Ilir Meta nuk do të jetë gjatë president, thotë analisti dhe tregon arsyen

Periskopi.com Lajme

Analisti Astrit Gashi thotë se Ilir Meta nuk mund të përfundoj mandatin e rregullt si president.

Sipas Gashi, kjo  për shkak Vettingut dhe me drejtësinë aktuale në Shqipëri, do të ja ndërprejnë këtë mandat më herët se që ai mund të shpresoj.

“Ballkani do të pastrohet. Radha do t’i vie edhe Shqipërisë”, thotë Gashi. / periskopi.

Mësojeni kush është Ilir Meta, Presidenti i 7-të i Republikës së Shqipërisë

Periskopi.com Lajme

Ilir Meta u zgjodh sot Presidenti i 7-të i Republikës së Shqipërisë.

Karriera politike 26-vjeçare e z. Meta është mjaft e pasur dhe e gjatë.

Ilir Meta lindi më 24 mars të vitit 1969 në Skrapar, Shqipëri.

U diplomua për Ekonomi Politike në Fakultetin Ekonomik të Universitetit të Tiranës. Ilir Meta ka përfunduar Studimet Pasuniversitare në të njëjtën fushë. Meta është që prej 15 viteve deputet i Kuvendit të Shqipërisë, dhe një nga figurat kryesore politike shqiptare. Ai konsiderohet nga media dhe publiku si krijuesi dhe drejtuesi i Polit të Tretë në Politikën Shqiptare.

Ilir Meta ka një aktivitet intensiv politik, duke filluar nga viti 1990, si pjesëmarrës aktiv në lëvizjen studentore që përmbysi regjimin komunist. Nga viti 1992 në vazhdim, Ilir Meta është zgjedhur pa ndërprerje deputet në të gjitha legjislaturat e Kuvendit të Shqipërisë, në të cilin ka qenë anëtar i disa komisioneve dhe gjatë periudhës 1996-1997 ka mbajtur postin e Nënkryetarit të Komisionit të Politikës së Jashtme.

Ilir Meta është njëri ndër themeluesit e Forumit të Rinisë Eurosocialiste (FRESH), duke dhënë kontributin e tij për anëtarësimin e Forumit në Internacionalen e Rinisë Socialiste. Gjatë viteve të anëtarësisë së tij në FRESH, Ilir Meta ka mbajtur poste të larta drejtuese si, Nënkryetar (1992-1995) dhe Kryetar (1995-2001).

Aktiviteti politik i Ilir Metës në strukturat e Partisë Socialiste është i ngjeshur.

Ai ka qenë anëtar i Komitetit të Përgjithshëm Drejtues nga Kongresi i Qershorit 1992 dhe anëtar i Kryesisë së Partisë nga viti 1993, deri në periudhën kur dha dorëheqjen nga kryesia e PS-së (Korrik 2003), pas problemeve që ngriti pranë strukturave drejtuese të PS-së mbi mungesën e transparencës në drejtimin e Qeverisë dhe Partisë prej Kryeministrit dhe Kryetarit të Partisë, Fatos Nano.

Gjatë periudhës 1997-1998, Ilir Meta ka qenë Kryetar i Partisë Socialiste të Tiranës.

Në periudhën 1993 -1996, Ilir Meta ka mbajtur postin e Nënkryetarit të Partisë Socialiste dhe nga 1994 – 1996 edhe atë të Sekretarit për Marrëdhëniet Ndërkombëtare, periudhë gjatë së cilës u vendosën marrëdhënie me shumë parti socialiste dhe socialdemokrate të Evropës, si dhe Partinë Socialiste Evropiane dhe Internacionalen Socialiste.

Përveç aktivitetit politik, Ilir Meta ka dhënë leksione në Fakultetin Ekonomik të Universitetit të Tiranës, si dhe në disa akademi dhe universitete në Evropë dhe SHBA, si Akademia Evropiane e Berlinit apo Universiteti i Harvardit.

Aktiviteti politik i Ilir Metës përfshin edhe një periudhë të suksesshme të drejtimit në Qeveri, ku ka shërbyer si Kryeministër i vendit gjatë periudhës Nëntor 1999 – Shtator 2001 dhe pas fitores së zgjedhjeve parlamentare të verës së vitit 2001 u rimandatua si Kryeministër, Shator 2001 – Shkurt 2002. Gjatë kësaj periudhe u shënuan arritjet më të mira të qeverisjes së vendit për periudhën e tranzicionit, stabilizimi i parametrave makro-ekonomik, përmirësimi i ndjeshëm i rrjetit rrugor, privatizimi i suksesshëm i disa prej sektorëve strategjik të ekonomisë, vendosja dhe funksionimi i ligjit në të gjithë terrorin e vendit, etj.

Në Shkurt 2002, për të shmangur krizën brenda maxhorancës politike dhe qeverisëse dha dorëheqjen nga detyra.

Gjithashtu, Ilir Meta ka shërbyer edhe si Zv.kryeministër dhe Ministër i Punëve të Jashtme gjatë periudhës Korrik 2002 – Korrik 2003, Zv.kryeministër dhe Ministër i Integrimit gjatë periudhës Tetor 1998 – Tetor 1999, si dhe Sekretar Shteti për Integrimin Evropian në Ministrinë e Punëve të Jashtme Mars – Tetor 1998.

Në vitet 2003-2004, Ilir Meta ka qenë anëtar i Komisionit Ndërkombëtar për Ballkanin, i drejtuar nga ish Kryeministri i Italisë, Xhuliano Amato, komision i cili përgatiti Raportin për të Ardhmen e Rajonit të Ballkanit, dhe shtroi rrugën për pavarësinë e Kosovës.

Ilir Meta, pas përpjekjeve brenda strukturave drejtuese të PS-së, për ndryshimin e funksionimit dhe demokracisë së brendshme në këtë force politike, më 6 shtator 2004, së bashku me 500 personalitete të tjerë dhe intelektualë të të gjitha fushave, themeluan një forcë të re politike në Shqipëri, Lëvizjen Socialiste për Integrim.

Ilir Meta u zgjodh në krye të LSI-së në prill të vitit 2005, duke zbatuar për herë të parë parimin “Një anëtar, një vote”. Z. Meta është rikonfirmuar në krye të LSI-së, në zgjedhjet e tetorit 2012 dhe së fundmi në 6 nëntor 2016.

Në periudhën shtator 2009-shtator 2010, Ilir Meta ka shërbyer si Zv. Kryeministër dhe Ministër i Punëve të Jashtme, e më pas si Zv. Kryeministër dhe ministër i Ekonomisë, Tregtisë dhe Energjetikës gjatë periudhës shtator 2010-janar 2011.

Në vitin 2013 Meta u zgjodh Kryetar i Parlamentit pas fitores së koalicionit PS-LSI në zgjedhje.

Sot në 28 prill 2017, Ilir Meta u zgjodh Presidenti i 7-të Republikës së Shqipërisë.

Ilir Meta është i martuar me Monika Kryemadhin dhe kanë tre fëmijë, Borën, Besarin dhe Erën.

Ilir Meta flet për herë të parë si President, tregon ëndrrën e tij

Periskopi.com Lajme

Ilir Meta është zgjedhur Presidenti i 7-të i Republikës së Shqipërisë.

Duke folur në sallën e Kuvendit, menjëherë pasi mori 87 votat e mazhorancës, Meta ka falënderuar ata që e votuan dhe ata që nuk e votuan.

Por Meta nuk harroi të falenderojë dhe deputetët e opozitës që sipas tij, ishin një shtysë më tepër që ai të bëhej president.

Pjesë nga fjala e Ilir Metës:

Faleminderit zonja drejtuese e seancës, faleminderit zoti Ulqini, faleminderit të gjithëve që morën pjesë, të gjithë atyre që votuan pro, një falënderim të veçantë edhe për ata që votuan kundër. Dua të falënderoj në mënyrë të veçantë kolegët që mungojnë, pasi me mungesën e prezencës ata më nxitën të pranoj kandidimin.

Nuk kam përgatitur ndonjë fjalim. Mesa kam dëgjuar këshillat e zotit Dokle kam pasur sukses, kështu që po flas pa letër.

Çdo politikan është midis 2 raporteve pushtetit dhe demokracisë. Unë kam zgjedhur demokracinë në raport me pushtetin, sepse pushtet ka dhe në vendet jodemokratike. Kjo për një arsye të thjeshtë, kur u tha se unë kam Lindur në Çepan të Skraparit.

Çepani është një nga fshatrat më të thellë në Shqipëri. Kur isha student ëndrra më e madhe ishte të bëhesha pedagog.

Këtë e di dhe profesor Angjeli. Atëherë ishte e vështirë të ëndërroje të bëheshe, deputet, kryeministër apo të zgjidheshe president.

Habit Ahmadinejad, sërish kandidat për president

Periskopi.com Lajme

Mediat shtetërore në Iran kanë njoftuar se ish-presidenti Mahmud Ahmadinejad, një konservator i vijës së ashpër, që ka shërbyer në dy mandate, është regjistruar si kandidat për zgjedhjet presidenciale të 19 Majit.

Ahmadinejad e ka paraqitur kandidaturën e tij në ditën e dytë të afatit të regjistrimit që zgjat prej 11 deri më 15 prill, bëjnë të ditur mediet më 12 prill.

Udhëheqësi suprem Ayatollah Ali Khamenei i tha vitin e kaluar Ahmadinejadit që të mos kandidojë për president.

Mediat iraniane njoftuan se edhe bashkëpunëtori i afërt i Ahmadinejadit, Hamid Baghaei, një ish-zëvendës president, gjithashtu është regjistruar si kandidat.

Kandidatët e ardhshëm do të verifikohen nga Këshilli i Gardianëve, një vijë e ashpër.

Ahmadinejad tha javën e kaluar se nuk po planifikonte që të kandidonte dhe se do të mbështeste Baghaein.

Baghaei, u mbajt në arrest për disa muaj në vitin 2015 nën akuza të panjohura.

Të pranishmit në inaugurim të presidentit Donald Trump

Shumë prej tyre jo vetëm që nuk ishin dakord me të, por edhe e kritikuan ashpër, sidomos në ditët më të nxehta të fushatës.

Periskopi.com Lajme

U kritikua për premtimet për ekonominë, për murin me Meksikën, qëndrimin ndaj emigracionit, mohimin e ngrohjes globale dhe për sinjalet afruese me Rusinë.

Por në inaugurimin e Donald Trump, zërat kryesorë të këtyre kritikave do të jenë të pranishëm, duke nisur që nga vetë Hillary Clinton, rivalja e tij në zgjedhjet e nëntorit së bashku me Bill Clinton.

Në ceremoni do të marrin pjesë gjithashtu ish-presidentë dhe Zonjat e Para, përfshi edhe George W.Bush dhe Lara Bush.

I vetmi që do të mungojë është 92-vjeçari George Bush Senior, aktualisht i shtruar në spital për probleme të frymëmarrjes. Në plate do të ketë edhe anëtarë të Kongresit, ndërsa më shumë se 50 demokratë të Dhomës së Përfaqësuesve, kanë vendosur ta bojkotojnë eventin.

Llogaritet që në Uashington të mblidhen përgjatë ditëve në vijim 800 deri në 900 mijë vetë, edhe pse nuk është ende e qartë se sa do të vijnë për të festuar, e sa të tjerë do t’i hyjnë këtij rrugëtimi vetëm për të kundërshtuar presidencën e Donald Trumpit.

/ Top Channel

8 premtimet e Trump-it për ditën e parë si president

Pas një fushate të ashpër presidenciale e kaluar përmes akuzave për ngacmimit seksual, gare ‘dhëmbë për dhëmbë’ me Hillary Clilnton dhe hakerave rus, Donald Trump merr sot detyrën dhe inaugurohet zyrtarisht si Presidenti i 45-sët amerikan.

Periskopi.com Lajme

Revista “Time” sjell një listë me 8 zotimet e Trumpit, veprime që u ka premtuar zgjedhësve amerikane që do t’i realizojë ditën e parë që do të hynte në Shtëpinë e Bardhë.

Ja 8 premtimet e Presidentit të ri për sot:

Caktimi i një amendamenti kushtetues mbi kufizimin e numrit të mandateve të kongesmenëve

Ndalimi i emigracionit nga vendet që janë të lidhura me terrorizmin dhe ku verifikimi është i vështirë.

Heqja e barrikadave të epokës Obama ndaj projekteve energjetike, të tillë si naftësjellësi Keystone XL.

Ndalimi i punësimeve të reja në qeverinë federale për të reduktuar buxhetin. Ushtria, siguria publike dhe shëndeti publik janë të përjashtuara nga ky projekt.

Shpallë planet për të ri-negociuar Marrëveshjen e Tregtisë së Lirë të Amerikës së Veriut me Kanadanë dhe Meksikën ose tërheqje nga marrëveshja.

Heqja e kufizimeve për gërmimin e qymyrit në miniera dhe për shpimet për naftë dhe gaz natyral.

Anulimi i pagesave amerikane për programe mbi ndryshimet klimatike të Kombeve të Bashkuara. Përdorimi i këtyre fondeve për krijimin e infrastrukturës së ujit dhe asaj ambientaliste në SHBA.

Tërheqja zyrtare e Amerikës nga Partneriteti Trans-Paqësor.

Këta janë emrat e politikanëve shqiptarë që Trump ka ftuar për ceremoninë e betimit

Më 20 Janar Donald Trump do të kryejë betimin dhe do të marrë zyrtarisht detyrën e Presidentit të SHBA-së.

Periskopi.com Lajme

Në ceremoninë e inaugurimit që do të zhvillohet në Uashington do të ketë mijëra personalitete dhe të ftuar në këtë eveniment do të jenë edhe disa politikanë shqiptarë.

Mësohet se kreu i PD-së Lulzim Basha dhe ai i PR-së, Fatmir Mediu kanë marrë ftesa për të qenë pjesë e ceremonisë së inaugurimit të presidenti të ri të SHBA-së, Donald Trump.

Të ftuar të tjerë do të jenë edhe deputeti Eduart Ndocaj, i cili edhe më herët e ka deklaruar publikisht se ka marrë ftesë për të qenë në këtë ceremoni.

Gjithashtu i ftuar do të jetë edhe deputeti i PS Pandeli Majko, i cili është njëherësh edhe Kryetar i Grupit të Miqësisë Shqipëri-SHBA.

Ndërsa, në Kosovë deri më tani është raportuar se do të jenë kreu i AKR-së, Behgjet Pacolli, dhe ai i AAK-së, Ramush Haradinaj. Ende nuk është konfirmuar saktësisht për asnjërin. /Albeu.com/

Reagon Pacolli: Nesër do të denoncoj Enver Hasanin për shpifje e gënjeshtra

Pas deklaratës së ish kreut të Gjykatës Kushtetuese, Enver Hasani, se njerëz të Begjet Pacollit i kishin ofruar atij 1 milion euro për të marrë vendim që e linte këtë të fundit në krye të shtetit, ka reaguar vetë Pacolli.

Periskopi.com Lajme

“E shikova emisionin e Adriatik Kelmendit dhe rastësisht e dëgjova tek përmendet emri im. Enver Hasani, unë nesër do të ju denoncoj për gënjeshtra dhe shpifje me qëllim të dëmtimit të personalitetit tim”, ka shkruar Pacolli, përcjell Koha.net. “O Zot… kush e ka udhëhequr Gjykatën Kushtetuese të Kosovës! Arsyen pse ju e bëni këtë do t’ia tregoni Gjykatës”, ka thënë Pacolli.

Mësohet sa para ia ofruan Enver Hasanit njerëzit e Pacollit, për vendim në favor të këtij të fundit (Video)

Mësohet sa para ia ofruan Enver Hasanit njerëzit e Pacollit, për vendim në favor të këtij të fundit (Video)

Njerëzit e Behxhet Pacollit i kishin ofruar 1 milion euro Enver Hasanit, atëherë kryetar i Gjykatës Kushtetuese. E gjithë kjo shumë për të ndryshuar vendimin e gjykatës rreth rastit Pacolli.

Periskopi.com Lajme

Këtë për Rubikon të KTV-së e bëri të ditur vetë ish kryetari i Gjykatës Kushtetuese, Enver Hasani.

Ai tregoi se si në një ditëlindje, njerëzit e Pacollit i ishin afruar atij dhe e kishin pyetur për numrin e xhirollogarisë.

“Njerëzit e tij m’i kanë ofruar 1 milion euro, përveç kërcënimeve që kam marrë unë dhe familja ime në emër të tij. Në një ditëlindje ku isha i ftuar, në Prishtinë, më afrohet një person dhe më thotë, xhirollogarinë në bankë se kemi fol me një mik timin të përbashkët, nuk është me rëndësi emri, i thashë për çka, tha për me t’i bartë paret, ishte tri katër ditë para se me ndodh vendimi për rastin Pacolli”, ka thënë ai.

“Thashë më thirri gruaja se ishte vajza pak pa qef dhe kam dal e kam shku në një ditëlindje të fëmiut të një miku që ishte po ashtu në Emerald. E thirra këtë mikun e përbashkët e i thashë se si i kishte thënë ashtu por më tha se i kishte thënë që mos se Enver nuk është i këtyre punëve”.

Hasani theksoi se kjo ishte bërë në emër të Pacollit për të ndryshuar vendimin.

 

Kur Enver Hasani rrëfehet: Pas gjashtë vitesh flet se si Pacolli u bë president

Ish kryetari i Gjykatës Kushtetuese, Enver Hasani foli për një takim që e pati me tashmë presidentin, Hashim Thaçi.

Periskopi.com Lajme

Ai tregon se si Thaçi i kishte thënë se Hasani i kishte premtuar ambasadorit Dell se vendimi për rastin Pacolli do të jetë i kundërt.

“Hashim Thaci më tha se gjoja unë i kam premtuar ambasadorit Dell se vendimi për Pacollin do të jetë i kundërt dhe unë i thashë që nuk është ashtu sepse e kam pasur një bisedë të pakëndshme me Dell-in në një bisedë telefonike. I kam thënë vendimmarrja është kolektive dhe ata që më njohin e din që nuk rrej”, ka thënë ai në “Rubikon” të KTV-së.

Tutje Hasani thotë se ambasadori i atëhershëm Dell i tha se po mendojnë që ta bëjnë Jakup Krasniqin kryetar dhe ajo kurrë nuk mund të ndodhë, për çka Hasani thotë se i tha që kjo nuk qëndron.

“Në mbrëmje doli Krasniqi dhe tha se nuk mundet me na tregu Enver Hasani se a rrinë deputetët apo çka duhet të bëjnë pas vendimit dhe pastaj e kanë qarkulluar këtë për diskreditim”, ka thënë Hasani.

Hasani thotë se pas takimit që pati me Thaçin, kur u fut në makinë, i tha personit që ishte me të se Thaçi i dinte më mirë rastet e Hasanit se vetë ai.

Hasani thotë se gjatë detyrës si kryetar është ndjerë i kërcënuar por jo edhe i shantazhuar.

President i kujt është Hashim Thaçi? (Video)

I zgjedhur nën tymin, gazin dhe protestat e partive opozitare në Kuvend, Hashim Thaçi e mbyll vitin e tij të parë si President me dy ngjarje kryesore që e bënë atë të kujtohet në vitin që po e lëmë pas.

Periskopi.com Lajme

Ka qenë edhe nderimi me përulje tek dy monumentet e viktimave serbe gjate luftës që e karakterizojnë Thaçin në funksionin e tij të presidentit të vendit. Dy ngjarje këto që kanë nxitur reagime të fuqishme të partive politike opozitare por edhe të publikut në përgjithësi.

Njohësit e rrethanave politike në vend thonë se Presidenti Thaçi nuk ka arritur të jetë aspak unitar dhe se nuk ka arritur të fitojë besimin e partive opozitare dhe të qytetarëve.

Analisti Donik Sallova, thotë se Thaçi edhe me zgjedhjen në krye të shtetit nuk po arrin që të dalë përtej imazhit përçarës politik.

Që presidenti i vendit nuk luan një rol unifikues e thotë edhe analisti tjetër politik, Adrian Qollaku. Ky i fundit, madje thotë se Thaçi ende nuk është mësuar me rolin e presidentit. Sipas tij, sjellja e tij ngjason me atë të kryeministrit.

Radikali Sheshel, i preferuari i serbëve për President

Në vitin 2017 në Serbi do të mbahen zgjedhjet për president të shtetit dhe sipas një sondazhi online të gazetës serbe Kurir, i preferuari i padiskutueshëm i serbëve është Lideri i Radikalëve serbë, Vojsllav Sheshel.

Periskopi.com Lajme

Rezultati i sondazhit, që po vazhdon, ka qenë shokues për shumë kë, pasi Sheshel është edhe para Presidentit aktual, Tomislav Nikoliq e ministrit të Punëve të Jashtme, Ivica Daçiq, njofton Klani

Madje, Sheshel prinë në votimin online edhe në raport me kryeministrin serb dhe politikanin më të pëlqyer në Serbi, të paktën sipas zgjedhjeve të fundit, Aleksandër Vuçiq.

Votata për Vuçiq besohet se nuk janë dhënë, pasi që dihet se ai nuk e ka ndërmend të lëshojë pozitën e të parti të Qeverisë për të garuar për Presidencë, por deri në fund të votimit pritet që të ketë një duel në mes të Sheshel e Nikoliq.

Trump refuzon pagën e presidentit prej 400 mijë dollarë në vit

Presidenti i sapozgjedhur amerikan Donald Trump refuzoi pagën presidenciale prej 400 mijë dollarë në vit.

Periskopi.com Lajme

Trump më 17 shtator në tubimin e tij në New Hampshire tha se në rast të zgjedhjes së tij si president do të refuzojë pagën që i takon si president, raporton AA

“Gjëja e parë që do të bëj kur të bëhem president? Do të refuzoj pagën e Presidentit. Kjo për mua nuk është ndonjë gjë e madhe”, pati thënë Trump.