Theresa May: Ka marrë fund koha e ndërhyrjeve si në Afganistan, Irak, Libi apo Kosovë!

Kryeministrja e Britanisë së Madhe, Theresa May, ka folur sot në një konferencë për media, duke komentuar ndryshimet radikale të politikës amerikane pas ardhjes në Shtëpi të Bardhë, të Donald Trump.

Periskopi.com Lajme

Duke  folur për ndërhyrjet ushtarake që May i ka quajtur “ndërhyrje liberale” në vendet si Afganstani, Iraku, Libia dhe Kosova, May kërkoi nga Trumo që të bëjë më shumë për të mbrojtur Evropën Lindor nga ndikimi i Rusisë.

Theresa May u zotua se nuk do të ketë më invazione që ajo i ka quajtur të “dështuara” duke iu referuar Irakut që ka nxjerrë probleme të mëdha për Britaninë në këto 20 vitet e fundit.

Në fjalimin e saj të parë për SHBA-të si kryeministre, May ka thënë se vendimet për intervenime në zona të tjera të luftës duhet të jetë një vendim që nuk mund të merret në formën që ajo e quajti “liberale” duke përmendur edhe njëherë intervenimin në Kosovë, Irak, Afganistan e Libi.

“Është në interesin tonë që të qëndrojmë të fortë, së bashku, për të mbrojtur vlerat tona”, tha May.

Më pas ajo ka dhënë një deklaratë të fortë.

“Kjo nuk nënkupton kthim në politikat e dështuara të së kaluarës. Ditët kur Britania dhe Amerika kanë ndërhyrë në vendet sovrane në një përpjekje për të ribërë botën sipas idesë sonë kanë mbaruar”, ka thënë kryeministrja e Britanisë.

Por May ka thënë se Amerika dhe Britania duhet të qëndrojnë së bashku për të mbrojtur interesat përballë Rusisë.

“Kur është fjala për Rusinë, them se duhet të angazhohemi për raporte më të mira por duhet të rrezikojmë lirinë siç kanë bërë presidentët Reagan dhe Margaret Thatcher”, ka thënë May.

May do të jetë liderja e parë botërore që do të takohet me presidentin Donald Trump që prej inaugurimit të tij si president./Insajderi.com

Rëndohet gjendja në Shqipëri, ndërhyn ushtria

Vala e motit të keq me reshje të dendura shiu paralizuan lëvizjen në shumë rrugë e qytete të vendit, ndërsa ujrat rrezikuan edhe jetë njerëzish. Në Shkodër, Tiranë dhe Fushë-Krujë është dashur ndërhyrja e emergjencave civile dhe ushtrisë, e cila me mjete lundrmi ka zhvendosur njerëzit e rrezikuar.

Periskopi.com Lajme

Në Tiranë, në Urën e Brarit një mjet mbeti në lumë dhe drejtuesi është shpëtuar nga ushtria. Në Shkodër, Drini doli nga shtrati dhe jeta e disa familjeve në lagjen Ajasem ishte në rrezik.

Autostrada Tiranë-Durrës u bllokua mëngjesin e së martës nga ujërat që kaluan nivelin e 50 centimetra. Në disa zona ujërat shkuan në nivele të rrezikshme, veçanërisht te nënkalimet. Edhe këtu është dashur ndërhyrja e zjarrëfikësve për të nxjerrë mjetet që janë bllokuar nën ujë. Ndërkohë, në disa raste kanë qenë kalimtarët me mjetet e larta që evakuuan njerëzit e bllokuar.

Policia devijoi trafikun drejt Durrësit dhe anasjelltas në rrugën e vjetër, por edhe Durrësi është goditur keq nga përmbytjet dhe dëmet, kryesisht nëpër biznese janë të mëdha.

Situate e rënduar është edhe në Lezhë e Fushë-Krujë. Në Lezhë janë 30 ushtarakë në gatishmëri, ndërsa në Fushë-Krujë, ushtria ka nisur mjete lundruese për të shpëtuar tre familje të rrethuara nga ujërat e përrenjve të tejfryrë.

Një situatë e vështirë është dhe te Ura e Brarit në Tufinë, ku kanë mbërritur forcat e ushtrisë për evakuimin e një familjeje, e cila është në rrezik përmbytjeje.

Situata është pothuajse njësoj edhe në Dibër e Bulqizë. Për shkak të bllokimit të rrugëve dhe sasisë së madhe të reshjeve emergjencat civile janë në alarm në gjithë vendin. Ndërkohë, Ministria e Brendshme kërkoi mbylljen e procesit mësimor në gjithë vendin, kërkesë që është miratuar nga Ministria e Arsimit, që ka pezulluar procesin mësimor deri në një urdhër të dytë.

Gashi thotë se seanca për UÇK-në mund të konsiderohet ndërhyrje në drejtësi

Arben Gashi, deputet i LDK-së, ka thënë se seanca e nesërme për dënimet në procesin “Drenica 2” është gabim.

Periskopi.com Lajme

“Në parim mendoj se mbajtja e seancave është gabim. Janë tri elemente: 1. Dënimet 2. Drejtësia apo jo drejtësia dhe 3. Lufta e UÇK-së… Pajtohem me pikën e tretë, te i dyti nuk kam njohuri për këto çështje dhe nuk mund të paragjykoj, sikur edhe të i pari”, ka thënë Gashi, transmeton Koha.net.

Ai ka thënë se kjo do të konsiderohet nga ndërkombëtarët si ndërhyrje në drejtësi.

Ndërsa për efektin e kësaj seance, ai tha se do të jetë negative.

“Do të ketë zell për diskutim, por çka do të diskutohet. Efekti do të jetë negative për sistemin e drejtësisë në Kosovë dhe për interesin e personave të dënuar”, ka shtuar Gashi.