Sekretari i OKB-së i brengosur për mungesën e përparimit në dialogun Kosovë-Serbi

Periskopi.com Lajme

Sekretari i Përgjithshëm i OKB-së, Antonio Guterres ka vlerësuar se periudha e kaluar në Kosovë është shënuar me ngjarje të cilat nuk kanë kontribuar në përparimin e marrëdhënieve ndërmjet Prishtinës dhe Beogradit.

Ai për këtë është shprehur i brengosur, duke përmendur, sipas tij, edhe pengesat që po vështirësojnë përparimin në dialog dhe mungesën e implementimit të marrëveshjeve të arritura, shkruan lajmi.net.

“Implementimi praktik i marrëveshjeve të dala nga dialogu ka qenë ekstremist i ngadalshëm. Kurrfarë hapash konkret nuk janë bërë për implementimin e Asociacionit të komunave me shumicë serbe”, thekson ndër tjerash Guterres në raportin e rregullt tremujor për punën e UNMIK-ut dhe institucioneve të Kosovës për periudhën nga 16 janari deri më 15 prill 2017.

Kërcënon Ivica Daçiq, përmend OKB-në

Periskopi.com Lajme

Ministri i Jashtëm i Serbisë, Ivica Daçiç, ka paralajmëruar sot se një nga temat për të cilat Serbia do të flasë në seancën e Këshillit të Sigurimit të Kombeve të Bashkuara (KS-OKB), do të jetë deklarata e ish-kreut të Misionit Verifikues të OSBE-së, Ëilliam Ëalker për “bashkimin e të gjithë shqiptarëve”, raporton Anadolu Agency (AA).

“Ne do të shqyrtojmë të gjitha mundësitë se si do të mund të veprojmë më së miri ligjërisht, nëse mund të padisim ndonjërin, nëse mund të protestojmë politikisht, parasëgjithash në OSBE. Këtë ia kamë thënë dje ambasadorit amerikan”, ka thënë Daçiç, duke shtuar se Qeverisë së Serbisë do t’i propozojë shqyrtimin e masave kundër Ëalker, si ndalimi i hyrjes në territorin e Serbisë. Ëalker në shënimin e 17-vjetorit të themelimit të Aleancës për Ardhmërinë e Kosovës, ka thënë se që nga viti 1999, shpesh vjen në Kosovë me një qëllimin që Kosova të vazhdojë me hapat të cilat të gjithë janë duke i pritur që nga viti 1999 dhe se sipas tij ka “një projekt për bashkimin e shqiptarëve, në Kosovë, Shqipëri dhe në diasporë”- tha ministri serb.

Daçiç ka thënë se bombardimi i Jugosllavisë dhe ngjarjet që ndodhën në vitin 1999 në Kosovë nuk janë rastësi dhe se ato ishin parapërgatitje për krijimin e “shtetit të pavarur të Kosovës”.

“Ëalker asokohe, pa asnjë hetim dhe mendim të ekspertëve, bëri një deklaratë se ushtria dhe policia serbe ka vrarë civilët në fshatin Reçak. Kjo ishte bazë për vendimin për bombardimin e Serbisë”- ka thënë Daçiç, duke shtuar se Ëalker sot është duke punuar për krijimin e “Shqipërisë së Madhe”.Serbinë, në seancën KS të OKB-së të martën më 16 maj, e cila do të mbahet me rastin e dorëzimit të raportit tremujor të Misionit të OKB-së në Kosovë (UNMIK) rreth situatës në Kosovë, do të përfaqësojë ministrja e Drejtësisë Nela Kuburoviç.

Rusia i vë veton projektrezolutës për dënimin e sulmit në Siri

Periskopi.com Lajme

Këshilli i Sigurimit në OKB, nuk ka arritur të miratojë projekt – rezolutën për dënim ndaj një sulmi të dyshuar kimik në Siri, njofton Klan Kosova.

Ishte Rusia ajo që bllokoi miratimin e Rezolutës së Këshillit të Sigurimit të OKB-së, duke përdorur veton për dënimin e raportimeve të përdorimit të armëve kimike në Siri, njofton Klan Kosova.

Shteti rus njëherish ka bërë thirrje për një hetim të shpejt, ndërkaq Kina ka abstenuar votimin.

Debat i ashpër në OKB rreth sulmit amerikan në Siri

Periskopi.com Lajme

Në seancën e Këshillit të Sigurimit të Kombeve të Bashkuara në Nju Jork është duke u zhvilluar debat i ashpër lidhur me sulmet amerikane në Siri. Derisa përfaqësues të Britanisë së Madhe dhe Francës kanë mbështetur aksionin e ndërmarrë nga presidenti Donald Trump, pala ruse nuk ka kursyer kritika të ashpra në adresë të Uashingtonit zyrtar.

Ambasadori britanik, Methju Rajkroft, ka thënë se vendi i tij mbështet në tërësi aksionin e SHBA-ve, e cila siç u shpreh ai, është përgjigje adekuate ndaj krimit të tmerrshëm të luftës, por se tash është koha që të kalohet në procesin politik.

Edhe ambasadori francez  Fransoa Delatr përshëndeti sulmin, por shfaqi shpresën për nisjen e serishme të negociatave politike.

Rusia, aleatja kryesore e Sirisë, ka akuzuar SHBA-të për “shkelje të drejtave ndërkombëtare” për shkak të sulmit raketor në bazën siriane.

Përfaqësuesi i këtij shteti, Vladimir Safronkov tha se SHBA-të kanë sulmuar një shtet sovran dhe se kjo sipas tij paraqet shkelje flagrante e të drejtave ndërkombëtare dhe akt agresioni.

Ndryshe, sulmi amerikan ishte si kundërpërgjigje ndaj sulmit të mëhershëm të forcave të Bashar al Asadit, të cilat thuhet se kanë përdorur gaz helmues duke shkaktuar vdekjen e 86 personave, në mesin e tyre pothuajse 30 fëmijë. Analizat e gjakut tregojnë se viktimat ishin të ekspozuara sarinës, gazit të fortë neuro-toksik.

SHBA e gatshme të ndërmarrë edhe veprime të tjera ndaj Sirisë

Periskopi.com Lajme

Ambasadorja amerikane në OKB, Nikki Haley ka paralajmëruar se SHBA-ja është e përgatitur për të ndërmarrë veprime të mëtejshme kundër Sirisë, por shpreson se një gjë e tillë nuk do të jetë e nevojshme.

Haley ka thënë poashtu se Shtetet e Bashkuara “kanë ndërmarrë një hap shumë të matur mbrëmë”.

 

Feltman kërkon mbrojtje urgjente të popullit sirianë

Periskopi.com Lajme

Në Nju Jork po mbahet seanca e Këshillit të Sigurimit të Kombeve të Bashkuara, me kërkesë të Rusisë pas sulmit amerikan në një bazë ajrore në Siri.

Shefi i Kombeve të Bashkuara për çështje politike, Xhefri Feltman deklaroi para KS të OKB-së se është e nevojshme ndërmarrja e një aksioni të shpejtë për të mbrojtur popullin e Sirisë.

“Nuk mund të ketë mbrojtje të vërtetë, nëse edhe opozita dhe qeveria veprojnë pa u dënuar dhe nëse qeveria siriane vazhdon të shkelë të drejtat e njeriut të qytetarëve të tyre”, tha Feltman.

Suksesi i filmit HOME përmendet në Këshillin e Sigurimit të OKB-së

Në sesionin e Këshillit të Sigurimit të OKB-së të mbajtur më 27 Shkurt 2017, dhe nën prezencën e diplomatëve më të lartë botëror, Përfaqësuesi i Mbretërisë së Bashkuar në Këshillin e Sigurimit ka folur për suksesin e filmit HOME si një shembull për zhvillimin pozitiv dhe progresiv të shtetit të Kosovës.

Periskopi.com Lajme

“Unë do të doja të theksoj suksesin e filmit britaniko-kosovar Home i cili fitoi çmimin për filmin më të mirë të shkurtër në Akademinë Britanike të Filmit Telivizionit dhe Artit (BAFTA), i pari për Kosovën. Pas nominimit të filmit ‘Shok’ në Oscar vitin e kaluar, është e qartë se sektori kulturor i Kosovës po forcohet nga viti në vit”, tha  Përfaqësuesi i Mbretërisë së Bashkuar në Këshillin e Sigurimit në OKB.

Kjo është një përmendje domethënëse e filmit ‘HOME’ si një shembull i ndërtimit të urave përmes kulturës, i përkushtimit tonë për adresimin e çështjeve globale si dhe i vizionit tonë për shfrytëzimin e kulturës si ambasadori kryesor për prezantimin e vendit tonë në botë. Përmendja e filmit ‘HOME’ si shembull i zhvillimit pozitiv të Kosovës në këtë sesion të OKB-së e përforcon imazhin e shtetit para diplomatëve dhe vendimmarrësve botëror, dhe njëkohësisht e sjell mesazhin e bashkëndjesisë me refugjatët nën vëmendjen e këtyre diplomatëve.

‘HOME’, me skenar dhe regji të Daniel Mulloy, është bashkë-produksion i DokuFest, Somesuch dhe Black Sheep Studios me aktorët Jack O’Connel dhe Holliday Grainger në rolet kryesore. Filmi 20 minutësh është xhiruar në Kosovë dhe Britani të Madhe përmes bashkëpunimit të afërt të ekipeve nga këto dy vende me mbështetje nga Ekipi e Kombeve të Bashkuara në Kosovë dhe shumë përkrahës të tjerë. Filmi e thekson gjendjen e refugjatëve dhe dhunës me të cilën përballen miliona njerëz në të gjithë globin. Filmi i shkurtër ‘HOME’ është produksioni i parë kosovar që fiton çmimin prestigjioz BAFTA në kategorinë e filmave të shkurtër, dhe krahas regjisorit Daniel Mulloy dhe producentëve britanik Afolabi Kuti dhe Scott O’Donnell, trofeun BAFTA e morri edhe producenti kosovar Shpat Deda./ Periskopi

Rusia kërkon të vazhdohet prania e OKB-së në Kosovë

Përfaqësuesi i Federatës Ruse, në Këshillin e Sigurimit në Organizatën e Kombeve të Bashkuara (OKB),Vladimir Safronkov, ka theksuar se institucionet e Kosovës duhet ta kenë prioritet sigurinë e serbëve në vend.

Periskopi.com Lajme

Sipas tij, problem i madh në Kosovë mbetet trashëgimia fetare serbe, duke shtuar se kasha ortodokse serbe ka pasur pengesa në qasje në objektet fetare nga siç i ka quajtur ai “vandalët”.

“Një pengesë serioze për anëtarësimin e Prishtinës në UNESCO, ka qenë përhapja e terrorzimit, ku Kosova po përdoret si vend transit”, ka shtuar përfaqësuesi rus, transmeton Telegrafi.

Ai më tutje ka theksuar se “ne nuk shohim bazë për ndryshimin e shpeshtësisë së formatit në Këshillin e Sigurimit”, ku sipas tij, “bisedat për zvogëlimin e OKB-së në Kosovë janë të papranueshme, dhe se esenciale është të vazhdohet prania e OKB-së në Kosovë.

“UNMIK-u mbetet instrument esencial për monitorimin ndërkombëtar. Kjo rezolutë nuk mund të ndryshohet njëanshëm”, ka theksuar përfaqsuesi rus në Këshillit e Sigurimit të OKB-së.

Nikoliq nuk lë temë pa përmendur në OKB

Presidenti i Serbisë, Tomislav Nikoliq ka thënë në Këshillin e Sigurimit, ku po diskutohet për Kosovën se Serbia vazhdon të mbështes takimet dhe porositë që i dërgohen Prishtinës.

Periskopi.com Lajme

Ai këtu ka shtuar se Themelimi i Bashkësisë së Komunave Serbe meriton vëmendje më të madhe nga sekretari i OKB-së, transmeton Klan Kosova.

“Të gjitha dispozitat e arrira përmes marrëveshje duhet të viheshin në funksion sa më parë”, ka thënë Nikoliq.

“Serbia mbetet e përkushtuar për sigurinë”.

“Sulmet e ndryshme ndaj kishës janë të papranueshme përfshirë asaj të kishës së Prishtinës”, ka theksuar presidenti serb.

“Prishtina bën fjalime të dyfishta sepse ata shihet se këto trashëgimi kulturore nuk po ruhen”.

Sipas tij kjo është bërë e qartë sot për shkak të përpjekjeve që Prishtina bën për tu anëtarësuar në UNESCO.

“Prishtina asnjëherë nuk është dëshmuar se dëshiron të ketë një gjyqësi për të gjithë ata që kanë kryer krime lufte”.

“Ka një mosgatishmëri që Prishtina të merret me raste si kjo”, shtoi me tej Nikoliq.

“Cekim edhe Gjykatën Speciale në anën tjetër ku Serbia mbetet e përkushtuar në gjetjen e njerëzve të pagjetur.

VLora Çitaku

Çitaku ia përmend Nikoliqit krimet serbe në Kosovë

Ambasadorja e Kosovës në SHBA, Vlora Çitaku, me të nisur fjalimin e saj në Këshillin e Sigurimit të OKB-së, ka shprehur ngushëllime për vdekjen e ambasadorit rus, Vitali Çurkin.

Periskopi.com Lajme

Më pas ajo ia ka numëruar presidentit serb, Tomislav Nikoliq, krimet e luftës të kryera në Kosovë, në veçanti ato në qytetin e Gjakovës, njofton Klan Kosova.

“Të gjitha vuajtjet që janë bërë ndaj kosovarëve, vrasjet dhe tjera nuk na kanë penguar në ndjekjen e fatit tonë”.

“Humaniteti është i aftë për realizimin e mrekullive. Koha ka ardhur që të ecim përpara. Duke dëgjuar rrëfime të vjetra me konsum të pajustifikuar”.

“Do ta përmendi çdo temë të ngritur në raport me përfaqësuesin special”, ka thënë Çitaku në mbledhjen e Këshillit të Sigurimit të OKB-së.

“Në vitin 1998 – 1999, janë vrarë 1665 civilë në qytetin e Gjakovës. 373 janë vrarë në më pak se një orë. Kurse kemi edhe tre mijë gra janë dhunuara, qindra janë të zhdukur, shtëpi, shkolla dhe vende fetare janë shkatërruar”, ka thënë Çitaku.

Ajo ka përmendur punën e kryetares së Komunës së Gjakovës, Mimoza Kusari për t’i akomoduar pakicat.

“Komuna ka investuar në rindërtimin e kishave. Kisha ortodokse në Gjakovë asnjë herë nuk është sulmuar”, pohoi Çitaku.

Çitaku ka falënderuar shtetin e Bangladeshit që njohu pavarësinë e Kosovës.

“Më lejoni t’ju them se Kosova është shtet i pavarur dhe sovran, e njohur nga pjesa dërmuese e shteteve të botës. Falënderoj edhe qeverinë dhe popullin e Bangladeshit që ka njohur sot Kosovën, por edhe Singaporin që njohu pavarësinë tonë në dhjetor”, ka shtuar Çitaku ndër tjera. /Klan Kosova

Presidenti i Serbisë në OKB: Serbia nuk do ta njoh Kosovën

Presidenti serb e ka përsëritur qëndrimin e tij, duke thënë se Serbia nuk do ta njoh Kosovën. Këtë, Tomislav Nikolic, e ka thënë në diskutimin për Kosovën në Këshillin e Sigurimit.

Periskopi.com Lajme

Sipas presidentit serb, qëllimi kryesor i Serbisë është ta ruaj paqen dhe stabilitetin në rajon.

Ai iu ka bërë thirrje komunitetit ndërkombëtar të ndikojnë në Kosovë që sa më shpejt të themelohet Asociacioni i Komunave Serbe.

Ai ka theksuar se Serbia nuk do ta njoh Kosovën.

“Edhe një herë dua të jem i qartë-Serbia nuk do ta njoh Kosovën. Nuk ka asnjë vendim as nga ana e OKB-së që thonë se Kosova  nuk është pjesë e Serbisë. Për mua provokim është që të gjithë përfaqësuesit e administratës së përkohshme në Prishtinë thonë se Kosova është shtet i pavarur”, ka thënë Nikoliq./gazetametro

 

 

Tanin në KS të OKB-së për Kosovën: Dialogu nuk ka alternativë

Përfaqësuesi Special i Sekretarit të Përgjithshëm të OKB-së në Kosovë (PSSP), Zahir Tanin, theksoi para anëtarëve të Këshillit të Sigurimit sot se vazhdimi i dialogut në nivelin më të lartë në mes të Beogradit dhe Prishtinës është “hap thelbësor” në përpjekjet e përtërira për të ndërtuar besimin dhe mirëbesimin.

Periskopi.com Lajme

Në raportimin e tij të rregullt për Kosovën, Tanin përshëndeti diskutimet rreth implementimit të Asociacionit/Bashkësisë të komunave me shumicë serbe të ardhshme, pikë kyçe e marrëveshjes së prillit 2013.

“Dialogu nuk ka alternativë,” theksoi PSSP Tanin.

Duke theksuar rëndësinë e lartë që politikat elektorale të mos pengojnë proceset vitale dhe progresin, PSSP Tanin nënvizoi se normalizimi i raporteve, pajtimi dhe drejtësia tejkalojnë objektivat afatshkurta politike – dhe duhet t’ju shërbejnë qëllimit të “përmirësimit të jetës së njerëzve”.

Duke theksuar se “lidershipi i guximshëm dhe veprimet pozitive janë të rëndësishme për promovimin e ndryshimit të qasjeve”, Tanin shprehu mirënjohje për hapat e ndërmarrë nga disa liderë dhe inkurajoi përpjekje më të qëndrueshme për të tejkaluar të kaluarën, dhe për t’u fokusuar në të ardhmen.

I vetëdijshëm se puna në përmirësimin e gjendjes socio-ekonomike në Kosovë duhet të vazhdojë, Tanin nënvizoi se “adresimi i papunësisë, progresi në sundimin e ligjit, dhe luftimi i korrupsionit mbeten kyçe për të gjithë njerëzit në Kosovë”.

Duke njohur kërcënimin nga ekstremizmi i dhunshëm dhe terrorizmi në Kosovë dhe përgjatë rajonit, PSSP Tanin përshëndeti qasjen holistike të autoriteteve të Kosovës, e cila me të drejtë përfshin komponentë arsimorë dhe zhvillimorë.

“Marrëdhëniet e mira fqinjësore, përkushtimi drejt një të ardhmeje të përbashkët përbrenda hapësirës së unifikuar të Evropës, zotimi ndaj të drejtave të njeriut dhe sundimit të ligjit, dhe zgjidhja e kontesteve përmes mjeteve paqësore të dialogut dhe kompromisit janë thelbësore për Kosovën siç janë edhe për tërë rajonin”, nënvizoi PSSP Zahir Tanin.

Ambasada amerikane përkrah deklaratën që Kosova meriton të jetë anëtare e OKB’së

Ambasada amerikane në Prishtinë pak minuta më parë ka shpërndarë deklaratën e ambasadores amerikane në Kombet e Bashkuara, Nikki Haley, e cila tha se Kosova meriton të jetë anëtare e Kombeve të Bashkuara.

Periskopi.com Lajme

“Kosova meriton vendin e saj në bashkësinë ndërkombëtare të Kombeve të Bashkuara, duke përfshirë këtu anëtarësimin me drejta të plota në OKB”, është deklarata e ambasadores Haley, të cilën ambasada amerikane në Kosovë e ka përzgjedhur për shpërndarje në rrjetin social Facebook, si përkrahje ndaj fjalëve të saj.

Ambasada amerikane ka shpërndarë poashtu edhe linkun e plotë të deklarimit të saj. /gazetametro.net

Kur Vitali Churkin fliste për Asociacion serb në Kosovë dhe bisedimet

Ambasadori rus në OKB, Vitaly Churkin, tash një vit më parë, kishte deklaruar se nuk është bërë progres i veçantë pas marrëveshjes Beograd-Prishtinë për normalizimin e marrëdhënieve.

Periskopi.com Lajme

Ai gjithashtu thoshte se shumica në BE është duke bërë përpjekje për të detyruar Beogradin që të heq dorë nga qëndrimi i saj për Kosovën “, hap pas hap, në negociatat për anëtarësim në Bashkimin Evropian.”

Tashmë i ndjeri, Churkin, thoshte se negociatat që u mbajtën në fund të vitit 2015 hapën një kapitull “për çështje të tjera”, – i cili në rastin e Serbisë lidhet me Kosovën , duke shtuar se Rezoluta 1244 e OKB-së mbetet një dokument i vlefshëm dhe detyrues.

 

LAJMI I FUNDIT: Vdes ambasadori rus, Vitaly Churkin

 

 

 

Duke iu drejtuar sesionit të Këshillit të Sigurimit të OKB-së për Kosovën në Nju Jork, Churkin, thoshte se situata në Kosovë akoma është e shënuar me një krizë të qëndrueshme dhe konflikte me opozitën.

Ambasadori rus pati deklaruar se sa i përket serbëve në Kosovë është ende shumë serioze.

Churkin kishte deklaruar se Bashkësia e Komunave Serbe formimi i cili është rënë dakord gjatë bisedimeve të Brukselit – ekziston vetëm në letër, edhe pse sipas tij, duhet të kontribuojë në marrëdhëniet ndëretnike, duke i dhënë të drejta serbëve të Kosovës.

Ambasadorja amerikane godet rëndë Rusinë

Ambasadorja amerikane në Kombet e Bashkura, Nikki Haley, gjatë paraqitjes së saj të parë, të enjten në Këshillin e Sigurimit të OKB-së e dënoi rëndë Rusinë, duke i bërë thirrje Moskës të de-eskalojë dhunën në Ukrainën Lindore, shkruan CNN, përcjell Periskopi

Periskopi.com Lajme

Haley tha, se sanksionet amerikane kundër Moskës do të mbeten në vend derisa të tërhiqet nga Krimea.

“Shtetet e Bashkuara e dënojnë rëndë dhe bëjnë thirrje të menjëhershme që të ndalojë pushtimi rus ndaj Krimesë, tha Haley e cila është e dërguara e Presidentit Donald Trump, në organizatën botërore, “Krimea është pjesë e Ukrainës, sanksionet tona lidhur me të do të mbeten në vend derisa Rusia ta kthej kontrollin e gadishullit, Ukrainës”

Thuhet se Shtëpia e Bardhë ishte në dijeni për fjalimin e ambasadores, Dana Bash për CNN tha se ajo nuk mori udhëzime dhe as nuk i’u ndalua çfarë të fliste. /Periskopi/

 

OKB: Mbi 100.000 të zhvendosur nga operacioni në Mosul

Misioni i OKB-së në Irak (UNAMI) ka deklaruar se rreth 106.400 persona janë zhvendosur nga Mosuli prej kur filloi operacioni më 17 tetor

Periskopi.com Lajme

Mbi 100.000 njerëz janë zhvendosur nga Mosuli prej kur ka filluar operacioni për çlirimin e këtij qyteti i cili mbahet nën kontroll të organizatës terroriste DEASH, flasin të dhënat e Kombeve të Bashkuar, raporton Anadolu Agency (AA).

Në një deklaratë të publikuar të shtunën, misioni i OKB-së në Irak (UNAMI) tha se rreth 106.400 persona janë zhvendosur nga Mosuli prej kur filloi operacioni më 17 tetor.

“Ndërsa 9.500 perona janë kthyer në shtëpitë e tyre, 99.300 irakianë akoma llogariten si të zhvendosur”, thuhet në kumtesën e misionit UNAMI.

Javën e kaluar Mistria për Emigracion e Irakut tha se mbi 107.000 persona janë zhvendosur prej kur ka filluar ofensiva kundër DEASH-it në Mosul.

 

Eyad Rafed nga Gjysmëhëna e Kuqe e Irakut, ka deklaruar se situata humanitare është përkeqësuar dhe se civilët janë duke braktisur zonat të cilat janë cak i sulmeve të DEASH-it.

“Në 25 orët e fundit rreth 1.500 civilë janë transferuar ose zhvendosur në kampet në jug të Mosulit”, deklaroi Rafed për AA.

Zyrtarët irakianë kanë premtuar për të rimarrë Mosulin i cili u pushtua nga DEASH-i bashkë me një pjesë të madhe të territorit në veri dhe perëndim të Irakut.

Këshilli i Sigurimit mblidhet për Aleppon

Nesër Këshilli i Sigurimit do të mblidhet për të diskutuar për gjendjen në Aleppo.

Periskopi.com Lajme

Këshilli i Sigurimit i OKB-së urgjente do të mblidhet të premten me kërkesë të Francës, për të diskutuar situatën humanitare në qytetin sirian të Aleppo, njoftuan sot diplomatë perëndimorë.

Alepo është duke përjetuar ditët më të vështira të saj, forcat qeveritare po kryejnë vrasje masive pa dallim moshe e gjinie të civilëve dhe rebelëve, plagosje, ndërsa sipas shumë dëshmitarëve, janë kryer edhe përdhunime ndaj femrave siriane.

Fajtorët kryesorë të kësaj katastrofe humanitar dhe tragjedie njerëzore që po ndodhë në Aleppo janë regjimi sirian i Bashar Al Assadit dhe atij rus, Vladimir Putinit.

Erza Muçolli këndon në OKB

Ajo ka kënduar me korin e fëmijëve këngën e John Lennonit, ‘Imagine’

Periskopi.com Kulturë

Një këngëtare e re shqiptare, po bën karrierë në Francë. Është kjo Erza Muçolli, e cila me hapa të sigurt po e vazhdon karrierën dhe po ka paraqitje mjaft të mira në skenën evropiane e botërore.

Në 70-vjetorin e themelimit të UNICEF-it, që është mbajtur në zyret e Organizatës së Kombeve të Bashkuara në Nju Jork, ka kënduar edhe Erza, shkruan ‘kultplus’.

Ajo ka kënduar me korin e fëmijëve këngën e John Lennonit, ‘Imagine’.

Në këtë event të pranishëm ishin shumë yje botërore të tillë, si aktorët Orlando Bloom, Jackie Chan dhe David Beckham, por nuk kanë munguar edhe personalitete shqiptare, përcjell albinfo.ch.

Një gjë e tillë e ka bërë krenare edhe konsullen e Kosovës në Nju Jork, Teuta Sahatçiun e cila në llogarinë e saj në “Facebook” e ka publikuar videon teksa performon Erza, ku është shprehur shumë krenare.

 

Erza Muçolli këndon në OKB

 

Viti 1948: Propaganda jugosllave akuzonte Shqipërinë se nga Durrësi po i nis bombarduesit për të ndihmuar krijimin e Izraelit

Porti i Durrësit hyn në qarqet diplomatike në vitin 1948, thjesht për shkak të një dezinformimi, fakt që mund të shkaktonte një incident të rëndë midis Stalinit të Bashkimit Sovjetik dhe mbretit Faruk të Egjiptit.

Periskopi.com Lajme

Shërbimet sekrete çeke, jugosllave dhe hebraike kanë mashtruar Egjiptin për të fshehur kontrabandën e aeroplanëve dhe armëve në ndihmë të shtetit të sapoformuar të Izraelit.

Vitet e fundit është publikuar në Rusi një dokument interesant sekret i 5 gushtit 1948, ku thuhet se ambasadori egjiptian në Moskë i ka kërkuar zëvendësministrit të punëve të Jashtme të Bashkimit Sovjetik të konfirmonte një informacion disi të habitshëm dhe të siguruar nga një palë e tretë.

Në dokumentin sekret sovjetik përmendet që ambasadori Bindari Pasha tha se Qeveria egjiptiane ka marrë nga një burim informacionin se gjashtë bombardues të tipit “Shturmovik” [Ilushin-2] dhe dy skuadrilje gjuajtës-bombardues kanë mbërritur në Durrës (Shqipëri).

Këta aeroplanë pilotohen nga pilotë hebrenj dhe destinohen për qeverinë sioniste në Palestinë. Qeveria egjiptiane e kishte ngarkuar të sqaronte nëse i përgjigjet realitetit ky informacion.

Zëvendësministri sovjetik i Punëve të Jashtme Zorin [Valerian Aleksandroviç (1902-1986)] i raporton Stalinit se u përgjigj se ishte mjaft i habitur nga njoftimi i ambasadorit dhe se nuk e kuptonte se çfarë lidhjeje kishte Moska me Durrësin, i cili ndodhet jashtë territorit të Bashkimit Sovjetik.

Dokumenti

Procesverbal i bisedës së zëvendësministrit të Punëve të Jashtme të BRSS V. A. Zorin me të dërguarin e Egjiptit në BRSS Bindari-Pasha

5.8.1948

Sekret

Sot, në ora 14.00 prita Bindari Pashën me kërkesën e tij. Pas shkëmbimit të përshëndetjeve të zakonshme Bindari-u tha se qeveria egjiptiane ka marrë nga një burim informacionin se gjashtë bombardues të tipit “Shturmovik” [Iljushin-2] dhe dy skuadrilje gjuajtës-bombardues kanë mbërritur në Durrës (Shqipëri). Këta aeroplanë pilotohen nga pilotë hebrenj dhe destinohen për qeverinë sioniste hebreje në Palestinë. Qeveria egjiptiane e kishte ngarkuar të sqaronte nëse i përgjigjet realitetit ky informacion. “Personalisht, unë – shtoi Bindari – nuk u besoj këtyre informacioneve, sepse faktet të tilla do të ishin në kundërshtim me miqësinë midis Bashkimit Sovjetik dhe Egjiptit dhe do të ishin shkelje e marrëveshjes së armëpushimit në Palestinë. Megjithatë, më duhet të përmbush porosinë e qeverisë sime për t’i komunikuar asaj përgjigjen e qeverisë sovjetike”.

Unë thashë se jam mjaft i habitur nga njoftimi i të dërguarit nuk e kuptoj se çfarë lidhjeje kemi ne me Durrësin, i cili ndodhet jashtë territorit të Bashkimit Sovjetik.

Pastaj Bindari-u tha se, sipas dhënave që ka marrë Qeveria egjiptiane, këta aeroplanë dyshohet të jenë sovjetikë.

U përgjigja se, ndonëse çdo informatë kërkon verifikim, por në këtë rast është plotësisht e qartë se njoftimi, për të cilën flet i dërguari, nuk i përgjigjet realitetit. Unë shtova se më habit edhe më tepër vetë shtrimi i kësaj çështjeje, sepse të gjithë e dinë se politika sovjetike është politika e mosndërhyrjes në punët e vendeve të tjera. Prandaj, unë e kundërshtoj me vendosmëri këtë shtrim të problemit, që nuk është në përputhje me politikën e Bashkimit Sovjetik, politikë që njihet mirë nga qeveria egjiptian. Unë shtova se deklarata e qeverisë egjiptiane është e frymëzuar, me sa duket, nga jashtë, sepse unë nuk mendoj që Egjipti, duke e ditur politikën sovjetike të mund të shprehë një gjykim të tillë. Unë vetëm mund të shpreh keqardhjen që qeveria egjiptiane u beson njoftimeve të tilla.

Bindari-u u përgjigj se vërtet këto të dhëna janë marrë nga një burim të huaj. Qeveria egjiptiane është habitur së tepërmi nga ky mesazh dhe dëshironte ta sqaronte. “Tani – shtoi Bindari-u, – unë mund, me kënaqësinë time të madhe, të informoj Qeverinë time se ky njoftim është i gabuar dhe se politika e Bashkimit Sovjetik ndaj çështjes palestineze mbetet e pandryshuar”.

Unë vura në dukje lidhur me këtë se politika e Bashkimit Sovjetik ndaj problemit palestinez ka qenë gjithmonë e qartë dhe në mënyrë mjaft evidente është shprehur nga përfaqësuesit e BRSS në Këshillin e Sigurimit dhe seancat e Asamblesë së Përgjithshme të OKB-së. Kjo dihet mirë nga Qeveria egjiptiane. Nëse Qeveria egjiptiane vet do të bëjë një politikë korrekte për çështjen palestineze dhe nuk do t’u vërë veshin lloj-lloj informacionesh të rreme, atëherë kjo do të shkojë në të mirë të paqes ne këtë rajon.

Tani rreth çështjes palestineze po bëhet bujë e madhe, dhe ka disa qarqe që duan të nxjerrin gështenjat nga zjarri me duart e të tjerëve. Del në pah fakti se dikujt i intereson të shpallë Bashkimin Sovjetik si ithtar të ndërhyrjes në punët e brendshme të Lindjes së Mesme. Shkatërrimi i planeve të tyre në Palestinë i shtyn këto qarqe të përpiqen të gjejnë shkaqe që për të gjithë kauzën të fajësojnë të tjerët.

 Bindari-u deklaroi, siç u shpreh ai, “privatisht”, se “ky problem fatkeq palestinez” prish atmosferën e miqësisë midis BRSS dhe Egjiptit dhe pengon vendosjen e marrëdhënieve të ngushta dhe lidhjeve vëllazërore mes dy vendeve. Nëse nuk do të ishte çështja palestineze, Bashkimi Sovjetik dhe Egjipti do të jetonin në një bashkëpunim dhe aleancë të ngushtë. Megjithatë ka shpresë se të gjitha retë zhduken.

Iu përgjigja Bindari-ut se, sipas mendimit tim personal, Egjipti në veprimet e tyre duhet të udhëhiqet nga interesat e veta dhe të dëgjojë më pak të tjerët.

Bindari-u tha se ka disa rrethana që e pengojnë Egjiptin të ndjekë rrugën e vet.

Duke përfunduar bisedën, Bindari-u më pyeti, sipas mendimit tim personal, se si po shkojnë çështjet ndërkombëtare.

 Iu përgjigja se çështjet ndërkombëtare, për sa na përket neve, sipas pikëpamjes sime, do të përmirësohen.

Biseda zgjati 35 minuta. I pranishëm atasheu i SLAM-it [sektori i Lindjes së Afërme dhe të Mesme në Ministrinë e Punëve të Jashtme të BRSS-së] sh. [V.] Gnjedyh.

Zëvendësministri i Punëve të Jashtme të BRSS V. Zorin.

SFONDI

 Edhe pse shteti i Izraelit u krijua vetëm në vitin 1948, në fakt historia e konfliktit me vendet arabe përfshin gati një shekull që nga fundi i shekullit XIX, kur u krijua lëvizja politike sioniste, që shënoi fillimin e luftës së hebrenjve për shtetin e tyre. Pas rënies së Perandorisë Osmane, si rezultat i humbjes në Luftën e Parë Botërore, konflikti midis hebrenjve sionistë dhe popullsisë arabe të Palestinës kufizohej kryesisht në pretendimet territoriale të të dy palëve në Palestinën e mandatit britanik. Gjatë nxehjes së situatës në tremujorin e dytë të shekullit XX komponentit gjeopolitik iu shtuan gjithashtu dhe ata fetar dhe kulturor, që përforconin armiqësinë ndëretnike. Në vitin 1948, vendet fqinje arabe i shpallën luftë shtetit të sapokrijuar hebre.

PËR HEBRENJTË “LUFTA E PAVARËSISË”, PËR ARABËT “KATASTROFA”

Lufta arabo-izraelite e viteve 1947-1949 është lufta mes popullsisë hebreje të Palestinës, dhe më vonë – me shtetin e sapokrijuar të Izraelit, dhe ushtritë e shteteve fqinje arabe dhe formacioneve ushtarake të parregullta arabe. Në Izrael ajo u quajt “lufta e pavarësisë” (melhemet haacmaut), dhe në vendet arabe dhe midis palestinezëve kjo luftë njihet si “katastrofa” (nakba).

U zhvillua një operacion kontrabande, gjatë themelimit të Izraelit në vitin 1948, i cili ka blerë armë në Evropë për të shmangur embargot dhe bojkotet e ndryshme. Me rëndësi të veçantë ishte dërgimi i 23 gjuajtësve të prodhimit çekosllovak “Avia S-199”, versioni i pasluftës i aeroplanëve gjermanë të Luftwaffe-s “Messerschmitt BF 109”.

Për shkak të konfliktit arab-izraelit të viteve 1948-1949, SHBA vendosën embargo armësh ndaj Izraelit. Çekosllovakia, Jugosllavia, Franca, Holanda dhe Italia favorizonin Izraelin.

Më 14 korrik 1948, një aeroplan C-46 i një kompanie ajrore panameze, që kishte bord pilotë, shturmanë, artiljerë aeroplanësh dhe radio-operatorë u ngrit në orën 10 paradite plot me karburant me destinacion Izraelin. Ka pasur shtëllunga të dendura resh mbi Alpe, dhe kur kaloi mbi Shqipëri hasi në zjarr kundërajrorësh.

Qeveria amerikane vazhdonte trysninë e saj të jashtëzakonshme mbi vende të ndryshme për të ndaluar dhënien e ndihmës për Izraelin. Franca kapitulloi dhe aeroporti i i Azaksjo-së (Ajaccio) në Korsikë u mbyll për aeroplanët izraelitë. Megjithatë, Jugosllavia gjeti rastin duke i dhënë leje Izraelit të përdorte një aeroport të braktisur në Nikshiq, në afërsi të Podgoricës në Mal të Zi. Pastaj, sërish, Çekosllovakia i erdhi në ndihmë Izraelit duke i shitur 50 copë gjuajtës “Mark-9 Spitfires” me pika furnizimi karburanti në Nikshiq.

Regjimi i Asadit skandal në Këshillin e Sigurimit të OKB-së

Përfaqësuesi i regjimit të Asadit në Organizatën e Kombeve të Bashkuara, Beshar Xhaferi ka shkaktuar skandal duke i paraqitur në Këshillin e Sigurimit (KS) fotografitë e masakrës në Halep nga regjimi si “sulme të kryera nga opozita.

Periskopi.com Lajme

KS i OKB-së pardje organizoi mbledhje urgjente për shkak të krizës humanitare në Halep. Në seancë fjalim mbajti edhe përfaqësuesi i përhershëm i Sirisë në OKB, Beshar Xhaferi. Ai paraqiti fotografi me kufomat e të vdekurve në sulmet ajrore të regjimit në lindje të Halepit, raporton AA
Duke pohuar se kufomat në fotografi u përkasin civilëve të vdekur nga sulmet e opozitarëve, Xhaferi u shpreh: “Sot (30 nëntor) dhjetëra civilë u vranë nga terroristët të cilit përmes modifikimit gjenetik janë shndërruar në opozitarë të moderuar e të cilët përkrahen nga SHBA-të, Britania dhe Franca, përderisa përpiqeshin të iknin nga Halepi lindor në Halepin perëndimor, konkretisht nga zonat e kontrolluara nga terroristët në zonat ku gjendet ushtria e Sirisë.”

Gazetarët e AA-së kanë analizuar nga afër fotografinë që Xhaferi mbante në dorë dhe në këtë mënyrë nxori në shesh gënjeshtrën e regjimit. Më pas, AA ka kontaktuar me gazetarin e Qendrës Mediatike të Halepit (AMC), Arif al Arif, i cili ka shkrepur atë fotografi.

“Në vendin ku shkrepa fotografinë pamë copa predhash të mortajave”

Në deklaratën për gazetarin e AA-së, Arif tha se fotografitë në fjalë i ka bërë në lagjen Xhub Kubbe, vend ky i cili është vend i masakrave të regjimit. Arif vazhdoi: “U trondita kur e pashë fotografinë time në duar të Xhaferit. Unë isha një nga gazetarët që shkuam në zonën e sulmit në Xhub Kubbe. Në vendin ku shkrepa fotografinë pamë copa predhash të mortajave. Regjimi në Xhub Kubbe shënjestroi drejtpërsëdrejti civilët. Shkuam në vendin e ngjarjes së bashku me ekipet e mbrojtjes civile. Xhaferi dhe regjimi janë ekspertë të gënjeshtrës. Xhaferi flet kështu në mënyrë që regjimit dhe Sirisë t’u mundësojë autoritet për t’i vrarë civilët. A është e logjikshme që opozitarët t’i qëllojnë civilët të cilët ikin nga bombat në lindje të Halepit? A nuk është regjimi ai i cili i ka bërë rrafsh me tokën spitalet? Apo vallë edhe këto i ka bërë opozita?”

“Fotografia i përket sulmit ku regjimi vrau 45 civilë”

Ndërkaq, gazetari i AA-së në Halep, Ibrahim Ebu Leys, po ashtu kishte fotografuar vendin e njëjtë pas sulmit në fjalë. Në lidhje me gënjeshtrën e Xhaferit, Leys tha: “Një kënd të ngjashëm me fotografinë në dorën e Xhaferit e kisha shkrepur edhe unë në vendin e ngjarjes. Fotografia e Arifit i përket sulmit kur regjimi vrau 45 civilë të cilët iknin nga forcat e regjimit. Këndi i kapur në fotografi shfaq rrugën ku forcat e regjimit qëlluan me artileri dhe mortajë civilët të cilët po iknin nga sulmet e regjimit në lagjen Xhub Kubbe për të migruar në zonat e kontrolluara nga opozitarët. Edhe ekipet e mbrojtjes civile kanë mbledhur shumë dëshmi se këtë sulm e ka realizuar regjimi.”

Afërsisht 300 mijë civilë në lindje të Halepit janë të rrethuar tanimë tre muaj. Regjimi i Asadit dhe përkrahësit e tij që nga 15 nëntori i vazhdojnë sulmet me ashpërsinë maksimale nga ajri dhe toka. Në 17 ditët e fundit, si pasojë e sulmeve kanë humbur jetën më shumë se 750 civilë, ndërsa 2.500 janë plagosur. Sulmet kanë pamundësuar funksionimin e të gjitha spitaleve dhe shkollave në qytet. Mijëra civilë po vazhdojnë të migrojnë në lagjet e kontrolluara nga opozitarët të cilët i shohin si relativisht të sigurta.

Zv/Sekretari i Përgjithshëm i OKB-së për Çështje Humanitare dhe Koordinatori i Gjendjeve Emergjente, Stephen O’Brien, në mbledhjen në fjalë të KS të OKB-së theksoi se lindja e Halepit prej 150 ditësh është e rrethuar nga regjimi. “Përgjërohemi që Halepi të mos shndërrohet në një varrezë gjigante, të mbrohen civilët në emër të njerëzimit dhe të sigurohet qasje në qytetin e rrethuar”, u shpreh O’Brien.