Sa mund të përshkallëzohet situata në Maqedoni?

Periskopi.com Lajme

Situata në Maqedoni mund të përshkallëzohet tej mase, pasiqë si zgjidhje e vetme e mundshme po shihet vizita e ndihmës sekretarit amerikan të shtetit, Hoyt Yee.

Mirëpo kjo vizitë do të bëhet të hënën.

Deri atëherë, situate raportohet se mund të mbetet tejet e tensionuar dhe pa ndonjë zgjidhje.

“E vetmja shpresë aktualisht mbetet vizita e ndihmës sekretarit amerikan të shtetit, e cila do të ndodh të hënën. Deri atëherë, nuk dihet asgjë se çka mund të ndodh”, ka thënë për Periskopin një zyrtar brenda BDI’së/Periskopi/

Shiheni se në çfarë gjendje të rëndë është deputeti i Maqedonisë (Foto)

Periskopi.com Lajme

Deputeti i LSDM-së, Damjan Mançevski ka pësuar keq nga sulmi i protestuesve në Kuvendin e Maqedonisë, shkruan Telegrafi Maqedoni.

Mançevski është ngrehur nëpër korridoret e Kuvendit.

Ai duket i gjakosur dhe i lënduar në kokë. Mediat raportojnë për këtë deputet, por komentuesit mohojnë të jetë ai.

Mësohen emrat e deputetëve të lënduar në Kuvendin e Maqedonisë

Periskopi.com Lajme

Sipas informacioneve brenda Kuvendit ka ndodhur dhunë e vërtetë, ku me sende të forta janë sulmuar Oliver Spasovski, lideri i LSDM-së Zoran Zaev, ku edhe dolën pamjet i cili ishte i mbuluar me gjak, shkruan Telegrafi Maqedoni.

Të plagosur kanë mbetur edhe Radmilla Sheqerinska dhe Damian Mançevski dhe një tjetër deputet nga LSDM si dhe gazetarët. Jozyrtarisht mësohet se edhe Ziadin Sela është sulmuar nga protesteusit.

Gjithashtu flitet për edhe të lënduar tjerë.

Konfirmohet: I dyshuari për sulm me kamion në Stokholm ishte nga Uzbekistani

Periskopi.com Lajme

Zëvendësprokurori i Suedisë, Hans Ihrman, i ka konfirmuar raportet se personi i arrestuar lidhur me sulmin vdekjeprurës me kamion në Stokholm, është një 39 vjeçar nga Uzbekistani.

Autoritetet suedeze thanë sot se ky person, emri i të cilit nuk është zbuluar, më parë ishte nën vëzhgim të autoriteteve.

Më herët, policia tha se personi i arrestuar si “i dyshuar për krim terrorist” ishte, po ashtu, i dyshuar se dje e kishte drejtuar kamionin në turmën e njerëzve në pjesën qendrore të Stokholmit.

Nga ky sulm nga Drotingatam, janë vrarë katër vetë dhe plagosur 15 të tjerë.

Kamioni, që ishte rrëmbyer, ka lëvizur më tepër se 500 metra përgjatë shtegut kryesor të këmbësorëve, e pastaj është përplasur në turmën e njerëzve, që ishin jashtë qendrës luksoze të shitjes, Ahlens, aty kah ora 15.

Deri tash askush nuk e ka marrë përgjegjësinë për këtë sulm.

Përgjaket Londra, dy të vdekur nga sulmi

Dy persona kanë vdekur nga incidenti në afërsi të Parlamentit britanik, raporton Sky News, e cila citon burime të identifikuara.

Periskopi.com Lajme

Më parë është konfirmuar një grua e vdekur, ndërsa shumë të tjerë janë trajtuar nga lëndimet “katastrofike” në urën Westminster të Londrës, transmeton Koha.net.

Deri më tani është konfirmuar se një polic është therur nga sulmuesi, që më pas është neutralizuar nga zyrtarët e armatosur policor.

Ambulanca e Londrës ka konfirmuar se tashmë ka trajtuar së paku 10 pacientë nga lëndimet në urën Westminster.

SHBA dhe FBI japin alarmin: Kujdes, Krishtlindja mund të jetë e përgjakshme

Autoritetet amerikane kanë tërhequr vëmendjen se gjatë festës së Krishtlindjeve mund të ketë sulme terroriste brenda Shteteve të Bashkuara dhe jashtë tyre.

Periskopi.com Lajme

Departamenti amerikan i shtetit ka tërhequr vërejtjen për sulme të mundshme në Egjipt dhe Jordani, ku grupet ekstremiste islamike aktualisht i kanë ndërmarrë disa sulme vdekjeprurëse dhe se në shënjestër të militantëve në mënyrë specifike janë shtetasit e vendeve perëndimore, raporton REL.

Njëherësh, agjencia amerikane FBI u ka thënë autoriteteve për zbatim të ligjit dhe stetasve në gjithë vendin, se ata duhet të kenë kujdes të shtuar pasi simpatizuesit e Shtetit Islamik (IS), e kanë publikuar një listë me kishat e Shteteve të Bashkuara dhe kanë bërë thirrje për sulme kundër kishave dhe objekteve e hapësirave të tjera të “tubimeve për festa”.

Lista e kishave të Shteteve të Bashkuara ishte postuar në faqet e mediave sociale të militantëve, disa ditë pasi një simpatizues i grupit ekstremist, Shteti Islamik, me një kamion e sulmoi Tregun e Krishtlindjeve në Berlin, ku la 12 viktima.

Sulmi më i përgjakshëm në Siri, 35 të vdekur në një shkollë

Rritet në 35 numri i të vdekurve si pasojë e bombardimit të djeshëm ndaj çarshisë dhe një shkolle në qytetin Maret en-Numan në Idlib në veriperëndim të Sirisë

Periskopi.com Lajme

Sipas informacioneve të siguruara nga zyrtarë të spitalit fushor, është rritur në 35 numri i personave që humbën jetën në sulmin e djeshëm ajror të regjimit sirian dhe aleatëve ndaj një shkolle dhe çarshisë në vendbanimin Has në veri të Idlibit.

Zyrtarët të cilët publikuan emrat e të vdekurve, thanë se 22 nga viktimat janë fëmijë, ndërsa gjashtë të tjerë mësimdhënës.

Ekipet e Mbrojtjes civile paraprakisht kishin njoftuar se avionët rusë kanë ndërmarrë 12 sulme në vendbanimin Has ndaj një shkolle dhe çarshisë.

Ndërkaq, sipas vlerësimeve të para ishte bërë e ditur se jetën e kanë humbur 18 persona ndërsa 21 të tjerë janë plagosur.

Fondi për Fëmijët i OKB-së (UNICEF) më vonë doli me deklaratë duke njoftuar se si pasojë e sulmit jetën e kanë humbur 22 fëmijë dhe gjashtë mësues dhe se ky ishte “sulmi më i përgjakshëm” ndaj një shkolle që nga fillimi i luftës në Siri e cila po zgjat më shumë se pesë vite.

Në sulmin ndaj tempullit shiit 14 persona humbën jetën

Të paktën 14 persona janë vrarë, ndërsa 36 janë plagosur në sulmin ndaj tempullit shiit në kryeqytetin e Afganistanit, Kabul.

Periskopi.com Lajme

Sulmi ka ndodhur gjatë tubimit në tempullin shiit Karte Sakhi, një nga më të mëdhatë në qytet, gjatë Ditës së Ashurës kur shiitët shënojnë vdekjen e Hussein-it, nipit të profetit Muhammed, raporton AA.

Zëdhënësi i Ministrisë së Punëve të Brendshme Sediq Sediqqi tha se në mesin e të vdekurve është edhe një polic.