Masat e policisë gjatë sezonit veror në Shqipëri

Periskopi.com Lajme

Policia e Shtetit ka marrë të gjitha masat për të garantuar rendin dhe sigurinë gjatë sezonit veror për turistët vendas e të huaj që kanë vendosur të kalojnë pushimet në territorin shqiptarë.

Burime të  Agjencisë Telegrafike Shqiptare bën të ditur se do të jenë 31 komisariate dhe posta policore në gatishmëri të plotë për sezonin turistik.

Ky numër komisariatesh të angazhuara përbën gjysmën e komisariateve që ka në total vendi ynë, 60.

Policia e Shtetit ka hartuar planin e masave për sezonin turistik. Policia e Shtetit dokumentin në fjalë ja ka shpërndarë strukturave në qarqe të cilat do të zbatojnë këto masa. Gjatë vitit 2015 në vendin tonë janë regjistrua 4.3-4.8 milion pushues vendas e të huaj, ose 25 % më shumë se gjatë vitit 2014. Nga 15.05.2015-15.09.2015 kanë hyrë 8 283 835 shtetas shqiptarë e të huaj, që kanë hyrë ne vendin tonë. Ndërkohë që janë numëruar  2 210 294 mjete  ose 10% më shumë se një vit më parë. Këtë vit ashtu si edhe vitin e shkuar do të ketë punonjës policie me uniformë verore, biçikleta policie verore, si dhe moto mjete ujore. Kjo risi për Policinë Shqiptare do të shtrihet në zonën e Dhermiut, e jo vetëm.

Gjatë  sezonit veror, vitin e shkuar janë angazhuar 3 150 punonjës policie, 1 606 kanë qenë të strukturave vendore të policisë dhe 1 544 kanë qenë polici kufitare. Një numër i ngjashëm do të angazhohet edhe këtë sezon, por kjo nuk do të thotë se të gjithë efektivët e tjerë të policisë nuk do të angazhohen, pasi forcat e rendit dhe sigurisë do të jenë të angazhuara 100% në ruajtjen e qetësisë për turistët 24 orë në të gjithë territorin.

Sipas burimeve policore gjatë sezonit veror, siç është bërë dhe traditë do të hapen katër post policore në Theth, Gjiri Lalzit, Valbonë dhe Ksamil, Thethi e Valbona janë për turizmin malor.

Policia tregon për mbarëvajtjen e procesit zgjedhor

Periskopi.com Lajme

Baki Kelani, zëdhënës i Policisë së Kosovës ka thënë se Policia e Kosovës ashtu siç ka paraparë ka angazhuar zyrtarë të mjaftueshëm për mbarëvajtjen e procesit zgjedhor në Kosovë.

“Deri në këto momente të gjithë zyrtarët i kemi nëpër pika dhe deri më tani mund të thuhet se nuk është paraqitur ndonjë problem”, ka thënë Kelani.

Ai ka bërë të ditur se zyrtarët policorë sot do të jenë të angazhuar edhe me orar më të zgjatur se normalisht.

“Aty ku është kërkuar nevoja kemi bërë shtesë, varësisht prej nivelit të rrezikshmërisë. Në aspektin e sigurisë çdo gjë është duke shkuar në rregull përfshirë edhe veriun e Mitrovicës”, ka thënë ndër tjerash Kelani.

A do të veprojë Policia e Kosovës të dielën edhe në veri të Mitrovicës?

Periskopi.com Lajme

Të dielën, më 11 qershor, në Kosovë d të mbahen zgjedhje e parakohshme parlamentare.

Edhe Polica e Kosovës ka përgatitur urdhrin operativ për procesin zgjedhor të 11 qershorit.

Baki Kelani nga PK-ja, tha për Radion Evropa e Lirë se sikurse në zgjedhjet e kaluara, edhe më 11 qershor pritet që të angazhohet një numër i madh i pjesëtarëve të policisë për ofrimin e sigurisë publike dhe mbarëvajtjen e procesit zgjedhor.

“Do të kemi mjaftueshëm policë të profileve të ndryshme, të njësiteve të ndryshme për të menaxhuar me gjithë procesin zgjedhor në aspektin e ofrimit të sigurisë nga ana e policisë”, u shpreh Kelani.

Ai theksoi se me urdhrin operativ të hartuar nga Drejtoria e Policisë në Prishtinë, do të veprohet në gjithë territorin e Kosovës.

“Urdhri operativ është i hartuar për gjithë territorin e Kosovës dhe normalisht që vlen edhe për pjesën e veriut të Mitrovicës dhe edhe atje do të ketë angazhim të zyrtarëve policorë për aq sa e kërkon nevoja, pra kudo ku shtrihet procesi zgjedhor”, shpjegoi Kelani.

Këto janë kriminelët maqedonas që i kërkon policia për dhunën në Kuvend, nëse i njihni paraqituni në Polici (Foto)

Periskopi.com Lajme

Më poshtë janë publikuar disa fotografi nga CentarNews me të dyshuarit e dhunshëm për të cilët policia është vënë në kërkim të tyre.

Policia thotë se për çdo informacion në lidhje me identitetin e personave në kohën më të shpejtë të mundshme të lajmëroheni në polici.

Fotot janë lëshuar në të gjitha stacionet policore për të identifikuar individët,ndërta  MPB-ja do të arrestojnë të gjithë ata që kanë hyrë në parlament, janë identifikuar 245 dhunues, por çdo ditë po identifikohen persona të tjerë.

Dardan Molliqaj kërcënohet me jetë, merr mesazhe tepër të rënda

Periskopi.com Lajme

Lëvizja Vetëvendosje ka mbajtur konferencë të jashtëzakonshme ngase sekretari i kësaj partie, Dardan Molliqaj është kërcënuar me jetë, sërish.

Kjo parti bënë të ditur se ai u kërcënua mbrëmë, e shtunë, 6 maj, sërish nga profili i njëjtë. Ata i kanë treguar se po e përcjellin gjatë gjithë kohës prej sulmit e tutje, i cili i ndodhi më 21 mars të këtij viti.

Fjalë ofenduese dhe sharje ka në mesazhin e fundit, e ku edhe i tregojnë që po e përcjellin dhe ja tregojnë orën se ku ka qenë në dy ditët e fundit.

E gjithashtu kërcënim të dytë ka marrë edhe nga vëllai i drejtorit të operacioneve në Polici, Xhavit Qalaj, që është Rashit Qalaj.

“Ndëgjo mirë, për shpifjet ndaj babait tim se gjoja bashkëpunëtor i SPS nëse nuk kërkon falje publike kam me të faru me shka të ki të gjallë, e sa për vllaun Rashit Qalaj nëse ki dëshmi dil me to paditë rregullone sipas Ligjit e me mu ki punë, beso ki me i ra pishom që je gjallë”, shkruhet në mesazhin që e kanë publikuar Vetëvendosje.

“Vetëm dije mirë se më ke shumë borxh, ku sipas kanuni e di shkak të pret, të betohem , nëse nuk kërkon falje do e pësosh keq”, vazhdon mesazhi kërcënues.

Albulena Haxhiu nga kjo parti e cila ka paraqitur këto mesazhe kërcënuese tha se neglizhenca e policisë i ka inkurajuar sulmuesit.

Shefi i grupit parlamentar të Vetëvendosjes, Glauk Konjufca ka thënë se Policia dhe gjyqësia në Kosovë nuk bëjnë detyrat e tyre.

Sipas tij, këto dy institucione po shfrytëzohen për t’i luftuar kundërshtarët politik, persekutuar kundërshtarët politik e mbi të gjitha Lëvizjen Vetëvendosje.

Konjufca thotë se policia po e neglizhon këto kërcënime. Kjo sipas tij, i len të besojnë se krejtësisht mund të jetë e organizuar nga segmentet e Policisë.

“Shpjegimet tona për kapjen e shtetit, paraqitja e jonë e skemave të krimit të organizuar në Kosovë, i shqetëson ata dhe kundërgodasin vetëvendosjes me shantazhe e shumëçka”, tha ai.

Konjufca tha se shantazhet po shtohet kohëve të fundit./ Periskopi

Gjenden thasë me kanabis në një banesë, 4 arrestime në Novoselë

Periskopi.com Lajme

Policia e Vlorës ka arrestuar 4 persona në fshatrat e Vlorës, në Fitore, Kotë e Penkovë, pasi ka zbuluar disa thasë me kanabis në shtëpinë e Saimir Bitajt, 39-vjeçarit nga Fitorja.

Në kuadrin e operacionit të koduar “Return” janë sekuestruar edhe 77 kilogramët e kanabisit. Të arrestuarit janë:

1- Sajmir Bitaj, 39 vjeç, banues në fshatin Fitore, Novoselë, pronar i banesës.

2- Dorjan Bitaj, 33 vjeç, banues në fshatin Kotë, Vlorë.

3- Marildo Krekaj, 27 vjeç, banues në fshatin Penkovë, Vlorë.

4- Xhuljano Shakaj, 22 vjeç, banues në fshatin Fitore, Novoselë.

Më datë 05.05.2017, pas një pune hetimore disa ditore, Policia e Vlorës ka bërë të mundur realizimin e këtij operacioni mbi bazën e të cilit u sekuestrua një sasi me lëndë narkotike dhe u kapën në flagrancë bashkëpunëtorët e këtij aktiviteti kriminal.

Në bazë të informacioneve të marra në rrugë operative, gjatë kontrollit të ushtruar në banesën e shtetasit Sajmir Bitaj në fshatin Fitore të Novoselës, shërbimet kanë gjetur dhe sekuestruar 6 thasë pastikë të zinj të mbushura me lëndë narkotike të llojit Cannabis Sattiva, ku pas peshimit ka rezultuar me peshë totale prej 77 kilogramë.

Nga hetimet e kryera ka rezultuar se në këtë ngjarje janë të përfshirë edhe shtetasit Dorjan Bitaj, Marildo Krekaj dhe Xhuljano Shakaj, të cilët në bashkëpunim me njëri-tjetrin kanë bërë të mundur fshehjen dhe strehimin e lëndës narkotike në banesën në fjalë me qëllim shitjen e saj në treg.

Materialet i kaluan Prokurorisë në ngarkim të këtyre shtetasve për veprën penale “Prodhimi dhe shitja e lëndëve narkotike, kryer në bashkëpunim”, neni 283/2, i Kodit Penal.

 

Dikur hotel tash stacion i Policisë

Periskopi.com Lajme

Policia e Kosovës ka njoftuar se se stacioni policor jugu që ndodhej në lagjen “Lakrishte” në Prishtinë, që nga sot është zhvendosur në objekt tjetër.

Stacioni aktual ndodhet në afërsi të Termokosit, saktësisht në objektin e ish-hotel Victory.

“Sa i përket numrave kontaktues (telefonat fiks) të zyrtarëve që punojnë në kuadër të këtij stacioni  mbeten po të njëjtit”, njofton policia.

“Për të qenë më afër qytetarëve Drejtoria Rajonale e Policisë së Prishtinës, ka vendosur që në objektin e vjetër, të qëndroj një numër i caktuar i zyrtarëve policor që do të merren me raste në atë zonë”.

Po ashtu në objektin e vjetër do të vazhdojnë punën edhe zyrtarët policor që punojnë në kuadër njësitit të trafikut rrugor në Prishtinë, thuhet tutje në njoftimin e PK.

Taxhikistani largon nga puna policët e trashë

Periskopi.com Lajme

Dhjetëra policë në Taxhikistan janë larguar nga puna, pasi nuk kanë humbur kilogramë të mjaftueshëm në fitnesin e veçantë dhe programin kulturor për forcat e sigurisë, njofton të enjten agjencia e lajmeve Interfax.

Kolegët tjerë arritën të humbin 20 kilogramë në programin, i cili ka nisur këtë vit.

Sipas këtij programi policët duhet të vrapojnë pesë kilometra tri herë në javë dhe të shkojnë në teatër të paktën një herë në muaj, njoftoi Ministria e Punëve të Brendshme.

Taxhikistani, ish-republikë sovjetike me tetë milionë banorë, udhëhiqet nga presidenti autokrat Emomali Rahmon për më shumë se dy dekada.

Rahmon vitin e kaluar ishte shpallur shef i përjetshëm i shtetit.

Edhe Policia te Teatri Kombëtar, frikë për dhunë

Periskopi.com Lajme

Forca policore shihen afër Tetarit Kombëtar në Prishtinë derisa për pak pritet të shfaqet premiera e “Bordel Ballkan”nga Jeton Neziraj, me regji të Andras Urban. Premiera është paraparë të shfaqet në orën 20:00.

Masat e shtuara të sigurisë vijnë pasi OVL e UÇK’së ka njoftuar se do ta pengojë shfaqjen e saj, meqë, siç kanë thënë – fyen luftën tonë çlirimtare.

E zhvendosur në një kontekst të ri ballkanik – ‘Bordel Ballkan’ flet për një lloj çoroditjeje morale e shpirtërore, nga i cili vuajmë në këto anë.

Kjo shfaqje përmban gjuhë dhe skena eksplicite dhe mund të mos jetë e përshtatshme për disa spektatorë apo/edhe persona nën moshën 18 vjeç.

Fotografimi apo xhirimi gjatë shfaqjes është rreptësisht i ndalueshëm, theksojnë organizatorët e saj në njoftimin për kohën, vendin dhe përmbajtjen e saj.

Policia po mban një orë mbyllur në furgon gazetarin e Alsatit dhe RTK-së

Periskopi.com Lajme

Gazetari i RTK-së Besnik Iseni deklaroi për Gazetën Lajmse tani gjsyëm ore po mbahen mbyllur brenda në një furgon policor bashkë me gazetarin e Alsat-it, Blerim Ismaili.

“Nuk kemi sqarim se pse po na mbajnë këtu”, deklaroi Iseni.

“Na thanë do ju dërgojmë para qeverisë dhe aty do ju lirojmë, por ende po na mbajnë para stacionit policor në Gazi Babë”, shtoi Iseni i brengosur për sigurinë e tij dhe të lolegut Ismaili.

Policia me shok-bomba ka shpëtuar Krytarin e ri të Kuvendit, Talat Xhaferin (FOTO)

Periskopi.com Lajme

Anëtarë të forcave speciale të Ministrisë së Brendshme me shok-bomba kanë larguar huliganët të cilët sonte kanë hyrë dhunshëm në Parlamentin e Maqedonisë.

Policët kanë arritur të shpëtojnë edhe tashmë kryetarin e ri Talat Xhaferi dhe liderin e LSDM-së Zoran Zaev.

Nga sulmi i fuqishëm i bombës dhe erës së saj të pakëndshme, me dhimbje ankua disa nga banditët maqedonas të cilët ishin afër kur ajo shpërtheu.

Prokuroria arreston 18 policë e doganierë shqiptarë, publikohen emrat

Periskopi.com Lajme

Numri i personave të arrestuar në portin e Durrësit për trafikim droge drej Italisë shkon në 18. Prokuroria bën me dije për mediat se ndër 18 të arrestuarit 10 janë punonjës policie në Portin e Durrësit, përfshirë edhe shefin e stacionit policor, si edhe 8 doganierë të Qafë-Thanës, Durrësit e Tiranës.

Të arrestuarit dyshohen se kanë siguruar kushtet për kalimin e dy ngarkesave të ndryshme, me peshë totale 10 ton kanabis sativa nga Shqipëria në Itali, në shkurt dhe mars 2017, përkatësisht në datën 05.02.2017, kur në Itali u kap një kamion me 8 ton drogë, i cili kishte hyrë në Shqipëri nga Maqedonia nëpërmjet pikës doganore Qafë-Thanë dhe ka dalë nga pika e kalimit kufitar në portin e Durrësit. Dhe në datën 24.03.2017, kur në Itali u kap një kamion me shofer shqiptar,  me rreth 2.2 ton kanabis në bord.

Sipas të dhënave të grupit hetimor, këta punonjës bashkëpunonin me njëri-tjetrin për të kaluar sasitë e mëdha të drogës nga Shqipëria në Itali.

Për këtë arsye gjykata ka caktuar masën arrest me burg për shtetasit:

Ymer Blloshmi, doganier, përgjegjës turni, Qafë-Thanë

Iliras Malja, doganier pranimi/verifikimi, Qafë-Thanë

Maliq Kadilli, agjent doganor, Qafë-Thanë

Kastriot Topulli, agjent doganor, Qafë-Thanë

Gëzim Dervishi, specialist në Policinë e Portit Durrës

Mexhit Xhixha, specialist, struktura anti-drogë, Policia e Portit Durrës

Roland Metani, specialist, struktura anti-drogë, Policia e Portit Durrës

Agron Kapllani, specialist, struktura anti-drogë, Policia e Portit Durrës

Gentian Selmani, specialist, struktura anti-drogë, Policia e Portit Durrës

Medi Demiri, kontrollor, Policia e Portit, Durrës

Fatmir Plaku, kontrollor, Policia e Portit, Durrës

Julian Doraci, Shef i Stacionit Policor, Porti Durrës

Edmond Luzi, doganier eksporti, Porti Durrës

Ylli Vogli, doganier peshore, Dogana Vorë (Tiranë)

Vladimir Ziu, doganier regjimi, Dogana Vorë (Tiranë)

Erald Kulla, agjent doganor, Dogana Vorë (Tiranë)

Behar Sula, kontrollor hyrje-dalje, Policia e Portit, Durrës

Nezir Bardhoshi, kontrollor hyrje-dalje, Policia e Portit, Durrës

Vëllai i drejtorit të operacioneve në Polici, Rashit Qalajt, kërcënon Dardan Molliqajn

Periskopi.com Lajme

Xhavit Qalaj që është vëllai i Rashit Qalajt ka kërcënuar sekretarin e Vetëvendosjes, Dardan Molliqajn.

Në fotografinë e postuar nga Molliqaj ku ai thotë se po prezanton skemën e krimit të organizuar të Policisë së Kosovës, Qalaj ka reaguar e edhe kërcënuar

“Kjo është skema e krimit të organizuar brenda Policisë së Kosovës, e cila ka bërë që Kosova të shndërrohet në parajsë të krimit të organizuar dhe në vend tranzit të trafikimit”, ka shkruar Molliqaj.

Lexoni kërcënimet e Qalajt.

Vrasësi i ish-drejtorit të Policisë së Vlorës mund të jetë nga Kosova

Periskopi.com Lajme

Vrasja e Artan Cukut, kishte kohë që ishte planifikuar dhe për këtë, personi që ka dashur të vdekur ish-drejtorin e Policisë së Vlorës, duket se ka angazhuar një vrasës me pagesë.

Në një video të publikuar nga policia e Tiranës, duket qartë autori i krimit, i cili i veshur sportiv dhe me dorëza, vrapon ngadalë teksa largohet nga zona e krimit.

Vrasësi i kishte kushtuar shumë rëndësi këtij ekzekutimi, pasi jo vetëm do të eliminonte një ish-funksionar të lartë policie, por dhe kishte studiuar me detaje, çdo lëvizje të tij, madje ishte përshtatur në veshje, si një vrapues i zakonshëm i zonës së liqenit.

Videoja është filmuar nga kamerat e sigurisë së pallatit ku duket mjaft qartë autori i cili largohet me një vrap të lehtë nga vendi i ngjarjes.

Policia ka kërkuar ndihmën e qytetarëve që të identifikojnë autorin e vrasjes së Cukut.

Ajo ka vënë në dispozicion numrin e celularit 0694110299 ku mund të kontaktojë çdo qytetar i cili ka parë autorin. Më herët policia ka ofruar një shpërblim prej 3 mln lekësh për çdo person i cili do të jap informacione të vlefshme mbi vrasjen e ish-kreut të Policisë.

Autori është me dorashka, shall, kapele, atlete dhe tuta sportive siç mund ta shihen dhe në video. Ai është i gjatë rreth 1.70 dhe në bazë të dëshmisë së gruas së Cukut dhe administratorit të pallatit, autori kishte një theks verior, shkruan Shqiptarja.

Dyshimet flasin se personi që ka qëlluar ish-funksionarin e lartë të Policisë së Shtetit, mund të ketë qenë një vrasës me pagesë nga Kosova. Vrasësi është parë nga administrator i pallatit, pak para momentit të vrasjes teksa qëndronte i ulur tek shkallët e pallatit. I pyetur nga administratori, autori është përgjigjur se po priste dikë për t’i dhënë çelësat e shtëpisë.

Mirëpo pas kësaj biseda, sapo administrator ka shkuar në shtëpi, ai u ka thënë policisë se ka dëgjuar të shtëna me armë, dhe teksa zbritur poshtë ka konstatuar trupin e Artan Cukut të shtrirë në hollin e pallatit.

Policia e Kosovës: Kemi për detyrë të mbrojmë jetën e qytetarëve

Periskopi.com Lajme

Pjesëtarët e Policisë së Kosovë të cilët kanë qenë në pushime, që nga sot janë detyruar ta ndërprenë dhe të dalin në punë. Përveç kësaj, derisa ata punonin nga tetë orë, nga sot do të punojnë nga 12 orë.

Sipas këtyre burimeve, ky vendim është marrë nga Drejtoria e përgjithshme e Policisë së Kosovës, ku përjashtim bëjnë pjesëtarët e Policisë të cilët janë në pushim shëndetësor.

Në lidhje më këtë, në një përgjigje, Policia e Kosovës duke mos dhënë detaje rreth rritjes së mobilizimit, ka thënë se Policia është institucion i zbatimit te ligjit, ku ka për detyrë të mbrojë jetën, pronën dhe të ofrojë siguri për të gjithë personat.

“Policia e Kosovës është institucion i zbatimit te ligjit, ndër detyrat dhe autorizimet ligjore të saj janë, të mbrojë jetën, pronën dhe të ofrojë siguri për të gjithë personat, të parandaloj rrezikun ndaj qytetarëve, ta mbajë rendin dhe sigurinë publike.

Bazuar ne autorizimet dhe vlerësimet policore që bëhen në vazhdimësi ndërmerren edhe veprime konkrete nga Policia e Kosovës, me qellim te ruajtjes se rendit dhe sigurisë se përgjithshme ne vend”, thuhet në deklaratën e Policisë së Kosovës.

Ndërsa Ambasada e Shteteve të Bashkuara të Amerikës në Prishtinë, sonte ka këshilluar qytetarët amerikanë në Kosovë të kenë kujdes të veçantë gjatë pushimeve të ardhshme fetare, në festivale, apo ngjarje të mëdha. Po ashtu Ambasada u ka dhënë udhëzime se si të veprojnë në rast të ndonjë sulmi terrorist.

Frikë nga trazirat në Kosovë, Polica alarmohet, zbulohet pse

Periskopi.com Lajme

Para se të mbahet kryesia e Kuvendit, nesër, e premte, 14 prill, mbahet Mbledhja e Qeverisë. Besohet se Demarkacioni do të dërgohet në Kuvend, e kësaj ia shtojnë dyshimet edhe më shumë, që Policia e Kosovës kanë shtuar masat për ditët në vazhdim.

Demarkacioni do dërgohet në Kuvend në ditët në vazhdim. Krejt kjo kishte një rrjedhshmëri ngjarjesh.

Këshilli LDK-së u mblodh dhe vendosën që Qeveria ta dërgojë Demarkacionin në Kuvend, përkundër kundërshtimeve të brendshme në këtë parti.

Por, të gjithë po frikësohen se kjo do të sjellë trazira. Opozita ka paralajmëruar veprime të të gjitha llojeve për ta parandaluar atë.

Isa Mustafa të enjten mblodhi Këshillin e Sigurisë, Qeveria mblidhet të premten, para se të mbahet mbledhja e Kryesisë, ndërsa kryetar i Kuvendit, Kadri Veseli ka deklaruar se Demarkacioni kalon këtë muaj. E kjo duhet të ndodh javën që vjen, ngase javën pas asaj është edhe seanca e Ramush Haradinajt në Francë.

Frikën për trazira e konfirmon një vendim i Policisë, që të gjithë policët të jenë në orar pune nga 12 orë, madje nuk ka pushim për ta. Kjo hyn në fuqi nga e shtuna, 15 prill, mëson Periskopi

Burime të mediumit bëjnë të ditur se përveç kalimit të Demarkacionit, te institucionet e sigurisë ika edhe frikë tjetër. Thuhet se ka një paralajmërim për ndonjë lloj sulmi gjatë ditëve në vazhdim, por edhe ekziston frika se Haradinaj mund të ekstradohet në Serbi, e në vend të fillojnë trazira.

Në Kosovë, të hënën është festë për shkak të pashkëve, por trazirave u frikësohen edhe para ditës kur pritet të mbahet seanca për Demarkacionin.

Nuk duhet harruar deklaratën e Daut Haradinajt që ka ngjallur shumë reagime, kur tha se do të ketë trazira nëse Haradinaj ekstradohet në Serbi. Për këtë deklaratë u nervozuan në Serbi, shefi i UNMIK-ut reagoi keq, ndërsa ish luftëtarët u shprehën të gatshëm edhe luftë.

Kreu i Kuvendit, Kadri Veseli ka deklaruar sot se Demarkacioni do të dërgohet në Kuvend këtë muaj, raporton Periskopi

Zëdhënësi i Policisë së Kosovës, Baki Kelani i kontaktuar nga Periskopi rreth çështjes së orarit të zgjatur të policëve, ai nuk është lajmëruar.

 

 

 

 

Një grup i armatosur ka marrë 10 milionë euro për lirimin e grupit të Kumanovës!? (Video)

Periskopi.com Lajme

Policia ka shtuar masat e sigurisë nëpër burgjet ku po mbahen të akuzuarit për rastin e Kumanovës. Motiv i masave të tilla janë tentativat e mundshme për lirimin e të burgosurve.

Alsat mëson nga burime anonime se ka grup të gatshëm i cili mund të merr përsipër lirimin e arrestuarve nga Kosova.

Sipas informatave të pakonfirmuara në lojë janë 10 milion euro. Ministri i brendshëm Agim Nuhiu konfirmon se në burgje janë shtuar masat e sigurisë.

”Burgjet e Maqedonisë kanë raport bashkëpunimi me MPB-në dhe ne e kemi obligim ligjorë që t’i ofrojmë shërbime në pikëpamje të sigurisë kur burgjet drejtohen tek ne për një kërkesë të tillë. Në varësi të vlerësimeve që bëjnë vetë autoritete e burgjeve ne i ofrojmë edhe forcat speciale për t’i siguruar burgjet” – deklaroi Agim Nuhiu për Alsat-M, ministër i Brendshëm.

Megjithatë Nuhiu shton se për momentin shërbimet e MPB-së nuk kanë informacion se në ndonjë rajon të caktuar ka lëvizje të grupeve të armatosura.

”Tani për tani ne nuk kemi të konfirmuara indikacione apo informacione të cilat mund të çojnë në drejtim të çështjes që ju e parashtroni”– shtoi Agim Nuhiu.

Informacione të llojit se grupi i Kumanovës është nën shënjestrën e një grupi i cili ka për qëllim lirimin e tyre kishte edhe më herët. Në muajin nëntor, Byroja për Siguri Publike kishte njoftuar Sektorët për Punë të Brendshme në nivel republikan, ku më pas pasuan masat konkrete.

Të akuzuarit për rastin “Lagjja e Trimave” asaj kohe u larguan nga burgjet në Shutkë dhe Manastir dhe kryesisht u vendosën në burgun e Ohrit. Ministria e Brendshme aso kohë kishte njoftuar se bëhet fjalë për indikacione dhe se largimi i të burgosurve ka për qëllim parandalimin e ndonjë sulmi të mundshëm.

Nga burime brenda MPB-së, Alsat kishte mësuar se dikasteri në fjalë ka pasur dyshime se në malësinë e Likovës për katër ditë ka qëndruar një grup i armatosur nga Kosova. Një gjë të tillë, Alsat M nuk ka arritur ta konfirmojë.

Pas këtyre informacioneve, siguria ndaj të akuzuarve për rastin “Lagja e Trimave” u shtua edhe më tepër.

Edhe në seancat gjyqësore vërehet prezencë e madhe e forcave policore, ndërsa një pjesë e të akuzuarve transportohen me helikopter. Për të shmangur çdo kërcënim të mundshëm, Ministria e Brendshme ndryshoi edhe trajektoren e transportimit, duke i sjellë të akuzuarit në gjykata përmes qarkores së Shkupit.

Molliqaj-Policisë: Keni reagim tipik të SHIK-ut

Periskopi.com Lajme

Sekretari i Vetëvendosjes, Dardan Molliqaj ka reaguar sërish pas një komunikate të Policisë së Kosovës.

Ai akuzoi Policisë gjatë ditës duke publikuar një skemë që sipas tij, pasqyrohet ”krimi i organizuar brenda Policisë së Kosovës”. Policia reagoi, i quajti të pavërteta, e Molliqaj sërish ua ktheu. I ripërsërit pyetjet që kishte që në fillim dhe thotë se reagimi i Policisë është tipik i SHIK-ut, raporton Periskopi

Policia reagon për akuzat e Dardan Molliqajt

Policia e Kosovës paska reaguar ndaj fakteve që i paraqita, duke më akuzuar se deklaratat e mija i shkojnë për shtati armiqëve të shtetit. Reagim tipik i SHIK-ut. Kushdo që i kritikon, e akuzojnë për armik të shtetit.

Në anën tjetër, Policia nuk ka demantuar konkretisht asnjë nga faktet që i kam paraqitur për kapjen dhe zhytjen në krim të strukturave të saj udhëheqëse.

Unë do t’i përsëris pyetjet publike për Policinë e Kosovës:

  1. A është e vërtetë që Departamenti i Operacioneve udhëhiqet nga Rashit Qalaj, i cili është shok i Elmi Reçicës, ka banesë në “BENI DONA” kompani që vazhdimisht merr tendera nga Policia, dhe që babai i tij ka qenë pjesë e SPS-it të Millosheviqit?
  2. A është e vërtetë që Drejtoria e Krimeve Ekonomike udhëhiqet nga Emin Beqiri, për të cilin Nazim Bllaca ka deklaruar që është zyrtar i SHIK-ut?
  3. A është e vërtetë që njëri nga udhëheqësit e Njësitit Anti-terror është Luan Keka, i cili është shok i Zenun Pajazitit dhe bashkëshortja e të cilit ka qenë kandidate për deputete e PDK-së?
  4. A është e vërtetë që Shpend Maxhuni nuk e ka kaluar verifikimin e sigurisë pikërisht ngase dhëndrri i tij është i dyshuari kryesor për vjedhjen e dhomës së dëshmive?
  5. A është e vërtetë që Drejtori i Administratës në Polici, Kadri Arifi, në kohën e vjedhjes së dhomës së dëshmive ka qenë personi përgjegjës për sigurinë e asaj dhome? Po i njëjti ka deklaruar vetë që ka qenë pjesë e UDB-së, dhe po ashtu ka dhënë disa herë deklarata publike në mbrojtje të SHIK-ut.
  6. Nëse Policia insiston që përgjimet janë bërë në përputhje me ligjin atëherë pse nuk bëhet transparente dhe t’i publikojë kontratat me VALA-n dhe IPKO-n për përgjime?

Në vend që të më akuzojë mua në stilin e SHIK-ut, Policia duhet t’i përgjigjet publikut rreth këtyre fakteve. Nëse nuk përgjigjet, kjo vetëm sa i konfirmon pretendimet tona për kapjen dhe kriminalizimin e këtij institucioni.

Diçka po ndodh në Kosovë, Policia mobilizohet me nga 12 orë punë

Periskopi.com Lajme

Pjesëtarët e Policisë së Kosovë të cilët kanë qenë në pushime të ndryshme, që nga sot janë detyruar ta ndërprenë dhe të dalin në punë. Përveç kësaj, derisa ata punonin nga tetë orë, nga sot do të punojnë nga 12 orë.

Kështu thonë burime të KosovaPress-it, sipas të cilave, ky vend është marrë nga drejtoria e përgjithshme e Policisë së Kosovës, ku përjashtim bëjnë pjesëtarët e Policisë të cilët janë në pushim shëndetësor.

Po të njëjtat burime thonë se pjesëtarët e Policisë nuk do të kenë mundësi të marrin pushim, deri në një vendim tjetër të drejtorisë. Ndërkohë që ende nuk dihet arsyeja se pse drejtoria e Policisë ka sjellë këtë vendim.

Policia reagon për akuzat e Dardan Molliqajt

Periskopi.com Lajme

Sekretari organizativ i Lëvizjes Vetëvendosje, Dardan Molliqaj ka publikuar një skemë sipas së cilës pasqyrohet ”krimi i organizuar brenda Policisë së Kosovës”.

Për këtë, Policia e Kosovës kanë dërguar një reagim, thonë se këto nuk janë aspak të vërteta.

Reagimi i Policisë:

Informim i opinionit lidhur me deklarimet e pavërteta të z.Dardan Molliqaj

Policia e Kosovës me qëllim, informimin e drejt të opinionit publik lidhur me deklarimet e z.Molliqaj në konferencën e mbajtur sot me (13.04.2017), ku ndër të tjera deklaron dhe publikon shkrimet se “Policia udhëhiqet nga strukturat kriminale të PDK-së”, dhe “Për vite përgjimet nga Policia e Kosovës janë bërë jashtëligjshëm”, reagon fuqishëm ndaj kësaj deklarate të pavërtetë dhe sqaron me sa vijon:

Policia e Kosovës është institucion i zbatimit të ligjit dhe në mandatin e sajë ligjor ka për mision Ruajtjen e Rendit dhe Sigurisë Publike, Sigurinë e Përgjithshme në vend, si dhe funksionon në kuadër të kompetencave kushtetuese dhe ligjore.

Struktura udhëheqëse e Policisë së Kosovës mundëson menaxhim profesional sipas metodave të njohura menaxhuese për të gjitha çështjet organizative, operacionale dhe hetimore brenda PK-se.

Sa i përket dyshimeve dhe deklarimeve të pavërteta të z.Molliqaj, i cili përpiqet të paraqes Policinë e Kosovës si institucion jo profesional, dëshirojmë edhe një herë të ri-theksojmë se Policia e Kosovës është institucion profesional, e pa lëkundur në përmbushjen e misionit, vizionit dhe objektivave të saja, dhe e pa ndikuar nga çfarëdo ndikimi apo pretendimi nga jashtë, duke përfshire edhe pretendimet e pavërteta dhe tendencioze të z.Molliqaj.

Tendenca për të paraqitur PK-në, si institucion i ndikuar nga faktorë të jashtëm e në veçanti duke u përpjekur të linçojë stafin menaxherial të PK-së, nuk kuptohet ndryshe veç se njollosje, dhe etiketim i vlerave që përfaqësojnë personelin policor, të cilët  sakrifikojnë ditë dhe natë për sigurinë e qytetarëve të Kosovës.

Referuar edhe deklarimeve rreth realizimit të përgjimeve, sigurojmë opinionin e gjerë  se përgjimi i telekomunikimeve realizohet në pajtim me legjislacionin në fuqi, të  Kodit të Procedurës Penale të Kosovës, dhe Ligjit për Përgjimin e Komunikimeve Elektronike Nr. 5/L-030, si dhe gjithë herë bazuar në urdhër të ligjshëm të Gjykatës kompetente.

Policia e Kosovës vlerëson se është shume indikativë deklarata e z.Molliqaj, për faktin se  në të gjitha rrethanat kur ne jemi të fokusuar njëqind përqind në çështjet jetike dhe madhore për sigurinë dhe interesin kombëtar të Kosovës, personi i njëjtë shfaqet me deklarime tendencioze duke u munduar të krijoj huti në opinionin publik, dhe kjo qasje i shkon në dobi vetëm armiqve të shtetit të Kosovës e jo qytetarëve të saj.

Angazhimi dhe përkushtimi i PK-së do të vazhdoj të jetë besimi i qytetarëve për policinë, dhe në asnjë rrethanë pretendimet si këto të z. Molliqaj, nuk do të zbehin imazhin dhe përkushtimin shumë të madh të PK-së për ti shërbyer vendit.

Policia e Kosovës mbetet e përkushtuar në realizimin e të gjitha detyrave dhe obligimeve të saja ligjore dhe kushtetuese.

Prandaj konsiderojmë se opinioni publik duhet të informohet drejt dhe korrekt, dhe në asnjë rast të vetëm nuk duhet dezinformuar si në rastin konkret nga z.Molliqaj.