në Facebook./ Periskopi.

15230676_1298062186912554_9190015882004667899_n

15250671_1298060913579348_6879808921587177783_o

a-euml-sht-euml-b-euml-r-euml-pishman-rexhep-selimi-pas-10-vitesh_hd

Selimi: Në këtë datë takohet historia jonë

Deputeti i Vetëvendosjes, Rexhep Selimi, i cili par 19 vitesh së bashku me Mujë Krasniqi (dëshmor i kombit), Rexhep Selimi dhe Daut Haradinaj dolën para masës së madhe që ishin mbledhur në Llaushë dhe treguan se Ushtria Çlirimtare e Kosovës ekziston përnjëmend tha se 28 Nëntori është data më e lavdishme e kombit.

Periskopi.com Lajme

Ai tha se në këtë datë takohen gjithë heronjtë dhe dëshmorët e kombit, takohen Gjergj Kastrioti, Ismail Qmali e Adem Jashari.

Lexoni të plotë postimin e tij në Facebook:

“Gëzuar 28 Nëntori – data më e lavdishme e kombit tonë!

Në këtë datë takohet historia jonë, takohen gjithë heronjt dhe dëshmorët e kombit, takohen Gjergj Kastrioti, Ismail Qmali e Adem Jashari.

Në këtë datë do të takohemi gjithmonë ne shqiptarët, që të jemi të bashkuar e të fortë, me një flamur e një atdhe, të pandarë e të pamposhtur.

Në këtë datë dhe me flamurin kuq e zi lindi dhe frymon Shqipëria. Në këtë datë lindi Adem Jashari. Në këtë datë dhe me këtë flamur u rrit UÇK-ja.

Ushtria Çlirimtare e Kosovës është një hallkë e rëndësishme e zinxhirit të historisë pa të cilën nuk do të valonte flamuri kuq e zi aty ku është larë me gjak brez pas brezi.

Le të jenë krenar të gjithë ata që i përkasin kombit shqiptar!

Rroftë kombi dhe flamuri shqiptar!”.

Rexhep Selimi

Flet Rexhep Selimi: Kadri Veseli shkeli rregulloren e Kuvendit në lidhje me rastin Dehari

Lëvizja Vetëvendosje 12 ditë pas vdekjes së aktivistit Astrit Dehari, në Burgun e Prizrenit, nuk është ndaluar së kërkuari drejtësi për të.

Periskopi.com Lajme

Sipas tyre, Astriti është vrarë nga pushteti, i cili nuk lejoi që të mbahej një seancë e jashtëzakonshme për vdekjen e aktivistit brenda burgut.

Deputeti i Vetëvendosjes, Rexhep Selimi në një prononcim për “Indeksonline”, ka thënë se pushteti dëshiron që ta mjegullojë çështjen e vdekjes së Deharit.

Kjo, sipas tij është vërtetuar dje, kur pasi Vetëvendosje kishte mbledhur 40 nënshkrime aq sa nevojiteshin për ta mbajtur seancën e jashtëzakonshme për Deharin, dy deputetë e kishin tërhequr atë. Selimi thotë se kjo ka ardhur pas kërcënimeve që pushteti iu ka bërë deputetëve.

“Ajo çka ne do të vazhdojnë me këmbëngulësi është që të zbardhim rastin e vdekjes së Astritit në burg. Pra nuk do të heshtim për asnjë çast për asnjë moment, deri sa ne ta kemi të qartë dhe të zbardhet gjithçka para publikut që ka të bëjë me vdekjen e Astritit në Burgun e Prizrenit. Ndërkohë kur ne duam ta zbardhim, pushteti po mundohet ta mjegullojë. Kështu ndodhi edhe sot në Kuvend, ne deshëm të bisedonim, ata duan ta heshtin. Ne duam ta zbardhim, ata duan ta mjegullojnë. Ne duam ta zgjidhim, ata nuk duan ta zgjidhin. Kështu që këto dallime janë thelbësore, por ne nuk do të ndalemi deri sa të ketë drejtësi për Astritin”, është shprehur ai.

Selimi ka thënë se kryetari i Kuvendit, Kadri Veseli e ka shkelur Rregulloren e Punës së Kuvendit sepse ndonëse ishin mbledhur nënshkrimet, ai e kishte shtyrë mbledhjen e Kryesisë.

Sipas deputetit, Veseli në orën 14:00 e kishte pritur në zyre deputetin Danush Ademaj, i cili më pas edhe e kishte tërhequr nënshkrimin. Ai thotë se tek pas kësaj është mbledhur Kryesia.

“Ne kemi kërkuar për dje mbledhjen kur i kemi pasur 40 nënshkrime. Kryesia nuk e ka thirrur mbledhjen për të cilën ka qenë e detyruar deri sa ia ka arritur të bëjë presion te njëri ose te dy deputetë që t`i tërheqë nënshkrimet. Pra, kur ka arritur t`i tërheqë nënshkrimet, njëri nga ta Danush Ademaj, atëherë kryetari i Kuvendit e ka thirrur mbledhjen që ne e kemi kërkuar, pra tek kur ka arritur që ta tërheqë dikush nënshkrimin. Dje në orën dy deputeti Danush Ademaj ka qenë i ftuar te kryetari i cili është detyruar që ta tërheqë nënshkrimin. Kjo thjeshtë nuk është hipokrizi, kjo është shkelje flagrante e Rregullores së Punës së Kuvendit dhe në anën tjetër, është thyerje e çdo norme e politikëbërjes ku ky pushtet po vazhdon t`i kërcënojë deputetët për tërheqjen e nënshkrimeve”, është shprehur Selimi.

Selimi ka komentuar edhe marshin e nesërm që pritet ta mbajnë nxënësit e shkollave të mesme të Prishtinës të cilët do të kërkojnë drejtësi për Astrit Deharin. Për Selimin, ky mardh është thjeshtë një zingjir i kërkesës për drejtësi të Astrit Deharit.

Rexhep Selimi

Selimi: Ata që po iu bëjnë gropa bashkëluftëtarëve, do të bien vetë në to

Rexhep Selimi, deputet i Vetëvendosjes, ka thënë se ka qenë dëshmitar në rastin e fundit të procesit gjyqësor kundër Fatmir Limajt, dhe thotë se beson në pafajësinë e tij dhe në pastërtinë e luftës çlirimtare.

Periskopi.com Lajme

Ai ka thëne se edhe rasti “Drenica” është më shumë konspiracion sesa hetim real, duke shtuar se beson fuqishëm në këtë rast dhe në pafajësinë e të akuzuarve.

Sipas tij, krejt vendi po kalon në një lloj konspiracioni dhe shtoi  se këta njerëz po persekutohen nga akterë të ndryshëm, të cilët nuk po ia donë të mirën luftës dhe vendit.

Selimi po ashtu ka komentuar edhe ndarjen e mjeteve nga Qeveria për mbrojtjen nga Gjykata Speciale, duke thënë se “lufta nuk mund të mbrohet as me 1.5 as me 150 milionë, sepse nuk kanë efekt dhe nuk munden me shfajësuar veten me këto para”.

Ai i ka akuzuar krejt deputetët që e kanë votuar Specialen. “Ata ia kanë bërë gropën ushtarëve të vetë UÇK-së, por në fund kanë me ra vet në gropë”.

Selimi, në emisionin Rrokum Roll të TV Rrokum, ka folur edhe për Rezolutën për mbrojtjen e vlerave të luftës së UÇK-së, duke e konsideruar atë si një inskenim të montuar, ku deputetët kanë mundur të kenë edhe konflikt fizik. Sipas tij, maturia e opozitës, në veçanti e Vetëvendosjes, e ka pamundësuar një gjë të tillë.

Rexhep Selimi

Selimi: Deputetë me lot krokodili thirrën seancën për UÇK-në

Rexhep Selimi nga Lëvizja Vetëvendosje ka thënë se thirrja e seancës së nesërme për vlerat e UÇK-së, është absurde pasi është thirrur nga deputet që vet kanë votuar për Gjykatën Speciale.

Periskopi.com Lajme

Në Tribuna Channel ai ka thënë se ata deputetë që e kanë parë shumë mirë se po votojnë raportin e kryeprokurorit Wilamson, ku pranohet spastrimi etnik  me minoritetet nga UÇK, tash thërrasin seancë për vlerat e UÇK-së.

“Ata deputet po derdhin lot krokodili, pasi me dorë të vet nënshkruan Gjykatën Speciale”ka thënë Selimi.

Duke folur për rastin “Drenica II” Selimi ka thënë se ky është një skenar që është politik dhe jo i drejtësisë.

“Ky skenar nuk është i vetmi, është një skenar që ka për qëllim të dënoj dhe dëmtojë luftën e UÇK-së, tani po kërkohet barazimi i krimeve të Serbisë me popullin  Kosovës “ ka thënë ai.

 

 

Rexhep Selimi

Selimi thotë se nuk mjaftojnë 42 milionë euro për FSK-në

Buxheti për krijimin e ushtrisë së Kosovës nuk mjafton dhe ky duhet të dyfishohet. Sipas deputetit të LVV-së, Rexhep Selimi ky buxhet është i pamjaftueshëm dhe mbulon vetëm nevojat thelbësore që ka kjo ushtri.

Periskopi.com Lajme

Ai ka thënë se kjo forcë po krijon kapacitete dhe si e tillë duhet të ketë më shumë mbështetje financiare.

“Ky 41 milionësh është totalisht i pamjaftueshëm dhe FSK ka nevojë më tepër kur është një forcë që po krijon kapacitete”, ka thënë Selimi në Rubikon.

Rexhepi theksoi se me një partner të Qeverisë së Kosovës sic është Lista Serbe e cila nuk është në pajtueshmëri me interesat e Kosovës dhe është përfaqësim i qëndrimeve të Beogradit nuk mund të ketë një pajtueshmëri lidhur me krijimin dhe evoluimin e ushtrisë së Kosovës.

“Asnjëherë nuk e kam dëgjuar në Kuvend, asnjë zë në Kuvend e as të partnerëve aty, janë kthyer në një politikë të Beogradit e cila është reprezentim nga Lista Serbe në Kuvendin e Kosovës. Me një partner të tillë të Qeverisë së Kosovës vështirë që ne do të kemi pajtueshmëri për ta bërë”, ka thënë veç të tjerash Selimi.

rexhep-selimi

Selimi këmbëngul: RE-CI-PRO-CI-TET

Deputeti i Vetëvendosjes Rexhep Selimi, në seancën e jashtë zakonshme në Kuvendin e Kosovës, ka bërë thirrje që të arrestohet Marko Djuric Shefi i Zyrës për Kosovën në Qeverinë e Serbisë, sapo ai të shkel territorin e Kosovës.

Periskopi.com Lajme

Sipas Selimit duhet të fillohet reciprociteti me Serbinë, duke kritikuar Qeverinë ë Kosovës për neglizhencë ndaj arrestimit të policit të Kosovës, Nehat Thaçi nga autoritetet serbe.

“Arrestojeni Marko Gjuriqin, filloni reciprocitetin. Ky do te ishte hapi i par me i mirë i normalizimit te raporteve me Serbinë. Ne shprehim keq ardhjen tone për Nehat Thaçin, i cili gjendet ne dhomat e paraburgimit në Serbi, shoh disa nga deputetet te cilat kane qene ne burg te Serbisë e dine mire çka është burgu i Serbisë”, ka thënë Selimi.

Ai është shprehur se pret nga polici Nehat Thaçi kur të kthehet në Kosovë të tregoj për atë se si është trajtuar nga policia serbe dhe çka kanë kërkuar nga ai, e jo të heshte sikurse dy policët e Kosovës, që ishin arrestuar nga policia Serbe në kufi të cilët shiheshin të shtrirë për toke me duar të lidhur pas, duke thënë pas kthimit se janë trajtuar mire./Indeksonline/

Rexhep Selimi

Selimi: AAK dhe NISMA votuan që Trepça të mos jetë në pronësi të Kosovës

Deputeti i Vetëvendosje, Rexhep Selimi ka treguar dy amendamentet e Grupit Parlamentar të VV-së, të cilat dje u kundërshtuan nga LD, PDK, AAK dhe Nisma.

Periskopi.com Lajme

Ai thotë se ato janë është kundërshtuar që Trepça të jetë Ndërmarrje Publike dhe Trepça të jetë Ndërmarrje Publike Qendrore në Pronësi të Republikës së Kosovës.

Selimi thotë, se VV u ka vënë në dispozicion këto amendamente, por thotë Selimi, dikush ka paturpësinë që ta akuzojë VV-në për kundërshtim të Ligjit të Trepçës.

Lexoni reagimin e plotë të Selimit:

Këto janë vetëm dy nga amandamentet e GP të Lëvizjes VETËVENDOSJE të cilat u kundërshtuan nga shumica e deputetëve të LDK, PDK, AAK dhe NISMA-s.

Për dijeninë e atyre që duan ta dijnë, ata votuan KUNDËR që Trepça të jetë NDERMARRJE PUBLIKE TREPÇA SH.A. (shih andamentin 2 të LVV-së)

Për dijeninë e atyre që duan ta dijnë, ata votuan KUNDËR që Trepça të jetë NDËRARRJE PUBLIKE QENDRORE NË PRONËSI TË REPUBLIKËS SË KOSOVËS. (shih amandamentin 3 të LVV-së)E, pastaj dikush prej tyre ka paturpësinë që ta akuzojnë Lëvizjen Vetëvendosje se paska qenë kundër Ligjit për Trepçën.

Ne ua vumë në dispozicion amandamentet të cilat Trepçën do ta mbanin si nderrmarrje publike ne pronësi të Republikës së Kosovës. Ata i refuzuan me arrogancë. Ne ua dhamë amandamentet por nuk mumd t’ua japim edhe gjithçka tjetër të nevojshme të cilën ata nuk e paten.

Në këtë seancë kishim rastin që ta benim një ligj që do ta mbronte Trepçën nga kushdo që pretendon ta përvetësojë përveç Republikës së Kosovës. E ardhmja do ta kjartësojë edhe më shumë hilen e këtij pushteti rreth Trepçës.

Rexhep Selimi

Rexhep Selimi kërkon reciprocitet me Serbinë, shkak arrestimi i Thaqit

Deputeti i Vetëvendosjes, Rexhep Selimi, vlerëson se raportet më të mira ndaj Serbisë do të ndërtohen me aplikimin e reciprocitetit.

Periskopi.com Lajme

Duke folur për arrestimin e komandantit të Policisë në Mitrovicë, Nehat Thaqi, tha se ky nuk është rasti i parë kur xhandarmëria serbe arreston policë të Kosovës. Me këtë rast ai përmendi rastin e arrestimit të policëve në Dumnicë, raporton Periskopi.

“Ky qenka normalizim i marrëdhënieve me Serbinë?! Nëse qeveria serbe  shkel dhe nuk respekton ligjet Republikës së Kosovës dhe Kushtetutën e Kosovës, të njëjtën gjë po e bënë Qeveria e Kosovës e cila nuk po i respekton ligjet  dhe Kushtetutën e saj, kur bëhet fjalë për arrestimin e atyre që duhet të arrestohen”, tha Selimi, duke përmendur me këtë rast paralajmërimin për vizitë të Gjuriqit në Kosovë./ Persikopi

Rexhep Selimi

Selimi: Nëse ligji Trepçën ia kthen Kosovës, s’kemi pse e kundërshtojmë

Deputeti i Kuvendit të Kosovës nga Vetëvendosje, Rexhep Selimi, ka folur për projektligjin për Trepçën i cili do të shqyrtohet këtë të premte në kuvend.

Periskopi.com Lajme

Ai ka thënë se nuk është çështje e ngutshme, por procedimi i kësaj çështje në Kuvendin e Kosovës ka qenë i pazakonshëm.

“Është thënë se në ditën e premte do të jetë në lexim të parë. E krejt kjo nguti nga ka ngjallë kureshtjen se pse duhet të jetë e pazakontë”, ka thënë ai në Klan Kosova.

Ai ka shtuar se nuk mund të procedohet më një projektligj që ende nuk e kanë parë si deputetë.

“Qeveria është përgjegjëse për Trepçën që e ka mbajtur të uzurpuar në duar të padukura. Vazhdon të jetë panevojshëm çështje konspirative. Vizita te minatorët e Trepçës kemi bërë edhe në si deputet të opozitës edhe kryetari i lëvizjes ka qenë në vizitë atje. Kryeministri atëherë e kë tërhequr në një moment të pa duhur, nuk mund të japim komente pa lexuar dhe pa e parë. Por kërkojmë të Trepça t’i kthehet Kosovës dhe qytetarëve të saj”, ka thënë Selimi.

Vlerëson se nëse ligji ia kthen Kosovës – Trepçën, atëherë nuk kanë arsye që ta kundërshtojnë.