Ambasadori i Shqipërisë tregon se si do reagojnë ndaj Serbisë

Ambasadori Shqipërisë në Kosovë, Qemajl Minxhozi ka thënë se shqiptarët e Shqipërisë janë të brengosur për situatën e fundit në Kosovë.

Periskopi.com Lajme

“Është një e drejt legjitime, e vëllezërve dhe motrave nga Shqipëria për këtë që po ndodh. Njerëzit janë tepër të shqetësuar por edhe një zhgënjim për qëndrimin që mban Serbia, është diçka e papranueshme dhe diçka kundër rendit”.

Minxhozi në intervistën Ballë për Ballë në  Klan Kosova, është shprehur se Shqipëria asnjëherë nuk ka qenë spektatore në ndodhitë politike në Kosovë.

“Shqipëria ka pasur gjithmonë një qëndrim konstruktiv, duke nxitur dialogun midis Kosovës dhe Serbisë. Kjo tregon që Shqipëria ka pasur një fokus për përmirësimin e marrëdhënieve midis Kosovës dhe Serbisë”.

Sipas tij, këto ngjarjet e fundit siç është treni, arrestimi i liderit të AAK-së, Ramush Haradinajt e treni, kanë ngritur shqetësimet e të gjithë shqiptarëve.

“Këtij turri i duhet të marr fund, sepse është së pari kundër interesave të Serbisë, në radhë të dytë nuk të mund të shkojnë përpara pa normalizuar marrëdhëniet me Kosovën që e ka partnerë të mirë në ekonomi. Serbia nga njëra anë zhvillon biznes, e nga ana tjetër nxit elemente që nuk i përkasin kësaj kohe. Ka shqetësim sepse këto akte shkojnë kundër tendencës evropiane, kundër tendencës për bashkëjetesë, dërgimi i një treni aspak nuk flet për paqe, por jep sinjale për një shqetësim real”.

Ai ka thënë së Shqipëria është duke e ngritur zërin për këto ndodhi në Kosovë.

“Rastin e fundit jo më pak se 12 orë më pak, Shqipëria në Këshillin e Evropës ka ngritur zërin me forcë për atë që po ndodh në kufirin verior”

“Baza e re do të thotë duhet një rivitalizim i dialogut, e toleranca e Prishtinës ndaj Beogradit duhet të ridizejnuar”.

Por si do të vepronte Shqipëria nëse në Kosovë do të kishte ndonjë konflikt të mundshëm?

“Ne jemi shqiptarë, dhe do të reagojmë si shqiptarë. Nuk ka Shqipëri e Kosovë por ka shqiptarë, jemi një komb dhe kemi detyrime për bashkëkombësit tanë”.

Flet ambasadori i Shqipërisë në Kosovë për marrëdhëniet Kosovë-Serbi

Ambasadori shqiptar në Kosovë, Qemal Minxhozi, shprehu shqetësimin për situatën e krijuar mes Kosovës dhe Serbisë...

Periskopi.com Lajme

Ai tha se palët janë në shkallën më të lartë të acarimit të marrëdhënieve të tyre dhe nëse bisedimet nuk vazhdojnë, situata mund të përkeqësohet më shumë.

Duke folur në Komisionin e jashtëm, Minxhozi tha se “treni” të cilin duhet të marrin palët është “treni” i Bashkimit Europian, duke lënë mënjanë të shkuarën.

Minxhozi tha se Kosova dhe Serbia kanë një marrëdhënie të ngushtë ekonomike.

Serbia eksporton rreth 500 milionë euro produkte ushqimore në Kosovë, ndërsa theksoi se “treni” që duhet të marrin palët është “treni” i Bashkimit Europian dhe jo “treni” që cenon pavarësinë e Kosovës.

OVL e Pejës shpall anëtar nderi ambasadorin e Shqipërisë

Organizata e Veteranëve të Luftës së UÇK-së-Dega në Pejë ka shpallur anëtar nderi ambasadorin e Shqipërisë në Kosovë, Qemal Minxhozin.

Periskopi.com Lajme

 

Ambasadori Minxhozi shprehu kënaqësinë për nderimin nga veteranët e luftës si dhe foli për lidhjen e ngushtë Kosovë-Shqipëri dhe bashkëpunimin ndërmjet të dyja shteteve në të gjitha fushat.

Ndërsa Gazmend Syla, kryetar i OVL-së së UÇK-së, dega në Pejë, siç transmeton kp, informoi ambasadorin për mënyrën e organizimit të veteranëve, problemet e tyre si dhe për gatishmërinë për përballje me çfarëdo sfidash kurdo që iu kërkohet.

Gjithashtu kryetari Syla, informoi ambasadorin rreth ligjit për veteranët që ai e ka quajtur diskriminues e që është miratuar në Kuvendin e Kosovës.

Syla, vlerësoi lart rolin e Shqipërisë si shtet amë në mbështetje të proceseve që po ndodhin në Kosovë, konkretisht angazhimin e jashtëzakonshëm në rastin e komandantit Ramush Haradinaj.

‘Shqiptarët kurrë s’kanë qenë më mirë’

Ambasadori i Shqipërisë në Kosovë, Qemal Minxhozi, Festën e Flamurit e konsideron si festë bashkimi për të gjithë popullin, ndërsa thotë sesi shqiptarët asnjëherë nuk kanë qenë më mirë se që janë tani.

Periskopi.com Lajme

Në intervistën dhënë gazetës “Zëri”, Minxhozi thotë se shqiptarët duhet të kujdesen t’i heqin kufijtë e ndarjes nga mendja e tyre. Ai thotë se Kosova dhe Shqipëria janë një trung, prandaj nuk e konsideron veten si të huaj në Prishtinë, por si në vendlindjen e tij.

“Nuk kanë qenë ndonjëherë më mirë (shqiptarët)… është koha e bashkimit kombëtar. Shqiptarët po flasin mes vete, shqiptarët po bëjnë projekte, shqiptarët po unifikojnë zërin e tyre si një faktor i rëndësishëm në familjen evropiane”, deklaroi Minxhozi, i cili foli edhe për shqiptarët e Luginës së Preshevës, për të cilët tha se kësaj radhe nuk kanë qenë të lejuar të festojnë me dinjitet Festën e Flamurit. Minxhozi ka thënë se ata duhet të bëjnë më shumë për veten, mirëpo edhe të ndihmohen nga Shqipëria e Kosova.

Ambasadori Minxhozi thotë se Bashkimi Kombëtar po ndodh çdo ditë

Ambasadori i Shqipërisë në Kosovë, Qemal Minxhozi thotë se bashkimi mes Kosovës dhe Shqipërisë po ndodh çdo ditë, edhe pse jo ai territorial.

Teuta GASHI Lajme

Në një intervistë për Periskopi.com tregon për aktivitetet që kanë organizuar gjithandej Kosovës në 104 vjetorin e pavarësisë së Shqipërisë.

I përkushtuar pas bashkëpunimit ekonomik mes të dyja vendeve, Minxhozi thotë se rreth 200 milionë euro bashkëpunime janë mes Kosovës dhe Shqipërisë.

Për Periskopi.com si thotë se duhet punojnë të gjithë për shtetin dhe nuk duhet shikuar kufijtë.

“Bashkim i kombëtar bëhet çdo ditë, kjo nënkupton jo Bashkim territoresh, sepse fatkeqësisht nuk ka qenë dëshirë e jona e as vendim i askujt prej nesh që janë kufij, po ka qenë vendim i historisë. Në duhet të punojmë për bashkimin ekonomik, dhe kjo ka filluar qysh moti e po zhvillohet shumë mirë”, thotë Minxhozi për Periskopin

Ai ka përmendur autostradën mes Kosovës dhe Shqipërisë e cila lehtëson zhvillimin ekonomik, ka përmendur autostradën energjetike dhe bashkëpunimin e bizneseve të të dyja vendeve.

Ka bashkëpunim, rreth 200 milionë euro bashkëpunime. Ka unifikim të standardeve dhee rritje të turizmit”, thotë ai.

Minxhozi në intervistën për Periskopi.com tha se ata që duhet të punojnë janë njerëzit, para se të mendojmë se këtë duhet ta bëjnë shtetet.

“Shteti është i yni, kufijtë nuk duhet parë, duhet shikojmë hapësira për bashkëpunim më shumë. Nuk duhet të kemi kufi imagjinar, nuk na pengon askush në bashkëpunim ekonomik. Të tjerat, muzikën, kulturën e vlerat i kemi të ndërsjella”, thotë Minxhozi për Periskopin

Ambasadori që ka më shumë se dy vite e gjysmë në Kosovë, thotë se janë pak njerëz në Shqipëri që nuk e kanë vizituar Kosovën, e atyre u rekomandon ta bëjnë patjetër.

Sipas tij, përveç tjerash, Kosova ka njerëz që janë shumë mikpritës.

Aktivitetet që Ambasada e Shqipërisë ka planifikuar për 28 nëntorin-Ditën e Pavarësisë, kanë filluar që nga 21 nëntori në Mitrovicë, pastaj në Istog, në Gjilan, Hani e Elezit, Prizren të shtunën, të dielën në Skenderaj, e të hënën përmbyllen në Prishtinë, ku janë të ftuar i gjithë kori diplomatik dhe krerët e institucioneve. / Periskopi

Qemal Minxhozi