Çfarë plani ka Trump për BE-në dhe NATO-n?

Nënpresidenti i Shteteve të Bashkuara, Mike Pence, do të takojë sot liderët e Bashkimit Evropian dhe të NATO-s, për t'i siguruar ata për angazhimin e SHBA-së në Evropë.

Periskopi.com Lajme

 

Pence do të takojë shefen e politikës së jashtme të BE-së, Federica Mogherini, presidentin e Këshillit Evropian, Donald Tusk, presidentin e Komisionit Evropian, Jean-Claude Juncker, dhe sekretarin e përgjithshëm të NATO-s, Jens Stoltenberg.

Pence ka arritur në Bruksel të dielën, pasi ka ndjekur Konferencën për Sigurinë në Mynih.

“Shtetet e Bashkuara janë dhe do të jenë gjithmonë aleati juaj më i madh”, ka thënë Pence në këtë konferencë.

Presidenti i Shteteve të Bashkuara, Donald Trump, ka shqetësuar aleatët me kritikat e tij për NATO-n, me mbështetjen e largimit të Britanisë nga Bashkimi Evropian dhe me lëvdatat për presidentin rus, Vladimir Putin./Rel/.

Gjenerali rus: Albright e urdhëroi shkarkimin e zyrtarëve rusë që e planifikuan marrjen e Aeroportit të Prishtinës

Gjenerali rus, Leonid Ivashov, thotë se parashutistët rusë të cilët në qershor 1999 ishin në Aeroportin e Prishtinës, u detyruan të tërhiqen për fajin e Moskës dhe Beogradit.

Periskopi.com Lajme

Sipas tij, forcat speciale ruse nga regjimenti i parashutistëve, në vitin 1999 e kanë marrë një pikë strategjike në Aeroport – para syve të ushtarëve të NATO-s, transmeton Telegrafi.

“Duke e kontrolluar atë objekt, ne e kemi kontrolluar praktikisht situatën në tërë Kosovën. Asnjë aeroplan i NATO-s nuk ishte në gjendje të aterronte në territorin e Kosovës – pa lejen dhe pëlqimin tonë. Ky ishte padyshim një sukses ushtarak”, ka thënë ai.

Gjenerali rus shprehet se qëndrimin e tyre e bëri të vështirë Beogradi dhe fakti se Rusia atëherë ka qenë në marrëdhënie të mira me Perëndimin.

“Sekretarja amerikane e Shtetit, Madeleine Albright, presidentit të atëhershëm rus, Boris Jelcin, ia hstroi kërkesën që të shkarkohen të gjithë gjeneralët që e konceptuan sulmin në Aeroport. U shkarkuan ministri i Mbrojtjes, Igor Sergejev, unë dhe disa kolegë. Amerikanët kanë vazhduar të bëjnë presion ndaj Rusisë, e në këtë ka ndikuar edhe Beogradi që nuk shfaqte dëshirë të qartë për praninë e Ushtrisë ruse në Kosovë. Prandaj, ndjehem keq”, thotë ai. /Telegrafi

Mustafa: Lista Serbe po dirigjohet nga Serbia, e kemi mbështetjen e NATO-s për FSK-n

Kryeministri i Kosovës, Isa Mustafa, ka deklaruar se Lista Serbe po dirigjohet drejtpërdrejt nga Qeveria e Serbisë.

Periskopi.com Lajme

Ai ka folur për shndërrimin e FSK-së në Ushtri për të cilën tha se për një ardhme të afërt kjo çështje do të përfundoj.

Mustafa i ftuar në televizionin 21 ka thënë po ashtu se Qeveria e Kosovës e ka mbështetjen e ndërkombëtarëve për procesin e Ushtrisë.

Mustafa ndër të tjera theksoi se vullneti i deputetëve është i mjaftueshëm që të formohet Ushtria e Kosovës.

Ai në anën tjetër ka vlerësuar do të vazhdohen ende bisedimet me Serbinë ku sipas tij është në interes të vendit.

Thaçi priti sekretarin Stoltenberg: Kosova e gatshme t’i avancojë marrëdhëniet me NATO-n

Presidenti i Republikës së Kosovës, Hashim Thaçi, sot e ka pritur Sekretarin e Përgjithshëm të NATO-s, Jens Stoltenberg, me të cilin ka biseduar për avancimin e marrëdhënieve ndërmjet institucioneve të Kosovës dhe NATO-s.

Periskopi.com Lajme

Në takim me sekretarin Stoltenberg, presidenti Thaçi ka vlerësuar lart punën e KFOR-it në Kosovë, duke thënë se me përkushtimin e tyre kanë arritur që të jenë institucioni më i besueshëm për qytetarët tanë.

“Kosova e vlerëson shumë rolin tuaj dhe gatishmërinë e shprehur për të krijuar një bazë për rritjen e bashkëpunimit tonë. Shteti ynë mbetet i përkushtuar për avancimin e marrëdhënieve me NATO-n, si në rrafshin politik, ashtu edhe praktik”, u shpreh presidenti Thaçi.

“Aspirata e vetme e Kosovës mbetet anëtarësimi në BE dhe NATO”, shtoi ai.

Presidenti Thaçi dhe sekretari Stoltenberg kanë biseduar edhe për angazhimin e autoriteteve kosovare në luftën kundër terrorizmit dhe ekstremizmit fetar, për Forcën e Sigurisë së Kosovës, por edhe për dialogun me Serbinë dhe raportet fqinjësore me shtetet e Ballkanit Perëndimor.

Kryetari i Mitrovicës veriore hyri në Qeverinë e Kosovës, edhe sekretari i NATO’s është aty (Foto)

Kryetari i Mitrovicës veriore Goran Rakiq është parë duke hyrë në ndërtesën e Qeverisë së Kosovës.

Periskopi.com Uncategorized

Nuk dihet me kë mund të takohet në Qeveri, por merret vesha se kryesore gjatë këtij takimi do të jetë çështja e murit në Mitrovicë i ndërtuar leje në bregun verior të lumit Ibër, përballë urës kryesore.

 

Më herët Rakiq kishte thënë për KTV se udhëheqësit e partive politike të serbëve të veriut po bisedojnë me përfaqësues të BE-së rreth murit.

Kryeministri Vuçiq dje në një kazermë ushtarake mblodhi liderët serbë të Kosovës dhe u dha instruksione si të sillen në vendin tonë. Ai pas takimit tha se Rakiq do ta rrënojë urën për shkak të paqes.

Serbët e Kosovës ka kohë kanë që kanë filluar bojkotimin e institucioneve qendrore të vendit.

Ndryshe, në kohën kur ai po hynte në Qeveri njëjtë ishte edhe me sekretarin i Përgjithshëm te NATO-s, Jens Stoltenberg i cili po qëndron sot në Prishtinë.

Pas disa takimeve që ka pasur, ai aktualisht është Qeverinë e Kosovës, dhe rreth orës 14:00, pritet të dalin ën konferencë së bashkë me kryeministrin Isa Mustafa./ Periskopi

20170203131357291 20170203131402267646

Sekretari i Përgjithshëm i NATO-s, Stoltenberg takon liderët e Kosovës

Sekretari i Përgjithshëm te NATO-s, Jens Stoltenberg po qëndron sot në Prishtinë, me ç’rast po zhvillon takime të ndara, fillimisht me Komandantin e KFOR-it, Gjeneral Majorin, Giovanni Fungo dhe më pas edhe me udhëheqësit më të lartë të Kosovës, presidentin Hashim Thaçi dhe kryeministrin Isa Mustafa.

Periskopi.com Lajme

Në ora 11:30, Stoltenberg ka në agjendë një dreke pune me presidentin Thaçi. Kurse më pas do të pritet nga kryeministri Isa Mustafa.

Rreth orës 14:00 kryeministri Mustafa dhe sekretari Stoltenberg do të mbajnë konferencë të përbashkët për media.

Kjo vizitë e Sekretarit të Përgjithshëm të NATO-s ka zgjuar interesim të veçantë për shkak të zhvillimeve globale politike, tendencave të Rusisë për shtrirjen e ndikimit në Ballkan dhe rolit të NATO-s në këtë pjesë të Evropës.

Sekretari i Përgjithshëm i NATO javën e ardhshme viziton Kosovën

Jens Stoltenberg, Sekretar i Përgjithshëm i NATO-s, pritet të vizitojë Kosovën më 3 shkurt.

Periskopi.com Lajme

Do të ketë takime me Presidentin dhe Kryeministrin dhe si do të vizitojë trupat e KFOR’it.

Kjo vizitë e Stoltenberg vjen pas tensioneve të fundit ndërmjet Kosovës dhe Serbisë./ Syri

Në Kosovë mohohet se bombardimet e NATO-s kanë lënë prapa radioaktivitet

Pothuajse që nga vitet e para pas luftës së viteve 1997-1999 në Kosovë, kanë qarkulluar thashetheme se bombardimet e forcave ajrore të NATO-s mbi forcat ushtarake jugosllave në Kosovë, kanë ngritur nivelin e radioaktivitetit në tokën dhe ajrin e Kosovës.

Periskopi.com Lajme

Këtë bindje e ka përforcuar natyrshëm i ashtuquajturi “sindromi italian”: historia e disa ushtarëve italianë të KFOR-it, të cilët ishin sëmurë gjatë shërbimit të tyre në Kosovë dhe të cilët pastaj qenë diagnostifikuar me kancer në Itali, ku shumica prej të cilëve kishin vdekur.

Por pulmologu Skender Baca, në një intervistë të dhënë për emisionin COSMO të KTV-së, ka mohuar mundësinë e lidhjes së bombardimeve të NATO-s me rastet e kancerit te ushtarët italianë.

Sipas Bacës, një studim i kryetarit të Shoqatës së Onkologëve të Italisë, e ka hedhur poshtë këtë hipotezë.

Ja sa kushtuan bombardimet e NATO-s ndaj Serbisë

Periskopi.com Video

Pas kritikave të Trumpit për NATO’n, Evropa po mendon ta krijojë ushtrinë e vet

Udhëheqësit evropianë, u alarmuan nga komentet e kohëve të fundit të Presidentit Donald Trump se NATO-s “i ka ikur koha”.

Periskopi.com Lajme

Që kur u krijua, në fund të Luftës së Dytë Botërore, kjo organizatë ka qenë në themel të sigurisë së Evropës, por disa udhëheqës të BE-së thonë se Evropa tani duhet të marrë përgjegjësinë për mbrojtjen e vet.

Por, pa mbështetjen amerikane, kontinenti do të përballej me një defiçit të jashtëzakonshëm në aftësi ushtarake.

Trupat gjermane po bëjnë përgatitjet e fundit të dislokimit në Lituani, në kuadër të përforcimit me 4000 mijë trupa të NATO-s, në shtetet balltike dhe Poloni.

Lëvizja ka si synim, që t’u krijojë siguri vendeve në kufi të aleancës. Por komentet e fundit të Presidentit amerikan, Donald Trump në një intervistë se NATO-s i “ka ikur koha”, i kanë tronditur aleatët evropianë.

“Përveç krizave që patëm vitin e kaluar, në Ukrainë, Siri, Detin e Kinës së Jugut, Korenë e Veriut etj, tani duket se paniku është gati të përfshijë edhe hapësirën transatlantike. Shtrohen pyetje nëse NATO-s i ka ikur koha apo jo? Bashkimi Evropian, a është diçka tyre?”

Përgjigjia e kancelares gjermane, Angela Merkel ishte se Evropa e ka tani fatin në duart e veta. Por BE-së do t’i duhet të bëjë një ndryshim dramatik në politikën e Bashkimit Evropian për të kompensuar çdo thyerje në aleancën me Shtetet e Bashkuara.

“Megjithëse ka pasur mjaft diskutime për një bashkëpunim më të ngushtë brenda Bashkimit Evropian, asgjë nuk mund ta zëvendësojë fuqinë ushtarake amerikane. Deri në 75 për qind e të gjitha aseteve në NATO u takojnë Shteteve të Bashkuara”.

Aktualisht Gjermania, së bashku me disa aleatë të tjerë evropianë në NATO, shpenzon shumë më pak se sa 2 për qind të Prodhimit të Brendshëm Bruto, që kishin premtuar në vitin 2014, si fond për NATO-n.

“Gjermania ka premtuar se do t’i rrisë shpenzimet për mbrojtjen, por jemi ende larg dhe veçanërisht në një vit zgjedhjesh për Gjermaninë, shanset janë shumë të pakta për një rritje masive në shpenzimet e mbrojtjes”.

Anëtarë me peshë të NATO-s, si Franca, Gjermania, Spanja dhe Italia, duan një bashkëpunim më të ngushtë ushtarak dhe zbulimi brenda Bashkimit Evropian, një lëvizje që është mbështetur nga zyrtarët në Bruksel.

“Para së gjitash do të thotë që evropianët po e marrin seriozisht sigurinë e tyre. Kemi filluar ta bëjmë këtë shumë para referendumit në Britani, shumë përpara zgjedhjeve amerikane, sepse siguria është një përparësi për evropianët”.

Britania ka bllokuar përpjekjet për krijimin e një aleance ushtarake të Bashkimit Evropian, pasi druhej se mund të minonte NATO-n.

Por tani që Britania nuk do të jetë më pjesë e BE-së, thirrjet për një forcë ushtarake të Bashkimit Evropian mund të intensifikohen. /VoA

NATO i përgjigjet Vuçiqit për ROSU në veri të Kosovës!

Periskopi.com Video

Kosova as gati të anëtarësohet në NATO

Ndonëse Aleanca Veriatlantike ka hapur disa dyer për Kosovën, edhe në një plan afatgjatë, anëtarësimi i Kosovës në këtë organizatë, do të mbetet larg.

Periskopi.com Lajme

Kështu ka deklaruar Plator Avdiu nga Qendra Kosovare për Studime të Sigurisë, i cili për emisionin Ora e Fundit ka thënë se anëtërësimin e Kosovës në NATO e bllokojnë shtetet që nuk e kanë njohur Kosovën.

“Fatkeqësisht sumica nga kërkesat e Qeverisë së Kosovës nuk janë marrëparasysh dhe arsyet dihen. Janë katër vende brenda NATO-s që e bllokojnë cdo marrëdhënie të mundshme të saj me Kosovën. Letra e Sekretarit të NATO-s i ka haur minimalisht disa dyer për Kosovën, duke i dhënë qasje minimalisht në disa programe”.

Megjithatë, Avdiu thotë se një letër e ardhur në adresë të qeverisë së Kosovës nga sekretari gjeneral i NATO-s, Jens Stoltenberg, je një dritë në fund të tunelit për Kosovën, por progresi i vogël, nuk ia garanton Kosovës anëtarësimin në NATO.

Presidenti Thaçi merr përkrahje nga Senati amerikan për Forcat e Armatosura

Presidenti i Republikës së Kosovës, Hashim Thaçi, i cili po qëndron në Shtetet e Bashkuara të Amerikës për një vizitë zyrtare, mbrëmë është takuar edhe me Kryesuesin e Komitetit për Marrëdhënie me Jashtë të Senatit amerikan, senatorin Bob Corker.

Periskopi.com Lajme

Presidenti Thaçi dhe senatori Corker kanë biseduar për thellimin e marrëdhënieve dypalëshe.

“Diskutuam për nevojën për rol udhëheqës të SHBA-së në Kosovë dhe në rajon, sepse vonesat e Bashkimit Evropian po krijojnë vakum të cilin po e shfrytëzojnë aktorë të tjerë”, është shprehur presidenti Thaçi.

Nga ana tjetër, Kryesuesi i Komitetit për Marrëdhënie me Jashtë në Senatin amerikan, senatori Bob Corker, ka rikonfirmuar përkrahjen e SHBA-së për themelimin e Forcave të Armatosura të Kosovës, për anëtarësimin e Kosovës në Partneritetin për Paqe të NATO-s dhe ka shtuar se Kosova po luan një rol të rëndësishëm në luftën kundër terrorizmit.

foto4-1 foto1-1 foto3-1 foto2-1

Vuçiq: Aeroplanët nga Rusia i kemi blerë që mos të përsëritet më viti 1999

Kryeministri serb Aleksandër Vuçiq ka thënë se Serbia nuk do të heq dorë nga neutraliteti ushtarak dhe se fuqia e Serbisë nuk e ka ndryshuar politikën e saj.

Periskopi.com Lajme

“Unë nuk jam një nga ata që kur shkojnë në Moskë, thonë një gjë, por kur shkojnë në Uashington thonë një gjë tjetër. Në Moskë thonë se ne jemi në rrugën evropiane, në Uashington thonë se ne nuk do të vendosim sanksione në Federatën Ruse. Kjo është politika jonë”, ka thënë Vuçiq.

Vuçiq ka thënë se Serbia ka marrë MiG- 29 nga Rusia dhe i ka marrë “plotësisht lirë” dhe tani vetëm duhet paguar raketat (ajër – ajër dhe ajër tokë), transmeton lajmi.net.

Përveç kësaj, Vuçiq ka thënë se Serbia do të ketë “dhjetë avionë më të fuqishëm se MiG gjatë 14 viteve të ardhshme që do të jenë absolut të parat në rajon.”

Ai ka thënë se Serbia ka blerë MiG për të mbrojtur “qytetet, fshatrat dhe urat”, por nuk e ka ndërmend të fillojë ndonjë luftë sulmuese apo ndonjë konflikt.

“Ne e bëjmë këtë për të mbrojtur fëmijët tanë dhe për t’i garantuar atyre një të ardhme. Shumë koka serbe kanë humbur”, ka thënë kryeministri i Serbisë.

Ai shtoi se i kërkoi disa herë presidenti rus, Vladimir Putinit, MiG- 29, për shkak që të “kujdesemi për të ardhmen e Serbisë”.

“Njerëzit tani nuk do të kenë fatin e atyre që përjetuan vitin 1995 dhe 1999, nuk do të vuajnë më”, ka thënë ai, duke shtuar se Serbia ka mësuar nga gabimet e saj, por tani e pret një e ardhme më ndryshe dhe shumë më e mirë.

 

NATO e gatshme të intervenojë në Ballkan

Një dokument konfidencial i NATO-s për sigurinë në Ballkan në të cilin kishte qasje të veçantë e përditshmja kroate, "Vecernji list", është miratuar në një takim të ministrave të jashtëm gjatë këtij muaji.

Periskopi.com Lajme

NATO është e gatshme për të ndërhyrë në Ballkan kur është e nevojshme për të parandaluar konfliktet ndër-etnike dhe për të promovuar sigurinë dhe stabilitetin, sipas një dokumenti sekret të NATO-s për situatën në Ballkanin Perëndimor, shkruan gazeta kroate.

Në dokumentin e miratuar janë përshkruar në detaje dy lloje të kërcënimeve me të cilat përballen vendet në fqinjësinë juglindore kroate: Sjellja destabilizuese e Rusisë dhe ekstremizmi dhe radikalizmi në rritje si pasojë e kthimit të luftëtarëve të huaj nga Siria dhe Iraku, transmeton zeri.info

Nuk thuhet saktësisht  se çfarë do të thotë se aleanca është e gatshme për të ndërhyrë në mënyrë operacionale, por burime jo zyrtare thonë se ka të bëjë me promovimin e sigurisë dhe stabilitetit dhe se nuk duhet parë si një kërcënim, por si një mesazh i parandalimit të kërcënimeve të mundshme.

Në dokument theksohet numri i “rreth 260 luftëtarëve të huaj”, të cilët nga Bosnja dhe Hercegovina shkuan për të luftuar në anën e organizatës terroriste ISIS dhe al-Kaedës në Irak dhe Siri.

Arsyeja e dytë që përbën shqetësim për vendet anëtare të NATO-s është situata në Ballkanin Perëndimor, ku dokumenti konfidencial thekson qasjen e Rusisë kryesisht drejtuar popullatës serbe në rajon. Në mesin e serbëve mesazhet ruse kanë ndikimin shumë të madh, thuhet në dokument. /Zeri

NATO ka disa pika shtesë që të fuqizojë bashkëpunimin me Kosovën

Kryeministri Isa Mustafa ka njoftuar se ka pranuar përgjigje nga sekretari i NATO’s, Jens Stoltenberg, që sipas shefit të ekzekutivit, konfirmohet rritja e bashkëpunimit mes Kosovës dhe aleancës veri-atlantike.

Periskopi.com Lajme

Kryeministri Mustafa, tha se më konkretisht NATO është pajtuar për fuqizimin e bashkëpunimit me Kosovën brenda mandatit respektiv të KFOR-it dhe të Ekipit Këshillues Ndërlidhës të NATO-s, që si bashkëpunim pritet të avancohet nga fillimi i vitit të ardhshëm.

Ai ka treguar edhe pikat shtesë që sekretari i NATO’s i ka ofruar Kosovës për të fuqizuar bashkëpunimin.

Këto pika përfshijnë:

– Rritjen e vizitave të Këshillit të Atlantikut Verior dhe takimet me Ekipin Këshillues Ndërlidhës të NATO-s si dhe autoritetet relevante të Kosovës, përmes të cilave do të zgjerohet dialogu politik.

– Pastaj dialogu për aktivitetet e bashkëpunimit praktik me NATO-n.

– Aktivitete shtesë të përshtatura për nevojat specifike të Kosovës, të cilat mund të përfshijnë mbrojtjen e rrjeteve informatike, edukim, trajnime dhe logjistikë.

– Zgjerim të aktiviteteve në kuadër të Programit “Ndërtimi i Integritetit” me qëllim të rritjes së kapaciteteve institucionale.

– Pjesëmarrje në disa prej aktiviteteve të Programit të NATO-s “Shkenca për Paqe dhe Siguri”, që ka të bëjë me mekanizmat që ofrojnë mundësitë për shkencëtarët dhe ekspertët e NATO-s dhe vendeve partnere të bashkëpunojnë në relacionet e shkencave civile, teknologjisë dhe të inovacionit.

– Konsiderimi i mënyrave që Forca e Sigurisë së Kosovës, në suaza të mandatit të saj, të marrë pjesë si vëzhguese në ushtrimet e Qendrës Koordinuese Euro-Atlantike për Reagim në Fatkeqësi (EADRCC).

– Eksplorimi i mënyrave që FSK-ja, në koordinim me Ekipin Këshillues Ndërlidhës, të marrë pjesë edhe në ushtrimet e KFOR-it, në përputhje me mandatin e saj.

– Ndërkaq, Divizioni për Diplomaci Publike i NATO-s do të konsideroj rrugët e për bashkëpunim dhe përkrahje të institucioneve relevante të Kosovës, OJQ-ve, Universiteteve, dhe akterëve tjerë të shoqërisë civile që merren me çështje të paqes dhe sigurisë, me komunikim dhe diplomaci publike.

Stoltenberg: Keqardhje për viktimat, por NATO bombardoi Serbinë për t’i mbrojtur civilët

Pas bisedave në selinë e NATO, Jens Stoltenberg, sekretar i Përgjithshëm i NATO-s ka shfaqur keqardhje “për viktimat civile gjatë bombardimeve të NATO –s në vitin 1999 (Serbi), por këtë NATO ka bërë për të mbrojtur viktimat civile (në Kosovë)

Periskopi.com Lajme

Pas bisedave në selinë e NATO, Jens Stoltenberg, sekretar i Përgjithshëm i NATO-s ka shfaqur keqardhje “për viktimat civile gjatë bombardimeve të NATO –s në vitin 1999 (Serbi), por këtë NATO ka bërë për të mbrojtur viktimat civile (në Kosovë)”, transmeton Koah.net.

“Mund ta kujtojmë të kaluarën, por duhet të mendojmë në të ardhmen”, citon “novosti” të ketë thënë Stoltenberg.

Anija shqiptare “Oriku” pjesë e operacionit të NATO-s në Egje

Është nisur sot nga Porti i Durrësit anija “Oriku” në operacionin e NATO-s “Sea Guardian” në Detin Egje, që ka si qëllim pengimin e trafikantëve të qenieve njerëzore dhe menaxhimin e fluksit migrator.

Periskopi.com Lajme

Në një njoftim zyrtar nga Ministria e Mbrojtjes e Shqipërisë thuhet se në ceremoninë e organizuar me këtë rast ishin të pranishëm ministrja e Mbrojtjes, Mimi Kodheli, zëvendësshefi i Shtabit të Përgjithshëm të Ushtrisë Shqiptare, gjeneral brigade Dedë Prenga, ushtarakë dhe familjarë të efektivëve pjesëmarrës në mision.

Ministrja Kodheli në fjalën e saj përshëndetëse ndër të tjera tha se “Pasiguria në rritje në Mesdheun lindor e jugor ka sjellë nevojën e një reagimi të përbashkët nga të gjitha vendet e Aleancës sonë. Ngjarjet që ndodhin në Siri, Irak dhe jo vetëm demonstrojnë rëndësinë që ka NATO për të qenë e mirëpërgatitur dhe e kudogjendur për t’iu përgjigjur çdo krize të mundshme. Misioni ushtarak detar në Detin Egje, midis dy vendeve tona aleate, Greqisë dhe Turqisë, është dëshmia më e mirë e unitetit dhe gatishmërisë që të gjithë vendet e NATO-s kanë”.

Kodheli u shpreh më tej se prania e Shqipërisë Detin Egje, në radhë të parë i takon solidaritetit që vendi tregon ndaj fqinjëve dhe aleatëve, raporton Anadolu Agency (AA).

Sipas të dhënave të Ministrisë së Mbrojtjes mësohet se ekuipazhi i anijes “Oriku” përbëhet nga 21 ushtarakë të Forcave të Armatosura të Shqipërisë. Kjo anije do i bashkohet Greqisë dhe Turqisë, të cilët nën komandën e holandezëve do të vijojnë kryerjen e operacioneve të NATO-s.

NATO i shpall ‘luftë’ Rusisë, Putin kundërpërgjigjet ashpër (Foto)

Në një kohë kur 11 vende të NATO-s, kanë dërguar 4 mijë trupa në Lituani, për të marrë pjesë në ushtrimet e “Iron Sword’, ka lëvizje edhe nga “kampi kundërshtar”.

Periskopi.com Lajme

Stërvitja e vendeve të NATO-os po bëhet pranë kufirit me Rusinë, ku trupat kanë filluar ushtrimin më të madh ushtarak të kryer ndonjë herë në Lituani, transmeton mapo.

Vladimir Putin nuk ka vonuar t’i përgjigjet këtij presioni. Sipas urdhrave të tij në Kaliningrad në Veri të Polonisë do të vendosen sistemet e mbrojtjes S-400 dhe raketat e fuqishme Iskander-M.

“Rusia e sheh vendosjen e raketave në afërsi të kufirit perëndimor edhe si një përgjigje ndaj Washingtonit” , shkruan CNBC.

 

m6_1479757734-4180470

An undated file picture shows Russian missile complex "Iskander" on display during a military equipment exhibition in the Siberian town of Nizhny Tagil. Russia has suspended plans to install Iskander missiles in Kaliningrad due to a change in attitude from the new Obama administration in the United States, Interfax quoted a military official as saying on January 28, 2009. AFP PHOTO / EVGENY STETSKO / VEDOMOSTI (Photo credit should read EVGENY STETSKO/AFP/Getty Images)

m2_1479757758-4902969

Ministri Demolli kërkon mbështetje për transformimin e FSK-së në ushtri

Ministri për Forcën e Sigurisë së Kosovës, Haki Demolli, ka kërkuar mbështetje nga ministri i Mbrojtjes së Kanadasë, Harjit Sajjan, në takimin e Ministrave të Mbrojtjes së NATO-s, i cili do të mbahet në dhjetor të këtij viti, ku pritet të vendoset për etapën e re të marrëdhënieve mes Kosovës dhe NATO-s.

Periskopi.com Lajme

Demolli po qëndron në vizitë zyrtare në Kanada në Forumin e Halifaxit, një prej konferencave kryesore në Botë për siguri, sidomos në Amerikën e Veriut.

Me këtë rast ministri Demolli ndau me të pranishmit disa prej të gjeturave lidhur me misionet paqeruajtëse në Kosovë, ndërsa bëri thirrje që të mbështetet FSK-ja në rrugëtimin e saj drejt transformimit në Forcë të Armatosur si dhe gatishmërinë e Republikës së Kosovës për të qenë në krah të aleatëve perëndimor në misionet paqeruajtëse në të ardhmen.