Ndodh në Kosovë, kryetari ‘legjendar’ merr pagë dhe pension

Periskopi.com Lajme

Kryetari i Komunës së Prizrenit, Ramadan Muja për shumë gjëra mund të hyjë në historinë e Kosovës, por për moshën që ka, e që ende ushtron detyrën e të parit të një komune, mund të thyejë rekord edhe në botë.

77 vjeçari që ka shumë probleme me shëndetin, është bërë një ‘kështjellë’ e pathyeshme në Prizren.

Që kur është bërë kryetar, është përcjellë me skandale e pakënaqësi të shumë qytetarëve. Qyteti ndër më të bukurit në Kosovë, nuk është ngjallur ekonomikisht në mandatet e tij.

Jo vetëm kaq, ai është i dënuar me dy vjet burgim dhe vazhdon të jetë në postin e të parit të Prizrenit, ngase dënimin e ka me kusht që të mos kryej vepra të tjera penale gjatë 3 vjetëve të ardhshëm.

Shumë herë është kërkuar dorëheqja e tij. Një ndër më të rëndësishmet është për shkak të tragjedisë që ndodhi në këtë qytet, ku është shembur një shtëpi në Zonën Historike në Prizren, dhe i mori jetën një fëmije 3 vjeç.

Ramadan Muja, siç mëson Periskopi pavarësisht që nuk shihet askund, dënimeve që ka dhe mospunëve, ai merr pagën e kryetarit, por edhe pensionin.

Nga buxheti i shtetit, Muja, brenda në viti merr rreth 21 mijë euro në vit.

Shtëpia ku banon Ramadan Muja, kryetar i Prizrenit nga Partia Demokratike e Kosovës, ka 250 metra katror dhe kap vlerën prej 150 mijë eurosh, ndërsa ka para të gatshme në bankë 122 mijë euro.

Ai vet ka deklaruar se ka rrogën vjetore prej 18,680 euro dhe pensioni prej 2,760 euro.

Nuk përfundon me kaq, kandidati i PDK-së dhe kryetari aktual i Prizrenit, Ramadan Muja, është në mandatin e tij të tretë si kryetar i Prizrenit.

I doktoruar në histori, nuk duhet lënë pa përmendur se ai ka përjetuar edhe Luftën e Dytë Botërore.

Pavarësisht se ai dyshohej për keqpërdorim pronash, PDK-ja e kishte të preferuar dhe e kandidoi gjithmonë për kryetar, raporton lajmi.net

I njohur si refuzues i debateve televizive, i daljes para publikut, shikuesve dhe kundër-kandidatëve, Muja qëndron në fron që rreth 10 vjet, e premtimi më i famshëm i partisë së tij, mbetet 100 milionëshi për Prizrenin, që kurrë më nuk është përmendur pas fushatës.

E në fillim të muajit që kemi lënë pas, më në fund, Gjykata e Apelit ia kishte dalë ta caktojë një datë për një seancë ndaj Ramadan Mujës dhe ish-zyrtarëve të tjerë të Komunës së Prizrenit.

Palëve në këtë proces u ishin dërguar njoftimet e nënshkruara për datën 14 mars, por pak ditë më pas seanca është anuluar.

Ndryshe, pas dënimit në shkallën e parë në mars të vitit 2014, rastin ndaj kryetarit Muja dhe 5 ish-zyrtarëve të tjerë të kësaj komune, që akuzohen për keqpërdorim të pozitës zyrtare, Apeli e kishte kthyer në rigjykim.

Prokuroria ishte ankuar ndaj këtij vendimi në Gjykatën Supreme, që e kishte anuluar vendimin për rigjykim dhe e kishte kthyer rastin për rishqyrtim në Apel./ Periskopi

Reklamë
Reklamë

Kurti në Prizren: Pas 11 qershorit do të kemi qeverinë e parë progresive në Kosovën e pasluftës

Periskopi.com Lajme

Kandidati për kryeministër, Albin Kurti, është shprehur i bindur se qytetarët e Prizrenit do të bashkohen në këtë qytet të bashkimit.

“Pas 11 qershorit nuk do të ketë më qytetarë të dëgjueshëm ndaj politikanëve, por politikanë të dëgjueshëm ndaj qytetarëve. Vetëvendosje e do shtetin e Kosovës me sovranitet, ekonominë me prodhim, gjyqësinë me drejtësi, shoqërinë me barazi, ligjet me morale dhe popullin e Kosovës me demokraci”, u ka thënë Kurti simpatizantëve të shumtë të mbledhur në palestrën “Rexhai Surroi”.

Tutje, Kurti tha se në secilën ditë të këtyre 4 viteve të fundit, por edhe të 18 viteve të pasluftës, kemi pasur “Ramazan” për qytetarët dhe “Bajram” për pushtetarët. Por, ai premtoi se me qeverisjen e VV-së kjo do të jetë anasjelltas.

“Kur politikani ndahet fizikisht dhe materialist prej qytetarëve ai e vendos interesin e veçantë mbi interesin e përgjithshëm, këtu nis korrupsioni. Politikanët e Vetëvendosje-s nuk do të pasurohen asnjëherë nga posti dhe do të jeni gjithmonë pranë dhe me popullin”, ka shtuar tutje Kurti.

Ai u zotua se me qeverisjen e VV-së do të investohen në bujqësi 240 milion euro në mandatin e parë. Si dhe u zotua se qeverisja e VV-së do ta fus tërë ekonominë brenda ligjit.

“Pas 11 qershorit do të kemi qeverinë e parë progresive në Kosovën e pasluftës”, u tha Kurti në fund qytetarëve të Prizrenit.

Reklamë
Reklamë

Haskuka: Prizreni sot po tregon se nuk ka vendim pa popull

Periskopi.com Lajme

Ish-deputeti dhe kandidati për deputet, Mytaher Haskuka, ka thënë në tubimin elektoral të Vetëvendosje-s në Prizren se ky qytet sot po i thotë jo krimit, korrupsionit e “Zajednicës”.

“Këta e lanë universitetin pa shkencë, kulturën pa libra, trashëgiminë kulturore të bastisur, vendin pa punë, gjykatat pa drejtësi”, tha Haskuka në këtë tubim.

Haskuka tha se Prizreni sot po tregon se nuk ka vendim pa popull.

“Të gjithë votojmë që me 11 qershor të kemi një kryeministër me zemër, të guximshëm dhe të dijshëm, Albin Kurtin.

Urime populli i bashkuar kundër krimit të organizuar”, ishin fjalët përmbyllëse të tij në këtë tubim.

Reklamë
Reklamë

Largohen lëmoshë kërkuesit në Prizren

Periskopi.com Lajme

Ditë më parë, Policia në Prizren është njoftuar nga shoqatat e biznesit për rritjen e numrit të lëmoshë kërkuesve, kryesisht të atyre që këtë e bëjnë në mënyrë të bezdisshme me ç’ rast shqetësojnë qytetarët por edhe turistët në qytet.

Lidhur me këtë, strukturat udhëheqëse të Drejtorisë Rajonale të Policisë së Prizrenit kanë kontaktuar autoritet relevante nga Republika e Shqipërisë, me ç’ rast është mbajtur një takim konsultativ në Prizren me pjesëmarrës nga Drejtoria e Kufirit dhe Drejtoria e Qarkut të Kukësit dhe institucione tjera që merren me këtë problematikë.

Më pas, me datën 30 dhe 31 maj dhe me dy qershor është vënë në veprim plani operativ për largimin e lypsarëve që vinin nga Shqipëria por edhe kosovarë.

Gjatë këtij plani janë zënë në shkelje të ligjit për kundërvajtje 44 persona. Prej tyre 25 të rritur dhe 19 fëmijë.

Të rriturit kanë kaluar nëpër procedura gjyqësore dhe shumica prej tyre janë dënuar.

Më pas në mënyrë të organizuar, ata që kanë qenë nga Shqipëria janë përcjell për në kufi dhe i janë dorëzuar autoriteteve të kufirit./ Periskopi

Reklamë
Reklamë

LDK e la jashtë listës, ai ka 8 fëmijë në familje – të gjithë me fakultete dhe pa punë

Periskopi.com Lajme

Ish-deputeti Hatim Baxhaku nga radhët e LDK-së sqaron përse nuk është sërish në listë për kandidat.

Tregon detaje nga mbledhja e Këshillit të kësaj partie dhe kërkesat që ai kishte.

Baxhaku thotë se në LDK nuk ka hyr as nuk ka qëndruar për pazare dhe se nuk do e braktis këtë parti, raporton Periskopi

Shkrimi i plotë:

 

PËR TI HEQUR DILEMAT

Të nderuar anëtarë dhe simpatizant të LDK-së, miq dhe qytetarë të Kosovës.

Meqenëse kam një kërkesë të madhe nga Ju por edhe nga mediet për një prononcim lidhur me disa zhvillime aktuale e për të mos lejuar huti, më lejoni të ju drejtohem dhe të jap disa sqarime .

Në LDK jam inkuadruar që nga themelimi i saj dhe kam qenë delegat i Kuvendit Themelues të mbajtur në Medresen “Alaudin” në Prishtinë. Arsyeja e vetme ishte që të jap kontributin tim për popullin dhe shtetin e Kosovës në ato rrethana jashtëzakonisht të rënda dhe vendimtare për shqiptarët.

Nuk e di sa ja kam dalë në këtë punë.

Jam edhe pjesëmarrës i luftës si mjek në një spital fushorë në Krumë së bashku me një ekip norvegjez në “Operacioni Shigjeta”.

Në LDK nuk jam anëtarësua me pazar: po vij në LDK nëse më beni deputet, ministër, këshilltarë… Asnjëherë nuk jam udhëhequr nga interesi personal.

Kam një familje nga babai dhe nëna, ndjesë pacin, që numëron 40 anëtarë. Nē këtë familje kam 8 të rijë, vajza dhe djem të mrekullueshëm, të gjith me fakultete të kryera, bile edhe Master dhe asnjëri nuk është i punësuar.

Asnjëherë po e përserisë asnjëherë nuk kam trokitur në parti ose në institucione për ti punësuar “me të njofshëm”.

Po presë të punësohen një ditë në kushte të barabarta për të gjithë. Në mbledhjen e Këshillit të Përgjithshëm të LDK-së kam deklaruar se nuk ka asnjë problem pse unë nuk jam në listën për deputet sepse kështu e kanë parapar disa kapës të partisë( dhe me këtë nuk aludoj në Isa Mustafën).

Propozova që në Listën e Kandidatëve për Deputet të futën edhe dy kandidat tjerë nga Prizreni përveq atyre që ishin në atë listë.

Kam permendë edhe disa vërejtje për vendimet që merren në strukturat e larta të partisë pa diskutim të mirëfilltë në ato forume, dhe defektet në komunikimin e atyre strukturave me deputet e gupit parlamentar, dhe kam kërkuar që kjo punë të bëhet në kordinim më të mirë që pastaj deputet mos të akuzohen për mosrepektim të vendimeve të organeve partiake.

Me këto qështje thashë se duhet dhe do të merremi pas zgjedhjeve në mënyrë institucionale në forumet e LDK-së. Kaq.

Dua me këtë rast që tua heqi dilemat që të gjithëve, pa përjashtm :

Hatim Baxhaku ka qenë, është dhe do të mbetet anëtar shumë i devotshëm dhe besnik i LD K-së sepse unë punoj për këtë dhe besoj në LDK.

Do të jam pa asnjë rezervë përkrahë kandidatëve për deputet nga qyteti i Prizrenit e me gjerë dhe të koalicionit parazgjedhor sepse kam besimin se është gjëja më e mirë që po i ndodhë Kosovës në rrugën e saj të shtetëformimit dhe integrimeve euroatlantike, aty ku e ka vendin ajo dhe qytetarët e saj.

Jam thellësisht i bindur se do t’ja dalim me sukses.

Me Fitore #Shihemi në Finale.

Sinqerisht i Juaji, Hatim Baxhaku.

Reklamë
Reklamë

Kandidati për deputet i PDK’së, nën hetime për rastin Pronto

Periskopi.com Lajme

U bënë sikur pastruan listat nga ata që janë në hetime apo që kanë aktakuza, por nuk ndodhi njëjtë me të gjithë.

Derisa ‘shefi i shefave’, Adem Grabovci është jashtë listës së PDK-AAK-NISMA, dora e djathtë e tij është në këtë listë. Ai është Nijazi Kryeziu, raporton Periskopi

Kryeziu, për ata që rastësisht nuk e njohin ‘ e sill e pshtill’ Prizrenin.

Ai vjen nga kjo komunë dhe derisa Ramadan Muja merrej me aktakuzat e veta dhe moshën tepër të shtyrë, Kryeziu merrte vendime në këtë komunë, fillimisht ishte kryesues i asamblesë në Komunën e Prizrenit.

E pastaj drejtor i urbanizmit, për të cilin post kishte pranuar se nuk ka njohuri. E të enjten, 23 maj, shefja e Zyrës së Bashkimit Evropian në Kosovë, Natalya Apostolova, ka vizituar sot qendrën historike të Prizrenit. Ajo u shpreh e shqetësuar me gjendjen në të cilën ndodhet kjo qendër e trashëgimisë kulturore dhe ndërtimet që janë bërë në atë vend.

Ai është personazh i aferës “Pronto” e në deklarimin e pasurisë tregon se është edhe sekretar i degës së PDK-së në Prizren. Jo vetëm kaq. Nga parat e buxhetit të shtetit, pagë merr edhe bashkëshortja e tij e edhe njëri nga prindërit.

Kryeziu si këshilltar i Ramadan Mujës, kishte vendosur për anëtarët e Bordit të Ujësjellësit në Prizren.

Një nga bisedat telefonike të përgjuara të Adem Grabovcit shpalosë mënyrën më të errët se kush duhet të jenë anëtarët e Bordit të Ujësjellësit të Prizrenit. Grabovci bashkë me Nijazi Kryeziun marrin vendimin përfundimtar, përtej kualiteteve të kandidatëve. Kriter për ta është vetëm nëse kandidati është i tyre. Biseda dëshmon se kryeprokurori i Prizrenit, Sylë Hoxha është zgjedhur nga PDK-ja. Hoxha një kohë ka qenë edhe ushtrues detyre i kryeprokurorit të Shtetit.

Në një bisedë telefonike në mes të shefit të Grupit Parlamentar të PDK-së, Adem Grabovci dhe nënkryetarit të PDK-së, Dega në Prizren, Njazi Kryeziu klasifikohen kandidatët në mënyrën më klandestine.

Grabovci, që i telefonon Kryeziu ia lexon 34 emra kandidatësh. Ata seleksionohen nga Kryeziu. Bashkëbiseduesit heqin nga lista kandidatë që nuk u përkasin atyre.

Në këtë bisedë të zhvilluar në nëntor 2011, dëshmohet se PDK-ja në Prizren ka zgjedhur për kryeprokuror, Sylë Hoxhën i cili në të kaluarën ishte zyrtar i lartë i Lidhjes Demokratike të Kosovës. Hoxha ka qenë zëvendësministër i Drejtësisë nga kjo parti.

Jo vetëm kaq.

Në vitin 2012, ai dyshohej se falsifikoi planin urban.

Qendra e Vetëvendosjes në Prizren, kishte dorëzuar në prokurori një kallëzim penal trefaqësh kundër kryesuesit të Kuvendit të atëhershëm Komunal, Nijazi Kryeziu. Sipas kallëzimit penal, ai akuzohet se vitin e kaluar ka falsifikuar dokumentin zyrtar, duke ndërruar planin rregullues urban për lokacionin “Qendra e Re 2”, pasi ai ishte miratuar nga Asambleja. Kryeziu thotë se bëhet fjalë për një “gabim teknik”.

Në kallëzimin e dorëzuar në Prokurorinë Komunale të Prizrenit, Nijazi Kryeziu akuzohej për veprat penale “shpërdorim i detyrës zyrtare dhe i autorizimit” dhe “falsifikim i dokumenteve zyrtare”, të parapara me Kodin e Përkohshëm Penal të Kosovës.

Kryeziu atë kohë thoshte se bëhet fjalë për një gabim teknik dhe ja kishte dal pas ‘dëshmive’ që dha që hetimet të pushonin pa shkuar fare rasti në Prokurori.

Kryeziu është diku nga fundi i listës së PDK-së, e në të është edhe Nait Hasani të cilit Kryeziu ia kishte sharë nënën në një kohë, e u largu verën që kemi lënë pas nga posti i drejtorit të Urbanizimit për tu bërë këshilltar i kryetarit të Kuvendit, Kadri Veseli raporton Periskopi

Kryeziu, që është gjithkund kur bëhet fjalë për poste e edhe pranë shefave, u përmend edhe pak muaj më parë si kandidat i mundshëm për kryetar në Prizren.

“Lufta” për të parin e “Jerusalemit” të PDK-së është ende e hapur.

Nijazi Kryeziu është pjesë e hetimeve nga Prokuroria Speciale e Kosovës, pas aktvendim për zgjerimin e hetimit, i cili fillimisht është iniciuar kundër deputetit të Partisë Demokratike të Kosovës, Adem Grabovcit.

Në mesin e zyrtarëve që po hetohen në këtë aferën “Pronto” janë Zenun Pajaziti deputet i PDK-së , ish-ministri i Zhvillimit Ekonomik, Besim Beqaj.

Për të njëjtin rast po hetohen edhe Arbenita Pajaziti, shefe e Njësisë për furnizim në Departamentin e farmacisë në Ministrinë e Shëndetësisë, Ilhami Gashi  ish- sekretar i përgjithshëm në Ministrinë e Punëve të Brendshme, Fatmir Shurdhaj ish – zëvendës ministër në Ministrinë e Punës dhe Mirëqenies Sociale, dhe Sedat.Gashi ish – Këshilltar politik në Ministrinë e Punëve të Brendshme.

Të gjithë të pandehurit dyshohen për kryerjen e dy veprave penale: Keqpërdorimi i pozitës apo autoritetit zyrtar dhe Shkelja e statusit të barabartë të shtetasve dhe banorëve të Kosovës. / Periskopi

Reklamë
Reklamë

Nënkryetari i Prizrenit thotë se nëna e të ndjerës Xheneta Gashi ka një pjesë të fajit

Nënkryetari i komunës së Prizrenit, Lulzim Kabashi ka thënë se një pjesë të fajit për vdekjen e tre vjeçares, Xheneta Gashi e ka nëna e saj, Lirije Gashi.

Periskopi.com Lajme

Në një intervistë në “Interaktiv” të KTV-së ai ka thënë se nëna e viktimës ka qenë e vetëdijshme për rrezikun që i kanosej dhe sërish kishte shkuar në atë objekt.

Lirije Gashi e mban përgjegjëse komunën për vdekjen e vajzës së saj, pasi sipas saj një zyrtare kishte urdhëruar largimin e pengesave fizike, pas të cilit veprim edhe kishte ndodhur tragjedia para nëntë muajsh, meqë një pjesë e kulmit dhe e murit të shtëpisë së vjetër ishte rrënuar dhe kishte zënë përfund vajzën e saj tre vjeçe, Xheneta Gashin.

Nëna kërkon përgjegjësi nga Komuna e Prizrenit për vdekjen e fëmijës

Ajo për Koha Ditore kishte thënë se kishte vendosur pengesa fizike në rrugën “Marin Barleti” në formë dërrasash të vjetra dhe gjësende të tjera, për të penguar afrimin e fëmijëve të saj në një shtëpi që ishte në prag të rrënimit.

Kabashi ka thënë se nuk është kompetencë e Komunës, por e nivelit qendror dhe organeve të sigurisë.

“Ky është problem i nivelit qendror dhe organeve të sigurisë. Kompetencat nuk mund të mbahen nga komuna në rastin konkret. Jo për të hequr fajin, por objekte të tilla ka shumë dhe nuk ka buxhet komuna për këto projekte”, ka thënë ai. “Një pjesë të fajit e ka edhe nëna e viktimës, pasi disa herë ka hyrë në atë objekt. Ajo edhe vet ka thënë se ishte e vetëdijshme për rrezikun dhe ishte rikthyer përsëri aty”.

Reklamë
Reklamë

Nënkryetari i Prizrenit: Po të isha në vendin e Mujës do të dorëhiqesha

Lulzim Kabashi, nënkryetari i komunës së Prizrenit, thotë se po të ishte në vendin e kryetarit të komunës, Ramadan Muja, do të dorhiqej.

Periskopi.com Lajme

Kjo për shkak se Muja po e mban postin edhe pse është i dënuar për keqpërdorim të detyrës zyrtare.

Pavarësisht kësaj, Kabashi që vjen nga radhët e AAK-së, e ka cilësuar të suksesshme bashkëqeverisjen me PDK-në në këtë komunë. Ai thotë se edhe pse Muja ka munguar në postin e tij, qeverisja e Prizrenit ishte në nivel me komunat tjera të Kosovës, por shton se Prizreni ka pasur ngecje ekonomike.

“Po të isha në vendin e Mujës, personalisht në situatë të tillë do të jepja dorëheqje”, ka thënë ai në Interaktiv të KTV-së.

“Relativisht ka qenë koalicion i suksesshëm. Nuk është mirë pa kryetar, por administrata tashmë ka një traditë të punës”.

Reklamë
Reklamë

Eqrem Kryeziu braktis LDK-në

Ish-nënkryetari i parë i Lidhjes Demokratike të Kosovës, Eqrem Kryeziu, që ishte edhe kandidat për kryetar të Prizrenit në zgjedhjet e fundit lokale të mbajtura në Kosovë, duket se ka braktisur këtë parti.

Periskopi.com Lajme

Që një kohë të gjatë ka kritika për udhëheqësit e LDK-së, por së fundmi janë bërë më të fuqishme, raporton Periskopi

Ajo që është me rëndësishmja, ai një natë më parë, kur u shënua 27 vjetori i themelimit të degës së LDK-së në Prizren nuk ishte aty.

Isa Mustafa që drejton këtë parti, kishte marrë me vete thuajse gjithë anëtarët e këtij subjekti, madje edhe Vjosa Osmanin që është ndër më kritiket, por nuk arriti ta kishte edhe Eqrem Kryeziun, raporton Periskopi

Mustafa shkroi në rrjete sociale e edhe dërguan njoftime që shënuan këtë përvjetor por nuk e panë të arsyeshme të flisnin për mungesën e Kryeziut, me të cilin mendonte të udhëhiqte këtë komunë në zgjedhjet e fundit, e me po të cili e udhëheqë Prizrenin deri në vitin 2007.

I kontaktuar nga Periskopi, Kryeziu ka dy ditë që nuk lajmërohet.

Ndryshe, Kryeziu javë më parë ka deklaruar se nuk do të jetë votues i LDK-së. E shkas për këtë ai ka thënë se janë Isa Mustafa dhe Ismet Beqiri.

“Kam deklaruar se përderisa në LDK është Isa e Ismeti nuk do të votoj atë parti”, ka thënë ai.

Këtë vit do të mbahen zgjedhjet lokale, ndërkaq nuk përjashtohen edhe ato nacionale në Kosovë.

E kohë më parë ai kishte deklaruar se fatkeqësi për Kosovën është qeveria Mustafa.

Kryeziu, gjithmonë ka pasur poste të larta në LDK, madje ishte deputetët i saj në Kuvendin e Kosovës, për disa legjislatura me radhë./ Periskopi

Festa në Prizren për 27 vjetorin e LDK-së në këtë Komunë:

 

Reklamë
Reklamë

Pushteti krenohet me degradimin e Prizrenit

Ndryshimi i pamjes urbane të Prizrenit pas më shumë se një dekade ka bërë që aktivistët e shoqërisë civile të ngrenë zërin kundërshtues për zhvillimin pa kritere të mirëfillta, përkatësisht degradimin urbanistik, teksa partitë opozitare të përfaqësuara në Kuvendin e Komunës kanë akuzuar pushtetin për lejim të këtij kaosi.

Periskopi.com Lajme

 

Përderisa të dyja këto palë e shohin si sfidë të rëndë përballjen me degradimin urban, sidomos sa i përket së ardhmes së shfrytëzimit të potencialit të qytetit, në anën tjetër zyrtarët e lartë të qeverisë komunale pohojnë se këto zhvillime janë në hap me kohën, që e çojnë Prizrenin kah përmbajtja e një qyteti metropolitan, shkruan sot Koha Ditore.

Mirëpo tashmë ka edhe vendime gjyqësore që konfirmojnë se në raste të caktuara ndërtimi i objekteve shumëkatëshe në lagje të ndryshme të qytetit është bërë me shkelje të lejeve urbanistike dhe të legjislacionit në fuqi.

Drejtori i “DokuFestit”, Eroll Bilibani, që njihet me pasionin për fotografinë gjatë fundjavës me aparatin e tij ka zënë një pamje të lagjes “Jeni Mahallë” nga pjesa e Nënkalasë, me ç’rast në mes, mezi dallohet Kisha e Shën Premtes, që aktualisht është monumenti i vetëm i Prizrenit në listën e trashëgimisë botërore të UNESCO-s. “Shumë, shumë e dhimbshme”, është shprehur Bilibani lidhur me këtë pamje.

Në këtë mënyrë ai ka ilustruar me fotografi atë që për shumë vjet e ka konstatuar organizata “EC Ma Ndryshe” gjatë monitorimit të sektorit të urbanizmit në Komunën e Prizrenit.

Reklamë
Reklamë

Tre të arrestuar për heqjen e flamujve në Prizren

Policia e Prizrenit ka arrestuar tre persona të cilët gjatë ditës së sotme me rastin e nëntë vjetorit të Pavarësisë së Kosovës, hoqën flamujt turq në këtë qytet.

Periskopi.com Lajme

Lajmin e bëri të ditur në Ora e Fundit,  Haris Dida, komandant i stacionit policor në Prizren teksa shtoi se gjatë festimeve nuk ka pasur telashe.

‘’Duke u nisur se ky vit ishte rekord nga vizitorët, mund të themi se nuk ka ndodhur asnjë incident për policinë e Kosovës në Prizren’’.

‘’Nuk ka ndodhur as edhe një incident më i vogël për të cilin mund ta potencojmë’’.

‘’Përveç dëmtimit të flamurit të Turqisë, por në bazë të veprimeve hetimore janë identifikuar tre persona të cilët janë ndaluar për procedura të mëtutjeshme’’.

‘’Në Prizren ka pasur dhe forca të shtuara të policisë me rastin e Pavarësisë së Kosovës’’.

 

Reklamë
Reklamë

MPJ dënon ashpër heqjen e dhunshme të flamujve të Turqisë në Prizren

Ministria e Punëve të Jashtme e Republikës së Kosovës, përmes një reagimi për media thotë se “dënon ashpër heqjen me dhunë të flamujve të Republikës së Turqisë në Prizren”, duke e cilësuar këtë veprim si akt vandal nga persona të papërgjegjshëm që kanë për qëllim dëmtimin e shtetit demokratik dhe multietnik të Kosovës.

Periskopi.com Lajme

Ministria e Punëve të Jashtme kërkon që autorët të vihen para drejtësisë dhe të japin përgjegjësi për veprimet e tyre të papërgjegjshme dhe të dëmshme.

Ministri i Jashtëm, Enver Hoxhaj ka komunikuar me Ambasadoren e Turqisë në Kosovë ku e ka dënuar ashpër aktin si të tillë.

“Marrëdhëniet e Kosovës me Turqinë janë të shkëlqyera dhe si të tilla ato nuk do të pengohen e as dëmtohen nga kurrfarë akti vandal e të izoluar që nuk ja duan të mirën Kosovës dhe marrëdhënieve tona miqësore me Turqinë”, ka deklaruar ministri Hoxhaj, citon komunikata e MPJ-së.

Reklamë
Reklamë

Gjetja arkeologjike në Sheshin e Lidhjes pa masa mbrojtëse kundër ngricave (Foto)

Gjetja arkeologjike në Sheshin e Lidhjes në Prizren edhe gjatë këtij dimri ka mbetur pa masa mbrojtëse kundër ngricave. Kjo gjetje, ka mbetur e hapur prej vitit 2015, duke iu nënshtruar kushteve të jashtme, ndërkohë që ditëve të fundit është mbuluar nga bora dhe moti i ftohtë përkatësisht ngricat.

Periskopi.com Lajme

Instituti Arkeologjik i Kosovës gjatë vitit 2016 ka vazhduar gërmimet me karakter shpëtimi në Sheshin e Lidhjes dhe ka konstatuar se bëhet fjalë për një mbetje arkitektonike të periudhës klasike romake, përkatësisht të shekullit II-III. Njëkohësisht ka paralajmëruar mbulimin provizor të monumentit për ta mbrojtur gjatë stinës së dimrit.

Bazuar në vëzhgimin në terren, në këtë hapësirë nuk është vërejtur zbatimi i ndonjë mase mbrojtëse kundër borës e ngricave.

EC Ma Ndryshe përkujton se edhe një vit më parë pat reaguar, duke kërkuar aplikimin e masave mbrojtëse në këtë lokalitet arkeologjik, i cili qe zbuluar në fund të vitit 2014, gjatë punimeve infrastrukturore në Sheshin e Lidhjes. Vitin e kaluar si pasojë e motit të ftohtë pat ardhur deri te shpërthimi i gypave të ujit që kalojnë nëpër këtë hapësirë, duke mbuluar kështu me ujë pjesë të caktuara të lokalitetit.

Prandaj, EC sërish i bën thirrje institucioneve përgjegjëse që këtë vlerë të trashëgimisë kulturore ta trajtojnë me seriozitet, të ndërmarrin veprime adekuate për mbrojtje gjatë të ftohtit, dhe në kohën më të shkurtër të fillojë trajtimi profesional i lokalitetit konform legjislacionit dhe praktikave të mira për mbrojtjen e trashëgimisë arkeologjike, në mënyrë që ai të vihet në shërbim të publikut dhe vizitorëve të Prizrenit./ Periskopi

gjetja-arkeologjike_sheshi-i-lidhjes-1 gjetja-arkeologjike_sheshi-i-lidhjes-2

Reklamë
Reklamë

KEDS-i njofton se Prishtina e Prizreni do të mbesin pa rrymë

KEDS-i njofton se për shkak të kërkesës së KOST-it është i obliguar të ndalë transformatorët 110/10 kilovotësh Prishtina 3 dhe 110/10 kilovotesh Prizreni 1, njofton Klan Kosova.

Periskopi.com Lajme

 

Ndalesa do të zgjasë sipas kërkesës për 90 minuta mesditën e ditës së sotme,  përkatësisht nga ora 12:00 deri në ora 13:30.

Nga kjo ndalesë do të ketë ndërprerje të energjisë elektrike për pjesën qendrore të Prishtinës dhe qytetit të Prizrenit me rrethinë.

Reklamë
Reklamë

Shumë bizneseve falimentuan, bie numri i bizneseve të reja

Numri i subjekteve afariste që po shuhen në Prizren, në bazë të të dhënave të Qendrës Komunale të Regjistrimit të Bizneseve është duke u rritur nga viti në vit. Në të njëjtën kohë edhe numri i regjistrimit të bizneseve të reja po ulet gradualisht.

Periskopi.com Lajme

 

“Në bazë të të dhënave të Qendrës Komunale të Regjistrimit të Bizneseve në Prizren gjatë vitit 2016 janë regjistruar 657 biznese të reja dhe janë shuar 262 biznese”, ka thënë Ertan Simitçi, drejtor i Ekonomisë dhe i Financave në Komunën e Prizrenit, shkruan sot “Koha Ditore”.

Ndërkaq, në vitin 2015, në Komunën e Prizrenit janë regjistruar 698 biznese të reja dhe janë shuar 257 biznese. E në vitin 2014 qenë regjistruar 802 biznese dhe ishin shuar 199 sosh.

Reklamë
Reklamë

Lypsari në Prizren, i shtrirë në borë në -13 gradë

Fotoja të cilën e ka siguruar Telegrafi, është bërë para pak çastesh në Prizren.

Periskopi.com Lajme

Në të shihet një lypsar, një nevojtar, që është shtrirë në borë, tek Sheshi Shatërvan.

Ndërkaq, temperatura në kohën kur është bërë fotoja ishte minues 13 gradë Celsius.

Shqipëria, dhe shumë shtete tjera, si rezultat i temperaturave të ulëta, shtresat e rrezikuara sociale i ka vendosur në strehimore të veçanta.

Deri në këto çaste, temperatura më e ulët në Kosovë ka shënuar -17 gradë. Mirëpo, në orët e hershme të mëngjesit ajo pritet të zbresë në -24.

Reklamë
Reklamë

Zhduket një vajzë nga Prizreni

Policia e Kosovës bën të ditur se është zhdukur një vajzë nga Prizreni. Rastin sipas tyre e ka njoftuar nëna e së zhdukurës.

Periskopi.com Lajme

Kjo ka ndodhur më datë 05 të janarit në orët e hershme të mëngjesit.

“Ankuesja femër K-Shqiptare ka raportuar se vajza e saj është larguar nga shtëpia dhe nuk dihet asgjë për vendndodhjen e saj”, bën të ditur Policia.

Reklamë
Reklamë

Orteku i borës në Reçan të Prizrenit për pak të ishte fatal (Video)

Bora e madhe që ka filluar të bie gati që 40 gati në vendin tonë, ka vështirësuar qarkullimin si në rrugë nacionale ashtu edhe në ato lokale.

Periskopi.com Lajme

Është raportuar për bllokim të shumë fshatrave në gjithë vendin, derisa janë shkaktuar edhe një numër i madh i aksidenteve në komunikacion.

Përveç kësaj, udhëtarët janë rrezikuar edhe në rrugë ka bora e madhe, por edhe nga rrëshqitjet e borës nga malet, raporton lajmi.net.

Në fshatin Reçan të Prizrenit, në rrugën që lidhe Ferizaj me Prizrenin, një ortek i borës për pak sa nuk ka qenë fatal për disa udhëtar.

Lajmi.net ju sjellë videon ku orteku i borës bllokon rrugën dhe udhëtarët në veturë shpëtojnë për një qime floku.

Reklamë
Reklamë

Kërcënim me kallashnikov në pikë të ditës te Stacioni i Autobusëve në Prizren (Video)

KTV-ja ka siguruar pamjet ekskluzive të një incidenti me armë që ka ndodhur dje në Stacionin e Autobusëve në qytetin e Prizrenit.

Periskopi.com Lajme

Në këto pamje shihet një qytetar i armatosur me kallashnikov duke e kërcënuar një qytetar tjetër.

Sipas raportit policor, askush nuk është lënduar dhe pas intervenimit të Policisë, personi që ka kërcënuar është arrestuar.

Raportohet se persona e përfshirë në incident njihen me njëri – tjetrin.

Reklamë
Reklamë

Ja si ndodhi vrasja në Prizren

Zëdhënësi i Policisë së Kosovës për rajonin e Prizrenit, Hazir Berisha ka rrëfyer për Gazetën Blic tërë ngjarjen se si ka ndodhur vrasja në këtë komunë.

Periskopi.com Lajme

Ai tha se kjo vrasje ka qenë aksidentale. Sipas tij, autori i dyshuar që e ka kryer vrasjen, 20 vjeçari, që ishte edhe nipi i të vrarit, aksidentalisht ka shtënë në drejtim të xhaxhit.

“Dje pasdite rreth orës 16:00, dy vëllezër e kanë marrë edhe nipin ose djalin e vëllait me vete  dhe kanë dalë afër shtëpive me një livadh, që t’i provojnë dy pistoleta për të gjuajtur. Dhe pasi kanë gjuajtur këta me siguri i`a kanë dhënë pistoletën edhe djalit të vëllait, por ai i ri në moshë diku i vitit 96-të, është i lindur”, tha Haziri për Gazetën Blic.

Sipas tij, ai aksidentalisht e ka shkrepur revolen edhe e ka shkrep në drejtim të xhaxhait të tij. “Viktima ka fituar një plumb, e kanë dërguar menjëherë në emergjencën e spitalit rajonal në Prizren, por plaga ka qenë shumë e rëndë dhe s’ka mundur të mbijetoj”, tregon Berisha.

Sipas tij, Policia e Prizrenit ka dal në vendin e ngjarjes  i kanë kryer procedurat.

“Në vendin e ngjarjes ka qenë edhe prokurori i rastit dhe kryeprokurori. Ai tha se janë konfiskuar dy pistoleta  dhe disa fishekë, më duket 14 fishekë dhe pastaj është bastisur edhe një shtëpi edhe aty është konfiskuar  një pushkë e gjuetisë. Kjo është  përgjithësisht ngjarja, kufoma ka shkuar  për autopsi, kurse i dyshuari është ndalur nën masën e arrestit”, tha ai për Gazetën Blic.

Reklamë
Reklamë