Kadri Veseli e quan Haradinajn mik dhe kryeministër, ja si ia kthen ai

Periskopi.com Lajme

Kadri Veseli dhe Ramush Haradinaj kanë filluar fushatën që shumë kohë, e të dielën ata prezantuan planin për zhvillim ekonomik. Zgjodhën një biznes që ta bëjnë këtë.

Veseli përveç që e quajti Haradinajn kryeministër, i tha edhe mik.

“I nderuari miku ik, kryeministër, qofshim faqebardhë”, i tha Veseli.

E Haradinaj nuk dha fjalë përkëdhelëse për të. E quajti vetëm Kadri.

“Kadri faleminderit, kryetar”, i tha Haradinaj./ Periskopi

Molliqaj ironizon me refuzimin e Haradinajt për pjesëmarrje në debat me Hotin dhe Kurtin

Periskopi.com Lajme

Sekretari organizativ i Vetëvendosjes, Dardan Molliqaj thotë se Haradinaj nuk ka guxim të përballet me Kurti.

Madje ai paralajmëroi një orë më parë se kjo do të ndodhte, dhe ashtu doli.

Molliqaj thotë se Haradinaj po arsyetohet se po e respekton Ligjin, por si-pas tij, nuk ka njeri që e ka shkelur ligjin më shumë se vet Haradinaj, transmeton Periskopi

Shkrimi i plotë:  

Konfirmohet ajo që e shkrova para 1 ore: Ramush Haradinaj nuk guxon të përballet me Albin Kurtin të premten në Klan Kosova.

Ai tërhiqet nga debati me arsyetimin se po e respekton ligjin për medie.

Ramush, pranoje që s’po guxon. Se për ligj, ja e ke shkelë ti ja s’di kush

Çfarë bëri Halil Matoshi nëpër vite dhe në sa politikanë kishte besim

Periskopi.com Lajme

Nuk është për bashkim kombëtar, madje kërkon komb kosovar dhe njihet si një gazetar që shumë vite.

Ky është Halil Matoshi që sot iu bashkua Aleancës për Ardhmërinë e Kosovës.

Ai shkoi në krahët e Ramush Haradinajt, në këtë kohë kur Qeveria e Kosovës është në detyrë dhe zgjedhjet mbahen më 11 qershor. E nëse ai do të jetë në listën zgjedhore, nënkupton se bashkëpunon edhe me Fatmir Limajn, meqë këto dy pari janë në koalicion parazgjedhor.

Pas një kohe të gjatë pushimi si pjesë e politikës, Matoshi, ka vendosur t’i bashkohet prapë politikës, raporton Periskopi

Ai që një kohë të gjatë flet si opinionist, por ky nuk është kalimi i tij i parë në politikë.

Dikur ishte në krahët Veton Surroit. Kjo ndodhi në vitin 2007  në partinë reformiste ‘ORA’ të Veton Surroit, e cila nuk kishte arritur ta kalonte pragun zgjedhor prej 5%.

E në ditën e aderimit, ai tha u kishte besuar dy njerëzve, Rugovës dhe Haradinajt.

Harroi Surroin me të cilin nisi një rrugëtim politik dikur.

“Mendoj që politika është besim. Nëse nuk ka besim, rezultatet janë të dobëta. Në jetën time, në politikë u kam besuar dy njerëzve: Ibrahim Rugovës dhe Ramush Haradinajt. Këta dy njerëz më kanë dhënë siguri. Nëse nuk ke siguri rezultatet janë të dobëta. Ne duam që qytetarëve të Kosovës t’ia kthejmë besimin. Prandaj na priftë e mbara”, ka thënë Matoshi.

Matoshi ishte edhe i burgosur politik, u arrestua gjatë bombardimeve të NATO’s dhe u lirua pas rreth një viti.

Ai mori pjesë në protestat e studentëve.

Pak netë më parë, Matoshi në televizion kishte deklaruar se e admiron Ramush Haradinajn dhe tha fjalë të mira për të./ Periskopi

 

Flet Halil Matoshi, tregon përse iu bashkua AAK-së

Flet Halil Matoshi, tregon përse iu bashkua AAK-së

Periskopi.com Lajme

Publicisti Halil Matoshi tashmë ka hyr në politik.

Ai ka zgjedhur AAK-në që të jetë pjesë e saj.

Në një konferencë ku u prezantua aderimi tij Matoshi tha se besimi që ka në Haradinajn dhe stafin e tij e ka shtyrë për të marr këtë vendim, raporton Periskopi

I pyetur nëse do të mund të qonte para idenë e tij për kombin kosovar në këtë subjekt, ai tha se idetë teorike mbesin libra, pra vetëm të tilla.

Ndërsa Haradinaj që u shpreh i nderuar që tashmë e ka në parti tha se AAK-ja është e hapur për të gjithë ata që duan të punojnë pa hile.

Ndërsa, Muharrem Nitaj në fund të konferencës tha se shpresojnë që pas Matohsin do u bashkohen edhe shumë të tjerë./ Periskopi

Eskalon situata Serbi-Kosovë, Nikoliç e quan qen Ramush Haradinajn

Periskopi.com Lajme

Presidenti në largim Tomislav Nikoliç, e ka fyer ish-kryeministrin e Kosovës, Ramush Haradinajn duke e quajtur atë qenë të tërbuar.

“Ramush Haradinaj është liruar nga Franca dhe tani mendon se ai kurrë nuk do të ndëshkohet nëse kryen një krim kundër një serbi”, ka thënë Nikoliq, raporton Tanjug.

Këto deklarata të Presidentit të Serbisë janë si reagim të tij pas deklarimeve të Haradinaj se nëse Serbia nuk heq Kosovën si pjesë të saj nga kushtetuta e Serbisë, atëherë Kosova do ta konsideroj si pjesë të saj deri në Nish.

Lidhur me deklarimet e Haradinajt më herët ka reaguar edhe zëvendës kryeministri i Serbisë, Nebojsha Stefanoviq duke thënë se Haradinaj, Nishin mund ta sheh vetëm për brenda burgut të saj dhe në asnjë mënyrë tjetër./Insajderi.com

Edhe Daçiq i reagon Haradinajt për ndryshimin e kufijve

Periskopi.com Lajme

Ministri i jashtëm i Serbisë, Ivica Daçiq ka reaguar ndaj deklaratave të Ramush Haradinajt për përfhsirjen e Nishit në hartën e Kosovës.

Ai këto dhe deklaratat për Shqipërinë e Madhe, i ka cilësuar si ëndrra të këqija të shqiptarëve, transmeton lajmi.net

“Shqiptarët duhet të refelktojnë për veprimet e tyre sepse janë të gabuara. Nëse mendojnë se Serbia është e dobët për shkak se dëshiron dialog, atëherë kjo mund të jetë një ëndërr e çmendur, e cila në realitet është makth për gjithë rajonin”, ka thënë ministri serb.

Sipas tij, Shqipëria e Madhe, e deklaratat e Ramush Haradinajt janë të rrezikshme, në momentin që Serbia po kërkon vetëm dialog.

Haradinaj kërcënon Serbinë: Nishin do e fusim në hartën e Kosovës (Video)

Periskopi.com Lajme

Lideri i Aleancës për Ardhmërinë e Kosovës (AAK), Ramush Haradinaj, ka thënë se duhet të dalë dikush e t’i prish agjendat e Serbisë më të cilat po tallet me Kosovën. Ai thotë se vet ka rënë pre e këtyre agjendave, duke qenë për mbi tre muaj i ndaluar nga autoritetet franceze.

Në emisionin “Rrokum Rroll” të TV Rrokum, Haradinaj ka thënë se “duhet me i tregu Bashkimit Evropian (BE), dhe në veçanti SHBA-ve, se nuk jemi më popull që tallet dikush me ne”!

“Në këtë temë Evropa nuk po bën asgjë. Unë i jam mirënjohës Berlinit, i cili ka pasur një qasje të qartë ndaj meje, por kur është në pyetje Brukseli, kjo është e padrejtë, ngase në Ballkan BE-ja po shihet se nuk mundet me i bind palët me marrë vendime të prera. Këtu duhet me ndërhy Amerika dhe me ia tregu vendin Serbisë”, ka shtuar Haradinaj.

Ai shton se Serbia duhet ta heq Kosovën nga preambula e Kushtetutës së saj. Ndryshe, shton se duhet reciprocitet që të fusim në hartën e Kosovës një të tretën e tokës së tyre, që nga Nishi.

 

AAK lëshon pe, nuk e do kryeministrinë me patjetër

Periskopi.com Lajme

Ahmet Isufi nga AAK ka folur për koalicionet e mundshme që do të ndodhin pas zgjedhje në Kosovë.

Ai tha se preferojnë nj koalicion sa më të gjerë, por kur u pyet a më mirë me PDK-në apo me LDK-në tha se preferojnë t’i dërgojnë në opozitë të dyja.

Ajo që ka habitur më së shumti është se Isufi tha se AAK-ja nuk e ka me patjetër të mbajë postin e kryeministrit.

“Do të ishte mirë të vazhdonte atë 100 ditshin, por nuk është patjetër që Haradinaj të jetë kryeministër, për të mirën e vendit duam të punojmë”, tha Isufi në Klan./Periskopi

Milaim Zeka tregon se cili politikan e ndihmoi të hynte në punë në RTK

Periskopi.com Lajme

Gazetari Milaim Zeka thotë se Isa Mustafa i ka fituar krejt votat duke thënë që vrasjet e pasluftës i ka bërë SHIK-u.

Sipas tij, me akuzu njeriun për vrasës e me ardh në koalicion me të, ndodh vetëm te ne.

Ka folur për një fotografi të Haradinajt me vëllezërit Geci, e që sipas Zekës ndoshta është shenjë me i dërgu Isa Mustafës edhe LDK-së sinjale  ‘që ne mundemi me u ba edhe me Ramushin’.

Nëse Ramushi mundet me kanalizua energjinë dhe atë që ka ndodhur gjatë katër muajve sa ishte në Francë, Zeka thotë se AAK mund të rritet goxha shumë.

“Ramush Haradinaj dhe Fatmir Limaj duhet të krijojnë një ekip të ekspertëve që nuk ua bëjnë rrafsh, i kanë përreth asi të odave që ja bëjnë rrafsh”, ka thënë Zeka.

“Ramush Haradinaj më ka shti në punë në RTK”, ka pranuar Zeka mes tjerash teksa ka folur për të.

Ai ka folur rreth Gjykatës Speciale, gazetarinë në Kosovë, si dhe për disa politikanë në veçanti.

Lajmi i mirë për Ramush Haradinajn, tronditet Serbia

Periskopi.com Lajme

Ministri i Punëve të Jashtme të Serbisë, Ivica Daçiq ka thënë sonte se sot ka kaluar afati që prokurori i rastit Haradinaj të ankohej në vendimin e gjykatës franceze për lirimin e ish kryeministrit kosovar.

Kjo i bie që Franca më nuk do ta arrestojë kreun e AAK-së, Ramush Haradinaj me flet-arrest të Serbisë nëse ai hyn në territorin francez, shkruan lajmi.net.

“Duket se nuk është vendim i rastësishëm (lirimi i Haradinajt). Askush këtu nuk e parashtron pyetjen se a është fajtor Haradinaj, por shtrohet pyetja se a duhet apo jo të ekstradohet në Serbi. Kjo është mosrespektim drastik ndaj viktimave serbe, por këtu nuk flas vetëm për të kaluarën, flas edhe për kërcënimet ndaj paqes dhe stabilitetit në rajon”, ka thënë ai.

Sot gjatë gjithë ditës politikanët kryesorë serbë janë marrë me deklaratat e Haradinajt, duke thënë se ai po nxit konflikt të ri ndërmjet Kosovës dhe Serbisë, por edhe me gjerë.

Njeriu që i dha 70 mijë euro për Ramushin thotë se Murat Meha është tradhtar (Video)

Periskopi.com Lajme

Gani Dreshaj, anëtar i Këshillit të Përgjithshëm të AAK-së, ka akuzuar rëndë kryetarin e Komisionit për përcaktimin e demarkacionit me Malin e Zi, Murat Mehën, se ka montuar që nga ky komision të largohen anëtarë të ndershëm.

Dreshaj thotë se Murat Meha për para është gati ta shes edhe babin e tij dhe se, sipas tij, ka edhe vilë në Malin e Zi.

“Nuk e di kënd e ka mbështetje, nuk mund ta kalkuloj, por unë Murat Mehës i besoj gjithçka që bën për interesin e vet. Bën vaki që ka edhe far vile në Mal të Zi. Unë nuk e kam si fakt, por me të dëgjuar e kam, që po”, tha Dreshaj, në emisionin ‘InfoBox’ të RTV Dukagjinit.

Për Dreshajn, kohëve të fundit është raportuar se ka paguar rreth 70 mijë euro për mbrojtjen e Ramush Haradinajt në procesin gjyqësor që e pati në Francë.

Por, ai tregon se edhe kë e ka ndihmuar tjetër.

“Unë jam kujdes edhe sa ka qenë Fatmir Limaj në Hagë, me ato mundësi sa kam pas. Për mbrojtje nuk kam dhënë, por janë disa shpenzime që duhet me i pas 500-1000 euro në muaj. Pastaj kam ndihmuar Haradin Balajn, e pastaj Ramushin me miq. Jemi mundu me ju qëndruar gati sa për të mos mbet keq”, tha ai.

E pikërisht ai, është edhe kandidat i AAK-së për Istogun, derisa thotë që ka përkrahjen edhe të AKR-së, PDK-së dhe Nismës në këtë komunë.

Serbia ende e mllefosur me rastin Haradinaj, tre muaj bojkot Francës

Periskopi.com Lajme

Qeveria serbe, siç shkruan “Vecernje Novosti”, ka urdhëruar zyrtarët dhe shërbyesit civilë që në tre muajt e ardhshëm të mos bëjnë asnjë vizitë dhe aktivitet biznesor në Francë.

Siç njoftohet,  ky vendim është një ndër shumë vendimet tjera, si përgjigje ndaj vendimit të Gjykatës së Apelit në Colmar që të refuzoj kërkesën e Serbisë për ekstradimin e ish-liderit të UÇK-së Ramush Haradinaj.

Qeveria serbe ka vlerësuar se ky vendim i gjykatës “nuk ka të bëjë me ligjin dhe drejtësinë” dhe se është “një akt politik”, dhe kjo është arsyeja se pse Serbia ka vendosur të “marrë kundërmasa”.

Zyrtarët serbë do të ulin në minimum kontaktet me kolegët francezë, ndërsa ambasadores së Francës Kristin Moro iu dorëzua një notë proteste në të cilën shprehet qëndrimi i Serbisë se në rastin Haradinaj bëhet fjalë për një vendim të motivuar politikisht, me ç’rast, sipas autoriteteve serbe nuk janë respektuar provat materiale që Serbia i ka paraqitur, ndër të tjera edhe deklaratat e dëshmitarëve të mbijetuar./Periskopi

Xhavit Haliti i ‘vardiset’ Hardinajt

Periskopi.com Lajme

Nënkryetari i Parlamentit të Kosovës nga radhët e Partisë Demokratike, Xhavit Haliti, ka thënë se shteti i Kosovës duhet t’ia paguaj të gjitha shpenzimet Ramush Haradinajt për këto katër muaj që ka qëndruar në Francë dhe po ashtu avokatët dhe shpenzime të tjera.

“Sa i përket shtetit të Kosovës unë shpresoj se të paktën qëndrimin e tij këtu, avokatët dhe shpenzimet e tjera t’i mbulojë”, ka thënë Haliti.

Ai e ka quajtur Haradinajn emblemë të luftës së Ushtrisë Çlirimtare të Kosovës.

“Ramush Haradinaj duhet të pritet si një figurë emblematike e UÇK-së, dhe si një figurë që nuk i është nënshtruar askujt sa i përket luftës së UÇK-së dhe ata që kanë simpati për të, ithtarët e partisë së tij, duhet ta kenë parasysh se si të veprojnë. Vendimi për Haradinajn ka gëzuar çdo qytetarë të Kosovës, jo vetëm përse ka ndodhur ndaj një politikani të Kosovës, por ka ndodhur ajo që ka mund të konsiderohet përpjekja për ta njollosur UÇK-në dhe ky vendim tregon të kundërtën”, tha ai.

“Drejtësia franceze nuk e ka dënuar UÇK-në, por drejtësia franceze ka shqyrtuar një kërkesë që Serbia përmes Interpolit ta ndalojë Haradinajn. Serbia do të duhej t’i tërhiqte ato kërkesa, të mos i nxjerrë probleme edhe vet Europës me këto akuza”, tha Haliti.

 

Nikoliqi e quan Ramush Hardinajn kriminel, madje i shkruan edhe Francës

Periskopi.com Lajme

Presidenti i Serbisë, Tomislav Nikolic i ka dërguar letër presidentit të Francës, Francois Hollande, ku i tha se lirimi i Ramush Haradinajt me vendim të Gjykatës së Colmarit, tregon se “edhe kësaj radhe politika po e mundë drejtësinë”.

Nikolic, i tendosur nga vendimi i Gjykatës së Colmarit në Francë për lirimin e Ramush Haradinajt, i ka çuar letër Presidentit të Francës, Francois Hollande, në të cilën shpreh ‘shqetësimin e tij lidhur me lirimin e Haradinajt”, shkruan b92, transmeton Gazeta Express.

“Ne kemi kërkuar urdhrin e ekstradimit në bazë të dëshmive tona që i kemi ofruar, mirëpo tani jemi të tronditur thellësisht dhe për fat të keq, po shihet se nuk ka drejtësi për viktimat serbe. Gjykata e Colmarit e ka liruar sot një kriminel, dhe ky akt i autoriteteve franceze, mbetet i pandëshkuar”, ishte fillimi i letrës dërguar Presidentit francez.

 

Engel: Jam i lumtur që Ramush Haradinaj u lirua sot

Periskopi.com Lajme

Eliot Engel ka përshëndetur të enjten lirimin e liderit të AAK-së, Ramush Haradinaj nga gjykata franceze në Colmar, duke thënë se shpreson që ky veprim do të lejojë Prishtinën dhe Beogradin t’i kthehen punës së rëndësishme për normalizimin ndërmjet dy shteteve.

 “Jam i lumtur që ish-kryeministri I Kosovës, Ramush Haradinaj u lirua sot nga gjyakata franceze. Shpresoj se ky veprim do të lejojë Prishtinënë dhe Beogradin t’i kthehen punës së rëndësishme për normalizim ndërmjet dy shteteve”, thuhet në deklaratën për media të anëtarit të Komitetit për Punë të Jashtme, Eliot Engel.

Për më tepër, ai konsideron se nëse Serbia do të ishte serioze dhe e përkushtuar në normalizimin e marrëdhënieve me Kosovën, ajo nuk do të ndiqte Haradinajn, i cili dy herë është liruar nga gjykata ndërkombëtare.

Engel ka theksuar se Serbia duhet të dëshmojë se dëshiron të bashkohet me demokracitë e Evropës, ndërsa tërheq vërejtjen se duke pranuar armë të rrezikshme të avancuara nga Vladimir Putin, Beogradi është i angazhuar në një garë armësh i cili do të kërcënojë fqinjët e saj dhe pengon sigurinë e partnershipit me Shtetet e Bashkuara të Amerikës.

‘Kthehen shkijet n’arkivole, nuk ka gjyq që më gjykon’ (Video)

Periskopi.com Lajme

Nëse e keni harruar, ua kujtojmë këngën e kushtuar komandantit Ramush Haradinaj.

Në kohën kur ai për të dytën herë u gjykua në Hagë, këngëtari Gold AG ia kushtuar një këngë atij.

Një këngë me një tekst goxha patriotike por edhe me fjalë ofenduese për serbët, për shkak të akuzave dhe krimeve që ata kanë bërë në Kosovë, transmeton Periskopi

Haradinaj është liruar më 27 prill, pas një urdhër-arresti nga Serbia, e që u ndalu nga drejtësia franceze që katër muaj.

Tekstin dhe videon mund t’i shihni më poshtë:

 

Ju qoj t’fala n’Shqiptari se ska qka m’ban mu TRIBUNALI

Se apet KOSOVEN teme e mbroj me gjak e nuk e fali

Se jom bir i kti veni luftoj kur m’thirr vatani

Gueril jom si Enveri si Shkelzeni e Luani

M’rriti kulla me KANUN jom djal prej DUGAGJINI

Na e lan t’part ni amanet pej shkive nuk na tremet syni

Ni pushk e maj n’dor se zemra don liri

Zoti m’fali si SHQIPTAR e kjo tok quhet SHQIPNI

Nale turrin o dushman se kom me veti ni DEQAN

Kthehen shkijet n’arkivola nisja kanges GLLOGJAN

Jom PRIZREN dhe GJAKOVË e kom PEJËN me RUGOV

MITROVICA osht e jona ta jap besen oj KOSOVË

E kom rrugen per MORIN armatim e kam TROPOJËN

Thuj armiqve ” MIR SE VIN ” se me BARUT ja mushi gojen

Ni allti e ni sharki hala n dor e ka SHQIPTARI

Cofni shkije n’Beograd se HARADINAJ o ktu pari

 

Reff:[2x]

Jooo nuk ka gjyq qe m gjykon

Me prit o vendi im

Se n’zemer po me vlon

NI KOSOVË ME DUGAGJIN

 

N’ket jet mat mire a ka se me ra per venin ton

Kom me veti t’ri e t’reja jena bashk ni bataljon

Vjen LLAPI me GOLLAK e DRENICA me REQAK

Qohet SHKUPI E LUGINA me GILAN e KARADAK

Pi TETOVE e n’BOLETIN e kem ni komb e ni qendrim

Knojn trimat naper male nuk jetohet n’okupim

I kom gjall more Armik me PASHTRIK e KAQANIK

ILIRIDA qohet n’kam jom SHQIPTAR dej n’SELANIK

Kto fjal qe i thom mos i harro pash mu o vlla

Dije djemt e DUGAGJINIT nuk e dojn jeten me shka

E boj SHIPNIN NATYRALE se kerkun se du kufinin

Nese vdes mos um kaj amanet po jav la gjinin

SHQIPONJA n’zemer jeton mrena naper gjak

KUQ E ZI SHIPTAR me emer si me dek se mdoket pak

Nese mes pa armantim dije plum e boj gurin

AMANET TA LO KOSOV RUMA GJUHËN E FLAMURIN

 

Reff:[5x]

Jooo Nuk ka gjyq qe m’gjykon

Me prit o Vendi im

Se n’zemer po me vlon

Ni Kosove e Dukagjin

Haradinaj e ripërsërit: Nëse ekstradohem, Serbisë i përsëritet 1999-ta

Periskopi.com Lajme

Ramush Haradinaj ka qenë optimist për vendimin e gjykatës. Ai ka qenë i qetë për nivelin e drejtësisë franceze, por jo edhe për atë serbe, ka thënë gazetari i Klan Kosovës, Kushtrim Sadiku në një lidhje direkte nga Strasbourg i Francës.

Ai më tutje ka theksuar se në një bisedë që ka zhvilluar me kryetarin e Aleancës për Ardhmërinë e Kosovës, Haradinaj i ka thënë se nëse ndodh që të ekstradohet, Serbia – që qeveriset nga bijtë e Sllobodan Millosheviqit – do ta marrë përgjigjen e njëjtë që e ka marrë më 1999.

I bindur në lirimin e Haradinajt është shprehur edhe zyrtari i AAK-së, Avni Arifi, i cili ka nënvizuar se për këto akuza ish-gjenerali i Ushtrisë Çlirimtare të Kosovës është shpallur i pafajshëm nga Tribunali i Hagës.

“Nuk ka asnjë arsye që të mos besojmë që Ramush Haradinaj do të kthehet nesër në Kosovë. Drejtësia për të është drejtësi për Kosovën”.

Vjen paralajmërimi i veteranëve të UÇK-së, nëse Haradinaj ekstradohet në Serbi

Periskopi.com Lajme

Kanë kaluar pothuajse katër muaj prej kur lideri i Aleancës për Ardhmërinë e Kosovës, Ramush Haradinaj është duke qëndruar në Francë, pasi kjo e fundit e ndaloi me urdhër-arrest të Serbisë.

Vendimi përfundimtar për lirimin ose ekstradimin e Haradinajt, pritet të merret ditën e nesërme më 27 prill nga Gjykata e Apelit në Colmar të Francës, shkruan lajmi.net.

Serbët të cilët po e akuzojnë Haradinajn për krime të kryera gjatë luftës së viteve 1998-1999, po presin ekstradimin e tij në Serbi.

Mirëpo nëse merret një vendim i tillë atëherë në Kosovë pritet të destabilizohet situata.

Ashtu siç paralajmëroi ditë më parë vëllai i liderit të AAK-së, Daut Haradinaj  u shpreh njëjtë edhe kryetari i OVL të UÇK-së, Hysni Gucati.

Edhe pse shpreson në lirimin e Haradinajt, Gucati ka thënë për lajmi.net se nëse ndodhë e kundërta atëherë situata do të eskalojë në gjithë Ballkanin.

“Nuk mendoj se do të ekstradohet gjenerali për në Serbi, ne nesër presim vendim pozitiv ai e ka dëshmuar në Tribunalin e Hagës pafajësinë e tij. Këto janë akuza të fabrikuara prej Serbisë dhe prej paramilitarëve serb. Unë shpresoj dhe besoj se shumë shpejt ai do të kthehet. Lutem të mos ndodh e kundërta sepse situata jam i bindur që do të eskalojë. Kjo do të jetë destabilizim jo vetëm i Kosovës por i tërë Ballkanit, në Preshevë, Maqedoni  etj., situata mund të eskalojë”, ka thënë ai.

Sipas tij, gjithë ky proces ndaj Haradinajt ka qenë i padrejtë. Gucati shpreson që Haradinaj të kthehet tek familja dhe shokët e tij, duke potencuar se nuk dëshiron të ndodhë më e keqja.

Qeveria e la në lloç Ramush Haradinajn

Periskopi.com Lajme

Qeveria e Kosovës, deri tash nuk e ka dhënë asnjë cent për të mbuluar shpenzimet e avokatëve, të cilët e kanë mbrojtur Ramush Haradinajn në Francë.

Kështu ka deklaruar për TV Dukagjini kryetari i Degës së Aleancës për Ardhmërinë e Kosovës në Prishtinë, Avni Arifi.

 Sipas tij, Ministria e Punëve të Jashtme (MPJ) kishte premtuar me 12 janar, se do t’i mbulojë shpenzimet e mbrojtjes së Haradinajt, i cili po gjykohet në Francë, në bazë të një flet-arresti ndërkombëtar, të lëshuar nga Serbia.

 “Deri më tani, Haradinaj të gjitha shpenzimet i ka mbuluar nga xhepi i tij. Ndihma e vetme, ka ardhur nga bashkatdhetarët tanë në diasporë”, ka shtuar Arifi.

 Ministri i Punëve të Jashtme të Kosovës, Enver Hoxhaj, i cili më herët kishte thënë që Qeveria do përkujdeset për shpenzimet e avokatëve tashti sërish ka thënë për RTV Dukagjini se janë duke punuar që ta propozojnë në qeveri një shumë përmes se cilës do t’i ndihmohet Haradinajt, ku më pas Qeveria do të merret më këtë çështje.

 

 

 

Haradinaj: Të shkohet në zgjedhje, mos të torturohet populli

Periskopi.com Lajme

Kryetari i Aleancës për Ardhmërinë e Kosovës (AAK), Ramush Haradinaj, beson se vetëm zgjedhjet e reja mund ta riparojnë gjendjen aktuale në vend.

Ai ka vlerësuar se gjendja ekzistuese çdo ditë e më shumë po bëhet më e rëndë.

Në një intervistë dhënë për gazetën “Epoka e re”, ai ka thënë se shkuarja në zgjedhje të parakohshme është pjekuri politike.

Haradinaj, i cili po mbahet padrejtësisht në Francë që disa muaj, në bazë të një fletarrestimi serb, është shprehur i bindur se Gjykata e Colmarit më 27 prill do ta refuzojë kërkesën e Serbisë për ekstradim dhe do ta lirojë atë.

Ai ka thënë se kërkesa e palës serbe është e padrejtë dhe e motivuar politikisht.

“Kjo kërkesë është thjesht përndjekje ndaj meje dhe nuk ka të bëjë asgjë me ligj”, ka thënë Haradinaj.