Mësohet data e provimit të maturës

Rreth 32 mijë maturantë, 28 mijë nga ky vit dhe katër mijë të tjerë që kanë mbetur nga vitet e kaluara do t’i nënshtrohen këtë vit Provimit Shtetëror të Maturës.

Periskopi.com Lajme

Ky provim do të mbahet me 10 qershor pjesa e parë dhe 24 qershor pjesa e dytë. Këtë e ka bërë me dije për Gazetën Monitor, kryetari i Komisionit Shtetëror të Maturës, Azem Guri.

Kurse risi e këtij vit do të jetë se administruesit do të përzgjidhen nga një thirrje publike dhe do të trajnohen nga Ministria e Arsimit.

Të drejtë aplikim për të qenë administrues kanë, profesorët, shoqëria civile, studentë  nga universiteti.

“KSHM  është në fazën e përgatitjes së Provimit Shtetëror të Maturës.  Ne kemi zgjedhur  ekspertët për përgatitjen e pyetjeve  dhe tani jemi në fazën  për zgjedhjen e administruesve nëpër komuna. Risi e këtij viti  është se administruesit do të zgjidhen mbi bazën e një oferte mbi bazën e aplikimeve  që do të bëjnë ata nëpër komuna nga kriteret që ne i kemi përcaktuar. Këta administrues do të trajnohen. Administrues do të jenë mësimdhënës, nga shoqëria civile, student, nga universitetet.  Administruesit do t’i zgjedhim me ofertë ose me shpallje të interesit”, ka treguar Guri.

Megjithatë për administruesit janë caktuar kritere nga Ministria e Arsimit.

“Kriteret janë caktuar. Një administrues flas mësimdhënësit duhet të jetë mësimdhënës me tri vite  përvojë pune, të jenë të licencuar dhe të kenë një performancë të mirë.  Shoqëria civile do të jenë kryesisht në monitorim të procesit”, tregoi Guri.

Ndryshe, për ata nxënës që nuk do kenë fatin të kalojnë testin në afatin e qershorit, do të jetë edhe shansi i dytë me 26 gusht dhe dy shtator.

 

Ndodh në Kosovë: Studenti me notë mesatare 10 s’pranohet në master (Foto)

Sonte ka dalë lista e studentëve të cilët janë pranuar në nivelin master, në kuadër të Fakultetit Ekonomik në Universitetin e Prishtinës.

Periskopi.com Lajme

Në listën e studentëve të papranuar figuron një student me notën mesatarë 10 që kryeson listën e “zezë”, shkruan lajmi.net

Mirëpo, ajo që me të vërtetë të lë pa fjalë këtu është, se në listën e studentëve të pranuar ka student me notë mesatare 6.8.

Këto rezultate me të publikuar kanë ngjallur reagime nga me të ndryshme, disa prej komentuesve kanë thënë se kjo, “tregon qartë punën e notave në Fakultetin Ekonomik”, por nuk kanë munguar as fyerjet, “turp për studentët me nota mesatare më të lartë se 9, që nuk kanë mundur të pranohen”.

Ndërkaq, janë kritikuar ashpër edhe profesorët e UP-së, ku sipas komentuesve e kanë degraduar arsimin në UP dhe japin nota si “karramela për Bajram”.