Gjendjen tre mjete të shpërthyese kineze, në një shtëpi në Prishtinë

Gjatë ditës së djeshme në Prishtinë, më saktësisht në fshatin Grashticë, janë gjetur mjete shpërthyese.

Periskopi.com Lajme

Sipas raportit policor, një mashkull ka treguar se në një shtëpi të pa banuar ka gjetur tre predha të pashpërthyera të llojit RPG 85 mm që ishin prodhim kinez.

Në vendin e ngjarjes kanë dalë njësiti për dominim i FSK-së, të cilët edhe kanë arritur t’i marrin me vete mjetet e pa shpërthyera.

Policia ka raportuar se nuk ka ndodhur asnjë incident.

Zjarr në një ndërtesë në Prishtinë, digjet njehsorët, askush nuk merr përgjegjësi (Foto)

Sot në mesditë është parë zjarr në një ndërtesë në Prishtinë.

Periskopi.com Lajme

Ngjarja ka ndodhur në rrugën “Avdullah Presheva” në lagjen “Mati 1”, raporton periskopi

Sipas fotografive të siguruara nga Periskopi shihet gjendje e tmerrshme pas zjarrit, se si janë dëmtuar njehsorët elektrik tërësisht.

Banorët e këtij objekti thonë se përveç zjarrëfiksëve askush nuk ka reaguar, pra KEDS.

I gjithë objekti është mbushur me tym, dhe ishte rrezik për banorët e objektit kolektiv.

Pa energji kanë mbetur 56 familje, e përveç energjisë, dritave në këtë rast, ata nuk kanë as ngrohje, meqë përmes rrymës funksionojnë./ Periskopi

16409194_10207885146398924_553990097_o 16402412_10207885146238920_544279122_n 16426716_10207885144958888_268080213_n  16395934_10207885141638805_624925953_n 16402125_10207885141078791_711377356_n 16402296_10207885140238770_729717905_n 16426663_10207885139398749_1912605937_n 16425248_10207885133518602_1143159248_n

Rihapet Aeroporti i Prishtinës, realizohen disa fluturime

Pas disa problemeve që kishte pasur Aeroporti i Prishtinës gjatë ditës së sotme për shkak të motit të ligë, ai është rihapur përsëri, bëhet e ditur përmes një komunikate për media.

Periskopi.com Lajme

Moti i ligë ka detyruar sot zyrtarët e Aeroportit Ndërkombëtar të Prishtinës “Adem Jashari” të anulojnë ose të ndërrojnë drejtim të të gjitha fluturimeve në ardhje.

Sot janë realizuar fluturimet Bazel – Prishtinë dhe anasjelltas, Prishtinë – Zurich, dhe Stamboll- Prishtinë, thuhet në komunikatë.

46 fluturime për sot ishin të planifikuara, dhe deri më tani janë realizuar 7 fluturime, 5 shkuarje e 2 ardhje, ndërsa pritet të realizohen edhe 8 fluturime, ka konfirmuar Unidon Krasniqi, zëdhënës i aeroportit.

“Janë realizuar 7 fluturime, 5 shkuarje e 2 arritje e presim që të realizohen dhe 8 fluturime që ende janë në plan të operohen në orët e vona të mbrëmjes, disa fluturime për shkak të kushteve të rënduara atmosferike janë anuluar, ndërsa një pjesë e tyre janë transferuar dhe pritet të realizohen nesër”, ka shkruar Krasniqi në Facebook.

Ai më tutje ka thënë se, “lusim udhëtaret që për fluturimet e parealizuara të kontaktojnë kompanitë ajrore përkatëse për të aranzhuar itinerarin e ri të fluturimeve dhe informacione shtesë”.

Komuna e Prishtinës shpall gjendje të jashtëzakonshme për 48 orët e ardhshme

Duke i pasur parasysh reshjet e vazhdueshme të borës, temperaturat shumë të ulëta dhe vështirësitë që këto kushte mund t'i sjellin në qarkullim, Komuna e Prishtinës ka shpallur gjendje të jashtëzakonshme për 48 orët e radhës.

Periskopi.com Lajme

“Të gjitha kompanitë e kontraktuara për pastrimin e rrugëve, me të gjitha kapacitetet që kanë duhet të jenë në terren. Përveç 8 kompanive aktuale, do të angazhohet edhe një kompani shtesë, në mënyrë që sa më shpejt të përmirësohet situata si në rrugët në qytet ashtu edhe në rrugët nëpër fshatra të Komunës së Prishtinës”, thuhet në njoftimin e Komunës së Prishtinës.

Komuna e Prishtinës u bënë thirrje edhe njëherë qytetarëve që të mos ngasin automjetet e tyre pa pajisjet dimërore, si dhe të mos parkojnë makinat në vendet ku pengojnë kompanitë e pastrimit të kryejnë punët e tyre.

“Masat e tilla të ndërmarra janë për të shmangur bllokimet dhe aksidentet eventuale, megjithëse deri më tani të gjitha rrugët kryesore janë të kalueshme”, thuhet në njoftim.

Nikoliq nuk vjen në Republikën e Kosovës

Presidenti i Serbisë, Tomisllav Nikoliq megjithatë nuk do të vije në Kosovë për kremten e Krishtlindjes Ortodokse.

Periskopi.com Lajme

Sipas mediave serbe, “arsyeja e anulimit të vizitës është ndryshimi i planit për shkak të jokorrektësisë së autoriteteve në Prishtinë, të cilët në kalimin kufitar për disa orë i kanë maltretuar me pritje bashkëpunëtorët me të afërt të Nikoliqit”, transmeton lajmi.net.

Nikoliq kishte paralajmëruar dje ardhjen për nesër në Kosovë. Ai do të ndalej në Shtërpcë. Më herët lajmi.net raporti se MPJ-ja e Kosovës ende nuk i kishte dhënë leje Nikoliqit për hyrjen në Kosovë.

Komuna e Prishtinës do t’i gjobisë me nga 100 euro ata që përdorin mjete piroteknike

Periskopi.com Video

Mesha se Krishtlindjes 2016 në Prishtinë (Drejtpërdrejtë)

Besimtarët e fesë katolike në Kosovë, të prirë nga Ipeshkvi i Kosovës, Imzot Dodë Gjergji, po mbajnë Meshën e Vigjiljes së Krishtlindjes në Katedralen “Nënë Tereza” Prishtinë.

Periskopi.com Lajme

Aty po marrin pjesë besimtarë katolikë, ndër ta edhe personalitete të njohura për opinionin.

 

Ministri i Infrastrukturës: Shpejt linja hekurudhore Prishtinë-Durrës

Ministri i Infrastrukturës Lutfi Zharku mori pjesë në konferencën e katër të ambasadorëve e organizuar nga Ministria e Punëve të Jashtme të Kosovës.

Periskopi.com Uncategorized

Ministri Zharku foli lidhur me “Partneritetin strategjik Kosovë – Shqipëri” dhe zhvillimin ekonomik në sektorin e energjisë dhe transportit.

“Sa i përket turizmit të gjithë jemi dëshmitarë të një rritje enorme të turistëve nga Kosova në Shqipëri, e cila për shumë qytetarë të Kosovës ka filluar të konsiderohet si shtëpi e dytë përmes blerjeve të patundshmërive të ndryshme. Në anën tjetër është shumë shpresëdhënëse edhe rritja në vazhdimësi e turistëve nga Shqipëria në Kosovë. Natyrisht, ky zhvillim i hovshshëm, qoftë i turizmit apo shkëmbimeve tregtare midis vendeve tona është arritur vetëm pas ndërtimit të rrugës së kombit gjegjësisht autostradës “Ibrahim Rugova”. Jam shumë i bindur se ky projekt madhor infrastrukturor është themeli i partneritetit strategjik midis vendeve tona. Besoj se të gjithë pajtohemi që në një të ardhme jo të largët ne duhet ta plotësojmë këtë vepër edhe me linjën hekurudhore Prishtinë – Durrës”, tha Zharku, raporton Periskopi

Ai tha se tashmë ka një rritje të shkëmbimeve tregtare Kosova, por  ende nuk e ka partner kryesor tregtar Shqipërinë. Me këtë rast, sipas tij, pa dyshim se edhe bizneset mbajnë barrë të madhe të fajit.

“Bizneset e të dyja vendeve ende nuk e kanë njëra-tjetrën zgjidhje të parë. Poashtu, barrierat e ndryshme administrative nga të dyja palët ende janë prezentë. Në bazë të marrëveshjes aktuale ne kemi të liberalizuar transportin bilateral por ende e kemi nën regjimin e lejeve transportin për dhe nga vendet e treta. Kemi të përcaktuar një numër simbolik të lejeve, të cilat nuk shfrytëzohen. Vitin e kaluar jemi ballafaquar me problemin e tahografëve, që do të duhej të zgjidhej përmes marrëveshjes së nënshkruar në mbledhjen e fundit të dy qeverive. Partneriteti strategjik nënkupton përkrahjen e njëra-tjetrës për zgjidhjen e problemeve më palët e treta ku kanë ndikim e jo krijimi i vështirësive për njëra-tjetrën”, tha ai./ Periskopi

I rrezikshëm aktualisht ajri në Prishtinë

Cilësia i ajrit në Prishtinë tash e sa kohë del të jetë e pashëndetshme, e as mbrëmja e sotme nuk është përjashtim.

Periskopi.com Lajme

Sipas matësve të vënë nga Ambasada Amerikane në Prishtinë, kryeqyteti sot është zgjuar me cilësi relativisht të mirë të ajrit, por që kjo gjendje është përkeqësuar në orët e mbrëmjes.

Por tani, në matjet që janë bërë në orën 21:00, del se niveli i cilësisë së ajrit ka arritur në shkallën 317 ppm e që cilësohet si “i rrezikshëm”.

ajrii

Çdokush mund të përjetojë efekte në shëndet: anëtarët e grupeve të ndjeshme mund të përjetojnë efekte më serioze në shëndet. Fëmijët aktivë dhe të rriturit, njerëzit me probleme me frymëmarrje si astma duhet t’i shmangin ushtrimet e tejzgjatura në natyrë: çdokush e sidomos fëmijët duhet t’i shmangin ushtrimet e tejzgjatura në natyrë.

Në sajtin e Ambasadës Amerikane sqarohet se ndotja e ajrit paraqet problemin kryesor shëndetësor, me të cilin përballen me miliona njerëz në botë.

Monitori i cilësisë së ajrit i vendosur në ambasadë mat ajrin në Prishtinë çdo një orë, duke përllogaritur kështu masën e pluhurit, ndotjen, tymin, përmbajtjen e karbonit dhe të lagështisë.

Ujë me baltë në Prishtinë (Video)

Ka disa ditë që disa lagje në kryeqytet kanë ndërprerje të gjata të ujit.

Periskopi.com Lajme

Madje në disa prej tyre, pas reduktimeve të gjata të ujit është i pa përdorshëm, ngase është i përzier me baltë.

Disa lexues të Periskopit, kanë dërguar video nga lagja që njihen si “Prishtina e Vjetër”, e që shihet se uji është i përzier me baltë.

Ai ka krejtësisht ngjyrë dhe në këtë gjendje ka vazhduar për rreth 1 orë./ Periskopi

 

Protestë kundër ndotjes së ajrit në Prishtinë (Foto)

Dhjetëra qytetarë janë mbledhur sot për të protestuar kundër ndotjes se ajrit në Prishtinë e cila ditëve të fundit ka arritur deri në nivelet e rrezikshmërisë.

Periskopi.com Lajme

Protesta e cila është paraparë të fillojë nga ora 16 e deri në orën 18 ka bërë që qytetarët të vendosin maska në fytyrë kundër siç e quajnë ata vrasësit të padukshëm.

Lajm i mirë: Përmirësohet cilësia e ajrit në Prishtinë, mund të merrni frymë lirshëm

Krahasuar me ditët e kaluara, sot gjenda e ajrit në Prishtinë është normalizuar.

Periskopi.com Lajme

Matja e fundit që është bërë në orën 18:00 nga Qendra për matjen e cilësisë së ajrit, tregon se cilësia e ajrit është mesatarisht e mirë.

Nga 219 sa kishte shkuar javën e kaluar cilësia e ajrit që ishte shumë e pashëndetshme, sot ka rënë në 68 ppm (grimca në milion)./Telegrafi/

Në qendër të Prishtinës dikur kishte pishinë (Foto)

Shumëkush nuk e di si është dukur Prishtina para luftës së vitit ’99.

Periskopi.com Lajme

Disa fotografi të vjetra tregojnë se nuk kishte ndërtime pa plan, kishte vetura të thuajse një modeli, funksiononte trafiku urban, e mbi të gjitha kishte pishinë në qendër të Prishtinës.

Vetëm ata që janë prishtinas të vjetër e dinë ku i bie kjo pjesë.

Ka fotografi edhe nga rrugicat e Prishtinës së vjetër, që tani i bie të jetë përreth gjimnazit “Sami Frashëri”, e shihet që shumëçka në atë kohë ishte në rregull me këtë qytet.

Këto fotografi janë postuar tek Albanian Vintage Photography, të cilat janë gjetur në arkiva dhe përpunuar nga persona të ndryshëm.

Keni pamje edhe nga Dragodani, ku më së miri shihen ndërtimet e asaj kohe në Prishtinë./ Periskopi

 

 

Prishtina e vjeter 12373425_10207914978529854_1262591625601224000_n 12342456_10207914977969840_6660208556843898199_n 12347721_10207914977129819_7882259524686473811_n 12316524_10207914972449702_1397602436102009766_n 12321634_10207914971769685_3569937486890931272_n 12347790_10207914970569655_4172144274723947442_n 12366287_10207914966569555_974846496087311316_n 12366255_10207914961569430_7855566774647866344_n 12342299_10207914953089218_3736758062770397047_n 12342484_10207914937848837_7333513256418555641_n 12360337_10207914924168495_2481295694628625751_n 12376612_10207914919488378_591027572511788581_n

Bëni kontrolle për qafën e mitrës, shpëtoni jetën

Kryetari i Prishtinës, Shpend Ahmeti thotë se një kontroll i shkurtër shpëton jetën, dhe bënë të ditur se ka arritur në 1500 numri i ekzaminimeve në kontrollet për kancerin e qafës së mitrës.

Periskopi.com Shëndeti

AI thotë se para 3 muajsh ka filluar skriningu për kancerin e qafës së mitrës, përmes të cilit pacientet potencialisht të shëndosha kontrollohen si masë parandaluese ndaj sëmundjes eventuale.

“Deri sot janë ekzaminuar 1500 gra në Komunën e Prishtinës. Nga ky numër, 10.4% e grave kanë rezultuar me ndryshime të natyrave të llojllojshme. Nga kjo shifër, disa nga gratë e ekzaminuara janë zbuluar se kanë kancer në fazën e parë, dhe me intervenimet më të thjeshta me kosto shumë më të vogël, ato do të shërohen. Ky skrining do të vazhdojë dhe do të bëhen edhe skriningje tjera në mënyrë që parandalimi dhe vetëdijesimi të mbeten synimet kryesore të Kujdesit Parësor Shëndetësor në Komunën e Prishtinës”, thotë ai, raporton Periskopi

AHmeti ka falënderuar dr. Zarife Miftari nga zyra e UNFPA-së, dr. Sami Ukën nga zyra e OBSH-së, prof. dr. Syzana Manxhuka dhe dr.Labinot Shahini nga Bordi për Kontroll të kancerit, dr. Merita Vuthaj nga Ministria e Shëndetësisë, dr. Ramadan Sopa nga SHSKUK-ja. Në veçanti falënderojmë menaxhmentin e QKMF-së, bashkë me dr. Erzen Begollin, dr. Vjollca Zeqiri, dr. Sabahate Lleshi, dr. Florina Ushaku-Grezda dhe gjithë ekipin pjesëmarrës në këtë skrining, për punën dhe profesionalizmin e tyre.

“Ky projekt në mes të tjerash ka treguar se bashkëpunimi korrekt ndërinstitucional, çdo herë shoqërohet me rezultate konkrete dhe rritje të cilësisë së shërbimeve për qytetarët dhe parandalimin efikas të shumë problemeve me të cilat përballet Shëndetësia”, thotë Ahmeti./ Periskopi

shperthim ne Prishtine

Shpërthim i fuqishëm në qendër të Prishtinës, krejt pranë turmës ku po mbahej koncerti (Foto)

Një shpërthim i fuqishëm ka ndodh para pak çastesh në qendër të Prishtinës, në sheshin "Zahir Pajaziti".

Periskopi.com Lajme

Zhurma e shpërthimit është dëgjuar shumë larg, ndërsa kjo ka ndodhur shumë pranë kafeneve të vogla “Verë n’Dimër”, raporton Periskopi

Policia ka dal në vendin e ngjarjes, por ende nuk dihet se çfarë ka qenë mjeti shpërthyes. Shpërthimi ka ndodhur krejt pak qaste pasi ka përfunduar koncerti i grupit “Troja” në shesh, ku ende kishte turma njerëzish përreth.

Nga shpërthimi është dëmtuar dyqani që ndodhet pranë, në murin e së cilit është hedhur mjeti.

Policia nuk japin detaje, por Periskopi merr vesh se ata tashmë kanë të dyshuarin. Kjo është arritur përmes kamerave të sigurisë, madje edhe e kanë përshkrimin e tij.

Nuk ka pasur të lënduar./ Periskopi

shperthim 15435751_1125139094272175_1222137391_n 14741563_1125134777605940_1523070501_n 15387521_1125127624273322_1905257251_o 15387413_1125120707607347_517203655_o 15387586_1125120570940694_610894031_o

Fakte të reja për ajrin e ndotur në Prishtinë, ka pjesë ku nuk guxojnë as të kalojnë fëmijët

Përafërsisht 9,500 qytetarë vdesin çdo vit në Londër për shkak të ekspozimit afat-gjatë në ajër të ndotur. Vdekjet e parakohshme vijnë si pasojë e dy ndotësve kryesorë: grimcave të imta të njohura si PM2.5 dhe gazit toksik, i njohur si dioksidi i azotit (NO2).

Periskopi.com Lajme

Ndotja e ajrit vazhdon edhe më tej të mbetet problem alarmant në Kosovë, e organizata PEN dhe Lëvizja Shkenca për Ndryshim pas matjeve të kualitetit të ajrit kanë ardhur në përfundim:

1) Ndotja e ajrit në Prishtinë me NO2 është një problem i vazhdueshëm, që shpesh kalon disa herë vlerat e EU-së dhe OBSH-së.

2) Gjatë periudhës së dimrit gjendja bëhet edhe më alarmante, duke regjistruar vlera deri në 3-herë më të larta nga ato të EU-së dhe OBSH-së;

3) Nivelet më të ulta të ndotjes së ajrit me NO2 mbesin gjatë periudhës së verës dhe vjeshtës së hershme;

4) Të dhënat tona tregojnë se përafërsisht zona më alarmante me ndotje të lartë me NO2 është trekëndëshi ndërmjet Stacionit të Autobusëve, Hotelit Grand dhe Bregut të Diellit;

5) Çdokush – sidomos grupet më të ndjeshme sikurse fëmijët, të moshuarit dhe personat që vuajnë me sëmundje respiratore – që kalon kohë në zonën e përmendur në pikën 4-ër, i ekspozohet një ndotje të lartë dhe të rrezikshme për shëndetin e tyre;

6) Shpeshherë, gazi toksik NO2 akumulohet edhe brenda ndërtesave, prandaj një hulumtim më i thellë duhet bërë;

7) Matjet të cilat i kemi bërë, janë matje jo-digjitale, por përmes tubave difuziv, të cilët japin vlerën mesatare, rezultatet e të cilave janë çertifikuar në Londër;

8) Burimi i ndotjes me NO2 është kombinimi i trafikut të dendur dhe emetimeve nga Termocentralet A dhe B;

9) Të dhënat tona tregojnë se nivelet e larta me gazin toksik NO2 kanë një ndikim të madh në shëndetin e qytetarëve dhe që kërkon masa të mënjehershme për të përmirësuar situatën;

10) Në fund, ajo që vlen të theksohet është se matjet e ndotjes së ajrit, të bëra nga PEN dhe Lëvizja Shkenca për Ndryshim, janë matje lokale dhe të lëvizshme, për dallim nga matjet që bëhen nga institucionet shtetërore që janë matje të përgjithshme dhe statike.

Matjet e PEN dhe Lëvizjes Shkenca për Ndryshim, kanë avantazh ndaj atyre të institucioneve shtetërore, sepse ndotja mund të ndryshojë nga rruga në rruge, nga lagja në lagje, dhe si pasojë të neglizhohet nga matësit statikë dhe të zbulohet më lehtë nga matësit e levizshëm në nivel lokal.

KAMPANJA DHE AKSIONE KUNDËR NDOTJES SË AJRIT

PEN dhe Lëvizja Shkenca për Ndryshim, në kuadër të projektit “Making Sense EU”, që nga Gushti i vitit 2016 kanë filluar të bëjnë matje edhe të mikro-grimcave PM2.5 (mikro-grimca të cilat kanë një diametër më të vogël se 2.5 mikrometër). Këto grimca janë ndër shkaktarët kryesorë të sëmundjeve të ndryshme, duke përfshirë kancerin e mushkërive dhe sëmundje tjera respiratore. Matjet e para janë testuar gjatë Festivalit Dokufest në Prizren, ku me ç’rast është publikuar edhe një analizë e shkurtër që theksonte faktin se rezultatet nga Prizreni tregonin nivele të larta të ndotjes me PM2.5, madje katër herë më i lartë sesa limiti i Organizatës Botërore të Shëndetësisë (Organizata Botërore e Shëndetësisë rekomandon që niveli mesatar i mikrogrimcave PM2.5, gjatë 24-orëve, të mos jetë më i lartë se 25ug/m3.).

Së bashku me një interpretim të rezultateve nga matjet e ndotjes me PM2.5 gjatë periudhës Shtator-Tetor 2016, PEN dhe Lëvizja Shkenca për Ndryshim do të fillojnë së shpejti një kampanjë përmes së cilës do të ndërmarrin aksione direkte që kanë të bëjnë me ngritjen e çështjes së ndotjes së ajrit në diskursin publik dhe të kërkojë më shumë transparencë në informimin e drejtë dhe të shpejtë të qytetarëve mbi ndotjen e ajrit nga institucionet relevante./ Periksopi

 

 

 

Përplasje në Kuvendin e Prishtinës, ndryshon kostoja për leje ndërtimore por s’kalon “Kodrina” [Video]

Me 33 vota për, 8 kundër e 5 abstenime, Kuvendi Komunal i Prishtinës ka miratuar rregulloren për “Taksën administrative për dhënie e lejes ndërtimore dhe tarifën për rregullimin e infrastrukturës”.

Periskopi.com Lajme

Me këtë ndryshim, do të ketë rritje të taksës për dhënien e lejes së ndërtimit.

Kundër kësaj rritjeje, ishte vetëm PDK-ja. Shefi i këtij grupi, Lirak Çelaj, tha se kjo rritje e çmimit do t’i dëmtojë shumë familje që jetojnë bashkë për shkak të kushteve ekonomike, dhe kjo do të ndikojë keq në çmim.

Por, për ekzekutivin, kjo taksë është e vogël edhe pas rritjes.

Sipas tij, kjo politikë, do t’i ndalë ndërtimet dhe të rrisë infrastrukturën, pasi që nga paslufta, me ose pa leje, në ndërtime janë investuar mbi 2.5 miliardë euro, ndërsa në infrastrukturë vetëm 150 milionë euro.

Ndryshe, me shumicë votash është miratuar edhe propozim-vendimi për fillimin e hartimit të planit rregullues të hollësishëm për tërësinë urbane të lagjes Prishtina e Re – zona lindje.

214 kilogramë mbeturina i grumbullon një prishtinas në vit

Agjencia e Statistikave të Kosovës (ASK) ka publikuar rezultatet e Anketës së Mbeturinave Komunale (AMK) për vitin 2015.

Periskopi.com Lajme

Rezultatet e AMK-së 2015 tregojnë se sasia e mbeturinave komunale, të grumbulluara në Kosovë për vitin 2015,  ka qenë 319 034 tonë.

Të dhënat e vitit 2015 tregojnë se mesatarja e mbeturinave komunale të grumbulluara ka qenë 177 kg për banor në vi, raporton Periskopi

Për sa u përket rajoneve të Kosovës, vërehet dallim i theksuara ndërmjet rajonit të Prishtinës dhe rajoneve të tjera, si p.sh.: në rajonet e tjera në Kosovë, sasia e mbeturinave komunale të grumbulluara ka qenë 163 kg për banor në vit, ndërsa në rajonin e Prishtinës ka qenë 214 kg për banor në vit.

Në Prishtinë dhe rajonin e saj, grumbullimi i mbeturinave komunale ka qenë  0.59 kg në ditë për banor.

Në rajonet e tjera të Kosovës, sasia e mbeturinave komunale të gjeneruara për banor në ditë ka qenë 0.45 kg.

 

Ndërkaq, në tërë Kosovën, mesatarja e mbeturinave të grumbulluara për banor në ditë, ka qenë 0.48 kg./ Periskopi

 

 

Kështu dukej çerdhja në Prishtinë, 79 vite më parë (Foto)

Çerdhja e parë në Prishtinë ishte hapur në vitin 1937, vendodhja e saj ishte tek “ 4 Llullat”.

Periskopi.com Lajme

Shihet se edhe në atë kohë pjesëtar të çerdhes kanë qenë një numër i konsiderueshëm i fëmijëve.

Sot kjo gjeneratë në fotografi i përket një moshe të shtyrë.

cerdhja2_1480256857-4005353

Blej Shqip në qendër të Prishtinës (Foto)

Të dielën në Prishtinë është hapur panairi "Blej Shqip".

Periskopi.com Lajme

Ky panairi i organizuar nga Komuna e Prishtinës dhe Ministria e Zhvillimit Ekonomik, Turizmit, Tregtisë dhe Sipërmarrjes së Shqipërisë, tashmë është bërë tradicional.

Çdo gjë vendore, e punuar dhe prodhuar mund të gjendet aty.

Në panair po marrin pjesë rreth 120 prodhues dhe kompani shqiptare nga Republika e Kosovës, e Shqipërisë dhe Maqedonisë. Panairi do të jetë i hapur tri ditë radhë.

Gjatë ditës drejtori Genc Bashota dhe Ambasadori Qemal Minxhozi vizituan panairin.

U tha se duhet lënë retorikën e fjalëve, e duhet të punohet që prodhimet shqiptare të mbizotërojnë në të gjitha trojet tona.

Iniciativa Blej Shqip u konkretizua nga ide në projekt në pranverën e vitit 2010.

E iniciuar në atë kohë nga Rrjeti i Organizatave Shqiptare (RrOSH) projekti ‘Blej Shqip’ synonte të nxiste konsumatorët shqiptarë të blejnë produkte dhe shërbime shqiptare. Për gati çdo vit “Blej shqip” organizoi në Tiranë e Prishtinë panaire e aktivitete që kishin për qëllimin lidhjen shkëmbimin dhe promovimin e prodhimeve dhe shërbimeve shqiptare./ Periskopi

Blej Shqip  15235476_1359936890686118_2362729833314316690_o