Berisha i reagon ashpër Nikoliqit: Ti je qen bir qeni!

Periskopi.com Lajme

Anëtari i Kryesisë së Aleancës për Ardhmërinë e Kosovës Anton Berisha, ka reaguar pas deklaratës së presidentit serb Tomislav Nikoliq, i cili e ka quajtur Ramush Haradinaj “qen”.

Berisha në reagimin e tij në Facebook, ka shkruar se deklarata e Nikoliq, është pjesë e mentalitetit serb, sipas së cilit “shqiptarët janë shtazë”, përcjell Bota sot.

Ai madje, ka thënë se nëse Nikoliq ia jep të drejtën vetes të “emërojë shqiptarët me shtazë, edhe ne kemi një shprehje që e përshkruan saktë Nikoliqin, si një qen bir qeni”.

Reagimi i plotë i Berishës:

Deklarata e presidentit serb Tomislav Nikolic, ku ai i referehet z. Ramush Haradinaj me termin qen; ne fakt eshte pjese e mentalitetit serb sipas se cilit “šiftari su životinje” (shqiptaret jane shtaze).

Ne fakt, populli serb duke votuar per president Nikolicin e tash Vucicin, ka treguar se nuk ka hequr dore nga ky mentalitet perbuzes ne raport me shqiptaret.

Kercnimi i Nikolicit per denimin e z.Haradinaj eshte kercnim ndaj shtetit te Kosoves dhe hapje e frontit me shqiptaret.

Nikolici, Vucici e Dacici, kane rritur dozen e agresivitetit gjate bisedave te Brukselit ne te cilat pala e jone iu nenshtrua plotesisht delegacionit serb i cili qartazi u favorizua nga zyrtaret e Brukselit.

Ky raport, ne qeverine e re, duhet te nderpritet dhe Serbise duhet t’i ndalet turri i nderhyrjes ne çeshtjet e brendshme te Kosoves.

Nikolici e te tjeret, e dine mire se me z.Haradinaj ne qeveri, perfundon ambicia e tyre per nderhyrje ne Kosove prandaj nuk kursen fjalorin as nga pozita e presidentit.

E nese ai i jep te drejte vetit te na emertoj me shtazet, edhe ne kemi nje shprehje qe e pershkruan sakte Nikolicin, si nje qen bir qeni.

 

Nikoliqi e quan Ramush Hardinajn kriminel, madje i shkruan edhe Francës

Reklamë
Reklamë

Eskalon situata Serbi-Kosovë, Nikoliç e quan qen Ramush Haradinajn

Periskopi.com Lajme

Presidenti në largim Tomislav Nikoliç, e ka fyer ish-kryeministrin e Kosovës, Ramush Haradinajn duke e quajtur atë qenë të tërbuar.

“Ramush Haradinaj është liruar nga Franca dhe tani mendon se ai kurrë nuk do të ndëshkohet nëse kryen një krim kundër një serbi”, ka thënë Nikoliq, raporton Tanjug.

Këto deklarata të Presidentit të Serbisë janë si reagim të tij pas deklarimeve të Haradinaj se nëse Serbia nuk heq Kosovën si pjesë të saj nga kushtetuta e Serbisë, atëherë Kosova do ta konsideroj si pjesë të saj deri në Nish.

Lidhur me deklarimet e Haradinajt më herët ka reaguar edhe zëvendës kryeministri i Serbisë, Nebojsha Stefanoviq duke thënë se Haradinaj, Nishin mund ta sheh vetëm për brenda burgut të saj dhe në asnjë mënyrë tjetër./Insajderi.com

Reklamë
Reklamë

Tomislav Nikoliq udhëheqës i bisedimeve të Serbisë me Kosovën?

Kryetarit aktual serb Tomislav Nikoliq i skadon mandati në fund të muajit maj. Medie serbe kanë filluar spekulimet se çfarë do të ndodhë me të pas largimit nga Presidenca e Serbisë.

Periskopi.com Lajme

Sipas portalit serb “kurir”, për Nikoliqin në lojë janë disa opsione e njëri nga to është edhe ai se Nikoliq mund të emërohet udhëheqës i bisedimeve të Serbisë me Kosovën.

Flitet gjithashtu se ai do të shkurorëzohet nga Vuçiq për të krijuar një parti të ri politike. Po ashtu spekulohet se ai mund t’i bashkohet Vuk Jeremiqit me qëndrimet e të cilit kundër Kosovës përputhet shumë.

Po ashtu përmendet mundësi që ai të emërohet edhe kryeministër i Serbisë.

E sigurt, sipas këtij portali, është se Nikoliq s’e ka ndër mend të dalë në pension politik.

Reklamë
Reklamë

Nikoliq teksa hyri në takim në Bruksel: Po afrohemi te tema e pavarësisë së Kosovës

"Mos të ushqehet optimizmi në BE dhe në Prishtinë se mund të bisedojmë për diçka që është esenciale për ta, për të ashtuquajturën pavarësi të Kosovës”, ka thënë Tomislav Nikoliq.

Periskopi.com Lajme

Kryetari i Serbisë Tomislav Nikoliq, në Bruksel, para fillimit të takimit me delegacionin e Kosovës ka thënë se Serbia mbron territoret dhe të drejtën për sovranitet të shumë shteteve, transmeton Koha.net.

“Takimi i javës së shkuar u shfrytëzua për t’u ulur në të njëjtën tavolinë ashtu si nuk ka ndodhur qe shumë kohë… Nëse duan zgjidhje dikush duhet të iniciojë çështje për zgjidhje. Jemi të gatshëm të bisedojmë kur këto zgjidhje mund t’iu ndihmojnë të gjithë qytetarëve, në radhë të parë serbëve për të jetuar më të sigurt në Kosovë”, ka thënë Nikoliq në rts.

Por ai ka thënë se megjithatë ka çështje për të cilat nuk mund të bisedohet.

“Mos të ushqehet optimizmi në BE dhe në Prishtinë se mund të bisedojmë për diçka që është esenciale për ta, për të ashtuquajturën pavarësi të Kosovës. Shqiptarët dhe Mogherini duan të iniciojnë edhe çështjen e sistemit gjyqësor, të kthehen në urën e Mitrovicës, a mund të ekzistojë ajo apo jo…Ne insistojmë për AKS-në kjo është tema jonë”, ka thënë ai.

Sipas fjalëve të tij, “jemi marrë vesh për diçka, askush asgjë nuk ndërmerr, edhe pse e dinë se ajo për të cilën jemi marrë vesh është nën ingerencat që shteti mund të ia lerë Prishtinës.

“Çdo gjë më tej është akull i rrëshqitshëm nëpër të cilin Serbia nuk dëshiron të shkojë “, thotë Nikoliq.

Sipas tij edhe bota është e ndarë për pavarësinë e Kosovës ndërsa ka thënë se bisedimet e Brukselit po hyjnë në fazën “kur gjithnjë e më vështirë është çfarëdo vendimi ë përbashkët”.

“I jemi afruar asaj që çfarëdo tjetër që të jepnim, do të ishte humbje e madhe për Serbinë dhe alibi për ata që kanë dëshirë të thonë se jemi pajtuar me të ashtuquajturën pavarësi e Kosovës“, thotë Nikoliq duke shtuar se kryetari i Kosovës Thaçi ,pas takimi të shkuar, s’e ka mbajtur fjalën për atë që ishte arritur marrëveshja.

“Zonja Mogherini nuk ka thënë se Thaçi s’e respektoi marrëveshjen. Nëse jemi marrë vesh, ai nuk është dashur ta mashtrojë Vuçiqin i cili foli para tij. Thaçi nuk do ose guxon ta majë fjalën”, ka thënë Nikoliq.

Reklamë
Reklamë

Nikoliq i përgjigjet Thaçit: Jo vetëm veriu, por e gjithë Kosova është Serbi

Presidenti serb Tomislav Nikoliq i është përgjigjur presidentit të Kosovës, Hashim Thaçi, i cili tha se Serbia dëshiron të aneksojë pjesën veriore të Kosovës.

Periskopi.com Lajme

Sipas Nikoliqit, jo vetëm veriu u Mitrovicës, por e gjithë Kosova është Serbi dhe se Evropa duhet të shqetësohet për deklaratat nxitëse të Thaçit, por se BE mundet lehtë ta zgjidh këtë çështje.

“Është absolutisht absurde të thuhet se Serbia dëshiron të aneksojë veriun e Kosovës. Në thelb kjo është e pamundur, për shkak se Kosova është në Serbi”, ka thënë Nikoliqi në një intervistë për një gazetë portugeze raporton “Novosti”.

I pyetur nëse Evropa duhet të frikësohet nga një luftë e mundshme në mes të Serbisë dhe Kosovës, duke i pasur parasysh ngjarjet e fundit, Nikoliq ka fajësuar Kosovën që dërgoj policinë e saj në veri të Kosovës.

“Serbia nuk ka dërguar njerëz të armatosur për shqiptarët, por anasjelltas, si dhe dërgimi i njësisë speciale ROSU në veri të Kosovës, pjesë e banuar me serbë, është shkelje brutale e marrëveshjes së Brukselit nga autoritetet e Prishtinës.

Presidenti i Serbisë, tha se Prishtina ka shkelur marrëveshjen për lirinë e lëvizjes, për shkak të dërgimit të ROSU-së në veri të Kosovës për të “ndaluar një tren, nuk ishte ndonjë tanke, as ndonjë makinë e blinduar, por ishte i mbushur me civil që shkonin për Mitrovicë”.

Sipas tij, Serbia po i përmbush të gjitha marrëveshjet e arritura në Bruksel dhe se “Evropa duhet të shqetësohet për deklaratat nxitëse të Hashim Thaçit dhe zyrtarëve të tjerë të Prishtinës”, por se ajo është “mjaft lehtë për t’u zgjidhur duke i bërë të qartë se një gjë e tillë nuk do të tolerohet”.

I pyetur nëse ai ende beson se Rusia është aleat i madh i Serbisë, ai tha se Serbia i është mirënjohëse Rusisë për gjithë ndihmën e dhënë.

“Kjo nuk është vetëm çështje emocioni, Serbia vazhdimisht merr mbështetje të madhe nga Rusia dhe presidenti Vladimir Putin në shumë çështje të rëndësishme për të mbrojtur integritetin e sovranitetit territorial. Prandaj, në jemi mirënjohës, si dhe të gjitha vendeve që na ndihmojnë ta bëjmë këtë”, ka thënë Nikoliq.

Reklamë
Reklamë

Dialogu Kosovë – Serbi, Nikoliq kryeson delegacionin serb në takimin e së martës

Të martën në mbrëmje, pritet vazhdimi i dialogut në mes të Kosovës dhe Serbisë në Bruksel nën drejtimin e përfaqësueses së lartë të BE-së, Federica Mogherini.

Periskopi.com Lajme

Kryeministri i Serbisë, Aleksandër Vuçiq, ka bërë me dije se Serbia në këtë takim do të përfaqësohet nga presidenti serb, Tomisllav Nikoliq, ndërsa ka theksuar se edhe nga pala shqiptare pritet të ketë përfaqësim të nivelit të lartë, raporton FoNet.

“Mendoj se do të ketë mirëkuptim që të mos dërgohen më armë në zonat e banuara me serbë për të treguar muskujt. Për Serbinë, më e rëndësishmja është që t’i shmanget provokimeve”, ka thënë Vuçiq në një konferencë për media.

Gjatë këtij muaji, Serbia nisi një tren të mbushur me mbishkrime nacionaliste serbe nga stacioni qendror i Beogradit për në veri të Mitrovicës, por i cili u ndalua në Rashkë dhe u kthye mbrapsht për në Beograd. Liderët shtetërorë të Kosovës kanë thënë se vendimi për ndalim të hyrjes së këtij treni është marrë nga institucionet e Kosovës, kurse kryeministri serb, Aleksandër Vuçiq, menjëherë pas ndalimit të hyrjes, mbajti një konferencë për media ku tha se vendimi për të mos lejuar kalimin e tij në Kosovë është marrë nga pala serbe, për të, siç tha ai, “shpëtuar jetë njerëzish”.

Policia e Kosovës kishte dërguar njësitet e saja speciale në kufi me Serbinë, përkatësisht në Jarinjë, për të penguar hyrjen e këtij treni, i cili në pjesën e jashtme kishte të shkruar me shkronja të mëdha dhe në disa gjuhë “Kosova është Serbi”, ndërsa në brendësi ishte i brenduar me ikonografi ortodokse.

Reklamë
Reklamë

Arsyet pse Nikoliqit nuk iu lejua vizita në Kosovë

Qeveria e Kosovës ka marrë vendim për të refuzuar kërkesën e Presidentit të Serbisë, Tomislav Nikoliq dhe zyrtarëve të tjerë të lartë të Qeverisë së Serbisë për ta vizituar nesër komunën e Shtërpcës në Kosovë.

Periskopi.com Lajme

Refuzimi vjen pas vonesës për të deponuar me kohë kërkesën për vizitë në Kosovë ashtu siç parashihet me marrëveshjen për lejimin e vizitave të zyrtarëve të lartë ndërmjet dy shteteve.

“Qeveria e Kosovës konsideron se sjelljet e fundit të Serbisë dhe deklaratat e njëpasnjëshme janë kundër frymës së bashkëpunimit ndërshtetëror dhe të arriturave të dialogut për të ndërtuar ura të shëndosha bashkëpunimi në mes dy shteteve dhe popujve”, thuhet në njoftim.

Po ashtu, ato janë kundër interesit të qytetarëve serbë të Kosovës të cilët kanë vendosur të jetojnë në Kosovë./ Periskopi

Reklamë
Reklamë

Nikoliq i bindur se Serbia nuk do ta njoh kurrë Kosovën, por do anëtarësohet në BE

Presidenti serb ka diskutuar qëndrimin e Serbisë, pse ajo kurrë nuk do të njohë Kosovën.

Periskopi.com Lajme

Serbia ka dy kushte që të bëhet anëtare e BE. I pari është që të njohin pavarësinë e Kosovës. Ne kurrë nuk do të bëjmë këtë kurrë, por do të hymë në BE. E dyta është që të kemi raporte të mira më gjitha vendet e BE-së, transmeton lajmi.net

Nikoliq e ka krahasuar Kosovën me Krimen duke thënë se “Edhe aneksimi i Krimesë ka quar që Bashkimi Evropian të vendos sanksione ndaj Rusisë”, sipas tij të njëjtën po e bënë BE ndaj Serbisë.

“Problemin që ka Serbia me Kosovë, e ka edhe Ukraina me Krimenë. Sa i përket Kosovës, BE-ja pranon pavarësinë e saj, Rusia jo. Kur është fjala për Krimenë, Rusia e pranon atë, kurse BE-ja jo”, u shpreh Nikoliq gjatë një intervistë për Al Jazzeran.

Ai ka aplikuar për anëtarësim në Bashkimin Evropian 16 vjet më parë, mirëpo jashtë saj e ka mbajtur kërkesa e BE-së që vendi të njohin Kosovën, e cila është refuzuar vazhdimisht nga Serbia, e cila vazhdimisht është mbështetur nga Rusia, një vend me të cilin ka marrëdhënie historike, kulturore dhe fetare.

I pyetur se pse, Serbia kërkon anëtarësim në BE, por nuk i bashkohet edhe NATO-s, Nikoliq tha: “NATO është një histori tjetër. Ne u sulmuan dhe bombarduam nga NATO në vitin 1999 për asnjë arsye. Kjo pati pasoja të mëdha, jo vetëm për ekonominë tonë, por edhe të në qëndrimin e qytetarëve tanë ndaj NATO-s. Unë jam i bindur si edhe shumica e qytetarëve, se Serbia kurrë nuk do të jetë në NATO.”

Reklamë
Reklamë

Murtezaj thotë se Nikoliqi po kërcënon

Asnjë deklaratë e autoriteteve të Serbisë nuk mund ta ndalojë Kosovën të anëtarësohet në Agjencinë për Kulturë, Shkencë dhe Arsim të Kombeve të Bashkuara (UNESCO) dhe institucionet e Kosovës janë duke punuar për një anëtarësim të tillë, kanë bërë të ditur zyrtarët e Qeverisë së Kosovës.

Periskopi.com Lajme

Zëvendësministrii Punëve të Jashtme i Qeverisë së Kosovës, Valon Murtezaj, thotë për Radion Evropa e Lirë se institucionet e Kosovës janë duke punuar në përmbushjen e standardeve që ndërlidhen me mundësinë për anëtarësim në UNESCO, ndonëse ai nuk ka përmendur afate të mundshme se kur dhe nëse Kosova do të aplikojë për pranim në këtë organizatë.

“Kosova e ka kërkesën e saj plotësisht legjitime për t’u anëtarësuar në UNESCO. Aktualisht, Qeveria e Republikës së Kosovës, Ministria e Jashtme dhe ministritë e tjera përkatëse, ajo e Kulturës, janë duke punuar për të avancuar standardet që lidhen drejtpërdrejt me këtë anëtarësim”, deklaron Murtezaj.

Deklarata e zëvendësministrit të Jashtëm, Murtezaj, vjen një ditë pas deklaratave të presidentit të Serbisë, Tomisllav Nikoliq, i cili ka thënë se në rast se Kosova do të arrijë të anëtarësohet në UNESCO, pa u shqyrtuar kjo çështje në dialogun në Bruksel, atëherë ai do t’i propozojë Qeverisë së Serbisë që ta ndërpresë dialogun me Kosovën.

“Është larg mendsh që Kosova të jetë në UNESCO pa u biseduar në Bruksel. Në rast të një rezultati të tillë në votimin e Asamblesë së Përgjithshme të UNESCO-s, propozoj që t’i ndërpresim bisedimet me Prishtinën, dhe të ndihmojmë popullin tonë, që t’i ofrohet një jetë më e mirë se tash, si në Kosova ashtu edhe në Serbi”, ka thënë Nikoliq. Këtë deklaratë presidenti serb e ka bërë për një të përditshme në Serbi.

Ai ka theksuar, gjithashtu, se Serbia duhet ta vazhdojë presionin te vendet që nuk e kanë njohur Kosovën, në mënyrë që ta pengojë këtë të fundit të anëtarësohet në organizata ndërkombëtare.

Por, zëvendësministri Murtezaj thekson se anëtarësimi i Kosovës në UNESCO nuk varet nga qëndrimet e autoriteteve të Serbisë.

Deklaratën e presidentit serb ai e vlerëson si një thirrje kërcënuese dhe për destabilizim.

“Janë për të ardhur keq dhe nuk ka asnjë qëndrim të asnjë qeveritari të Serbisë që mund ta ndalojë Kosovën që të bëhet pjesë e UNESCO-s. Thirrjet për ndërprerje të dialogut dhe për mbrojtje (të serbëve) janë në fakt thirrje apo kërcënim për destabilizim të Kosovës, të cilën gjë institucionet e Kosovës nuk do ta lejojnë asnjëherë”, thekson Murtezaj.

Më 9 nëntor të vitit 2015, Konferenca e Përgjithshme e Organizatës së Kombeve të Bashkuara për Arsim, Shkencë dhe Kulturë (UNESCO), nuk votoi në favor të pranimit të Kosovës në këtë organizatë. Kosova nuk arriti të sigurojë votat e më shumë se dy të tretave të vendeve anëtare të kësaj organizate, të cilat ishin të nevojshme për pranimin e saj në UNESCO.(REL)

Reklamë
Reklamë

Jovanoviq sulmon presidentin e tij për Kosovën

Pas deklaratave të presidentit serb Tomisllav Nikoliq se nëse Kosova futet në UNESCO duhet të ndërpriten bisedimet me Prishtinën, ka reaguar menjëherë politikani i ri Çedomir Jovanoviq.

Periskopi.com Lajme

Jovanoviq ka thënë se Nikoliq duhet të ketë kujdes me këto deklarata dhe peshën e fjalëve që thotë, që sipas tij mund të rrezikojnë bisedimet, transmeton Koha.net.

“Në vend se të vazhdohet me negociata dhe zbatim të marrëveshjeve të Brukselit, Nikoliq po ofron konflikt të mundshëm si zgjidhje të problemeve”, është shprehur Jovanoviq për Tanjug.

Jovanoviq, ndër politikanët e vetëm serbë që mendojnë se Kosova duhet të njihet si shtet, ka thënë se këto deklaratë dëmtojnë më shumë Serbinë, që rrezikon të mbetet e vetmuar.

Reklamë
Reklamë

Nikoliq: Institucionet evropiane po sulmojnë hapur Serbinë për të njohur Kosovën

Presidenti serb Tomislav Nikoliq, tha sot se disa institucione evropiane janë duke kryer "sulm të hapur" ndaj Serbisë.

Periskopi.com Lajme

Sipas tij, krejt këto sulme po vijë pasi ato (shtetet evropiane) po vazhdojnë presionin e vazhdueshëm ndaj Serbisë për të pranuar Kosovën si shtet.

“Ne kemi qenë dëshmitarë të sulmeve e hapura që vijnë nga institucionet evropiane për Kosovën, për të na bërë që ta pranojmë këtë shtet”, ka thënë Nikoliq.

Ndërsa, i pyetur se çfarë problemi kishte dje me shefen e EULEX-it, Alexander Papadopulu, Nikoliq ka thënë se ajo nuk dëshironte që asnjë nga fjala e saja të takimit të përfshiheshin në njoftim, ndërsa ai insistonte se mediat dhe populli serb duhet të jenë të informuar për atë se çfarë u bisedua.

“Ajo tha se çka ajo tha nga pikëpamja e evropianizimit nuk duhet të publikohet në media. Kështu që unë nuk e kuptoj pse ajo vendosi embargo në deklaratë”, tha Nikoliq.

Ai shtoi se biseda e tyre ishte e hapur dhe ai i bëri të gjitha vërejtjet që ka, Nikoliq gjithashtu deklaroi se EULEX nuk e mbikëqyr veriun e Kosovës, vetëm burgjet dhe qendrave e paraburgimit.

Reklamë
Reklamë

Përplasje e ashpër mes Nikoliqit dhe shefes së EULEX-it

Zyra për informim e Presidentit të Serbisë, Tomislav Nikoliq informoi se sot, pavarësisht nga përpjekja për të arritur marrëveshje me përfaqësuesit e Misionit të EULEX-it në Kosovë, një gjë e tillë nuk ka ndodh.

Periskopi.com Lajme

Prandaj, është thënë nga mediat serbe se shërbimi për shtyp i EULEX-it nuk ka qenë në gjendje të jap detaje të tjera rreth takimit të sotëm mes Nikoliqit dhe Shefes së Misionit të EULEX-it, Alexandera Papadopulo.

Sipas deklaratës, Nikoliqi dhe shefja e EULEX-it kanë biseduar më shumë se një orë, por stafi i Misionit në “mënyrë jashtëzakonisht të pafytyrë dhe të papërshtatshme nuk ka lejuar që deklarata e shefit të tyre të bëhet publike.”

“Kabineti i Presidentit të Serbisë nuk ka fshehur aktivitetet e Presidentit dhe pikëpamjet e tij politike nga mediat dhe qytetarët e Serbisë dhe do të vazhdojë të punojë”, thotë deklarata për shtyp e presidentit i cili shton se, si rezultat, publiku mund të informohet vetëm për atë çfarë tha presidenti Nikoliq në takimin e lartpërmendur, transmeton lajmi.net.

Sa i përket deklaratës së Aleksandra Papadopulos, zyra për media e presidentit të Serbisë rekomandon që mediat t’i drejtohet EULEX-it në Kosovë.

Presidenti serb, Tomislav Nikoliq, tha se ka theksuar rëndësinë e Misionit të EULEX-it dhe kontributin e tyre në ruajtjen e sundimit të ligjit në Kosovë.

“Politika e mosnjohjes së shpalljes në mënyrë të njëanshme të pavarësinë e Kosovës ka ngadalësuar rrugën e integrimit evropian të Serbisë. Megjithatë, ne do të vazhdojmë dialogun me shqiptarët”, theksoi ai.

Sipas tij, është ngritur çështja e një gjykimi të drejtë dhe transferimin e atyre që janë dënuar padrejtësisht në burgje ku nuk ka garanci se serbët kanë një trajtim të civilizuar.

EULEX: No comment

Nga ana tjetër, mediat serbe thonë se misioni i EULEX-it nuk ka asnjë koment për deklaratën me presidentin e Serbisë. I pyetur se pse nuk ka pasur harmonizim të qëndrimeve për një deklaratë të bisedimeve, zëdhënësja e EULEX-it, Dragana Solomon i ka thënë  Tanjugut: “Ne nuk kemi asnjë koment.”

Reklamë
Reklamë