Aksion i madh policor kundër kontrabandës me refugjatë

Kapet grupi i kontrabandistëve të refugjatëve. Aksioni në Bosnjë e Hercegovinë u organizua nga pjesëtarët e policisë kufitare, përveç Kroacisë dhe Turqisë, u përfshinë edhe policia nga Bullgaria, Serbia, Rumania, Hungaria, Shqipëria dhe Mali i Zi.

Periskopi.com Lajme

Një grup i kontrabandistëve të refugjatëve, i cili u zbulua në një aksion ndërkombëtar në “Bosfor”, për gjashtë muaj nga Turqia deri në Bosnjë e Hercegovinë dhe Kroaci, në mënyrë të paligjshme bartën të paktën 100 emigrantë.

Për kontrabandën e tyre morën tre deri në pesë mijë euro për person. Bartën familje me fëmijë të vegjël, dhe rruga nga Turqia deri në Bosnjë zgjati dhjetë ditë.Gjatë muajve të hetimit është zbuluar se kanë përdorur kalimet në kufijtë me Serbinë dhe Malin e Zi dhe disa raste të emigrantëve që kanë arritur me aeroplan në aeroportin e Sarajevës.

Aksioni në Bosnjë e Hercegovinë u organizua nga pjesëtarët e policisë kufitare, përveç Kroacisë dhe Turqisë, u përfshinë edhe policia nga Bullgaria, Serbia, Rumania, Hungaria, Shqipëria dhe Mali i Zi.

Shefi i BH-së, Adnan Kosovac, tha dje se kriminelët e organizuar kishin njerëzit e tyre në nëntë vende.

Në “Bosfor” të martën janë arrestuar katër shtetas të Bosnjës e dy njerëz nga Turqia, të cilët kishin një leje qëndrimi në Bosnjë dhe kanë kryer bastisje në disa lokacione në Sarajevë, Velika Kladusa dhe Capljina.

Një total prej 60 njerëzve u arrestuan si të dyshuar se janë pjesëtarë të një grupi kriminal që morën pjesë në rekrutimin dhe kontrabandimin e shtetasve turq.

Aksion i madh policor kundër kontrabandës me refugjatë

Rakiq kundër ndryshimeve në Polici në veri

 Qytetarë të Mitrovicës kanë protestuar sot para stacionit të Policisë në veri për shkak të ndërrimit të tre eprorëve të lartë të Policisë.

Periskopi.com Lajme

 

Në këtë protestë ka marr pjesë edhe kryetari i komunës Goran Rakiq i cili ka thënë se do të kërkojë tërheqjen e këtyre vendimeve. Mësohet se Rakiq së bashku me drejtorin e Policisë Nenad Gjuriq kanë kërkuar takim urgjent me drejtorin e përgjithshëm të Policisë Shpend Maxhuni.

Para disa ditësh janë ndërruar shefi i hetimeve, shefi i administratës dhe shefi i forenzikës.Protesta ka filluar në ora 7:15 dhe ka përfunduar në ora 09:00.

Plumbi nuk ka depërtuar thellë në trupin e Vllasit

Avokati Azem Vllasi mëngjesin e sotëm është plagosur me armë zjarri nga një person tashmë i njohur për organet e rendit.

Periskopi.com Lajme

 

Indeksonline mëson nga burimet brenda policisë së Vllasi është plagosur në krahun e majtë, por plumbi nuk ka depërtuar thellë brenda në trup, në pjesën e kraharorit.

Policia është afër zbardhjes në detaje të këtij rasti.

Derisa Policia e Kosovës ka identifikuar personin e dyshuar që ka plagosur avokatin Azem Vllasi.

I dyshuari menjëherë pas kryerjes së aktit kriminal ka ikur në drejtim të panjohur.

“Kemi informacione se kush mund të jetë i dyshuari i plagosjes. Policia me të gjitha njësitet e saj përkatëse është duke u marrë me këtë rast dhe po punohet drejt kapjes së të dyshuarit”, kanë thënë burimet e Indeksonline brenda policisë.

Policia në Kosovë kap mbi dy milionë euro të falsifikuara

Policia e Kosovës, konkretisht policia kufitare, në Vermicë, në bashkëpunim me zyrtarët Doganor, në orët e hershme të mëngjesit kanë konfiskuar mbi dy milionë euro të falsifikuara.

Periskopi.com Lajme

Ata kanë ndaluar fillimisht automjetin TAXI me targa të Shqipërisë për një kontroll më të detajuar e në të cilin gjendeshin B.D, i lindur më 1972, mashkull, shtetas i Shqipërisë dhe për pasagjer kishte: F.B, i lindur më 1980, mashkull, shtetas i Kamerunit, me leje qëndrimi në Francë, transmeton Klan Kosova.

“Gjatë kontrollit të përbashkët nga zyrtarë të të dy institucioneve, në bagazh të automjetit në një çantë, në brendësi të saj janë gjetur paketime të ndryshme kartëmonedhash të dyshuara si të falsifikuara me vlerën e: 500, 200, 100 dhe 50 euro. Po ashtu, së bashku me to është gjetur edhe letër e paketuar dhe e prerë në dimensione që i përgjigjen masës së kartëmonedhave: 500, 200, 100, 50 euro”, ka njoftuar policia gjatë një konference.

Pas numërimit të kartëmonedhave të falsifikuara, ka rezultuar të jenë: dy milionë e njëqind e tridhjetë e një mijë (2.131.000) euro,  si dhe dy mijë e shtatëqind e tridhjetë e tre (2733) copë letër e bardhë që do të përdorej  për përpunim e kartëmonedhës 500 eurosh.

Policia si provë materiale ka konfiskuar kartëmonedhat e dyshuara si të falsifikuara, si dhe tetë shishe me preparate kimike që përdoren për falsifikim, tri folija alumini, një pako doreza plastike, dy shiringa, dy pasaporta të Kamerunit, një patentë shoferi dhe një  leje qëndrimi për në Francë.

Me urdhër të prokurorit të shtetit – Departamenti i Krimeve të Rënda  në Prizren dy të dyshuarit janë dërguar në mbajtje.

 

Pesë të lënduar në sulmin në Dusseldorf, policia arreston dy e kërkon të tjerë

Së paku pesë persona kanë mbetur të lënduar pas një sulmi me sëpatë në stacionin qendror të trenave në Dusseldorf të Gjermanisë, ka konfirmuar policia.

Periskopi.com Lajme

Sulmi ndodhi në mbrëmjen e së enjtes rreth orës 21:00.

Dy arrestime ishin bërë menjëherë, ndërsa policia nuk ka përjashtuar mundësinë e përfshirjes edhe të më shumë sulmuesve. Nuk ka raportime për fatalitete.

Policia menjëherë ka rrethuar vendin e ngjarjes.

Dëshmitarët raportohet se kanë deklaruar se kanë parë shumë persona të lënduar në tokë.

Stacioni qendror i Dusseldorfit shfrytëzohet nga së paku një çerek milioni pasagjerë në ditë.

Vërshim i papritur në rrugën “Luan Haradinaj”, uji hyn edhe në Qendrën e Paraburgimit

E plotësuar – Pas vërshimit të papritur në rrugën “Luan Haradinaj” në kryeqytet, policia e Kosovës ka rrethuar objektin e Qendrës së Paraburgimit në Prishtinë dhe objektet tjera përreth.

Periskopi.com Lajme

Dyshohet se uji ka hyrë edhe në qendrën e paraburgimit, ndërsa akoma nuk dihen shkaqet që çuan në vërshim.

Në vendin e ngjarjes gjendet edhe ekipi i Ujësjellësit.

Vërshimi ka ardhur si pasojë e disa problemeve me gypa.

Kështu ka konfirmuar Ilir Abdullahu nga Ujësjellësi Rajonal “Prishtina”.

“Kemi pasur probleme me disa gypa. Kemi ekipin në vendin e ngjarjes për rregullim”, ka thënë ai.

Sasi e madhe e ujit ka mbuluar papritur rrugën “Luan Haradinaj” në kryeqytet.

Uji ka vërshuar objektet e Stacionit Qendra të Policisë së Kosovës dhe objekte të tjera përreth.

TV Arta ka kontaktuar zyrtarët komunalë për këtë çështje, por ata nuk kanë qenë në gjendje të tregojnë se prej nga ka ardhur uji. Dyshimi fillestar është shpërthimi i ndonjë gypi kryesor të ujësjellësit.

 

 

Policinë e ‘merr’ uji

Policinë e ‘merr’ uji

Periskopi.com Video

Lulzim Basha ‘kërcënon’ policinë: Keni afat deri në orën 24:00 ose…

Kryetari i opozitës Lulzim Basha, duke folur nga ‘çadra e lirisë’, i ka dhënë ultimatum policisë së Shtetit që deri në orën 24:00 të arrestojnë autorët që kanë sulmuar dy vajza 29-vjeçare nga Fieri.

Periskopi.com Lajme

Siç tha Basha, nëse policia nuk i prangos agresorët, atëherë do të ketë pasoja, duke shtuar se ky është fundi i republikës së krimit.

“Dua ta nis me një lajm të trishtë. Dje bandat kanë sulmuar dy vajza nga binjake nga Fieri.

Kanë sulmuar Antoneta dhe Gladiola Hatillari sepse në 18 shkurt ishin këtu bashkë më dhjetëra qindra vajza nga Fieri dhe gjithë Shqipëria. Dje (pardje) policia ka ngritur dorën ndaj këtyre vajzave sepse ishin pjesë e jona. Keni 24 orë kohë për të arrestuar autorin sepse e dini kush është.

E patë në zgjedhjet e 2015 dhe në zgjedhjet e Dibrës. Bandat e drogës dhe të krimit kanë guximin të godasin qytetarët vetëm sepse duan që japin votën si qytetarë të lirë. Policia dhe gjykatat nuk duhet të kthehen në mburojë të bandave” – tha Basha.

Policia e Kosovës liron serbin e arrestuar për krime lufte

Serbi i Kosovës, Dran Stojanoviq nga Ranillugu i cili ishte arrestuar nga Policia e Kosovës si i dyshuar për krime lufte, është liruar nga paraburgimi këtë pasdite.

Periskopi.com Lajme

Stojanoviq ka thënë se ai ishte arrestuar gabimisht, pasi po kërkohej një person me të njëjtin emër, transmeton lajmi.net

Dran Stojanoviq ishte arrestuar gjatë orëve të paradites nga Policia e Kosovës, nën dyshimin se kishte kryer krime gjatë luftës së fundit në Kosovë.

5 mijë euro në muaj do të paguajë Policia për ish-hotelin që do ta bëjë Stacion

Nga 1 marsi një pjesë e Policisë së Kosovës do të stacionohen në objektin që deri para pak muajve ka punuar si hotel.

Periskopi.com Lajme

 

Kontrata e nënshkruar me AKP-në për një vit dhe me mundësi vazhdimi do t’i kushtojë policisë 60 mijë euro.

Ka shumë kohë të gjatë që është përfolur largimi i policisë nga stacioni jugor 4 i Prishtinës.

Objektit që ishte nën menaxhim të pronarit të Kosova Petrolit, Bedri Selmani, i kanë mbetur vetëm muret.

Orenditë e brendshme, sipas AKP-së, janë marrë nga menaxhmenti i deriatëhershëm i hotelit.

Një pjesë e objektit para pak kohësh i është dhënë në shfrytëzim Federatës së Futbollit të Kosovës.

 

1 mijë policë ‘blinduan’ Tiranën, nuk do të ketë ndërhyrje

Mbi 1 mijë forca policore, 'blinduan' kryeqytetin për mbarëvajtjen e protestës se opozitës.

Periskopi.com Lajme

Përvec efektivëve të komisariateve që ishin prezent përgjatë bulevardit ‘Dëshmorët e Kombit ‘, në gatishmëri ishin edhe Forcat e Ndërhyrjes së Shpejtë. Në terren u panë edhe forcat RENEA, të cilët ishin dislokuar në tarracat e godinave të institucioneve përgjatë bulevardit duke vëzhguar situatën nga lartësia, transmeton tch.

Prani të shtuar policore ka patur edhe në akset nacionale drejt kryeqytetit për shkak të mjeteve të shumta, kryesisht autobuzë që erdhën në Tiranë. Mes turmës së protestuesve, kishte edhe agjentë civilë.

Disa incidente të vogla nuk munguan. Por kjo nuk cënoi mbarëvajtjen e protestës e cila ishte e qetë dhe pa tensione.

Ashtu siç paralajmëroi Top Channel, policia ishte mobilizuar për një protestë të gjatë nisur nga informacionet e siguruara në rrugë operative por edhe referuar kërkesës së Partisë Demokratike, e cila kishte lënë të pa pëcaktuar, orarin e përfundimit të tubimit.

Megjithëse leja e mitingut është tejkaluar, policia tha se nuk do të ketë ndërhyrje dhe protesta do të lejohet të vazhdojë.

 

 

Horror në Korçë: 32-vjeçari i hedh benzinë nënës së tij

Një 32-vjeçar nga Korça ka tentuar të djegë nënën e tij, pas një konflikti për motive të dobëta, duke i hedhur benzinë në trup, raporton albeu.

Periskopi.com Lajme

Emiljan Tushini, banues në Korçë i dënuar më parë për veprat penale: “Vjedhje” dhe “Plagosje e lehtë me dashje”, është arrestuar në flagrancë nga policia.

Arrestimi i tij u bë në lagjen nr 8 në Korçë, në banesë.

Dyshohet se 32-vjeçari, pas një konflikti për motive të dobëta me nënën e tij shtetasen M.T, 52 vjeç, i ka hedhur kësaj të fundit lëndë djegëse (benzinë) në trup dhe më pas i ka vënë flakën.

Për pasojë shtetasja M.T, ka pësuar djegie trupore dhe është transportuar për ndihmë mjekësore në Spitalin Rajonal të Korçës, ku ndodhet nën kujdesin e mjekëve.

Emiljan Tushini, është larguar menjëherë nga vendi i ngjarjes, por është kapur më vonë nga Policia.

Punëtorët e RTK-së: Mentor Shala na kërcënoi me vrasje, nesër e paraqesim në polici

Kryetari i Sindikatës së pavarur të RTK-së, Fadil Hoxha thotë se drejtori i Televizionit, Mentor Shala i ka kërcënuar me vrasje.

Periskopi.com Lajme

E për këtë sipas Hoxhës do e paraqesin në Polici.

“Fjalori i drejtorit gjeneral te RTK-se, Mentor Shala ndaj punëtoreve te vet është kërcenim për vrasje. Si Sindikate, qysh nesër rastin do ta paraqesim ne polici. Ju anëtarë te bordit te RTK-se, me heshtjen tuaj po e aprovoni këtë veprim te tij”, tha ai./ Periskopi

 

 

 

Mentor Shala me fjalor banditesk, kërcënon punëtorët e RTK-së dhe linçon mediat tjera

 

 

.

.

 

Mustafa tregon deri ku do hynte treni serb nëse nuk do ishin Policia dhe ndërkombëtarët

Kryeministri i Kosovës, Isa Mustafa, pasi që dëgjoi një debat të gjatë në seancën e Kuvendit tha se institucionet e Kosovës do të zbatojnë ligjin dhe Kushtetutën në tërë territorin e Kosovës.

Periskopi.com Lajme

Kryeministri i Kosovës gjatë fjalës së tij tha se po mos të ishte Policia e Kosovës dhe ndërkombëtarët treni do të vinte deri në Kaçanik.

Mustafa tha se përderisa njësitet e Policisë kanë qenë në kufi me Serbinë, treni i nisur nga Beogradi nuk do të hynte me asnjë kusht.

Ai tha se Policia e Kosovës nuk ka dal atje për të bërë humor me askënd, por për ta mbrojtur sovranitetin e shtetit të Kosovës.

Drejtori i KEDS-it merret në pyetje nga Policia

Drejtori i KEDS-it George Karagutoff është marr në pyetje nga Policia e Kosovës të hënën e kësaj jave në stacionin e Dardania në Prishtinë, raporton lajmi.net.

Periskopi.com Lajme

Arsyeja e marrjes në pyetje të Karagutoff-it është për shkak të largimit nga puna të punëtorëve e që Inspektorati i Punës ka marr vendim të dy shkallë që KEDS-i t’i kthej në punë.

Një zyrtar i Policisë së Kosovës e ka konfirmuar për lajmi.net se Karagutoff është intervistuar nga Policia e Kosovës.

“Është intervistuar në cilësinë e të dyshuarit për veprat penale të parashikuara në nenin 221 Cenimi i të drejtave nga marrëdhënia e punës dhe për veprën penale nga neni 222 Cenimi i të drejtave të punësimit dhe papunësisë. Këto vepra penale të parashikuar në Kodin penale të Republikës së Kosovës  në bazë të kallëzimit penal të ushtruar nga Avokati i Sindikatës së Punëtorëve të KEDS-it”, ka thënë një hetues i Policisë së Kosovës për lajmi.net.

KEDS-i ka larguar përnjëherë afër 100 punëtorë nga puna, ndërsa Inspektorati i Punës ka marr vendim që të larguarit të kthehen në punë.

KEDS-i ende nuk e ka zbatuar vendimin e Inspektoratit, ndërsa lënda është dërguar nga avokati i punëtorëve në Gjykatën Themelore në Prishtinë për përmbarim.

Qeshni me lot /Gruaja ankohet për çmimin e marihuanës në polici, ja çfarë bënë oficerët

Një grua nga Australia, identiteti i së cilës nuk dihet, ka kontaktuar agjentët e policisë së për t'i pyetur nëse ata mund të zgjidhnin problemin e saj. Ajo i pyeti nëse ata mund të hetojnë se pse kishte paguar një sasi të lartë për marihuanën, duke kërkuar të dijë nëse çmimi është rritur apo jo.

Periskopi.com Lajme

Përdorimi i kanabisit është i ndaluar në Australi dhe zona e veriut është dekriminalizuar, por pavarësisht nga kjo, gruaja e varur kur agjentët e kanë pyetur për të dhënat personale, e ka mbyllur celularin.

Agjentëve iu duk telefonatë shumë argëtuese dhe e ndanë bisedën në rrjetet sociale, duke shkruar:

“Nëse njeh ndonjë trafikant droge që po të vjedh, na telefono, ne mund të të ndihmojmë”. Ky status u shndërrua në një status viral. /JOQ.

Plaçkitje si në filma në tre pika të derivateve në Prishtinë brenda pak orësh

Të maskuar dhe me armë, dy persona kanë hyrë brenda objekteve, e dy të tjerë janë parë brenda veturës teksa i kanë pritur të armatosurit.

Periskopi.com Lajme

Brena pak orësh në Prishtinë, gjithçka është shndërruar si në film, raporton periskopi

Ata kanë plaçkitur tre pika të shitjes së derivateve, duke ua marrë paratë që kishin në arkë të mbledhura gjatë gjithë ditës.

Jo vetëm kaq. Ata krejt këto plaçkitje i kanë bërë më një veturë të vjedhur vetëm pak orë më parë.

Madje, burime të Periskopit bëjnë të ditur se të njëjti person pak orë para se të kryenin plaçkitjet në pikat e derivateve, kanë plaçkitur edhe një barnatore në Prishtinë.

Kjo ka ndodhur në natën mes 30 janar dhe 31 janar, e Policia e Kosovës asnjërën nga këto plaçkitje nuk i ka evidentuar te raporti 24 orësh.

Plaçkitja e parë ka ndodhur në një pikë derivatesh në dalje të Prishtinë, rrugës për në Mitrovicë, tjetra pas disa minutash te një pikë deritavesh në qendër të Prishtinës te lagja e njohur “Hani i Dilit” dhe e treta krejt pak minuta më vonë te një pikë tjetër në dalje të Prishtinës rruga për në Podujevë.

Pikat e shitjes nuk janë të së njëjtës kompani.

Pronarët e pikave të derivateve kur janë bërë plaçkitjet, nuk kanë dhënë detaje, por kanë konfirmuar për Periskopin se kjo ka ndodhur./ Periskopi

 

 

Flet babai i personit që gjuajti me armë pranë ambasadës holandeze në Prishtinë

Pasditen e djeshme Policia e Kosovës ka bastisur shtëpinë e një personi në lagjen “Velania” në Prishtinë, pas raportimit për të shtëna me armë. Ndonëse ishte sqaruar se gjuajtja kishte ardhur si pasojë e një ahengu familjar, portalet serbe kishin raportuar se rasti kishte të bënte me një sulm që disa kosovarë i kanë bërë Ambasadës së Holandës e cila gjendet në këtë lagje.

Periskopi.com Lajme

Lidhur me këtë, ka reaguar pronari i shtëpisë nga e cila personi ka gjuajtur me armë në ajër, rast të cilin e ka konfirmuar edhe Policia e Kosovës.

Në një prononcim për “Indeksonline”, Burhan Pajaziti ka sqaruar rastin duke thënë se djali i tij ka bërë një veprim të pamatur, por që nuk ishte menduar se edhe një aheng familjar do të keqpërdorej deri në atë pikë sa të spekulohej për sulm ndaj ambasadës.

Paraziti ka thënë se Policia e Kosovës i ka përdorur pikërisht kamerat e Ambasadës së Holandës për të hetuar rastin.

“ Të shtënat kanë ndodhur në ajër, prej djalit tim, do të thotë arsyeja ka qenë ajo. Nuk ka pasur motiv kërcënimi apo sulm ndaj dikujt tjetër, e në veçanti ndaj Ambasadës së Holandës, nuk ka qëllime sipas spekulimeve serbe që është sulmuar ambasada. Ajo nuk është e vërtetë. E vërteta është që djali im diku rreth orës 17:00 ka shkrepur me një armë automatike në ajër e cila vërtetohet edhe nga Policia e Kosovës, në bazë të incizimeve të marra nga Ambasada e Holandës”, është shprehur ai.

Tutje, Pajaziti ka thënë se në kohën kur Kosova po përballet me situata të njëpasnjëshme, veprimi për gjuajtje me armë ka qenë krejtësisht i pamenduar. Për këtë, ai ka bërë thirrje tek të gjithë qytetarët që që as në raste festive, as në raste hidhërimi të mos i përdorin armët.

 

Ndryshe, ai ka treguar se rasti është sqaruar si në Policinë e Kosovës, ashtu edhe në Ambasadën e Holandës.

“E kemi sqaruar rastin edhe në Polici, edhe unë kam pasur takime me zyrtarë të Ambasadës së Holandës si qytetar, si banor i lagjes ju kam kërkuar falje për shqetësimin jo vetëm atyre, por gjithë qytetarëve të Kosovës dhe banorëve të lagjes. Ka qenë një veprim i pamatur, veprim i nxituar. Ndoshta në kohën me të cilën po përballet Kosova nuk është dashur të veprohet me gjëra të tilla, duke mos e menduar që do të vjen situata e tillë që dikush të mundohet ta keqpërdorë edhe një aheng familjar për qëllime tjera”, ka thënë Pajaziti për “Indeksonline”.

Kujtojmë se dje lidhur me ngjarjen kishte spekuluar portali serb “Informer”, ku kishte vendosur titullin “Kaos në Prishtinë: Njerëz të maskuar gjuajnë me armë në ambasadën Holandeze në Prishtinë”. Menjëherë pas hetimit të rastit, Policia e Kosovës kishte dalë me komunikatë se ky informacion është plotësisht dezinformues, çka më pas ka vijuar edhe me reagimin e Burhan Pajazitit, babait të djalit i cili kishte gjuajtur me armë automatike gjatë ahengut familjar.

rrahje-620x330_1485454047-3646409

Shqiptari u vetëdogj në Polici, thotë se ia morën vajzën për prostitutë… (Video)

Dy ditë më parë 57 - vjeçari Marko Silo tentoi t'i japë fund jetës duke u vetëdjegur me benzinë në ambientet e Zyrës së Shërbimit për Qytetarët në policinë e Fierit, ndërsa sot nga shtrati i spitali në QSUT, ai tregon për News 24 dhe BallkanWeb arsyet e këtij akti ekstrem.

Periskopi.com Lajme

Silo shprehet se vajza e tij është zhdukur prej vitesh de për këtë ai ka denoncuar 3 persona, pasi dyshon që mund ta kenë trafikuar si prostitutë dhe akuzon shtetin se nuk ka bërë asgjë për ta ndihmuar.

“Akti im ishte protestë për indiferencën e shtetit. Unë shkova në polici për vajzën time të zhdukur Armela, ata u treguan indiferentë. Kam denoncuar 3 persona që më morën vajzën. Një nga rrëmbyesit ishte i kërkuar edhe nga Interpoli. Vajza para një viti kërkoi të tërhiqnim denoncimin, besoj se vajza ime është nën presionin e rrëmbyesve”,- thotë ai.

Ndërsa ka frikë për jetën e familjarëve, Silo kërkon mbrojtje nga ministrat Tahiri e Majnnai.

Informacion paraprak nga Policia e Fierit:

Më datën 19.01.2017, rreth orës 13:00, ka hyrë në ambientet të Zyrës së Pritjes së Qytetarëve në Drejtorisë Vendore të Policisë Fier, shtetasi M.S, 57 vjeç, banues në Levan, Fier, dhe pa komunikuar me personelin e shërbimit, ka tentuar të djegë veten me benzinë.

Falë ndërhyrjes së shpejtë të Shefit të Sektorit të SHCBA, dhe personelit të zyrës së shërbimit të qytetarëve u bë e mundur fikja në kohë e flakëve duke shpëtuar kështu jetën e këtij shtetasi, i cili ndodhet në Spitalin Rajonal Fier nën kujdesin e mjekëve jashtë rrezikut për jetën.

Lidhur me këtë ngjarje ju sqarojmë se bashkëshortja e shtetasit të lartëpërmendur, më datën 20.09.2016 ka kallzuar pranë DVP Fier se në vitin 2014 i është larguar vajza nga banesa dhe dyshon se mund të shfrytëzohet për prostitucion jashtë shtetit.

Pezullohen 21 OJQ “të rrezikshme” në Kosovë

Të paktën 21 organizatave jo qeveritare iu është pezulluar veprimtaria brenda vitit 2016, me vendim të autoriteteve të rendit në Kosovë për shkak të, siç thuhet, aktiviteteve të jashtëligjshme.

Periskopi.com Lajme

Një liste prej 13 organizatash që u pezulluan në vitin 2015, i është shtuar edhe numri prej 8 organizatave të tjera, një vit më vonë (2016), duke rritur numrin e OJQ-ve të përfshira në veprimtari të paligjshme.

Vendimi për pezullimin e aktiviteteve të këtyre organizatave, i marrë nga Ministria e Administratës Publike në Kosovë, është ripërsëritur vit pas viti që prej vitit 2014 me dyshimin “se kanë rënë ndesh me rendin Kushtetues të Kosovës dhe kanë cenuar sigurinë e përgjithshme”.

Zyrtarët e Ministrisë së Administratës Publike thanë për Radion Evropa e Lirë, se pezullimi i veprimtarive të OJQ-ve të caktuara, u “bazua në kërkesën e organeve kompetente dhe ai është ripërsëritur”.

Bajram Kosumi drejtor i Departamentit për Organizatat Joqeveritare në Ministrinë e Administratës Publike, tha se “janë gjithsej 21 organizata joqeveritare ndaj të cilave departamenti për OJQ ka marrë vendim për pezullim të veprimtarisë së tyre gjatë vitit të kaluar”..

“Organizatat për të cilat është marrë vendimi që t’u pezullohet puna janë kryesisht ndërkombëtare”, tha Kosumi.

Sipas listës së Ministrisë së Administratës Publike, organizatat joqeveritare të cilave u është hequr e drejta për të punuar në Kosovë, kanë shtrirë veprimtarinë në gjithë territorin e vendit.

Një pjesë e tyre kanë punuar në jug të Kosovës në qytetin e Prizrenit dhe një numër syresh të regjistruara në Prishtinë kanë shtrirë, thonë zyrtarë qeveritarë, aktivitetin në pjesën qendrore të vendit.

Veprimtaria e paligjshme në fushën mikrofinanciare, ndërkaq, i kushtoi me mbyllje, pak kohë më parë, njërës organizatë joqeveritare, thanë zyrtarë të Bankës Qendrore të Kosovës.

Një zyrtar i BQK-së, Besnik Kada, i tha Radios Evropa e Lirë se “në vitin 2014 kanë hasur në një institucion të dyshimtë mikrofinanciar, të cilit i është ndaluar veprimtaria”.

“Në këtë drejtim, theksohet rasti i vendimit të BQK-së i datës 25 shtator 2014, ndaj IMF Kosova Aid and Development të cilit i pezullohen të gjitha aktivitetet e lejuara me regjistrimin e datës 2 dhjetor 2015 të lëshuar nga BQK-ja me arsyetimin se:

“Me datë 17 shtator 2014 Ministria e Administratës Publike, Departamenti për Organizata Jo-Qeveritare ka nxjerrë vendim përmes të cilit ka pezulluar veprimtarinë e Organizatës Joqeveritare “Kosova Aid and Development” pas kërkesës që i është bërë nga organet kompetente të sigurisë”, ka thënë Kada në një përgjigje përmes postës elektronike.

Ndërkohë, vendimi për pezullimin e punës së 21 OJQ-ve ndërkombëtare në Kosovë gjatë vitit 2016 u mor, siç i thanë Radios Evropa e Lirë mekanizmat e sigurisë në Kosovë, për faktin “e përkrahjes dhe shtytjes së ideve ekstremiste, mos arsyetimit të shpenzimeve të donatorëve si dhe mos raportimit në Ministrinë e Administratës Publike të aktiviteteve vjetore”.

Zëvendësministri i Punëve të Brendshme, Valdet Hoxha, njëkohësisht koordinator nacional kundër terrorizmit, tha se mekanizmat e sigurisë në Kosovë po i përcjellin me kujdes aktivitetet dhe “organizimet e ndryshme që vlerësohen si të dyshimta dhe të kundërligjshme” dhe nënvizoi se përveç OJQ-ve këtu përfshihen edhe “individë të caktuar”

“Është fjala për individë të cilët mund të kenë kaluar në OJQ-të e tjera, pas pezullimit të OJQ-ve në të cilat kanë vepruar e të cilat janë pezulluar nga MAP, për shkak të aktiviteteve të cilat bien ndesh me ligjin”, tha zëvendësministri i brendshëm, Hoxha.

Vazhdimin e veprimtarive të ‘paligjshme të individëve’, të cilëve u janë mbyllur OJQ-të me vendim të autoriteteve pak kohë më parë, e kanë pohuar edhe predikues të fesë.

Imami i një xhamie në qytetin e Podujevës, Idriz Bilalli, i tha Radios Evropa e Lirë se ‘individë të caktuar po vazhdojnë punën e tyre pavarësisht pezullimit’ dhe, siç tha, “për këtë është në dijeni edhe vetë Bashkësia Islame”.

“Më e keqja është se një numër i madh i këtyre aktivistëve të cilët kanë themeluar dhe kanë udhëhequr këto OJQ, edhe vendore edhe të huaja, ndërkombëtare, janë punëtorë të BIK-ut dhe punëtorë të tjerë. Ata janë të njëjtit njerëz. Unë mendoj se BIK-u, gjegjësisht kryesia, duhet të merret me këta njerëz, të cilët thjesht me ato veprimtari të tyre kanë rënë ndesh me ligjin. BIK-u duhet të marrë masat e duhura sepse nëse eventualisht atyre iu është mbyllur zyrtarisht një zyrë ata veprojnë punojnë në forma të tjera sepse e kanë hapësirën dhe mundësin sepse janë të instaluar brenda BIK-ut qoftë në xhami qoftë në institucionet e tjera që janë nën menaxhimin e BIK-ut”, tha Bilalli.

Ndërkohë, Bashkësia Islame e Kosovës nuk e përjashtoi pohimin se “persona që kanë punuar në organizata të ndryshme joqeveritare e që janë mbyllur, janë ose mund të kenë qenë pjesë të tij”.

“Kemi pasur edhe raste kur imamët tanë kanë punuar me shoqata të ndryshme, të cilat kanë vepruar këtu deri tash në mënyrë legale. Por, pas ndalimit me ligj unë besoj se pushon veprimtaria dhe puna e tyre dhe këto gjëra do t’i rregullojmë të gjithë edhe ne si institucion”, tha Ahmet Sadriu zëdhënës i BIK-ut, në një përgjgije për Radion Evropa e Lirë.

Një numër organizatash joqeveritare, nga vende të ndryshme të botës, e kanë ndihmuar Kosovën në procesin e rimëkëmbjes së saj dhe në fazën e emergjencës, disa vite pas përfundimit të luftës.

Autoritetet ndërkombëtare dhe më pas edhe autoritetet e Kosovës, pas shpalljes së pavarësisë më 2008, kanë ndaluar një numër syresh që të veprojnë në Kosovë, për shkak të siç thuhet, ‘veprimtarisë së paligjshme dhe rënies ndesh me ligjin’.

Zyrtarët në Kosovë thonë se një numër i OJQ-ve, patën shtrirë ndikimin e tyre dhe kanë “ndihmuar” në, siç thuhet, “rekrutimin e të rinjëve nga Kosova për në zonat e luftës në Lindjen e Mesme”. (REL)