Ja 12 kushte për të pasur respektin e të tjerëve

Periskopi.com Lajme

“Nëse kërkon të respektohesh nga të tjerët, gjëja më e mirë është të respektosh veten. Vetëm kështu do të mund të fitosh respektin e të tjerëve,” Fyodor Dostoyevsky.

Po merr respektin që meriton? Apo, njerëzit tuaj të afërt duket se kërkojnë t’ju ulin, përkufizojnë a anashkalojnë?

Ja 12 mënyra për të fituar respektin që meritoni:

  1. Përpiqu për veten dhe të tjerët

Edhe të rriturit mund të abuzohen verbalisht apo keqtrajtohen. Çohu me qëndresë dhe tregoji njerëzve së kjo sjellje është e papranueshme. Mos u bëj bashkëpunëtore në heshtje për gjërat që të shqetësojnë.

  1. Përgjigju – Mos reago

Të lidhesh me emocionet e tua është diçka pozitive dhe e fuqishme. Mos reago në momente konfuzioni dhe trishtimi. Jepi vetes kohë të përpunosh ndjenjat në një mënyrë që të përgjigjesh në një mënyrë të shëndetshme.

  1. Thuaj shpesh “Jo”.
  2. Mos harxho kohë nga koha e askujt.
  3. Përcakto kodin tënd të moralit dhe jeto sipas tij.
  4. Respekto kodin moral të njerëzve të tjerë.
  5. Trajtoji njerëzit me mirësjellje dhe në mënyrë të barabartë.
  6. Ji i sinqertë. Ruaj kufijtë e tu.
  7. Mos u merr me thashetheme.
  8. Kërko falje atëherë kur e ndjen.
  9. Jepi prioritet veprimit/veprave.
  10. Qëndroji angazhimeve. Mbaje fjalën.
Reklamë
Reklamë

Arsyeja pse njerëzit krijuan fenë dhe mitet

A ka gjë që frika nuk e arrin dot? Që nga provokimi i luftërave dhe vrasjeve, deri tek qëndrimi ynë larg prej kafshëve të tmerrshme, akti i të qenurit të frikësuar i shtyn njerëzit të bëjnë disa gjëra shumë të frikshme. Prej saj humbasim sensin e qëllimit dhe drejtimin.

Periskopi.com Lajme

Edhe logjika dhe arsyeja shpeshherë “hidhen nga dritarja”. Atëherë, a mund të na ketë shtyrë frika drejt krijimit të miteve dhe feve, si një mënyrë për të zbuluar kuptimin e jetës dhe vdekjes?

Frika

Frika është reagim i zakonshëm ndaj gjërave që nuk i njohim. Por pas pak, kjo ndjenjë davaritet dhe zëvendësohet nga një dëshirë për të kuptuar më shumë. Kështu, në një botë brutale, ku duket se gjithçka ndodhet aty për të të vrarë, ka kuptim që njerëzit nisën të krijojnë perënditë, në një përpjekje për t’i dhënë gjithçkaje një kuptim. E njëjta gjë vlen për legjendat. Imagjinoni që të jeni të sulmuar çdo javë, nga një racë të huajsh të etur për gjak, gjuhën e të cilëve as nuk deshifron dot. Do të të duhej të gjeje një mënyrë për të përballuar këtë tmerr të përditshëm. Kështu që, ne shpikim histori për këta të këqij dhe figurat heroike që i mundën ata. Por, teksa fillojmë të kuptojmë se cilët janë këta të huaj, teksa nisëm të kuptojmë mekanikën e ekzistencës sonë, përse vazhduam që të propagandojmë këto rrëfime moraliste dhe idealiste?

Kontrolli

Frika përdoret kryesisht për të kontrolluar. Nëse popullsia ngrihet kur u rrit taksat, thjeshtë thuaju që është “vullneti i Zotit”. A po rebelohen të gjithë për shkak se ke dërguar gjysmën e qytetit, në luftëra të kota e të përgjakshme? Thjeshtë thuaju se po lufton perëndinë e vendit kundërshtar. Nëse një udhëheqës i druhet një populli që rebelohet, çfarë më mirë se një qiell gjigand apo një ikonë idealiste kulturore, do të shërbente për t’i mbajtur nën kontroll? Kjo metodë kontrolli i jep klasës sunduese siguri, si dhe i jep popullsisë një ndjesi sigurie. Mitet dhe feja e përbashkët na ndihmon që të krijojmë lidhje me të huaj, njerëz nga të cilët përndryshe do të kishim frikë.

Dija është pushtet

U tha tashmë se frika vjen prej mungesës së dijes. Kur n e njerëzit nuk e kuptojmë diçka, e mbushim boshllëkun me histori që shpjegojnë përse ndodhin vrasje, pse ndodhin përmbytje apo thatësira, apo kur ka gjasa që të korrat të lulëzojnë, a dështojnë. Por, mitet dhe feja mund të jenë edhe burime dije, duke shërbyer si mënyra për të përcjellë ide dhe tradita tek brezi i ardhshëm. Mitet dhe legjendat shërbejnë edhe si një mënyrë për të regjistruar historinë në kulturë. Ka shumë ngjare të verifikueshme nga tekstet fetare, që ne e dimë se kanë ndodhur. Dhe, ndonëse kjo nuk do të thotë që, mënyra se si janë rrëfyer është 100 për qind e saktë, ato gjithsesi janë një mënyrë për të na treguar se si mund të kenë shkuar ngjarje të çmendura të lashtësisë.

Reklamë
Reklamë

Kjo video tregon se bota ka njerëz të mirë!

Një nga videot më të shikuar të momentit ku tregohet qartë se jo të gjithë njerëzit janë njëlloj në këtë botë, është e vërtete që shumë njerëz e duan dhunën, janë moskokçarës, nuk pyesin fare për atë njeri që kanë në krahë.

Periskopi.com Lajme

Kohët e fundit kemi dëgjuar për masakra nga më të ndryshmet, kemi psh rastin e Aleppos ku qindra persona të pafajshëm vdiqën më kot.

Në këtë video do të shikoni që jo të gjithë janë njëlloj ka edhe persona që interesohen dhe kujdesen për të tjerët.

 

Reklamë
Reklamë

Kreu i kompanisë Apple, për klikime dhe lajmet e rrejshme: Truri i njerëzve po shkatërrohet!

Tim Cook, kreu i kompanisë Apple, u kërkoi sot ndërmarrjeve të sektorit teknologjik për të krijuar mënyra të reja për të luftuar kundër informacioneve të rreme që parashikojnë të mashtrojnë lexuesit.

Periskopi.com Tech/Auto

“Ne, ndërmarrjet teknologjike, duhet të krijojmë mjete për të ndihmuar në reduktimin e informacioneve të rreme”, deklaroi drejtuesi i gjigantit amerikan të teknologjisë duke shpjeguar se kjo duhet të bëhet pa cenuar lirinë e fjalës dhe lirinë e shtypit.

“Ne po kalojmë një periudhë në të cilën, fatkeqësisht, ata që kanë sukses janë ata që punojnë për të marrë sa më shumë klikime të mundshme, jo ata që provojnë të transmetojnë të vërtetën. Kjo shkatërron trurin e njerëzve”, theksoi Tim Cook, CEO në Apple.

Ai nuk përmendi se cilat mund të jenë këto instrumente, por kërkoi një fushatë më të gjerë të ndërmarrë veçanërisht në shkolla.

Reklamë
Reklamë

Dy qytetarë të Suharekës bllokohen në Bjeshkët e Mushtishtit

Dy qytetarë rreth moshës 27 vjeç, janë bllokuar që nga dita e djeshme në Bjeshkët e Mushtishtit, dhe nga të reshurat e mëdha të borës, kanë mbetur atje në pritje të ndihmës nga organet kompetente.

Periskopi.com Lajme

TherandaPost ka kontaktuar me komandantin e Policisë në Suharekë, Milazim Lumi, i cili sqaroi se policia ka qenë në kontakt të vazhdueshëm me familjet e tyre që nga dje.

Sipas tij, ata kanë pasur ngrohje dhe sot një grup i qytetarëve vullnetarë dhe familjet e tyre janë nisur nga ora 14:00 në drejtim të Bjeshkëve të Mushtishtit, derisa policia është vazhdimisht në kontakt me ta nga Stacioni Policor në Mushtisht.

Grupi është duke shkuar në drejtim të Gradacës, për t’u takuar me të ngujuarit atje.

Reklamë
Reklamë

Trotuaret të jenë në shërbim të gjitha kategorive të shoqërisë

EC Ma Ndryshe në bashkëpunim me OPDMK të enjten kanë realizuar performancën publike “Kërkojmë trotuare për të gjithë”, përmes të cilit aktivitet kanë reaguar ndaj pasivitetit të deritanishëm të autoriteteve komunale në ndërmarrjen e masave adekuate për sigurimin e qasjes së barabartë në trotuaret e rrugëve kryesore të qytetit të Prizrenit për Personat me Aftësi të Kufizuara.

Periskopi.com Lajme

Përmes këtij aktiviteti, në mënyrë simbolike përkatësisht duke vendosur disa karroca në rrugën “Remzi Ademaj” është theksuar e drejta e PAK-ve për qasje dhe qarkullim të barabartë dhe më të sigurt brenda zonës urbane.

Performanca publike “Kërkojmë trotuare për të gjithë” është realizuar në kuadër të projektit “Prizreni, një qytet pa pengesa”. Qëllimi i përgjithshëm i këtij projekti përfshinë ngritjen e pjesëmarrjes së personave me aftësi të kufizuara dhe të rinjve në projektimin e “Prizrenit pa pengesa”.

Projekti financiarisht përkrahet nga USAID nga programi E4E, dhe mbikëqyret nga ATRC derisa zbatohet nga EC Ma Ndryshe dhe OPDMK.

Reklamë
Reklamë