Mocioni ka mbështetje edhe nga deputetë të PDK-së e LDK-së

Periskopi.com Lajme

Deputeti nga radhët e NISMA-s, Haxhi Shala ka deklaruar që kjo parti ka vlerësuar që të gjitha institucionet janë jashtë funksionit si pasojë e keqqeverisjes andaj edhe e kanë parë të arsyeshme nismën e mocionit për votëbesimin e qeverisë.

Sipas Shalës, përveç partive opozitare këtë mocion po e mbështesin edhe deputetë nga partitë e koalicionit gjithashtu edhe nga minoritetet.

“Ka mbështetje të madhe nga opozita, mirëpo edhe nga deputetët e partive pozitare dhe nga deputetë të minoriteteve. Shefat e grupeve parlamentare të AAK-së dhe NISMA-s, janë duke mbajtur takime për të formuar tekstin e mocionit, i cili do të jetë i gatshëm javën e ardhshme” ka thënë Shala në një intervistë në Info Magazine të Klan Kosovës.

Tutje Shala ka shtuar që aktualisht nuk kanë ndonjë koordinim me partitë pozitare, LDK-në dhe PDK-në, megjithatë deputetë nga të dy këto parti, sipas tij do të vendosin nënshkrimet në mocionin për rrëzimin e qeverisë, njofton Klan Kosova.

Dardan Sejdiu: Jemi të gatshëm për bashkim opozitar

Periskopi.com Lajme

Njëri nga njerëzit më me ndikim në Vetëvendosje, Dardan Sejdiu në emisionin “Personale” në RTV Dukagjini ka theksuar se ata janë të gatshëm për një koalicion opozitar.

Sipas tij, një koalicion i cili do ta ndryshoj qeverisjen në vend, raporton Gazeta Blic.

Ai ka folur edhe për prishjen e opozitës.

Sipas tij, nuk ishte Vetëvendosje ajo që e prishi bllokun opozitar.

Sipas tij, gjithçka u prish tek lista zgjedhore.

Sejdiu ka folur edhe për Alternativën e themeluar nga Mimoza Kusari- Lila dhe Ilir Deda.

Sipas tij, ky pushtet nuk rrëzohet me formimin e subjekteve të reja politike.“Sa të jem në politikë, do të jem në Vetëvendosje”, tha ai.

Lulzim Basha tenton vetëvrasjen!

Anri Bala Opinione

Lulzim Basha, tenton për herë të dytë vetëvrasjen. Herë e parë, ishte kur mori vendimin “qesharak sekret”, për të kopjuar një çadër, sipas modelit “bunkeri” dhe për t’u ngujuar në të, në emër të demokracisë së “nëpërkëmbur”, nga qeveria e “krimit” pa bërë asnjë krim.

Futja në çadër, kishte si qëllim rritjen e interesimit dhe ndjeshmërisë së partnerëve ndërkombëtar, për atë që po ndodhte në Shqipëri. Modeli që zgjodhi, ishte ai sllavo-maqedonas, por me sens të kundërt. Ndërsa miku i tij Gruevski kërkon qeveri pas votimeve… por pa shqiptarë, Basha kërkon qeveri para votimeve pa shqiptarë por… me pazar.

Ndërsa Gruevski nuk la ambasador amerikan dhe europian, përfaqësues të dipolomacisë dhe “gjykatës pa të drejtë vote” pa sharë e “goditur”, duke i akuzuar si ushtarë të Sorosit dhe Edi Ramës, Lulëzimi nuk la një fjalë t’i binte poshtë miku sllavi, me të njënjtat akuza që hodhi nga çadra , pa u skuqur dhe pa u zverdhur.

Qeveri pa votim nuk ndodh të bëhet dhe nuk do ndodhë kurrë, në një shtet të konsoliduar ligjor, siç është sot Shqipëria, anëtare e NATO-s dhe kandidate e penguar e BE-së, nga çadra, që i ka zënë rrugën angazhimit më të madh euro-amerikan… atij në drejtësi.

Ndaj qëllimi për ngritjen e një kauze me mashtrime dhe gënjeshtra, ishte një gabim i madh, një tentativë vetëvrasje për liderin “de jure”, i cili humbi dhe emrin dhe vulën, duke u quajtur kryetari i çadrës. Tani pistoleta i ka ngelur në tëmthin e majtë, me siguresë të hequr dhe gati për të shpërthyer, por e sigurtë është vetëm një gjë, që kjo do të jetë një alibi, sepse këmbëzën do i’a tërheqin të tijët, ata që me iniciativën donkishoteske i mori në qafë… i la pa karrige… pa parti… pa deputetë… pa gojë… si antiqeveritarë dhe opozitarë.

Dje dhe sot, ai bëri tentativën e dytë për vetëvrasje. Prej shumë kohësh, na është dukur si njeri me çrregullime psiqike. Fjalimet e tija qesharake si: “do vras, do pres, do vdes, do sakrifikohem, nëse ndodh kjo ose ajo”, tashmë janë kthyer në anekdota rrugësh e portalesh. Dalldija që e ka kapluar, e përzjerë me frikë dhe tmerr pë të ardhmen që e pret, e detyron që të mos mund t’i mbuloi simptomat e sëmundjes paranoiake. Duke menduar se njerëzit rreth e rotull kanë inteligjencë me standartet e tij, zoti Kryeçadër më në fund i “gjeti” armiqtë e vërtetë të demokracisë në Shqipëri.

Ashtu si dikur diktatori Hoxha, Basha tashmë me imagjinatën e një psiko-paranoiaku deklaron se: “Europianët, amerikanët dhe të gjithë ata që nuk e përkrahin atë: “udhëheqësin botëror të demokracisë çadriste”, janë të shitur dhe të blerë nga krimi, droga, korrupsioni dhe tek “krimineli” që nuk ka vrarë njeri… Edi Rama.

Të gjitha këto akuza i bën Lulzim Xhelal Basha, njeriu i “ndershëm dhe i pa përlyer”, që nuk ka vjedhur kurrë as vota dhe as prona, që nuk ka vrarë kurrë as pula dhe as lepuj… por njerëz, që ka shërbyer si informatorë tek të huaj, për t’i “shërbyer” çështjes kombëtare. Këtë, zanatin e informatorit, që ne i themi spiun pa pagesë, e mësoi në Kosovë, kur paguhej për të “mbrojtur” popullin serb nga “kriminelët” e UÇK-së.

Këtë profesion kaq të nderuar, nuk e harroi, ndaj në çdo vend që shkon si i ftuar apo i pa ftuar, me pagesë e bileta, apo me çeqe dhe blloqe, ai nuk harron pa sharë Shqipërinë dhe shqiptarët, që nuk i ka kapur paranoia si atë: Ëndrra për pushtet e një të marri, që nuk është i aftë në gjendjen që është, as të shërbej si pastrues koridoresh burgu, punë që nëse del nga çadra e pengimit të drejtësisë, shumë shpejt do e provoj i pari në kurriz!

Askush nuk të ndalon që të heqësh nga goja kasetën e vajtimit për drogën, që e bekove me vite, apo për krimin me shumë të vrarë, që je pjesë edhe vetë, si i pa gjykuar dhe i pa dënuar, por askush nuk të lejon që të tallesh me të ardhmen tonë. T’u drejtohesh atyre që kanë investuar dhe po investojnë në këtë vend, për një të ardhme më të mirë se janë hajdutë, të korruptuar dhe injorantë të painformuar, e sidomos e thënë nga ti… informatori i antishqiptarizmit, nuk është gjë tjetër veçse një krim, ndaj gjithë atyre që prosperitetin e Shqipërisë nuk e shikojnë siç e shikojnë anormalët.

Tashmë je i damkosur si gënjeshtarë e i pafytyrë. Mjafton të të kujtojmë një nga gënjeshtrat më ordinere, kur po të ndiqnin mijëra shqiptarë, në emisionin e mikut tënd Fevzo, ku maashtrove se, nuk kishe marrë pjesë në lëvizjen studentore të viteve 1991-’92, sepse na kishe qenë i mitur vetëm 7 vjeç, e sot me siguri duhet të jesh 33 për 34-tër. Kaq gënjeshtar dhe i pacipë je, sa fjalimet me heroizma për të glorifikuar veten, për ata që të njohin, janë si letër higjenike e përdorur. Mos u tall me të ardhmen tonë, ti “demokrat”, që nuk të lidh asgjë me demokracinë. As me ata që kujton se po i gënjen, por që nuk gënjehen kollaj dhe po u soset durimi, duke i’u servirur si miq dhe partnerë të Shqipërisë gjithfarë kllounësh me biografi sterr si e jotja, e që nga vendet që vijnë, përfaqësojnë “faqen e zezë” të politikanit të korruptuar.

Po ku të bëhen të gjithë bashkë xhanëm, italiani, austriaku, gjermani, ameriakano-greko anti shqiptari, që na e paraqite si anëtar i stafit të Trump, të gjithë personazhe barsaletash të padrejtësisë, korrupsionit dhe të krimit në vendet e tyre?! Kjo është pyetje retorike, sepse fjala e urtë që tenxherja e gjen kapakun, është shqiptare e mirëfilltë dhe nuk ka vend për ta “përshtatur”!

Për një gjë të jesh i sigurtë, e djathta europiane, që ti e quan të korruptuar, që nga Merkel, Hahn, Mogherini e deri tek Lu e Vlahutin, ta kanë dhënë “kartonin e verdhë”. Me deklarimet e fundit, shumë shpejt do të marrësh të “kuqin”, duke i humbur vendit opozitën, me largimin e PD nga PPE. Atëherë ti nuk do mund të shpëtosh nga vetvrasja politike dhe as nga kthetrat e drejtësisë që deri sot i je shmangur! /Zathur.Net/

Çka është mocioni i mosbesimit dhe çka nëse nuk ka vota të mjaftueshme

Deputeti i LDK-së, Arben Gashi, ka thënë se mocioni i mosbesimit ndaj kryeministrit pa pëlqimin e deputetëve, siç ka thënë ai, të pushtetit është i pamundur.

Periskopi.com Lajme

Ka numëruar arsyetim që gjenden në Neni 30 Mocioni i mosbesimit për Kryeministrin

  1. Me propozimin e një të tretës (1/3), përkatësisht të 40 deputetëve të Kuvendit, mund të merret mocioni i mosbesimit për Kryeministrin.
  2. Mocioni i mosbesimit, i nënshkruar nga së paku një e treta (1/3), përkatësisht nga 40 deputetë, pranohet kur për të voton shumica e të gjithë deputeteve të Kuvendit.
  3. Mocioni i mosbesimit vihet në rendin e ditës, jo me vonë se pesë (5) ditë dhe jo më herët se dy (2) ditë nga dita e parashtrimit të tij.
  4. Nëse mocioni i mosbesimit votohet për Qeverinë në tërësi, Qeveria konsiderohet në dorëheqje.
  5. Nëse mocioni i mosbesimit dështon, një mocion tjetër i mosbesimit mund të parashtrohet vetëm pas nëntëdhjetë (90) ditëve të ardhshme.

Edhe njohësi i çështjeve të Kuvendit, Albert Krasniqi, ka thënë se opozita e ka të vështirë inicimin e mocionit ndaj Qeverisë.

Krasniqi nga Instituti Demokratik i Kosovës, që monitoron punën e Kuvendit, në një intervistë për kp, ka thënë se opozita e ka të vështirë inicimin e kësaj nisme meqë duhen 40 nënshkrime të deputetëve, të cilat pa ndihmën e deputetëve të pozitës nuk mund t’i arrijnë.

“Konsideroj se do të jetë e vështirë vet inicimi i kësaj procedure, sepse kërkon një të tretën e votave të deputetëve, përkatësisht 40 nënshkrime të deputetëve dhe në rast se votojnë për këtë mocion të mosbesimit të kryeministrit duhen që të jenë së paku 61 vota për, çka nënkupton se duhet të dalin përtej votave të deputetëve opozitar, pra të ketë përkrahje edhe të partive që janë në pushtet. Në rast se i merr 61 e më shumë vota, atëherë qeveria konsiderohet e shkarkuar dhe vendi shkon në zgjedhje të jashtëzakonshme. Mirëpo në rast se nuk kalon ky mocion i mosbesimit atëherë për 90 ditë të tjera nuk ka të drejt të inicimit të një mocioni të ri të mosbesimit të Qeverisë”, tha Krasniqi.

Por, për zgjedhje të parakohshme janë shprehur edhe disa nga deputetët e pozitës e në veçanti ata nga Partia Demokratike e Kosovës. Shaip Muja, Shukri Buja dhe Nait Hasani tash e disa javë edhe publikisht kanë kërkuar që të prishet koalicioni LDK-PDK dhe vendi të shkojë në zgjedhje.

Dy partnerët e koalicionit, kur kishin nënshkruar marrëveshjen për bashkëqeverisje, në një prej pikave të marrëveshjes është edhe pika për mospërkrahjen e mocioneve që vijnë nga palët tjera.

Arrestohet gjatë protestës lideri kryesor i opozitës ruse

Lideri kryesor i opozitës ruse, Alexei Navanly është arrestuar gjatë një proteste anti-korrpsion në Moskë.

Periskopi.com Lajme

Këtë e kanë bërë të ditur dëshmitarët për BBC, teksa kanë pohuar se protestuesit tentuan ta parandalonin furgonin e policisë i cili po e tërhiqte liderin e tyre gjatë protestës së organizuar, njofton Klan Kosova.

Navalny është i njohur për fushatën e tij anti-korrupsion, i cili ka në shënjestër zyrtarët e lartë në afërsi të Kremlinit.

Edhe pse u arrestua, thuhet se ai ka kërkuar nga të pranishmit që të vazhdojnë protestën edhe pa prezencën e tij.

Nisma e AAK garojnë me listë të përbashkët, e lënë të hapur kthimin e VV-së

Nisma e AAK do të garojnë me një listë të përbashkët në zgjedhjet e reja.

Periskopi.com Lajme

Deputeti i AAK-së, Bali Muharremaj, lë të hapur mundësinë edhe për rikthimin e LVV-së, për çka thotë se mund të ketë marrëveshje të re në të ardhmen.

Këto komente i bëri në “Rubikon” të KTV-së.

“Nuk jemi ndarë përfundimisht pasi të gjithë jemi në opozitë. Nuk është e thënë se nuk mund të ulemi e të bisedojmë edhe një herë”, ka thënë ai.

 

 

E gjithë opozita në protestë për Ramush Haradinajn (Foto)

Protesta që po mbahet në sheshin "Skënderbeu" në Prishtinë në përkrahje të Ramush Haradinajt i ka bërë bashkë të gjithë pa dallime partiake.

Periskopi.com Lajme

Mijëra qytetarë janë mbledhur në shesh në protestë paqësore pas shtyerjes së vendimit për ish komandantin e UÇK-së, Ramush Haradinajn.

Anëtarët e shoqërisë civile, deputetë të PDK-së, Vetëvendosjes,  dhe të gjitha partive të tjera janë në rendin e parë të protestës./Indeksonline/

‘Hashim Thaçi po mashtron për vizat, po bënë presion që ta kaloj Demarkacionin!’

Përfaqësuesit e opozitës konsiderojnë se deklarata e Hashim Thaçit që nëse miratohet demarkacioni menjëherë do të ndodhë liberalizimi i vizave për Kosovë, është një mashtrim.

Periskopi.com Lajme

Deputetja e Lëvizjes Vetëvendosje, Shqipe Pantina ka theksuar për Gazetën Blic se “këto janë deklarata dëshpëruese të Thaçit i cili po përpiqet me çdo formë të bëje presion për kalimin e marrëveshjes se demarkacionit, të cilën  ai vet e ka nënshkruar”.

Sipas saj, Kosova natyrisht se duhet t’i ketë të  përcaktuara vijat kufitare me te gjithë fqinjët e saj përfshi Malin e Zi.

Por, shton ajo kjo marrëveshje duhet rishikuar dhe në  ato pjesë ku Kosova humb territor, të  korrigjohen ashtu siç ka qenë kufiri administrativ para shpërbërjes se Jugosllavisë.

Ndërsa, sekretari i Nismës për Kosovën, Bilall Sherifi thotë për Gazetën Blic se Thaçi është i fundit që ka të drejtë të flasë për  afatet e liberalizimin e vizave.

Sipas tij, Thaçi sa i përket afateve asnjëherë nuk ka qene i saktë me qellim a pa qellim.

“Ai në vitin 2010 ka deklaruar se liberalizimi i vizave do të ndodh për 15 muaj, dhe kanë kaluar me vite e nuk janë realizuar këto premtime. Sa here Thaçi flet për viza dijeni që nuk janë informata kredibile”, thotë Sherifi.

Sipas tij, Thaçi synim ka vetëm që ta kaloj demarkacionin që e ka nënshkruar, dhe në ketë mënyrë po i bën shantazh deputetëve.

“Nuk duhet të merren seriozisht deklaratat që Thaçi i bën për viza”, thotë Sherifi për Gazetën Blic.

Kurse analistët politik konsiderojnë se Thaçi e ka ekzagjeruar me deklaratat për liberalizimin e vizave.

“Deklarata e Presidentit Thaçi se po nuk kaloi demarkacioni tani qytetarët e Kosovës do të presin me dekada për lëvizje të lirë patjetër se është një hiperbolizim për të vënë nën presion deputetët dhe shoqërinë. Është shpërthim nervoz i një presidenti që nuk respekton demokracinë, demosin, të drejtën autonome në vendosje të deputetëve”, ka theksuar analisti politik, Jon Leka në një deklaratë të dhënë për Gazeta Blic.

Sipas Jon Lekës, kjo kampanjë nuk i takon atij.

“Është çështje e qeverisë. Ai duhet të thotë mendimin dhe të lusë por jo të kërcënohet për gjëra që nuk janë në duart e tij”, tha ai.

Leka shton se, nga ana tjetër tashmë është e vërtetë se pa rregullimin e demarkacionit nuk ka lëvizje të lirë.

“Për shkak të fajit të qeverive Thaçi – Mustafa qytetarët janë vënë në një pashtegësi të panevojshme që në diktat të vendosin për diçka që s’duan”, tha ai.

Protesta e opozitës në Tiranë, protestuesit qëndrojnë në shesh (Video)

Para dhjetëra mijërave njerëzve të mbledhur në Tiranë, kreu i Partisë Demokratike Lulzim Basha, ka thënë se janë aty për të marrë vendim e madh, që të largojë qeverinë e Edi Ramës.

Periskopi.com Lajme

Ai ka bërë thirrje shqiptarëve të tubuar aty që të qëndrojnë në shesh deri sa vendi të shkojë në zgjedhje të lira, e deri atëherë të krijohet një Qeveri teknike.

———————————————————————————-

Mijëra protestues janë mbledhur në bulevardin e Tiranës, së bashku me ta dhe kryetari i PD-së Lulzim Basha, ish kryeministri Sali Berisha, por dhe deputetë demokratë.

Protestuesit mbajnë në duar pankarta kundër Rilindjes, por dhe tre dordolecë me figurën e kryeministrit Edi Rama, ministrit të Punëve të Brendshme Saimir Tahiri dhe ministrit Ilir Beqaj, dy ministrat më të përfolur për korrupsion.

Protestues dhe anëtarë të Partisë Demokratike nga e gjithë Shqipëria janë nisur drejt Tiranës që herët në mëngjes. Nga Gjirokastra, Berati, Fieri, Kukësi, Korça dhe Elbasani, i janë përgjigjur thirrjes së kreut të Partisë Demorkatike mijëra qytetarë, të cilët janë nisur drejt kryeqytetit me dhjetëra furgona e autobusa.

Protesta e opozitës zhvillohet kundër qeverisë, e cila sipas Partisë Demokratike, është pozicionuar kundër zgjedhjeve të lira e të ndershme. Fillimi i protestës së sotme të opozitës, sipas policisë është programuar të zgjasë deri në orën 16.00, por në kërkesën e saj, Partia Demokratike, nuk e ka vendosur përfundimin e saj. Një ditë më parë Lulzim Basha tha se momentin e përfundimit të saj do e vendosin qytetarët.

Policia njoftoi një ditë më parë se nuk ka informacione për akte dhune gjatë protestës. Sot do të angazhohen rreth 1 mijë efektivë të komisariateve dhe Forcave të Ndërhyrjes së Shpejtë. Si rrjedhoje e masave të marra në kuadër të protestës, do të këtë bllokime të kufizuara në Bulevardin “Dëshmorët e Kombit” dhe në disa akse që lidhen me të.

Edi Rama / ARKIV

Ndodh edhe kjo: Edi Rama shpërndan protestën masive të opozitës

Në Tiranë një protestë masive po ndodh ende. Ajo është organizuar nga opozita atje.

Periskopi.com Lajme

E këtë protestë e ka shpërndarë në rrjete sociale vet Edi Rama.

Madje ka thënë se është krenar që po bëhen protesta si kjo, pa tela e gjemba, dhe asnjë frikë e trysni nga shteti.

Shkrimi i saj i plotë:

Vetëm 6 vjet më parë, Ziveri, Hekurani, Aleksi, Faiku u vranë nga pushkët e shtetit të kapur prej pushtetit, pikërisht në bulevardin ku në këtë moment protestohet, pa gardhe telash me gjemba dhe asnjë frikë e trysni nga shteti. Prandaj s’mund të mos jemi sot krenarë, edhe për këtë ndryshim kaq rrënjësor në rrugën tonë për të bërë shtet, ku padiskutim ka rezistencë e pakënaqësia të natyrshme.

Është padyshim një rrugë shumë e vështirë. Reformat e vërteta nuk janë aspak të lehta, madje shpesh janë operacione mjaft të dhimbshme. Por s’ka asnjë të ardhme të sigurt për vendin, shoqërinë, fëmijët tanë, pa i operuar me kurajo pjesët e kalbëzuara në vite të organizmit të shtetit. Shumica dërrmuese e shqiptarëve e kuptojnë këtë. Ata janë të vetëdijshëm edhe për vështirësitë, edhe për domosdoshmërinë e reformave.

Por s’ka dyshim se Shqipëria dhe shqiptarët e lënë 25 vjet në baltën e një tranzicioni të gjatë pa reforma, meritojnë vazhdimin me vendosmëri të tyre, e veçanërisht të reformës në drejtësi! E cila duhet zbatohet një orë e më parë duke filluar nga vettingu. Ne do të ndjekim e dëgjojmë me respekt, çdo shprehje pakënaqësie të pakicës, por nuk do të ndalemi asnjë minutë në përmbushjen e misionit tonë për të bërë shtet.

Ju uroj të gjithëve një fundjavë të mbarë!

Matoshi – kryeministrit: Nuk është marre me e lut opozitën (Video)

Analisti i RTV21, Halil Matoshi iu drejtua kryeministrit të Kosovës, Isa Mustafës, duke i thënë se nuk është marre që një kryeministër ta thërrasë opozitën për të ndërtuar një koncenzus kombëtar.

Periskopi.com Lajme

“Nuk është marre një kryeministër ose një president me e thirr opozitën përditë me i lut me ardh në takime edhe me ndërtu koncenzus kombëtar për çështje e mëdha të interesit vital të Kosovës të shtetit edhe të kombit”, tha ndër të tjerash Matoshi, shkruan rtv21.tv

Matoshi shtoi se duhet lutur dhe thirrur publikisht edhe serbët por edhe opozitën, kjo pasi që siç tha ai Kosova po humb shumë kohë e kemi sfida të mëdha shtetërore si ajo e formimit të ushtrisë.

 

 

 

Opozita e gatshme për rezistencë të fortë kundër Asociacionit dhe Demarkacionit

Partitë opozitare paralajmërojnë rezistencë të fortë për të mos lejuar kalimin në Kuvend të Marrëveshjes së Demarkacionit me Malin e Zi, si dhe themelimin e Asociacionit të Komunave me Shumicë Serbe. Ato thonë se nëse këto marrëveshje sillen në Kuvend do të rikthehet edhe gazi lotsjellës, shkruan sot, gazeta Zeri.

Periskopi.com Lajme

Deputetët e opozitës përsëri do të hedhin gaz lotsjellës në seancat e Kuvendit të Kosovës nëse Qeveria e Kosovës e riprocedon në legjislativ Marrëveshjen për Demarkacionin me Malin e Zi dhe Marrëveshjen për Asociacionin e Komunave me Shumicë Serbe. Megjithatë, partnerët e koalicionit qeverisës këmbëngulin se këto marrëveshje do të miratohen në Kuvend.

Bajram Gecaj, këshilltar i kryeministrit Isa Mustafa, ka deklaruar për gazetën “Zëri” se Kosova e ka për obligim ta themelojë Asociacionin.

“Ne e kemi obligim ligjor themelimin e Asociacionit të Komunave me Shumice Serbe. Prandaj do të themelohet në harmoni me ligjin e vitit 2013 dhe me vendimin e Gjykatës Kushtetuese”, ka thënë Gecaj, duke shpresuar “se opozita është mbushur mend dhe nuk do t’i kthehet metodave primitive të politikëbërjes”. “Të shpresojmë se janë mbushur mend e nuk do t’i kthehen metodave të tilla primitive”, ka deklaruar Gecaj.

Nëntë policë nën hetime për protestën e opozitës

Nëntë pjesëtarë të Policisë së Kosovës kanë përfunduar në hetime për shkak të dyshimeve se kanë tejkaluar përgjegjësitë e tyre gjatë ndërhyrjes në një protestë të opozitës, dy vjet më parë.

Periskopi.com Lajme

Sipas zëdhënësit të Inspektoratit Policor, Arbër Beka, pas përfundimit të hetimeve në lidhje me veprimet e zyrtarëve policorë gjatë kësaj proteste, nëntë raste janë trajtuar me elemente të veprës penale për keqtrajtim gjatë ushtrimit të detyrës zyrtare.

Protesta e 27 janarit solli për herë të parë përdorimin e pothuaj gjithë arsenalit që kishte në dispozicion Policia e Kosovës duke përdorur topat e ujit, autoblindat, kamionët e blinduar, gazin lotsjellës e plumbat e gomës.

Protesta u mbajt si reagim ndaj një deklarate së ish-Ministrit Aleksandër Jabllanoviq, ndërsa kërkohej nga kryeministri Isa Mustafa ta shkarkojë atë.

Sipas një raportit të Inspektoratit Policor të Kosovës, atë ditë nga përleshja u lënduan 107 policë, 53 protestues dhe 10 qytetarë.

Në këtë ditë, një polic kishte goditur deputetin e Lëvizjes vetëvendosje, Albin Kurti.

KALLXO.com e kishte xhiruar momentin kur Kurti u godit nga ana e policit të njësisë speciale.

Nuk ishin vetëm protestuesit ata që u lënduan e lënduan.

I pyetur nga KALLXO.com, se a ka pasur zyrtarë policorë të hetuar nga IPK-ja gjatë protestës së 27 janarit, zëdhënës i IPK-së, Arbër Beka tha se nga gjithsej 40 raste të dërguara në Departamentin për Krime të Rënda, 9 nga to kanë rezultuar me elemente të veprës penale apo keqpërdorim të detyrës zyrtare.

“IPK ka përfunduar hetimet, në konsultim dhe me udhëzim të prokurorit të rastit, ka dorëzuar në Prokurorinë Themelore konkretisht në Departamentin për Krime të Rënda në Prishtinë raportin përmbledhës për të gjeturat dhe veprimet e ndërmarra nga IPK. Nga gjithsej 40 raste, 4 raste IPK i ka dërguar në DSP për trajtim disiplinor, kurse në raportin përmbledhës për prokurorinë janë të përfshira 36 raste, ku 9 prej tyre mund të trajtohen si raste me elemente të veprës penale për keqtrajtim gjatë ushtrimit të detyrës zyrtare ose autorizimeve publike dhe lëndim trupor, ndërsa për 27 raste nuk është mundur vërtetohen apo të gjinden elemente të veprës penale”, tha Beka për KALLXO.com.

Sipas tij, IPK-ja ka zhvilluar një inspektim të jashtëzakonshëm në Policinë e Kosovës lidhur me vlerësimin e performancës policore në menaxhimin e protestës së 27 janarit të vitit 2015.

Opozita refuzon të bëhet pjesë e dialogut, kërkon zgjedhje

Partitë opozitare nuk do t’u përgjigjen thirrjeve të Qeverisë që t’i bashkohen dialogut me Serbinë, i cili është paralajmëruar të vazhdojë në nivel presidentësh dhe kryeministrash.

Periskopi.com Lajme

Nisma për Kosovën, fraksion ky i dalë nga Partia Demokratike e Kosovës, i ka bërë përgjegjës ish-kreun e PDK-së, aktualisht presidentin Hashim Thaçi, dhe kryeministrin Isa Mustafa për degradimin e dialogut, shkruan sot Koha Ditore.

Madje, sipas kryetarit të Këshillit Kombëtar të Nismës, Jakup Krasniqi, dialogu i filluar në vitin 2011 nga qeveria Thaçi 2, “pa ndonjë përgatitje serioze, nuk kishte shans të përfundonte ndryshe”.

“Nga atëherë deri më sot dialogu nuk u përdor asnjëherë si mjet për forcimin e shtetit të Kosovës dhe nxjerrjen e Serbisë nga veriu i vendit, por u përdor nga Thaçi për forcimin e pushtetit të tij personal dhe kthimin e Serbisë në Kosovë, përmes Listës serbe”, ka theksuar Krasniqi gjatë një konference për media.

Kundër dialogut me Serbinë nga Franca është deklaruar edhe kryetari i AAK-së, Ramush Haradinaj, sipas të cilit Prishtina po dëshmon inferioritet dhe përulje ndaj Beogradit.

Ky është vendimi i Kuvendit për rastin Dehari

Deputetët e Kuvendit të Kosovës kanë miratuar propozimin e PDK-së për rastin e Astrit Deharit, ku ndër të tjera thuhet se nëse familja kërkon hetim të vdekjes së Astrit Deharit jashtë vendit, atëherë Qeveria e Kosovës, duhet t’ia mundësojë këtë duke hequr edhe shpenzimet.

Periskopi.com Lajme

Në ndërkohë është votuar edhe një projekt-rezolutës të propozuar nga Lëvizja Vetëvendosje, i cili morri më pak vota se sa rekomandimet e PDK-së.

Mustafa: Së shpejt bëhet ratifikimi i demarkacionit

Periskopi.com Lajme

Kryeministri i Kosovës Isa Mustafa, ka thënë se është duke punuar rreth grumbullimit të votave të nevojshme për riprocedimin e demarkacionit me Malin e Zi në Kuvend, në mënyrë që ky ligj të mos dështojë.

Mustafa, siç transmeton KP, është shprehur i bindur se ratifikimi i projektligjit për demarkimin e kufirit me Malin e Zi do të ndodhë shumë shpejt.

Këto deklarata kryeministri Mustafa i bëri gjatë fushatës promovuese të qumështit në Kosovë , ”Qumështi i vendit tim’.

Opozita: Kur të ndryshohet mentaliteti i Qeverisë, vijnë vizat

Akuza e kryeministrit Isa Mustafa në drejtim të opozitës se këto të fundit janë fajtore pse Kosovës nuk iu hoqën vizat këtë fundvit, njejtë si Ukrainës dhe Gjeorgjisë, vlerësohet si e pabazë.

Periskopi.com Lajme

Ndërsa opozita, sipas tyre, nuk e ka fuqinë politike e as mandatin për të qeverisur me vendin.

Donika Kadaj-Bujupi, deputete e Lëvizjes “Vetëvendosje”, njëherit anëtare e Komisionit për Integrime, ka vlerëusuar se qeveria e ka fajin kryesor për mosliberalizim të vizave.

“Natyrisht se përgjegjësia për mosliberalimin e vizave i takon krejtësisht Qeverisë. Kriteri më i rëndësishëm për liberalizimin e vizave është luftimi i korrupsionit. Kjo kërkesë është injoruar vazhdimisht nga Qeveria”, ka deklaruar ajo, shkruan Zeri

E luftimi i korrupsionit sipas saj, do të arrihej vetëm nëse kryeministri bashkë me kolegët e tjerë të tij, të dorëzoheshin në organet e drejtësisë.

“Në fakt nënkupton luftimin në majat e zhvillimit të këtij fenomeni. Luftimi i korrupsionit do të thotë që Isa Mustafa t’ia nisë prej vetes dhe t’i dorëzojë edhe kolegët e tij të koalicionit ‘Pronto’ tek organet e drejtësisë. Por, një kryeministër me 70 dosje të korrupsionit, sigurisht që nuk merret me këtë çështje”, ka theksuar deputetja e LVV-së.

Ndërkohë, shefi i Grupit Parlamentar të AAK-së, Pal Lekaj, ka vlerësuar se kryeministri Mustafa duhet ta përgëzojë opozitën për veprimet që ka bërë në të mirë të Kosovës.

“Isa Mustafa duhet ta përgëzojë opozitën që ka qenë, është e do të jetë gardiane e integritetit territorial dhe sovranitetit shtetëror, derisa të ketë kanosje nga kryeministra të papërgjegjshëm si puna e Isa Mustafës”, ka deklaruar ai për Zërin

Ndërkaq, ka thënë se vizat do të hiqen vetëm atëherë kur do të ndryshohet mentaliteti i qeverisë aktuale.

Nga ana tjetër, shefja e Grupit Parlamentar të “Nismës për Kosovën”, Valdete Dushica-Bajrami, ka vlerësuar se fajtori për mosliberalizim të vizave duhet të gjendet brenda qeverisë së Kosovës.

“Për mosrealizimin e premtimeve që i kanë prezantuar edhe gjatë fushatës e madje edhe gjatë gjithë kësaj kohe nga z. Mustafa, ashtu edhe nga partneri i tij për liberalizimin e vizave, si çdo herë këta duan ta gjejnë fajtorin”, ka deklaruar ajo.

Ajo tutje, e ka cilësuar si të ulët mospërmbushjen e detyrave të Qeverisë.

Mustafa: Do të ftojë ekspertët e opozitës dhe shoqërisë civile për matje të territorit

Kryeministri i Kosovës, Isa Mustafa, ka thënë se pret që shumë shpejt ministrat serbë të kthehen në qeveri, e po ashtu edhe të emërohen ministrat në ministritë, të cilat tashmë po udhëhiqen nga ushtrues detyre.

Periskopi.com Lajme

Ndërsa sa i përket iniciativave konkrete për matje të territorit të Kosovës, Mustafa tha se do t’i bëjë ftesë opozitës e shoqërisë civile që të caktojnë ekspertët e tyre, të bëhet matja dhe të shihet se ka humbur apo jo Kosova territor me Malin e Zi.

“Unë do tu dërgojë ftesa tani. Në të vërtetë kërkesa të gjithëve dhe partive opozitare dhe shoqërisë civile që ata të caktojnë ekspertët e tyre, të bëhet matja. Nuk dua ta pengoj askënd. Sepse të gjithë ne dëshirojmë dhe unë dëshiroj si kryeministër i vendit, që të kem një ekzaminim të ekspertëve dhe të thonë se sa është sipërfaqja e Republikës së Kosovës. Nëse vijmë në konstatim se është territori, atëherë mbetet vetëm çështje e tekeve politike. Por nuk kemi arsye ta pengojmë procesin e liberalizimit të vizave”. /kp/

Arifi i AAK-së: Opozita të mos ngutet me kërkesën për zgjedhje

Periskopi.com Lajme

Kryetari i degës së AAK-së në Prishtinë, Avni Arifi, po konsideron se opozita nuk duhet të ngutet me kërkesën për zgjedhje

Sipas tij, çdo ditë që koalicioni LDK-PDK udhëheq me vendin, qytetarët do t’i njohin më shumë

“Zgjedhjet në Drenas po tregojnë se opozita nuk duhet të ngutet me kërkesa për zgjedhje nacionale. Çdo ditë që koalicioni qeverisës LDK-PDK udhëheq me Kosovën aq më mirë po i sheh dhe po i njeh populli. Kosova përnjëmend paska pas nevoj për koalicionin LDK-PDK”, ka shkruar Arifi në facebook.

Abdullahu: Problemi i demarkacionit është trillim opozitar, e votojmë kur t’i kemi votat

Këshilltari i kryeministrit Isa Mustafa, Faton Abdullahu ka thënë se kur t’i sigurojnë votat, atëherë do ta dërgojnë në Kuvend të Kosovës, Marrëveshjen për Demarkacion.

Periskopi.com Lajme

Më tej, Abdullahu ka thënë se duhet t’i ndihmojnë Malit të Zi, teksa teorinë për falje të tokës së Kosovës për Malin e Zi, e ka quajtur “anti-amerikane” dhe sajesë opozitare, transmeton Koha.net.

“Ne duhet t’i ndihmojmë Malin e Zi. T’i falësh tokë Kosove Malit të Zi, është anti-amerikane. Është sajesë a trillim opozitar për ta sulmuar Qeverinë”, ka thënë Abdullahu.