Si erdhi deri te kontrata e PTK-së me Z-Mobile dhe kush e kërkoi këtë

Një shkelje e kontratës, me vendim të Gjykatës së Arbitrazhit, mes PTK-së dhe Z-Mobiles, i ka kushtuar PTK-së rrjedhimisht Qeverisë së Kosovës 30 milionë euro.

Periskopi.com Lajme

Deri te kjo kontratë, sipas ish-drejtorit ekzekutiv të PTK-së në periudhën 2008-2011, Shyqri Haxha, kishte ardhur me kërkesë të PTK-së.

“PTK-ja më 2006 e ka bërë kërkesën për një operator tjetër, për Z-Mobile. Më 2008 kam ardhur të jetojë në Kosovë vetëm për të udhëhequr PTK-në. Është aprovuar kërkesa nga ART-ja tash ARKEP-in. Është aprovuar edhe nga Bordi i PTK-së, kontrata është shkruar nga ekspertët ligjorë të PTK-së. Rezoluta e Bordit të PTK-së thotë se kontrata e obligon menaxhmetin të implementojë kontratën. Kjo kontratë edhe pa u nënshkruar ka qenë e implementuar, ka thënë një avokat që ka mbrojtur PTK-në”, ka thënë Haxha në “Interaktiv” të KTV-së.

Ai më tej ka thënë se Z-Mobile ka shfrytëzuar hapësirën e pashfrytëzuar duke paguar për këtë.

“PTK në atë kontratë i ka dhënë Z-Mobiles i ka dhënë hapësirën e pashfrytëzuar. Shpenzimet që PTK i bën për Z-Mobile, ato i paguan Z-Mobile, edhe njerëzit që kanë punuar për Z-Mobile brenda postës janë paguar nga ata”, shtoi Haxha, teksa thotë se sipas kërkesës së tij, Blerim Devolli kishte lëshuar pe dhe kishte hequr 5% nga fitimi i Z-Mobiles për t’ia kaluar fitimet PTK-së.

Haxha arsyetohet: Vendimi i Arbitrazhit është manipulim i PTK-së

Shyqri Haxha, ish-shef i PTK-së, e i hetuar për nënshkrimin e marrëveshjes për shkeljen e kontratës me operatorin Z-Mobile, ka folur direkt në “Interaktiv” të KTV-së, pas humbjes së rastit nga Qeveria kundrejt operatorit Z-Mobile.

Periskopi.com Lajme

Haxha ka thënë se kur ka shkuar në PTK ka pasur dy vite prej kur është bërë ajo kontratë dhe nuk e ka sjellë ai kontratën aty, mirëpo vendimi i Gjykatës së Arbitrazhit i është dukur shqetësues dhe i papritur.

Gjithë këtë ai e ka quajtur manipulimi menaxhmetit të PTK-së.

“Vendimi i Arbitrazhit nuk ka të bëjë me kontratë, është keqkuptim dhe manipulim i menaxhmetit të PTK-së. Ka të bëjë me vendimin e ARKEP-it që janë jashtë kontratës”, ka thënë Haxha, teksa ka shtuar se çka kishte obliguar ARKEP-i PTK-në të përmbushte jashtë kontratës.

“Kontrata parasheh 200mijë numra, asnjë më shumë. Pasi kam dalë unë dhe pas një 5-6 drejtorëve aty, disa ushtrues detyre, brenda kësaj kohe, ARKEP-i e ka obliguar PTK-në që t’i lëshojë 100 numra jashtë kontratës dhe 3G e 4G nuk ka të bëjë me kontratë. Rregullatori mund ta detyrojë operatorin ta zbatojë një vendim, ata e kanë detyruar PTK që t’i japë edhe 100 mijë numra jashtë kontratës”, përfundoi Haxha.

Punëtorët e PTK-së i kërkojnë kryeprokurorit të pezullojë vendimin e Arbitrazhit

Federata Sindikale e PTK-së, me shqetësimin me të madh ka marr lajmin për Vendimin e Gjykatës së Arbitrazhit me seli ne Vjene e cila e obligon Telekomin e Kosovës që Z-Mobil(Devolli Group) t’ia paguaj 26.1 milion euro, dhënien e 100.00 numrave dhe gjithashtu ti jepen shërbimet e 3 G dhe 4 G.

Periskopi.com Lajme

FSP-PTK, ua përkujton se para lidhjes së kësaj kontrate në janarit të vitit  2009, sindikata dhe punonjësit e PTK-së,  kanë qenë kundër saj duke i njoftuar të gjitha institucionet relevante se  pasuria publike e  PTK-së, po tjetërsohet nga interesat e klaneve të lidhura me kompaninë Devolli Grup.

Me ketë rast ne kishim bërë edhe një peticion të nënshkruar nga të gjithë punonjësit e PTK-së, ku janë paralajmëruar për mos ta nënshkruar ketë kontratë Bordi dhe Menaxhmenti i atëhershëm i PTK-se.

Institucionet që janë paralajmëruar atëherë kanë qenë Kuvendi dhe Qeveria që të reagojnë në parandalimin e nënshkrimi të kësaj kontrate të dëmshme për PTK-në dhe Kosovën. Kjo kontrate është e favorshme vetëm për  klanet mafioze te cilat nga ajo kontratë presin përfitime.

FSP-PTK, kërkon nga instuticionet e drejtësisë që edhe një herë ta rishqyrtoi ketë kontratë me pasoja të rënda jo vetëm për Telekomin e Kosovës por për të gjithë ekonomin e Kosovës sepse ka bazë dhe prova të mjaftueshme që kjo kontratë përmban dispozita që e favorizon Z- Mobile dhe Devolli grupin.

FSP-PTK, kërkon nga Prokuroria e shtetit konkretisht nga Kryeprokur z. Aleksandër Lumëzi që të përdor autoritetin e vet dhe të bej pezullimin e këtij vendimi pasi qe ekzekutimi i këtij vendimi shkakton dem të madh të pasurisë publike dhe interesat publik. Ky ekzekutim i këtij vendimi mund të sjellë dhe prishjen e rendit publik të paraparë me Ligjin për Arbitrazh dhe legjislacionin tjetër në fuqi.

FSP-PTK, edhe një herë kërkon hetim të detajuar nga prokuroria e Shtetit të kësaj kontrate,si dhe vendimeve të ARKEP dhe kryesuesit te atëhershëm z. Ekrem Hoxha.

Po ashtu kërkon nga Bordi i Drejtoreve dhe Menaxhmenti i TK-së ta shkëpus menjëherë Kontratën ne fjale me Z-Mobil(Devolli Group)

FSP-PTK, kërkon nga Devolli Grup që të heq dorë nga plaçkitja dhe rrënimi i një Ndërmarrje Publike dhe Strategjike për Shtetin e Kosovës.

Nëse Devolli Grup, nuk heq dore nga zbatimi i vendimit të Arbitrazhi dhe Qeveria e Kosovës si aksionar nuk merr veprime për parandalimin e këtij vendimit, ne si FSP-PTK, jemi të shtrënguar të marrim veprime sindikale dhe të tjera në mbrojte të aseteve të TK-së, të cilat me mundin dhe djersën e këtyre punonjësve janë ndërtuar.

PTK s’ka kurrfarë mundësie të bllokimit të operatorëve serbë

Veriu i Kosovës, regjioni i Istogut, Graçanica, regjioni i Gjilanit dhe ai i Podujevës vazhdojnë të jenë të mbuluar me valë të operatorëve serbë, ku më pak e ku më shumë.

Periskopi.com Lajme

Nga paslufta, operimi i tyre nuk u ndal kurrë, pavarësisht një aksioni të madh të ndërmarrë në largimin e tyre më 2010, raporton KTV.

Në matjet e fundit të bëra nga Telekomi i Kosovës, operatori serb MTS ndërhyn në një numër të madh të brezave frekuencor, për të cilët telekomi paguan taksa.

Përpos problemeve të shumta teknike, ndërhyrja e tyre ndikon në kualitetin e përdorimit të shërbimeve nga konsumatorët.

Eksperti teknik në Telekomin e Kosovës, Sadri Berisha ka bërë të ditur se kjo kompani nuk ka asnjë mundësi të bllokimit të ndërhyrjes së këtij operatori në frekuenca.

Shndërrimi i këtij problemi në çështje politike, e cila po vazhdon të zvarritet, ka bllokuar mundësitë e organeve përgjegjëse për të ndërmarrë ndonjë hap.