1 mijë policë ‘blinduan’ Tiranën, nuk do të ketë ndërhyrje

Mbi 1 mijë forca policore, 'blinduan' kryeqytetin për mbarëvajtjen e protestës se opozitës.

Periskopi.com Lajme

Përvec efektivëve të komisariateve që ishin prezent përgjatë bulevardit ‘Dëshmorët e Kombit ‘, në gatishmëri ishin edhe Forcat e Ndërhyrjes së Shpejtë. Në terren u panë edhe forcat RENEA, të cilët ishin dislokuar në tarracat e godinave të institucioneve përgjatë bulevardit duke vëzhguar situatën nga lartësia, transmeton tch.

Prani të shtuar policore ka patur edhe në akset nacionale drejt kryeqytetit për shkak të mjeteve të shumta, kryesisht autobuzë që erdhën në Tiranë. Mes turmës së protestuesve, kishte edhe agjentë civilë.

Disa incidente të vogla nuk munguan. Por kjo nuk cënoi mbarëvajtjen e protestës e cila ishte e qetë dhe pa tensione.

Ashtu siç paralajmëroi Top Channel, policia ishte mobilizuar për një protestë të gjatë nisur nga informacionet e siguruara në rrugë operative por edhe referuar kërkesës së Partisë Demokratike, e cila kishte lënë të pa pëcaktuar, orarin e përfundimit të tubimit.

Megjithëse leja e mitingut është tejkaluar, policia tha se nuk do të ketë ndërhyrje dhe protesta do të lejohet të vazhdojë.

 

 

Protestuesit vendosen rrugëve të Tiranës, po bëhen gati të qëndrojnë aty edhe natën (Foto)

Kryetari i PD-së, Lulzim Basha, pas fjalimit që ka mbajtur në protestë, është futur në mesin e qytetarëve para Kryeministrisë dhe ka bashkëbiseduar me ta duke u ulur edhe këmbëkryq me ta, ndërkohë që të tjerë protestues kanë nisur ngritjen e çadrave para godinës së qeverisë.

Periskopi.com Lajme

Protesta e opozitës në Tiranë, protestuesit qëndrojnë në shesh (Video)

Para dhjetëra mijërave njerëzve të mbledhur në Tiranë, kreu i Partisë Demokratike Lulzim Basha, ka thënë se janë aty për të marrë vendim e madh, që të largojë qeverinë e Edi Ramës.

Periskopi.com Lajme

Ai ka bërë thirrje shqiptarëve të tubuar aty që të qëndrojnë në shesh deri sa vendi të shkojë në zgjedhje të lira, e deri atëherë të krijohet një Qeveri teknike.

———————————————————————————-

Mijëra protestues janë mbledhur në bulevardin e Tiranës, së bashku me ta dhe kryetari i PD-së Lulzim Basha, ish kryeministri Sali Berisha, por dhe deputetë demokratë.

Protestuesit mbajnë në duar pankarta kundër Rilindjes, por dhe tre dordolecë me figurën e kryeministrit Edi Rama, ministrit të Punëve të Brendshme Saimir Tahiri dhe ministrit Ilir Beqaj, dy ministrat më të përfolur për korrupsion.

Protestues dhe anëtarë të Partisë Demokratike nga e gjithë Shqipëria janë nisur drejt Tiranës që herët në mëngjes. Nga Gjirokastra, Berati, Fieri, Kukësi, Korça dhe Elbasani, i janë përgjigjur thirrjes së kreut të Partisë Demorkatike mijëra qytetarë, të cilët janë nisur drejt kryeqytetit me dhjetëra furgona e autobusa.

Protesta e opozitës zhvillohet kundër qeverisë, e cila sipas Partisë Demokratike, është pozicionuar kundër zgjedhjeve të lira e të ndershme. Fillimi i protestës së sotme të opozitës, sipas policisë është programuar të zgjasë deri në orën 16.00, por në kërkesën e saj, Partia Demokratike, nuk e ka vendosur përfundimin e saj. Një ditë më parë Lulzim Basha tha se momentin e përfundimit të saj do e vendosin qytetarët.

Policia njoftoi një ditë më parë se nuk ka informacione për akte dhune gjatë protestës. Sot do të angazhohen rreth 1 mijë efektivë të komisariateve dhe Forcave të Ndërhyrjes së Shpejtë. Si rrjedhoje e masave të marra në kuadër të protestës, do të këtë bllokime të kufizuara në Bulevardin “Dëshmorët e Kombit” dhe në disa akse që lidhen me të.

Basha nga protesta: Ose zgjedhje të lira, ose zgjedhje nuk ka

Kryetari i Partisë Demokratike bëri publik vendimin e madh që kishte paralajmëruar për disa ditë me radhë. Duke folur para protestuesve në Bulevard, Basha foli për një fillim të ri.

Periskopi.com Lajme

“Sot marrim vendimin për të ndalur njëherë e mirë maskaradën e grabitjes së zgjedhjeve. Ose do të bëjmë zgjedhje të lira, ose zgjedhje nuk do të ketë! Rrugë të mesme nuk ka! Rrugë tjetër nuk ka! Zgjedhje për fasadë, zgjedhje të njollosura, nuk do t’i pranojmë. Zgjedhje të standardeve të krimit nuk do t’i pranojmë. Zgjedhje me kriminelë të veshur me pushtet nuk do t’i pranojmë”, tha Basha, shkruan Top Channel.

Kreu i demokratëve shtoi se kjo qeveri e ka çuar vendin në mjerim, varfëri dhe kaos dhe “tani që u ka vjedhur gjithçka nga xhepat dhe shtëpitë tuaja, do t’u vjedhë edhe zgjedhjet”.

“Jemi mbledhur sot këtu për të thënë boll më. Sot nisim rrugëtimin drejt një fillimi të ri, për të cilin ka nevojë vendi ynë. Sot jemi këtu për ta shpallur këtë vendim me zë të lartë, po duam zgjedhje të lira dhe të ndershme, duam ndarjen e politikës nga krimi, duam, dinjitet, drejtësi, punë duam të vëmë interesin e njerëzve të thjeshtë të parë. Duam një të ardhme dinjitoze”, shtoi ai.

Edi Rama / ARKIV

Ndodh edhe kjo: Edi Rama shpërndan protestën masive të opozitës

Në Tiranë një protestë masive po ndodh ende. Ajo është organizuar nga opozita atje.

Periskopi.com Lajme

E këtë protestë e ka shpërndarë në rrjete sociale vet Edi Rama.

Madje ka thënë se është krenar që po bëhen protesta si kjo, pa tela e gjemba, dhe asnjë frikë e trysni nga shteti.

Shkrimi i saj i plotë:

Vetëm 6 vjet më parë, Ziveri, Hekurani, Aleksi, Faiku u vranë nga pushkët e shtetit të kapur prej pushtetit, pikërisht në bulevardin ku në këtë moment protestohet, pa gardhe telash me gjemba dhe asnjë frikë e trysni nga shteti. Prandaj s’mund të mos jemi sot krenarë, edhe për këtë ndryshim kaq rrënjësor në rrugën tonë për të bërë shtet, ku padiskutim ka rezistencë e pakënaqësia të natyrshme.

Është padyshim një rrugë shumë e vështirë. Reformat e vërteta nuk janë aspak të lehta, madje shpesh janë operacione mjaft të dhimbshme. Por s’ka asnjë të ardhme të sigurt për vendin, shoqërinë, fëmijët tanë, pa i operuar me kurajo pjesët e kalbëzuara në vite të organizmit të shtetit. Shumica dërrmuese e shqiptarëve e kuptojnë këtë. Ata janë të vetëdijshëm edhe për vështirësitë, edhe për domosdoshmërinë e reformave.

Por s’ka dyshim se Shqipëria dhe shqiptarët e lënë 25 vjet në baltën e një tranzicioni të gjatë pa reforma, meritojnë vazhdimin me vendosmëri të tyre, e veçanërisht të reformës në drejtësi! E cila duhet zbatohet një orë e më parë duke filluar nga vettingu. Ne do të ndjekim e dëgjojmë me respekt, çdo shprehje pakënaqësie të pakicës, por nuk do të ndalemi asnjë minutë në përmbushjen e misionit tonë për të bërë shtet.

Ju uroj të gjithëve një fundjavë të mbarë!

10 shkurti si korrigjim, pamundësi dhe marshim përpara

Dje u bën 10 vite nga 10 shkurti, respektivisht nga rënia e Mon Balajt dhe Arben Xheladinit. Për mua personalisht në rradhë të parë ata janë të rënët e një korrigjimi politik. Të korrigjimit të mashtrimit më 17 mars 2004. 17 marsi 2004, është shtrembërimi i asaj që do të duhej të ndodhte pikërisht më 10 shkurt 2007. Më 17 mars 2004, kur po bëheshin pesë vite nga premtimi gojor i Rambujesë për referendum, shpërtheu revolta. Por revolta u përdredh. U përdredh nga këta që sot janë në pushtet, të kontraktuar me spiunë të shërbimit serb, dhe me njerëz brenda UNMIK-ut e KFOR-it.

Fatlum SADIKU Opinione

Interesi ishte trepalësh: pas vrasjes së ish kryeministrit serb Zoran Gjingjiq shihej që Rezoluta 1244 nuk po zbatohej dhe nuk do të mund të zbatohej në plotninë e saj, e as që Kosovës po i ndahej një pjesë siç dëshiroi Gjingjiq deri në intervistën e fundit, tre javë para vrasjes.
Ndaj që në pamundësi të dërgimit të tankseve, një betonim i mëtejmë i ndarjes së brendshme të Kosovës, përkatësisht një paraqitje e shqiptarit si vehabist kur s’ishin mbushur as 3 vite nga sulmet e 11 shtatorit 2001, ishin gjëra jo të pamundura për Serbinë.

Mjaftonte t’i kishe vetëm  disa shqiptarë hyzmetqarë dhe që manipojnë adoleshentët që po rriteshin ose me kujtimin e freskët të luftës ose me të dëgjuarat pë të (në një kohë kur po masovizohej edhe interneti e ku luftën mund edhe ta ‘google’-oje).  U dogjën e u rënuan mbi 40 objekte të ritit ortodoks. U vranë 8 serbë anipse pësuan fatalisht edhe 11 shqiptarë. Ndarja, sidomos në veri u betonua, eksterritorialiteti përreth kishave serbe u sanksionua imazhi i shqiptarit si vehabist nisi të vinte në shprehje (nganjeherë edhe jo pavend), si dhe 12 vite më vonë kjo do t’kushtonte Kosovës me mospranim në UNESCO.

Sidomos djegia aq e organizuar e kishave për më pak se 48 orë, përkonte me diçka që s’kishte ngjarë as gjatë 500 vjeçarit otoman, as gjatë 3 vjeçarit austro-hungarez, as gjatë 4 vjeçarit gjermano-italian, kur shqiptarët gëzonin njëfarë pushteti në Kosovë, prandaj edhe s’mund ta quash të rastësishëm. Ishte i organizuar nga klika bashkëpunëtore, siç është edhe sot një pjesë e tyre.

Mafia shqiptare nën siglën PDK nga ky situim përfitoi në kuptimin që nisi të vinte në shprehje më shumë e më shumë. U vesh me pushtet. Imponoi veten. U lidh me biznese, me pronarë pompash benzine, me atë servilin e Bankës Qendrore, u deklaruan të gatshëm ta pranojnë prvatizimin, blenë gazetarë e hapen gazeta, fituan territor në telefoni mobile e në resorë medial (përfshirë televizionin publik), organizuan paroditë si “Kabineti i qeverisjes së mirë” e të ngjashme. Përfitues ishin edhe ndërkombëtarët nëse situatën do e lexonim gjykuar nga sjellja e e tyre tipike orientaliste: “ne s’kemi faj, zullutë ballkanikë e hakmarrës po i’a hanë kokë njëri tjetrit”.

10 shkurti 2007 në anën tjetër s’ishte asnjëra nga këto: direksioni s’qenë enklavat dhe as s’mund të thoshe se piketim ishte pakica serbe, meqë po protestohej kundër negociatave; pastaj mësymja s’ishte e karakterit kundëretnik, meqë njerëzit u nisën drejt selisë qendrore të ish IPVQ-ve; kishte organizim dhe s’lejoheshin njerëz të armatosur; marshimi ishte i qetë dhe jo egërsisht maskulin meqë gjeje deri edhe nënat gjakovare. E megjithatë Arbeni e Moni u vranë. U vranë me plumba gome të dalur afati, dhe për vrasjen e tyre nuk u dha përgjegjësi. As nga të huajt as nga vendorët, pavarësisht konstatimeve të organizatave respektive ndërkombëtare për përdorim të panvojshëm force. Në vend të saj u dha shëmti, që mbajnë emrat Agim Çeku, Sheremet Ahmeti dhe Ulpiana Lama.

10 shkurti të paktën në nivel konstatimor, paraqet edhe një pamundësi. Pamundësinë e pjesëtimit të shqiptarizmës në kosovarizëm, gegënizëm dhe për rrjedhojë atashimin politik mbi shtyllat identitare në fjalë. Nuk mund të prisje nga gjenerata që u rrit në ato pak të drejta kulturore, arsimore e ligjore që Kosova brumësoi 30-40 më parë  “të tregonte mençuri” e të stisej brenda dite si kosovare a gege. Marshimi e kërkesat ishin shqiptare, meqë njerëzit po konsideronin se nuk po realizohet ideali i shokëve dhe të dashurve të tyre. Nëse Kosova ishte deficitare në elita që çështjen identitare ta mendonin 40 vite më herët, nuk mund t’i fajësosh a zaptosh demonstruesit tashmë të pjekur në identitet shqiptar, pse s’janë diçka tjetër.

Krejt në fund marshi ishte edhe marshim përpara: drejt vdekjes për të mos rënë i Arbenit dhe Monit, marshim  i shpirtit të lirisë që çoi në konsekuime politike edhe për këtë pavarësi gjysmake e të brishtë që e kemi  (kujto pse Bush foli hapur për pavarësinë në Tiranë tek në qershor 2007, e jo të zëmë në janar 2007), si dhe marshim i qytetarisë që po e mbyste hibernimi dhe agonia e kultit rugovist dhe e konsiderimit të vetëvetes banorë.

Rumunët zotohen: Do të protestojmë deri në dorëheqjen e qeverisë

Rumunët mbushën përsëri sheshin "Fitorja", duke kërkuar dorëheqjen e qeverisë Social Demokrate lidhur me një dekret për korrupsionin. Presidenti rumun ka kritikuar ashpër qeverinë në parlament për nxjerrjen e një dekreti sekret pa u konsultuar me parlamentin.

Periskopi.com Lajme

Presidenti i qendrës, Klaus Iohannis, mbështeti qeverinë për të qëndruar në pushtet mes protestave më të mëdha në vend që nga rënia e komunizmit në vitin 1989. Disa protestues janë zotuar për mbajtjen e trysnin deri sa kryeministri të japë dorëheqjen, megjithëse numri i protestuesve ka rënë si në kryeqytetin Bukuresht ashtu edhe në qytete të tjera. Protestuesit brohorisnin në kryeqytet “Të bashkuar ne do të shpëtojmë Rumaninë”. Një protestues thotë se dorëheqja e qeverisë është zgjidhja.

“Po mbajmë pozicionet tona dhe duam që qeveria të japë dorëheqjen sepse nuk mund të kemi besim tek kjo qeveri sepse fshehurazi në mes të natës po miratojnë ligje për të mbrojtur politikanë të korruptuar. Nuk e besojmë më këtë qeveri. E vetmja gjë që na jep kënaqësi tani sëthë dorëheqja e kryeministrit dhe qeverisë.”

Qindra mijëra rumunë kanë protestuar nëpër qytete të ndryshme duke mbushur sheshe e bulevarde, skena që nuk kanë kaluar pa vëmendje në vende të tjera të Evropës Lindore të kapluara nga korrupsioni dhe lidhjet e dyshimta mes biznesve dhe politikës që nga rënia e komunizmit.

Dekreti që nxiti protestat do të kishte dekriminalizuar një numër veprash penale dhe mbrojtur shumë zyrtarë nga akuzat për korrupsion. Protestat pritet të vazhdojnë të paktën deri sa parlamenti të votojë për shfuqizimin e dekretit, që pritet të zhvillohet në fund të javës. Qeveria, e cila ka shumicën e mjaftueshme, përballet me votën e mosbesimit në parlament./zeriamerikes/

Putin viziton Hungarinë, protestuesit: Shko në shtëpi Vladimir! Nuk je i mirëpritur (Video)

"Ne nuk do të jemi koloni ruse", "Evropa nuk do të japë para për autokratët dhe" Shko në shtëpi Vladmir", ishin vetëm disa nga pankartat që tundnin protestuesit e inatosur për vizitën zyrtare të presidentit Putin në Budapest.

Periskopi.com Lajme

Demonstrata u organizua nga një parti politike opozitare.

Putin ka qenë i mirëpritur ngrohtësisht në Budapest nga kryeministri hungarez Viktor Orban.

Një protestues Hungarian tha or “Euronews”: “Unë nuk mendoj se ne duhet të afrohemi drejt Lindjes, drejt një vendi ku demokracia nuk funksionon.

“Në vend të kësaj ne duhet të lëvizim drejt demokracisë, por kjo nuk duket se është ajo që e po bëjmë momentalisht.”

 

Përjashtime e dhunë fizike për kritikuesit e UP-së

I shpallur shkencëtar i vitit 2013, me rreth 60 punime shkencore, katër libra të botuara në gjuhën angleze, Mentor Sopjani, tani profesor asistent, nuk po avancohet në titullin profesor i rregullt apo asocuar.

Periskopi.com Lajme

Sopjani akuzon Rektoratin e Universitetit të Prishtinës se nuk po e avancojnë në thirrjen meritore dhe në atë ligjore, duke ia shkelur kështu të drejtën.

Gazeta ka siguruar një kopje të Rregullores për Procedura Vlerësuese për zgjedhjen dhe avancimin e personelit akademik në UP, të nxjerrë nga Senati, në qershor të vitit 2014. Në Nenin 11 të kësaj rregulloreje nuk përjashtohet mundësia e zgjidhjes në thirrje më të lartë akademike të parakohshme ose në rastin e thirrjes së profesorit të rregullt, nën të njëjtat kushte dhe pas publikimit për së paku tetë vjet.

“Jam privuar padrejtësisht nga e drejta ligjore dhe meritokratike për avancim në thirrjen adekuate (meritore) akademike”, thotë ai.

Sopjani thotë se në shtator të vitit të kaluar ka marrë vendimin se është zgjedhur profesor asistent, e që sipas tij është thirrja më e ulët për profesor në UP dhe siç shprehet, nuk korrespondon me nivelin e tij akademik.

Sopjani thotë se tejkalon të gjitha kushtet e parapara me rregullore, mbështetur në Statut.

“Avancimi duhet me qenë meritokratik, pra bazuar në merita, jo diçka siç po e interpretojnë sipas dëshirës së tyre të lirë disa atje që po marrin vendime në Rektorat, ata thonë që nuk ka kapërcime, por është Rregullorja që e ka votuar vetë Senati në kohën e rektorit Anton Berishaj”. Ai ka bërë ankesë në Rektorat, por siç thotë, nuk ka marrë përgjigje.

Shpërndahen serbët që po ruanin murin në veri

Janë shpërndarë serbët që për disa orë rresht kanë qëndruar “duke ruajtur murin” në veri të Mitrovicës.

Periskopi.com Lajme

Shpërndarja e tyre është bërë pak pasi që ka përfunduar takimi në Rashkë në mes të kryeministrit serb Aleksandër Vuçiq dhe përfaqësuesve politikë të serbëve të Kosovës.

Në fakt, besohet se serbët nuk janë shpërndarë tërësisht, por kanë mbushur kafeteritë që janë përskaj murit.

Ata ishin tubuar sot pasdite matanë murit.

Muri i ndërtuar ilegalisht është bërë shkas i deklaratave të ashpra nga krerët politikë të Serbisë e Kosovës. Ata në Beogradë thonë se “Prishtina po planifikon të sulmojë veriun”. Në anën tjetër Prishtina zyrtare ka thënë se muri ilegal duhet të rrënohet.

Bahtiri fton qytetarët për qetësi e besim në institucione

Kreu i Komunës së Mitrovicës së Jugut, Agim Bahtiri, u ka bërë thirrje qytetarëve të tregohen të matur e të kenë besim në institucionet e vendit.

Periskopi.com Lajme

“Pavarësisht situatës që mund të krijohet, i lus qytetarët e Mitrovicës që ta ruajnë gjakftohtësinë, të rrinë të qetë dhe t’i lënë institucionet e Kosovës të punojnë në mënyrë diplomatike”, ka shkruar Bahtiri në profilin e tij në Facebook.

“Pra, qytetarët duhet të kenë besim në veprimet e Qeverisë së Kosovës dhe për këtë duhet të jenë të qetë, pasi që ne nuk dëshirojmë tensione, por dëshirojmë një qytet të përbashkët të të gjithë qytetarëve. Së bashku me Qeverinë e Kosovës, do t’ia dalim. Njëkohësisht, qytetarëve serbë ju bëjë apel që të mos ngrihen tensione, sepse institucionet e Kosovës do të veprojnë në mënyrën më të mirë të mundshme”, ka thënë më tej ai.

Portali “Veriu.info” ka njoftuar se një grup serbësh qenë mbledhur për të protestuar kundër rrënimit të murit.

Protesta masive kundër korrupsionit në Bukuresht

Më shumë se 100,000 persona kanë dalë nëpër rrugët e kryeqytetit të Rumanisë, në protestë me qëllim të kundërshtimit të një dekreti qeveritar përmes së cilit dekrimilanizohen një varg i veprave penale të korrupsionit, shkruan Al Jazeera.

Periskopi.com Uncategorized

Protestuesit të mërkurën në mbrëmje kanë bërtitur “Brejtës” dhe kanë bartur pankarte me shkrime të ndryshme, duke i dërguar mesazhe qeverisë që protestat nuk do të ndalojnë deri në dorëheqjen e qeverisë.

Marsh protestues ishte zhvilluar edhe një ditë më parë, si dhe grumbullime të ngjashme janë zhvilluar edhe në qytete të tjera si Timisoara, Cluj, Iasi dhe Sibiu./ Klan

151bd6da9590445498d058a3ce54ff19_18 fcafc95b3afa44b98ac63f993374abd0_18

Protestuesi shqiptar kundër Trumpit: Budalla brina s’ka (Foto/Video)

Derisa reporteri i FoxNews raportonte nga protesta kundër vendimit të presidentit Donald Trump për ndalimin e refugjatëve, një baner në gjuhen shqipe shfaqet prapa tij.

Periskopi.com Lajme

Një protestues shqiptar, ka vendosur të ironizojë me Trumpin në gjuhën e tij me një shprehje që përdoret mjaft shpesh në vendlindjen e tij, transmeton lajmi.net

“Budalla brina s’ka”, ka shkruar ai në baner.

Ndiqeni videon për të parë më tepër.

 

Pas urdhrit të Trump për ndalimin e refugjatëve, kaos dhe protesta (Video)

Me shkrimet “Jo urrejtje, jo frikë, refugjatët janë të mirëpritur”, kanë nis protestat në aeroportin John F. Kennedy ku janë ndaluar 12 emigrantë pas urdhrit të së shtunës të Presidentit Donald Trump, që ndalon refugjatët të futen në SHBA për katër muaj.

Periskopi.com Lajme

Më shumë se 300 demonstrues kanë bërë thirrje “jo muri, jo ndalim’ dhe ‘refugjatët janë të mirëpritur’ para terminalit për arritjet ndërkombëtare.

Të premten, Presidenti Donald Trump ndaloi hyrjen e refugjatëve sirianë në Shtetet e Bashkuara deri në një moment të caktuar, si pjesë e masave të reja “për t’i mbajtur terroristët radikalë islamikë jashtë vendit”.

Grupe të të drejtave të njeriut dhe figura të larta e kanë dënuar këtë lëvizje të Presidentit.

Ata po e kundërshtojnë vendimin e presidentit Donald Trump për ndalimin që u ka bërë refugjatëve për të udhëtuar për në SHBA.

 

 

CNN raporton për protestën e grave në Prishtinë (Foto)

Sloganet protestuese që u shfaqën sot në Prishtinë si shenj solidariteti me protestën e organizuar në Washington DC, kanë zënë vend edhe në artikujt e mediave më të njohura ndërkombëtare.

Periskopi.com Lajme

Kjo pasi CNN në mesin e mbi 600 vendeve ku u mbajt një protest e tillë ka raportuar edhe për protestën e grave të organizuar në Prishtinë, njofton Klan Kosova.

‘’Të drejtat e grave janë të drejta të njeriut’’ është një nga sloganet që është paraqitur në mbarë botën në ‘’Marshin e Grave’’ që u mbajt në ditën e parë të Presidencës Trump, ajo mori vëmendje poashtu edhe në Kosovë.

Për më shumë ja dhe fotografia që ilustron më së miri momentet e marshit të grave në sheshin e Prishtinës e që u raportua për mbarë botën nga CNN.

16177576_10155945175156509_1557552704758116647_o

Marshi botëror kundër Trumpit: Gjysmë milionë njerëz protestojnë në Uashington (Video)

Mijëra njerëz kanë mbushur rrugët e qyteteve në mbarë botën për të iu bashkuar “marshit të grave” kundër presidentit të ri amerikan, Donald Trump.

Periskopi.com Lajme

Protesta kryesore është mbajtur në Uashington ku në fillimin u mblodhën rreth 200 mijë njerëz, mirëpo thuhet se numri ka arritur në gjysmë milioni, transmeton lajmi.net.

Autoritete e qytetit thonë se janë mbledhur  deri në 500 mijë njerëz, shifër më e madhe se sa planifikimet fillestare.

Në Uashington numri i grave është në rritje dhe transporti publik është  po mbushet gjithnjë e më shumë me njerëz. Ato janë ta pakënaqura lidhur me qëndrimet e Trumpit në lidhje me kujdesin shëndetësor, abortet, etj.

“Rreth 500 mijë njerëz u mblodhën në Uashington për të marrë pjesë në marshin e protestës kundër presidentit amerikan, Donald Trump”, ka shkruar në Twitter nënkryetari i Uashingtonit, Kevin Donahue, transmeton lajmi

“Sot ne marshojmë për thelbin moral të këtij kombi, ndaj të cilit presidenti ynë i ri filloi luftën. Dinjiteti ynë, karakteri, të drejtat tona janë të kërcënuara ndërsa platforma e urrejtes dhe ndarjes dje mori pushtetin”, ka thënë aktorja America Ferera.

Marshin e ka përkrahur edhe ish-kandidatje demokrate, Hillary Clinton.

“Unë besoj se jemi gjithmonë më të fortë së bashku”, ka shkruaj ajo në Twitter.

Në evropë protesta u mbajtën në Berlin, Paris, Romë, Vjenë, Gjenevë dhe Amsterdam.

Protesta u mbajtën edhe në Tokio, Sidney, Zelandë të Re, etj.

 

 

Protestë e dhunshme kundër inaugurimit të Trumpit

Kanë shpërthyer protesta në Uashington mes sigurisë së madhe në prag të inaugurimit të Donald Trump. Një grup i protestuesve të maskuar, disa mbanin flamuj me simbole anarkiste, u filmuan duke thyer dritare, vraponin nëpër rrugë dhe përlesheshin me policinë.

Periskopi.com Lajme

Një njeri i veshur me të zeza theu dritaren e një McDonald-i me një çekiç, ka pasur edhe raporte të pakonfirmuara të grabitjes. Policia u përgjigj me gaz lotsjellës dhe topa uji për të shpërndarë protestuesit, të cilët janë larguar menjëherë nga radhët e oficerëve, raporton The Independent.

Disa grupe ishin zotuar të prishin ceremoninë e inaugurimit, duke u përpjekur për të bllokuar mbajtësit e biletave të hyrjeve.

3c26dec000000578-4140776-cox_pictured_meeting_trump_in_may_will_host_a_rally_including_sp-a-66_1484928810448 3c4d629b00000578-4140776-bikers_from_around_the_country_were_pictured_roaring_into_washin-a-68_1484928816410 3c52374800000578-0-spectators_gather_on_the_national_mall_before_the_presidential_i-a-40_1484925640822 3c522ce200000578-0-image-a-41_1484925640861 3c5314a700000578-4140776-image-a-76_1484929379037 3c522d0a00000578-0-most_of_the_rain_is_expected_to_fall_at_around_noon_but_showers_-a-54_1484926091596 3c5313ec00000578-0-image-a-56_1484926215788 3c525bd500000578-0-choir_members_wore_plastic_rain_gear_prepare_for_the_presidentia-a-53_1484926089117 3c528b6700000578-0-the_national_mall_expects_nearly_900_000_people_to_witness_donal-a-44_1484925640868 3c53103200000578-4140776-image-a-75_1484929326565 3c52567100000578-0-hundreds_of_thousands_of_supporters_descended_upon_the_national_-a-42_1484925640863

Përfundoi protesta në Shkup për lirimin e Ramush Haradinaj

Sot para Ambasadës franceze në Shkup është zhvilluar protestë në mbështetje të Kryetarit të AAK-së, Ramush Haradinaj i cili javë më parë u arrestua në Francë.

Periskopi.com Lajme

Në protestë morën pjesë një numër i konsiderueshëm i qytetarëve ku mes tyre kishte edhe artist të estradës, politikan, profesorë dhe bashkëluftëtarë nga Maqedonia, transmeton Zhurnal.

Protesta sapo ka përfunduar , ndërsa protestuesit kërkuan lirimin e komandantit dhe drejtësi për shqiptarët kudo që ata gjinden, dhe se do ta kenë mbështetjen e tyre në çdo rast.

Protesta u organizua nga Këshilli Organizativ në përbërje të artistëve, gazetarëve, studentëve, profesorëve dhe bashkëluftëtarëve të Ramush Haradinajt.

Rikujtojmë se Ramush Haradinaj u arrestua më 4 janar nga policia franceze, në bazë të një urdhër arresti ndërkombëtar të lëshuar nga Serbia.

 

 

Me fotografi të Rugovës, në protestën për Haradinajn në Francë (Foto)

Në shenjë solidariteti ndaj kryetarit të AAK-së Ramush Haradinaj, i cili u arrestua ditë me parë nga autoritetet franceze, është mbajtur një protestë paqësore në qytetin Colmar të këtij shteti.

Periskopi.com Lajme

Qëllimi i protestës para Gjykatës së Colmarit, ishte kërkesa për lirimin sa më të shpejtë të Haradinajt dhe hedhjen poshtë të të gjitha fletarrestimeve që datojnë nga regjimi i Millosheviqit.

franca1 franca3

Fillojnë protestat për lirimin e Ramush Haradinajt

Aleanca për Ardhmërinë e Kosovës, nesër do të organizojë një marsh protestues, për të kundërshtuar ndalimin e liderit të saj Ramush Haradinaj nga autoritetet franceze pas një urdhërarresti të lëshuar nga Serbia në vitin 2004.

Periskopi.com Lajme

“Nesër në Prishtinë organizohet protestë paqësore si reagim ndaj arrestimit të liderit tonë Ramush Haradinaj në Francë. Do të takohemi tek New Born ora 13:00, për të vazhduar me marsh protestues deri te Ambasada Franceze”, thuhet në njoftimin që është shpërndarë nga personalitete të AAK-së.

Në njoftim ftohen strukturat e AAK-së, qytetarët dhe mbështetësit që të mobilizohen për protestën e nesërme.