Ramiz Kelmendi godet Hashim Thaçin: Nga shantazhi prej Speciales po bënë lëshime territoriale (Video)

Periskopi.com Lajme

Zëvendëskryeministri në ikje, Ramiz Kelmendi, në emisionin InfoBox të RTV Dukagjinit ka thënë se përfundimi i sotëm i koalicionit qeverisës është ditur që në momentin kur për president u votua një nga nënshkruesit e marrëveshjes së koalicionit PDK-LDK, Hashim Thaçi. Pikërisht fal këtij koalicioni, sipas Kelmendit, në krye të PDK-së erdhi Kadri Veseli.

“Po mos të ishte bashkësia ndërkombëtare, Veseli nuk do të kishte qenë sot kryetar i PDK-së. Sepse, koalicioni me PDK-në nuk do të ishte bërë në asnjë formë”, ka thënë ai.

Kelmendi tha se edhe kalimi i demarkacionit me Malin e Zi nuk do ta shpëtonte këtë qeveri. Madje, ai tërhoqi një diagonale mes Gjykatës Speciale e çështjes së demarkacionit, duke thënë se Thaçi – sa ka qenë kryeministër – ka mundur të jetë i shantazhuar nga kjo gjykatë dhe ka bërë lëshime.

“Ky demarkacion është nënshkruar, është përgatitur për nënshkrim, është negociuar dhe i është vendosur si kusht Qeverisë së Republikës së Kosovës sa ka qenë Thaçi kryeministër. Gjithmonë tendenca ka qenë te një konspiracion politik për demaskimin e Thaçi dhe vendosjen e tij në listën e tradhtarëve. Dhe, shumica e deputetëve nuk kanë dyshuar se Thaçi – nga shantazhimi për Gjykatë Speciale – ka bërë lëshime territoriale”, tha ai.

Arsyeja që LDK nuk procedoi me çështjen e përcaktimit të kufirit me Malin e Zi, sipas zëvendëskryeministrit, ishte mungesa e votave – rreth 15 sosh që mungonin nga Grupi Parlamentar i PDK-së.

Zëvendëskryeministri i ‘sinqertë’ studentëve ua këput shpresat për punësim në sektorin publik

Zëvendëskryeministri i Kosovës, Ramiz Kelmendi ditë më parë ligjëroi para studentëve të Kolegjit “AAB” mbi temën “Rrugëtimi i suksesshëm i një biznesi”.

Periskopi.com Lajme

Kelmendi pasi lavdëroi biznesin e suksesshëm të tij, tha se sektori privat është e ardhmja e vendit, duke ua bërë me dije studentëve se dyert e sektorit publik janë të mbyllura për ta.

Ai kërkoi nga studentët që të studiojnë, mirëpo mos të shpresojnë të hyjnë në punë në Qeveri, ngase siç u shpreh ai vendet në institucione janë plotësuar dhe ka vende vetëm nëse dikush vdes ose shkon në pension të rregullt, shkruan KosovaPost.

“Ju keni me qenë një pjesë e madhe  e njerëzve të sektorit privat. Sektori privat është e ardhmja e Kosovës. Qeveria dhe vendet në institucione janë plotësuar numerikisht dhe ka vende vetëm për ata që vdesin ose shkojnë në pension. Prandaj mos pritni që ka me pasë Qeveria vende pune në të ardhmen për ju, por ju keni me qenë baza e e zhvillimit të Kosovës”, u shpreh Kelmendi para studentëve.

Kur PDK-ja e quante Kelmendin “intelektual me vizion” për zhvillim ekonomik, tani ia përmend produktet serbe

Kur në maj të vitit 2014, biznesmeni Ramiz Klemendi që sapo kishte braktisur Aleancën për Ardhmërinë e Kosovës dhe i ishte bashkuar menjëherë Partisë Demokratike të Kosovës, lideri i atëhershëm i kësaj partie, sot presidenti i vendit, Hashim Thaçi, kishte dalë në një konferencë speciale për media, duke e prezantuar Kelmendin si “intelektual e biznesmen kreativ”.

Periskopi.com Lajme

Thaçi që atë kohë i kishte hyrë “Misionit të Ri” e prezantonte Kelmendin si një “afarist të fuqishëm në nivel rajonal” i cili i bashkëngjitej PDK-së si aset i rëndësishëm që do të zhvillojë ekonominë e vendit.

“Për mua është ditë e veçantë, por dhe për skenën politike të Kosovës, sepse intelektuali, deputeti dhe afaristi më i fuqishëm në Republikën e Kosovës dhe në nivel rajonal, i bashkëngjitet vizionit të PDK-së, vizionit për zhvillim ekonomik, misionit të ri për krijimin e  vendeve të reja dhe rritjes së mirëqenies sociale”, kishte thënë Thaçi në konferencën ku prezantoi biznesmenin Kelmendi.

Më pas Thaçi e kishte cilësuar Kelmendin si një ndër njerëzit e pakët në këtë vend që kanë vizion të qartë për zhvillim ekonomik.

“Kemi vendosur që bashkërisht të jemi në listën fituese, dhemb pas ti jepen të gjitha përgjegjësitë në qeverisjen e ardhshme për zhvillim ekonomik”, kishte thënë Thaçi.

“Kreativiteti dhe mençuria e z.Kelemendit i jep energji të re misionit të ri, misionit fitues”, kishte shtuar për fund ai.

Tri vjet më pas, kur Kelmendi  e la PDK-në pikërisht për shkak se nuk i dha asnjë përgjegjësi, e asnjë post, dhe shkoi tek partia tjetër e koalicionit, LDK-në, ai u godit rëndë nga PDK-ja, përkatësisht nënkryetari i kësaj partie Memli Krasniqi, ministër i Bujqësisë.

Kësisoj, Kelmendi prej njeriut kreativ, intelektual dhe vizionar, u shndërrua për PDK-në në një personalitet të cilin nuk bënë të merret seriozisht.

“Nuk mund të merret seriozisht njeriu që krejt pasurinë e tij e ka krijuar duke bërë biznes me Serbinë, në dëm të ekonomisë së Kosovës”, tha Krasniqi, për Gazetën Express.

Krasniqi, ministria e të cilit ia dha para tre muajsh një grant prej 150 mijë eurosh biznesit pronë e Kelmendit, nuk u ndal me kaq.

“Ai në një anë flet për zhvillim ekonomik në Kosovë e në anën tjetër gjithë biznesin e vet e bën me Serbinë, duke krijuar vende pune atje, në vend se t’i krijojë ato këtu. Para se të flasë dokrra të porositura nga të tjerët, Kelmendi më mirë është të ndalojë importet milionëshe që kompania e tij i bën me Serbinë dhe të fillojë të mbështesë prodhimet e Kosovës, të cilat i ka dëmtuar dhe i dëmton edhe sot”, ka theksuar Krasniqi.

E Kelmendi ia kujtoi Krasniqit faktin sesi e kishin pritur në PDK.

“Memli, jam Ramiz Kelmendi i njëjtë, që gjersa isha në PDK, në konsideratën tënde isha, një punëdhënës i madh dhe i suksesshëm,ekonom i Kosovës dhe rajonit, mbështetës i zhvillimit ekonomik, veçanërisht i projekteve të bujqësisë, isha i përkrahur dhe i respektuar e kështu me radhë”, ka shkruar Kelmendi.

E pabesueshme kënd e kritikon Memli Krasniqi

Nënkryetari i Partisë Demokratike të Kosovës që është edhe ministër i Bujqësisë, Memli Krasniqi, ka goditur rëndë një nga shefat e tij.

Periskopi.com Lajme

E ka me zëvendëskryeministrin Ramiz Kelmendin, i cili tha sot se organizata “Syri i Popullit” ka lidhje me SHIK-un. Kelmendi që dikur ia rrezikonte pozitën Krasniqit, tashmë ka post më të lartë se ai.

Krasniqi e Kelmendi dikur ishin kolegë në parti, por tani Krasniqi ka zgjedhur të rreshtohet në kauzën e Vetëvendosjes për refuzimin e produkteve serbe, vetëm për të sulmuar Kelmendin që duket se e sheh si rival.

Memli Krasniqi ka thënë se Kelmendi krejt pasurinë e tij e ka bërë duke bërë biznes me Serbinë, ndërkohë që i ka bërë thirrje që të ndalë importet nga ky shtet në dëm të Kosovës.

“Ramiz Kelmendi është një parashutist politik, deklaratat e të cilit asnjëherë nuk meritojnë të merren seriozisht. Nuk mund të merret seriozisht njeriu që krejt pasurinë e tij e ka krijuar dukë bërë biznes me Serbinë, në dëm të ekonomisë së Kosovës”, ka thënë Krasniqi në një prononcim për Gazetën Express.

“Ai në një anë flet për zhvillim ekonomik në Kosovë e në anën tjetër gjithë biznesin e vet e bën me Serbinë, duke krijuar vende pune atje, në vend se t’i krijojë ato këtu. Para se të flasë dokrra të porositura nga të tjerët, Kelmendi më mirë është të ndalojë importet milionëshe që kompania e tij i bën me Serbinë dhe të fillojë të mbështesë prodhimet e Kosovës, të cilat i ka dëmtuar dhe i dëmton edhe sot”, ka theksuar Krasniqi.

Kelmendi tregon përse nuk po e dërgojnë projektligjin e FSK-së në Kuvend (Video)

Zëvendëskryeministri i Kosovës, Ramiz Kelmendi i ftuar në emisionin Kontakt të Tribuna Channel ka thënë qeveria nuk po e dërgon projektligjin e FSK-së në Kuvend për arsyen se nuk dëshirojnë t’i tregojnë ndërkombëtarëve që bëjmë hapa të shkurtra.

Periskopi.com Lajme

Sipas tij, çdo hap pa bashkësinë ndërkombëtare është i dëmshëm për Kosovën.

Zyrtari i LDK-së ka thënë se qëndrimet e ndërkombëtarëve janë të pakapërcyshme dhe se do të veprojnë në trajtë vertikale me miqtë ndërkombëtarë.

 

Kelmendi lëshohet në deklarata, thotë se Thaçi e pyeti atë për trenin në veri

Zëvendëskryeministri i Kosovës, Ramiz Kelmendi ka thënë se presidenti Hashim Thaçi i ka kërkuar atij që të sjellë vendimin që Policia e Kosovës të shkojë drejt kufirit për ndaljen e trenit.

Periskopi.com Lajme

“Me Thaçin kam kontaktuar në telefon, ai ka kërkuar nga unë që të sjellë vendimin për lëvizjen e Policisë së Kosovës në drejtim të kufirit”.

Kelmendi ka theksuar se ai e zëvendëson kryeministrin vetëm në pamundësi të zbatimit të funksionit të vet.

“Unë jam zëvendëskryeministër, nëse kryeministri është i sëmurë ose në pamundësi të zbatimit të funksionit të vet”.

“Ne për herë të parë kemi dëgjuar në Këshillin e Sigurisë së Kosovës se treni vjen në Kosovë e s’ka leje fare”.

“Ishte mbledhja ime e parë me përgjegjësi të lartë dhe ishte çështja si ta ndalim trenin dhe iu dhanë instruksionet organave kompetente që ta ndalin trenin”, ka thënë Kelmendi në Zona B.

Ja si i mashtron konsumatorët kompania ‘Elkos’ e zëvendëskryeministrit (FOTO)

Rrjeti i supermarketeve ETC që drejtohet nga biznesmeni dhe zëvendëskryeministri i Kosovës, Ramiz Kelmendi, raportohet se po i mashtron qytetarët.

Periskopi.com Lajme

Kompania Elkos Gropu, me objekt në Ferizaj, i mashtron qytetarët duke promovuar produkte me zbritje çmimi, nga 2.79 euro në 1.99, ndërsa në arkë konsumatorët paguajnë 2.79 euro, pa zbritjen që promovohet.

Lexuesit e “Zeri.info”, kanë dërguar fotografi, të produkteve të cilat kanë dal në aksion me një çmim me të ulet sesa çmimi i produktit, si dhe faturat, ku shihet se pagesa është bërë me çmimin paraprak dhe jo me ata që është në aksion.

Ramiz Kelmendi tradhton bashkëvendasit e tij për t’iu nënshtruar urdhrave të shefit të tij, thotë se Demarkacioni duhet të votohet

Periskopi.com Video

Ramiz Kelmendi dhe Pal Lekaj i kundërvihen njëri-tjetrit

Zëvendëskryeministri i Kosovës, Ramiz Kelmendi dhe Shefi i Grupit Parlamentar të AAK-së kanë folur rreth miratimit të demarkacionit dhe lidhjes së kësaj çështje me viza.

Periskopi.com Lajme

Ramiz Kelmendi ka thënë se demarkacioni është shumë me rëndësi dhe sipas tij komisioni për matjen e territorit është duke e kryer punën e vet.

“Duhet të dihet një gjë se demarkacioni duhet të kryhet pasi që është kusht për viza. Kosova ka 10906 km katror. Jemi në shekullin e 21 dhe nuk matet si në kohët e vjetra”, ka thënë Kelmendi për transmetuesin publik.

Kurse Pal Lekaj është shprehur i bindur se Kosova humb territor me miratimin e këtij ligji, duke theksuar se opozita është duke u bazuar në fake historike dhe gjeografike.

“Marrëveshja duhet të ndryshojë. Edhe vendet e rajonit kanë pasur problem me demarkacionin por nuk e kanë pasur kusht për viza”, u shpreh Lekaj pë RTK.

Kontradikta gjatë debatit pati edhe për çështjen e asociacionit. Përderisa zëvendëskryeministri Kelmendi shprehej i bindur se bashkësia e komunave serbe duhet të formohet, deputeti i AAK-së këmbëngulte që ajo marrëveshje është e kryer.

Kelmendi s’ka të ndalur në deklarata: Pas 3 vjetëve asnjë kosovar nuk do të jetë i papunë

Shpejt në Republikën e Kosovës nuk do të ketë asnjë qytetar i cili do të jetë pa punë.

Periskopi.com Lajme

Zëvendëskryeministri, Ramiz Kelmendi thotë se brenda 2-3 vjetëve, në Kosovë nuk do të ekzistojë asnjë njeri i cili nuk do të punoj dhe nuk i ofrohet mundësia të punësohet.

Kelmendi në Rubikon të KTV-së foli rreth pakos së re fiskale të propozuar nga qeveria e Kosovës. Ai theksoi se kjo do të ndikoj në rriten e prodhimtarisë.

“Nëse i lirojmë këto taksa sektori prodhues do të rrit prodhimtarin për rreth 30% se pastaj do ta shohim se sa do të ndikoj kjo në rritjen e vendeve të punës. Po të ishte që unë të vendosi në aspektin administrativ, unë këtë e kisha sjell në vitin e kaluar po meqenëse janë procedura ligjore, unë nuk mund të shkeli ligjin pasi kërkohet procedurë”, ka thënë ai.

Të ardhurat, puna primare e sekondare dhe paga më të larta, Kelmendi tha se çdo qytetar i Kosovës, do t’i gëzoj shumë shpejt.

Një foto kujtim: Ibrahim Rugova dhe Ramiz Kelmendi duke vallëzuar

Kjo fotografi e rrallë, e koleksionit privat të Ramiz Kelmendit sjell një moment miqësie e mes tashmë të ndjerëve, shkrimtarit Ibrahim Rugova dhe vet Ramzi Kelmendit.

Periskopi.com Showbiz

Fotografia që është bërë në New York, dikur rreth vitit 1990, teksa dukagjinasit vallëzojnë së bashku.

Veseli: Ramiz Kelmendi la shenja dalluese në ngritjen kulturore dhe arsimore të Kosovës

Kryetari i Kuvendit të Kosovës, Kadri Veseli ka shprehur ngushëllime me rastin e vdekjes së shkrimtarit Ramiz Kelmendi. Veseli në një status në Facebook ka thënë se nuk do t’i harrojë takimet që kishte me Kelmendit në kohë dhe rrethana të ndryshme.

Periskopi.com Lajme

“Me pikëllim mora lajmin për ndarjen nga jeta të njërit prej intelektualëve më të shquar të vendit tonë, Ramiz Kelmendit. Profesor, shkrimtar, gazetar, shqipërues i shumë veprave kulmore të letërsisë botërore, Ramiz Kelmendi, ka lënë shenja dalluese në ngritjen kulturore dhe arsimore të Kosovës. Do t’i mbaj të paharrueshme takimet që kisha me të në kohë dhe rrethana të ndryshme. Transmetonte aq shumë energji, shpresë dhe inspirim. Qoftë i përjetshëm kujtimi për të”, ka shkruar Veseli në Facebook.

Kryeministri viziton biznesin e zëvendësit të tij që shet mish pa afat

Kryeministri i Republikës së Kosovës, Isa Mustafa, mori pjesë në hapjen e Qendrës Tregtare ETC në Ferizaj, ku janë punësuar numër i konsiderueshëm i qytetarëve të Ferizajt.

Periskopi.com Lajme

Të pranishëm në këtë aktivitet ishin edhe zëvendëskryeministri Ramiz Kelmendi, kryetari i Ferizajt, Muharrem Svarça, përfaqësues të tjerë lokalë dhe qytetarë të shumtë.

Kryeministri Mustafa vlerësoi lartë ndërtimin dhe hapjen e një objekti të tillë të madh dhe modern, i cili siç tha kryeministri, është i krahasueshëm dhe kalon standardet evropiane të objekteve të tilla tregtare.

“Është një shembull i mirë i bashkëpunimit dhe ndërlidhjes me të gjitha bizneset në Kosovë dhe bashkëpunimit tregtar me vendet në regjion dhe vendet e BE-së”, tha kryeministri, duke uruar ETC-në për punën shumë të madhe dhe kontributin e madh në zhvillimin ekonomik të vendit.

Kryeministri Mustafa ka uruar edhe kryetarin e Komunës së Ferizajt për hapjen e një objekti të rëndësishëm tregtar, i cili i jep një pamje dhe një vlerë të veçantë zhvillimit ekonomik dhe zhvillimit të përgjithshëm të Ferizajt dhe të këtij regjionit.

Muharrem Svarqa, kryetar i Ferizajt, ka vlerësuar lartë rëndësinë e inaugurimit të këtij objekti të rëndësishëm për zhvillimin ekonomik të Komunës së Ferizajt.

“Kësaj radhe, kompania prestigjioze “Elkos” po përmbyll me sukses vitin fiskal duke inauguruar një objekt të kësaj rëndësie, i cili është një ndër objektet më të mëdha të komunës tonë si kompleks tregtar dhe po shënojmë një vit të rëndësishëm, i cili po e realizon ëndrrën tonë, që Ferizajn ta shndërrojmë në një vend të zhvillimit ekonomik, siç po shndërrohet tash në një qendër të rëndësishme tregtare bashkë me kompanitë tjera “Eli-Ab”, “Viva”, Viva Fresh”, Gama Electronics”, e të tjera, të cilat po kontribuojnë që të ketë një qarkullim më të madh të mallit, një asortiment më të mirë, një konkurrencë të zhvilluar dhe hapje të vendeve të reja të punës, si garancë për rritjen e mirëqenies ekonomike dhe sociale”, tha Svarqa.

 

Kryetari më tej tha se Komuna e Ferizajt edhe këtë vit ka pasur regjistrim të bizneseve të reja.

“Kjo tregon për një kulturë të mirë, për një atmosferë të mirë për zhvillimin e bizneseve, të cilën do ta kultivojmë edhe në të ardhmen, falë bashkëpunimit që kemi me institucionet e Qeverisë së Republikës së Kosovës, e në veçanti me gatishmërinë e afaristëve, të cilët kanë një shpirt ndërmarrës dhe për të cilët tregu i Komunës së Ferizajt është atraktiv, por i cili do të jetë shumë i ngushtë për veprimtarinë e tyre afariste dhe biznesore, të cilët po pushtojnë gjithnjë e më shumë tregjet edhe të shteteve të rajonit”, tha kryetari duke falënderuar kryeministrin Mustafa për përkujdesjen ndaj Ferizajt dhe qytetarëve të tij.

Safet Gërxhaliu, kryetar i Odës Ekonomike të Kosovës, tha se ky objekt është dëshmia më e mirë sa ka avancuar sektori privat.

“Ky vit karakterizohet me disa ecuri pozitive ekonomike në radhë të parë është një vit i disiplinës financiare, pastaj i ndaljes së tenderomanisë masive, është një vit i fiskalizimit dhe është një vit i Marrëveshjes për Stabilizim-Asociim, që janë katër shtylla që e karakterizojnë ambientin biznesor në Kosovë dhe kuptohet edhe raportet e institucioneve kredibile ndërkombëtare japin një vulë të qëndrueshmërisë ekonomike “, tha Gërxhaliu, duke vlerësuar edhe hapësirën e krijuar për prodhuesit kryesorë të brendeve “Made in Kosovo”./ Periskopi

Prokuroria po e heton Ramiz Kelmendin, shkak mishi pa afat

Ramiz Kelmendit nuk po i ecën mbarë si zëvendës i Isa Mustafës. Nga dita kur është zgjedhur zëvendëskryeministër ai është vënë nën llupën e prokurorisë.

Periskopi.com Lajme

Gazeta Fjala, merr vesh se prokuroria e shtetit po e heton zëvendëskryeministrin, Ramiz Kelmendi për rrezikim të shëndetit të qytetarëve me mish pa afat.

Gjatë një kontrolli të policisë dhe inspektorëve të Agjencisë së Ushqimit dhe Veterinës, para tri javësh i janë gjetur nga në rrjetin e marketeve ETC dhe Fabrikën e Përpunimit të Mishit “Elkos”, 6 tonë mish pa afat, të cilit nuk i dihej as prejardhja.

Bastisja e ETC-së dhe Elkosit në Pejë, u bë pikërisht ditën kur Ramiz Kelmendi u vu në postin e zëvendëskryeministrit.

AUV pati thënë se lënda për këtë çështje do të procedohet në Gjykatë.

Të hënën zëdhënësi i Këshillit Prokurorial i Kosovës, Ekrem Lutfiu, ka bërë të ditur për Gazetën Fjala, se është përcaktuar prokurori për këtë rast, dhe se janë duke u grumbulluar informatat, në mënyrë që të vlerësohet nëse ky rast është vepër penale apo jo.

“Ju njoftoj se e kemi caktuar një Prokuror i cili është duke mbledhur informatat e nevojshme për të vlerësuar se a është kryer ndonjë vepër penale, dhe nga kush është kryer”, ka potencuar ai.

Ndërkaq, zëvendëskryeministri Kelmendi, ka thënë për Gazetën Fjala se nuk ndihet përgjegjës për këtë rast duke thënë se kompania ka një zinxhir menaxhues dhe llogari duhet të japin menaxherët.

“Unë nuk ndihem përgjegjës juridikisht. Kompania i ka menaxherët”, ka thënë Kelmendi, duke shprehur mbështetje për prokurorinë që të hetoj rastin.

Institucionet fshehën rastin

Qytetarë të shumtë në vazhdimësi kanë raportuar për produkte të ndryshme pa afat dhe cilësi të dyshimtë në rrjetin e marketeve në pronësi të tashmë zëvendëskryeministrit të Kosovës, Ramiz Kelmendit.

Rasti i fundit për të cilin kanë filluar hetimet ishte mbajtur fshehtë nga organet e rendit.

Tek pas insistimit të Gazetës Fjala është bërë publike nga AUV se në bizneset e Kelmendit janë gjetur dhe asgjësuar produkte pa afat.

“Në “ETC” janë asgjësuar 500 kg mish pule, peshk dhe prodhime peshku, të cilat nuk i kanë përmbushë kushtet për konsum, kurse në “ELKOS”, në fshatin Zahaq të Pejës, janë gjetur 3100 kg mish gjedhi pa të dhëna mbi prejardhjen e mishit, kurse 3000 kg kanë qenë produkte të tjera të mishit si: salsiqe, sallama të pulës, suxhuk shtëpiak, mish i tymosur etj, të cilat kanë qenë të prishura”, pati thënë Lamir Thaçi, zyrtar për informim në AUV.

Për ta evituar rrezikun te qytetarët produktet e konfiskuara, janë asgjësuar në depononin e mbeturinave, në fshatin Sferkë të komunës së Pejës, në prani të zyrtarëve policor, pjesëmarrësve në aksion si dhe inspektorëve veterinar të AUV-së.

Ky nuk është rasti i vetëm kur qytetarëve u ofrohet në treg mish me prejardhje dhe afat të dyshimtë.

Më 4 tetor të këtij viti Dogana e Kosovës ka arritur që të bllokojë një sasi të madhe të mishit të ardhur nga Belgjika, i cili rezultoi të jetë pa afat. Sasia konfiskuar e mishit të gjedhit, e më pas edhe e asgjësuar, ka qenë rreth 20 ton, ndërsa kompania kosovare importuese dyshohet të jetë nga qyteti i Pejës.

Kosova rrezikohet nga mishi i prishur

Kosova shpesh është destinacion i mishit të prishur. Pas rastit të 6 mijë tonëve që u gjetën në ELKOS dhe ETC, në Kosovë rrezikohet të hyjë mish i cili ka qenë i ngrirë për 34 vite.

Se ekziston mundësia e depërtimit të këtij mishi në Kosovë, pohoi edhe Kryetari i Organizatës “Konsumatori”, Selatin Kaçaniku.

Ai për Gazetën Fjala, ka thënë se grupet mafioze, gjendet gjithmonë një hap para inspektimit të ligjit, prandaj si gjithherë, edhe në këtë rast ekziston mundësia që mishi i prishur t’u servohet qytetarëve të Kosovës.

“Gjithmonë njerëzit e moralit të ulët, grupet mafioze, janë një hap para inspektimit të tregut dhe gjithmonë ka mundësi e rrezik që ai mall të hyjë në Kosovë. Ata që pretendonin ta fusin këtë mish, kanë mundur të jenë një hap prej AVUK-ut”./Gazeta Fjala

Delawie takohen me zëvendëskryeministrin që shet mish pa afat

Zëvendëskryeministri i Republikës së Kosovës, Ramiz Kelmendi, ka pritur sot në takim ambasadorin e Shteteve të Bashkuara të Amerikës, Greg Delawie.

Periskopi.com Lajme

Gjatë takimit, zëvendëskryeministri Kelmendi ka njoftuar ambasadorin për angazhimin e tij në zbatimin e prioriteteve të Qeverisë, sidomos ato që kanë të bëjnë me zhvillimin ekonomik.

Zëvendëskryeministri Kelmendi ka vlerësuar lartë angazhimin e SHBA-ve për të ndihmuar ekonominë e Kosovës.

Ambasadori amerikan, Greg Delawie ka uruar zëvendëskryeministrin Kelmendi për marrjen e detyrës, duke shprehur edhe njëherë përkushtimin e Shteteve të Bashkuara të Amerikës për të përkrahur Kosovën në të gjitha proceset./ Periskopi

 

Nehat Baftiu merr mandatin e deputetit në vend të Ramiz Kelmendit

Emërimi i Ramiz Kelmendit, si Zëvendëskryeministër i Kosovës, ditë më parë ka krijuar hapësirën e një deputeti të ri nga Partia Demokratike e Kosovës.

Periskopi.com Lajme

E sipas listave të Komisionit Qendror të Zgjedhjeve i bie që të jetë anesteziologu Nehat Baftiu.

Sipas rregullores 112 së KQZ kandidati i parë me më së shumti vota i asaj parti dhe i gjinisë së njëjtë me kandidatin e larguar ose kandidatin duhet të zëvendësohet.

“Nga kandidati i ligjshëm në radhë i të njëjtës gjini i cili ka fituar numrin më të madh të votave të listës së riorganizuar të kandidatëve të Subjektit Politik në emër të së cilës garoi anëtari. Nëse nuk ka ndonjë kandidat tjetër të ligjshëm me gjini të njëjtë nga lista e kandidatëve, nga kandidati i radhës i cili ka fituar numrin më të lartë të votave në listën e kandidatëve”.

Zëvendëskryeministri i Kosovës, Ramiz Kelmendi që po i helmon qytetarët

Periskopi.com Lajme

Bashkëshortja e Ramush Haradinajt ka dy fjalë për Ramiz Kelmendin

Bashkëshortja e Ramush Haradinajt, Anita ka reaguar pasi zëvendëskryeministri i ri i Qeverisë së Kosovës, Ramiz Kelmendi ka thënë se ka dhënë mbi gjysmë milion euro sa Haradinaj ishte në Hagë.

Periskopi.com Lajme

Ajo ka thënë se Kelmendi nuk ja ka dhënë ato para Haradinajt por mbrojtjes së të vërtetës.

“O Ti Ramiz Kelmendi, nuk ia ke dhënë Haradinajt jo, ja ke dhënë mbrojtjes së një të vërtete që ty ta ka mundësuar me ardh me zhvillu biznes edhe sot me u krekos besa edhe me të shndërru me një ambicioz të paskrupullt”.

Bashkëshortja e liderit të AAK-së ka thënë se “Haradinaj sa për vete kurrë se kish pa as nuk e kish njoft Hagën, por ka besuar në diçka më madhore”.

“Ashtu si kanë besuar edhe shumë djem e vajza të Kosovës e që mendoj që kanë bërë mirë që  të gjithë ata djem e vajza nuk kanë besuar në ty por kanë besuar në një ideal e në një kauzë ku kemi gjetur shpëtimin të gjithë, përndryshe do të ishim veç disa “refugjatë” rrugëve të botës”, ka shkruar Muçaj- Haradinaj në Facebook.

Kelmendi thotë se ia dha gjysmë milion euro Haradinajt sa ishte në Hagë

Zëvendëskryeministri i ri i Kosovës, Ramiz Kelmendi, i është përgjigjur deputetit të PDK-së, Shaip Muja, i cili pas largimit të Kelmendit nga partia e tij për në LDK ku edhe u emërua si zëvendëskryeministër, kishte thënë se Kelmendit i ka mbetur vetëm Lista Serbe.

Periskopi.com Lajme

“Muja nuk vendos për synimet e mia, ka të drejtë të vendosë për synimet e tij, në atë listë që përmend është një formë tentimi që këtu vlen një Kanun ose Ligj i pashkruara që nuk është obligativ për njerëzit intelektual”, tha Kelmendi në Klan Kosova

Ai ka thënë se me partinë më të madhe opozitare nuk i kanë vizionet e njëjta.

“Nuk vendosin tipat e tillë se kush do të jetë zëvendëskryeministër, dallimet e mia me Vetëvendosje janë shumë të mëdha, ata janë që të varfërojnë kapitalistët dhe të barazojnë me qytetarët e tjerë”.

Kurse për liderin e partisë së AAK-së, pjesë e të cilit ishte edhe vet, ka thënë se ka shumë respekt.

“Unë kam qenë pjesë e AAK-së deri në vitin 2014, është e ditur që mbështetja ime ndaj Haradinajt sa ka qenë në Gjykatën e Hagës, ka qenë diku gjysmë milioni euro. Haradinaj më është falënderuar dhe nuk jam fare pishman që e kam mbështet. Do ta mbështesja edhe sot”, tha ai

Kelmendi thotë se pretendimet që ka marrëdhënie tregtare me Serbinë janë gënjeshtra.

“Është gënjeshtër e vazhdueshme, është tendencë për të minimizuar aftësitë e mia, nuk jam as i dyti e as i dhjeti, ka shumë të tjerë para meje që janë në shërbim të politikave të ndryshme”.

“Ndikimi im ekonomik në Kosovë është i madh, ata që merren me çështjen e Serbisë janë të varfër. Në Serbi ka 90 % të firmave që janë privatizuar nga shtetet e perëndimit dhe të gjitha veprimet e mia ekonomike janë konform rregullave”

“Unë nuk jam person që punoj sipas qejfeve ose tekeve të partive të ndryshme politike”.

Ndonëse nuk ka potencuar emra, Kelmendi ka thënë se një këshilltar i partisë më të madhe opozitare ka qenë importues i mallrave të Serbisë.

“Këshilltari i lartë i Vetëvendosjes ka qenë importues i madh i produkteve të Serbisë, gjysma e tyre vajtojnë. Ka deklaruar edhe publikisht, këshilltari i lartë për çështje ekonomike ka importuar mallra nga Serbia përmes Maqedonisë”, tha Kelmendi.

Ramiz Kelmendi emërohet zv/kryeministër, dorëzon mandatin e deputetit

Kryeministri i Republikës së Kosovës, Isa Mustafa, ka marrë vendim për emërimin e Ramiz Kelmendi në postin e zëvendëskryeministrit në Qeverinë e Republikës së Kosovës.

Periskopi.com Lajme

Ndërsa, po sot, Kelmendi do të dorëzojë mandatin e deputetit të Kuvendit të Republikës së Kosovës./ Periskopi