Publikohet letra e ideatorit të sulmit terrorist të 11 shtatorit për Obamën, tregon arsyet

Khalid Shaykh Muhamed, truri i sulmeve të 11 Shtatorit të 2001 ndaj kullave binjake në Nju Jork. Janë 18 faqe akuzash për amerikanët që i adresohen Obamas. Një letër e shkruar në vitin 2015, por që është bërë publike vetëm në ditët e fundit të presidencës.

Periskopi.com Lajme

“I keni duart e lyera me gjakun e vëllezërve tanë, të motrave tona e të fëmijëve tanë të vrarë në Gaza, Vaziristan, Jemen, Irak, Libi, Afganistan. Somali dhe vende të tjera të botës”.

Kështu shkruante Khalid Shaykh Muhamed, truri i sulmeve të 11 Shtatorit të 2001 ndaj kullave binjake në Nju Jork. Janë 18 faqe akuzash për amerikanët që i adresohen Obamas.

Një letër e shkruar në vitin 2015, por që është bërë publike vetëm në ditët e fundit të presidencës.

Është Miami Herald ajo që ka publikuar letrën e plotë. Ai që e ka dorëzuar në redaksinë e gazetës është një nga avokatët mbrojtës të Khalid Shaykh Muhamad, drejtues pakistanez i Al Qaedas dhe i burgosur në Guantanamo. Ai është i konsideruar një nga mendjet e sulmeve terroriste të 11 Shtatorit kundër SHBA-ve.

“Nuk jemi ne që e nisëm luftën por ju dhe diktatorët tuaj në tokat tona”- shkruan Khalid Shaykh. Por letra nuk ka shkuar menjëherë në dorën e Obamës me urdhër të gjykatës ushtrarake që po e gjykon pakistanezin. Presidenti është vënë në dijeni vetëm pak ditë përpara se në Shtëpinë e Bardhë të futej Donald Trump.

“Kjo ishte një hakmarrje”- shkruan më tej krahu i djathtë i Osama Bin Laden, duke iu referuar politikave amerikane. Dhe nuk mungojnë as batutat kundër Obamës që është i përshkruar si “avokati brilant që i njeh mirë të drejtat e njeriut dhe që e vret armikun pa i bërë një proces dhe e më pas ta hedhë kufomën në det dhe jo tia dorëzojë familjes për një varrim njerëzor”. Referimi është i qartë për vrasjen e Osama Bin Laden, trupi i të cilit është hedhur në një vend sekret në Oqeanin Indian për të evituar krijimin e vendeve të kultit nga ana e terroristëve.

Letra sipas avokatëve të terroristit pakistanez Khalid Shaykh Muhammad, është shkruar si valë emotive e shkaktuar nga pushtimi dhe bombardimet e izraelitëve në Gaza gjatë vitit 2015. “Khalid Shaykh është i irrituar nga politika e jashtme amerikane dhe është krejt i bindur se SHBA-të i kanë dhënë mbështetje Izraelit”-deklaron avokati David Nevin. Urrejtja e thellë që ai ndjen karshi amerikanëve edhe sepse bëhet fjalë edhe për vrasjen e tij pasi rrezikon dënimin me vdekje. “Nuk do të kërkoj kurrë mëshirë ty apo gjykatës, bëni atë që doni, liria ime, burgosja ime dhe vdekja ime janë një mallkim për të gjithë keqbërësit dhe tiranët”.

Në letrën e tij, ish eksponenti i Al Kaedas akuzon CIA-n, FBI-në, komunitetin hebraik në Bruklin dhe të djathtën kristiane. Por edhe vendet mike të SHBA-ve, mes të cilave edhe Italinë. Si për bazat italiane ashtu edhe për lirinië që Italia u lejon shërbimeve sekrete amerikane.

Khalid Shaykh Muhammad bën një paralelizëm edhe me rrëmbimin e një ushtari izraelit (që më pas u vra) akt i cilësuar nga Obama si barbar dhe ai i rrëbimit të Abu Omar, imami i rrëmbyer në Milano dhe i torturuar në Egjipt. Italia citohet si vendi që i ka lejuar agjentëve të CIA-s të veprojnë të pa shqetësuar për të rrëmbyer një studiues besimi i cili po shkonte një mëngjes për tu lutur. Por edhe neo kolonializmi i prezumuar i Afrikës së Veriut është një tjetër akuzë në adresë të Italisë.

Në përmbyllje të letrës së tij, Khalid Shyakh Muhamad flet për vdekjen e tij: “Nëse do dënohem me burgim të përjetshëm, do të jem i lumtur ti lutem Allahut çdo ditë, por nëse do të dënohem me vdekje, do të jem njësoj i lumtur sepse do të takohem me Allahun, profetët dhe miqtë e mi më të mirë që keni vrarë, si Osama Bin Laden.

Kështu i kujton fotografi i Obama’s refugjatët nga Kosova (Foto)

Pete Souza, fotografi zyrtar i ish-presidentit amerikan Barack Obama, së fundmi ka postuar disa fotografi duke kujtuar luftën dhe refugjatët nga Kosova.

Periskopi.com Lajme

Ai ka shkruar se këto fotografi i ka kthyer në rrjetet sociale pas diskutimeve të shumta që po bëhen së fundmi, si rrjedhojë e vendimit të presidentit të ri Donald Trump për moslejimin e hyrjes së refugjatëve nga shtatë shtete islame.

“Në mes të dy periudhave sa isha në Shtëpinë e Bardhë, kam pasur karrierë të ndarë si fotograf i lirë dhe si fotograf në Washington i ‘Chicago Tribune’.

Të dy këto eksperienca jetësore më dhanë perspektivë të ndryshme në fotografim në Shtëpinë e Bardhë gjatë administrimit të Obamas. Ka shumë lajme së fundmi për refugjatët.

Edhe pse duhet të pranojmë që nuk është njëjtë si sot, për pak kohë kisha bërë dokumentimin e krizës së refugjatëve nga Kosova në fund të viteve 90. Po i postoj disa fotografi nga mbulimi im në Maqedoni ku përfunduan shumë shqiptarë pas dëbimit nga shteti i tyre”, ka shkruar ai.

rr_1486627073-8329122

r_1486627076-8177001

Çfarë po ndodh mes Vatikanit dhe ShBA-së, ka kërcënime

Presidentit Donald Trump të hetojë rolin e Obamës, Hillary Clinton, John Podestës e George Soros.

Periskopi.com Lajme

Që mes presidentit Donald Trump dhe Papa Francesco-s nuk ka ndonjë frymë miqësore, kjo është e dukshme tashmë. Papa e ka kritikuar murin kinez dhe ndalimin e hyrjes së emigrantëve.

Tani një kapitull i ri interesant po lind në këtë marrëdhënie. Disa katolikë amerikanë kanë ngritur dyshime e akuza mbi ndërhyrjen e presidentit Barack Obama në dorëheqjen e Papa Ratzinger.

Më 20 janar, revista katolike “The Renmant” i drejtoi një letër të hapur presidentit Trump për t’i kërkuar të hedhë dritë mbi lëvizjet e presidentit Obama dhe mbi rolin e tij në dorëheqjen e Papës.

Letra është firmosur nga ish-koloneli i ushtrisë amerikane David Sonnier, presidenti i shoqatës së avokatëve katolikë Christopher Ferrara dhe drejtori i revistës “The Renmant”, Michael Matt.

Nisma e tyre merr shkas nga dokumentet e publikuara nga Ëikileaks. Sipas këtyre dokumenteve, dyshohet se ndryshimi i “regjimit” në Vatikan është projektuar nga administrate Obama. Nëse do të rezultojë i vërtetë, ky është një superskandal!

“Gjatë vitit të tretë të mandatit të parë të administratës Obama – thuhet në letrën e hapur – Sekretarja e Shtetit Hillary Clion dhe të tjerë zyrtarë të qeverisë, kanë propozuar “një revolucion katolik, objektivi i të cilit ishte zhdukja përfundimtare e asaj që kishte ngelur nga Kisha katolike në Amerikë”.

Dyshimet lindin nga një e-mail që John Podesta, këshilltar i Clinton, i dërgoi Sandy Neëman, drejtorit të një reviste progresiste. Në e-mail Podesta i shpjegon atij se po kërkon të realizojë një “pranverë katolike” në Vatikan të ngjashme me “pranverën arabe” që rrëzoi regjimet në Afrikën e Veriut.

Sipas autorëve të letrës së hapur, zgjedhja e Papa Francesco ka shërbyer për “t’i dhënë një mbështetje shpirtërore programit ideologjik të së majtës ndërkombëtare”, aq sa sot Ati i Shenjtë besohet të jetë bërë në “lideirn e të majtës botërore”.

Revista “The Renmant” i kërkon presidentit Trump që të hapë një hetim që të shpjegojë se për cilin motiv NSA- Agjencia e Sigurisë Kombëtare- ka monitoruar konklavën që ka zgjedhur Papa Francesco-n, çfarë operacionesh sekrete janë kryer nga qeveria e SHBA mbi dorëheqjen e Papa Ratzinger dhe të hedhë dritë mbi transaksionet financiare me Vatikanin, të ndërprera disa ditë para dorëheqjes së Ratzinger.

Në fakt, në dhjetor 2013 Deutsche Bank mbylli bankomatët brenda Selisë së Shenjtë me justifikimin se po kryheshin hetime mbi normat kundër pastrimit të parave, por të nesërmen e dorëheqjes së Papës, Vatikani dhe Banka e gjetën menjëherë gjuhën e përbashkët, duke i rihapur bankomatët.

Në fund, autorët e letrës i kërkojnë presidentit të sqarojë rolin e Podesta-s në këtë që ai vetë e ka quajtur si “pranvera katolike”, se çfarë roli ka patur George Soros dhe nëse administrata Obama ka patur ndonjë kontakt me atë që është quajtur si “mafia e San Gallo” apo thënë ndryshe “konsensusi mes kardinalëve dhe peshkopëve (Carlo Maria Martini, Adriaan Van Luyn, Ëalter Kasper dhe Karl Lehman, Achille Silvestrini e Basil Hume) që në vitin 2005 kishte zbuluar tek Bergoglio papën perfekt për reformën e Kishës në sensin progresist.

Obama: Në interes të botës marrëdhëniet e mira SHBA – Rusi

Presidenti i SHBA-së, Barack Obama, ka mbajtur konferencën e fundit për media si president i vendit.

Periskopi.com Lajme

Në këtë konferencë ai ka thënë se në interes të Amerikës dhe të gjithë botës janë marrëdhëniet e mira SHBA-Rusi.

“Mendoj se është në interes të Amerikës, në interes të botës, që të kemi marrëdhënie konstruktive me Rusinë”, ka thënë ai.

Pas dy ditësh postin e Obamas do ta zë Donald Trump.

Obama: Përshëndetet përpjekja turko-ruse për Sirinë

Presidenti i Shteteve të Bashkuara, Barack Obama, e ka mirëpritur përpjekjen e Turqisë me Rusinë, për ripërtritjen e armëpushimit në Siri dhe bisedimeve për paqe, gjatë bisedës telefonike me presidentin e Turqisë, Recep Tayyip Erdogan.

Periskopi.com Lajme

Shtëpia e Bardhë tha mbrëmë se Obama i ka shprehur ngushëllime Erdoganit për sulmin e “tmerrshëm” terrorist në Stamboll, për të cilin përgjegjësinë e ka marrë Shteti Islamik, dhe për sulmin e 17 dhjetorit kundër policisë turke në Kajseri, për të cilin është fajësuar një grup jashtëligjor kurd.

Të dy liderët e kanë theksuar progresin në fushatën e tyre kundër Shtetit Islamik në Irak dhe Siri dhe janë pajtuar se “Turqia dhe Shtetet e Bashkuara duhet të vazhdojnë të qëndrojnë të bashkuara me qëllim që ta mposhtin terrorizmin”, ka njoftuar Shtëpia e Bardhë.

Kjo bisedë telefonike u bë pas akuzave aktuale të Erdoganit dhe bashkëpunëtorëve të tij të afërt, se Shtetet e Bashkuara i kanë armatosur “terroristët” në Siri, që ishte referencë e qartë për ndihmën amerikane dhënë milicive kurde në Siri, që luftojnë kundër grupit ekstremist, Shteti Islamik.

Obama shpall 35 rusë si persona “non-grata”, u jep 72 orë të largohen nga SHBA

Shtetet e Bashkuara kanë dëbuar 35 diplomatë rusë si dënim për ndërhyrje në zgjedhjet presidenciale.

Periskopi.com Lajme

Departamenti Amerikan i Shtetit i ka deklaruar 35 diplomatët si persona “Non-grata”, duke u dhënë atyre dhe familjeve të tyre 72 orë të largohen nga SHBA.

Presidenti i ShBA-së, Barack Obama gjithashtu do të mbyllë dy komponimet ruse që përdoren për mbledhjen e informacioneve, në Maryland dhe New York, shkruan BBC, përcjellë Indeksonline.

Në një deklaratë të Shtëpisë së Bardhë thuhet se sulmet kibernetike nga Rusia janë të papranueshme dhe të patolerueshme.

“Sulmet kibernetike të Rusisë ishin të destinuara për të ndikuar në zgjedhje. Ato mbjellin dyshime rreth integritetit të procesit tonë zgjedhor dhe minojnë besimin e institucioneve të Qeverisë amerikane”, thoshte deklarata.

Publikohet videoja kur Obama bënte shaka me idenë që Trump të bëhet president

Obama: Gjaku i të pafajshmëve në duart e Assad’it

Presidenti amerikan Barack Obama, në adresimin e fundit ka posti presidencial, ka thënë se Bashar Al-Aassad, kryetari i Sirisë është përgjegjës për luftën brutale në Aleppo dhe pjesët e tjera të vendit.

Periskopi.com Lajme

Ai ka bashkë me regjimin sirian, e ka fajësuar edhe Moskën e Tehranin për situatën e civilëve në Aleppo.

“Kemi parë një luftë të tmerrshme, shtetrrethim dhe civilë që vdesin urie”, ka thënë Obama.

“Përgjegjësia për këtë brutalitet qëndron në një vend të vetëm: në regjimin e Assad’it dhe te aleatët e tij Rusinë dhe Iranin. Gjaku i të pafajshmëve qëndron në duart e tyre”, ka thënë ai, raporton Klan Kosova.

Obama sulmon FBI-në

Presidenti amerikan, Barack Obama, shënjestroi kreun e FBI-së, James Comey, për hetimin e ri të Byrosë mbi e-mailet e Hillary Clintonit.“Hetimet në Shtetet e Bashkuara”, tha shefi i Shtëpisë së Bardhë, “nuk duhet të kryhen në bazë aludimesh”.

Periskopi.com Lajme

Ky ishte i pari koment publik i Obamës që kur Comey njoftoi të premten se organizmi që ai drejton kishte gjetur e-maile të reja të cilat do t’i kontrollojë. Presidenti nuk e përmendi drejtuesin e FBI-së me emër, por referimi ndaj tij ishte i qartë.

“U përpoqa shumë që mos duket se dua të ndërhyrj në këtë çështje, por mendoj se është normë këtu tek ne që kur çelen hetime, nuk kalojmë në veprime me informacion të paplotë, nuk funksionojmë në bazë rrjedhjesh të të dhënave. Ne veprojmë në bazë të vendimeve konkrete që merren”, deklaroi Presidenti amerikan, transmeton TCh.

Obama kujtoi se kur çështja u hetua në detaje herën e fundit, përfundimi ishte se Clinton kishte bërë vërtet disa gabime, por asnjëri prej tyre nuk ishte i tillë që të kërkonte procedim penal. Demokratët e kanë kritikuar ashpër FBI-në për nxjerrjen e njoftimit 11 ditë përpara zgjedhjeve me argumentin se ky veprim ndërhynte në procesin politik.

Çështja e e-maile-ve doli në dritë për herë të parë marsin e 2015-s, kur u tha se Clinton kishte shkelur rregullat federale me përdorimin e serverit privat për komunikimin online në periudhën e viteve 2009-2013, kur shërbente si Sekretare Shteti.

Mesazhi i vërtetë i Donald Trump për racën

Andrew Rosenthal Opinione

Sa më shumë që Trump dëshiron t’iu hyj në hatër votuesve me ngjyrë, aq më bizar bëhet.

Vetëm këtë javë, i nominuari republikan për president tha se përgjigjja për dhunën lokale ishte ringjallja e programit ndalues dhe kontrollues në Nju Jork, i cili ishte braktisur kur gjykata federale gjeti se rezultatet e programit ishin raciste.

Ai sygjeroi se vendimi i tij për të tërhequr pretendimet për Obamën (që ishte lindur jashtë Amerikës) ishte përpjekje e pasinqertë për të ndërruar temën. Trump deklaroi se “lëvizja” e tij e prekë “secilin”. Një prej njerëzve të kampanjës së tij tha se nuk kishte racizëm para se Obama të zgjidhej President.

Nuk jeni të bindur se votuesit me ngjyrë në Amerikë do ta votojnë Trumpin?

Ndoshta se Trumpi nuk është realisht duke iu folur votuesve të pakicave. Ai po ofron shfajësime për amerikanët e bardhë që në një tjetër rast do të hezitonin të mbështesnin një kandidat racist.

Ronald Reagan e kishte bërë një gjë të tillë më 1980.

Por afrikano-amerikanët nuk ishin budallenj. Reagan mori pak mbështetje nga votuesit e zinj, dhe kandidatët tjerë republikanë në zgjedhjet e ardhshme ishin po aq keq sa ai. Mbështetja afrikano-amerikane për Trumpin është njëshifrore. Në kuvendin e tij në Cleveland, ishin vetëm 18 afrikano-amerikanë.

Ndryshe nga Reagani, Trumpi e anashkaloi takimin në Urban League në gusht, por megjithatë u paraqit në “town hall” të mërkurën dhe foli për çështjet më të rëndësishme që kishin të bënin me afrikanoamerikanët,” ku Sean Hannity i Fox News mirësjellshëm bëri vetëm pyetje të lehta.

Jo vetëm Hannity, që dukej se i ishte bashkuar kampanjës së Trumpit, mundi ta bënte Trumpin që të dukej nji figurë kredibile sa i përket racës. Në një pikë, ai e pyeti Trumpin, specifikisht, se si politikat e tij ekonomike do të ndihmonin afrikano-amerikanët.

Trump u përgjigj:
“Neve na duhen punë. Dëshpërimisht madje. Tash, na duhen shkolla, edukim, të gjitha llojet e gjërave, dhe veçanërisht qytetet. Brendia e qyteteve nuk ka qenë kurrë më keq në historinë tonë. Janë tepër të pasigurta. Ne do ta ndryshojmë këtë gjë duke shpenzuar shumë para.”

Trump më pas i bëri me faj udhëheqsit demokrat dhe Obamën për rritjen e shkallës së krimit që e bëri Çikagon “më keq se Afganistanin.” (do të shokoheshit po të merrnit vesh se Çikago është goxha më i parrezikshëm se Afganistani.)

Zgjidhja? Ndalim dhe kontrollim. Trumpi tha se ish kryetari i Nju Jorkut kishte bërë punëtë mirë duke iu dhënë policëve autoritet për t’i ndalur njerëzit në rrugë për të parë nëse kishin armë.

Shkalla e kriminalitetit në Nju Jurok ra në të 90-at, siç kishte rënë edhe në mbarë vendin, por jo për shkak të ndalim-kontrollit. Për gati 4,5 milion ndalime që i kreu policia, vetëm 6 përqind rezultuan me arrestime dhe 6 përqind të tjerë ishin nën hetim. Në 83 përqind të rasteve, personi i ndaluar ishte ose afrikanoamerikan ose hispanik.

Gjykata e kishte shpallur ndalim-kontrollin kundër-kushtetues, dhe përfundimisht ishte ndaluar. Trump mendon ndryshe.

Deri tash, nuk ka asnjë shenjë që thotë se ekipi i tij është duke punuar me votuesit me ngjyrë. Por mesazhi i vërtetë po qarkullon përmes mbështetësve të tij, si puna e Kathy Miller, lideres së fushatës së Trump-it në Mahoning County, Ohio.

“Nuk mendoj se pati racizëm deri në kohën e zgjedhjes së Obamës president,” i tha gazetës Guardian ajo.
“Obama është fajtor për njerëzit me armë, për vrasjet nëpër lagje, për papërgjegjshmërinë qytetare,” – tha Miller. “Mendoj se kjo është e gjitha përgjegjësia e tij.”

Njerëzit e dijnë se racizmi e ka helmuar Amerikën që prej filleve të saj. Kjo ndryshoi kur Obama u zgjodh më 2008 dhe disa fanatikë nisën të flinin më hapur.

Trumpi iu ka dhënë leje ta nxjerrin urrejtjen e tyre. Kjo është e vërteta për kampanjën e Trumpit, dhe asgjë nuk do ta ndërroj atë.

NY times | përktheu Periskopi.com