Shpërthen bombola e gazit në Pejë, dy të lënduar

Periskopi.com Lajme

​Dy persona janë dërguar në spitalin e Pejës për trajtim mjekësor pasi që të njëjtit derisa ishin duke punuar në një lokal në Istog, nga shpërthimi i një bombole gazi kanë pësuar lëndime trupore.

Në vend ngjarje kanë dal njësite përkatës edhe zjarrfikësit të cilët kanë lokalizuar zjarrin. Rasti është duke u hetuar.

Pejë: Ushqimi po shpërndahet me simbole të një partie

Periskopi.com Lajme

Njëra parti në Pejë, e ka akuzuar tjetrën se ushqimin për komisionerët e tyre e ka shpërndarë së bashku me simbole të partisë.

Kështu bën të ditur gazetarja nga terreni Arjeta Dragaj, e cila për këtë çështje ka kontaktuar edhe Policinë.

Ndërkohë Dragaj ka vizituar edhe njërën nga qendrat më të mëdha në Klinë, ku është parë numër më i madh i votuesve.

Vetëvritet profesori i njohur nga Peja

Periskopi.com Lajme

Në orët e mbrëmjes ka ndërruar jetë Sokol Domniku profesor në Universitetin e Pejës, Haxhi Zeka.

Mësohet se Domniku është vetëvrarë.

Lajmin për vetëvrasjen e ka konfirmuar për ‘Indeksonline’, zëdhënësi i Policisë për rajonin e Pejës Xhevat Ibraj.

“Një person ka ndërruar jetë për shkak të plagëve qe i ka shkaktuar vetës. Hetuesit dhe prokurori janë në vend të ngjarjes dhe nesër del raporti dhe do të ketë detaje të reja. Tani për tani nuk mund të them asgjë më shumë”, ka thënë Ibraj.

Policia jep detaje për rastin e vdekjes në Pejë

Periskopi.com Lajme

Në Pejë sonte rreth orës 21:00 një i ri i ka shkaktuar vetës lëndime sa që as mjekët nuk kanë arritur ta shpëtojnë dhe ka ndërruar jetë.

Këtë informacion për lajmi.net e ka konfirmuar zëdhënësi i Policisë së Kosovës për rajonin e Pejës, Xhevat Ibra, i cili tha se personi në fjalë ka shkaktuar vetës lëndime më armë zjarri gjatë një ushtrimi në një qendër stërvitëse të armëve.

“Një person i gjinisë mashkullore ka ndërruar jetë pasi i ka shkaktuar vetës lëndime më armë zjarri gjatë një ushtrimi në një qendër stërvitëse. Deri tani të gjitha rrethanat janë duke u sqaruar nga hetuesi dhe prokurori i shtetit, dhe nuk mund të themi që është vetëvrasje deri sa të marrin raportin nga prokurori”, ka thënë Ibra.

Kurti: Qytetarët dhe i gjithë populli ynë kanë nevojë për një qeveri që nuk i sundon, por u shërben

Periskopi.com Lajme

Në fjalimin e tij para qytetarëve të Pejës në tubimin e mbajtur në këtë komunë, Kandidati për Kryeministër, Albin Kurti, tha se qytetarët e Pejës dhe mbarë Kosovës janë njerëz të mirë që nuk i kanë merituar këto qeveri të këqija.

“Qytetarët dhe i gjithë populli ynë kanë nevojë për një qeveri që nuk i sundon, por u shërben. Ne duam të qeverisim se duam të shërbejmë”, u shpreh Kurti.

Ai tha se çdo ditë e kemi parë diktaturën prej lart, por me 11 qershor do ta shohim demokracinë prej poshtë. Si dhe shtoi se më qeverisjen e Vetëvendosje-s nuk ka më as korrupsion dhe as krim, por ka demokraci dhe zhvillim, mirëqenie e punësim, zhvillim e begati.

“Në këto 18 pas luftës, Kosova ishte shtet me deklarata politikanësh, shtet i deklaruar zyrave, shtet deklarativ. Me VV vjen përmbajtja, e vërteta, e drejta, Lëvizja. Dy koalicionet që më shumë janë një koalicion në dy lista janë përvoja e hidhur e qytetarëve. Vetëvendosje është shpresa e re e këtij vendi”, shtoi tutje.

“Unë i kam dëgjuar shpesh e shumë jo pak politikanë dhe të afërm të tyre teksa ironizojnë korrupsionin në Kosovë duke thënë që korrupsion ka gjithkund edhe në Perëndim. Pasuria e vjedhur nga buxheti duhet të konfiskohet dhe do të konfiskohet”, tha po ashtu Kandidati për Kryeministër, Albin Kurti.

Ai premtoi se se me qeverinë e Vetëvendosje-s merr fund terri i krimit dhe drita e drejtësisë, duke shtuar se qeverisja e Vetëvendosje-s sjell vende pune sepse me të vjen edhe prodhimi edhe tregu për atë prodhim.

“Me 11 qershor u thoni mjaft dhe kurrë me qeverive të pasluftës. Vetëvendosje është emri i ndryshimit dhe 35 është numri i fitores’, tha ndër të tjera Kurti, duke shtuar se Lëvizja Vetëvendosje do t’i respektojë të drejtat e pakicës serbe, jo sepse e kërkon Beogradi, por se ne besojmë te respektimi i të drejtat e njeriut.

Dridhet AKR, largime masive në Pejë

Periskopi.com Lajme

Përmes një komunikate për media dega e AKR-së në Pejë ka njoftuar se nga AKR-ja në Pejë janë larguar disa kryetar të nëndegëve në Pejë. Në komunikate shpjegohen edhe arsyet e largimit të këtyre kryetarëve.

Më poshtë ua sjellim njoftimin e plotë:

 Sot me datë 19.05.2017 njoftojmë opinionin publik në lidhje me vendimin e arritur dje pas mbledhjes dhe diskutimeve te mbajtura me disa kryesi te nëndegëve te degës se AKR-së në Pejë.

Me kërkesën e kryesive te disa nëndegëve te degës se AKR-së te përfaqësuara nga kryetaret është mbajtur takim pune më datën 18.05.2017 për shqyrtimin e aktiviteteve te degës se AKR-së ne Pejë.

Ne kete takim te nëndegëve te Komunës se Pejës .1 Çëndra e përfaqesuar nga kryetari prof.Ramiz Cuka (Nenkryetar I Degës se AKR-së ne Pejë) 2.Nëndega e fsh-Nakull e përfaqesuar nga z.Ismet Buxhovi,4Nëndega Bashqe e Madhe e perfaqeuar nga kryetari z.Zeke Hajdaraj 4.Nëndega Nabergjan e perfaqesuar nga kryetari ing.Maxhun Nikqi.5.Nëndega e bashkesis teritoriale te fsh-Trestenikut e perfaqesuar nga kryetari jurist.Kastriot Berisha .

Duke analizuar gjendjën aktuale te zhvillimeve brënda partisë dhe perfaqesimit te degës se AKR-së dhe manipulimeve te ndryeshme te cilat kanë ndodhur brenda degës te pranishemit kanë arritur në nëe perfundim që këto nendege te ketije regjioni te nderprejne qdo aktivitet prane degës se AKR-së ne Pejë.

Keta kryetare më kryesit e tyre konstatuan së vazhdimi I mëtutjeshem I aktivitetit politik në ketë degë është I paarsyeshëm.

Këto konstatime u bënë pas disktutimeve në prani të nënkryetarit të degës prof .Ramiz Cukaj .

I arrestuari për terrorizëm dërgohet në Gjykatën e Pejës (Foto)

Periskopi.com Lajme

Rakip Abdyli, i arrestuari sot në orë e mëngjesit për veprën shtytje për terrorizëm, ka dalë para Gjykatës Themelore të Pejës për caktimin e masë së sigurisë.

Me pantolla të shkurtër, një bluzë të gjelbër në të zezë, i riu nga rrethina e Opojës, Abdyli, është sjellë në pranga para gjykatësit të procedurës paraprake për t’u njohur me dyshimet për të cilat ai është arrestuar.

Prokurorja e rastit nga Prokuroria Speciale, Merita Bina-Rugova tha gjatë seancës së sotme se Rakip Abdyli është ndaluar si i dyshuar për thirrje për terrorizëm. /Kallxo.com

Vrasje në Pejë

Një person është qëlluar për vdekje rreth orës 16:30 në lagjen “Fidanishte” të Pejës.

Periskopi.com Lajme

Shtetasi M.Z, pronar një kafeterie, është qëlluar me armë zjarri.

Policia nuk ka dhënë akoma informacion për këtë vrasje pasi hetimet ende po zhvillohen në vendet e ngjarjes ku akoma po gjendet trupi i pajetë i viktimës.

 

Magjistralja Pejë- Prishtinë, sfidë për qeverinë (Video)

Në vitet e para të qeverisjes së PDK kur ministër i transportit ishte Fatmir Limaj kishte nisur projekti i ndërtimit të kësaj rruge nacionale.

Periskopi.com Lajme

Asnjë ministër prej atëherë nuk ka arritur që ta përfundoj këtë projekt. Qytetarët e kësaj ane janë ata që më shumti i vuajnë këto vonesa, transmeton Tribuna Channel.

E problemet me të cilat është ballafaquar Ministria e Infrastrukturës për zgjerimin e kësaj rruge, kanë qenë të natyrës financiare, shpronësimeve dhe me brezin hekurudhor.

Drejtori i Departamentit për menaxhimin e rrugëve, Skënder Gashi, tha se zgjerimi i rrugës Pejë – Prishtinë për këtë vit synohet të përfundojë në segmentin e Kievës rreth 800 metra dhe në tri segmente në hyrje të Pejës rreth 9 km.

Rritet numri i divorceve në Pejë

Në Komunën e Pejës ka shënuar rritje trendi i divorcit.

Periskopi.com Lajme

 

Shefi i Ofiqarisë në Pejë, Shefqet Thaçi, thotë se nuk ka javë që nuk janë sjellë nga gjykata 4 deri 5 shkurorëzime vetëm në Pejë, shkruan sot “Koha Ditore”.

“Trendi i shkurorëzimeve është në rritje. Shkurorëzimet po ndodhin kryesisht për interesa të ndryshme ekonomike e familjare, që të zgjedhin martesën me marrëveshje, që njëri të lirohet dhe përmes martesës jashtë të gjejë mundësinë e depërtimit e të lidhë martesa atje për shkak të kushteve të vështira ekonomike, në të cilat po jetojnë në vendin tonë”, tregon Thaçi njërën nga arsyet e shkurorëzimeve.

Hajnat vjedhin lokalin në qendër të Ferizajt – 60 mijë euro dëme (VIDEO)

Hajnat kanë thyer pasmesnate lokalin “Ardi Fashion” në qendër të Ferizajt duke vjedhur materiale në vlerë prej 60 mijë eurosh.

Periskopi.com Uncategorized

Pa ndonjë nguti hajnat bënë punën e tyre për rreth 12 minuta në lokal.

Ata morën orët, syzet dhe gjërat e tjera të shtrenjta.

Me të mbushur dy çantat, grabitësit u larguan pa nguti.

Pronari i këtij lokali, Ardian Jaha, që u informua nga policia mëngjesin e së shtunës, tregoi se pas kësaj vjedhjeje është në rrezik që t’i falimentojë biznesi.

Për kthimin e mallit të vjedhur ai po shpreson shumë në punën e policisë.

Nga kjo e fundit, Zëvendës Drejtori i Rajonal, Besnik Shabani, bëri me dije se nuk ka akoma ndonjë të dyshuar me atë që i ngjau këtij biznesmeni.

Megjithëkëtë hetuesit janë duke e bërë intensivisht punën e tyre.

 

Meshkuj e femra përfshihen në rrahjen masive para Gjykatës së Pejës

Një rrahje grupore ka ndodhur dje në qytetin e Pejës në të cilën janë përfshirë nëntë meshkuj dhe një femër.

Periskopi.com Lajme

Sipas Policisë dje pasdite janë arrestuar nëntë meshkuj dhe një femër pasi që të njëjtit pas përfundimit të një seance gjyqësore përballë Gjykatës Themelore në Pejë janë rrahur mes veti.

Me urdhër të prokurorit dy të dyshuar dërgohen në mbajtje ndërsa të tjerët lirohen në procedurë të rregullt.

Arrestohet drejtori i Inspeksionit në Pejë, dikur kandidat i LDK-së

Është arrestuar sot drejtori i Inspeksionit në Komunën e Pejës Demë Dashi.

Periskopi.com Lajme

Lajmin për arrestimin e Demë Dashit e konfirmoi për KALLXO.com zëdhënësi i Komunës së Pejës Engelbert Zefaj.

“Jemi në dijeni që është arrestuar nga policia drejtori i Inspektoratit Demë Dashi, por nuk e dimë arsyen e arrestimit të tij,” tha shkurt Zefaj.

KALLXO.com kontaktoi edhe me zëdhënësin e Policisë së Kosovës Baki Kelani për të mësuar rreth arsyes së arrestimit të drejtorit Dashi.

Kelani tha se sot është arrestuar një person në rajonin e Pejës.

“Ju informojmë së sot në rajonin e Pejës, Polica e Kosovës ka ndaluar një person të dyshuar për keqpërdorim të pozitës zyrtare në bazë të nenit 442 të KPK-së,” tha Kelani.

Demë Dashi

30 ditë paraburgim për zyrtarin komunal në Pejë

Zyrtari i Drejtorisë për Komunitete e Kthim dyshohet për keqpërdorim të detyrës zyrtare dhe ndërhyrje në sistem kompjuterik.

Periskopi.com Lajme

Gjatë ditës së djeshme, Policia ka arrestuar zyrtarin komunal të Drejtorisë për Komunitete dhe Kthim të Komunës së Pejës nën dyshimet për keqpërdorim të detyrës zyrtare dhe ndërhyrje në sistem kompjuterik.

“Është arrestuar i dyshuari mashkull K/Shqiptar punonjës në Zyrën për Komunitete dhe Kthim në Pejë, pasi që i njëjti dyshohet se që nga viti 2010 e deri më tani në mënyrë të kundërligjshme ka ndërhyrë në programin e tatimit në pronë dhe ka shlyer shuma të ndryshme të tatimpaguesve, duke shkaktuar dëm të konsiderueshëm në buxhetin e Kuvendit Komunal Pejë”, thuhet në raportin e përditshëm të Policisë.

KALLXO.com merr vesh së zyrtari i arrestuar nga Policia është H.K.

Dyshimet për keqpërdorim të detyrës zyrtare dhe ndërhyrje në sistem kompjuterik i konfirmoi edhe prokurori Ardian Hajdaraj.

I pandehuri sot ka dalë para Gjykatës Themelore të Pejës, e cila ia caktoi masën e paraburgimit prej 30 ditësh.

Rastin e konfirmoi zëdhënësja e Gjykatës, Selvane Bukleta.

“I është caktuar paraburgimi në afat prej 30 ditëve”, tha Bukleta.