Sondazhi i fundit për Prishtinën, Ahmeti i pari, Lirak Çelaj e mund Ismet Beqirin

Periskopi.com Lajme

Një anketë online që zgjati një orë ka sjellur rezultate befasuese për PDK-në.

“Kë do ta votonit për kryetar të Komunës së Prishtinës” ishte pyetja e anketës së Periskopit ku mund të votohej me anë të butonave, dhe kandidatë ishin kryetari aktual Shpend Ahmeti, Lirak Çelaj nga PDK dhe Ismet Beqiri nga LDK.

nga rreth 4 mijë votues, 3 mijë e 200 deklaruan se zgjedhin Shpend Ahmetin, 324 për Çelajn dhe 178 për Beqirin.

Aty komentuan edhe mbi një mijë persona.

Ahmeti që aktualisht është kryetar komune, vërehet qartë sa larg la kundër -kandidatët e tij, e befasi ishte ngritja e Çelajt duke lënë pas ish-kryetarin e Prishtinës, Ismet Beqirin.

Shpend Ahmeti 3200 vota

Lirak Çelaj 324 vota

Ismet Beqiri 178 vota

/ Periskopi

Mustafa thotë se partitë e tjera po i frikësohen rritjes së LDK-së

Periskopi.com Lajme

Kryeministri i Kosovës, Isa Mustafa, ka thënë se partitë e tjera po ia kanë frikën rritjes së Lidhjes Demokratike të Kosovës, prandaj edhe po i kërkojnë zgjedhjet e parakohshme.

Kryeministri këto deklarime i ka bërë në Deçan, ku LDK-ja pati ceremoninë e 27 vjetorit të themelimit të degës së saj në këtë komunë.

Mustafa pohoi edhe se përkundër që Deçani qeveriset nga një tjetër parti, investimet nga qendra nuk kanë munguar pasi LDK-ja është parti që mendon dhe punon vetëm për interesat e qytetarëve, transmeton Klani

“Deçani meriton të qeveriset nga LDK dhe ky është synim ynë”, tha Mustafa, duke shtuar se “kur ta kremtojmë 28 vjetorin e themelimit do ta kemi Deçanin nën përgjegjësinë dhe qeverisjen tonë”.

Deputeti i PDK-së e pranon: Mosmiratimi i demarkacionit e çon vendin në zgjedhje

Periskopi.com Lajme

Demarkacioni do të sillet në kuvend ne javën e ardhshme.

Kështu pohon deputeti i PDK-së, Bekim Haxhiu, që shton se këtë e thotë në bazë të informatave që sot kanë marrë nga kryetari i Kuvendit, Kadri Veseli dhe kryeministri, Isa Musafa.

“Kam thënë se për mua versioni që e ka dhënë Murat Meha, si profesionist por që vjen edhe nga një familje politike është më i besueshëm”, ka thënë Haxhiu.

E nëse nuk kalon miratimi i kësaj marrëveshjeje, atëherë sipas Haxhiut zgjedhjet e parakohshme janë të pashmangshme.

“Nëse nuk kalon demarkacioni sigurisht që duhet të shkohet në zgjedhje”, ka theksuar Haxhiu në Ora e Fundit.

“Nëse kalon, do të ketë liberalizim vizash dhe qeveria vazhdon punën. Ose do të kalojë për pak, ose do të dështojë për pak. Ky koalicion është bërë për të çuar procese të mëdha përpara, zhvillim ekonomik, liberalizim vizash”, tha ai.

Ai pohon se në rast të prishjes së koalicionit PDK – LDK vendi ka nevojë që në krye të institucioneve që vije dikush që ka karizëm.

“Për momentin ne shohim që kjo qeveri, kryeministri Mustafa nuk e ka karizmin e Hashim Thaçit, është më i ngathët dhe vërehet kjo në vendim marrje. Asnjë gozhdë nuk është vendosur në stadiumin “Adem Jashari”, ka një vit që jemi pranuar në FIFA dhe UEFA dhe ne ende zhvillojmë ndeshjet në terrene të jashtme”, ka shtuar Haxhiu.

Lutfi Haziri kurrsesi nuk e pranon se koalicioni në rrezik

Periskopi.com Lajme

Lutfi Haziri, nënkryetari i Lidhjes Demokratike të Kosovës ka thënë se me Partinë Demokratike të Kosovës besojnë se do ta çojnë mandatin deri në fund.

“Ne me PDK jemi dy partitë kryesore në vend dhe rivalët më të mëdhenj në vend. Oferta e LDK-së do të jetë në bazë të programit qeverisës. Besojmë se do ta qojmë mandatin deri në vitin 2018. Nëse nga PDK kërkohet një ridefinim i marrëveshjes, LDK e zbardh qëndrimin e vet”, tha ai.

“LDK ka partneritet për këtë kabinet qeveritar, marrëveshjen e LDK-së me Thaçin e ka konfirmuar Kadri Veseli në konventën e PDK-së. LDK e gatshme të diskutojë parimet e marrëveshjes, për çka nuk jemi të ftuar. LDK është ajo që do ta bartë përgjegjësinë e vet”, tha Haziri nw Klan Kosova.

Elmi Reçica flet nëse PDK e ka themeluar Vetëvendosjen (Video)

Periskopi.com Lajme

Deputeti i PDK’s, Elmi Reçica, ka folur për Vetëvendosjen dhe sondazhet e saj, ka thënë se PDK është e para, derisa LDK e dyta, kurse sipas tij, të tjerat vijnë pas tyre.

Reçica ka thënë se Shpend Ahmetin e ka etabluar në Prishtinë – PDK.

Derisa, për krijimin ne Vetëvendosjes, i pyetur se a ka dorë PDK-ja, ai i ka mohuar zërat, duke thënë se kjo lëvizje është krijuar në momentet e pakënaqësisë së bisedimeve të Vjenës.

Reçica këto komente i ka bërë në Televizionin Rrokum.

Për ma shumë shikojeni videon e plotë:

Bajram Rexhepi la PDK-në shkaku Kadri Veselit, ky e vizitoi në spital

Periskopi.com Lajme

Dikur akuzonin njëri-tjetrin e tash kur njëri është i sëmur tjetri po i thur lavde.

Kadri Veseli dhe |Bajram Rexhepi një kohë të gjatë ishin në armiqësi.

Por, të mërkurën, kur Rexhepi pas dy sulmeve në tru pati një operacion, për vizitë i shkoi kolegu i dikurshëm i partisë, Kadri Veseli, raporton Periskopi

Ky i fundit tha fjalë të mëdha për të, raporton Periskopi

E quajti njeri të madh të vendit dhe tha se ka përkrahjen e institucioneve të vendit në të gjitha aspektet.

“Ka qenë dhe është kryeministër i Kosovës. Do të qëndrojmë në përkrahje të familjes dhe vet atij. Faza e parë ka kaluar me sukses e presim edhe rehabilitimi njëlloj. Doktorët po bëjnë një punë të jashtëzakonshme”, tha Veseli.

Por jo shumë kohë më parë ata nuk e donin njëri-tjetrin.

Rexhepi e akuzoi se SHIK-u ka uzurpuar jo vetëm PDK-në por edhe institucionet e vendit, Veseli pati reaguar duke thënë se nuk ka ‘karamele’ për të, e dikur më vonë Rexhepi tha se ia ofruan të bëhej deputet por zgjodhi t’i kthehet profesionit të kirurgut.

“Ekziston një rrjet i tërë njerëzish që janë në të gjitha institucionet e Kosovës dhe strukturat e PDK-së, të cilat menaxhohen nga SHIK-u. Shteti udhëhiqet nga ta”, pati thënë ai, dhe kishte paralajmëruar se do të tërhiqet nga PDK-ja në momentin kur në krye të saj do të vijë Kadri Veseli.

Rexhepi kishte shpërthyer me akuza ndaj Kadri Veselit dhe të gjithë anëtarëve të tjerë të SHIK-ut që, sipas tij, e kanë kapur shtetin.

E kryeparlamentari i Kosovës, Kadri Veseli, duke iu përgjigjur interesimit të gazetarëve rreth akuzave të ish-kryeministrit e ministrit Bajram Rexhepi ndaj tij, atë kohë pati deklaruar se “Me tregu të drejtën unë më nuk kam karamele t’i jap askujt”.

“Janë qytetarët e Kosovës që vlerësojnë përgjegjësinë e secilit prej neve… Në qoftë se jam i ziu, i bardhi kur dëshiron mundet me ba ministër, realisht siç i ka bërë të tjerët”, duke aluduar haptas në kryetarin e PDK-së, Hashim Thaçin, për të shtuar se “Ajo që është kryesore, veçanërisht partisë sime i duhen reforma të thella, me njerëz të ri, me përgjegjësi të reja”.

E nuk shkoi shumë kohë, Bajram Rexhepi tha se ka refuzuar postin e deputetit të PDK-së në Kuvendin e Kosovës.

“Po e kam refuzuar postin e deputetit, unë jam kthyer në kirurgji tash dhe kush është pas meje në listë le të vazhdojë”, pati deklaruar ai./ Periskopi

Pse Bajram Rexhepi e la PDK-në kur Kadri Veseli u bë kryetar

Periskopi.com Lajme

Ekziston një rrjet i tërë njerëzish që janë në të gjitha institucionet e Kosovës dhe strukturat e PDK-së, të cilat menaxhohen nga SHIK-u. Shteti udhëhiqet nga ta.

Kështu ka deklaruar kohë më parë ish-kryeministri i Kosovës, Bajram Rexhepi.

Ndërsa, kishte paralajmëruar se do të tërhiqet nga PDK-ja në momentin kur në krye të saj do të vijë Kadri Veseli.

ShIK-u ka uzurpuar jo vetëm PDK-në, por edhe institucionet e Kosovës, ka thënë njëri nga ish-themeluesit e PDK-së dhe ish-kryeministri i Kosovës, Bajram Rexhepi.

Rexhepi kishte shpërthyer me akuza ndaj Kadri Veselit dhe të gjithë anëtarëve të tjerë të SHIK-ut që, sipas tij, e kanë kapur shtetin.

I bindur dhe i sigurt në atë që po deklaron, Bajram Rexhepi ka thënë se e keqja e madhe partisë së tij i ka ndodhur në momentin kur Veseli është bërë zëvendëskryetar i PDK-së. Ndonëse, sipas tij, Veseli edhe më parë ka pasur ndikim në parti.

“SHIK-u e ka fuqizuar pozicionin e vete është krijuar përshtypja dhe ka edhe të vërteta që gati në çdo ndërmarrje publike ndikimi i tyre është i madh, si në PTK, Trepçë. Pra ndikimi i SHIK-ut i strukturave të tyre dhe jo vetëm këtu por edhe në Ujësjellësin regjional dhe në shumë ndërmarrje të tjera dhe është krijuar përshtypja se pa përkrahjen e tyre njerëzit as që mund të punësohen dhe mendohet se edhe në RTK-ë kanë ndikim. Dhe në këtë situatë nuk vijnë në shprehje vlerat, nuk vijnë në shprehje vlerat. Realisht unë them dhe mendimi im është, unë isha e gëzuar kur e patën shpallur shpërbërjen sepse pata menduar se profesionistet do ti kthehen profesioneve të tyre për të dhënë kontributin, por ndodhi e kundërta janë futë në institucione dhe në parti e janë fuqizuar dhe me një veprim gjysmë legal, jo legal por gjysmë legal dhe tash janë legalizuar plotësisht ai rrjet është shtruar i bashkëpunimit dhe shumë të tjerë që u kanë ndihmuar qoftë në punësim apo përkrahje dhe ky fuqizim shumë i madhe edhe në parti edhe në institucione nuk ma merr mendja që sjell diçka pozitive”, pati deklaruar ai.

Kreu i PDK-së, Hashim Thaçi, nuk është në krahun e njëjtë me SHIK-un dhe, sipas Rexhepit, në momentin kur ai nuk do të jetë më në krye të PDK-së edhe ai do të lërë përgjithmonë strukturat e kësaj partie, pasi nuk do të mund ta pranonte Kadri Veselin si shef.

 

“Ndoshta do të tërhiqem nga strukturat udhëheqëse të partisë dhe Këshillit Drejtues në momentin kur nuk e udhëheq partinë Hashim Thaçi, unë tjetër shef nuk e pranoj, atëherë do të tërhiqem nga kryesia dhe Këshilli drejtues. Kadri Veselin ndoshta e pranon elektorati por unë si shef nuk e pranoj dhe shkoj në shtëpi”, thoshte Rexhepi.

Braktis PDK-në anëtari i saj, tregon arsyet

Periskopi.com Lajme

Anëtari i PDK-së, pjesë e së cilës ishte që nga themelimi sot ka braktisur këtë parti.

Mehmet Bislimi ka braktisur këtë subjekt duke thënë se rruga politike e PDK-së së viteve të fundit, nuk përkon me bindjet e tij kombëtare dhe as me rrugën e premtuar në fillim të krijimit të saj si parti e vlerave të luftës çlirimtare.

Dorëheqja e tij:

Nga sot dhe nga këtu, rruga ime me PDK-në, ndahet përfundimisht!”

– Duke u mbështetur në parimet, etikën dhe përkushtimin tim në shërbim të atdheut, duke u mbështetur në përpjekjet e mia për t’i shërbyer çështjes së pazgjedhur kombëtare, aspiratë për të cilën janë flijuar breza të tërë të popullit tonë, unë Mehmet Bislimi, në shenjë pakënaqësie, jap dorëheqje të parevokueshme nga Partia Demokratike e Kosovës, në kuadër të së cilës kam vepruar që nga themelimi i saj! Me këtë rast ndjej për detyrë të theksoj se rruga politike e PDK-së së viteve të fundit, nuk përkon me bindjet e mia kombëtare dhe as me rrugën e premtuar në fillim të krijimit të saj si parti e vlerave të luftës çlirimtare. Zhgënjimi im pas kaq vitesh përpjekjeje dhe pritjesh që të realizohen synimet e premtuara prej saj, bëri që rruga ime me PDK-në të ndahet përfundimisht, tani dhe këtu!

– Duke qenë anëtar i këtij subjekti politik, nuk mund të ndihem më komod dhe të rri indiferent. Prandaj, duke kërkuar mirëkuptim, mbështetje dhe falënderim nga të gjitha shokët, bashkëluftëtarët, bashkëvuajtësit dhe bashkëveprimtarë e palodhshëm të çështjes sonë kombëtare të cilët në vazhdimësi me kanë mbështetur dhe i kam mbështetur pa kursim- më ndjeni: më qëllimin më të mirë për çlirimin dhe bashkimin e atdheut tonë, për zhvillimin dhe bërjen e shtetit ligjor, deklaroj përfundimisht se qëndrimi i mëtejmë në këtë subjekt për mua është jashtë natyrës së veprimit tim në shërbim të atdheut, njëkohësisht është edhe papërgjegjësi.

– Aderimin tim në PDK, atëbotë e kam bërë për hir të parimeve dhe çështjeve madhore. Pas gjithë kësaj kohe qëndrimi në këtë subjekt, që ka devijuar nga qëndrimi i parë, edhe daljen time nga kjo parti po e bëj pikërisht për hir të parimeve dhe çështjeve madhore!

Nga sot dhe nga këtu, rruga ime me PDK-në ndahet përfundimisht!

Zvicër, 17 prill 2017

Mehmet BISLIMI

Deputeti i PDK-së e pranon: Nuk ka qëndrueshmëri brenda koalicionit

Periskopi.com Lajme

Deputeti i Partisë Demokratike të Kosovës, Elmi Reçica i ftuar në emisionin Politikë të Tribuna Channel është shprehur se koalicioni aktual aktual ka vota por nuk ka qëndrueshmëri brenda partive.

Ai ka shtuar se kur ka pasur koalicione më të vogla në numra merreshin vendime më lehtë.

Ndërkaq, Deputeti i PDK-së i ka bërë thirrje opozitës për unitet.

“Kur kanë filluar bisedimet e Vjenës, Thaçi ka qenë pjesë e grupit të unitetit edhe pse ishte në opozitë. Edhe opozita duhet ta ketë parasysh këto çështje për të qenë unik.” ka shtuar ai.

Sabri Fejzuallahu “godet” Isa Mustafën dhe tregon çfarë favori i bëri Shpend Ahmeti (Video)

Periskopi.com Lajme

Këngëtari i njohur kosovar Sabri Fejzullahu ka goditur ish qeverisjen e kaluar të Prishtinës.

Sabri Fejzullahu ish deputeti nga radhët e PDK-së ka qenë i ftuar në emisionin “Me shukin” ku ka folur për shumë gjëra të ndryshme shkruan GazetaBlic.com

Por në një moment ai ka kritikuar ashpër ish qeverisjen e kaluar të Prishtinës  të cilën e ka udhëhequr Kryeminstri aktual i Kosovës Isa Mustafa.

Ai po ashtu në këtë emision ka lavdëruar Kryetarin aktual të Prishtinës Shpend Ahmetin.

Se çfarë favori i bëri Shpend Ahmeti, këngëtarit i cili i ka kënduar shumë Prishtinës, shikojeni videon më poshtë.

Milaim Zeka: Mimoza Kusari është brumi dhe tlyni i PDK-së

Periskopi.com Lajme

Gazetari Milaim Zeka ka reaguar pas vendimit të Komunës së Gjakovës, për ngritjen e permëndores së ish- udhëheqësit komunist, Fadil Hoxha.

Ai në një shënim në Facebook thotë se pos Kusari- Lilës edhe PDK është ajo e cila e frymëzoi kryetaren e Gjakovës për një vendim të tillë, raporton Gazeta Blic.

Shënimi i plotë:

Nja dy fjale per Mimoza Kusarin, Fadil Hoxhen, dhe disa te luftes

Edhe per Pacollin, Kreret e PDK se, etj

Mimoza Kusari, paska vendosur me ja ngrite nje permendore Fadil Hoxhes. Mu per kete, nje miku im, anetar e Keshillit Drejtues te PdK se, gjakovar, me tha sot: a e sheh po poshte kemi ra.

Sinqerisht e kam, nuk guxoje me shkru, as me fole per Fadil Hoxhen para vitit 1981. Pas atije viti, e dime te gjithe, qe bajagi u kane çkulave para presionit serb, edhe u kane ba kaps prej grave serbe, qe u paten qu araz per me hjeke edhe shokun Fadil.

Me pyet Veton Surroin, Fadili del alamet burri, ndersa Shaban Polluzha del shpijun i Oznes. Po nejse, po ndalem tek Mimoza hanmi.

Kjo Mimoza eshte brumi, dhe tlyni i PDK se. E mesuar per zedhenese te Bajram Rexhepi, ajo ne PDK e mesoi edhe artin e te rruajturit e parave. E ka rru Behgjet Pacollin, bash rjepe e ka. Edhe partine karashmak ja ka ba. Pacollin kurr hesap per njeri nuk e ka ba. Pacolli ka qene veq bankomati i saje.

Sa per Fadil Hoxhen, krejte frumezimet i ka nga PDK ja. Keta te PDK se, me nderime ushtarake e paten vorrosur. Tash nuk ban mu anku.

Prej qe u formu kjo parti, e deri me sot, lidershipi i saje, pa fajin e elektoratit te ndershem, gjitmone ka tentu me ba tulla prej m. Ama nuk bahen…

PS: Kisha dashte qe kesaj permendoreje, me ja lane nje gisht perpjete, qe kur lodhet Mimoza me disa, tuj e shiku, ulen edhe pushojne pak!!!

Mocioni ka mbështetje edhe nga deputetë të PDK-së e LDK-së

Periskopi.com Lajme

Deputeti nga radhët e NISMA-s, Haxhi Shala ka deklaruar që kjo parti ka vlerësuar që të gjitha institucionet janë jashtë funksionit si pasojë e keqqeverisjes andaj edhe e kanë parë të arsyeshme nismën e mocionit për votëbesimin e qeverisë.

Sipas Shalës, përveç partive opozitare këtë mocion po e mbështesin edhe deputetë nga partitë e koalicionit gjithashtu edhe nga minoritetet.

“Ka mbështetje të madhe nga opozita, mirëpo edhe nga deputetët e partive pozitare dhe nga deputetë të minoriteteve. Shefat e grupeve parlamentare të AAK-së dhe NISMA-s, janë duke mbajtur takime për të formuar tekstin e mocionit, i cili do të jetë i gatshëm javën e ardhshme” ka thënë Shala në një intervistë në Info Magazine të Klan Kosovës.

Tutje Shala ka shtuar që aktualisht nuk kanë ndonjë koordinim me partitë pozitare, LDK-në dhe PDK-në, megjithatë deputetë nga të dy këto parti, sipas tij do të vendosin nënshkrimet në mocionin për rrëzimin e qeverisë, njofton Klan Kosova.

PDK i ‘vardiset” AAK-së

Periskopi.com Lajme

Deputeti i ‘pavarur’ sië e quan ai veten, e që ende është pjesë e Partisë Demokratike të Kosovës, Shaip Muja, i cili në vazhdimësi ka kritikuar matjen e territorit në marrëveshjen e Demarkacionit mes Kosovës dhe Malit të Zi, në emisionin Kontakt në Tribuna Channel, thotë se vetëm Ramush Haradinaj, kishte kauzë të vërtetë shpirtërore.

“Përveç një kauze të vërtetë shpirtërore që ka Haradinaj, të tjerët kanë bërë politikë. Ne jemi dy deputet unë nda PDK dhe Shpejtim Bulliqi nga LDK, kemi mbledhur fakte që ne humbin 82 kilometra katrorë”, tha Muja në Kontakt.

Muja kritikoi edhe kryeministrin Isa Mustafa, i cili sipas tij, do të duhej që këtë marrëveshje ta negocionte sërish me Malin e Zi.

Dy deputetë të PDK-së, pro mocionit për rrëzimin e Qeverisë

Periskopi.com Lajme

Tentativat për zgjedhje të parakohshme po vazhdojnë. Kësaj radhë “Nisma për Kosovën” ia ka mësyrë rrëzimit të Qeverisë me një mocion të mosbesimit.

Kjo iniciativë ka gjetur përkrahje nga dy paritë opozitare, LVV-ja e AAK-ja. Madje mocioni është mbështetur edhe nga disa deputetë të partive në pushtet. Por përkundër këtyre, analistët vlerësojnë se rrëzimi i Qeverisë nuk është i mundur vetëm nga opozita, siç cekin ata, pa disa vota të pozitës ky mocion është i pamundur.

Kurse i palëkundur në veprimet e tij ka mbetur shefi i Qeverisë, Isa Mustafa, sipas të cilit koalicioni do ta dërgojë deri në fund mandatin e tij pavarësisht tentativave për zgjedhje të parakohshme. Deputeti nga radhët e Partisë Demokratike të Kosovës (PDK), Shukri Buja, deklaron se është pro rrëzimit të Qeverisë Mustafa

Shpërthen Isa Mustafa, fajëson PDK-në

Periskopi.com Lajme

Kryetari i Lidhjes Demokratike të Kosovës (LDK), njëherit kryeministri i vendit, Isa Mustafa ka akuzuar qeveritë e mëparshme për skandalet e ndodhura, për të cilat është e detyruar qeveria e udhëhequr nga ai të paguajë miliona për ato skandale.

Në shënimin e 27 vjetorit të themelimit të LDK-së, në Shtime, kreu i kësaj partie Isa Mustafa theksoi se qeveria e tij është më e mira, duke mos pasur asnjë skandal korruptiv deri me tani.

Porse, sipas tij, skandalet e mëhershme të shkaktuara nga qeveritë e kaluara, po e detyrojnë që të paguajë milionat e atyre skandaleve.

“Nuk shohim arsye që s’kemi qeverisur me së miri dhe që s’i kemi kontribuuar me së shumti këtij vendi, sa i përket zhvillimit ekonomik. Nuk shohim arsye që s’i kemi plotësuar të gjitha kriteret që BE-ja i ka kërkuar para nesh. Nuk shohim arsye s’kemi nënshkruar marrëveshjen e parë kontraktuale me BE-në, që s’e ka nënshkruar askush para nesh. Nuk kemi arsye, sepse kemi rritjen më të madhe ekonomike, që ka pasur ky vend dhe më të madhe se çdo shtet fqinjë edhe dhjetë vjet para nesh kanë kryer tranzicionin. Nuk kemi arsye, sepse nuk jemi qeveri e korruptuar dhe nuk kemi asnjë skandal, por na tash po i paguajmë skandalet që kanë ndodhur para nesh. Po paguajmë miliona, e dhjetë miliona të krijuara përpara, por për këtë duhet drejtësia ta jap vërdiktin e vet”, tha Mustafa.

Mustafa nuk është ndalur me kaq, i ka quajtur frikacak dhe të papërgatitur ata që nisin një punë dhe e lënë në gjysmë.

“Ne jemi që të respektojmë të gjitha proceset demokratike, por jemi po ashtu të respektojmë përgjegjësitë që kemi marr para qytetarëve, për t’i përmbushur të gjitha premtimet dhe obligimet që kemi marr para qytetarëve tanë. Qeveritë janë që të qeverisin dhe përmbushin detyrimet. Qeverisja nuk nënkupton që si të lodhesh dhe të bëhesh i dobët, të skajohesh anësh dhe të thuash, po të bëjë veprime tjera. Vetëm frikacakët dhe të papërgatiturit e lanë punën në gjysmë, ne në LDK nuk e kemi mendjen ta lëmë punën në gjysmë”, theksoi Mustafa.

Ndërsa, kryetari i LDK-s në Shtime, Selim Shabani, po ashtu drejtoi një mal akuzash ndaj pushtetit aktual në këtë komunë, të cilën e udhëheq PDK-ja.

“Qytetarët e Shtimes po përballen me një gjendje të rënd ekonomike, si rezultat i keqqeverisjes aktuale komunale. Qytetarët e Shtimes janë të lodhur dhe zhgënjyer me ketë qeverisje komunale, e zhytur në keqpërdorim të pushtetit me punësime partiake, nepotiste, me keqmenaxhim të parasë publike dhe pronës publike. Kjo mënyre e qeverisjes ka ndikuar që qytetarët e Shtimes ta humbin besimin në qeverisjen aktuale komunale. Prandaj, shpresë e vetme për shtet ligjor prosperitet qytetarë është qeverisja e LDK-së. Këtë po e dëshmon qeverisja qendrore”, u shpreh ai.

Në shënimin e 27 vjetorit të themelimit të LDK-së në Shtime, çmimi “Ibrahim Rugova” iu dha aktivistit shumë vjeçar dhe themeluesit të kësaj partie, Ahmet Ahmeti dhe çmimin postmortum Zeqir Rexhajt. Po ashtu, në këtë aktivitet dhjetëra të rinj nga Shtimja, kryesisht familjarë të Zeqir Rexhajt u anëtarësuan në LDK.

Kur paraqitet „cullak“ dashnorja e deputetit të PDK-së (Foto+18)

Iva Aliko, femra e cila për një kohë të gjatë, është përfolur në lidhje me deputetin që pretendohej që është në lidhje më të.

Periskopi.com Showbiz

Ajo tani ka sjellë një fotografi në të cilën, tregon trupin e saj plotë operacione krejtësisht nudo.

Blerim Shala nuk ndalet, tash ia mësynë PDK-së!

Ish- nënkryetari i Aleancës për Ardhmërinë e Kosovës, Blerim Shala shumë shpejt mund t’i bashkohet një partie të re.

Periskopi.com Lajme

Gazeta Blic nga burime të saja të afërta me Shalën, ka marrë vesh se deputeti i pavarur i Kuvendit të Kosovës do t’i bashkohet Partisë Demokratike të Kosovës.

Sipas këtyre burimeve, është çështje ditësh apo javësh kur Shala do t’i bashkohet kësaj partie.

Madje, këto burime kanë theksuar se lideri i PDK-së Kadri Veseli kishte menduar që Shalën ta prezantonte në Konventën e VIII-të të kësaj partie, që u mbajtë para disa ditësh, dhe ta bënte anëtar të Kryesisë, mirëpo që kishte hasur në kundërshtime nga disa njerëz të partisë.

“Pritet që së shpejti, Veseli ta bëjë prezantimin e Shalës”, tha ky burim.Në anën tjetër, Shala nuk ka dashur të flas për Gazetën Blic në lidhje me këtë çështje.

Edhe pse u lajmërua në telefon, Shala me të marrë vesh se për çka bëhej fjalë, e ka mbyllur telefonin.

Ndryshe, Blerim Shala e kishte braktisuar AAK-në e Ramush Haradinajt për t’iu bashkuar delegacionit kosovar të bisedimeve me Serbinë në Bruksel.

Deputeti i PDK-së e zbulon vendimin për Ushtrinë e Kosovës (Video)

Deputeti i Partisë Demokratike të Kosovës, Elmi Reçica në emisionin “Kontakt” në Tribuna Channel, ka thënë se është marrë vendimi që Ushtria e Kosovës do të krijohet përmes ndryshimeve Kushtetuese.

Periskopi.com Lajme

“Dhe defenitivisht vendimi është marrë që Ushtria e Kosovës do të krijohet përmes ndryshimeve Kushtetuese. Lista Serbe nuk është problem për ne, por është presioni i drejtëpërdrejtë nga Beogradi për të marrë vendime për interesat e Kosovës”, tha Reçica në emisionin “Kontakt”.

Sipas Reçicës, Lista Serbe është rikthyer në institucionet e Kosovës,  sipas tij, nuk duhet shumë për të kuptuar se si ka ndodhur dhe pse ka ndodhur pikërisht në këtë kohë ky rikthim.

Reçica shtoi se SHBA e mbështet Kosovës dhe padiskutim situatën në Kosovë e shohin pak më gjerë poashtu edhe regjionin.

 

Deputeti i LDK-së, thotë se PDK është parti e krimit dhe korrupsionit

Deputeti i Lidhjes Demokratike të Kosovës, Adem Salihaj nuk beson që Kadri Veseli e Isa Mustafa nuk i kanë punët në “terezi” sa i përket koalicionit.

Periskopi.com Lajme

Ndërkohë Salihaj nuk e dëshiron në të ardhmen koalicionin PDK – LDK, sepse sipas tij krimi dhe korrupsioni që ka kapluar vendin është i strehuar në PDK. Ai ka dëshirë që PDK të mbetet opozitë për faktin se siç thotë, dukuritë  negative që po ballafaqohet Kosova nuk ka mundësi të luftohen derisa PDK, është në pushtet.

Mes tjerash Salihaj në një intervistë për Kosova Post, thotë se nuk e frikësojnë sondazhet e fundit ku Vetëvendosjen e nxjerrin parti të “fortë”, meqë ai  dyshon në manipulimin e tyre.

Ditëve të fundit është ashpërsuar gjuha e deputetëve të koalicionit PDK-LDK. A do të thotë kjo se partnerëve të koalicionit nuk po u shkojnë punët mirë?

Adem Salihaj: Më shumë kemi të bëjmë me një lloj fryme të fushatës mes dy partive në koalicion PDK-LDK, në fakt një lloj përpjekje diferencimi nga njëra-tjetra, meqë koalicioni nënkupton pikëpamje të përbashkëta për shumë çështje e duke marrë parasysh se dy partitë duhet të dalin në zgjedhje si konkurrente njëra me tjetrën, tash po bëhet një lloj përpjekje për diferencim qëndrimesh, pikëpamjeve koncepteve e të tjera. Unë këtë e kuptoj si një lloj para fushate e jo diçka tjetër. Nuk besoj që është afër prishja e koalicionit  duke marrë parasysh se lidhur me këto çështje Kosova asnjëherë nuk ka vendosur vetë, por në koordinim me partnerët ndërkombëtarë të cilët e kanë vlerësuar situatën se a duhet Kosova të shkojë në zgjedhje të parakohshme. Unë nuk jam ithtar i zgjedhjeve të parakohshme, sepse edhe me parë kemi mbajtur zgjedhje të parakohshme por asnjë të mirë nuk i kanë sjellë Kosovës.

Përplasjet ndërmjet  LDK-së dhe PDK-së, a flasin për zbehjen  raporteve  mes Veselit dhe Mustafës?

Adem Salihaj: Me sa shoh unë  nuk ka ndonjë prishje në veprimet praktike të Qeverisë dhe Kuvendit, nuk shoh asnjë kontradiktë në mes tyre, por që më shumë këtë mund ta shohim si një lloj parafushate.

Nëse Kosova shkon në zgjedhje a duhet që sërish PDK-LDK, të qeverisin së bashku?

Adem Salihaj: Unë vazhdimisht kam qenë kundërshtar i këtij koalicioni që nga fillimi deri më tani. Mendoj që një koalicion i dy partive të mëdha nuk i bën mirë vendit, sepse mbetet një opozitë shumë e dobët e cila pastaj nuk ka fuqi që të ndikojë në vendimet e Qeverisë dhe Kuvendit. Përveç kësaj unë gjithmonë jam kundër një koalicioni me PDK-në, meqë  konsideroj se krimet kryesore dhe korrupsioni janë të strehuara brenda kësaj partie. Nuk mund të bëjmë asnjë hap përpara as në krimin e organizuar dhe korrupsionit nëse e kemi brenda një parti që ka brenda vetes gjitha këto. Në të gjitha aspektet e konsideroj një koalicion jo të natyrshëm dhe të dëmshëm për Kosovën.

Ju thatë që Kosovës i nevojitet një opozitë më e fuqishme. A duhet të jetë PDK apo LDK ajo opozita e ardhshme e Kosovës?

Adem Salihaj: Nuk e di, gjithçka do të varet nga rezultati zgjedhor. Por gjithmonë mendoj se është mirë që PDK të jetë në opozitë për arsye se mandej do të hapet një mundësi shumë më e madhe që të luftohet krimi dhe korrupsioni dhe të ndalen këto dukuri negative që kanë kapluar vendin. Derisa PDK, të jetë në pushtet nuk ka mundësi të luftohen dukuritë negative që kanë evoluar.

Sondazhet e fundit po e qesin Vetëvendosjen si partinë më të fuqishme, ndërsa LDK, sipas tyre është parti në rënie e sipër. A ju frikësoheni ju këtyre sondazheve?

Adem Salihaj: Nuk e dimë këtë, sondazhet që i  bëjnë partitë politike i rregullojnë qysh u konvenon atyre. Unë nuk i konsideroj si reale dhe nuk mund ti marrim seriozisht madje as sondazhet e OJQ-ve.

Nuk e shihni ju Vetëvendosjen si parti të “fortë” në skenën politike?

Adem Salihaj: Realisht nuk di ta vlerësoj në këtë moment. Të presim zgjedhjet a do ta nxjerrin parti të fortë Vetëvendosjen.

Zyrtari i PDK-së thumbon LDK-në: Ne i kemi votat për Demarkacionin, po ju presim juve

Rexhep Hoti nga Partia Demokratike e Kosovës ka thënë në Zona e Debatit në Klan Kosova, se PDK-ja i ka votat për ta votuar Demarkacionin me Malin e Zi, por po e pret partnerin e koalicionit që edhe ata të grumbullojnë votat e nevojshme.

Periskopi.com Lajme

“Partia Demokratike i ka votat për Demarkacionin, ne jemi duke e pritur Lidhjen Demokratike të Kosovës”, ka deklaruar Hoti, njofton Klan Kosova.

“Jo vetëm që i kemi votat për Demarkacionin, por PDK është unike dhe ka mirëkuptim për Kryeministrin që ka problem me 30 për qind të deputetëve. Por ne në PDK-së kemi vendim unanim për ta votuar Demarkacionin, mund të mos jemi një votë ose dy, por jo më shumë kurrë”.

Zëvendësministri i Kulturës, Rinisë e Sportit, ka vazhduar më tej duke lavdëruar partinë e tij për organizimin dhe funksionimin.

“Sistemi i partisë Demokratik është sistem që është larg të tjerëve”, pohoi Hoti.