Nënkryetari i PDK-së: Jemi unik për demarkacionin, shpejt shkon në Kuvend

Uran Ismaili, nënkryetari i PDK-së e që është edhe shefi i kabinetit të kryetarit të Kuvendit të Kosovës, Kadri Veseli, bënë të ditur se demarkacioni shumë shpejt dërgohet në Kuvend.

Periskopi.com Lajme

Ai thotë se për këtë është marr qëndrim unik në PDK, pra për ta kaluar demarkacionin, tha ia në Klan Kosova

“Vendimi është marr në kryesinë e PDK-së, PDK-ja do të jetë unike për Demarkacion, ne duhet marrim përgjegjësi”, tha ai, duke mos pranuar të komentoj nëse duhet prishet koalicionit në dështimin e sërishëm eventual të demarkacionit në Kuvend.

“Duhet përgjegjësi. Nuk mund të flas për deputetët se nuk jam i tillë, por e di që PDK ka qëndrim për këtë. Shpejt demarkacioni shkon në Kuvend”, tha ai./ Periskopi

Aktakuzë ndaj Shukri Bujës

(E plotësuar)Prokuroria ka ngritur aktakuzë ndaj ish- kryetarit të Lipjanit, Shukri Buja.

Periskopi.com Lajme

Kështu i kanë thënë Gazetës Blic burime brenda Prokurorisë.4 ditë më parë Shefi i AKI-së ishte me aktakuzë deri javën e kaluar Buja ndërkaq, nuk është lajmëruar në thirrjet e redaksisë.—

Prokuroria Speciale e Republikës së Kosovës, ka ngritur sot aktakuzë, pranë Departamentit për Krime të Rënda të Gjykatës Themelore në Prishtinë, kundër dhjetë të pandehurve për veprat penale: “Keqpërdorimi i pozitës apo autoritetit zyrtar , dhënia e ryshfetit, marrja e ryshfetit, ushtrimi i ndikimit dhe punimet ndërtimore të kundërligjshme.Të akuzuarit janë: SH.B., N.Z., H.G,. M.S,. F.R., H.V., E.R., B.R., D.A., B.K.,.Në mesin e të akuzuarve është një (1) ish kryetar komune dhe tetë zyrtarë tjerë të asaj komune si dhe një ndërtues.“Për të cilët ekziston dyshimi i bazuar mirë në kod, se në cilësinë e personave zyrtarë kanë shfrytëzuar detyrën apo autoritetin zyrtar, ku kanë tejkaluar autorizimet e tyre, gjithnjë me qëllim që të përfitojnë çfarëdo dobie për vete apo për të tjerët dhe me këtë duke i shkaktuar dëm tani të dëmtuarave: komunës në fjalë dhe ndërmarrjeve shoqërore nën menaxhimin e AKP-së, ne atë mënyrë që duke vepruar në bashkëkryerje me dashje direkte, në mënyrë të kundërligjshme, kanë nxjerrë vendime, me të cilat fillimisht kanë eksproprijuar dhe më pas kanë tjetërsuar pronat shoqërore dhe pronat komunale, me qëllim të eksploatimit të xehes së nikelit”, thuhet në komunikatën e Prokurorisë.Të njëjtit akuzohen edhe për një varg shkeljesh dhe keqpërdorimesh tjera të kryera me dashje, të përshkruara si në aktakuzë.Aktakuza është ngritur nga një prokuror vendor i Prokurorisë Speciale të Republikës së Kosovës, i cila i ka propozuar Gjykatës që pas administrimit të provave dhe përfundimit të shqyrtimit gjyqësor të pandehurit, për veprat penale që akuzohen, t’i shpallë fajtor dhe t’i gjykojë sipas ligjit.

Deputeti i LDK’së ia tregon vendin PDK’së:  Jemi gati për zgjedhje edhe para majit

Deputeti i Lidhjes Demokratike të Kosovës, Blerim Grainca i është kundërpërgjigjur zërave në PDK se mund të ketë zgjedhje të parakohshme në muajin maj.

Periskopi.com Lajme

Ai në një deklaratë të dhënë për Gazetën Blic konsideron se PDK nuk e ka seriozisht me kërkesën për zgjedhje. Mirëpo, sipas tij, LDK është e gatshme që në çdo moment kur të ketë zgjedhje, t’i fitoj ato.

“Fillimisht, PDK-ja është parti parlamentare edhe është normale të ketë ide edhe qëndrime rreth zgjedhjeve. Por, personalisht mendojë se kjo është një shaka e PDK-së dhe nuk e kanë fortë seriozisht këtë punën e zgjedhjeve në maj”, tha ai për Gazetën Blic.

Sipas tij, LDK-ja nuk ka frikë nga zgjedhjet e reja.

“Ndërsa sa i përket asaj se çka mendojë unë, të ju them të drejtën ne jemi të gatshëm për zgjedhje kurdo që të mbahen ato. Partitë serioze duhet me qenë  të gatshme për zgjedhje gjithmonë, 24 orë edhe jo për t`ju  frikësuar  zgjedhjeve”, thotë deputeti Grainca.

Prandaj, shton ai, “LDK me të gjitha strukturat e saj, kurdo që të tjerët mendojnë se  është  koha për zgjedhje, ne jemi gati”.

“Këtë rast edhe partneri i koalicionit duhet ta dijë se LDK-ja është parti serioze dhe nuk i duhet shumë kohë për mobilizim, prandaj nëse thonë maji është larg, nëse duan edhe më shpejt  i mbajmë”, thotë ai për Gazetën Blic.

Në anën tjetër, analistët politik zërat brenda PDK-së që të ketë zgjedhje të parakohshme i shohin si një panik që e ka rrokur partinë më të madhe në vend.

Halil Matoshi në një deklaratë për Gazetën Blic konsideron që PDK i shfrytëzon gjithmonë krizat politike që t’i fitoj zgjedhjet.

PDK-ja kërkon zgjedhje në maj ose në qershor

Deputetë të PDK-së kanë paraqitur kërkesën në Këshill të Përgjithshëm për zgjedhje të parakohshme dhe sipas tyre vendi duhet të shkojë në zgjedhje në maj ose në qershor të këtij viti. Në LDK nuk i komentojnë deklaratat e deputetëve të partisë më të madhe në vend, shkruan sot, gazeta Zeri.

Periskopi.com Lajme

Deklaratat për prishje të koalicionit PDK – LDK janë rikthyer sërish. Disa deputetë të PDK-së kanë thënë për “Zërin” se ditë më parë në mbledhjen e Këshillit të Përgjithshëm të këtij subjekti kanë kërkuar të shqyrtohet mundësia për prishje të koalicionit me partnerin qeverisës, LDK-në. Sipas tyre, në këtë mbledhje ka pasur bisedime konstruktive rreth kësaj çështjeje, porse një vendim final pritet të merret në takimin e radhës.

Mirëpo, disa deputetë të tjerë, pjesë e Kryesisë së PDK-së, kanë thënë se prishja e koalicionit asnjëherë nuk është shtruar si temë diskutimi. Megjithatë, duke folur për mundësinë e zgjedhjeve të parakohshme ata kanë thënë se çdo gjë është e mundur të ndodhë. Nga ana tjetër, as deputetë të LDK-së e as anëtarë të Kryesisë së këtij subjekti nuk kanë dashur të flasin rreth kësaj çështjeje. Kurse deputetët e PDK-së, të cilët kanë kërkuar zhbërjen e koalicionit, kanë konsideruar se zgjedhje mund të ketë në muajin maj.

Ish-komandanti i FSK-së të hënën zyrtarizon kalimin në PDK

Ish-komandanti i Forcës së Sigurisë së Kosovës (FSK), Kadri Kastrati të hënën do të zyrtarizojë kalimin e tij në Partinë Demokratike të Kosovës (PDK), bëjnë të ditura burime të KosovaPress-it.

Periskopi.com Lajme

Kastrati gjatë ditës së sotme kishte pohuar për KosovaPress se do t’i bashkohet skenës politike, por pa dashur të bëjë të ditur se cila do të jetë partia që do të aderojë.

Deputeti i PDK-së thotë se së shpejti merret vendimi për prishjen e koalicionit me LDK-në

Partia Demokratike e Kosovës në mbledhjen e Këshillit të Përgjithshëm e ka analizuar mënyrën e funksionimit të Qeverisë, për çka kanë kërkuar edhe përishjen e koalicionit me LDK-në.

Periskopi.com Lajme

Kështu ka bërë me dije për “Gazeta Blic” deputeti i Kuvendit të Kosovës nga radhët e po kësaj partie, Shukri Buja, i cili edhe e kishte ngritur idenë e prishjes së koalicionit në këtë mbledhje.

Sipas tij, të gjithë pjesëmarrësit në këtë diskutim, janë pajtuar që koalicioni Qeverisës PDK-LDK, nuk është duke funksionuar mirë dhe se zgjedhja e vetme si e duhur është prishja e koalicionit.

“Rrjedhja e diskutimit ka qenë e drejtpërdrjt dhe kritikuese ndaj qeverisë dhe të gjithë  kanë cilësuar se ky koalicion është i panatyrshëm, tek të gjithë diskutuesit ishte disponimi që të prishet ky koalicion, por mbetet të shihet se si do të dalë me qëndrim kryesia dhe Këshilli Drejtues”, tha Buja për “Gazeta Blic”

E një vendim karshi kësaj çështje sipas deputetit Buja, nuk do të mirret më vonë se brenda një muaji, kohë kjo për të cilën PDK-ja pritet të mbaj konventën e saj.

“Sipas gjitha gjasave do të përfundojnë diskutimet dhe nuk besoj që do të ketë ndonjë vendim deri në konventën e partisë, e cila pritet të mbahet brenda 1 muaji”, ka thënë deputeti Buja.

Ndryshe diskutimet në këtë mbledhje janë duke vazhduar edhe më tej. Këshilli Drejtues i PDK-së, përbëhet nga rreth 100 anëtarë.

Rikujtojmë se ditëve të fundit ka pasur përplasje ndërmjet PDK-së e LDK-së.

Anëtarët e PDK-së kërkojnë prishjen e koalicionit me LDK-në

Partia Demokratike e Kosovës në mbledhjen e Këshillit të Përgjithshëm e ka diskutuar edhe idenë e prishjes së koalicionit më Lidhjen Demokratike e Kosovës.

Periskopi.com Lajme

Ishte deputeti i PDK-së, Shukri Buja ai i cili e ka ngritur këtë ide në mbledhjen e Këshillit të Përgjithshëm.

“Deputeti Shukri Buja e ngritur çështjen e prishjes së koaliiconit me LDK-në. Ai e arsyetoj këtë kërkesë me dështimet e mëdha të qeverisë së drejtuar nga Isa Mustafa”, tha një burim i Gazetës Blic brenda këtij takimi.

Në anën tjetër, lideri i Partisë Demokratike të Kosovës, Kadri Veseli, ai i cili i ka ftuar të gjithë strukturat që të mobilizohen.

Ai në fjalën e tij, ka ftuar që të gjithë të rinjtë dhe ata që besojnë në PDK, t’i bashkohen kësaj partie.

“Ne do t’i fitojmë sërish zgjedhjet”, tha ai, duke mos dhënë detaje se kur pritet të mbahen ato, raporton Blic.

Ditëve të fundit ka pasur përplasje ndërmjet PDK-së e LDK-së.

Muja: PDK të dalë menjëherë nga koalicioni me LDK-në

Deputeti i PDK-së, Shaip Muja, është i gatshëm ta votojë rrëzimin e Qeverisë, nëse kjo kërkohet përmes një votëbesimi në Kuvend.

Periskopi.com Lajme

Ai këto komente i bëri në emisionin InfoBox të RTV Dukagjinit, ku tha se nuk është i vetmi deputet i PDK-së që nuk e do këtë qeverisje, duke thënë se të këtij mendimi janë mbi 10 për qind e deputetëve të këtij subjekti. Madje, Muja shprehet se sa më parë subjekti i tij duhet ta braktisë koalicionin me LDK-në.

“Mendoj që janë pjekur kushtet që vet tani PDK-ja të flasë e të divrcohet nga koalicioni menjëherë”, ka thënë ai

Muja foli edhe për demarkacionin me Malin e Zi, për të cilën tha se Qeveria e Kosovës po mundohet të blej kohë derisa Komisionin qeveritar për këtë çështje e quajti mashtrues. Deputeti gjithashtu tregoi edhe për propozimin e tij për një komision të ri për përcaktimin e vijës kufitare me fqinjët malazez.

Në këtë intervistë ai komentoi edhe lidhur me vazhdimin e problemave që sjell pala serbe, sidomos me arrestimet që po i bën, duke thënë se institucionet tona duhet të marrin vendime të baraspeshuara, duke ngritur aktakuza edhe për liderët serbë që, sipas tij, janë të përlyer në mijëra vrasje.

Komuna e Prishtinës largon nga banesat komunale zyrtarët e PDK-së dhe LDK-së

Komuna e Prishtinës ka vendosur që në banesat e ndara komunale në “Bregun e Diellit” t’i largojë të gjithë ata që nuk i përkasin rasteve sociale, kategorive të luftës dhe që nuk janë invalidë të punës.

Periskopi.com Lajme

Në një konferencë për media drejtori i Pronës në komunën e Prishtinës, Dren Kukaj, tha se kjo është vendosur që të largojë nga banesat komunale të gjithë ata që nuk e meritojnë. Sipas tij pushtetarët e kaluar të komunës së Prishtinës në saje të privilegjeve që i kanë pasur i kanë ndarë vetes banesa. Kukaj thotë se ato banesa do t’ua marrin dhe do t’u jepen njerëzve që kanë nevojë..

Drejtori i Pronës bëri të ditur se përfitues të banesave komunale kanë qenë kryesuesi i Asamblesë Komunale Halim Halimi i cili e ka përfituar banesën si ish drejtor, Sabedin Haxhiu, Muhamet Gashi, Agim Dibrani. Të gjithë këta qenë përfitues gjatë kohës sa kanë   qenë drejtorë. Në mesin e përfituesve është edhe asamblisti i tanishëm nga radhët e PDK-së Shemsi Veseli.

“Pra ky është një vendim, një qëndrim politik i qeverisjes se Lëvizjes Vetëvendosjes të cilën e kemi marrë në bashkëpunim me kryetarin tonë Shpend Ahmeti. Shpresoj që të mos keqkuptohet e të mos interpretohet si ndonjë lloj hakmarrje politike, por si një vendim i drejtë ku do të largohen ata që më të vërtetë nuk kanë nevojë dhe do të zëvendësohen me të tjerë që më të vërtetë kanë nevojë. Të tillë, si përfitues mund ta gjeni prej kryesuesit të asamblesë komunale Halim Halimi i cili ka përfituar atë banesë si ish drejtor, gjithashtu Sabedin Haxhiun e Muhamet Gashi, Agim Dibrani, të gjithë drejtorë në atë kohë kur janë dhënë banesat vetës së tyre. Gjithashtu ka edhe asamblist të atëhershëm por edhe të tashëm, sikurse Shemsi Veseli nga radhët e PDK-së”, tha Kukaj.

Drejtori i Pronës në komunën e Prishtinës tha se do të largohen të gjitha ata që nuk janë raste sociale për t’i zëvendësuar me raste që sipas tij me të vërtetë kanë nevojë.

“Kemi marrë një vendim ose duhet t’iu kumtoj një qëndrim politik të qeverisjes sonë që për banesat e ndara në ‘Bregun e Diellit’, për të cilat është folur shumë që janë diku rreth 50 banesa, ne kemi vendosur që përjashtimisht prej kategorive që u kanë ndarë kategorive të luftës, rasteve sociale, të invaliduarëve në punë që ka raste të tilla që kanë përfituar banesa, të gjithë të tjerët ne kemi vendosur që prej aty t’i largojmë e njëkohësisht të shpallim një konkurs të ri, që të njëjtit t’i zëvendësojmë me raste që me të vërtetë kanë nevojë”, tha Kukaj.

Sa i përket banesave që janë ndërtuar në Hajvali për familjet me gjendje të rëndë ekonomike, drejtori i Shëndetësisë Arben Vitia tha se përfitues të tyre do të hyjnë 50 familje me gjendje të rëndë ekonomike.

“Nga këto banesa do të përfitojnë vetëm 50 familje, ato në kushtet më të rënda, janë 330 familje që kanë aplikuar në tërësi. Deri më tani në fazën e dytë Komisioni ka bërë vlerësimin e situatës në terren për 94 familje, procesi është në vazhdim e sipër dhe tani që po flasim, besoj që sot do ta tejkalojë numrin 100 dhe për një kohë relativisht të shkurtë presim të vijnë edhe me të gjitha informacionet më fotografi dhe vlerësimin e situatës në terren për të gjitha familjet 330 të cilat kanë aplikuar”, tha Vitia.

Gjithashtu, ai tha se  nën mbikëqyrjen e kryetarit Shpend Ahmeti, për 280 familjet tjera të cilat nuk do të munden të përfitojnë nga ky rast janë duke përgatitur planin tre vjeçar të banimit në bashkëpunim me Drejtorinë e Pronës dhe Drejtorinë e Urbanizmi, t i cili plan mendohet që në tri deri në pesë vitet e ardhshme do të zgjedhë përfundimisht çështjen e banimit social në komunën e Prishtinës.

PDK e LDK do të paraqesin financat vetëm pasi këtë e kërkoi BE-ja

Ka mjaftuar një kërkesë e Zyrës së BE-së në Kosovë që dy partitë më të mëdha politike në vend t’i japin fund avazit të mosraportimit të financave të tyre.

Periskopi.com Lajme

“Koha Ditore” ka siguruar një komunikim të brendshëm të KQZ-së, për një takim që ka ndodhur mes zyrtarëve të saj dhe atyre të BE-së. Takimi kishte ndodhur më 11 janar. Pas tij, Miradije Mavriqi, kryetare e Zyrës për Regjistrimin e Partive Politike në KQZ u shkruan anëtarëve të këtij institucioni.

“Të nderuar, Ju njoftoj se me datë 11.01.2017 me përfaqësuesin e BE-së, Zyra në Kosovë, z. Felix Rathje, u mbajt një takim lidhur me temën: Transparenca e raporteve të shpenzimeve vjetore dhe shpenzimeve të fushatës zgjedhore të subjekteve politike që dorëzohen në KQZ. Lidhur me këtë u identifikuan dhe u propozuan dy opsione të mundshme për publikimin e raporteve vjetore dhe raporteve të shpenzimeve të fushatës zgjedhore, dhe atë: a) të njoftohen SP-të të cilave u jepet një afat i shkurtë për t’i publikuar ato vet raportet e shpenzimeve; b) t’i publikojë vet KQZ-ja”, thuhet në fillim të njoftimit që Mavriqi e bën për anëtarët e KQZ-së.

Tutje, aty thuhet se “z. Rathje edhe pse e kishte parasysh nenin 19.10 të Ligjit për financimin e subjekteve politike, sipas të cilit, Raportet vjetore financiare dhe raportet e deklarimit financiar të fushatës të cilat dorëzohen nga subjektet politike në KQZ, do të auditohen në përputhje me standardet e kontabilitetit të zbatueshëm në Kosovë, nga auditorë të cilat do t’i përzgjedhë Kuvendi i Republikës së Kosovës përmes Komisionit për Mbikëqyrjen e Financave Publike nëpërmjet një thirrje te hapur publike për aplikim”.

“Në këtë takim, z. Rathje tha se nuk bëhet ndonjë shkelje e ligjit nëse publikohen raportet nga KQZ-ja por rekomandon që t’i publikojë të gjitha raportet e dorëzuara të subjekteve politike që nga viti 2013 edhe pse ato nuk janë të audituara nga auditorë. Sipas nenit 19.7 citoj: ‘KQZ-ja duhet t’i publikojë dhe t’i mbajë të publikuar të gjitha raportet vjetore financiare të subjekteve politike së bashku me raportin përfundimtar të auditimit të subjekteve politike në faqen e saj zyrtare më së largu deri më 30 qershor të vitit pasues”, thuhet në këtë komunikim, përcjell Koha.net. “Po ashtu, deri me këtë datë KQZ-ja obligohet t’i përcjellë subjektit politik raportin përfundimtar të auditivit”.

BE-ja, përmes Rathjes, madje është shprehur e gatshme që ta ndihmojë KQZ-në në këtë proces. Siç transmeton Mavriqi nga takimi që ka pasur “z. Rathje tha se BE-ja është e gatshme me ndihmua dhe me mbështet KQZ-në këtë aspekt, meqenëse sipas nenit 15.5 të ligjit të lartcekur, subjektet politike duhet ta publikojnë dhe të mbajnë të publikuar së paku një vit në faqet e tyre zyrtare raportin e shpenzimeve vjetore dhe atë të fushatës zgjedhore”.

Duke e kryer “amanetin”, Mavriqi tregon se kishte siguruar z. Rathje se do ta njoftonte kryetaren dhe anëtarët e Komisionit Qendror të Zgjedhjeve, lidhur me këto rekomandime, me dy opsionet që u propozuan.

“Andaj duke pasur parasysh gatishmërinë e mbështetjes së BE-së lidhur me publikimet e raporteve në ueb faqen e KQZ-së apo edhe e dhënies së një afati subjekteve politike, dhe duke pasur parasysh se kjo është e natyrës urgjente, pasi që takimi i Nën-komitetit për Drejtësi Liri dhe Siguri në kuadër Procesit të Stabilizim Asociimit, do të mbahet më 25-26 Janar 2017, ju lutemi nëse keni sugjerime na i dërgoni në mënyrë që të bëhet përmbledhja e tyre për takimin e radhës së KQZ-së”, thuhet në fund të kësaj letre.

Kujtojmë se kreu i Kuvendit të Kosovës, njëherësh kryetar i Partisë Demokratike të Kosovës, Kadri Veseli, më 25 janar kishte pasur takim me shefat e misioneve diplomatike të shteteve anëtare të Bashkimit Evropian, të akredituar në Kosovë, si dhe drejtuesit e Zyrës së BE-së në Kosovë.

Pas takimit, shefja e Zyrës së BE-së në Kosovë, Përfaqësuesja e Posaçme e BE-së, Nataliya Apostolova, sipas njoftimit zyrtar të Zyrës së Kryeparlamentarit, ajo “e përgëzoi kryetarin Veseli për njoftimin se raporti financiar i PDK-së do të publikohet së shpejti”.

Për financat ka shkruar sot edhe kryeministri i vendit, Isa Mustafa, njëherësh kryetar i LDK-së. E ka cilësuar si kërkesë shumë të qëlluar që pasqyrat financiare të subjekteve politike të bëhen transparente, por edhe të auditohen.

“Si kryetar I LDK-së kam kërkuar nga zyrtarët përgjegjës të LDK-së të kërkojnë zyrtarisht nga KQZ-ja që pasqyrat financiare të LDK-së të dorëzuara në KQZ të jenë publike dhe të qasshme për çdo qytetar. Do të aktivizojmë edhe Web-faqen e LDK-së dhe do të prezantojmë çdo cent të shpenzuar për partinë”, ka thënë Mustafa.

Por në fjalën e tij ka vënë në thumb Lëvizjen Vetëvendosje dhe opozitën.

“Shpresoj se edhe subjektet të cilat po lavdërohen se i kanë bërë publike pasqyrat e tyre financiare do të pasqyrojnë se me cilat para dhe nga cilat burime është financuar gazi lotsjellës, shishet e mollotovit, sferat e qelqit, mekanizmat për rrotullimin e automjeteve, protestat e dhunshme… Burimet e financimit të subjekteve politike dhe shpenzimet e tyre duhet të jenë transparente”, ka thënë Mustafa, përcjell Koha.net.

Përndryshe, Kohavisioni sot ka njoftuar se gjatë vitit 2016, subjektet politike përfituan nga shteti mbi 4 milionë euro. Por me ndryshimin e amendamentit për përqindjen e ndarjes së buxhetit nga 0.17 në 0.34 për qind, kjo shumë edhe mund të rritet deri në 8.4 milionë euro.

Deri tash, përveç Vetëvendosjes dhe AAK-së, partitë tjera nuk tregojnë burimet e financimit. Madje dy partitë në pushtet, PDK-ja e LDK-ja, nuk kanë as faqe zyrtare, ashtu siç e parasheh ligji për financimin e subjekteve politike.

Publikimi dhe mospublikimi i financave të partive politike ka ngjallur akuza dhe kundër-akuza mes anëtarëve të Komisionit Parlamentar për Mbikëqyrjen e Financave Publike.

Ndërsa përfaqësues të shoqërisë civile thonë se mospublikimi i financave nga partitë politike po bëhet qëllimshëm. Thonë se edhe kur të bëhet auditimi i subjekteve politike, nuk do të bëhen publike të gjitha mënyrat e financimit. Sipas tyre, për financat e partive nuk kryen punë auditimi, duhet hetim profesional e i pavarur.

 

Zyra e BE-së detyron Isa Mustafën që të publikojë financat e LDK-së

 

.

PDK publikon raportet financiare (Dokument)

Periskopi.com Lajme

Buxheti i Partisë Demokratike të Kosovës është ndarë nga Fondi për Demokratizim, që është në kuadër të buxhetit të Komisionit Qendror të Zgjedhjeve (KQZ) dhe u ndahet të gjitha subjekteve parlamentare sipas numrit të deputetëve, thuhet në njoftimin e këtij subjekti, transmeton “Zeri.info”.

Partia Demokratike e Kosovës, që nga themelimi e deri më tash, i ka dorëzuar në Komisionin Qendror të Zgjedhjeve të gjitha raportet financiare. Të bashkëngjitur, mund t’i gjeni katër raporte, të ndara në tremujore, për buxhetin e vitit 2015 të Partisë Demokratike të Kosovës, thuhet me tej në njoftim.

Sipas afateve ligjore, PDK do t’i publikojë raportet financiare të vitit 2016 më së largu deri më 31 mars të këtij viti.

auto_16295230_10212663550841630_2038688073_n1485454096 auto_16295349_10212663550881631_787826678_n1485454099 auto_16295420_10212663551041635_753221742_n1485454101 auto_16295780_10212663550961633_724299977_n1485454104 auto_16296139_10212663551001634_1174203432_n1485454107 auto_16344263_10212663550761628_1973396216_n1485454110 auto_16358510_10212663550801629_1782070629_n1485454113 auto_16359148_10212663550921632_418668172_n1485454116

Deputeti i PDK-së përgënjeshtron Hashim Thaçin, tregon kush e ndali trenin

Kryeministri serb, Aleksandar Vuçiq, e ndaloi trenin që u nis nga Beogradi për në Mitrovicë, ka thënë deputeti i Kuvendit të Kosovës nga radhët e Partisë Demokratike të Kosovës, Shukri Buja.

Periskopi.com Lajme

Veprimet e institucioneve të Kosovës bënë që të ndikojnë në vendimit e kryeministrit serb, ka vlerësuar Buja.

“Trenin nuk e ndali as Amerika por e ndali Vuciqi”, ka thënë Buja në “Rubikon” të KTV’së.

“Po ta kishte ndal Kosova, do ta ndalte në kufi. Vendosja e njësiteve speciale që gabimisht po quhen ROSU pasi nuk është më ashtu, njësitet speciale janë vendosur në kufi. Veprimet e institucioneve tona, kanë sjellë një vendim të tillë të Vuciqit”, ka deklaruar Buja.

Shefi i grupit parlamentar të PDK-së thotë se Serbia po abuzon përmes Intepolit

Shefi i Grupit Parlamentar nga radhët e PDK-së, Zenun Pajaziti ka thënë se Kosova nuk duhet lejuar më që Serbia t’i abuzoj ata që kanë luftuar përmes Interpolit.

Periskopi.com Lajme

Paraziti ka thënë se shteti i Francës duhet të veproj sa më shpejt që është e mundur në mënyrë që Haradinaj të jetë sa më shpejtë në vend, transmeton lajmi.net.

“Sot jemi në këtë seancë për të ndarë shqetësimin për ndalimin e padrejtë të Haradinajt në Francë, ne e kemi pranuar kërkesën e AAK-së që këtë shqetësim ta ndajmë në Parlamentin e Kosovës para qytetarëve. Duhet të flasim për një rast të përsëritur, me persona të ndryshëm që kanë qenë në luftë e që janë në listat e Serbisë. Këtë shqetësim dua që sot ta kanalizojmë sa më drejtë që është e mundur. Është mirë që ky adresim i këtij shqetësimi të drejtohet sa më shpejt në vendin e duhur dhe Haradinaj të lirohet. Të mos lejohet që Serbia të abuzoj përmes Interpolit”, ka thënë Pajaziti

PDK-ja kërkon hetim të tenderit për mirëmbajtjen e rrugëve

Dega e PDK-së në Ferizaj në një letër të hapur drejtuar kryeprokurorit Shukri Jashari, nga i cili ka kërkuar hetimin e lidhjeve farefisnore ndërmjet kreut të Komunës, Muharrem Sfarqa, dhe konsorciumit “Isa Ingenering” dhe “Hajrushi”, të kontraktuar për mirëmbajtjen dimërore të rrugëve.

Periskopi.com Lajme

 

“Z. Jashari, tenderin për pastrimin e rrugëve të fshatrave (2 llote), i ka fituar kompania “Konsorciumi N.N.SH. “Hajrushi dhe Isa Ingeniering” nga Vitia, shkruan sot “Koha Ditore”.

Nënkontraktor është angazhuar kompania “GANI COMPANY” , pronë e Gani LESKOVCIT, e i cili është daja i kryetarit Sfarqa.

Pra, fjala është për të njëjtin Gani Leskovci, i cili që nga ardhja e Sfarqes në krye të Komunës, është përfolur për involvimin e tij në shumë tenderë, por që, me gjithë faktin se këto janë bërë publike, Prokuroria nuk i ka filluar asnjëherë hetimet”, thuhet në letrën publike të këtij subjekti.

Nëntë vjet nga ‘kurorëzimi’ PDK-LDK, ja si u shkoi qeverisja

Më 9 janar 2008 është formuar koalicioni qeveritar mes Partisë Demokratike të Kosovës dhe Lidhjes Demokratike të Kosovës me kryeministër Hashim Thaçin. Qeveria përbehej nga kryeministri dy zëvendëskryeministra dhe 17 ministra.

Periskopi.com Lajme

 

Qeveria është formuar pas zgjedhjeve të 17 nëntorit 2007, ku Partia Demokratike e Kosovës (PDK) ka fituar 34% të votave, Lidhja Demokratike e Kosovës (LDK) ka marrë 23% të votave, Aleanca Kosova e Re (AKR) 12% dhe Aleanca për Ardhmërinë e Kosovës (AAK) dhe Lidhja Demokratike e Dardanisë (LDD) kanë fituar nga 10%, Partia Reformiste (ORA) 4% dhe Partia e Drejtësisë (PD) 2%.

Të trembëdhjetë partitë minoritare kanë fituar gjithsej 5% të votave. Qeveria ishte fokusuar në pavarësi dhe kushtetutë, kurse paritë politikë kanë respektuar përkushtimin e tyre për të mbetur të bashkuara në periudhën mes deklaratës së pavarësisë dhe futjes në fuqi të kushtetutës.

Vëmendja e tyre ka filluar të zhvendoset kur në muajin prill Qeveria prezantoi strategjinë për 2008-2011. Partitë politikë opozitare kishin qëndrime më kritike ndaj qeverisë.

Qeveria kishte themeluar një komision për monitorimin e implementimit të ligjeve, i cili udhëhiqej nga zëvendëskryeministri. Në prill Kryeministri ka prezantuar para Kuvendit raportin për 100 ditët e Qeverisë dhe programin e Qeverisë për 2008-2011, kurse në korrik të 2008, Qeveria ka filluar të lëshojë pasaportat e Kosovës.

Në shtator, presidenti dhe kryeministri ishin pajtuar për të caktuar dhjetë përfaqësuesit e parë diplomatikë në disa prej vendeve që e kanë njohur deklaratën e pavarësisë së Kosovës.

Sipas raportit të progresit për vitin 2008, qeverisja lokale ishte forcuar deri diku. Në qershor ishte futur në fuqi legjislacioni i ri për kufijtë administrativ komunal, vetëqeverisjen lokale dhe financat lokale qeveritare dhe decentralizimin.

Përparimi i reformës për vetëqeverisje dhe rritja e kapacitetit administrativ për të lehtësuar decentralizimin ishin prioritetet kryesore në Partneritetin Evropian për Kosovën. Sidoqoftë, fokusi i qeverisë në çështjet që kanë të bëjnë me pavarësinë e ka mbajtur atë larg prej adresimit të çështjeve tjera. Qeveria ishte ballafaquar me disa vështirësi në prezantimin dhe koordinimin e prioriteteve të saj strategjike. Kuvendi, përfshirë anëtarët e koalicionit qeverisës, kanë kundërshtuar programin e qeverisë 2008-2011. Në disa zona me shumicë serbe, Qeveria kishte autoritet të kufizuar në polici, gjykata, dogana, transport, kufij dhe trashëgiminë serbe. Strukturat paralele administrative në nivel lokal janë konsoliduar dhe vazhdojnë të operojnë në shumicën e komunave me shumicë serbe, edhe nëse nuk janë operacionale në disa zona si jugu i lumit Ibër. Komunat në veri të Kosovës patën filluar të implementojnë legjislacionin serb për qeverisje lokale. Një numër i qytetarëve të Kosovës mbështeten në shërbimet e tyre si, dokumentet e udhëtimit, edukimin. Në qershor, Qeveria ka vendosur të zgjerojë mandatin e kryetarëve në Leposaviq, Zveçan, Zubin Potok, Shtërpcë, duke konfirmuar vendimin e mëparshëm të UNMIK-ut për të mos i validizuar rezultatet e zgjedhjeve lokale serbe, të mbajtura në maj të vitit 2008 në Kosovë.

Rikonfigurimi i ngadalshëm i UNMIK-ut ka çuar në disa paqartësi në disa fusha si te kompetencat e qeverisë (gllabërimi i Agjencionit Kosovar të Mirëbesimit). Efektiviteti i pjesëmarrjes se qeverisë në forume regjionale dhe ndërkombëtare është i kufizuar nga fakti që legjitimiteti i saj është i kontestuar nga vendet që nuk e kanë njohur.  Deklarimet për ndërhyrje politike në përzgjedhjen dhe caktimin e një numri për pozitat e rëndësishme (bordet e ndërmarrjeve publike) kanë ndikuar në kredibilitetin e qeverisë, thuhej në raport.

Me tej në raport theksohet se lajmërimet e parakohshme për regjistrimin e popullatës dhe dorëzimi i parakohshëm në Kuvend i shqyrtimit të buxhetit të mesit të vitit, bie ndesh me dispozitat e kushtetutës.

Megjithatë, më 17 shkurt 2008, ligjvënësit e Kosovës do të kryenin një akt historik me një rëndësi të madhe jetike për fatet e vendit; nënshkruan dhe miratuan solemnisht Deklaratën e Pavarësisë. Kjo datë shënon padyshim një nga ditët më me vlerë në historinë e  shtetit.

Do bëhesha ministër i Arsimit me një kusht

Deputeti i Partisë Demokratike të Kosovës, Nait Hasani shpesh herë nuk ka qenë në linjë të njëjtë me qëndrimet e subjektit që i takon. E këto qëndrime ai i ka shprehur kur doli kundër Demarkacionit me Malin e Zi sikurse edhe formimit të Gjykatës Speciale.

Lajmi.net Intervista

Ai në një intervistë për lajmi.net thotë se komisioni i formuar nga Qeveria për ta matur territorin e Kosovës është vetëm sa për “sy e faqe”. Madje një situatë e tillë sipas tij mund të shkaktoj kaos dhe humbje të shpresës. Flet edhe për rezultatin e PISA-së dhe thekson se qëndron mbrapa fjalëve të tij se ministri i Arsimit duhet të burgoset, pasi të shkatërrosh arsimin, sipas Hasanit është sikur ta shkatërrosh një popull. Ndërkaq thotë se do ta pranonte postin e ministrit të Arsimit vetëm me një kusht.

Z.Hasani, në vitin që e lamë pas Kuvendi i Kosovës është përballuar me situata të rënda, për shkak të veprimeve të partive opozitare, ku edhe është hedhur gaz lotsjellës. A mund të na përshkruani se si jeni ndier në ato seanca?

Hasani: Kuvendi i Kosovës në 2016-ën ka qenë edhe në 2015-ën në një gjendje të rëndë,  gjendje  që është përmbledhë më të gjitha dëmet dhe përparësitë. Një Kuvend ku është dashtë të debatohet, të jepen mirëkuptime, në këtë Kuvend kanë ndodh ngjarje të cilat ndoshta për imazhin e Kosovës kanë qenë të pahijshme por megjithatë ato kanë ndodh. Nuk janë përjashtim ose diçka e jashtëzakonshme pasi këso raste kemi edhe në Kuvende tjera të botës por megjithatë ka qenë një gjendje e rëndë. Tani diskutimet që janë bë edhe po bëhen janë po ashtu përparësi, besoj që tash duhet të stabilizohet  gjendja në të ardhmen dhe që viti 2017 të jetë një vit më ndryshe, si në zhvillimin ekonomik edhe në çështjen e Kuvendit.

Qeveria e Kosovës ka marr vendim për formimin e një komisioni për matjen e territorit, për të shuar dilemat lidhur me demarkacionin me Malin e Zi. Ju jeni njeri nga deputetët që keni pasur dilema për këtë marrëveshje. A prisni që të zgjidhet kjo çështje me këtë matje?

Hasani: Unë asnjëherë nuk kam pasur dilema në mendimet dhe qëndrimet  e mija, kemi debatuar në Kuvend nëpër komisione, me parti dhe gjithherë e kam pas mendimin tim se Kosova humb territor dhe nuk mund të pajtohemi në këtë formë.  Gjithnjë kemi kërkuar gjetjen e zgjidhjes dhe të mos e shtimë në konflikt vetveten tonë për çështjen e territorit, prandaj Komisioni që e ka kërkuar Qeveria është një komision sa për të thënë sepse kjo nuk  e zgjidh çështjen. Kjo krijon edhe një mundësi të kaosit dhe humbjes së shpresës.

A mendoni se do të ketë zgjedhje në fillim të vitit 2017, dhe ku e shihni PDK-në pas zgjedhjeve nacionale?

Hasani: Unë mendoj që rrethanat që tregojnë janë se ne nuk duhet të kemi zgjedhje edhe në 2017-ën dhe zgjedhjet do të duhej të fillojnë ndoshta në pranverën e vitit 2018. Deri atëherë nuk i dihet rrjedhave politike. 2017-ta do të jetë një sfidë jo vetëm për PDK-në pasi kemi një Gjykatë Speciale që do ta fillojë punën, pra është një gjendje që në fund do të tregojë edhe për zgjedhjet.

Vlerësoni se koalicioni me LDK-në ishte gabim, pasi ka pasur shumë analiza që këtë Qeveri e kanë quajtur si më e dobëta?

Hasani: Unë atëherë kur është miratuar e kam thënë që është një koalicion jo i natyrshëm  jo i mirë dhe nuk ka një perspektivë të zhvillimit ekonomik.

Gjykata Speciale pritet të nis punën në fillim të vitit. A prisni drejtësi nga ky proces dhe a mund të  prodhojë ndryshime politike?

Hasani: Nuk mund të them që mund të ketë ndryshime politike por  ajo do të ndikojë në politikë, për shkak  se varësisht prej rrethanave, akuzave që do t’i ngritë, të gjitha janë pjesë që do të ketë ndikim në politikën e Kosovës dhe mandej krejt kjo do të ndikojë edhe në zgjedhjet e ardhshme.

Ju jeni edhe kryetar i komisionit për Arsim dhe vazhdimisht keni qenë kritik ndaj gjendjes në arsimin e Kosovës dhe së fundmi më rezultatin e PISA-s. Çfarë duhet bërë sipas jush që kjo gjendje të ndryshojë për të mirë në të ardhmen?

Hasani: Unë jam kryetar i komisionit për Arsim në Kuvendin e Kosovës. Kemi diskutuar shumë herë për projektligjet në fushën e arsimit dhe kulturës, ne  kemi kërkuar që ligjet të plotësohen dhe ndryshohen përmirësohen, në të njëjtën kohë rezultati i PISA-s ka treguar se na nuk kemi cilësi në arsim, kemi vetëm fjalë. Ministri me veprimet e veta ka dështuar, këto ditë ka deklaruar përsëri se do të ketë një test shtetëror për studentë  që do ta kryejnë nga viti i ardhshëm fakultetin me 50 pyetje. Kjo tregon që ne nuk kemi një strategji  për të arritur cilësi të arsimit por kemi vetëm fjalë dhe deklarata publike. Mendoj që fusha e arsimit është një fushë  më e ndjeshme që përmbledh të gjitha familjet në Kosovës. Çdo familje ka të bëjë me arsimin, pra ka nevojë që të mos ndryshohen ligjet por të ndryshohen individët, përderisa ministri Arsim Bajrami kur nuk ka mundur t’i ndryshojë individët i ka ndryshuar individët. Arsimi përmirësohet kur kemi një inspektorat cilësor, dhe që i bën kontrollet.

Po ashtu duhet të mos bëhen eksperimente me kurrikula dhe me sistemin e Bolonjës në Arsim. Sistemi i Bolonjës në Arsim Kosovën e ka shkatërruar e që përfaqësues politik i kësaj marrëveshje është Arsim Bajrami.

Pas rezultateve të PISA-s ju keni kërkuar edhe burgosjen e ministrit të Arsimit, Arsim Bajrami. A ka qenë një reagim emocional apo ende mendoni kështu?

Hasani: Unë asnjëherë s’kam vuajtur nga një çrregullim i emocioneve por kam deklaruar se testi i PISA-s është përgjegjësi e ministrisë së Arsimit dhe duhen përgjigjur me arrestime dhe burgosje çdokush sepse ka shkelje, sepse të shkatërrosh një arsim është shkatërrim i një populli.

Nëse do ju ofrohej posti i ministrit të Arsimit, a do të pranonit?

Hasani: Në rrethana të tilla me qenë ministër i Arsimit unë e kisha pranuar vetëm me një kusht që vetëm me i pas duart e lira për me punuar në Arsim./Lajmi.net

Kjo është lista e re e Serbisë për ‘terroristët’ nga Kosova, aty janë edhe Thaçi dhe Veseli (FOTO)

Kur Nehat Thaçi u ndalua në Serbi kohë më parë, u tha se nuk kishte informata për një fletëarrest nga Beogradi. Njëjtë po thuhej edhe për Hilmi Kelmendin.

Periskopi.com Lajme

Këta të dy bashkë me një grup të madh të ish-pjesëtarëve të Ushtrisë Çlirimtare gjenden në një listë të re të autoriteteve serbe.

Por, derisa kjo listë mbetet të zbulohet, një tjetër tashmë është publike, dhe aty autoritetet kosovare deri diku mund ta marrin idenë se kush mund të ndalohet nga Serbia dhe nga shtetet që i zbatojnë në fletarrestet e saj.

Bëhet fjalë për “Librin e Bardhë” por në të nuk lihet gjë e zezë pa thënë për shumë nga udhëheqësit e Ushtrisë Çlirimtare të Kosovës, të cilët mbajnë pozita të larta shtetërore e politike.

Në mbi 180 faqe, Qeveria e Serbisë ka renditur 156, persona, që thuhet se janë koka e terrorizmit dhe krimit të organizuar në Kosovë.

Me fotografi e me biografi aty janë Presidenti i tanishëm i Kosovës, Hashim Thaçi, bashkë me Kryetarin e Kuvendit, Kadri Veseli, e paraardhësin e tij në këtë post Jakup Krasniqin, si dhe ish-kryeministrin, Ramush Haradinaj.

 

1 2 3 4 5 6 7 8 9 10 11 12 13 14 15 16 17 18 19

 

 

Mustafa: Të kërkuar nga INTERPOL-i janë 20 ish-pjesëtarë të UÇK-së

 

Fillojnë të dalim emrat: Zenun Pajaziti kandidat për Gjilanin

Shefi i Grupit parlamentar të PDK-së, Zenun Pajaziti mund të jetë kandidatë i kësaj partie për të parin e Gjilanit.

Periskopi.com Lajme

Pajaziti në emisionin “Republika” me Dardan Gashin ka thënë se nëse partia e tij e propozon ai do të kandidojë për kryetarin e Gjilanit.

Pajaziti ka thënë se megjithatë nuk është diskutuar zyrtarisht për kandidatët e mundëshëm për zgjedhjet komunale, kjo sigurisht do të bëhet në një të ardhme të afërt.

Zgjedhjet e rregullat komunale në vend do mbahen në fund të këtij viti.

Rrëfim ndryshe i Ganimete Musliut: Njeriu adekuat për kryeministër është Kadri Veseli

Deputetja e PDK-së Ganimete Musliu rrëfen jetën e saj.

Periskopi.com Lajme

Ka shumë njerëz të dashur përreth saqë vështirë thotë emrat e tre prej tyre, nëse do e ndryshonte profesionin thotë se do bëhej fotografe, tregon filmin dhe librin e preferuar, e thotë se nga kafshët pëlqen më së shumti kalin.

Në një rrëfim për Periskopi.com ajo tregon për shoqërinë me Leonora Jakupin dhe lidhjen e saj me UÇK-në.

Tregon liderin e duhur për Kosovën, ndërsa thotë se për kryeministër i duhuri do të ishte Kadri Veseli.

E lindur dhe rritur në Bak, në komunën e Skenderajt, thotë se ka shëtitur në shumë vende të Evropës, qoftë në kohën kur i dëbuan nga Kosova qoftë këto 17 vitet e pasluftës, por për të jetuar, thotë se nuk do dëshironte askund tjetër, përveç se në Kosovë. Qyteti s’ka rëndësi pastaj për të.

Shkollën fillore e ka përfunduar në Qirez, shkollën e mesme pastaj në Polac kurse fakultetin në Prishtinë.

Përveç studimeve thotë se ka ndjekur shumë kurse dhe trajnime të cilat që nga viti 2000 janë ofruar nga organizatat e ndryshme vendore dhe ndërkombëtare dhe thotë se është përgatitur në njëfarë mënyre për të qenë pjesë aktive e politikës.

“Kam më shumë se tre njerëz të dashur, prandaj nuk do ti cekë tani tre me emër. Janë të dashur për mua sepse janë me mua, pranë meje, në çdo situatë dhe në çdo kohë”, thotë Musliu për Periskopi.com

Musliu thotë se nëse do të ndryshonte profesionin, do t’i interesonte të bëhej fotografe.

Tregon për lidhjen e saj me UÇK-në dhe flet për fryrjen e listave të veteranëve.

“Lidhja ime me UÇK-në është LIRIA! Lidhja ime me UÇK-në ka të bëjë ekskluzivisht me respektin e madh që kam për sakrificën dhe trimërinë e kombit tim. I jam falënderuese për çdo ditë që ne jetojmë të lirë dhe do vazhdoj gjithë jetën time ti mbaj në piedestalin më të lartë vlerat e ushtrisë tonë të lavdishme”, thotë ajo.

Fryrje e listave të veteranë e sheh si një turp ndërsa vlerëson se dënimet që u janë bërë dhe po u bëhen ish – luftëtarëve janë lojëra politike.

“Dënimet e UÇK-së janë dëshmi e lojërave politike dhe se nuk kanë të bëjnë shumë me drejtësinë dhe parimet e saja. Këto dënime dhe këto procese të cilat po zhvillohen para syve tanë janë turpi që do rëndoi mbi ne përgjatë gjithë historisë, kurse fryrja e listave të veteranëve të UÇK-së do të jetë turpi që do rëndoi mbi personat të cilët e kanë bërë një gjë të tillë dhe mbi ata persona që kanë lejuar një gjë të tillë”, thotë ajo.

Musliu tregon për shoqërinë me Leonora Jakupin, që vazhdimisht i shohim bashkë.

” Jemi shoqe. Unë mendoj që kemi një miqësi shumë të sinqertë dhe për këtë arsye nuk luan shumë rol a kalojmë shumë kohë bashkë apo jo, me rëndësi është që mund të llogarisim në njëra tjetrën dhe kur të kemi kohë të takohemi dhe të kalojmë kohën bashkë. Leonorën e çmoj për natyralitetin e saj, për karakterin e saj dhe për gatishmërinë për të qenë gjithmonë pranë familjes, miqve por edhe pranë personave që kanë ndonjë nevojë për të”, shpjegon ajo.

Ganja thotë se nuk do të ndryshonte asgjë në jetën e saj.

Pranon që secilin mund të bëjë gabime në jetë, por ajo thotë se nga to duhet mësuar për të sfiduar jetën.

“Fatmirësisht nuk mund të them që në jetën time kam bërë ndonjë gabim të pafalshëm në qoftë se mund të themi se ka gabime të tilla. Jam njeri dhe njeriu shpesh lufton me vetveten dhe në ndonjë moment dëshpërimi mund të mendon se nuk duhet të jetë shumë i sinqertë apo të punoi me shpirt, por unë në raste të tilla zakonisht jam mbështetur dhe vazhdoj të mbështetem në vlerat dhe traditën time familjare dhe kombëtare dhe kjo ka rezultuar të jetë rruga më e mirë për mua. Jam e sigurt se puna e sinqertë dhe vlerat e mirëfillta i mbijetojnë çdo furtune”, thotë Musliu.

Kosova ka personalitete të spikatura për të udhëhequr me vendin, sipas saj, dhe thotë se shumë të tillë janë bashkëpartiak të saj,

” Tani për tani ne kemi një president që e meriton atë post duke e ditur përvojën e tij dhe sfidat të cilat ka arritur ti menaxhoi dhe ti tejkaloi me sukses, kurse për kryeministër mendoj që njeriu adekuat është kryetari aktual i Kuvendit z.Kadri Veseli”, thotë Ganime Musliu për Periskopi.com

Hobi ka fotografinë, ndërsa kohën e lirë e kalon duke shëtitur në natyrë, lexim, me familje dhe shoqëri. Një pjesë të kohës së lirë e shfrytëzon edhe për të takuar qytetarë anembanë Kosovës.

Libri që i pëlqen më së shumti është “Schuld und Sühne” (Krim dhe ndëshkim) nga Dostojevski, e të cilin e ka lexuar në gjuhën gjermane.

Musliu thotë se filmi “Gone With the Wind” është i pëlqyeri i saj dhe e ka shikuar disa herë. E thjeshtë thotë: “sepse më pëlqen”.

“Jam rritur në fshat dhe kemi pasur pothuajse të gjitha llojet e kafshëve shtëpiake. I dua kafshët. Do veçoja ndoshta kalin si kafshë madhështore dhe po të kisha mundësi do mbaja kuaj”, thotë ajo për Periskopi.com

Kur flet për ushqimet, thotë se nuk ka mjaft kohë për të gatuar, pavarësisht se di t’i bëjë të gjitha.

“Ushqimi duhet të jetë i shëndetshëm dhe mundësisht me produkte vendore. Për fat të mirë produktet vendore çdo ditë e më shumë po rrisin cilësinë e tyre dhe duke qenë se mund të shfrytëzohen llojet e ndryshme sezonale janë të freskëta dhe të shijshme. Me gatimet unë personalisht nuk jam keq, më keq jam me kohën që nevojitet për ti përgatitur”, thotë ajo.

Për në fund, ka një urim dhe porosi për të gjithë.

“Uroj që vitin që vjen të kemi më shumë dashuri mes veti. Të na udhëheq më shumë arsyeja e shëndoshë e më pak mllefet patetike. Të analizojmë më shumë e të gjykojmë më pak. Të kemi mundësi të punojmë sa më shumë dhe sa më mirë për një të ardhme më të mirë. Do dëshiroja që shoqëria jonë t´ju kthehet vlerave të traditës sonë të cilat janë vlera për të cilat na e ka lakmi bota. Do dëshiroja që rinia e vendit tim të përqendrohet në punë dhe në atë punë për të cilën ka talent. Vazhdoj të shpresoj shumë që kjo fazë e dëshpërimit kolektiv të tejkalohet dhe të zëvendësohet me angazhim dhe përpjekje për të përmirësuar jetën në Kosovë. Ky vend është i yni, kjo Kosovë është e jona dhe ne jemi ata që ose e bëjmë ose mbysim. Unë jam për ta bërë!”, përfundon Musliu./ Periskopi

Kadri Veseli sulmon kompanitë që bëjnë sondazhe

Kryetari i i PDK'së, Kadri Veseli ka komentuar sondazhet e fundit të bëra në Kosovë ku partia që ai udhëheq nuk po del aspak mirë.

Periskopi.com Lajme

Në një intervistë në Rrokum TV ai tha se PDK-ja ëhstë bindshëm më e mira, tha se u beson të gjitha sondazheve e në anën tjetër tha se o bëhen sondazhe nga kompanitë që nuk janë profesionale për këtë punë.

Kur u pyet nga gazetari se si e komenton sondazhin ku PDK-ja nuk është e para por Vetëvendosje, tha se e pranon edhe atë.

“Nuk jemi duke bërë gara kush është e para, vendos qytetari. Secili sondazh është pozitiv, a dini pse, për arsye se edhe ato momente kur bëhen sondazhe nga ato kompani që nuk janë profesionale, janë pozitive, sepse e kënaqin dikë kur e rrisin. Çdo Sondazhi i besoj”, tha ai duke qeshur./ Periskopi