E pabesueshme në cilën parti është kandidat Shaip Muja

Periskopi.com Lajme

Partia Demokratike e Kosovës në listën e saj për deputetë e ka futur edhe Shaip Mujën.

Kështu thonë burime të Gazetës Blic brenda PDK-së.

“Pjesë e listës është edhe Shaip Muja”, thonë burime të Gazetës.

Ndryshe, Muja ishte ndër deputetët më aktiv sa i përket çështjes së demarkacionit me Malin e Zi.

Ai përpos kundërshtimit të versionit aktual të demarkacionit, kishte paraqitur edhe propozimet e tija, për zgjidhjen e kësaj çështjeje.

Ndërkohë, nga kjo listë kanë mbetur shumë emra, si ai i Agim Çekut, i Adem Grabovcit e shumë figura të tjera të njohura.

Muja ishte një rast i rrallë sa i përket përfaqësimit të tij në Kuvend. Si deputet pati zgjedhur të ishte i pavarur por vazhdonte të ishte anëtar i PDK-së.

‘Kurbanët’ e Kadri Veselit

Periskopi.com Lajme

Lideri i Partisë Demokratike të Kosovës, Kadri Veseli, është dashur të përballet me një sfidë me të cilën paradhërsi i tij, tashmë presidenti I Kosovës, Hashim Thaçi, nuk ishte për- ballur asnjëherë.

Shkurtimi i listave të kandidatëve për deputetë. Nga 110 kandidatë sa do të duhej t’i kishte kjo parti për zgjedhjet e 11 qershorit, koal- icioni me AAK-në, “Nismën” dhe shtatë parti tjera të vogla ia ka lënë Veselit një listë gjysmake.

Rrjedhimisht ai ka bërë “Kurbanë” shumë prej fytyrave të rëndësihme të partisë. Atyre u prin ish-shefi i Grupit Parlamentar të PDK-së, Adem Grabovci. Vetë Grabovci ka thënë se ai është tërhequr vullnetarisht nga lista, ndërkohë që është ende e freskët në opinionin publik afera e tij “Pronto”.

Ndërkohë Veseli ka sakrifikuar edhe tre ish-ministrat e Partisë Demokratike. Hajredin Kuqi, Besim Beqaj e Justina Pula nuk kanë gjetur një vend në mesin e listës së liderit të ri të partisë më të madhe në vend në zgjedhjet e fundit.

E jashtë listës së Kadri Veselit ka mbe- tur edhe një prej ish-deputetëve që jo pak ishte ballafaquar me drejtësinë, siç është Latif Gashi, shkruan Zeri

Partia Demokratike e Kosovës mbrëmë nuk ka publikuar listën e saj përfundimtare, gjë të cilën pritet ta bëjë sot gjatë ditës. Megjithatë jo zyrtarisht, merret vesh së në listën e PDK-së, perveç liderit Kadri Veseli, janë edhe emrat si: Ganimete Musliu, Hajdar Be- qa, Nait Hasani, Andin Hoti, Mergim Lushtaku, Naim Bazaj, Bislim Zogaj, Bekim Haxhiu, Muharrem Xhemajli, Rafet Rama, Beatrisa Pista, etj.

Naim Bazaj që nuk la kërcënim pa bërë, Kadri Veseli ‘e rehatoi’

Periskopi.com Lajme

Naim Bazaj që kërcënoi PDK-në duke kërkuar të kandidohet për kryetar të Drenasit, e pastaj Veseli e bindi që të rikthehet në parti, kësaj radhe është kandidat për deputet në listën e PDK-së. Në kohën kur ai ‘i hëngri fjalët’ meqë edhe e ofendoi Veselin, u tha se i premtuan diçka, e tashmpo shihet, raporton Periskopi

Naim Bazaj, që ishte kandidat i pavarur për të parin e Drenasit, kishte folur për media duke dalë kundër kandidatit të PDK-së për kryetar të Komunës së Drenasit, Ramiz Lladrovci, duke thënë se ai nuk ka të drejtë të kandidojë pas është banori më i ri në komunën e Drenasit.

“Shkoni në qendrën e regjistrimit në Drenas dhe i merrni dëshmitë e tij sepse është e vërtetë që s’ka qenë kurrë banor i Drenasit. Pas luftës ai ka qenë banor i Prishtinës. Mund të them se Lladrovci është banori më i ri i Drenasit”, kishte deklaruar Bazaj i cili njëkohësisht është edhe Kryesues i Kuvendit Komunal në këtë komunë.

Menjëherë pas kësaj, ku qindra qytetarë ishin mbledhur për ta pritur ta shpallë kandidaturën e tij për kryetar, Bazaj doli para masës së bashku me kryetarin e PDK-së, Kadri Veseli, duke thënë se është tërhequr nga gara dhe se do të mbështesë PDK-në dhe ish-diplomatin e Kosovës në Shqipëri, Ramiz Lladrovcin.

E kjo i kushtoi me fishkëllima pikërisht nga elektorati që ishte mbledhur ta dëgjonte teksa ai do të shpallte kandidaturën e tij të pavarur. Qytetarët reaguan njëjtë edhe ndaj kryetarit të PDK-së, Kadri Veseli, ani pse ai dhe Bazaj u panë të jenë shumë të afërt.

Bazaj, e kishte krahasuar Veselin edhe me një nga figurat famëkeqe të ish-Jugosllavisë, Aleksandar Rankoviq.

“Nuk është e vërtetë që e ka emëruar Kryesia e Drenasit, por emërimin e Lladrovcit e ka bërë selia qendrore e PDK-së. Kryesia e Drenasit të gjithë ishin të pakënaqur me emrin e Lladrovcit dhe nuk e mbështeten emrin e tij pothuajse askush. Por Kadri Veseli erdhi me zarf si në kohën e Rankoviqit dhe tha: ‘Urdhëroni ky do të jetë kryetari’”, kishte thënë Bazaj.

Një kthim prapa në karrierën e Bazajt, shpërfaqë faktet se ai ka qenë i lidhur edhe me raste ilegale.

Mirëpo, Naim Bazaj del të jetë një person kontravers, pasi që pikërisht para dhjetë vitesh ai ishte arrestuar gjatë një operacioni të Shërbimit Policor të Kosovës, ku atij dhe Skenderbe Hebibit e Mursel Bilallajt i cili gjetur një sasi e madhe armatimi, duke përfshirë edhe topa pa dridhje, maska dhe granata antitank.

Atë kohë kishte qenë kryetar i Degës së Aleancës për Ardhmërinë  e Kosovës, në Drenas dhe këshilltarë në Ministrinë e Punës dhe Mirëqenies Sociale. Menjëherë pas arrestimit kishte reaguar edhe ministri i Ministrisë së Punës dhe Mirëqenies Sociale, Ibrahim Selmanaj, i cili e kishte shkarkuar nga detyra e këshilltarit politik.

Edhe partia e drejtuar nga Ramush Haradinaj e kishte përjashtuar nga partia.

“Kryesia e Aleancës për Ardhmërinë e Kosovës, përmes një komunikate për media të enjten, ka njoftuar se për shkak të implikimeve në aktivitete të kundërligjshme dhe në shpërpushje me qëndrimet e vazhdueshme të partisë për rend, ligj, qetësi dhe siguri në Kosovë, e ka përjashtuar nga partia Naim Bazajn, kryetar i deritashëm i Degës së AAK-së në Drenas”, thuhej në njoftimin e AAK që mbanë datën 21 dhjetor 2006.

Sipas raportit të Policisë së Kosovës, të asaj kohe, Bazajt gjatë bastisjes i ishin gjetur një sasi e konsiderueshme e armëve, sikurse 116 copa granata artilerie si dhe granata antitank me dhe pa fragmente të kal 75 mm;dy armë automatike (mitrolez)të kalibrit 7.62 PKT; një top pa dridhje të kalibrit 75 mm; 2 granata dore së bashku me mbajtëse të armatimit (gjoksore); një sasi e uniformave ushtarake; disa maska kundër helmit dhe mbi 2500 fishekë të kalibrave të ndryshëm.

Pasi kishte kaluar përballjen me drejtësinë, duke mos u kaluar kohë në burg, Bazaj prej AAK-së ku ishte përjashtuar kishte aderuar në PDK.

Në zgjedhjet e fundit ai bëhet kryesues i Kuvendit Komunal të Drenasit, deri në fund të tetorit të këtij viti, ku kryetari i Drenasit, Nexhat Demaku, u dënua përfundimisht nga Gjykata e Apelit.

Pikërisht në fillim të nëntorit, Bazaj e kishte shpallur kandidaturën e tij si kandidat i PDK-së për Drenas, por pa bekim të PDK-së në qendër, që tashmë nuk udhëhiqej nga Hashim Thaçi, por Kadri Veseli.

Për 17 ditë të tëra ai kishte bërë fushatë nëpër shumë fshatra të Drenasit duke e konfirmuar vetën si kandidat i PDK-së, për kryetar, por që tek në ditën e 9-të të nëntorit PDK-ja kishte zgjedhur Ramiz Lladrovcin.

Kjo e kishte indinjuar dhe kishte bërë që ai të shpallej kandidat i pavarur.

Kishte shumë mbështetje, deri në natën e enjte të 17 nëntorit 2016, kur befasisht tha se tërhiqet nga gara dhe mbështet Lladrovcin.

Përkundër kritikave të shumta gjatë kësaj nate ai tha se do t’i bind votuesit e tij që të votojnë për Lladrovcin dhe PDK-në.

“Do ti bindim të gjithë se kjo ka qenë për hirë të Drenicës, territorit të Komunës së Drenasit dhe për hirë të gjithë atyre bashkëluftëtarëve që janë nëpër burgje, dhe besoj se do të binden edhe ata të dalin në zgjedhje”, tha Bazaj.

“ I madh e i vogël do të jem së bashku deri në fitore”, shtoi ai teksa hipi në veturë dhe la pas qytetarët e indinjuar për këtë veprim.

Periskopi merr vesh se ai është pjesë e listës së PDK-së për deputet të Kuvendit të Kosovës.

PDK-ja iu hakmor deputetit që nuk ia bënte ‘amin’ shefit në gjithçka

Periskopi.com Lajme

Partia Demokratike e Kosovës(PDK) ka lënë jashtë listës për deputetë në zgjedhjet parlamentare, ish-deputetin e Kuvendit të Kosovës nga radhët e kësaj partie, Shukri Buja.

Buja, i cili është pjesë përbërëse e PDK-së prej shumë vitesh, është lënë jashtë listës së kandidatëve për deputetë për shkak se ka një aktakuzë të ngritur.

Në muajin shkurt të këtij viti, Prokuroria Speciale e Republikës së Kosovës kishte ngritur aktakuzë për “keqpërdorim të detyrës zyrtare” ndaj Bujës.

Aktakuza ka të bëjë me keqpërdorime të Bujës nga koha kur mbante postin e kryetarit të Komunës së Lipjanit.

Zyra e BE-së në Kosovë u ka bërë thirrje gjatë kësaj jave parive politike që të mos përfshijnë në listat për deputetë, njerëz që kanë aktakuza të ngritura.

 

Djali i Ukshin Hotit dhe ai i Sami Lushtaku, bashkë në një listë

Periskopi.com Lajme

PDK a zgjedhur që në një listë t’i ketë edhe djalin e Sami Lushtakut e edhe atë të Ukshin Hotit.

Edhe pse listat zyrtare ende nuk janë publikuar, mësohet se Mërgim Lushtaku dhe Andin Hoti janë sigurt pjesë e listës së PDK-AAK-NISMA, por ata janë në radhët e PDK-së.

Përderisa Ukshin Hoti është i zhdukur dhe nuk dihet asgjë për të, Sami Lushtaku ndodhet burgjeve për krime./ Periskopi

Fillojnë mospajtimet PDK-NISMA

Periskopi.com Lajme

Militanti i PDK-së Alban Zulfaj, nëpërmjet një komenti në lajmin që është publikuar në MalishevaPress ku Kryetari i Nismës në Malishevë Ragip Begaj, njëherit edhe Kryetar Komune kishte bërë ftesë për pjesëmarrje në Konventën e Nismës, i ka quajtur mjeranë si dhe siç ka thënë ai “Bëjeni mbylljen e kësaj të ashtuquajture Nisma”.

Zulfaj sipas burimeve është nip i Kryetarit të PDK-së në Malishevë, Isni Kilaj.

Pakënaqësitë e votuesve dhe militantëve të këtyre dy subjekteve në Malishevë janë shumë të mëdha me arritjen e koalicionit PDK-AAK-NISMA.

Ditë më parë kishte dhënë dorëheqje njëri ndër personat më të rëndësishëm të Partisë Demokratike të Kosovës asambleisti Ahmet Rrahmanaj.

Lista jo e plotë PDK-së (Emrat)

Periskopi.com Lajme

Kjo është lista e PDK-së:

Kadri Veseli,

Enver Hoxhaj,

Hajredin Kuçi,

Memli Krasniqi,

Xhavit Haliti,

Zenun Pajaziti,

Kurtan Kajtazi,

Safete Hadergjonaj,

Elmi Reçica,

Ganimete Musliu,

Blerta Deliu,

Abdyl Salihu,

Flora Brovina,

Rrustem Musa,

Selvije Halimi,

Hajdar Beqa,

Nait Hasani,

Flora Brovina,

Andin Hoti,

Mergim Lushtaku,

Naim Bazaj,

Muharrem Xhemajli,

Rafet Rama,

Bislim Zogaj,

Bekim Haxhiu,

Beatrisa Pista,

Luljeta Veseli-Gutaj,

Drita Kadriu

Dalin edhe emrat e kandidatëve tjerë për deputet nga PDK

Periskopi.com Lajme

Partia Demokratike e Kosovës ka dorëzuar në KQZ listën për deputet.

Këta janë disa nga emrat;

Kadri Veseli

Hajredin Kuçi

Enver Hoxhaj

Zenun Pajaziti

Muharrem Xhemajli

Xhavit Haliti

Bleta Deliu

Ganimete Musliu

Abdyl Salihu

Flora Brovina

Rrustem Musa

Selvije Halimi

Edhe koalicioni PDK-AAK-Nisma dorëzon listën

Periskopi.com Lajme

Në këto momente edhe koalicioni i madh PDK-AAK-Nisma për Kosovën në objektin e KQZ-së ka dorëzuar listat e kandidatëve për deputetë për zgjedhjet e parakohshme të 11 qershorit.

Kështu, gjithë subjektet që janë pjesë e zgjedhjeve tashmë kanë dorëzuar listat.

Nuk kanë folur për listën finale por kanë thënë se të shtunën publikohen emrat./Periskopi

Përçarje në PDK, vazhdon mbledhja maratonike

Periskopi.com Lajme

Pasdite është bërë me dije se PDK ka nisur një mbledhje ku do të diskutohet bashkë edhe me partnerët për kandidatët për deputetë dhe përpilimin e listës.

Kjo mbledhje është duke vazhduar edhe në këtë orë, kur ka mbetur vetëm edhe një orë deri në përmbylljen e afatit për dorëzimin e listave.

Asnjë nga zyrtarët e PDK-së nuk ka dalë deri tash nga selia e partisë për të dhënë edhe ndonjë informacion të mundshëm rreth mbledhjes dhe vendimit për listën, ndonëse aty janë parë tek kanë hyrë edhe partnerët e koalicionit.

Përfundimtare: Adem Grabovci jashtë listës së PDK-së

Periskopi.com Lajme

Partia Demokratike e Kosovës është në përfundim e sipër të listës me emrat e kandidatëve për deputetë të Kosovës.

Njëherësh kjo listë si duket do të ketë ndryshime rrënjësore. Është pikërisht deputeti njëherësh ish-shefi i Grupit Parlamentar të PDK-së, Adem Grabovci i cili ka konfirmuar për Indeksonline se tërhiqet nga kandidimi për deputetë.

Grabovci ka bërë të ditur se edhe pse ishte në listë, vullnetarisht ka zgjedhur që të mos kandidojë

“Unë vullnetarisht edhe pse jam në listën kandiduese do të bëjë përpjekje për t’u tërhjekur nga lista kandiduese për t’i lehtësuar punën të tjerëve që të jenë pjesë e kandidimit. Vetëm nga vullneti për t’iu dhënë shansin njerëzve të ri, frymës s re për të qenë në Partinë Demokratike të Kosovës. Do të jap kontributin tim maksimal aty ku ka nevojë partia, aty ku po përcaktohem”, ka thënë Grabovci.

Gjithashtu Grabovci ka theksuar se e gjithë kjo po bëhet që PDK t’i japë mundësinë të rinjve që të inkuadrohen në parti.

“Po bëjmë përpjekje për të futur një frymë të re në Partinë Demokratike të Kosovës dhe jam ithtar i kësaj frymë që t’i lëshohet rrugë gjeneratës së re. Partia ka Legjislativin është edhe ekzekutivin dhe partia që kanë nevojë për njerëz dhe unë do të përcaktohem që të jem në shërbim të partisë”, ka shtuar Grabovci.

Ka mbetur edhe pak orë deri në përfundim të kësaj liste dhe dorëzimit të saj në KQZ. Po ashtu duhet përkujtuar që PDK kësaj radhe në zgjedhjet nacionale të 11 qershorit do të shkojë në koalicion me AAK-në dhe Nismën për Kosovën.

Flet Nait Hasani, tregon nëse PDK iu hakmor apo e futi sërish në listë

Periskopi.com Lajme

Përpos Aleancës për Ardhmërinë e Kosovës asnjë parti tjetër ende nuk ka bërë publik emrat e kandidatëve të cilët do të jenë kandidatë për deputetë të Kuvendit të Kosovës.

Ndryshe deri në ora 00:00 pritet që listat e partive me emrat e kandidatëve të jenë të përmbyllura.

I kontaktuar nga Indeksonline, deputeti nga radhët e Partisë Demokratike të Kosovës, Nait Hasani ka theksuar se edhe vetë ai dhe shumë emra të tjerë të PDK-së janë në pritje.

“Nuk e di ende a do të jem kandidat pasi ende nuk ka asgjë konkrete, presim deri ora 21:00 kur edhe pritet që Kryesia t’i bëjë të ditur emrat. Kryetari pra bashkë me Kryesinë janë duke bërë përpunimin e kësaj liste”, ka thënë Hasani.

Gjithashtu Hasani është shprehur se nuk e di nëse emri i tij do të jetë pjesë e listës pasi sipas tij është numër i madh i personave të cilët presin të jenë kandidatë nga radhët e kësaj partie.

Duhet përkujtuar që në zgjedhjet nacionale të 11 qershorit, Partia Demokratike e Kosovës do t’i futet garës bashkë me Aleancën për Ardhmërinë e Kosovë si dhe Nismën për Kosovën, koalicion ky i lidhur ditë më parë me kandidimin e liderit të AAK-së për kryeministër të vendit.

7 ‘të mëdhenj ‘ nuk janë në listën e PDK-së

Periskopi.com Lajme

Partia Demokratike e Kosovës (PDK) ende nuk ka dalë me listën përfundimtare me emrat e kandidatëve për deputetë të Kuvendit të Kosovës.

Kryesia e PDK-së ka mbajtur takim për përpilimin e listës përfundimtare, e cila sonte duhet të dorëzohet në KQZ.

Telegrafi – nga burime të saja – mëson se pjesë e kësaj liste nuk do të jenë disa nga “figurat e mëdha të PDK-së”.

“Hajredin Kuçi, Besim Beqaj, Latif Gashi, Justina Shiroka, Fehmi Mujota, Shpresa Rama dhe Bajrush Xhemajli janë anëtarët të cilët me vetëdëshirë janë tërhequr nga kjo garë”, thonë burimet.

Mbledhja e radhës e kryesisë pritet të mbahet në orën 21:00.

Latif Gashi nuk është në listën e PDK-së për deputet, tregon arsyen

Periskopi.com Lajme

Anëtari i PDK-së, Latif Gashi ka konfirmuar se nuk do të kandidohet për deputet nga radhët e kësaj partie për shkak të aktvendimit nga Gjykata e Apelit.

Gashi për lajmi.net ka thënë se ka vendosur ta respektojë vendimin e Gjykatës së Apelit edhe pse pretendon se ai vendim ka qenë i padrejtë.

“Po unë kam hequr dorë nga posti i kandidatit për deputet. Me siguri e dini se kam dhënë dorëheqje nga pozita e deputetit mandatin që shkojë, pas aktvendimit të formës së prerë nga Gjykata e Apelit të cilin e kam respektuar”, ka thënë Gashi.

Ai gjithashtu e ka konfirmuar se do të vazhdojë të jetë pjesë e Partisë Demokratike të Kosovës, dhe pjesë e shtabit zgjedhor.

“E kam respektuar vendimin pasi 3 vite pas shpallje së aktvendimit Kushtetua e ndalin aktivitetin. Por do të jem anëtar i kryesisë dhe pjesë e shtabit zgjedhor, dhe do të kontribuojë dhe ftojë të gjithë qytetarët ta votojnë PDK-në”, ka deklaruar Latif Gashi.

Latif Gashi ka qenë i dënuar për kryerjen e krimeve të luftës ndaj popullatës civile nga Gjykata.

Tre emra të njohur jashtë listës së PDK-së

Periskopi.com Lajme

Hajredin Kuçi, Besim Beqaj dhe Justina Pula kanë pranuar të heqin dorë nga përfshirja në listën zgjedhore të PDK-së, në koalicionin me AAK-në e Nisma-n.

Ata janë shfaqur të gatshëm t’u lënë mundësi tjerëve të futen në këto lista, ka thënë një burim i Klan Kosova.

Tre personat në fjalë kanë thënë se janë të gatshëm për të pranuar detyrat dhe përgjegjësitë tjera që ua jep partia, në të ardhmen dhe nuk bëhet fjalë për kurrfarë pakënaqësie.

Fillojnë ‘sakrificat’ në AAK, shumë njerëz largohen nga lista për deputet

Periskopi.com Lajme

Avni Arfii nga AAK bënë të ditur se nuk do të jetë pjesë e listës në garën për deputetet të Kuvendit të Kosovës.

Arifi tregon se pas konsultimin me Ramush Haradinaj është marrë ky vendim.

Nuk duhet harruar se me koalicioni PDK-AAK-NISMA, listat mëparshme me deputetë ndryshojnë shumë, kështu që edhe përçarjet brenda partive janë më të mëdha ngase rritet numri i të pakënaqurve, raporton Periskopi

“Ndonëse e kam shpallur kandidaturën për deputet sot në konsulltim me kryetarin Haradinaj dhe kolegët tjerë nga partia vendosëm që të tërhiqem nga gara dhe të marrë përgjegjësi tjera. Falenderoj të gjithë ata që veç ma kishin premtuar përkrahjen dhe njëkohësishtë ju ftoj të gjithëve që të përkrahni kandidatët e AAK për deputet të Republikës së Kosovës”, thotë Arifi./ Periskopi

Bëhet e gjallë anëtarja e PDK-së, ka probleme me një anëtar të LDK-së

Periskopi.com Lajme

Anëtarja e PDK-së, Arbana Xharra që kur është sulmuar fizikisht nuk ka shkruar asgjë e as nuk është lajmëruar në publik.

Por ka qenë Lumir Abdixhiku që e ka nxitur kësaj radhe. Ky i fundit të enjten ka aderuar zyrtarisht në LDK, transmeton Periskopi

Abdixhiku që për shumë ditë e sulmoi atë që kaloi në PDK, te SHIK-u siç i thoshte ai, Xharra tash ish mikun e saj të dikurshëm, e quan hakmarrë primitiv, i thotë se ka nxitur dhunën ndaj saj e në fund i thotë hipokrit.

Shkrimi i saj:

Lumir, me paske sulmuar si zyrtar i LDK’se – turp per ty

Kur vendosa qe te behem pjese e PDK’se, sigurisht isha e vetedijeshme qe jo cdo kush do te ishte i kenaqur me vendimin tim. Puna ime si gazetare, shkrimet e mia per 17 vjet, kane krijuar opinione te ndryshme te njerezit e ndryshem. Pa dyshim qe secili prej tyre ka pase pritje te ndryshme per mua. Prandaj, diten kur e bera publik qendrimin qe po i bashkohet PDK’se, filloi nje stuhi e fuqishme ne rrejte sociale. Deri diku isha e pergatitur per nje gje te tille, per arsyet qe i permenda me lart. Por isha plotesisht e vetedijshme qe ne asnje rast, askush, nuk do te mund te thote qe Arbana Xharra e beri kete veprim per te perfituar materialisht, ose qe ne te kaluaren kishte perfituar materialisht. E shumta qe do te mund te akuzohesha, ishte se po beja gabim, e assesi ndonje shkelje te ligjit, ose qe e kisha ne mendje ndonje qellim per te shkelur ligjin.

Pra, po prisja reagime – edhe pse jo ne ato permasa cfare ndodhen. Mirepo nuk po prisja qe fushata denigruese te udhehiqej prej njerezve, prej atyre qe i konsideroja miq, prej atyre qe me kishin ardhur dhe u kisha shkuar ne shtepi, si bie fjala Lumir Abdixhiku.

Shkrimet e Lumirit ishin fleterrufe qe me shtangen. Gjuha e perdorur prej tij ishte gjuha e nje hakmarresi primitiv. Kjo behej edhe me djallezore, kur dihej qe ai kete po e bente nga pozita e perfaqesuesit te shoqerise civile. Lumiri po me gozhdonte, po nxiste ne dhune kunder meje, duke moralizuar se qysh akti qe une po e beja, futja ne politike, qenka njeri prej krimeve me te renda ne historine e njerezimit. Sigurisht qe nje gje e tille shitej mire nje opinion, sepse po vinte prej nje njeriu te paster dhe me pedigre te larte. Prej nje njeriu te panjolle. E gelltita me dhimbje te madhe. Kjo fushate kulmoi me nje rrahje brutale.

Tash disa fjale per djalin e panjolle, per ujin e bekuar, per profesorin e Riinvestit, ish mikun tim dhe te familjes, antarin me te ri te LDK’se, Lumirin.

Pra, Lumir, abuzove nga pozita e nje personi te rekrutuar nga nje parti politike, per te me goditur nga shoqeria civile, per te nderruar pozicionin tend vetem disa dite me vone.

U bere pjese e LDK’se, pjese e ekipit te Isa Mustafes, qe deri dje ishte pjese e “klanit pronto”, qe deri dje i koordinonte te gjitha veprimet me “shefin e ShIK’ut”, me “shefin e nentokes”.

A eshte e mundur qe je kaq i pacipe dhe kaq i paskrupullt?

A eshte e mundur qe je edhe kaq naiv, sa te mendosh qe ti nuk kuterbon?

A eshte e mundur qe ti i gozhdon njerezit, ne menyre qe pas disa ditesh te perfitosh brutalisht nga keto goditje?

Ti Lumir, e kemi pare edhe rastin e javeve te fundit, je rasti me eklatant i perzierjes se fushave, ne mes te biznesit dhe politikes. Ti ishe ne politike, edhe kur ishe ne biznes, e ishe ne biznes edhe kur ishe ne politike.

Mos te flasim pastaj – se paku jo per momentin – per milionat e familjes me tenderat e KEK’ut. Mos te flasim pastaj per shtepite tua gjithandej.

Hipokrit, kaq per momentin! / Periskopi.com

Përçarje në PDK, shkak koalicioni me AAK-NISMA

Periskopi.com Lajme

Pas marrëveshjes për koalicion parazgjedhor të PDK-së me AAK-në e NISMA-n, kanë shpërthyer paknaqësi në partinë e Kadri Veselit.

Portali “Infokusi” ka kontaktuar gjatë ditës me disa përfaqsuës të strukturave të larta të PDK-së, të cilët kanë treguar se koalicioni i kryetarit të tyre me kreun e AAK-së, Ramush Haradinaj dhe atë të NISMA-s, Fatmit Limaj po konsiderohet shumë i dëmshëm për partinë me të madhe në vend.

Ata thonë së Kadri Veseli gaboj rëndë në pazarin e marrëveshjes me Ramushin e Limajn.

“Një pjesë e madhe në PDK janë të tronditur se si Kadri Veseli pranoj t’ia jap postin e kryeministrit, Ramush Haradinajt. Përveç kësaj, nuk po arrin ta kuptojnë si është e mundur të kenë edhe 50 % në ndarjën e listave për deputetë”, ka thënë një anëtar i kryesisë së PDK-së duke kërkuar mos t’i publikohet emeri për shkak të ndikimit që mund të këtë brënda partisë.

Ai ka sqaruar edhe një detaj tjetër i cili sipas tij e bën PDK-në humbësin më të madh në gjithë këto pazare të medha që u bënë brenda pak orëve të mbrëmshme.

Ky është fakti se partia e Kadri Veselit nuk do të ketë në listën zgjedhore më shumë së 40 kandidatë për deputet.

Koalicioni me parti të vogla i zë vendin PDK-së në listën e përbashkët prej 20 vendeve, 60 të tjera janë të AAK e NISMA-s.

“Prej 120 kandidatëve sa do të jenë në liste, 60 i takojnë partnerit AAK e Nisma, 20 janë të partive të vogla dhe 40 mbesin për kandidatët e PDK-së. Ky fakt nuk mund të përbihët leht për shkak së jemi partia më e madhe në vend, nga viti 2007. Nuk jam i sigurtë se çfarë do të ndodh me gjithë këto parti, nëse do të arrin Kadri Veseli t’a menagjoj këtë situatë. Kjo do të shpërthej në momentin kur do të bëhët lista”, ka thënë për portalin Infokusi.com ky anëtar i kryesisë së PDK-së.

Nuk mund ta besoni cilës parti iu bashkua motra e Elvis Pistës

Periskopi.com Lajme

Dega e Partisë Demokratike të Kosovës (PDK) në Rahovec ka propozuar për deputetë djalin e Ukshin Hotit dhe motrën e Elvis Pistës.

Andin Hoti dhe Beatrisa Pista janë ndër të propozuarit për deputetë nga PDK’ja në Rahovec.

Ukshin Hoti ishte veprimtar i çështjes kombëtare, i cili besohet se është vrarë nga forcat serbe dhe trupi i tij nuk është gjetur asnjëherë. Ndërkohë, Elvis Pista ishte anëtar i PDK’së në Rahovec, vrasja e të cilit nuk është zbardhur asnjëherë.

Këto propozime i ka dërguar dega e PDK’së në Rahovec, ndërkohë që këto propozime që vijnë nga secila degë e partive, duhet të konsiderohen në nivelin qendror të partisë, para se të vendoset kush do të bëjë pjesë në listën zgjedhore.

Më herët u raportua që PDK ka marrë 700 propozime nga degët e saj në gjithë Kosovën për deputetë.

Pa kaluar as 24 orë, PDK shkel marrëveshjen e koalicionit

Periskopi.com Lajme

Një marrëveshje e nënshkruar mbrëmë në orët e vona mes PDK-së me AAK-në e Nismën është shkelur menjëherë të mërkurën nga Kadri Veseli.

Kryetari i PDK-së, gjatë një vizite në Malishevë, ka lënë të hapur mundësinë që kjo parti të ketë kandidatë të saj për deputetë në Kuvendin e Kosovës, gjë që bije ndesh me marrëveshjen e nënshkruar për koalicion parazgjedhor.

Sipas marrëveshjes – ashtu siç e kanë sqaruar përfaqësues të Nismës – meqë Malisheva është bastion i PDK-së, PDK nuk do të nominonte asnjë kandidat për Kuvendin e Kosovës.

Por, Veseli tha sot se “këshilli drejtues dhe ju si degë vendosni qysh keni me kandidu në këtë komunë”.

“Sot e pata kënaqësinë ta vizitoj sërish Malishevën. U zotova para qytetarëve të Malishevës, para përkrahësve tanë, se ne do t’ia sjellim Malishevës Fillimin e Ri për një zhvillim të hovshëm dhe të gjithmbarshëm, veçanërisht në bujqësi dhe në prodhim”, ka shkruar Veseli në llogarinë e tij në Facebook pas kësaj vizite.

Nisma për Kosovën ka bastion Malishevën, nga ku vjen edhe kryetari i këtij subjekti, Fatmir Limaj. Së bashku me Jakup Krasniqin, ata kanë qenë zyrtarë të lartë të PDK-së para se të largoheshin për të krijuar partinë e tyre.

PDK-AAK-Nisma nënshkruan në minutat e fundit të ditës së martë një koalicion parazgjedhor, si kundërpërgjigje të një koalicioni tjetër të nënshkruar disa më herët në mes të LDK-së, AKR-së, dhe Alternativës.