Asnjë i arrestuar për vrasjen e rëndë në Dumosh të Podujevës

Ishte pikërisht data 28 nëntor 2016, kur në orët e para të mëngjesit është raportuar për gjetjen e një kufome mashkulli rreth 45 vjeçar, buzë rrugës që lidh fshatin Dumosh me fshatin Batllavë.

Periskopi.com Lajme

Përpos viktimës në fjalë, në afërsi të kufomës ishte arritur të gjendeshin edhe dy gëzhoja të një arme.

Ndërsa nga Zyra e Informimit të Policisë është thënë për Indeksonline se lidhur me këtë rast është duke u punuar intensivisht deri në përfundim të hetimeve.

Po ashtu është bërë e ditur se për më shumë se 2 muaj pas gjithë kësaj ngjarje nuk ka ende asnjë person të arrestuar, raporton Indeksonline.

“Policia në koordinim me Prokurorinë kompetente, janë duke punuar intensivisht në hetimin e të gjitha pistave të mundshme që lidhen me rastin në fjalë. Deri me tani nuk ka te arrestuar për këtë rast”, është thënë në përgjigjen e këtyre të fundit.

Gjithashtu është bërë e ditur se rasti nga ana e Prokurorit të shtetit është cilësuar si vrasje e rëndë, por që hetimet e rastit janë aktualisht në një fazë tejet të ndjeshme dhe për këtë arsye detajet vazhdojnë të mbesin brenda përbrenda hetuesisë.

“Pasi që hetimet e rastit aktualisht janë në një fazë shumë të ndejshme dhe mund të ndikoj keq në vazhdën e hetimeve.  Gjithsesi pas përfundimit të hetimeve lidhur me këtë rast, mund të merrni përgjigjet e kërkuara”, është përfunduar nga ZIMP.

Duhet përkujtuar që varrimi i personit me inicialet SH.P, është bërë menjëherë një ditë pas vrasjes.

traktori ARKIV

Humb jetën një person në një fabrikë në Podujevë

Një punëtor i moshës 49 vjeçare, ka humbur jetën sot në Fabrikën e Përpunimit të Perimeve dhe Pemëve “Jaha Company”, në qytetin e Podujevës.

Periskopi.com Lajme

“Sot rreth orës 9:45, stacionit i Policisë së Kosovës, në regjionin e Podujevës, është njoftuar për një rast në rrugën ‘Zahir Pajaziti’, saktësisht në ‘Jaha Company’. Së bashku me emergjencën kanë mbërri në vendin e ngjarjes, ku kanë gjetur një njeri mashkull, rreth 49 vjet, i cili ka qenë pa ndjenja. Me këtë rast, mjeku i emergjencës e ka informuar për vdekjen e tij”, tha Antigona Çitaku, Shefja e Operativës në stacioni e Policisë në Podujevë, raporton KP.

Në vend të ngjarjes kanë dal policia, inspektoret e punës dhe prokurori. Me urdhër të prokurorit është hap rasti si vdekje e dyshuar dhe trupi i viktimës është dërguar në mjekësinë ligjore për obduksion.

Dëshmitarë nga vendi i ngjarjes i kanë thënë portalit Koha.net se viktima ka ndërruar jetë si pasojë e shkeljes nga traktori, që raportohet të ketë qenë aksidental.

40 shtëpi bllokohen nga bora e madhe në Podujevë

Rreth 40 shtëpi në fshatin Ballofc të komunës së Podujevës, janë bllokuar nga dëbora e madhe që vazhdon të bjerë edhe gjatë këtyre orëve.

Periskopi.com Lajme

Nja banor nga ky fshat ka thënë për “Klan Kosovën” se asnjë mjet borëpastrues nuk ka shkuar në qytet dhe se të gjitha rrugët janë të bllokuara.

Ai ka treguar se erërat e forta kanë krijuar ortekë bore deri në dy metra lartësi, gjë e cila e ka bërë të pamundur kalimin dhe lëvizjen e banorëve të këtij fshati.

Për shkak të reshjeve të dëborës, shumë rrugë në Kosovë janë bërë të pakalueshme, ndërsa autoritetet i bëjnë apel qytetarëve të mos lëvizin nga shtëpitë e tyre.

Patinazh në rrugët e Podujevës, Agim Veliu e ka prioritet partinë (Video)

Kreu i Podujevës, Agim Veliu vazhdimisht merret me qendrën, LDK-në dhe problemet e Qeverisë.

Periskopi.com Lajme

Ai i qëndron shumë pranë Isa Mustafës në gjithçka, por sot e ka befasuar bora në komunën e tij, raporton Periskopi

Në fshatrat e kësaj është bllokuar gjithçka, e qyteti është shndërruar në patinazh.

Shumë aksidente tashmë janë shënuar./ Periskopi

 

 

Rrugët e Podujevës në gjendje të rëndë

Qytetarët e Podujevës nga të gjitha zonat ankohen për mos intervenimin e Komunës në pastrimin rrugëve nga bora dhe ngricat e këtyre dy ditëve të fundit. Informatat nga tereni tregojnë për gjendje tmerrësisht të keqe të rrugëve,rrugicave dhe trotuareve në qytet.

Periskopi.com Lajme

Gjendje edhe më e vështirë paraqitet në fshatra ku qarkullimi është i shumë i vështirësuar e në disa zona edhe i pamundur.

Komuna e Podujevës përkatësisht Drejtoria e Shërbimeve Publike nuk kanë ndërmarrë as veprimet më minimale për menaxhimin e gjendjes së krijuar.

Lëvizja Vetëvendosje Qendra Podujevë, kërkon nga Komuna dhe Drejtoria e Shërbimeve Publike që urgjentisht të ndërmarrin hapa për t’u dalë në ndihmë qytetarëve. Poashtu, kërkojmë edhe nga operatorët ekonomik që janë përgjegjës për pastrimin e rrugëve të jenë në krye të detyrës dhe t’i realizojnë punët në bazë të kontratave që kanë.

“Lëvizja Vetëvendosje! Qendra Podujevë i inkurajon qytetarët e Podujevës që të kërkojnë nga organet kompetente komunale ofrimin e shërbimeve për çka edhe janë të thirrura”, thuhet në reagimin  degës së këtij subjekti në Podujevë./ Periskopi

15942022_1277899698922711_720574257_n

Në Podujevë hapet qendra për grumbullimin e pemëve dhe perimeve

Në Podujevë është hapur inauguruar objekti për grumbullimin, ruajtjen dhe përpunimin e pemëve dhe perimeve.

Periskopi.com Lajme

Ajo është hapur ne fshatin Sfeqël të Podujevës, dhe në të janë punësuar 15 persona dhe janë hapur shumë mundësi për qindra fermerë.

Ministri i Punës dhe Mirëqenies Sociale, Arban Abrashi bënë të ditur se me këtë qendër grumbullimi forcohet edhe më tej zhvillimi i agro-biznesit, forcimi i konkurrueshmërisë në treg rajonal, përmirësimi i cilësisë së prodhimeve dhe nxitet punësimi, aftësimi dhe ndërmarrësia në përgjithësi./ Periskopi

Momenti kur u gjet trupi i pajetë i 45 vjeçarit nga Podujeva (Video)

Trupi i i pajetë i një 45 vjeçari është gjetur sot në mëngjes buzë rrugës që lidh fshatin Dumosh me fshatin Batllavë.

Periskopi.com Lajme

Policia e Kosovës ka konfirmuar gjetjen e kufomës, teksa ka cekur se në afërsi janë gjetur dhe dy gëzhoja të armës.

Nuk dihet se si ka ardhur deri tek humbja e jetës së personit, por ekipi mjekësor kishte konstatuar menjëherë se viktima është pa shenja jete.

Kurse përmes një video më poshtë mund të shihni momentin e gjetjes së trupit të viktimës në këtë fshat.

Në Skenderaj më së shumti mbillet gruri dhe jonxha, në Podujevë misri

Rezultatet e Regjistrimit të Bujqësisë (RB) 2014 kanë treguar se pjesëmarrja e tokës së punueshme-arave, në gjithsej sipërfaqen e shfrytëzuar të tokës bujqësore është 43.6% (180 381 ha). Sipërfaqja mesatare e tokës së punueshme - arave për ekonomi bujqësore është 1.6 ha.

Periskopi.com Lajme

Drithërat zënë pjesën më të madhe të tokës së punueshme – arave, ku gjithsej janë 97 026 ekonomi bujqësore, me sipërfaqe të përgjithshme të kultivuar me drithëra 131 949. 39 ha. Madhësia mesatare e sipërfaqes me drithëra për ekonomi bujqësore është rreth 1.36 ha. Mbi 81.8% e ekonomive bujqësore, ose 79 396 sosh, kanë nën 2 ha sipërfaqe për ekonomi bujqësore të kultivuara me drithëra.

Kultura, që zë pjesën më të madhe të tokës së punueshme-arave është gruri (50.3%), i pasuar nga misri (19.4%).

Prodhuesit më të mëdhenj të grurit në nivel global në vitin 2013, sipas statistikave të FAOSTAT-it (2013) ishin: Kina, 115 milionë/t; India, 80 milionë/t; ShBA, 60 milionë/t; Rusia, 41 milionë/t; dhe Kanada, 23 milionë/t. Ndërsa, nga vendet e BE-së, sipas Eurostat-it (2013), prodhuesit më të mëdhenj ishin: Franca, me rreth 37 milionë/t; Gjermania, me rreth 25 milionë/t; dhe Bullgaria, me 5.4 milionë/t. Kurse, nga vendet e ish-Jugosllavisë, prinë Serbia me 563 403 ha, e pasuar nga Kroacia me 204 506 ha, të mbjellur me grurë.

Sipas Regjistrimit të Bujqësisë në Republikën e Kosovës, (RB) 2014, sipërfaqet e kultivuara me grurë, ishin 90 727.78 ha, ndërsa numri i ekonomive bujqësore, që kanë kultivuar grurë ishte 74 532 ekonomi bujqësore, ose rreth 1.22 ha për ekonomi bujqësore.

Komuna me pjesëmarrjen më të lartë në kultivimin e grurit për nga sipërfaqja e kultivuar me grurë është Skenderaj, me sipërfaqe 6 936.96 ha, ndërsa komuna e Podujevës ka numrin më të madh të ekonomive bujqësore, që merren me kultivimin e grurit.

Prodhuesit më të mëdhenj të misrit, sipas FAOSTAT (2013) janë: ShBA me mbi 350 milionë/t;

Kina me mbi 217 milionë/t; Brazili me rreth 80 milionë/t; dhe Argjentina me mbi 32 milionë/t. Ndërsa, në vendet e BE-së (Eurostat, 2013) prodhuesit më të mëdhenj janë: Franca me mbi 15 milionë/t; Spanja dhe Rumania me mbi 11 milionë/t; dhe Hungaria me rreth 7 milionë/t.

Sipërfaqet me misër, në nivel vendi sipas RB 2014 ishin 35 038.22 ha, ndërsa numri i ekonomive bujqësore, që merren me kultivimin e misrit është 64 979. Mesatarja e sipërfaqes së kultivuar me misër për ekonomi bujqësore është 0.54 ha. Vetëm 15% e sipërfaqes së kultivuar me misër i përket klasës me mbi 5 ha, kurse 66% e sipërfaqes së kultivuar me misër i përket klasës nën 2 ha.

Sa i përket komunave, Podujeva ka numrin më të madh të ekonomive bujqësore, që merren me kultivimin e misrit, me gjithsej 5 237, ndërsa komuna e Lipjanit ka sipërfaqen më të madhe të kultivuar me misër, 2 222.40 ha.

Sa u përket bishtajoreve kokërr, kultura më e kultivuar është fasulja. Sipërfaqet e përgjithshme me fasule kokërr janë 3 958.55 ha, ndërsa numri i ekonomive bujqësore, që kultivojnë fasule kokërr është 34 925.

Sipas komunave, Podujeva ka sipërfaqen (375.26 ha) më të madhe me fasule kokërr, krahasuar me komunat e tjera, në nivel vendi. Gjithashtu, kjo komunë ka edhe numrin më të madh të ekonomive bujqësore (3 951), që kultivojnë fasulen kokërr.

Sa u përket frytrrënjorëve, patatja është kultura kryesore frytrrënjoreve, që kultivohet në Kosovë. Sipas RB 2014, sipërfaqet e përgjithshme në nivel vendi me këtë kulturë janë 3 694.53 ha, të kultivuar nga 18 732 ekonomi bujqësore. Komuna, që ka sipërfaqen më të madhe të kultivuar me patate është komuna e Vushtrrisë, me sipërfaqe 1 327.84 ha.

Sa u përket bimëve foragjere, jonxha, tërfili, përzierja e barit, misri i gjelbër dhe kungulli foragjer janë kulturat më të kultivuara, si për nga sipërfaqja, ashtu edhe për nga numri i ekonomive bujqësore, që i kultivojnë këto kultura. Sipas Regjistrimit të Bujqësisë 2014, në Kosovë jonxha kultivohet në sipërfaqe prej rreth 15 010.77 ha, nga gjithsej 23 687 ekonomi bujqësore.

Komuna që dallohet për nga numri më i madh i ekonomive bujqësore dhe sipërfaqes me kultivim të jonxhës është Skenderaj me 2 419 ekonomi bujqësore dhe sipërfaqe 1 734.75 ha.

Sipas RB-së 2014, 34 827 ekonomi bujqësore merren me kultivimin e perimeve, në një sipërfaqe të përgjithshme prej 6 689.15 ha. Me perime është e mbjellë 3.7% e tokës së punueshme – arave (6 689 ha). Në mesin e perimeve, më shumë se 38% e tokës së mbjellë është me speca, kurse janë 30 533 ekonomi familjare, që e kultivojnë këtë kulturë në sipërfaqe të përgjithshme prej 2 553.01 ha.

Sipas komunave, dominimin si për nga numri i ekonomive bujqësore, që kanë kultivuar speca    (2 779 sosh), ashtu edhe për nga sipërfaqja kultivuese me këtë kulturë, 1 160.48 ha e ka komuna e Rahovecit./ Periskopi

 

 

 

 

 

Jetojë me rrezik mbi kokë, familjet nga Podujeva kërkojnë drejtësi

Në kërkim të drejtësisë prej 12 vjetësh janë rreth 30 anëtarët e familjeve Sadiku të Podujevës. Atyre u janë vendosur telat e tensionit të lartë mbi shtëpi. Rreziku që u kanoset nga këta tela thonë se është i madh.

Periskopi.com Lajme

 

E madhe është edhe zhurma që krijojnë ata. Me stres e me nervozë në ankth thonë se po i plakin ditën e netët në rrugën “Dëshmorët” në verilindje të Podujevës.

Agim Sadiku thotë se e gjitha ka nisur më 2002 kur disa persona, që ai i identifikon si gjeodetë të Podujevës, kishin shkuar për t’i vendosur pikat se ku do të vendoseshin shtyllat e metalta të largpërçuesve. Ishin sjellë çuditshëm kur ishin pyetur se çfarë po bënin.

“Thanë ‘nuk po e dimë as ne’. Edhe mua nuk më ka lënë shumë përshtypje që po bajnë diçka. Më 2003 janë vendosur telat a pikat i kanë vendosur para një viti”, thotë Agim Sadiku.

Zyrtarja e komunikimit në KOSTT thotë se në bazë të dokumentacionit ekzistues të këtij projekti, përkatësisht procesverbalit të 21.08.2003 palët janë dakorduar që sipas vendimit mbi eksproprijimin nr.09.285/2003, pronari i paluajtshmërisë (shtëpisë) nëpër të cilën kalojnë telat, sipas legjislacionit, rregulloreve në fuqi, hapësira ajrore nëpër të cilën kalojnë telat nuk kompensohet. “Atëherë pala është dakorduar që të zhvillohen punimet dhe pronari ishte udhëzuar në kontest civil. Ndërsa për dëmin gjatë punimeve sipas Bordit të atëhershëm të KEK-ut palës i ishte ofruar kompensimi me vlerë prej 9600.00 €, të cilën pala nuk e kishte pranuar. Në vijim, pala ka ushtruar padi më 17.05.2004 ndaj të paditurës KK Podujevë, KEK-“Elektrobartja” dhe me precizimin e padisë në vitin 2015 si të paditurën e tretë KOSTT”.

Nga anën tjetër, Agim Sadiku, thotë se deri tashti nuk është bërë shpronësimi i kësaj prone

Dy bomba të pa shpërthyera gjenden në Podujevë

Në rrugën “Bedri Bajrami”, në Podujevë, një person ka raportuar se ka gjetur dy granata dore pa siguresa.

Periskopi.com Lajme

Policia ka siguruar vendin e ngjarjes ndërsa njësiti për deminim i FSK-së dhe KFOR-it Amerikan kanë tërhequr mjetet e dyshimta pa ndonjë incident

Policia shkatërron një ‘mal’ me kanabis në Podujevë

900 bimë kanabisi janë gjetur në një plantacion në Podujevë.

Periskopi.com Lajme

Policia e Kosovës, në natën e 19 shtatorit ka arritur të lokalizojë vendin, bimë këto të cilat ishin afër procesit për tu korrur.

Emisioni “Drejtësia në Kosovë” shfaq vendin ku shihen bimët e kanabisit të cilat prekin rreth 4 metra ari, e ku gjatësia e tyre mbërrinte deri në dy metra.

Pas lokalizimit të vendit, policia vazhdoi me prerjen e 900 bimëve ku edhe me pas u shkatërruan të gjitha.

Nga bima kanabis sativa prodhohet substanca narkotike marihuanë.

Llogaritet që një bimë e tillë prodhon rreth gjysmë kilogrami lëndë narkotike, e cila në treg shitet në shuma deri në 1000 euro për kilogramë.