Kandiq: Heronjtë e shqiptarëve nuk kanë kryer krime

Aktivistja për të drejtat e njeriut në Serbi, Natasha Kandiq, shpreson se Gjykata Speciale do të ketë sukses dhe, siç thotë ajo, do ta përvetësojë publikun në Kosovë se heronjtë e popullit shqiptar nuk janë ata që janë përfshirë në krime kundër pjesëtarëve të minoriteteve dhe bashkëpunëtorëve të pretenduar të regjimit.

Periskopi.com Lajme

Këto komente Kandiq i ka bërë gjatë një interviste për gazetën “Zëri”, ku ka kërkuar që puna e Speciales të shoqërohet me intensifikimin e gjykimeve në Serbi për krimet në Kosovë.

“Përndryshe, shumë njerëz në Kosovë dhe jashtë vendit, do të pyesin ku është drejtësia për më shumë se 8.000 viktimat civile shqiptare. Gjeneralët serbë janë dënuar për pjesëmarrje në një ndërmarrje të përbashkët kriminale, por në Serbi nuk ka gjykime konkrete ndaj oficerëve të policisë/ushtrisë në Mejë, Gjakovë, Korenicë, Bellacërkë, Krushë, Poklek dhe një numër të vendeve të tjera ku kanë kryer krime masive”, shprehet Kandiq. (r.m.)

Kandiq: Prokuroria në Beograd, nën Presionin Politik

Themeluesja e Fondit për të Drejtën Humanitare me seli në Beograd, Natasha Kandiq, e cila tha se prokuroria në Beograd është nën presionin politik, ndërsa theksoi se nuk ka prokuror i cili merret me rastet e krimeve të luftës.

Periskopi.com Lajme

“Tani për momentin nuk ka prokuror për krime të luftës, prokuroria tani është nën presionin e hatashëm të politikës”, tha Kandiq tha ajo në një intervistë në “Jeta në Kosovë”.

E pyetur se çfarë po ndodhë me prokurorinë e vjetër e cila merrej me rastet e krimeve të luftës, Kandiq tha se mandati i kësaj prokurorie ka skaduar.

Ajo shtoi edhe se prokuroria po ndodhet nën presionin e grupeve të ndryshme të cilët po ndikojnë direkt në të e kjo, sipas Kandiq, tregon se koha e vjetër e prokurorisë është duke u kthyer.

“Atij i  ka kaluar mandati dhe tash qeveria duhet t’i propozojë Kuvendit prokurorin e ri për krime të luftës dhe kjo nuk po ndodh më shumë se një vit. Ajo që është më rëndësi të cilën vlen ta theksojmë këtu, është se prokuroria ndodhet nën presionin e hatashëm nga grupe apo trupa të ndryshëm të cilët direkt po ndikojnë, me të vërtetë po tregojnë se po kthehet koha e vjetër”, tha Kandiq.