Presidenti i Brazilit akuzohet për drejtimin e një organizate të rrezikshme kriminale

Periskopi.com Lajme

Presidenti brazilian, Michel Temer është akuzuar se po drejton organizatën më të rrezikshme kriminale në vend.

Akuzat vijnë nga menjati i agro-ushqimores Joesley Batisa, i cili në mes të majit i dorëzoi autoriteteve një regjistrim zanor në të cilin Temer duket se bie dakord për të blerë heshtjen e një ish-deputeti që aktualisht ndodhet në burg.

Publikimet e Batisa mund të jenë fatale për presidentin.

Këto fakte detyruan Gjykatën Supreme për t’i dhënë dritën jeshile nisjes së një hetimi kundër kreut të shtetit në Brazil për korrupsion pasiv dhe pengim të drejtësisë.

Që nga ajo kohë thirrjet për dorëheqje janë rritur ndjeshëm, por Temer mohon akuzat në tërësi dhe refuzon në mënyrë kategorike për të lënë në mes detyrën.

 

 

Presidenti i Filipineve-ushtarëve: Mund të përdhunoni deri në tri femra, unë shkoj në burg për ju

Periskopi.com Lajme

Presidenti i Filipineve është ndeshur me kritika të ashpra, pas një shkakaje të “pavend” për përdhunimin, me ushtarët duke nxitur edhe reagimin e vajzës së Hillary Clinton.

Duke folur në një kamp pas vendosjes së ligjit ushtarak në të gjithë jugun e vendit, ai u tha oficerëve se atyre u lejohej të përdhunojnë deri në tre femra.

Kjo ishte shakaja e dytë për përdhunimin nga Presidenti Rodrigo Duterte që prej shpalljes së kandidaturës së tij, raporton “BBC”

Vajza e Bill dhe Hillary Clinton, Chelsea, shkroi në Tëitter se “përdhunimi nuk ishte për të qeshur”.

Një grup humanitar i të drejtave të njeriut reagoi gjithashtu dukë thënë se komentimi i tij ishte “i pështirë” .

“Unë do të ha burg për ty, nëse ti përdhunoni tri gra, do të them se e kam bërë unë….,por nëse martohesh me katër, gjej vend kur te futesh “, tha zoti Duderte në atë që presupozohet të ishte një “shaka”.

Presidentit të Maqedonisë nuk po i ngutet, flet në orën 22:00

Periskopi.com Lajme

Presidenti i Maqedonisë George Ivanov pritet të dalë me një mesazh për popullin në orën 22:oo

Burime ende të pakonfirmuara, thonë se Ivanov në këtë konferencë do të dalë me një mesazh të jashtëzakonshëm për gjendjen në Maqedoni.

“George Ivanov i drejtohet popullit në orën 22:oo, megjithëse kjo ende mbetet e pakonfirmuar’, thonë gazetarët maqedonas/Periskopi/

Dështon zgjedhja e presidentit të ri të Shqipërisë në votimin e parë

Periskopi.com Lajme

Në Shqipëri parlamenti dështoi sonte të zgjidhte në votimin e parë presidentin e ri të vendit. Asnjë nga forcat politike nuk propozoi ndonjë kandidaturë.

“Raundi i parë i zgjedhjes së presidentit quhet i ezauruar. Kjo procedurë është shprehje e vullnetit, që të afrohet edhe opozita për një figurë konsensuale. Dialogu me opozitën është më se i nevojshëm edhe mbi zgjedhjet”, tha kryetari i parlamentit, Ilir Meta.

Kryeministri Edi Rama tha menjëherë pas seancës se “socialistët i kanë numrat për ta zgjedhur Presidentin e Republikës, por po mundohemi t’i japim një shans opozitës për të gjetur një figurë sa më shumë përfaqësuese dhe sa më shumë gjithëpërfshirëse”.

“Ne duam t’i japim atij institucion dinjitetin dhe autoritetin për të qëndruar mbi palët. Më mirë një president pak ditë më vonë se sa një president i zgjedhur në një sallë të boshatisur nga krahu i opozitës që nuk vjen në punë”, tha Rama.

Fundjavën e shkuar shumica në pushtet deklaroi se nuk do të paraqiste asnjë emër e nuk do të mbështeste asnjë kandidaturë për president, në përpjekje për të dialoguar dhe për të kërkuar edhe konsensusin e opozitës, e cila ndërkohë ka bojkotuar parlamentin.

Sipas Kushtetutës shqiptare, për zgjedhjen e presidentit të vendit zhvillohen deri 5 raunde votimi.

Në tre të parat kërkohet një shumicë e cilësuar prej 84 votash, ndërsa në raundin e katërt dhe të pestë presidenti mund të zgjidhet dhe më shumicën e thjeshtë prej 70+1 deputetësh.

E majta, i ka edhe e vetme 84 votat e nevojshme për të zgjedhur kreun e ri të Shtetit në dy raundet e ardhshme. Votimi i radhës duhet të zhvillohet brenda 7 ditëve.

Presidenti i Malit të Zi flet për Demarkacionin me Kosovën

Presidenti i Malit të Zi, Filip Vujanoviq ka folur për shenjëzimin e kufirit me Kosovën, i cili nuk po arrin të ratifikohet në Kuvendin e Kosovës.

Periskopi.com Lajme

Ai ka thënë se ratifikimi i kësaj marrëveshjeje është në interes të qytetarëve të Kosovës, pasi varet direkt me liberalizimin e vizave për Kosovën, transmeton lajmi.net.

“Ne kemi mirëkuptim, dhe po e presim me durim që Kosova të vendosë për ratifikimin e demarkacionit. Ky është interes i qytetarëve të Kosovës, pasi liberalizimi i vizave varet nga demkarakcioni. Ne do ta presim vendimin e Kuvendit”, ka thënë Vujanoviq.

Kosova dhe Mali i Zi në gusht të viti 2015 ka nënshkruar marrëveshje me Kosovën për caktimin e kufirit ndërmjet dy shteteve.

Kurse që nga atëherë ky projektligj nuk po arrinë të miratohet, përkundër se BE-ja e ka përcaktur si kusht final për liberalizimin e vizave.

Vujanoviq ka folur edhe për raportet e Malit të Zi me Serbinë ku ka thënë se anëtarësimi në NATO do t’i përmirësojë këto raporte.

Thaçi nuk jep dorëheqje nëse Qeveria nuk e kalon Ligjin për Ushtrinë

Presidenti Hashim Thaçi kur e ka nisur iniciativën për transformimin e FSK-së ka dhënë edhe një premtim, duke thënë se nëse projektligji shkon në Kuvend dhe nuk kalon, atëherë, ai do të jap dorëheqje.

Periskopi.com Lajme

Ai ka folur sërish për këtë çështje, raporton Periskopi

Thotë se premtimin do e mbanë. Por, ai ka thënë se jep dorëheqje nëse nuk kalon në Kuvend, jo edhe nëse atë nuk e dërgon Qeveria deri atje, raporton Periskopi

“Deklarata ime ka qenë shumë e qartë që nëse projektligji shkon në Kuvend dhe nuk votohet, atëherë jap dorëheqje, kjo qëndron edhe sot, por unë kam besim se deputetët do të jenë në krye të përgjegjësive të tyre dhe e theksoj edhe një herë një konsensus i skenës politike Kosova nuk ka përjetuar kurrë në historinë e vet. Nëse deklaratën e pavarësisë së kanë nënshkruar 109 deputetë, tash minimum 110 deputetë do të jenë për të votuar ushtrinë e Kosovës”, u shpreh Thaçi./ Periskopi

Rreth 28,000 trupa të sigurisë janë në Uashington (Foto)

Helikopterët mund të shihen mbi çdo cep të qytetit ndërsa pjesëtarët e mbrojtjes nacionale janë te vendosur në tokë.

Periskopi.com Lajme

Pak para arritjes së presidentit të zgjedhur Trump në qytet ishte paralajmëruar për një bombë të vendosur, jo shumë larg vendit ku do të zhvillohet ceremonia.

Teknikët e bombave kishin dalur për të hulumtuar për pakon e dyshimte ‘bomba’, ku kishte hetuar dhe vendin e dyshimtë.

Teknikët nuk kishin gjetur asgjë dhe kishin hequr çdo dyshim për bombë.

Besohet se rreth 900,000 njerëz do të jenë të pranishëm gjatë ceremonisë së inaugurimit.

Kostoja e gjithë kësaj ceremonie do të jetë 100 milionë dollarë.

Më shumë se 100 sheshe janë bllokuar, që i bie 2.7 km./ Periskopi

3c3a98b000000578-0-image-a-74_1484851649180 3c402a6300000578-0-image-a-71_1484851648940 3c3fd04b00000578-4137646-security_officials_can_be_seen_standing_on_top_of_the_white_hous-a-1_1484859345722 3c4b30db00000578-0-image-a-67_1484851648863 3c4b8b8900000578-0-image-a-81_1484851710009 3c40966800000578-0-image-a-64_1484851648477 3c4b90d800000578-0-image-a-83_1484851776698 3c4b904a00000578-4137646-image-a-117_1484853233240 3c47cb2300000578-0-image-a-75_1484851649184 3c4b906e00000578-4137646-image-a-116_1484853217122 3c4b87f200000578-4137646-image-m-120_1484853781673 3c4b469b00000578-4137646-image-a-97_1484852776589 3c4bc61200000578-4137646-image-a-124_1484855548730 3c4b091e00000578-0-image-a-66_1484851648671

45 presidentët e SHBA-së, 45 shprehje për të cilat mbahen mend

“Dy ditët më të lumtura të jetës sime kanë qenë: e para kur mora detyrën e presidentit dhe e dyta kur e lashë atë detyrë”. Më shumë se për punët që bëri, presidenti i 8-të i SHBA, Martin Van Buren, ka lënë shenjë në histori për këtë thënie lapidare. Ndodhur në këtë kontekst çdo kush mund të pyesë se për çfarë thënie mbahen mend 45 presidentët e SHBA?

Periskopi.com Lajme

Gazetari Roland Qafoku publikoi dje në emisionin e tij “Debati në Channel One” një insert me shprehjen për secilin president të SHBA nga George Washington deri te Donald Trump për të cilën mbahen mend dhe që në fakt tregon shumë për ta.

GEORGE WASHINGTON (1789–1797)

“Rregulli i sjelljes për SHBA, në lidhje me kombet e huaja, është, të zgjerojmë lidhjet tregtare, për të pasur me ta sa më pak lidhje politike që të jetë e mundur”.

JOHN ADAMS (1797–1801)

“Asnjë person që ka mbajtur detyrën e presidentit nuk mund të përgëzojë dike që e cilëson mik për besnikërinë e treguar”

THOMAS JEFFERSON (1801–1809)

“Unë uroj të shikoj këtë pije (birrë) që të zëvendësojë ëiskey-n, pije që deri tani ka bërë që një në tre persona të jenë të varur dhe më shumë se kaq: ka shkatërruar familjet”.

JAMES MADISON (1809–1817)

“Asgjë më shumë nuk ndryshon se sa ndryshon mendja”. (e thënë pak momente përpara se të vdiste).

JAMES MONROE (1817–1825)

“Zonjës time Monroe, nëse i shton të bijën për shoqërinë që i bën, pavarësisht se shkakton goxha rrëmujë, mund ta cilësosh kontribuese të madhe në zbavitjen e saj”.

JOHN QUINCY ADAMS (1825–1829)

“Katër vitet më të këqia të jetës sime, ishin katër vitet e mia në presidencë”.

 

ANDREW JACKSON (1829–1837)

“Nëse një punë në qeveri nuk e bën dot një demokrat, atëherë atë punë nuk mund ta bëjë askush tjetër”.

MARTIN VAN BUREN (1837–1841)

“Dy ditët më të lumtura të jetës sime kanë qenë: e para kur mora detyrën e presidentit dhe e dyta kur e lashë atë detyrë”.

WILLIAM HENRY HARRISON(1841)

“Disa njerëz si puna ime kanë budallallëkun e mjaftueshëm për tu shkuar në mendje se mund të bëhen presidentë të Shteteve të Bashkuara”.

JOHN TYLER (1841–1845)

“Unë kam gjithnjë mendimin që popullariteti mund të krahasohet me një vajzë lozonjare apo vajzë koketë – sa më shumë i vini rrotull, aq më shumë ajo ikën”.

JAMES KNOX POLK (1845–1849)

“Asnjë president që bën detyrën e tij me besnikëri dhe ndërgjegjje nuk mund të ketë kurrë kohë të lirë”.

ZACHARY TAYLOR (1849–1850)

“Tregojini atij se si përfundon në ferr” (Në përgjigje të kërkesës së gjeneralit meksikan Santa Anna për tu dorëzuar).

MILLARD FILLMORE (1850–1853)

“Është turp kombëtar që presidentët tanë, pasi knë mbajtur postin më të lartë të shtetit, duhet lënë në mëshirë të fatit  dhe ndoshta të jenë të detytuar të hapin një dyqan ushqimesh si mjet jetese”.

FRANKLIN PIERCE (1853–1857)

“Nuk ka ndonjë gjë në të majtë…. Por ama janë të dehur” (në planet e tij pasi humbi një kandidim të dytë në 1856).

JAMES BUCHANAN (1857–1861

“I dashur zotëri, nëse ju jeni po aq i lumtur në momentin kur futeni në Shtëpinë e Bardhë po aq sa edhe edhe kur largoheni prej saj, realisht ju jeni një njeri i lumtur”.

ABRAHAM LINCOLN (1861–1865)

“S’di se kur unë do dëgjoj dikë të më argumentojë skllavërinë dhe unë do ndjeja një impuls të fortë për të njohur dhe kuptuar personalitetine tij”.

ANDREW JOHNSON (1865–1869)

“Nga të gjitha rreziqet që kombi ynë ndeshet akoma një gjë është e vërtetë: Ato nuk janë të njëjta me ato të cilat duhet të rezultojnë nga sukseset e arritjeve më të fundit të afrikanizimit të gjysmës së Jugut të vendit”.

ULYSSES S. GRANT (1869–1877)

“Puna nuk është turp për njerëzit; për fat të keq herë pas here ka njerëz që turpërojnë punën”.

RUTHERFORD B. HAYES (1877–1881)

“Unë jam tejet i lodhur nga kjo jetë e varësisë së plotë, nga përgjegjësia dhe nga rraskapitja”.

JAMES A. GARFIELD (1881)

“Zoti im! Në këtë vend ka gjithçka që një njeri i dëshiron ti ketë. Apo jo?”.

CHESTER A. ARTHUR (1881–1885)

“Unë mund të jem president i SHBA, por jeta ime private nuk është cështje e dikujt ”.

GROVER CLEVELAND (1885–1889, 1893–1897)

“Gratë e ndjeshme dhe të zgjuara nuk dëshirojnë të votojnë”.

BENJAMIN HARRISON (1889–1893)

“Ne amerikanët nuk kemi autorizim nga Zoti për të mbajtur nën kontroll Botën”.

WILLIAM MCKINLEY (1897–1901)

“Ne kemi nevojë për Haëai-n më shumë se sa California-n. Kjo është prova e pashmangshme”.

THEODORE ROOSEVELT (1901–1909)

“Fitorja e luftës nuk vlen sa fitorja e paqes”.

WILLIAM HOWARD TAFT (1909–1913)

“Nuk e ke shfrytëzuar detyrën e presidentit, nëse nuk keni siguruar një tren me një vagon-restorant në të”.

WOODROW WILSON (1913–1921)

“Dobia e një universiteti është se nxjerr aristokratë të rinj, ndryshe nga baballarët e tyre që nuk e kishin këtë mundësi”.

WARREN G. HARDING (1921–1923)

“Unë jam një burrë me pak talent nga një qytet i vogël; nuk dukem shumë që unë jam president”.

CALVIN COOLIDGE (1923–1929)

“Kur shumë njerëz janë të pazotë të gjejnë punë, ata përfundojnë të papunë ”.

HERBERT HOOVER (1929–1933)

“Unë jetova më shumë se bastardët” (duke iu referuar shumë njerëzve që e bënin fajtor për Depresionin e Madh).

FRANKLIN DELANO ROOSEVELT (1933–1945)

“Për të qenë i suksesshëm në të folurin publik duhet të kesh parasysh këto rregulla: Të jesh i sinqertë, të jesh konçiz dhe të jesh i përulur”.

HARRY S. TRUMAN (1945–1953)

“Unë e shkarkova MacArthur (gjenerali i trupave amerikane të dërguar në Kore) sepse ai nuk respektoi autoritetin e presidentit. Unë nuk e shkarkova atë sepse mendoja se ai ishte maskara. Ai në fakt ai ishte i tillë. Por është e rëndësishme të them se të qenit maskara nuk është kundër ligjit. Ah, nëse kjo do ishte e kundërligjshme, gjysma e drejtuesëve të ushtrisë do futeshin në burg”.

DWIGHT DAVID EISENHOWER (1953–1961)

“Nuk dua që kur urinoj të kujtoj këtë qelbësirë”.(duke iu referuar senatorit Joe Mc Carthy).

JOHN FITZGERALD KENNEDY (1961–1963)

“Harrojini armiqtë, por mos harroni kurrë emrat e tyre”!

LYNDON BAINES JOHNSON (1963–1969)

“Nëqoftëse popullit ia mbledh mirë rripat, zemrat dhe mendjet e tyre do të të ndjekin”.

RICHARD MILHOUS NIXON (1969–1974

“Kur presidenti bën dicka, kjo do të thotë që ajo nuk është e jashtëligjshme”.

GERALD R. FORD (1974–1977)

“Unë jam një Ford, jo një Lincoln”.

JAMES EARL CARTER (1977–1981)

“Unë jam i shqetësuar se si funksionon çdo kristian sepse ndonjë mund të shkojë në ferr”. (duke iu drejtuar Reverend Jerry Falëell)

RONALD REAGAN (1981–1989)

“Është e vërtetë që puna e rëndë nuk ka vrarë dikë, por unë ju siguroj që puna e rëndë rrezikon jetën”.

GEORGE HERBERT WALKER BUSH (1989–1993)

“Unë kam opinionet e mia. Ka raste që kam opinione të forta, por ama nuk jam në një mendje gjithnjë me to”.

 

WILLIAM JEFFERSON CLINTON (1993–2001)

“Lëvizjet e mia për të kryesuar qeverinë do të jenë shoqëruar përherë me ndjenjat aspak të papëlqyera të një fajtori i cili do të vendosë ekzekutimin e vetes së tij”.

GEORGE W. BUSH (2001–2009)

“Çelësi i politikës së jashtme është të mbështetesh në besim”.

BARACK OBAMA (2009-2016)

“Në 15 muajt e fundit ne kemi udhëtar në cdo cep të SHBA. Kam qenë deri tani në 57 shtete. Unë mendoj si i majtë kur shkoj”.

DONALD TRUMP (2016 E NË VIJIM)

“Unë do ta bëjë Amerikën përsëri të madhe”.

 

Kjo është fotografia e parë e inaugurimit të një presidenti amerikan

Në vitin 1857 është shkrepur fotografia e parë e një inaugurimi presidencial në Shtetet e Bashkuara të Amerikës.

Periskopi.com Lajme

Sipas fotografisë që e ka publikuar Time, shihet se si Capitoll Hill ishte ende duke u ndërtuar.

Fotografia është bërë gjatë inaugurimit të James Buchanan, më 4 mars 1857. /Periskopi/

16128743_10210516079171823_888704434_n

Letra emocionuese e Barack Obamas në minutat e tij të fundit në Shtëpinë e Bardhë

Kur i kanë mbetur edhe vetëm pak orë në Shtëpinë e Bardhë, Presidenti Barack Obama gjeti kohën t’i drejtohej për herë të fundit popullit amerikan.

Periskopi.com Lajme

Në një letër dërguar sot në mëngjes (sipas orës së Uashingtonit) kontakteve në listën e emailit të Shtëpisë së Bardhë, presidenti i falënderoi të gjithë për përkrahjen e tyre dhe për gjithçka që ata i kanë mësuar në tetë vitet e fundit.

Letra është pa dyshim emocionuese, sidomos për ata që do ta ndjejnë shumë mungesën e tij e të Michelle, Sasha e Malia në Shtëpinë e Bardhë.

Më poshtë është teksti i plotë i letrës:

Të dashur amerikanë,

Është bërë traditë e vjetër për presidentin në detyrë të Shteteve të Bashkuara  që t’i lërë një letër lamturmirëse në Zyrën Ovale amerikanit të zgjedhur për të zënë vendin e tij. Është një letër që synon të ndajë atë çka dimë, çka kemi mësuar dhe çka mund t’i ofrojmë sadopak pasuesit tonë  për ta ndihmuar të mbajë barrën e rëndë të përgjegjësisë që vjen bashkë me postin më të lartë në vendin tonë dhe me udhëheqjen e botës së lirë.

Por, para se t’i shkruaja letrën time presidentit të 45-të, doja të thosha një falënderim të fundit për nderin që pata duke shërbyer si i presidenti juaj i 44-t. Sepse gjithçka që kam mësuar gjatë kohës në detyrë e kam mësuar prej jush. Ju më bëtë një president më të mirë, ju më bëtë njeri më të mirë.

Gjatë këtyre tetë vjetëve, ju keni qenë burimi i mirësisë, qëndrueshmërisë dhe shpresës nga të cilat kam marrë forcë.  Kam parë fqinjë dhe komunitete që kujdeseshin për njëri-tjetrin gjatë krizës më të rëndë ekonomike që kemi parë në jetën tonë. Kam vajtuar me familjet në zi që kërkonin përgjigje dhe gjetën mirësi në një kishë në Charleston.

Kam marrë zemër nga shpresa e të diplomuarve të rinj dhe oficerëve më të rinj. Kam parë shkencëtarët tanë të ndihmonin një të paralizuar të rifitonte ndjesinë e të prekurit dhe luftëtarë të plagosur të konsideruar të vdekur të ecnin përsëri. Kam parë amerikanë, jeta e të cilëve është shpëtuar për shkak  se më në fund arritën të kishin kujdes mjekësor dhe familje jeta e të cilave ka ndryshuar për shkak se martesat e tyre njihen si të barabarta me tonën. Kam parë më të rinjtë e fëmijëve që na kujtonin, përmes veprimeve dhe mirësisë së tyre, detyrimin për t’u kujdesur për refugjatët, apo punën që duhet të bëjmë për paqen, mbi të gjitha kujdesin që duhet të kemi për njëri-tjetrin.

Kam parë te ti, popull amerikan, në moralin tënd, vendosmëri, shpirt të dashur e mirësi. Dhe në aktet e përditshëm të qytetarisë kam parë tek shpaloset të ardhmen tonë. Të gjithë ne, pavarësisht partisë, duhet t’i futemi kësaj pune, punës së gëzueshme të qytetarisë. Jo vetëm kur ka zgjedhje, jo vetëm kur në lojë është interesi ynë i ngushtë, por gjatë gjithë jetës.

Do të jem aty me ju në çdo hap të rrugës.

Dhe kur hapi i progresit të duket i ngadaltë, kujtoni: Amerika nuk është projekti i një personi të vetëm. Fjala më e fuqishme në demokracinë tonë është “Ne”. “Ne, Populli”. “Ne do ta kapërcejmë”.

Amerika nesër me Presidentin e ri, por pas këtyre ceremonive

Në 20 janar Donald Trump betohet si presidenti i 45-të i Shteteve të Bashkuara. Ngjarjet me rastin e inagurimit të tij shtrihen në tre ditë duke filluar nga e enjtja pasdite.

Periskopi.com Lajme

Presidenti dhe nënpresidenti i zgjedhur, Donald Trump Mike Pence do të vendosin sot kurora me lule në Varrezat Kombëtare në Arlington, atje ku ndodhen trupat e 400 mijë veteranëve të ushtrisë dhe familjarëve të tyre.

Presidenti i zgjedhur pritet të mbajë dhe një fjalim pranë memorialit të presidentit Lincoln. Aty do të mbahen edhe disa shfaqje muzikore nga këngëtari i muzikës country Toby Keith dhe Lee Greenwood si dhe banda e muzikës rock “3 Doors Down”.

Të enjten në mbrëmje zoti Trump dhe zoti Pence pritet të marrin pjesë në një darkë zyrtare me donatorë të fushatës.

E premtja është dita e tranzicionit të pushtetit nga presidenti Barak Obama tek Donald Trump.

Ceremonia e inagurimit nis me pjesmarrjen në kishë të presidentit të zgjedhur dhe bashkëshortes së tij Melania Trump, më pas ata do të shkojnë në Shtëpinë e Bardhë për t’u takuar me presidentin Obama dhe zonjën e parë Michele, një traditë kjo shumë vjeçare e inagurimeve.

Pas kësaj presidenti në largim dhe ai në ardhje, do të shkojnë bashkë në Kapitol, për ceremoninë e inagurimit. Fillimisht do të betohet nënpresidenti i zgjedhur Mike Pence dhe në mesditë Donald Trump do të jetë presidenti i ri i Shteteve të Bashkuara të Amerikës.

Betimi i tij do të drejtohet nga kryetari i gjykatës së lartë John Roberts. Zoti Trump ka njoftuar se do të përdorë Biblën e familjes së tij dhe atë të presidentit Lincoln, të cilën presidenti Obama e përdori në të dy inagurimet e tij. Pas betimit presidenti i ri mban një fjalim. Në historinë amerikane të inagurimeve disa fjalime kanë qenë të shkurtra me shumë pak fjalë ndërsa më fjalimi më i gjatë ka qënë me 8400 fjalë. Fjalimi i presidentit Obama llogaritet të ishte nga 2100 në 2400 fjalë.

Ceremonia në Capitol mbyllet me largimin e presidentit Obama dhe më pas presidenti i ri dhe nënpresidenti marrin pjesë në drekën zyrtare të organizuar nga komisioni i përbashkët që organizon ceremoninë e inagurimit.

Pas kësaj zoti Trump dhe Pence do të ndjekin nga Shtëpia e Bardhë paradën që do të mbahet në bulevardin Pennsylvania.

Të premten në mbrëmje presidenti Trump do të marrë pjesë në ballot tradicionale të inagurimeve. Një ditë pas inagurimit, ceremonia e fundit me rastin e inagurimit do të jetë mëngjesi kombëtar i lutjeve në katedralen kombëtare të Uashingtonit.

Trashëgimia e ‘trishtuar’ e Barak Obamas

Kjo është një rënie e dëshpëruar e zyrës më të lartë të perandorisë më të fuqishme në historinë e botës. Ajo mund të prodhojë lehtë cinizëm dhe të përhapë nihilizëm helmues. A ka ende ndonjë shpresë për të vërtetën dhe drejtësinë në këtë kohë dekadente? A ka Amerika aq kapacitet për të qenë e sinqertë me veten e saj dhe varësinë vetë-shkatërruese të adhurimit të ksenofobisë frikacake?

Cornel WEST Opinione

Ralph Ualdo Emerson dhe Herman Melville dy intelektualët më të mëdhenj publik të shekullit të 19-të luftuan me pyetje të ngjashme dhe kanë arritur në të njëjtin përfundim si Heraclitus: Karakteri është fat .

Koha e Barack Obama mund të ketë qenë shansi ynë i fundit. “Post-integriteti” jonë dhe e vërteta është mbytur nga markat zbavitëse dhe aktivitetet fitimprurëse që kanë të bëjnë pak ose asgjë me të vërtetën, integritetin apo mbijetesën afatgjatë të planetit. Ne jemi dëshmitarë të versionit postmodern fatkeq të botës.

“Mbretërimi” i Obamës nuk ka prodhuar , sic e quajnë demokratët, “makthin” e Donald Trump por ka  kontribuar drejt tij. Dhe ata mbështetës të Obamas që refuzuan t’i ulërisnin për të marrë sadopak përgjegjësi janë gjithashtu përgjegjës.

Disa prej nesh iu lutën Obamës që mos të shkëputej nga prioritetet e Wall Street-it.

Por ai ndoqi këshillën e “zgjuar” të këshilltarëve të tij neo-liberale për të shpëtuar nga Ëall Street. Në mars të vitit 2009, Obama u takua me udhëheqësit e tyre.

“ Unë qëndroj midis jush , jam në anën tuaj dhe do t’ju mbroj –  ua tha ai.  Por vetëm pak ditë më vonë, një drejtor ekzekutiv i Wall Street-it shkoi në burg.

Por për torturuesit amerikane të myslimanëve të pafajshëm dhe transparencën e sulmeve të telekomanduara që vrarë civilë të pafajshëm?  Administrata e Obamas  na tha se nuk ishte qoftë edhe një civil.  Por pastaj na tha se ishin vrarë vetëm disa. Dhe pastaj na tha se ndoshta ishin vrarë 65 civilë. Megjithatë, kur një civil amerikan, Uarren Ueinstein, u vra në vitin 2015 ka pasur një konferencë për shtyp të menjëhershme me keqardhjet e thella dhe kompensim financiar. Dhe sot ne ende nuk e dimë sa civilëve u kanë marrë jetën bombarduesit amerikanë.

Në dolën në rrugë përsëri me “Black Lives Matters”  dhe grupeve të tjera por shkuam në burg sepse protestuam kundër policisë që ekzekutonte njerëzit me ngjyrë.

Ne protestuam kur Forcat e Mbrojtjes së Izraelit vranë më shumë se 2.000 palestinezë (duke përfshirë 550 fëmijë) në 50 ditë. Megjithatë, Obama u përgjigj me fjalë duke shpjeguar gjendjen e vështirë të punonjësve të policisë, hetimet e departamentit dhe 225 milion dollarët  shtesë si mbështetje financiare për ushtrinë izraelite. Obama nuk tha qoftë edhe një murmuritje rreth fëmijëve të vdekur palestinez.

Përveç kësaj, politika arsimore e Obamas  bëri që shumë nga forcat e tregut të mbyllnin qindra shkolla ??publike. Sindikatat në Ëisconsin, Seattle dhe Çikago (kundërshtuar fuqishëm nga Kryetari i Bashkisë Rahm Emanuel, një i besuar i Obamës) e kaluan gjithçka në heshtje.

Në vitin 2009, Obama e quajti kryetarin e Nju Jorkut, Michael Bloomberg, një “kryebashkiak të shquar”. Megjithatë, ai anashkaloi faktin se më shumë se 4 milion njerëz u ndaluan dhe u dhunuar nën vëzhgim Bloomberg-ut. Dy vjet më vonë, e pash veten të ulur në një burg sepse po protestoja pikërisht për këto politika që Obama injoroi kur lavdëronte Bloomberg-un.

Megjithatë, mediat kryesore nuk arritën të nxjerrin në pah këto të vërteta të dhimbshme  lidhur me Obaman. Në vend të kësaj, ekspertët e mirë-paguar në televizione  dhe radio festuan “madhështinë” e Obamas. Dhe shumica e zëdhënësve me ngjyrë paturpësisht mbrojtën heshtjet e Obamës dhe krimet në emër të simbolizmit racial.

Vrasja bruto e qytetarëve amerikanë pa proces të rregullt ligjor, pas urdhrave të drejtpërdrejtë nga Obama ishte hedhur mënjanë nga mbështetësit neoliberale të të gjitha ngjyrave. Dhe Eduard Snouden, Chelsea Maning, Sterling Jefrej dhe rrëfyesit e tjerë të të vërtetave tjera janë demonizuar ashtu si krimet që ata kanë ekspozuar.

Arritja më e madhe legjislative e presidentit ishte sigurimi shëndetësor për më shumë se 25 milionë qytetarë. Por ajo mbeti thjesht një politikë të bazuar në treg, e krijuar nga Fondacioni “Heritage” dhe paratë e Mitt Romney.

Mungesa e guximit të Obamas për t’u përballur me kriminelët e korporatave financiare = dhe gabimi i tij  për urdhërimin e  bombardimeve me avionë çuan në revolta populiste të të djathtës amerikane si dhe drejt rebelimeve fashiste islamike në Lindjen e Mesme.

Bernie Sanders me shumë pasion u përpoq të gjeneronte populizmin e majtë, por ai u shtyp nga Clinton dhe Obama në parapraket e padrejta të partisë Demokratike.

Deri tani ne e gjejmë veten duke hyrë në një epokë të fashiste: me një ekonomi neo-liberale që pritet të shpërtheje, me një qëndrim shtypës ndaj “të huajve”  të brendshëm dhe me një kabinet militant të etur për lufra.

Në të njëjtën kohë, ne po shohim një eklips të së vërtetës dhe integritetit në emër të markës së Donald Trump, të bllokuar nga mediat  e korporatave.

Cfarë trashëgimie e trishtuar kjo e Barack Obamas.

/Përshtati Syri.net nga The Guardian/

Presidenti i Rumanisë refuzon kandidaturën e gruas myslimane për kryeministre

Presidenti i Rumanisë, Klaus Iohanis, ka refuzuar kandidaten e Partisë Social-Demokrate, Sevil Shhaideh, për t’u bërë kryeministre.

Periskopi.com Lajme

Shhaideh, po të zgjidhej, do të ishte kryeministrja e parë grua dhe myslimane e këtij vendi.

Iohannis nuk ka dhënë ndonjë aryse për refuzimin e Shhaideh, politikane pak e njohur, e cila ka shërbyer gjashtë muaj si ministre e Zhvillimit Rajonal e Rumanisë.

“Kam analizuar siç duhet argumentet për dhe kundër (Shhaideh) dhe kam vendosur të mos e pranoj këtë propozim”, ka thënë Iohannis përmes një deklarate televizive.

Ai u ka bërë thirrje Social-Demokratëve, që kanë fituar zgjedhjet parlamentare të 11 dhjetorit, të dalin me një nominim tjetër.

Kryeministrja e parë myslimane që ka mahnitur Rumaninë

Fjalimi i plotë i presidentit Hashim Thaçi, në Kuvendin e Republikës së Kosovës

Më poshtë mund ta lexoni fjalimin e plotë të Thaçit, që është obligim kushtetues, për punën e tij një vjeçare, fjalim ky që u bojkotua nga opozita, raporton Periskopi

Periskopi.com Lajme

I nderuar Kryetar i Kuvendit të Kosovës z. Kadri Veseli,

I nderuar Kryeministër, z. Isa Mustafa,

Të nderuar ministra të kabinetit qeveritar,

Të nderuar përfaqësues të korit diplomatik,

Të nderuar deputetë të Kuvendit të Kosovës,

Qytetarë të Republikës së Kosovës,

Zonja dhe zotërinj,

Është kënaqësi dhe privilegj që sot t’ju drejtohem si President i Republikës së Kosovës.

Kjo mundësi dhe detyrë më jep nder dhe përgjegjësi.

Është kënaqësi të ndjek hapat e presidentëve të mëparshëm të cilët i shërbyen Kosovës me tërë qenien e tyre, duke u bërë shembull se si duhet të punojmë për vendin tonë.

Në fillim të mandatit dhashë betimin para juve, deputetë të nderuar, se do të ruaj pavarësinë, sovranitetin dhe integritetin e Republikës së Kosovës.

Se do të garantoj liritë dhe të drejtat e njeriut për tërë qytetarët e Kosovës.

Se do të mbroj Kushtetutën dhe ligjet e Kosovës.

Se do të ruaj paqen dhe mirëqenien e të gjithë qytetarëve.

Në sheshin “Nëna Terezë” u zotova se do të jem president i të gjithë qytetarëve, në shërbim të të gjithë qytetarëve.

Edhe një herë faleminderit për besimin e dhënë.

Në fund të këtij viti, jam i lumtur të them se puna ime është udhëhequr nga këto parime dhe kam nisur të realizojë këto synime.

Të nderuar deputetë,

Gjatë kësaj periudhe kohore, si president kam ndërmarrë veprime konkrete për të garantuar liritë dhe të drejtat e qytetarëve të Kosovës, për të fuqizuar rendin e ligjin dhe integritetin e shtetit të Kosovës.

Vendi ynë edhe ashtu ka Kushtetutën dhe legjislacionin më të avancuar në rajon.

Por, ne kemi identifikuar disa mangësi, prandaj edhe kam vepruar menjëherë duke kërkuar ndryshim-plotësimin e Kodit Penal me qëllim që t’i korrigjojmë ato dhe të mos lejojmë askënd që t’i shmanget apo abuzojë me drejtësinë dhe ligjin në Kosovë.

Ministria e Drejtësisë dhe organet tjera relevante kanë filluar punën dhe tani janë duke përgatitur rekomandimet për ndryshimet që duhet bërë.

Në qershor të këtij viti, ne filluam t’i marrim kompetencat ekzekutive në sektorin e drejtësisë, që deri atëherë ishin në duart e institucioneve ndërkombëtare që veprojnë në Kosovë.

Prandaj, i vetëdijshëm për progresin e shënuar në fushën e drejtësisë në Kosovë, përkundër sfidave, i bindur në profesionalizmin e organeve vendore dhe në fuqizimin e tyre me transferimin e kompetencave të EULEX-it, e kam adresuar edhe nevojën për të punuar në çështjet që shqetësojnë qytetarët e Kosovës:

–                      krimet e luftës,

–                      krimet e pasluftës,

–                      sulmet dhe dëmtimet kundër trashëgimisë sonë kulturore e historike,

–                      si dhe për viktimat e luftës, me theks të veçantë tek të pagjeturit dhe viktimat e dhunës seksuale.

Jam i inkurajuar me reagimin e menjëhershëm të organeve relevante për të punuar rreth këtyre pikave.

Çdo hap në zbardhjen e së vërtetës është një gur tjetër në themelin e shoqërisë sonë si një shoqëri e barabartë për të gjithë.

Të gjithë duhet ta kuptojnë se drejtësia nuk njeh kufizim kohor, status social apo etnik.

Një nismë tjetër e imja është edhe puna për përfundimin e reformës elektorale, e cila ka filluar vite më parë dhe nuk është përfunduar.

Reforma elektorale bëhet për t’i siguruar qytetarët e Republikës së Kosovës se ata do të votojnë në një proces të drejtë, transparent dhe fer, në të cilin vota e tyre nuk mund të humb dhe të manipulohet.

Por, do të jetë besim për të udhëhequr institucionet.

Ekipi im ka kryer punën e vet në përpilimin e propozimeve konkrete për reformën elektorale dhe mbetet në vullnetin tuaj politik, deputetë të nderuar, që propozimet që kanë rrjedhur nga konsultat e përbashkëta me përfaqësuesit e partive politike parlamentare, shoqërinë civile, mekanizmat ndërkombëtarë, etj., të shndërrohen në vendime të Kuvendit të Kosovës.

Kam mbledhur Këshillin Kombëtar Kundër Korrupsionit në të cilin ekspertët e fushës kanë debatuar për mënyrat më të mira të luftimit të këtij fenomeni në Kosovë.

Korrupsioni dhe krimi i organizuar vazhdimisht paraqiten lart në listën e shqetësimeve të qytetarëve të Kosovës.

Prandaj, lart janë edhe në listën e prioriteteve të çështjeve që duhet zgjidhur menjëherë nga politika dhe institucionet e Kosovës.

Organet tona të drejtësisë kanë hapur raste të korrupsionit.

Hetimeve, akuzave e dënimeve nuk u kanë shpëtuar as zyrtarët më të lartë shtetëror.

Kjo punë e bërë është për çdo vlerësim, por duhet bërë edhe më shumë.

E përsëris, para ligjit të gjithë jemi të barabartë.

Kam mbledhur edhe Këshillin Kombëtar për Integrim në Bashkimin Evropian, në të cilin konfirmuam se nuk kemi alternativë tjetër përveç se NATO-n dhe BE-në.

Por, kërkuam që edhe BE-ja të mendojë në mënyrë strategjike për rajonin e më gjerë.

Kam mbledhur edhe Këshillin Konsultativ për Komunitetet.

Kam vlerësuar punën e tyre në promovimin e të drejtave dhe barazisë për të gjitha komunitetet.

Në kuadër të punës për forcimin dhe ruajtjen e sovranitetit tonë shtetëror, të inkurajimit të atyre pjesëtarëve të policisë kufitare dhe oficerëve të doganave të Kosovës, kam vizituar pikën kufitare në Jarinjë, në mes Kosovës dhe Serbisë, në veri të Leposaviqit.

Puna dhe përkushtimi i pjesëtarëve të policisë dhe doganës së Kosovës me bindi se sovraniteti shtetëror i Kosovës nuk mund të cenohet nga askush.

Kosova është një, e pandashme, nuk do të ketë barrikada dhe mure, por vetëm ura që na bashkojnë.

Muri nuk do të qëndroj aty e askund tjetër.

Muri nuk do të shkurtohet e as zvogëlohet për disa centimetra, por do të hiqet nga baza.

Nuk do të ekzistoj fare.

Por, në mes të këtyre sukseseve, kemi përjetuar edhe sfida.

Sfida më e madhe është mos mbajtja e zotimit të dhënë para partnerëve ndërkombëtarë.

Që t’u qëndrojmë prapa zotimeve tona kushtetuese dhe ligjore, qoftë për të themeluar asociacionin e komunave me shumicë serbe, qoftë për miratimin e demarkacionit të kufirit me Malin e Zi.

Kjo marrëveshje është e drejtë.

Është sipas Kushtetutës dhe interesave të vendit tonë, e cila do të çonte tutje konsolidimin e integritetit shtetëror.

Reagimet kundër kanë dëmtuar më të pafajshmit, qytetarët e Republikës së Kosovës, të cilët ende nuk mund të udhëtojnë të lirë në Bashkimin Evropian.

Reagimi kundër ishte agjendë e interesit të ngushtë politik dhe injorancës profesionale, e në asnjë rrethanë kauzë kombëtare apo ngadhënjim i argumenteve.

Prandaj, shteti ynë do të qëndrojë prapa të gjitha obligimeve ndërkombëtare që ka marrë mbi vete.

Zonja dhe zotërinj,

Të nderuar deputetë,

Qytetarë të Republikës së Kosovës,

Në kuadër të promovimit të të drejtave dhe lirive njerëzore, kam marrë pjesë dhe kam përkrahur marshin e komunitetit LGBTI dhe kam përkrahur punën e shoqatave që u dalin në ndihmë viktimave të dhunës seksuale të luftës.

Kam vizituar komunitetin kroat në Janjevë dhe komunitetin malazez në Gorazhdec të Pejës, për t’i siguruar të gjithë se Kosova është shtëpi e të gjithëve.

 

Se në shtetin tonë të gjithë janë të barabartë, të lirë për të gjetur lumturinë e tyre.

Ndërsa sot, me lejoni të rikonfirmoj se asnjë individë apo grup nuk do të mbetet i margjinalizuar, i harruar apo i përjashtuar në shoqërinë tonë.

Në Kosovën tonë ka vend për të gjithë ata që e shohin Kosovën si atdhe dhe shtëpi të tyre.

Të nderuar deputetë,

Kam vizituar dhe kam takuar afaristë dhe ndërmarrës në tërë Kosovën, odat ekonomike të Kosovës dhe ato të rajonit.

Jam inkurajuar nga sukseset e bujqve dhe blegtorëve të Kosovës.

Investimet disavjeçare në bujqësi kanë sjellë dobi për tërë Kosovën, duke krijuar të hyra të mëdha që kontribuojnë në mirëqenien e qytetarëve tanë.

Me hyrjen në fuqi të Marrëveshjes për Stabilizim dhe Asocim, bujqit dhe blegtorët tanë, vreshtarët dhe prodhuesit e verës, tashmë kanë qasje në tregun më të madh në botë, atë të Bashkimit Evropian.

Në kuadër të punës sime, një pjesë të konsiderueshme i kam kushtuar edhe përfaqësimit të shtetit tonë në arenën ndërkombëtare.

Në samitin Brdo-Brione dhe në Procesin e Bashkëpunimit të Evropës Juglindore kam konfirmuar se pavarësia e Kosovës ka sjellë paqe dhe stabilitet në rajonin tonë.

Në vizitat bilaterale në Slloveni dhe në Maltë, jo vetëm që kemi konfirmuar marrëdhëniet e mira në mes vendeve tona, por kemi eksploruar edhe mundësitë e bashkëpunimit ekonomik.

Në Kanada kemi hapur përfaqësinë e Republikës së Kosovës dhe jemi pajtuar së bashku me autoritetet e Kanadasë për intensifikimin e bashkëpunimit bilateral.

Në Vatikan kam pasur audiencë private me Atin e Shenjtë, të cilit i konfirmova edhe një herë se Kosova është e pa luhatur në promovimin e vlerave euroatlantike.

E kam ftuar Atin e Shenjtë për vizitë në Kosovë dhe kjo vizitë do të ndodhë në kohën më të përshtatshme.

 

E kemi konfirmimin edhe nga vetë Ati i Shenjtë.

Në Vjenë kam takuar Presidentin e Austrisë, ndërsa në Tiranë tërë lidershipin e Shqipërisë.

Në të gjitha këto forume është theksuar integriteti dhe sovraniteti shtetëror i Kosovës dhe është lavdëruar konsolidimi i shtetësisë sonë në botë.

Por, pjesë e veçantë e të arriturave të këtij viti, për tërë Kosovën është edhe pjesëmarrja në Lojërat Olimpike në Rio.

Falë performancës së shkëlqyer të sportistëve tanë, veçanërisht falë medaljes së artë të Majlinda Kelmendit, janë hapur dyer për takime me krerë shtetesh e qeverish nga e tërë bota që merrnin pjesë në Rio, me të cilët kam biseduar për Kosovën, për vendin tonë të ri, të vogël, por me potenciale të mëdha.

Ishte kënaqësi të takoja diplomatë nga e tërë bota dhe ta shfrytëzoja rastin për të dëshmuar edhe një herë integritetin dhe sovranitetin e Kosovës dhe rolin konstruktiv që po luan vendi ynë në skenën ndërkombëtare.

Isha edhe në Finlandë, në ndeshjen e parë të përfaqësueses sonë në futboll, ku isha dëshmitar i pikës së parë të fituar në garat ndërkombëtare.

Pjesëmarrja në këtë garë u bë e mundur pas pranimit të Kosovës në FIFA dhe UEFA.

Pas gati një çerekshekulli izolim, tash futbollistët dhe talentet tanë në sportet e tjera janë të lirë të zhvillojnë talentet e tyre, të konkurrojnë, të ëndërrojnë dhe të punojnë që ëndrrat e tyre t’i bëjnë realitet.

Si çdo kosovar tjetër, në garat dhe fitoret e sportistëve të Kosovës jam ndier i lumtur dhe krenar me flamurin dhe me himnin tonë.

Janë këta gurët mbi të cilët ndërtojmë dashurinë dhe respektin në shoqërinë tonë, për shtetin tonë.

Të nderuar deputetë,

Kam pasur fatin që të eci së bashku me Kosovën në ndërtimin e historisë, në dekadat më të rëndësishme tonat.

Kemi ditur se çfarë angazhimi kërkon secila epokë, prandaj edhe sot jemi të suksesshëm.

Dikur ishte koha të angazhohemi për barazi dhe liri.

Kemi guxuar të kërkojmë liri edhe kur askush tjetër nuk ka shpresuar dhe besuar.

Kemi qenë të gatshëm që të sakrifikojmë çdo gjë për të arritur këtë liri.

Pas lirisë, guxuam ta ëndërrojmë dhe realizojmë edhe pavarësinë.

Jam krenar që në të gjitha këto procese, të çlirimit të Kosovës, të shpalljes së shtetit të Kosovës, kemi qenë së bashku me ju dhe me të gjithë qytetarët e Kosovës shtylla kryesore të realizimit të këtyre aspiratave.

Por, sikurse atëherë që e kemi ditur se është koha për sakrifica deri në pavarësim, ashtu e dimë edhe sot që është koha për integrim.

Është koha për dialog dhe për pajtim, brenda në Kosovë dhe në rajon.

Për ketë qëllim, gjatë këtyre muajve kam takuar edhe familjarë të viktimave të luftës dhe të të pagjeturve.

Dhemb shumë të shohësh që të gjithë ende vuajmë nga plagët e luftës.

Ndoshta plagët nuk do të mbyllen kurrë, por ne duhet që së paku t’i japim fund agonisë, sidomos për familjet e të pagjeturve.

Duhet të nxjerrim mësime nga kjo e kaluar e hidhur, që të mos lejojmë të përsëriten tmerret që kemi parë me sytë tonë, që kemi përjetuar me zemrat tona.

Nuk do të lejojmë që asnjë fëmijë i Kosovës ta mbushë zemrën me urrejtje e me vuajtje

Qëllimi im, por edhe i juaji, është të punojmë që fëmijëve të Kosovës t’ua mbushim zemrat e mendjet me dashuri për njëri-tjetrin, për vendin e tyre dhe për të ardhmen e tyre.

Gjatë verës dola sërish që të nderoj dhe kujtoj viktimat e luftës dhe t’i inkurajoj organet e drejtësisë dhe pajtimin ndëretnik.

Këtë herë shkova në Grackë të Lipjanit.

Aty vendosa lule tek pllaka përkujtimore në qendër të fshatit që përkujton 14 qytetarë serbë, bujq e punëtorë.

E theksova atje dhe po e them përsëri këtu se ky akt dhe aktet e tjera të dhunës kanë qenë vepra kundër lirisë dhe së ardhmes demokratike të Kosovës, dhe jo vetëm kundër viktimave dhe familjeve të tyre.

Krimi është krim, kundër kujtdo qoftë të jetë bërë apo nga kushdo qoftë që është kryer.

Edhe sot lutem me dhimbje dhe shpreh edhe një herë keqardhje për të gjitha viktimat civile të të gjitha komuniteteve, të vrarë gjatë dhe pas luftës.

Në muajin gusht përkujtova vrasjen e dy dhe plagosjen e katër fëmijëve serbë në fshatin Gorazhdec në afërsi të Pejës, që kishte ndodhur në vitin 2003.

Në qendër të fshatit u ndala me banorët vendas, serbë.

Pas këtyre vizitave, kishte opinione të ndryshme.

E dija se ende ka njerëz të lënduar apo të helmuar nga urrejtja ndërnacionale.

Prandaj këtu menjëherë ftojë të gjithë që të ngrehemi mbi urrejtjen dhe jotolerancën.

Dikush thoshte se është herët për gjëra të tilla, kurse unë vlerësoj se jemi vonë.

Fundja, viktimat ishin produkt i ferrit historik të raporteve serbo-shqiptare dhe atyre rajonale, që kurrë nuk u ushqyen me vullnet mirëkuptimi apo pajtimi, por vetëm me urrejtje dhe armiqësi.

Çuditërisht, sulmet kundër këtyre veprimeve takoheshin dhe bëheshin bashkë në ekstremet e tyre.

U ngritën disa pyetje legjitime: pse po nderoja serbët kur ata na kanë vrarë? Kur në pllakat përkujtimore shkruante në çirilicë: “viktima të terroristëve shqiptarë dhe të agresionit të NATO-s”.

U tha se po cenoheshin vlerat e luftës së popullit të Kosovës për liri.

Po fyheshin dëshmorët dhe lufta e shenjtë e UÇK-së dhe popullit të Kosovës.

Në anën tjetër vazhdonin akuzat e stërvjetëruara tash e dekada kundër shqiptarëve në tërësi.

Në tërë këtë, më i urti ishte reagimi i familjarëve të të vrarëve, shqiptarë e serbë, të cilët edhe një herë patën vetëm një kërkesë, vetëm një dëshirë: “duam të vërtetën”.

Prandaj të sakrifikojmë nga pak të gjithë për të vërtetën.

E vërteta nuk duhet ta pengojë dhe frikësojë askënd.

Isha i vetëdijshëm dhe i bindur se po bëja punën më të mirë për vendin.

E dija se çfarë shkruante në pllakat përkujtimore në alfabetin çirilik.

Nuk pajtohem me tekstin, sepse është paragjykim dhe gënjeshtër.

Por, kjo nuk duhet të na ndalojë t’i nderojmë viktimat.

Me këtë nderim ne nuk cenojmë vlerat e lirisë sonë dhe as luftën e UÇK-së.

Vlerat e lirisë sonë e të luftës së UÇK-së i cenojnë mu ata që i kanë bërë këto krime dhe ata që sot i arsyetojnë këto krime.

Përpjekja për t’i arsyetuar krimet duke thënë se janë bërë në emër të kauzës kombëtare, duhet të jetë arsye për brejtje të ndërgjegjes, sepse po keqpërdoret çështja kombëtare, në dëm të interesit dhe së ardhmes së shtetit të Kosovës.

Ata që i kanë kryer këto veprime, individë apo grupe, kanë fyer e cenuar vlerat e lirisë dhe vetë luftën e UÇK-së.

Ne duhet t’i standardizojmë vlerat çlirimtare dhe të mos e lejojmë askënd që t’i degjenerojë ato.

Gjykata speciale nuk është produkt i vendimeve politike të gabuara.

Nuk duhet të shikohet si ndëshkim, por si avantazh për vendin.

Presioni ndërkombëtar për themelimin e saj ka ardhur si rezultat i përvojës së keqe në mbrojtjen e dëshmitarëve.

 

Unë besoj në Zot dhe vlera morale, ndërgjegje, drejtësi e pajtim, duke mos e akuzuar apo ofenduar askënd për asgjë.

Por, duke i ftuar të gjithë për drejtësi, solidaritet dhe pajtim ndëretnik.

Zonja  e zotërinj,

Këtë vit kemi vendosur marrëdhënie kontraktuale me BE-në dhe kemi nisur dialogun politik me NATO-n.

Janë këto dy pika të përcaktuara si qëllimet tonat dhe për këtë kemi konsensus të plotë politik dhe shoqëror.

Do të dëshironim që udhëtimi ynë drejt NATO-s e BE-së të jetë më i shpejtë.

Por, kjo nuk varet vetëm nga dëshira dhe nga puna jonë.

BE-ja dhe shtetet anëtare të saj sot kanë sfida të mëdha dhe kanë nevojë që t’i rimendojnë raportet në mes tyre dhe pozitën e tyre në vetë Unionin Evropian.

Përgjigjet nuk do jenë as të shpejta, as të lehta.

Kosova më shumë se të gjitha shtetet tjera të Ballkanit Perëndimor është duke vuajtur pasojat e kësaj situate komplekse.

Si pasojë, jemi ende të fundit në rajon në kuadër të procesit të integrimit në BE dhe jemi padrejtësisht të izoluar nga BE-ja në aspektin e lëvizjes pa viza në Zonën Shengen.

Pavarësisht këtij fakti të hidhur, BE-ja që synojmë ne, më shumë se Brukseli apo Komisioni Evropian, se Parlamenti Evropian apo Këshilli i Ministrave, është BE-ja e vlerave për të cilat angazhohemi ne.

Paqja dhe dialogu, bashkëpunimi rajonal dhe marrëdhëniet e mira fqinjësore, toleranca dhe bashkëjetesa në mes etnive e feve, gjithëpërfshirja dhe të drejtat e liritë e njeriut. Këto janë vlerat që ne ia përshkruajmë BE-së, por janë edhe vlerat me të cilat ne dëshirojmë të udhëhiqemi e të bashkëjetojmë.

Jetojmë në një botë më dinamike se kurdoherë më parë, me trende dhe lëvizje përplot me të panjohura.

 

Por, ne kemi arritur t’i identifikojmë aleancat tona strategjike dhe të qëndrueshme.

Jemi përcaktuar për marrëdhënie të veçanta me Shtetet e Bashkuara të Amerikës dhe për bashkëpunim me BE-në deri në anëtarësim të plotë në këtë organizatë.

Jemi përcaktuar për marrëdhënie të mira ndërfqinjësore dhe për bashkëpunim rajonal.

Jemi përcaktuar që idetë ekstremiste e radikale, pa marrë parasysh se nga çfarë ideologjie janë nisur, idetë përjashtuese të komuniteteve e individëve, të mos i pranojmë si parime apo ideologji në shoqërinë tonë.

Kosova është shtëpi e të gjithë qytetarëve të saj, shembull i dialogut dhe pajtimit, tolerancës dhe bashkëjetesës.

Kosova është shembull se si të gjendet fuqia që të tejkalohet e kaluara e hidhur, me lufta e dhimbje, dhe të ndërtohet e ardhmja në paqe e prosperitet.

Kjo është ajo për të cilën kam punuar këtë vit.

Kjo është ajo për të cilën do të punoj edhe katër vitet e ardhshme.

Ju ofrojmë bashkëpunim institucioneve vendore e partnerëve ndërkombëtarë për forcimin dhe zhvillimin e vendit tonë, që të jemi krahë për krahë me botën e qytetëruar.

Këtë e kemi obligim. Këtë presin qytetarët nga ne. Për këtë do të angazhohemi.

Ju faleminderit!

Edhe Vetëvendosja bojkoton fjalimin e Thaçit në Kuvend

As subjekti më i madh opozitar, Vetëvendosje nuk do të jetë nesër në seancën e Kuvendit, kur presidenti Hashim Thaçi, do t'iu adresohet deputetëve dhe qytetarëve në fjalimin e fundvitit.

Periskopi.com Lajme

Mospjesëmarrjen e ka konfirmuar për Periskopi.com, Shkodran Hoti nga Vetëvendosje.

“Jo nuk do të marrim pjesë”, tha ai shkurt.

Ndryshe, më herët edhe dy partitë opozitare, Aleanca për Ardhmërinë e Kosovës dhe Nisma për Kosovën kanë konfirmuar se nuk do të jenë në seancë, nesër, e premte.

Seanca e veçantë ku presidenti Thaçi do të mbajë fjalimin e fundvitit para deputetëve, do të fillojë në orën 11:00.

Disa nga deputetët e opozitës nuk do të jenë pjesëmarrës në këtë fjalim, për arsye se nuk e kanë pranuar Thaçin president që nga dita e zgjedhjes së tij.

Partitë opozitare të cilat kanë kundërshtuar zgjedhjen e Thaçit si president, kanë bojkotuar edhe takimet për reformën zgjedhore të thirrura nga Thaçi.

Adresimi i Presidentit të vendit para deputetëve është obligim kushtetues, në të cilin i para i vendit raporton për punën një vjeçare të tij. / Periskopi

Presidenti Thaçi të premten i adresohet Kuvendit të Kosovës

Presidenti i vendit, Hashim Thaçi, të premten i adresohet Kuvendit të Kosovës.

Periskopi.com Lajme

Lajmi.net merr vesh se i pari i shtetit, të premten e 23 dhjetorit, nga ora 12 flet para deputetëve.

Ky adresim në Kuvend bëhet sipas obligimit kushtetues që ka presidenti.

 

Një president si ai i Austrisë, rrugëve të qytetit në kërkim të zbritjeve (Foto)

Në një rrugë të frekuentuar të Vjenës, një ditë më parë kanë qarkulluar afro 140 mijë kalimtarë, shumë nga të cilët blerës.

Periskopi.com Lajme

Një nga blerësit, që siç shihet në foto mban diçka në duar, është edhe një person i veçantë, që quhet Alexander Van der Bellen.

Ky është presidenti i porsazgjedhur i Austrisë, në përditshmërinë e tij, si profesor, si qytetar e si politikan në shërbim të popullit, përcjell Telegrafi

Dhe, ky person, që do të udhëheq me një nga shtetet më të zhvilluara në botë – me histori të madhe e krenare, politike, ushtarake, shkencore e artistike; shtetin trashëgimtar të një prej superfuqive dhe perandorive më jetëgjata në botë – ecën vetëm, në këmbë.

A vjen kjo ditë te shqiptarët?

Kryeministri Dorëheqja e Matteo Renzit “ngrihet” përkohësisht nga Presidenti italian

Kryeministri i Italisë, Matteo Renzi, do të vazhdojë të qëndrojë në zyrën e tij për së paku edhe një javë, pasi Presidenti i Italisë, ka kërkuar nga social-demokrati ta “ngrijë” dorëheqjen e tij përkohësisht derisa Senati ta kalojë buxhetin për vitin 2017,

Periskopi.com Lajme

Renzi u takua me Sergio Mattarellan të hënën në pallatin presidencial – Quirinale – që kështu zyrtarisht ta japë dorëheqjen et tij pas disfatës që pësoi në referendumin e iniciuar për ndryshime kushtetuese.

Renzi pritej të largohej menjëherë, por tani dorëheqja e tij mund të vonohet të paktën deri në Krishtlindje.

Presidenti aktual i Francës nuk do të rikandidojë më në këtë post

Presidenti i Francës Francois Hollande ka konfirmuar se nuk do të kandidojë për një tjetër mandat si kreu i shtetit francez.

Periskopi.com Lajme

Këtë vendim Hollande e bëri publik gjatë një deklarate për mediat drejtuar popullit francez.

Zgjedhjet në Francë zhvillon në pranverë të 2017.

“Jam i vetëdijshëm për rrezikun që duke ndjekur këtë rrugë nuk do të kem mbështetje të mjaftueshme, kështu që kam vendosur mos të kandidoj në zgjedhjet presidenciale. Në muajt e ardhshëm, detyra ime do të jetë të vazhdoj drejtimin në krye të shtetit”, u shpreh Hollande.

Francois Hollande është President i Francës që prej vitit 2012.

Trump heq dorë nga bizneset e tij: “Do i përkushtohem presidencës”

Presidenti i zgjedhur, Donald Trump ka deklaruar ditën e sotme se do të heq dorë nga bizneset e tij të pasurive të patundshme për tu përkushtuar në punën e tij të re.

Periskopi.com Lajme

Donald tha se do ta mbajë një konferencë pas 15 ditës për të sqaruar detaje nga puna e tij në Shtëpinë e Bardhë.

“Do të mbajë një konferencë të madhe në New York, bashkë me fëmijët e mi, më 25 dhjetor për të deklaruar faktin se do të largohem plotësisht nga drejtimi i bizneseve të mi dhe do të përqëndrohem plotësisht në punën e presidentit për ta bërë Amerikën sërish madhështore.”- ka thënë ai nëpërmjet një serie postimesh ne Twitter./ Opinion