U zhgënjeva në Arsenalin tim, pasi nuk më bënë trajner

Ish-kapiteni i Arsenalit, Patrick Vieira ka zbuluar dëshirën e tij për të drejtuar skuadrën nga Emirates Stadium.

Periskopi.com Sporti

Por, ai thotë se kjo nuk ndodhi, pasi klubi në fjalë nuk kishte qenë i interesuar për një gjë të tillë.

Tutje, ai thotë se ndihet i zhgënjyer nga ky vendim i drejtuesve të Arsenalit.

“Është e vërtetë se Arsenali është klubi i zemrës sime. Aty kam kaluar nëntë vjet”, deklaroi Vieira.

“Aty kam luajtur futbollin tim më të mirë dhe do të më pëlqente po të ishte e hapur dera për mua. Doja të mësoja për t’u bërë trajner”, shtoi ai.

“Për fat të keq, ky nuk ishte rasti. Unë kam qenë me fat që kam arritur te Manchester City në momentin e duhur, por është e vërtetë se u zhgënjeva pak në lidhje me Arsenalin”, përfundoi francezi. /Periskopi.com

Vieira kritikon Arsenalin

Periskopi.com Sporti

Legjenda e Arsenalit, Patrick Vieira ka adresuar disa kritika ndaj ish-klubit të tij.

Klubi nga Emirates Stadium po kalon një periudhë të vështirë në sezonin e ri, ku në dy ndeshjet e para ka marrë vetëm një pikë.

Francezi thotë se ‘topçinjve’ po i mungojnë lojtarë të fortë fizikisht, ndërsa shton se në klub duhet të ketë vend edhe për legjendat e klubit, të cilët mund të ofrojnë punë të mirë brenda gjigandit londinez.

“Brezi im ka pasur lojtarë shumë të fortë fizikisht. Në pesë ose gjashtë vjetët e fundit, Arsenali ka pasur më shumë lojtarë teknik. Ndërsa grupi ynë i të ‘pamposhturve’ të vitit 2004 i kishte të gjitha”, deklaroi Vieira.

“Kur e shikoj Arsenalin, ata luajnë futboll të mirë. Por, unë mendoj se atyre u mungon diçka, dhe kjo është prezenca e duhur fizike. Ata kanë qenë zhgënjyes, duke humbur ndeshje të cilat është dashur t’i fitojnë”.

“Jam i zhgënjyer që në Arsenal nuk punojnë ish-lojtarët e këtij klubi. Do të ishte mirë që lojtarët e rinj të shohin një Thierry Henry, një Freddie Ljungberg, ose një Martin Keown, të cilët kanë qenë në klub për shumë vjet dhe që kanë punuar në akademinë e klubit. Unë nuk e kuptoj këtë, sepse dera duhet të jetë e hapur për ta, por nuk e di pse Arsenali po e bën këtë”. Periskopi.com