Ambasada amerikane dhe OSBE kanë një paralajmërim për subjektet politike në Kosovë

Periskopi.com Lajme

Ambasada e SHBA-ve dhe OSBE-ja, ftojnë të gjitha partitë dhe subjektet politike të Kosovës t’i ndërpresin të gjitha format e frikësimeve politike, thuhet në një deklaratë të përbashkët.

Në këtë njoftim thuhet se garuesit politik Kosovarë kanë të drejtë elementare demokratike për të zhvilluar fushatë bazuar në idealet e tyre për të ardhmen e kësaj shoqërie dhe duhen të jenë në gjendje ta ushtrojnë këtë të drejtë pa qenë të kërcënuar apo të frikësuar.

“Ftojmë të gjithë liderët politik që t’i refuzojnë dhe ti dënojnë të gjithat format e frikësimeve, kurse nga Task Forca Zgjedhore presim që në përpikëri t’i hetoj të gjitha raportet e çfarëdo përpjekjeje të marrë për ta manipuluar këtë proces demokratik”, thuhet në deklaratën e Ambasadës amerikane dhe OSBE-së.

Reklamë
Reklamë

E konfirmon Vatikani: Katër Papë me origjinë shqiptare

Periskopi.com Lajme

“Osservatore Romano”, që është gazeta zyrtare e Vatikanit në Romë, ka publikuar një artikull të Giovanni Armillota me titull: “Pope Clement XI and the Albani Family”. E këtë shkrim e ka shpërndarë ambasadori i deritanishëm i Norvegjisë në Kosovë, Jan Braathu, që është shef i Misionit të OSBE-së në Kosovë.

Në këtë artikull gazetari italian ka pasur për fokus ndërtimin e një biografie të shkurtër të Papës Clement XI dhe të familjes së tij, Albani, me prejardhje shqiptare, por pa lënë të pa cituar dhe emrat e të tre papëve, më të hershëm, që gjithashtu mësohet të kenë patur origjinë shqiptare.

Papa Saint Eleutherius (175-189) besohet të jetë Papa i parë ne Vatikan me origjinë shqiptare.

Sipas artikullit në fjalë, Eleutherius ka shpërndarë masivisht mesazhin e Biblës në shumë vende të Perandorisë Romake, transmeton Periskopi

Papa Saint Caius (283-296) njihet si Papa i parë që vendosi rregullat strikte të sjelljes dhe hierarkitë mes peshkopëve të vatikanit. Gjithashtu gjatë periudhës së papatit të Caius në fronin perandorak të Romës ka hipur një nga figurat më të njohura të antikitetit, Diokleciani.

Papa John IV (640-642) gjatë papatit të tij nuk e harroi kurrë origjinën e tij shqiptare dhe sipas historianëve ky Papë ka dërguar dhe ndihma konsistente popullit të Dalmacisë që ndodhej nën zgjedhën e serbëve dhe hordhive barbare. Papa Clement XI (1700-1721) është Papa më i vonë me origjinë shqiptare.

Sipas ‘Osservatore Romano’ familja e Clement XI është pagëzuar me mbiemrin “Albani” pasi rridhte nga një familje e zhvendosur në Urbino të Italisë, por që kishtë luftuar në krah të Skënderbeut gjatë çerekshekullit të rezistencës ndaj okupimit Turk.

Papa Clement XI pasi mësoi për origjinën e tij shqiptare, u interesua shumë për rilindjen politike dhe fetare të atdheut të tij.

Gjatë kësaj periudhe vetë “Këshilli i parë Kombëtar Shqiptar” (1703) u mblodh dhe u brumos pikërisht nga udhëzimet klerikale në lidhje me çështjet dogmatike, morale, kanunore dhe baritore. Gjithashtu, gjithmonë sipas “Osservatore Romano”, Papa Clement XI ka dhënë një kontribut të madh në unifikimin e kishës, duke e arritur një rezultat pozitiv, përkohësisht, dhe në trojet shqiptare ndërsa njihet dhe për dështimin që pati në orvajtjen për konvertimin në katolicizëm të Carit Rus, Pjetri i Madh./ Periskopi

Reklamë
Reklamë

Qeveria miraton në heshtje mbajtjen e zgjedhjeve të Serbisë në Kosovë

Qeveria e Kosovës ka miratuar në heshtje mbajtjen e zgjedhjeve presidenciale të Serbisë në Kosovë.

Periskopi.com Lajme

OCBE sqaron se ka marrë këtë miratim, duke u munduar që qendrat ku do të votohet, t’i quaj si qendra grumbullimi dhe degë përkatëse. Për opozitën një gjë e tillë është e papranueshme, pasi që po shkelet Kushtetuta dhe Serbia po cenon sovranitetin e vendit.

Deputetja nga radhët e Vetëvendosjes Albulena Haxhiu, thotë për KosovaPress, se për ta është e papranueshme heshtja e Qeverisë në këtë rast, kur kemi të bëjmë me shkelje të Kushtetutës dhe cenim të sovranitetit.

“Nuk është hera e parë që Serbia po e cenon sovranitetin tonë, nuk është hera e parë që Serbia po organizon zgjedhje në territorin e Republikës së Kosovës, kështu ka ndodhur dhe në zgjedhje tjera parlamentare, kështu po ndodh dhe në zgjedhjet presidenciale. Për ne si Lëvizje VV është e papranueshme heshtja e Qeverisë. Keni parasysh që janë hapur diku 90 vendvotime në mënyrë që qytetarët serb që jetojnë në Kosovë, të votojnë në zgjedhjet e Serbisë, dhe arsyetimi për këtë është për shkak të dy shtetësisë. Kjo natyrisht që nuk qëndron për faktin se edhe qytetarët serb jetojnë dhe në vende tjera të Bashkimit Evropian, mirëpo nuk po hapin qendra si ta zëmë në Gjermani, Zvicër,  Francë apo vende tjera. Pra për neve si VV është e papranueshme sidomos heshtja e Qeverisë, mirëpo, shkelja e Kushtetutës që po e bëjnë këta njerëz. Natyrisht se e kemi kundërshtuar një gjë të tillë….kjo nuk po bëhet vetëm që qytetarët serb të votojnë, por qëllimi i Serbisë është ta zbatoj në përpikëri Kushtetutën që e konsideron Kosovën si pjesë të Serbisë, për ne është e papranueshme, mirëpo për sa kohë kemi njerëz në Qeveri të cilët i janë nënshtruar në plotni Qeverisë së Serbisë, nuk ka rrugëdalje përveç se t’i heqim këta njerëz për ta ndalur Serbinë“, tha ajo.

Por ky veprim nuk përbën shkelje të Kushtetutës për zyrtarë të LDK-së. Sadri Ferati thotë se mbajtja e zgjedhjeve të Serbisë në Kosovë, nuk është shkelje e Kushtetutës së vendit. Ai madje përshëndet institucionet e vendit, të cilat nuk janë marrë fare me këtë çështje.

 

“Unë mendoj që nuk është shkelje e Kushtetutës. Ka pasur edhe OSCE edhe neve na ka ndihmuar në zgjedhjet në Kosovë, ka qenë e lajmëruar që t’i ndihmoj ato zgjedhje, që të kenë qendra ku do të votojnë qytetarët. Shihet se është një entuziazëm shumë më i vogël se sa në të kaluarën. Nga ana tjetër vet marrja e lejes për hyrje dhe mbajtja e këtyre mitingjeve nga politikanë serb, e tregon se edhe ata dalëngadalë çdo ditë e më tepër janë dhe po e reflektojnë atë se Kosova është një shtet fqinjë të cilin duhet me respektuar…. Unë i përshëndes institucionet e Republikës së Kosovës, të cilat nuk janë marrë me atë se si do ta shpreh vullnetin një qytetar i Kosovës, që e ka fituar të drejtën me votu për një vend tjetër. E rëndësishme është se edhe në Beograd ka filluar të kuptohet se shteti i Kosovës është në forcim e sipër dhe të cilin duhet me respektu ”, tha ai.

Ndërkaq, shefi i Grupit parlamentar të PDK-së, Zenun Pajaziti thotë se më e rëndësishme, se ajo se duhet të mbahen zgjedhjet apo jo, është ndalja e manipulimit që Beogradi po bënë me qytetarët serb në Kosovë, në vend se ata të ndihmohen të integrohen.

“Më shumë se sa ajo se a duhet lejuar apo duhet të ndaluar, duhet që vet qytetarët serb të ndalin një proces të përsëritur të manipulimit të tyre nga Beogradi. Veç kur ka zgjedhje ata vijnë të votojnë dhe në fakt se ky është veçse një manipulim i radhës. Institucionet e Kosovës duhet të veprojnë në përputhje me ligjet që janë në fuqi. Asnjë aktivitet ilegal nuk duhet lejuar, porse qytetarët që kanë dy shtetësi në Kosovë, kemi nga të gjitha komunitetet që posedojnë dy shtetësi kanë të drejtë të votojnë aty ku e kanë të drejtën të votojnë, aty ku kanë një shtetësi tjetër. Ata mund të shkojnë të votojnë atje. Institucionet e Kosovës nuk kanë asnjë lloj përgjegjësie për organizimin e këtyre zgjedhjeve, përkundrazi ne vlerësojmë se Beogradi po i përdor serbet për qëllimet e tyre politike, për më tepër po i manipulon në të gjitha rastet, jo vetëm në proceset politike por në të gjitha rastet e mundshme. Mendoj që kjo duhet njëherë e përgjithmonë të ndalet, pra më shumë se sa një proces teknik i zgjedhjeve, që mund të bëhet nëpër shtëpi private, t’i mbledhin kutitë e t’i manipulojnë ato, më e rëndësishme është që të ndalet kjo mënyrë e manipulimit. Një president i zgjedhur me vota të tilla, në mënyrë të tillë duke i mbledhur kutitë nëpër rrugica, nëpër shtëpi, nëpër vende të fshehta, nuk është asgjë tjetër, veçse proces jolegjitim dhe institucione jolegjitime”, tha ai.

Ndërkaq presidenti i vendit, Hashim Thaçi, në një intervistë për KosovaPress, pati deklaruar se institucionet e vendit do të marrin vendim për mbajtjen e zgjedhjeve të Serbisë në Kosovë, mbi bazën e Kushtetutës dhe ligjeve në fuqi, si dhe në bashkërendim me bashkësinë ndërkombëtare.

“Është një paradoks që përderisa vet serbët e Kosovës bojkotojnë institucionet, tash kemi një rrethanë të mundësisë për organizimin e zgjedhjeve apo kërkesës për organizimin e zgjedhjeve serbe në Kosovë. Përgjigjen për këtë do ta dhënë institucionet në mënyrë unike në ditët e ardhshme dhe në koordinim me bashkësinë ndërkombëtare. Por, çdo vendim do të jetë i bazuar në Kushtetutën dhe ligjet e Kosovës e Kosovës…që do të thotë se do të respektohet Kushtetuta dhe ligjet e Kosovës”, tha Thaçi.

Ndryshe, misioni i OSBE-së në Kosovë, ka bërë të ditur se do të ndërmarrë një operacion të grumbullimit të votave, duke hapur katër qendra grumbullimi dhe degë përkatëse nëpër Kosovë me prani të stafit të OSBE-së, në kontekst të zgjedhjeve presidenciale të Serbisë. Për të ndërmarrë këtë operacion, OSBE bënë të ditur se ka marrë një kërkesë nga Beogradi dhe miratimin e Qeverisë së Kosovës.

OSBE do të jetë bartëse e operacionit në Kosovë, duke përfshirë edhe ruajtjen e materialit të ndjeshëm dhe integritetit të procesit. Procedurat do të jenë të njëjta me ato të viteve të kaluara. Me t’u përmbyllur operacioni, OSBE do t’i bartë votat e grumbulluara në Rashkë dhe Vranje dhe do t’ia dorëzojë ato Komisionit Zgjedhor Republikan (RIK) për procedura të mëtutjeshme.

Reklamë
Reklamë

OSBE: Ende asnjë përgjigje për mbajtjen e zgjedhjeve serbe në Kosovë

Gjatë disa javëve të fundit, misioni i OSBE-së është duke zhvilluar takime për mbajtjen e zgjedhjeve presidenciale të Serbisë në Kosovë.

Periskopi.com Lajme

Ky mision ka pasur takime me aktorët relevant në Prishtinë dhe Beograd, duke përfshirë edhe Komisionin Qendror Zgjedhor të Serbisë, ka thënë zëdhënësi i këtij misioni Senad Saboviç për Tanjug. Ai ka thënë se konsultimet për mbajtjen e këtyre zgjedhjeve ende nuk kanë sjella rezultate përfundimtare.

Zgjedhjet presidenciale në Serbi do të mbahen më 2 prill.

 

Reklamë
Reklamë

Ende vazhdojnë konsultimet për zgjedhjet serbe në Kosovë

Zëdhënësi i Misionit të OSBE-së në Kosovë, Senad Shaboviq deklaroi të shtunën se edhe më tej po vazhdojnë konsultimet rreth mbajtjes së zgjedhjeve presidenciale serbe në Kosovë.

Periskopi.com Lajme

“Kemi pasur disa kontakte me akterët relevantë si në Prishtinë, po ashtu edhe në Beograd. Sapo të kemi sqaruar të gjitha detajet do të njoftojmë publikun”, ka thënë Shaboviq për agjencinë serbe të lajmeve Beta.

Ai ka thënë se shpreson se kjo do të ndodhë ditëve të ardhshme. Sipas tij, OSBE nga ana teknike është e gatshme të zbatojë procesin e grumbullimit të votave në Kosovë.

Komisioni Zgjedhor i Serbisë para dy ditësh ka miratuar udhëzimin për mbajtjen e zgjedhjeve në Kosovë, i cili parasheh se zgjedhjet në Kosovë do të mbahen me mbështetjen e OSBE-së, i cili mision do të përkujdeset për transportin e materialit zgjedhor nga kalimi kufitar deri te vendvotimet dhe anasjelltas.

Udhëzimi parasheh pasi që OSBE ka konfirmuar se ekzistojnë kushte për transport të sigurt, materiali zgjedhor të transportohet nga vendvotimet në selinë e komunës Rashkë dhe qytetin e Vranjës, ku do t’i dorëzohen koordinatorit të Komisionit Zgjedhor të Serbisë.

Kryetari i Komisionit Zgjedhor të Serbisë, Vladimir Dimitrijeviq ka deklaruar dje se janë keqdashëse pohimet për planet për vjedhje në zgjedhjet në Kosovë dhe se komisioni që ai drejton vazhdimisht është në kontakt me Misionin e OSBE-së në Prishtinë, në mënyrë që votimet në zgjedhjet presidenciale të jenë të sigurta dhe në pajtim me ligjin.

Reklamë
Reklamë

OSBE-ja, garanton zgjedhjet presidenciale të Serbisë në Kosovë

Periskopi.com Video
Reklamë
Reklamë

Veseli: Asociacioni do të themelohet në pajtim me Kushtetutën

Kryetari i Kuvendit të Republikës së Kosovës, Kadri Veseli, ka pritur të premten sekretarin e përgjithshëm të OSBE-së, ambasadorin Lamberto Zannier, të cilin e ka falënderuar për mbështetjen e vazhdueshme të Misionit të OSBE-së për vendin tonë, sidomos në ndërtimin e institucioneve demokratike.

Periskopi.com Lajme

Kreu i Kuvendit të Kosovës e ka konsideruar të nevojshme vazhdimin e bashkëpunimit me këtë mision, në funksion të forcimit të mëtejmë të demokracisë dhe ofrimit të asistencës në shumë sfera.

Veseli e ka njohur Zannier edhe me zhvillimet aktuale në vendin tonë, me theks të veçantë për çështjen e demarkacionit me Malin e Zi, duke e konsideruar të rëndësishme ratifikimin e marrëveshjes.

Lidhur me Asociacionin i komunave me shumicë serbe, Veseli tha se ai do të themelohet në pajtim me Kushtetutën dhe mendimin e Gjykatës Kushtetuese.

Nga ana e tij, Zannier konfirmoi përkushtimin e misionit të OSBE-së për të vazhduar mbështetjen për institucionet e Kosovës edhe në të ardhmen.

Reklamë
Reklamë

Përfaqësuesi i PDK-së në KQZ: Kërkesa e O’Connell cenon pavarësinë e KQZ-së dhe të shtetit

Periskopi.com Lajme

Ambasadori i Britanisë së Madhe, Ruairi O’Connell, i ka kërkuar Kryetares së Komisionit Zgjedhor, Valdete Dakës, që misioni i OSBE-së dhe stafin e saj të kenë qasje të duhur në qendrat e votimit dhe stacioneve në ditën e zgjedhjeve, në mënyrë që të sigurojë një vlerësim profesional të zhvillimin e procesit.

Mirëpo, kjo gjë po kundërshtohet nga PDK-ja.

Përfaqësuesi i këtij subjekti politik në KQZ, Ilir Gashi, ka thënë se kjo kërkesë cenon sovranitetin e KQZ-së e edhe pavarësinë e Kosovës.

Më poshtë statusi o plotë i Gashit:

Shkresa e Ambasadorit O’Conell, drejtuar Kqz -s, nëse permban versioni anglisht sikur se shqip, ateher cenon sovranitetin e Institucionit te Pavarur dhe në një forme, edhe te pavarsis se Kosoves!

OSBE mund te jetë vezhguese e procesit zgjedhor dhe kaq!

Shkresa e Ambasadorit, bie ndesh me deklarimet e Keshillit te Sigurimit se Kosova ka organizuar zgjedhje te lira dhe demokratike!

Nuk guxojm te kthehemi në vitin 2002! /Periskopi/

Reklamë
Reklamë

Shefin e OSBE-së e gëzojnë akuzat e ngritura dhe dënimet në Kosovë

Drejtuesi i OSBE-së në Kosovë, Jan Braathu që është pjesë e panelit të diskutimeve për integrimet evropiane në seminarin e Asamblesë Parlamentare të NATO-s që po zhvillohet në Prishtinë, tha se po e gëzojnë aktakuzat e ngritura dhe dënimet.

Periskopi.com Lajme

“Jemi të lumtur kur shohim jo vetëm aktakuza të shumta, por edhe dënime”, tha Braathu.

Por ai tërhoqi vëmendjen se ndërtimi i institucioneve demokratike nuk bëhet shpejt.

“Institucionet e Kosovës janë të reja, ndërtimi i tyre merr kohë. E ndërtimi i institucioneve të Kosovës është thelbi i mandatit të OSBE-së. Tani jemi angazhuar në përmirësimin e punës së institucioneve”, tha Braathu.

Kreu i OSBE-së tregoi se kë përkrah misioni i drejtuar prej tij.

“OSBE-ja ka ndihmuar edhe Kuvendin. Tash po punojmë në fuqizimin e grupeve parlamentare joshumicë, por edhe me gratë deputete dhe rolin e tyre. OSBE-ja ka përkrahur edhe ndërtimin e institucioneve të drejtësisë. Jemi të angazhuar edhe për institucionet gjyqësore në veri. Por mbeten edhe sfida”, tha Braathu.

Ai foli edhe për gazetarët dhe lirinë e shprehjes.

“Kemi liri të zhvilluar mirë të mediave dhe liri të shprehjes. Por kemi mundësi edhe për më shumë gazetari hulumtuese. Siguria e gazetarëve është fushë ku ne punojmë. Misioni ynë ka bashkëpunuar me Asociacionin e Gazetarëve të Kosovës dhe Shoqatën e Gazetarëve Serbë të regjistruar në Kosovë”, tha Braathu.

Ai lavdëroi edhe Policinë e Kosovës. “Policia e Kosovës është storje suksesi,” tha Braathu.

Ambasadori foli edhe për reformën në institucione.

Po punojmë edhe në harmonizimin e akteve ligjore mes institucioneve lokale e qendrore. Por, kemi edhe sfida, por gjerat po lëvizin. Në vend që të importohen praktika nga vende tjera, gjëja më e mirë është që të gjejmë forma që do t’i përshtateshin më së miri Kosovës”, tha Braathu.

Para se të drejtojë OSBE-në në Kosovë, Braathu ishte ambasador i Norvegjisë në vendin tonë.

Reklamë
Reklamë